神川日本料理

营业中

休息中

碰上難得一遇的餐廳，呢間餐廳夜晚主打omakase, 食幾多錢自己決定，最低系由600蚊開始。由於系小店，無華麗既裝修，所以你俾既錢，好大部分都去左食材到，令到你覺得好抵食。睇得出大廚好用心機去製造每一度菜。樓面靚仔員工會每一道菜都詳細解釋佢既來源地同特色。如果你中意飲sake黎呢度會好開心，因為大廚系愛酒之人，對sake極度有研究。佢好似每支牌子既sake都飲過甘！！好厲害！！佢會先問下你中意咩口味，再介紹你覺得好飲既sake。 又或者你可以自己帶酒黎飲，免開瓶費(十分難得)。樓面阿姐不停幫你倒酒，好service到我個杯從來系常滿。魚生都系大廚專長黎，佢中意做熟成幾日既魚生，魚味好濃郁，我自己覺得食過之後，已經食唔返其他普通既魚生。今晚試左糖心瀨尿蝦，好食到不得了。熟食放面都好出色，今晚就食左清酒煮蜆，記得大廚話系熊本訂返黎，好鮮好大隻，個湯我同朋友全部飲灑，一滴不留。試過呢度既牛，好出色！陪既薯容系我食過最好味道既！我已經食過好多次呢間餐廳，每次去都充滿期待，每次都唔失望。一定帶黎驚喜！你地都快 d黎試啦！

冇壽司既Omakase但一樣好有驚喜，每樣食材都用心處理同解釋。師父有真係預先聯絡睇你喜好而決定菜色幾款刺身同食材都熟成過，令你懷疑之前食過既味道點解完全唔同。食完番唔到轉頭。由一開頭刺身到最後料理都食到停唔到。今日最深印象係個海鮮粥，甜到癲！價錢真係絕對抵食，師父亦都好好傾，同路人必去ps.想影海景扮高檔既請三思，佢正在野食，唔係個景

話說有幾個朋友都問過我，呢間喺我屋企附近嘅神川日本料理得唔得，因為佢哋上網見到話餐廳可以做平民Omakase，幾百蚊都有交易，豐儉由人。於是呢晚自己一於去試吓當dinner。餐廳環境非常細，我九點先去到，老闆同人吹緊水，我以為已經打烊唔做生意。原來唔係，佢即刻好熱情招呼我，之後下刪3000字就係關於佢講可以做Omakase啲嘢。食物價錢中中等等啦，唔太平但又唔太貴。焦糖玉子燒，價錢偏貴，因為份量唔多，而且成本好平，連明太子或者蟹肉都冇就收呢個價錢。不過係幾特別嘅，至少我冇喺其他地方見過，如果我冇記錯佢話概念源自Creme Brûlée。味道係成晚最好味。軟殼蟹牛油果沙律，呢個就唔多掂，軟殼蟹沙律嘅精華所在就梗係軟殼蟹啦，但啲軟殼蟹勁碎濕濕，又冇肉，層天婦羅皮就多。如果唔係我自己點菜，我唔會食得出係軟殼蟹囉。呢個真係唔推介。海膽辣三文魚TATA飯，UM，首先呢個飯份量都幾少，而且壽司飯比較笠身。辣三文魚辣味就幾夠嘅，但出事係啲海膽，因為腥嘅，吞落口簡直要塞住個鼻先呑得落，需要勇氣。所以當試過佢嘅海膽之後，我就知道如果要來呢度食廚師發板，絕對係嘥鬼氣，如果只係想比幾百蚊食嘅話，不如去返啲正

朋友介紹我係神川第一次食omasake住左西區禁耐都無留意有呢間日本料理地圖話西營盤站行過去近啲，但我覺得HKU站過去近啲。Book位個陣個老細用左十分鐘好詳細禁同我set menu同講下佢地omakase同岀面餐廳有乜唔同。佢最低人頭消費係$600，budget仼你set，我選左$700 each，再另外加左枝sake.所有菜式職員都會同你逐一介紹，介紹得好仔細食左起碼有兩個半鐘😂😂😂會再黎食！

呢間想試咗兩年，由平價$150/位已經想試，但而家已經最低消費$600/位了，我哋揀左$700/位的廚師發板，餐廳不設加一服務費的。市面上要食廚師發板$1600/位有好多選擇，我反而好想試吓越平價，廚師可以點發揮，用最有限嘅價錢可以點變魔術。有人會話，邊有人廚師發板做幾百蚊一位。我聽到心唸，如果一個廚師能夠用平民價做到出來，各位大師級真的要回去苦練一下。如果祗用金錢堆砌，有錢就可以在菜色上雕龍鳳，但如果平民價而做得出色，這種就是錦上添花，更勝一籌。👍🏻前菜：三文魚鼻 X 菜心BB X 螢光魷魚 好食，尤其三文魚鼻😋👍🏻白飯魚刺身：好吸晴，街市見得多，生食第一次食👍🏻沙甸魚刺身：又係第一次食刺身，罐頭就細過食得多，刺身又係第一次👍🏻呢個貝殼類唔記得咩名堂，但好鮮甜，第一啖 無落wasabi 第二啖有落。個人喜好：原味唔落wasabi 最好食，食下食下，我哋所有都唔落wasabi👍🏻鯖魚刺身：熟食食得多，生嘅又係第一次，連平時怕鯹唔食嘅人都話佢好食👍🏻鹽漬赤身：個人本身唔鍾意食赤身，但呢個整得好食👍🏻池魚刺身：新鮮，但唔夠前幾款驚喜👍🏻👍🏻👍🏻👍🏻👍🏻銀鱈魚刺身：呢個真係好驚喜，平時食開熟

一直都好想試呢間omakase, 今晚終於有機會！店舖位置比較隱蔽，不過都唔算難搵。而店內坐位數目不多，所以最好都係訂定枱。海藻漬物。海膽豆腐漬物酸酸甜甜，開胃之選。海膽豆腐非常出色，淡淡既海膽味好似食布甸咁，正九款刺身沙甸魚、鯖魚、鮫魚、油甘魚、赤身、大拖羅、竹簽魚、銀鱈魚同海膽墨魚卷整體都好新鮮，而且每隻魚既肉質、配料同制法都唔同，可以食到唔同既口味！個人比較喜歡沙甸魚、鯖魚同海膽墨魚卷，因為好少食到沙甸魚同鯖魚既刺身，比較特別。而海膽墨魚卷就好香海膽味，不過我麻麻地紫蘇葉，所以配其他菜可能更好生蠔好新鮮肥美蘿蔔絲沙律好脆好爽口，配胡麻醬，可以refresh一下酒煮鮑魚。鮑魚肝醬非常推薦❤️❤️❤️整個鮑魚都好香清酒味，下面舊蘿蔔更係吸哂啲鮮味，超好食鮑魚肝醬亦好香好濃燒牛腹腔三成熟，牛味足，不過佢係配菜，因為個薯仔泥搶哂鏡，好好好好好味😆海鮮粥師傅將啲魚骨煲埋一齊成為呢碗海鮮粥，好鮮味，食到最後飽飽地都想再食一碗，因為真係好正🤩冧酒雪糕冧酒味好soft，係一個good ending💕

Had a birthday dinner with my boyfriend last night. Food was again of high quality, and of even greater value than the price we paid for. Chef and staff took care of us, coming over to ask if the food was okay – making sure we enjoyed our night. Food was one thing, but atmosphere was another! Interaction between staff and customers was also another highlight of the night! Highly recommended for everyone looking for great food and atmosphere! This eating place is definitely a gem in the city we s

生日飯, 第1次食OMAKASE. 因為店舖顏色既關係而選上神川日本料理. 用餐後, 覺得佢地完全唔需要賣弄立場 (當然佢地無賣弄!). 因為真係好好食, 菜式, 用料, 對食物熱情, 味道, 全部都係一流. 舖內有2廚1前枱, 應該都係多年拍檔. 同廚師傾落發現佢地唔太鐘意被顏色標籤, 因為佢地想食客注重佢地既食物質素, 亦都覺得自己既質素夠強, 唔需要靠賣弄其他野. 我不反對標籤化, 但亦好欣賞佢依種廚師魂. 對自己廚藝同出品既信心, 認真, 熱情, 專業.講返餐飯, 佢地同其他OMAKASE既分別係你比價錢佢, 佢再決定比咩你食. 我就食左10道菜, 2款甜品, 認真超抵食.每道菜都勁有水準前菜有3樣,好似海澡既野, 日本走地雞蛋, 三文魚子海膽配海膽豆腐. 個頭腐係用海膽汁做既, 好滑, 海膽勁鮮.魚生有 胶魚, 即係打冷舖成日會見到既魚, 但佢係日本海既同係刺身. 全晚簡一樣野encore我會簡依個. 好好食. 肉質好結實, 油脂岩岩好, 唔會太油得個肥利感.跟住既魚生係青魚, 雪魚, 油金魚, 4日熟成既拖羅+魷魚卷海膽. 拖羅係一放入口就唔見左, 得返少少根係個口入面.

經朋友極力推介得知呢間隱世食omakasa ，性價比又高的餐廳。最滿意是budget可以自訂($600/人開始遞增）,老闆會用時令的食材去配合。今次我地budget係$650/人，以呢個價錢食omakasa 真係超抵。而且我地好欣賞老闆會提前兩三天同你傾菜式（例如有咩想特別食有咩唔食）首先頭盤左：酸酸地配類似寒天的東西，好開胃中：炸蝦炸到好脆連殼食，可沾上旁邊的鹽一起吃右：溫泉蛋配三文魚子，呢款無咩特別第二道菜式係日本生蠔 🦪蠔肉好大舊同好鮮甜接著係刺身大蝦*極力推薦*飽滿既蝦肉令人好滿足旁邊既蝦頭可以叫師傅會拎走再炸變成另一道炸蝦頭下一道是刺身秋刀魚必吃師傅話全年只有一個月係當造，今次食到真係好難得。另外呢款魚整到一d腥味都無，食完一片d魚香味係個口到last到好耐。係其他餐廳未食過咁出色既刺身。特別想提及旁邊既姜蓉好夠姜味同夠辣。呑拿魚同油甘魚，正常發揮拖羅好新鮮，新鮮程度係好似係日本魚市場即買即食一樣海膽墨魚比想像中普通，個人喜歡分開海膽同墨魚食水菜沙律必吃老闆話係用日本生蘿蔔刨出嚟呢款沙律第一次食，蘿蔔食落係爽脆同有dd酸味。再配芝麻醬同木魚絲成個味道提升晒。其實好難形容，要親

今日係呢頭番工，聽過呢間餐廳，夜晚做嘅omakase好出色，諗住lunch都可能ok...點知...叫咗三文魚魚子飯，先講飯底堅差，過乾，再講啲三文魚子同埋三文魚堅少，導致最後淨番勁多飯，即使佢三文魚質素做好都頂唔番...如果三文魚唔係比想像中好應該只會俾一星...其實見到價錢就知做緊學生飯，應該唔期望咁多嘅...睇下仲有冇機會夜晚試佢嘅堅嘢

每次食日本野都抱住試新嘢同埋一個學嘢既心態。今次揀左呢間係西環水街已經屹立兩年幾既小店食Omakase。呢度既Omakase同平時係餐廳食既唔同，係比個心目中既價錢師傅，師傅就會用最時令既食材準備符合呢個價錢既食物。呢度Omakase最低消費$600，今日我地定既預算係$750/位。呢度係一個師傅同一個侍應一腳踢，師傅每次係自己整完自己做埋上菜，仲每道菜都詳盡介紹，絕對啱曬我呢啲想學嘢既人！<前菜>草潰海草，北海道產，上面有珊瑚蓉，浸係醋入面，口感軟滑，比中華沙律軟超多，但又稍微比昆布硬身。酸酸地好開胃。酥炸蝦，大分縣產，成隻食得架，炸完啲殼好脆口（小心係口入面比吉親哈哈），再咬多兩下就食到蝦肉。九州走地雞溫泉蛋，個蛋黃係溫泉蛋既軟綿綿口感，出面就係啲冷麵汁同蛋白液。成個送入口就夠曬爽！真蠔，岩手縣產，加啲蘿蔔蓉同酸汁。味道鮮甜creamy，海水味唔太重，啱曬怕海水腥味既人。手釣池魚，原來魚如果係用魚桿釣，啲肉係會實啲，油分更鎖足。因為用魚網抓，啲魚會係網中互相撞擊，就無咁好食喇。有厚切同薄切。薄切，可以加九州蔥同酸汁。厚切，可以加豉油加芥末。池魚都係口感比較緊實爽口，

Summary: Volume and variety of sashimi that smashes the expected value of whatever you pay for this very HK-local omakase meal (you decide how much you want to spend ahead of time). It's not Michelin or any of that, but lots of interesting and delicious fish and the food just doesn't stop coming. If you like all kinds of sashimi (it, confusingly, doesn't serve sushi), enjoy BYOB, and care about value, you're going to love My Sushi. My Sushi is a Japanese restaurant on the Water Street slope just

落戶西營盤邊位，號稱CP值極高的師傅發辦，今日終於得以一試。非常健談的師傅，每道菜都主動解釋跟了解我們的意見。前菜：三文魚鼻- 酸中帶甜略帶爽口螢光魷魚- 帶點稔身的魷魚，味道清淡而易咬香魚bb天婦羅- 帶點苦澀但肥美，聽說是正常的現象刺身：北海道牡丹蝦肉質軟稔，牡丹蝦非常鮮甜，值得一試池魚-爽身彈牙針魚 （薑蒽）-有中式魚香跟調味的針魚，非常軟稔鱆紅魚- 近似油甘的口感，較厚切所以鮮味較濃深海池魚 熟成- 肥厚煙韌但無筋，比普通池魚更濃郁的魚香炙燒伊佐木- 兩重口感，皮脆肉嫩北海道海膽 紫蘇 魷魚- 重口味的紫蘇有一點把北海道海膽的風頭搶過，但海膽超鮮甜！魷魚也是無根亦creamy熟成六天大拖羅- 非常重油脂的大拖，白𥇦之餘入口即溶！山葵：即磨！顆粒感重中轉：南瓜沙律- 超甜的日本南瓜，半蓉半南瓜粒，既有口感又有即溶的部分，超好吃！經過油炸的帶子加上沙律菜跟櫻花蝦，味道濃郁帶油香。澳洲和牛橫隔膜（2成熟）跟薯蓉非常生也非常軟稔，聽說是澳洲普通和牛，牛味很香濃，完全沒有脂肪位，加點鹽已很好吃，實在非常吸引！甜品：豆腐雪糕- 濃得像是冰豆腐的味道，甜度不高，好吃！煎茶cheese cak

同事生日，她是哈日族，每年的生日飯安排吃日本菜！在 Open Rice發現神川，Ｎ多好評的店，想試試！電話預訂，店長先問 budget，再問有什麼特別想吃？有什麼不吃的？是不是生日？(要不要安排生日蛋糕)我定的budget是人均700元想吃的：甲鑼燒、生蠔、牛肉不吃的：沒有！請安排生日蛋糕！店長很 nice！甲鑼燒是用本地街市買的蟹，用日本蟹就不是這個價錢！廣島蠔已經過季，會安排岩蠔。牛肉，他推薦燒牛腹肉 (一成熟)，我怕太生，店長安排了慢煮牛肉。印象深的：#拖羅#牡丹蝦#魷魚刺身裹馬糞海膽#燒岩蠔#甲鑼燒配多士#豆腐雪糕滿意的用餐體驗！

舊同事生日，知佢不嬲好鍾意食日本野，我特登上網搵咗間喺佢屋企附近嘅日式小店同佢慶祝🎉店子細細，裝修以日本居酒屋風格為主，好有地道日式小店嘅風味。是夜由師傅同另一店員四手包辦，呢晚我地揀咗食omakase，由師傅發辦。我地睇住師傅包辦好全晚嘅菜式，每道菜都好用心去完成👏🏻仲同我地有講有笑，細心介紹各種食材。⭐️粟米•枝豆•蕃茄忌廉芝士擺盤精美，粟米清甜爽口，枝豆面層略灑海鹽，咸咸地食得過癮，蕃茄仔竟然細心地去咗外皮！夾住中間塊cream cheese一啖食，清新開胃！⭐️北海道牡丹蝦肉質彈牙，啖啖肉好鮮甜，食咗蝦刺身之後，師傅會留返個蝦頭做下一道菜之用。⭐️油甘魚•池魚厚切油甘魚，色澤亮麗，肉厚肥嫩；薄切池魚口感爽脆，味道清甜。⭐️手釣池魚•伊佐木手釣池魚顏色呈淡白粉紅，魚味濃厚並更為鮮甜；伊佐木肉質比較結實彈牙，火炙過後更帶出油脂嘅惹味。⭐️魷魚海膽•大拖羅魷魚𠝹坑再包住紫菜同海膽，賣相吸引。魷魚爽滑，海膽鮮甜肥美；大拖羅顏色比一般拖羅較白較粉，正正係因為佢嘅魚油更為豐富，入口即溶，油脂非常甘香！⭐️日本生蠔師傅建議我哋唔落任何調味，直接品嘗生蠔嘅原汁原味，味道果然鮮甜肥美。⭐️日本南瓜沙律係時候再