班蘭葉印尼餐廳

营业中

休息中

平時係銅鑼灣行街，都係行大街多，好少會經過呢邊。今日行過呢度，門口細細，以為只係賣印尼小食，但只要細心留意，就會發現佢原來係間特色餐廳，本著行過路過唔好錯過，一於試下先。餐廳面積唔係特別大，裝飾有特色。侍應好細心，會為我地介紹有乜嘢地道特色食物。我地最後揀左兩個主菜同飲品。印尼四大天王飯，有四款印尼特色菜同飯一齊食，一次過滿足貪吃嘅我。最欣賞係魚乾仔花生，好脆口，伴飯食特別有口感。班蘭雞雞髀好滑，雞味又重。巴東牛肉份量唔少，肉質軟稔，如果多啲汁會更好。印尼花膠湯班蘭雞粉皮，真材實料，好大塊花膠呀，感覺食左膠質即刻提升。粉皮好滑，入口即刻sir入喉嚨，仲要吸左花膠湯精華，特別好食。雞嘅份量大大份，雞肉厚實但唔嚡口，雞皮唔會有太多脂肪，連皮食都唔會覺得油膩。飲品揀左柑桔青瓜冰同雜錦冰。柑桔青瓜冰好足料，好fresh, 好啱夏天飲。雜錦冰色彩繽紛，綠豆，涼粉，唔同顏色嘅粉條都有，仲有牛油果肉係表面，椰汁香甜，同糖漿比例啱啱好，貪心嘅我咩都試到覺得好滿足呀。特別一讚，老闆除左會介紹美食外，仲會問下食客對食物嘅意見，傾下計，呢啲就小店嘅人情味。

🌟斑斕葉印尼美食（銅鑼灣）🌟今日先知銅鑼灣糖街有一條印尼美食街， 成條街都係印尼美容，餐廳，雜貨店等等… 其中有一間餐廳評選為OPENRICE 十大受歡迎餐廳，pandan leaf Indonesian food。睇上去唔算大算，但係內有乾坤。入面既裝修極具印尼風味。 餐單選擇繁多， 但由於印尼係回教國家，肉類嘅選擇就多數係魚牛雞。 飲品方面椰汁冰就必試。 🌟峇里火焰燒雞（$198）🌟全隻既風味燒雞，價錢超值。 啖啖嫩滑香烤既雞肉，而且好多肉汁，加上秘製香茅甜醬，非常之惹味。但兩個人食真係眼闊肚窄，完全食唔晒。建議4人分享差不多，包你食過返尋味。🌟總統古法燒飯($148)🌟 呢個係另一特色菜式，傳統既印尼飯包裹在芭蕉葉裡面，味道更香濃。仲有炸雞鎚大大支同炸豆腐，仲有一舊炸黃豆， 有少少似椰漿飯，配上超惹味辣到口水鼻涕一齊流既辣魚仔乾，真心好食。但嫌飯裡既魷魚仔有啲咸。 🌟馬拉盞秋葵（$68）🌟嫩幼既秋葵炒得好香蝦膏味，而且超爽口。加埋鮮甜蕃茄，更惹味。🌟青檸梳打（$28）🌟大大杯既青檸梳打，飲到蜜糖同青檸既味道，解辣之選。 🌟黑糯米特飲（ $28 ）🌟另一必叫之選，呢度所有椰汁底既飲

由細到大食得最多嘅印尼菜就係印尼撈面😂 真係冇試過其他印尼風味嘅菜式🙈今次搵到嘅隱世小店就係位於銅鑼灣嘅班蘭葉印尼餐廳🌱 雖然係銅鑼灣糖街嘅鬧市🏘 但以前都冇留意到佢嘅存在🧐 事關佢嘅門面唔係好大🤫 好多次行過都以為佢只係一間印尼雜貨鋪😬 而家先知道原來佢仲係一間餐廳😂食物方面當然都充滿印尼風味😜 價錢仲好抵添🤑 想轉下口味試新野嘅朋友都可以去幫襯下呀👍🏻👉🏻 印尼四大天王飯🍱💰HKD7️⃣8️⃣第一次正式食印尼菜緊係想試多幾款啦😝 呢個飯有齊班蘭雞🐤 巴東牛肉🐮 炸魚仔🐟 同印尼沙律🥗 份量十足❗️👉🏻 印尼花膠湯斑蘭雞配粉皮🍜💰HKD7️⃣8️⃣原來除左香港人之外 印尼人都鐘意食花膠🤣價錢仲相當吸引😝 粉皮有啲似卷埋左嘅陳村粉 而且都幾有咬口 卷狀嘅粉皮仲可以鎖住啲花膠湯👅👉🏻 烤柚子雞翼🍗💰HKD5️⃣8️⃣雞翼有5️⃣隻😋 熱辣辣嘅烤雞翼配上柚子汁更惹味👍🏻👉🏻 班蘭葉上海刨冰🍧💰HKD5️⃣8️⃣呢個超級大杯冰既味道有少少似珍寶珠既草莓牛奶味🍓仲有龍眼肉都幾特別🤪👉🏻 青檸梳打🍋💰HKD2️⃣8️⃣加一服務費❌

銅鑼灣糖街一帶食肆有很多，特別是東南亞菜有挺多選擇😚，這次就選擇一家以印尼菜為主的。店舖大部食物以班蘭做菜，令到食物有天然的綠色，加添一份香甜味。環境雖然不大，0但裝修特別。-▪︎班蘭箭葉橙蜜 HKD$28 | 咖啡沙冰 HKD$48兩杯飲品各具特別，味道挺香口的。班蘭箭葉橙蜜味道香甜，是杯挺潤喉的飲品😚。咖啡沙冰賣相吸引，咖啡味道香濃，夏天飲挺透心涼的。-▪︎炸豆腐 HKD$38小食一份有四件，金黃色的賣相很吸引🤩。炸豆腐口感酥脆，做到外脆內軟的口感。過了一陣子再吃，炸豆腐口感仍是脆的。-▪︎班蘭雞尖塔飯 HKD$68這個是店家推介食物，尖塔飯用班蘭制成，所以味道香甜 飯質口感煙韌。雞肉大大件肉質嫰滑🤤，雞皮爽脆不油膩。裡面有兩款醬汁配雞吃，還有胡椒湯拌著飲。-▪︎正宗印尼咖喱雞飯 HKD$58吃印尼菜當然不少得咖喱，印尼咖喱多了一份微酸的味道，跟平時吃的略有不同的。咖喱味道也很濃郁，雞肉吸入醬汁挺入味的。這個飯底是油飯，感覺香口粒粒分明。-

·初嚐香港正宗嘅印尼菜 出乎意料地啱口味｜д•´)!!比我想象中多香港本地食客嚟~~《⭐️四大天王飯》💰78啱曬選擇困難症(咩都想試啲啲)又貪心(想要多幾款餸)嘅人😌四王每款都係跟一隻唔同嘅🇮🇩醬汁有《🍊柑桔青瓜冰🥒》💰28清新得嚟又有啲酸酸maymay 好解膩、消暑一流🤩《☕️咖啡涼粉冰🍸》💰38帶少少甘香☕仲有大量嘅涼粉條 口感好豐富😋⚠️最緊要兩杯都唔會覺得超甜ଘ(੭ˊ꒳​ˋ)੭✧ 值得一試 ✌︎📍 班蘭葉印尼餐廳(銅鑼灣)糖街1-5號銅鑼灣商業大廈地下B2舖

班蘭葉印尼美食 (銅鑼灣)銅鑼灣糖街1-5號銅鑼灣商業大廈地下B2舖===================今日係開心星期五, 放工行左陣SOGO, 就去附近搵下野食! 發現糖街個邊都幾多印尼店, 其中呢間班蘭葉印尼美食都好多人光顧! 我地晚上19:00黎到岩岩好坐到最尾個張枱, 可想而知佢幾受歡迎 🤣🤣佢ge 餐牌真係勁多選擇, 有飯, 有麵,有小食, 有串燒等等! 仲有勁多特式野飲!!班蘭雞花膠湯粉皮 $78呢個真係又好味, 又養生!! 雞湯湯底加好多瑤柱碎, 仲有大大舊花膠,蟲草花,杞子等,絕對係真材實料!! 雞湯味好濃, 無加味精! D 粉皮吸收晒D 湯ge 精華, 勁好食! 至於雞肉大大舊, 唔算多骨, 又好滑! 推薦!!巴東牛肉班蘭尖塔飯 $88正常發揮，重點係佢個班蘭尖塔飯又打卡樣，又好食！！佢ge 班蘭味岩岩好，跟埋牛肉食口感豐富！牛肉沙嗲 $56個沙嗲醬又多又好食！！d 牛肉好嫩，一d 都唔un!最後仲叫左芒果沙冰同珍多冰！唔會太甜！一人先$100 鬆d, 銅鑼灣黎講呢個價真係抵！

印尼菜 可能唔係大家經常會想起會去食嘅餐， 今次都係因為咁啱身處銅鑼灣又想食臭豆 所以就搵到呢間「班蘭葉」。 門面比較唔顯眼，其實成日都經過佢門口， 但係無留意係 餐廳， 成日以為只係一間賣糕點雜貨嘅南亞小店，餐廳內亦都唔係好大，睇佢嘅裝潢同餐牌等都知道其實佢己經喺呢度一段時間， 真係有眼不識泰山喇。 講起印尼菜， 最多人熟悉嘅可能就係佢地嘅牛丸：白鬚（Bakso） 。 所以嚟到都第一時間叫個細白鬚先， 好彩叫左細， 佢地嘅份量都幾夠，連埋配菜等等如果唔太餓已經可以當一餐， 見到佢嘅沙嗲拼盤除左雞牛羊仲有白鱔串燒，白鱔完全無失望， 同埋佢個沙嗲做得好好， 好香好滑。炸碎雞臭豆飯就真係不得了， 上枱嘅時候店員姐姐講左一句「好勁呀， 可以食咁辣」， 聽完之後呆左， 本身都無諗住係辣嘅， 事實， 係真係辣， 係有後勁果種辣， 慢慢build up 果隻， 炸雞上面果啲先係精華， 有椒有蒜有蝦乾等等， 好惹味好爽， 不過係真係堅辣珍多冰就正常發揮啦， 另外叫左個香茅可樂， 嚟到係一個冰底入面有枝香茅， 再加一罐可樂， 飲嘅時候， 係飲唔到香茅味嘅～！！呢間回頭率都高，都好想試埋佢其他野食會有

What a surprisingly fabulous Indonesian restaurant in CWB 😍十分推介👍🏻We ordered this 2 main courses . Super full !!! The size is big. We love the taste so much ❤️💖 😍 the price is surprisingly cheap ! we won’t miss this signature dish ~ Cheese 🧀 fried shrimp 🦐 👍🏻must give it a try as it is very worth-trying food. the taste of sauce is good! The seafood is fresh. What’s more? The 倉魚is so mouth-watering that i must praise 👍🏻 perfect match with the 花膠粉皮🥰 the fish is crispy and fresh too The snacks are

去銅鑼灣睇戲去周邊行吓睇吓食咩好朋友話想食印尼菜朋友話附近有條街姐姐好鍾意係果度周圍行應該有印尼菜食就係糖街近圓形天橋見佢門口有小食,班蘭蛋糕有調味料,唔少得印尼蝦片仲有炒飯細細份$28 啱晒女仕份量另外有午市套餐供應晚餐只有散叫第一次見印尼菜有花膠叫花膠粉皮另外叫咗個印尼飯有個係三色飯包括(班蘭飯+黃薑飯+椰汁咸魚仔飯)我地叫咗個"炸魚三色飯"二件配菜：綠豆餅 + 炸豆腐炸魚係來自印尼黑鰂魚店主推介特飲：班蘭沙冰味道清新但係飲飲吓中間會變咗冰柱唔同出面錦錦的店主推介特飲 : 箭葉果混桔蜜混桔係三種材料(箭葉果+檸檬+柚子蜜)味道似青檸本身係熱飲轉凍飲要加$5門口小食櫃面店舖入面大約六張4人枱一張二人枱比較密集

行過好多次都未食過, 只怪銅鑼灣太多選擇, 今次就試下佢炸碎雞臭豆飯 - 碎雞意思係雞件而唔係雞肉碎, 印尼野都會炸到偏乾, 不過內裡都仲有肉汁, 面頭淋咗海量辣椒、蒜、魚乾炒臭豆, 非常香口惹味, 辣到十足, 撈飯一流, 旁邊豆餅同豆腐都特別細白鬚牛丸湯 - 以為細細豌點知都十分足料, 2個人都分到2大豌沙嗲拼盆 （雞x2，牛×2，羊x2，白膳x2）拼盆啱哂貪心試多幾樣嘅我地, 最出色係燒白膳, 保留到鮮嫩, 外皮香得嚟帶D煙韌珍多冰 - 合乎預期地偏甜, 珍多(用糯米粉加斑蘭葉染色嘅綠色粉條)就浸得太耐, 冇咗應有嘅質感爽滑印尼黑咖啡 - 用咖啡粉開, 一飲就有粉粒香茅青檸可樂 - 睇落好多香茅, 但味道完全唔出, 青檸味都偏輕, 淨飲可樂會開心D

🥓 巴東牛肉飯 $68好大份嘅牛肉飯！唔好睇好細細地擺係一邊，但係果度成堆都係牛肉😌牛肉炆到好淋，又唔會乾柴柴👍🏻不過個人認為口味偏淡，適合想食清淡啲的朋友✋🏻旁邊有雜菜🥗同咖喱雞飯嘅配菜係一樣，但呢個同平時茶餐廳嘅配菜唔同，佢地會配上甜甜地的醬，有比較重的花生味🥜 比較特別～跟餐配左熱的印尼紅茶☕️跟茶包上，唔甜！同平時飲的茶葉茶分別不大🙊🍛 咖喱雞飯一嚟就聞到好濃嘅咖喱味，但係入口又唔算太鹹，味道甜甜地幾特別🫶🏻有啲似日式嘅咖喱咁！而且啲雞都好滑，個人應為值得一試🧡跟餐飲熱奶茶🧋茶底幾濃縮，鍾意飲奶茶嘅人可以一試🕶

🔺 班蘭葉印尼餐廳 (銅鑼灣)日日都要諗三餐食咩真係諗到頭都爆🤯呢間成日都會經過都又唔敢入既餐廳，今次係朋友既驅使下第一次食印尼菜～入到去d 姐姐個個都識講廣東話，點餐完全冇問題👌🏻而且仲好好客～🔻雜菜燒半雞飯($88)半隻雞都幾大隻😯外皮甜甜地燒完入面d 雞肉仲好嫩滑多汁～個汁偏辣帶甜，撈飯食好惹味😋🔻雜菜燒魚飯($98)一上枱嘩一聲，條魚大過隻隻手掌😱調味同燒雞一樣都係甜甜地既醬汁，燒完個皮脆肉滑，條魚厚身啖啖肉，好好味😍🔻珍多冰（$28)椰汁底香濃，甜度適中，綠色條條偏淋，個人比較中意有咬口多d~🔻綠豆冰（$28)同樣椰汁底，綠豆份量多有咬口，好似甜品咁食好滿足～

真係第一次食正宗嘅印尼菜，位於銅鑼灣一間叫班蘭葉印尼餐廳pandan Leaf既印尼店，又係我最愛嘅斑蘭，佢門口原來係印尼雜貨店，經過小巷入去裏面就係餐廳，夠晒隱世😆，面積唔算大，但佢周圍既裝修都好有格調，完全襯托出印尼既特色，佢哋都係電子落單，我地揀左幾款菜，食得出味道都迎合返香港人嘅口味，令我覺得印尼菜其實都真係唔錯同非常值得推介😍😍😍印尼菜其中一個特色就係佢哋都係五彩繽紛，就好似呢款🍗燒雞斑蘭尖塔飯咁，佢嘅尖塔飯好有特色，綠色嘅就係斑蘭味，其中有個款係三色飯，會有薑黃，斑蘭同埋椰漿飯，佢哋嘅器具都好特別，碟係用咗竹藤編織而成的，除咗斑蘭尖塔飯外佢另外有半隻燒雞，黃豆餅同埋自製醬汁，份燒雞經過醃製燒得好均勻，有微微既蕉香味，肉質都爽嫩，食落唔會乾爭爭，所以燒既時間都係好重要，其次係佢嘅飯，佢嘅米同平時食嘅有啲唔同，但重點係佢嘅斑蘭，斑蘭唔會過分重，溝落飯到嘅份量啱啱好，唔會太油亦都唔會咸，總之唔會有多餘嘅味道，絕對唔會影響本身飯嘅金香味😋😋😋🐮燒牛仔骨花膠湯粉皮:呢個牛仔骨真係有意外驚喜，佢嘅醃製醬料唔識點形容佢嘅味道，甜甜地，非常特別，都係將牛仔骨煎到有啲燶邊，感覺好似燒烤醬咁，

話就話係四大天王得兩舊雞+巴東牛肉+椰汁咖喱雜菜+花生魚干仔就叫「四大天王」！仲要收成$78 一個 lunch set.有d 過份，雞肉係好「鞋」既但係牛肉同花生又真係幾香口既。我明白本身想咩都試d ,四樣野預左係貴d 同份量少d但唔會預想到係包括雜菜同花生囉！咁就當兩個餸hea我不如比個健議你，叫得四大天王，緊係你地店既招牌野啦，你個咖喱雜菜轉做咖哩雞，但係整體份量可以少啲，客人心裏面都會舒服啲如果我一早知個餐係咁，我會食佢個牛肉飯，有一說一牛肉係唔錯既。$68包埋野飲但真係好失望，以後都唔會再試

一直都知銅鑼灣有間印尼餐廳，餐廳出面擺咗好多不同種類嘅印尼特色小食，經過好多次都未試過，今次終於有機會試了～一入到去餐廳空間雖然唔大，但成個感覺都好有印尼地道風味🤭店員好快遞上餐牌，見到有好多款印尼風味嘅小菜同套餐，款款都好吸引咁～特別係啲飲品同甜品，種類超多，全部有圖有真相🤤黃薑三寶飯個雞勁嫩滑，飯有少少黏口，配埋啲雜菜一齊食層次好豐富；牛肉質地似牛腩，醬汁有少少香料調味，配合醬汁味道絕配～個尖塔飯形狀特別，尖塔超吸晴，推介👍🏻高良薑脾菇撈麵個撈麵同樣好大份✨個脾比想像中大件，炸得好香脆，配埋佢哋個辣醬好惹味，而且芽菜好多，解膩一流。至於個印尼撈麵有沙嗲味，麵質煮得啱啱好，帶點煙韌，諗返都好耐無食過印尼撈麵，一食就停唔到口！我覺得喺呢度食撈麵種感覺同屋企極唔同，寧捨好味㗎～嘢飲方面叫咗兩杯珍多冰，都幾足料㗎，果然真材實料✔️呢間印尼餐廳我個人嚟講十分喜歡，鍾意食東南亞美食嘅人一定要嚟試吓呀！