盈福小廚 (已結業)

店員拎黎嘅時候，有好多瑤柱絲鋪面，非常足料，肉質亦嫩滑。 但瑤柱味未能完全滲入雞中，濃味一啲會更好。店鋪亦有兩款自制嘅醬，一個係青蔥薑茸，另一個係酸酸甜甜嘅辣醬。有雞當然要有魚，賣相比較普通，真係只有西蘭花同班球，但班球肉質新鮮鬆軟，不易散開，而且醃得入味。唯獨略嫌份量較少，相比之下，價錢較為貴！果然無令我失望 賣相精緻，有黃紅椒做點綴，令其顏色豐富。而且黑松露香氣撲鼻，平均沾上所有食物，份量亦控制得宜，無搶去帶子同蝦球嘅鮮味。帶子肉嫩又滑，蝦球大大粒之餘，仲非常爽口彈牙！係我今次最中意嘅菜色

今日心血來潮想去食中菜，問問朋友，就介紹左銅鑼灣嘅盈福小廚比我。收工之後過去，大約7:30入面已經好多人，由於無預先留位，唯有係出面等等。因為只係兩個人食，好在都只係等20分鐘左右就入得。不過入面唔係話好大，無預先留位就要等得比較耐喇！周圍望下睇下啲人叫咩食喇，見到差唔多每一枱都有叫雞， 而店員都又極力推介，所以都叫左半隻試下。當初以為半隻份量會好少，但原來都足夠兩個人食。雞嘅肉質鮮甜嫩滑，瑤柱足料，砌碎鋪面，的確係好吸引可惜係瑤柱味未能滲入雞肉之中，唔夠濃郁。店員就拎到黎時，已經聞到黑松露氣味，實左令人流哂口水而帶子同蝦球各有四大隻，底部就放滿西蘭花。帶子蝦球新鮮爽口，每食一口，都可以都充滿黑松露味，呢個值得一讚但份量的確較為少！最可惜係豬肺湯杏汁燉白肺一早售罄，原來係需要預訂，希望下一次黎有機會試到。

喺銅鑼灣搵嘢食又同屋企人一齊多數都會揀中國菜今次就黎到蘭芳路嘅一間中菜小館盈福小廚。餐廳位於地下但環境較細不過非常整齊潔淨，佈置仲有風味，牆上貼有特色設計嘅菜牌，餐廳嘅位置都非常舒適本身我哋諗住叫牛尾煲可惜售罄所以我哋就叫咗佢哋嘅招牌菜盈福招牌瑤柱浸雞(半隻)，驚喜就嚟啦我哋本身冇諗住食雞因為驚食唔晒，但意想不到呢個招牌瑤柱浸雞非常好吃而且賣相亦都好吸引。碟上有半隻雞再加上兩碟醬汁，一碟係薑容另一個係酸辣醬，可見圖中嘅薑容晶凝通透，翠綠無瑕就知道單單只係薑容就已經非常優質。雞肉肉質非常嫩滑，亦唔會太肥膩，加上瑤柱嘅配搭食落大有時小小嘅瑤柱香頭抽銀鱈魚球平時唔鍾意食魚嘅我都愛上這一道菜，單單賣相已經好吸引。魚球入口鬆化，做到外脆內軟，外皮可口鬆脆，肉質卻非常軟滑，再加上頭抽嘅味道更添層次。雜菜粉絲煲有多款蔬菜包括菜心，白菜，西蘭花，唐山菜，黃芽白，真真正正的雜菜煲，蔬菜清甜加上蝦乾嘅鮮味令湯同粉絲都好入味，有着新鮮鮮甜集於一身盈福小廚給我意想不到既驚喜同味道，現在還不禁想起頭抽銀雪魚球嘅美味

我們一行五位女人，慶祝其中一位八月之星生日！她今次想食中菜，身為是次飯局攪手的我，又是傷腦筋的時候嘞！ 一於在 Openrice 找找有什麼適合的餐廳吧！ 早前我看到編輯推介中，留意有間位於銅鑼灣蘭芳道的 <盈福小廚>，尚算是一間新店，況且，食評中的食物看來也不錯！問壽星女意下如何？她也想到這裡一試！由於店方入座分兩輪，我們焗住要等到枱食客 8:00 埋單先可入座！ 等上半小時！在這裡舒適優雅的環境下進食，心情也感到輕鬆愉快！ 我們被安排到店子較深入的位置，一張橢圓形枱，可容納六人；我們五人坐得鬆動舒適！由於人手不足，店員們很合作而且勤快！ 期間，還替我們換碟！當我們落單後，男店員急不及待收走餐牌，好似不夠餐牌用！打開印刷精美的餐牌，圖文並茂！當中，廚師推介最吸引我們呢！ 以上菜次序：瑤柱浸雞 $138 半隻 以浸製方式烹調，瑤柱提升鮮香！ 雞皮柔軟，略嫌雞肉有點嚡； 蘸上切得超幼細的薑蓉及特製辣醬，更添風味！半隻份量對我們五人來說，份量剛好！ 杏汁燉白肺湯 $138/4位每碗分少啲，可以夠分 5碗！奶白色的湯底，清潤而調味適中！簡單以豬肺、瘦肉及白果熬製，鮮味又少油！

聞說友人愛吃中菜, 精心挑選了一間風評不錯的餐廳, 據聞大廚曾在米芝蓮餐廳工作多年, 希望今晚的飯約不會失禮, 吃得開心吧。 餐廳座落在銅鑼灣蘭芳道, 旺中帶靜。 中菜從來是大夥兒聚餐的好地方, 所以餐廳雖小, 也安排了大枱。同時也有二人座位, 坐得頗為舒服的, 不會迫。餐廳的小菜走精品路線, 每碟都小巧而精緻, 所以二個人來也不怕難叫菜。餐廳裝置傳統得來又帶有新派型格, 光度自然舒適。 可以自選茶, 我們叫普洱, 初頭茶色較淺, 後來越來越濃了。 盈福招牌瑤柱浸雞$136個碟有少少心形, 好靚呀! 半隻雞份量足夠二人吃 醬汁有兩款, 一款是像泰式味道的辣醬, 帶有薑蓉; 另一款是蔥蓉+薑蓉, 蔥味十分清香。 雞隻用瑤柱、桂皮、甘草、香葉等高湯浸熟, 瑤柱用上大粒上等的貨色, 絕不欺場, 瑤柱撈了上來拌著雞吃。雞肉軟嫩滑溜, 熟度剛好, 可見師傅功力, 味道咸香中帶有淡淡瑤柱味。雞皮則油潤而富彈性, 平常怕肥不吃雞皮, 也忍不住要試試。個人覺得, 雞塊本身味道已足夠, 不需點醬料也很好吃了。我們二人點了一個白飯, 飯煮得粒粒分明。雖然平常晚上少吃飯, 但吃中菜不"送飯"又不行呢。

年年阿媽同我慶祝生日，她都話要在屋企斬幾件义燒和油雞，再加個蛋糕就算數，之但係我食左咁多年生日义燒油雞，真係想轉下口味。不過阿媽份人一向奄尖聲悶，所以我想搵間好些的餐廳一齊食下生日飯都搵左好耐。咁我朋友就介紹我黎銅鑼灣的「盈福小廚」，佢話呢度既大廚曾任職於米芝蓮餐廳，而且佢話呢度的中菜既特別又好好味，所以星期日中午就帶媽媽來這裡食生日飯了。呢間中菜館雖然唔大，不過環境真係好好呀，座位寬敞舒適，雖然所有桌椅和擺設都好新淨，但既有有中國古色古香的味道，亦有時尚典雅的味道。餐單的菜式坦白講並不算多，奄尖的老媽不斷在投訴無乜野好食。不過我卻覺得，如其大包圍沒有特色，倒不如專注在別具特色的精品菜上。於是呢餐飯只有我在選菜，就揀左三餸一湯。我們每人一碗是日老火湯，由粉葛、赤小豆、鯪魚， 豬脊骨， 豬肉等餚成，味道好有肉的鮮甜。而且好少油，不會飲到成口都係油，很讚。踏雪虎蝦球，賣相都幾精緻。虎蝦球上有層厚厚的炒蛋白蓋住，蛋白口感軟綿綿又滑溜，一入口即溶，加埋松子粒粒稔稔地幾有咬口。踏雪虎蝦球 - 蝦球鮮嫩大隻又厚肉，好味道。 京蔥爆手切牛仔肉，成碟都炒得好夠鑊氣，牛仔肉好軟稔，好香好濃味，仲有京蔥都

舊同事每月生日飯聚，今次同事選擇了小菜館，一枱11人都總算人齊，傾傾講講由7點半坐到10點。例牌由同事拍板，據說餐牌選擇不太多，可選的都已選了，餸菜不太大碟，每人夾了一轉已清碟。由於未有習慣相機食先，所以都不太記得吃過甚麼，印象中有雞，茄子，生炒骨，金銀蛋莧菜，椒鹽九肚魚，等等。。。後來加餸蒸水蛋，小炒皇及牛尾煲。不過同事影了招牌瑤柱浸雞，雞滑稽最後例牌叫甜品，只有一個選擇，蛋白杏仁茶，明顯係師傅自己磨製而非開粉，但本人覺得蛋白太大舊

今天心血來潮，在銅鑼灣都沒有到燈光昏暗的西餐廳撐枱腳，而是兩小口去吃中菜。嫩滑的炒蛋白配着彈牙的蝦球，味道偏淡，但上面撒上松子仁，令口感更添層次。蛋白的口感送飯一流，較適合愛清淡的人。招牌炒飯加入了粒粒火鴨以及瑤柱絲，為乾爽的炒飯增加口感、層次，但火鴨及瑤柱絲都切得得細碎，不易找到它們的蹤影，若然份量能多點就更好。而飯以秘製醬汁調味，鹹香惹味。鹹度與鹹魚雞粒炒飯相若，喜歡清淡的可能會沒好感。牛尾煲的牛尾雖然入味，但卻不夠軟腍，咀嚼一番後尚餘不少殘渣於口中。而紅酒汁亦帶點不討好的苦澀，令人挺失望的。整體而言都不太差。

今晚在銅鑼灣和男友在盈福小廚吃個晚飯，從名字聽起來就知道是吃中式小菜的地方。門面裝潢是不錯的，有種混和了現代西式的格調。一坐下未點菜就先點茶，我們點了《普洱》，想不到這裡如此正宗，連中茶也有，真有種喝夜茶的感覺不過侍應生怕怠慢了我們，一放完茶葉落個壺、加熱水就馬上呈上，並為我們沖茶，結果沖出來非常淡色，一度以為給錯茶呢。喝下去就知道是太快沖茶了，茶葉根本還沒浸出味來呢，變了淡普洱。再慢慢看一看四周的環境，挺雅緻的。再隔了一會兒再沖，看～左邊第2次沖的才是真正的普洱茶色啊！接著很快便上菜了，先是一道《盈福招牌瑤柱浸雞 (半隻)》（$138）：一呈上時已經看很多瑤柱在上面，非常吸引。但是吃下去時，始終覺得瑤柱還瑤柱、雞還雞，兩者不是太融和，做不到菜名所說的「浸」哦。而半隻雞，整體來看的雞肉都是比較滑和好咬口的，但略嫌斬得比較多碎骨，有點不喜歡。第二道是《蝦乾粉絲雜菜煲》（$88）: 本身以為會有很香很濃的蝦乾香，但是卻沒有，可能跟產地有關？！另外湯底是比較淡味的，如果重口味的朋友未必會喜歡呢。只能當它是一個普通蔬菜加粉絲好了。唯一大讚的是份量很重手，菜是蠻多的，大白菜、菜心、芥蘭都有。最後

食了這麼多餐炸雞，打邊爐，終於都出事了，啲火燒到唔知點搞，上星期朋友又話食炸雞，平時我一定係舉手話好，但今次......忽然轉死性一定係就死啦！其實係熱氣得滯，未死得住！哈哈哈！朋友今日帶我去銅鑼灣的盈福小廚，因為家常菜照理應該無咁熱氣，仲有就係呢度個廚師曾經在米芝蓮餐廳做過，心想就算食烚菜都應該好味啲卦，哈哈哈！朋友遲到我自己周圍望，見到差不夠每一枱都有叫雞，同埋在店門外及中央位置，不約而同的有海報及整左個玻璃架去放雞！咁誇張一定係名物啦～我地又點會執輸呢！笑！所以我地都唔執輸叫左一客試下招牌瑤柱浸雞 $80淺黃色的鷄件泛著雞油，上面舖著經上湯浸過的瑤柱，造型上立馬矜貴多了粒粒分明的油飯泛著油光，充分吸收了雞的油份，飯煮得比較硬身，坊間的油雞飯很多都會煮得太爛，而本人偏不愛爛飯，所以這油飯甚得我的歡心，配合瑤柱鮮味挺濃的經理推介的XO醬小炒皇切花的墨魚有嚼頭而不韌，加埋XO 醬炒，惹味得來又不會過咸，送飯一流，仲有爽脆的芽菜同炸腰果，令香口指數不斷提高！果然無推介錯！踏雪虎蝦球感覺有點像賽磅蟹，以蛋白配合海鮮，只是海鮮由蟹肉換上了虎蝦，蛋白滑溜富蛋香，但略為熟了一點，虎蝦球厚肉但不失

令人回味的豬肺湯杏汁燉白肺湯早幾日和媽媽行完街後找地方食飯媽媽最愛的還是中餐，經過盈福小廚 ，看到好多人在食飯，價錢合理，便入去試試看店入面空間感十足，客人主要在附近工作的ＯＬ和打工仔很喜歡這些裝飾，很別緻食物價錢有平有貴，一般來說一百元左右一道菜，最值得點的是老火湯杏汁燉白肺湯 ($138/4位用),真材實料，很超值，杏仁味超濃郁，而且湯料也是原煲上湯料也很好味，那豬肺煲得好腍，點些醬油都好美味，惜食別浪費呀另外點了有店員推介的 瑤柱浸雞 瑤柱浸雞，跟雞上的醬汁包括薑蒽和秘製辣醬雞的味道很不錯，那肉質好嫩滑，瑤柱汁直滲雞肉之中，但份量有點細（店員姐姐說很大只的因此要了份小的～）我建議還是點份大好多，實在不夠喉黑松露帶子蝦球 ＄２３８黑松露帶子蝦球是限定的，帶子、蝦球、西蘭花加了大量黑松露齊炒，好有鑊氣每一口都充滿黑松露香氣，十分貴氣的一個小菜＿

成日出街食，耐唔耐都會食下中餐，但一般酒樓出品係好味，但賣相總係好求其，盈福呢度又幾好喎。朋友上次黎食過，介紹左我黎試下佢話個白肺湯好正，可惜是晚售罄了，想試的雞和牛尾煲也同樣售罄，於是店員堆介左蠔比我地，諗唔到點乜又試下啦。叫左鐵觀音茶，又香又夠濃，茶味不錯。賣哂白肺湯就要左是晚老火湯，花生眉豆雞腳豬肉湯。足料，無味精，夠火候，好飲又唔油，啱哂屋企少湯水嘅我，哈哈。一煲約有四人份，分到四碗，我同友人兩個一人飲左兩碗，正呀～！心水堆介～頭抽銀雪魚，賣相精緻，一碟只有六件，真的要細細品嚐。魚塊煎得香脆入味，魚肉嫩滑肥美，頭抽食得出是上佳之品，絕非死鹹嘅豉油。伴碟還有露旬同本菇，真是色香味區存！店員堆介～薑蔥頭抽桶蠔，叫完先發現兩味送都係頭抽，唔緊要啦，唔同食法嘅。蠔超大隻，煮完都有手掌嘅size，好誇張！頭抽同樣入味，蠔味濃又肥又大好咬口，好滿足。薑蔥好香口，全部食哂好惹味。正！雖然無叫白飯，但都好飽，食完飲下茶吹下水，good

當天, 我們二人, 没有特別的目的, 只是在 CWB 四處逛, 路過此地, 看見這小館子, 便入內一試~ 門面設計不花巧, 就是帶點古色古香, 看起來滿有實力的感覺~餐廳的裝修很悠閒舒適, 光猛潔淨, 略帶點民國初期的大時代風格~枱與枱之間有距離感, 亦有足夠的空間感, 座位的舒適度高~食客也多是斯文的本地客, 沒有吵吵鬧鬧的氣氛 ....  I Like~石磚牆上, 掛著木製菜式名牌, 極富民國時期的情懷~先開一壺 鐡觀音~ 茶 $10/位茶味香純, 入口柔順, 回甘味厚~Menu~極好雞飯的我, 點了 盈福招牌瑤柱浸雞~盈福招牌瑤柱浸雞 $138/半隻 配蔥油、酸辣醬看見這梳瑤柱絲, 怎麼不使人垂涎三尺 ....雞皮香口, 皮爽少肥, 嬌嫩欲滴~  雞肉的肉質白嫩嫩滑細緻, 滑溜無比, 雞夠厚肉雖是帶骨卻依然是啖啖肉, 雞味濃郁~油飯的味道油潤香口, 飯粒分明且有咬口~蛋白杏仁茶 $28杏仁味濃厚, 質感極絲滑奶順, 滋養潤肺、養顏美膚的佳品, 誰說只適合女性~據店員所說, 掌厨人曾在米芝蓮星級中菜廳裏工作多年, 欲把星級粵菜以「街坊價」出售~ 這一餐, 我們都非常滿意 ....

友人M來電飯聚, 地點選擇在銅鑼灣內的蘭芳道, 那裡食店林立, 位置也算好找.  店名"盈福小廚", 與平時的港式小炒店叫"XX小廚"很相近 ! 不過一入去已經知道不是街坊食店, 而是吃精緻中菜的地方. 地方雖然不大, 但枱與枱之間留有相當的距離, 沒有焗促的感覺. 餐廳的裝飾既古典又摩登, 除了烏籠形的吊燈外, 其中一幅牆掛了好幾幅黑白舊照.另一幅牆則掛上了一列木刻牌子, 所寫上的正是餐廳的撚手菜式, 既美觀又可作宣傳, 一舉兩得!印刷精美的餐牌上, 寫滿了林林種種的菜式, 圖文並茂.與友人商討後, 希望吃的均勻點, 有菜有肉有魚. 店家放在枱頭的"廚師推介", 正合的我此等懶人, 不費吹灰之力, 便已經點好菜了 !紅酒牛尾煲（$128）以原煲上枱, 一打開蓋時, 香濃的紅酒味混和了牛尾的香味一湧而出! 除了牛尾外, 還有洋葱、蕃茄、紅蘿蔔等. 牛尾炆得入味而且夠腍, 帶甜味, 膠質的位置都煮至帶黏糯, 香而不膩, 用來拌飯一流!崧子鮮露笋炒蝦球（$138）菜蔬方面, 希望吃得特別一點, 所以放棄了一般的炒菜, 改點這個既有海鮮, 又有蔬菜的小炒. 崧子仁香脆鬆化; 蝦球是中蝦大

七點幾黎到食飯，個經理話要等四十五分鐘，唔係呀，得兩張枱等緊咋喎，有無咁誇張，行陣街返轉頭咪有枱，十分鐘到咋，吹水想唔做生意咩！坐低覺得唔夠冷氣，但又無位換，算啦，食餐飯啫，阿媽話要食呢間都無辦法。叫豬肺湯無，雞無，牛尾煲無，炒花枝又無，想點呀！！？？？！！七點幾乜叉都賣哂，有無咁邪，起身唔食都要收茶錢十蚊位同加一，真心火火地 最後叫左個炒菜，魚腩煲，同京都骨囉，衰野，又真係幾好味，炒菜好翠綠，魚腩煲夠火候走油又夠味，好撈飯，京都骨酸甜好味，唔係淨係得骨都有D肉下。乜叉都無莫非下次要六點黎食？食tea咩