究極堂 (蜆殼街)

营业中

休息中

究極堂，其中一間分店位於炮台山蜆殼街，餐廳佈置相當有特色，座位舒適，更設有VIP 房間，適合一大班親友共聚宴會慶祝，所以周五晚上未夠7點已經全場爆滿，建議必需提前訂座。餐廳食物種類非常多，而且食物質素相當高，價錢亦相當合理。必點推介究極丼，可以說是極上刺身飯，材料非常多，兩隻大蝦海膽帶子左口魚三文魚三文魚子吞拿魚，刺身極新鮮，大蝦鮮甜好食，刺身飯份量適中。蟹膏豆腐鱈魚乾，將蟹膏豆腐放在脆卜卜鱈魚乾身上，口感配合一流，蟹膏豆腐味道濃郁鮮甜。青檸果汁燒酎，相當有趣，用新鮮青檸榨汁加入日本燒酎，味道完全可以自行調配，好飲。

炮台山附近多學校同office，不嬲都多餐廳，有好多選擇，但日本料理餐廳就唔算太多，今次試下區內既究極堂，餐廳裝修行木質風格，牆上仲有好大幅武士壁畫，坐位闊落舒服，除左傳統既日本野—— 刺身、壽司、丼飯外，仲有西餐—— Pizza、牛排等，仲有啤酒、cocktails同甜品，價錢唔算貴，岩一大班朋友share試下。聽侍應講呢間分店同銅鑼灣店都有VIP房，岩晒一班人gathering食住吹水。本日推介 ——日本兵庫縣生蠔 ($54)🦪每日都有唔同既推介，今次試下個日本兵庫縣出產既生蠔，十分厚身肥美，富有鮮味，海水味唔太重，配以酸甜既醬汁，鮮甜可口，夠晒醒胃。究極丼 ($218) 🍱刺身有海膽、吞拿魚蓉、三文魚、油甘魚、三文魚子、帆立貝、炙燒左口魚裙邊、蟹膏醬赤蝦同天婦羅紫菜，仲有自家製醬油漬蛋黃，刺身切得相當厚，同都幾新鮮，壽司飯個調味唔錯，唔會太酸，味道岩岩好，加埋醬油漬蛋黃，令到個飯更加香。蟹膏豆腐鱈魚乾 ($58) 🦀烘到香脆既鱈魚乾上面放上蟹膏同蟹肉伴豆腐，相當開胃。自家製炸雞伴洋蔥沙律 ($68)🐓熱辣辣既炸雞，juicy唔會乾，加埋蛋黃醬洋蔥，清爽解膩。明太子芝士玉子燒 ($

原來北角有間咁高質嘅日式料理「究極堂」，身為北角人嘅我居然唔知道，好彩今日同事帶我黎，如果唔係真係走寶😆望望個餐牌，除咗有丼飯、刺身、壽司、炸物，仲有pizza添，啲sake🍶仲好抵飲，我地嗌咗支720ml嘅菊水，實行飲飽食醉嘅一晚✌🏻海膽左口魚邊蝦卷經炙燒過嘅左口魚充滿油香加上鮮甜嘅海膽同脆卜卜嘅炸蝦，口感層次豐富，上面嘅芝麻令香味更加突出濃湯蕃茄咖哩牛肉烏冬牛肉份量勁多，濃郁嘅蕃茄咖喱湯底配上滑溜嘅烏冬，又香又濃，我地都爭住食😂究極海鮮杯一杯入面有齊吞拿魚蓉、海膽、蟹籽、飛魚子、蟹肉、蜜柑啫喱，味道鮮甜，底下嘅啫喱酸酸地加上蜜柑，多重味道，配搭得宜炸芝士條送酒一流嘅小食，芝士條外面香脆，裏面嘅香濃芝士仲可以拉絲添究極炎之丼店員推介真係冇介紹錯😆丼飯入面有炙燒赤海蝦、左口魚、帶子、三文魚蓉、蟹膏，火炙令海鮮嘅鮮味更加突出，食完個飯真係超滿足😍韓式泡菜章魚玉子燒玉子燒係我嘅最愛，見到menu有個較為特別嘅泡菜章魚玉子燒，梗係嗌呢個試吓啦，章魚Q彈爽口，玉子燒滑捋捋，一啖咬落去仲食到酸爽嘅泡菜，多重口感，正👍🏻啤酒薯條配蜜糖芥茉醬炸雞軟骨配海膽醬食咗咁多野我地仲未夠喉，最後仲嗌多兩個小食

約咗朋友喺炮台山食晏，今次揀咗究極堂，木系嘅裝修令人感覺好舒服好悠閑，食物性價比好高明太子芝士玉子燒($78) - 玉子好滑好滑，芝士有拉絲嘅效果，面頭有好多蟹子，配埋沙律醬同香草，好食到食唔停究極丼、麵鼓湯及沙律($208) - 魚生同刺身種類好多，食材高質，款款都好新鮮，海膽重香味，蝦好爽口，三文魚、油甘魚同帶子好肥美，吞拿魚蓉同三文魚子都好新鮮，好值得稱讚嘅位係飯加咗特製嘅醬汁同飯素，仲有蛋漿，食落更惹味刺身定食配白飯、麵鼓湯及沙律($178) - 刺身同樣高質同新鮮，簡單配芥辣同鼓油已帶出鮮味，珍珠米粒粒分明，沙律茶新鮮，麵鼓亦好香天后蝦($32) - 炸皮又薄又脆，蝦肉鮮嫩，好好食午市套餐選擇好多，唔同種類同價位嘅嘢食都有，照顧到唔同客人嘅需要同喜好主餐牌嘅選擇亦好多，刺身、壽司、海鮮丼、沙律、佐酒小食、鐵板料理、薄餅、甜品、各式飲品等，好多都好吸引好想試餐廳嘅環境好舒服，座位有啲密，但枱櫈都好大張，所以坐得好舒服，出餐嘅吧枱擺都好多唔同嘅酒，另一邊牆有浮世繪嘅感覺，好似真係喺日本食緊嘢咁。店員殷勤有禮，不斷幫客人加茶，成個用餐體驗好好

炮台山有幾條街，食肆林立，好多都好好味。而且好多街坊成日幫襯。門庭若市。政府推行夜市，呢度絕對可以係其中一個考慮推行嘅地方。睇返究極堂喺呢度都屹立左好幾年，自然有佢加成功之道。 🍖 厚切深海池魚，肉質爽甜，我最喜歡佢脆身口感，輕輕點一點豉油，鮮甜味美，齒甲留香。另外又叫左特選壽司併盤九貫，每一件都係上盛嘅食材，而且香港人普遍喜歡嘅材料。 🍖醬油炸豬扒丼，好多炸豬扒嘅鋪頭，淨係一個炸豬扒定食，動輒都兩三百蚊，當然質素係好，而且擺盤喺分開，見到嘅質素絕對唔比炸豬扒嘅鋪頭差，雖然全部材料，豬扒，椰菜，珍珠飯，醬油，都放棄一個丼入邊，但各樣材料並冇因為咁變淋。豬扒肥瘦適中，一啖飯一啖豬扒，三爬兩撥就KO左，而價錢就只係專門店嘅一半以上。性價比高。 🍖 炸芝士條，本身應該好好味，熱辣辣上枱，我冇即刻食，掛住影相，但一啲都唔影響佢拉絲嘅效果。而且味道重keep得好好，芝士味濃。我決定下次影相前，點都食一條。相信會好味到震。 🍺飲品係抹茶牛奶咖啡( 咁咪即係鴛鴦，哈)，甜度同咖啡濃度適中。同炸芝士條絕對喺湊埋一個好字。 ✨️離開前經過一間大房，見裡面成家人嘻嘻哈哈，而且裝修好靚，問下經理知道原來大班人

係北角 秀明街 ，一條唔係人來人往，又唔起眼嘅街道，條街都有好幾間食店，今晚同朋友就黎到一間好有日風嘅 ‘究極堂 Kyukyoku Do’ 餐廳裝修一貫日本風格，木系嘅餐桌椅，簡潔乾淨，牆上一幅大型手繪壁畫，立即吸引眼球，成為亮點，立時感覺傳統中又帶時尚。🥗蟹子沙律蟹子份量好多，撈勻青瓜絲同蟹柳，每啖都充滿蟹子，迫迫卜卜係口腔爆開，非常過引，個沙律醬汁都唔錯，非常掛汁又唔會太酸，好味😋。🥢炸日本鱿魚🦑鬚炸粉好薄，炸得好乾身，魷魚鬚入口煙韌，越𡁻越香，啲鮮味慢慢浸出黎。🥢韓式泡菜章魚🐙玉子燒不嬲好鍾意食玉子燒，軟軟滑滑，香香甜甜，今次呢個仲有韓式泡菜同章魚黎個crossover，令味道同口感都多左層次。🍣特選壽司拼盤壽司飯帶些小微暖，手握技術唔錯，令整件壽司唔會散開，一口一件，黃金比例😆，飯上邊嘅刺身每款色澤光亮，非常新鮮。金黃色嘅海膽，口感creamy ，味道鮮甜、大拖羅入口即溶，油花充斥口腔、赤蝦口感黏滑，越𡁻鮮味越出，整體對壽司拼盤非常滿足😋。🥢燒油甘魚鮫魚鮫係位於肥美既魚腩附近位置，富肌肉而有彈性，油脂及膠質好重，骨位置，油花更甘香；魚皮燒得好焦香，魚肉嫩滑多汁，蘸點蘿蔔溶醬汁，

位於北角硯殼街的究極堂，是區內性價比高的日式料理餐廳，店內燈光較暗，很有高級日式料理的氛圍，店員的服務態度亦很友善積極，令我對這間店留下了不錯的印象。除了服務態度外，這裡的餐具、擺盤再到食物本身亦非常高質，這裡有很多特色卷物，推薦蝦卷和海鮮丼，份量很足味道也很出色。四重芝士炸蝦卷 HK$48炸蝦卷的賣相非常吸引，很多時吃炸蝦卷的炸蝦的會因為被飯裹著而變淋，又或者炸蝦已經放涼，但究極堂的炸蝦卷很是出色，炸蝦仍然是熱和脆的，搭配多重芝士令味道更豐富和有層次。究極炎之丼 HK$128利用石頭鍋盛載的究極炎之丼能夠令溫度維持，魚生切得很大片亦都很新鮮，全部都經過炙燒，令油香都得以迫出來，配上鬆軟的日本米，口感軟糯。醬汁日本黑豚豬扒飯 HK$98黑豚豬扒炸完之後沒有口感鬆化可口，豬扒外脆內軟很Juicy，搭配日式醬汁酸酸甜甜的抵銷了炸物的油膩感，同時亦配上很多椰菜絲，一整碗的份量很多，值得一試！

朋友在北角炮台山區工作，今天約我在附近午餐🍽️ 佢話帶我去一間吃高檔的日式餐廳，名究極堂！餐廳位於北角蜆殼街9-23號秀明中心地下🍽️ 港鐵炮台山站A出口行幾分鐘就到！ 它的外面設計很有日式風格💜 內裏裝潢是統一日式和風木式設計，簡單、自然和舒服👍 地方很寬敞舒適，覺得置身於日本的食肆！餐廳有很多不同款式的lunch set 供選擇😆 適合上班一族來午餐🍴 點了店裏的名物究極丼😋 ，真的好豐富💯 丼飯有海膽、三文魚、赤蝦🦐、帆立貝、吞拿魚蓉、炙燒左口魚裙邊、油甘魚🐟和天婦羅紫菜😀 另外還有一隻醬油漬蛋黃🥚刺身全部都是厚件，鮮美可口👍 兩隻赤蝦超大隻，蝦膏很滋味！蝦肉爽甜😄 帆立貝都係超大件，很新鮮甜美😚海膽份量都不少！超鮮味💥我們還來了山芋泥拖羅丼🐟 冰凍的拖羅和山芋泥配上熱飯🍚 放上大量蔥花，清新的可口👍 冷加熱變成一碗暧暖的好滋味的丼😋 拖羅好肥美，整體上好夾😉小食要了明太子芝士玉子燒♥️ 蛋捲有多層，很嫩滑😄芝士味濃，魚子卜卜脆，必點的👍 還來了一個天使蝦🦐 炸得鬆脆可口，要趁熱吃！ 每個套餐均奉上麵鼓湯和新鮮沙律，真的很地道，超好吃的！這間餐廳的食物很有水準！性格比好高👍超值😆

連日新聞依然無損港人吃日本料理的興致，這晚來到北角的究極堂，幸好早來了，離開時已經全場爆滿，需要排隊入座。新派居酒屋設計注入型格時尚氣息，大型手繪壁畫尤其搶眼。採用深木系簡約裝潢，配合昏黃燈光，散發濃濃和風。最近新開銅鑼灣分店，兩間分店設有VIP房，私隱度更高，適合一大班朋友包場聚會。餐廳糅合西日fusion元素，款式繁多，沙律、佐酒小食、炸串、日式鐵板料理、和風薄餅、海鮮丼、主食、一品料理等等包羅萬有。日式居酒屋勝在不拘一格花款多，可以細嘗豐富多樣的小吃料理。半熟玉子 $23將食材裹上一層輕薄炸粉，經過熱油的洗禮後，變成誘人的金黃色澤，酥脆而不膩口。將雞蛋低溫慢煮至蛋白剛凝固，蛋黃呈現半熟晶瑩的流心狀態，滿溢香濃蛋味。明太子芝士焗炸豆腐 $58以高溫鐵板上菜，香氣四溢，明太子芝士與豆腐一濃一淡的配搭極之合襯。外皮脆薄酥香，但裡面的豆腐入口柔嫩，証明炸物火候掌控得準確。鰻魚芝士玉子燒 $78將熱騰騰的蛋漿層層捲起，內層入口吃起來柔嫩濕潤，享受玉子燒香甜軟嫩的滋味。灑滿了紫菜與木魚碎、加上日式蛋黃醬和燒汁，內裡緊緊包裹著爽嫩緊緻的鰻魚，濃郁蛋香中綻放醇鮮甘味。明天子雜菌地雞薄餅 $118

今日來到貝殼街的日本店試食究極炎之丼套餐有味噌湯、沙律及主菜（丼），丼的表現面曾有用火燒烤過並傳出淡淡的碳爐味先來一口醋飯，醋味適中可口，再來帶有海水味的鮮魚片，鮮甜的生，清甜的帶子而飯中的醋恰當地層托海鮮的鮮味；可是當進食第二件海鮮時雖然可口但略有失色

-🍴🍽🍴🍽🍴🍽🍱🍱🍱🍱🍱🍴🍽🍴🍽🍴🍽-🥢蟹皇丼 $108 (熱咖啡+$9) 🆗我哋叫咗一個出面比較少見蟹皇飯，上枱嗰陣我同朋友都嚇親，蟹皇丼嘅蟹肉，蟹籽同蟹膏都非常新鮮，而且仲有啲黃瓜同芝麻，所以成個飯口感好豐富。不過呢碗蟹皇丼飯份量實在太多，我同朋友最後都食唔晒🥹。🥢火炙芝士明太子三文魚丼 $128 (熱檸水 +$9) 🆙明太子配芝士呢個組合真係冇得輸！芝士火炙過後嘅焦香後更惹味，配埋新鮮滑溜嘅嘅三文魚味道同賣相更出色！🥢韓式泡菜章魚玉子燒 $78 🆗玉子燒濕潤度控制得好好，泡菜亦唔會好辣，章魚亦好有咬口👍🏻。🥸評價 𝗥𝗮𝘁𝗶𝗻𝗴𝘀🥸食物 𝗙𝗼𝗼𝗱 7.5/10環境 𝗘𝗻𝘃𝗶𝗿𝗼𝗻𝗺𝗲𝗻𝘁 7/10服務 𝗦𝗲𝗿𝘃𝗶𝗰𝗲 7.5/10性價比 𝗩𝗮𝗹𝘂𝗲 𝗳𝗼𝗿 𝗠𝗼𝗻𝗲𝘆 7.5/10整體 𝗢𝘃𝗲𝗿𝗮𝗹𝗹 7.375/10-🍴🍽🍴🍽🍴🍽🍱🍱🍱🍱🍱🍴🍽🍴🍽🍴🍽-🗺 究極堂 (北角)北角蜆殼街9-23號秀明中心地下D號舖-#bakdiu日式 #bakdiu北角 #bakdiu東區

朋友生日，想請佢食一餐生日飯。約係大家都就腳既地方，雖然唔算係鬧市，但地點都好方便。 Fortress Hill 站一出行5分鍾左右就到。 呢條街都有幾間餐廳，佢就係日式裝修既門面。 望落去和式簡簡單單。第一眼既印象ok! 入到去台與台之間既距離剛剛好，唔會太窄有種好逼既感覺，感覺good! 到點菜，成個menu 都幾多選擇，點左幾味 最鍾意係呢個金龍卷 感覺幾好其他食物都平均水準 ok 收貨 有d 心思既fushion 日本菜另帶一提服務質素都ok

天后日本餐廳林立，今日食咗喺內街嘅究極堂都唔係第一次食，有時都會嗌外賣魚生飯、咖喱、燒物😋午市餐牌我地分別叫左豬軟骨蛋包飯、萬華丼午餐包沙律、湯蛋炒滑身、豬軟骨份量較少，以汁為主咖哩都偏淡身，但整體都好味😋萬華丼性價比較高，魚生同飯嘅比例岩岩好，份量足夠，用料都新鮮，值得比個讚！係唯一不足就係蛋應該曾經有醃製過所以當所有食物撈勻之後就變咗同一個味少咗食到本來魚生嘅鮮味不過整體都好好味😋其實已經光顧過究極堂好幾次水準穩定，想食高質日本野坐得舒舒服服，佢都係其中一間推薦嘅另外都順便都幫老闆推下 哈哈！

難得去北角就試吓呢間日本野～ 1點去到好多人等位 要等到大約1:30先有位 仲要留意佢地lunch time只係開到3點！•究極丼 $198 🍣 4/5上網睇究極丼好足料好豐富 所以就叫佢呢個signature丼飯 丼飯有海膽、吞拿魚蓉、三文魚、油甘魚、三文魚子、帆立貝、炙燒左口魚裙邊、蟹膏醬赤蝦、天婦羅紫菜 除咗紫菜同三文魚同蝦係有兩件外 其他都係得一件 另外仲有隻醬油漬蛋黃🌟 刺身厚切新鮮 味道都唔錯 可能三文魚轉三文魚腩應該會覺得抵食啲 但對比lunch menu入面其他丼飯 究極丼呢個價錢性價比一般 下次會想試萬華丼/ 究極炎之丼🫶🏻🫶🏻

週日既晚上係附近搵吃見到呢間日本野裝修幾靚幾高級, 原來價錢都唔太貴就決定入去一試。2個人叫左一個丼飯,一個壽司set同兩個小食究極炎之丼$128既價錢性價比極高, 飯上面既灸燒魚生好豐富帶子兩大粒，蝦又有三隻， 仲有幾塊魚( 唔識分羊魚生) ,再加啲三文魚蓉件件都新鮮同好juicy火灸壽司拼盤每件都好新鮮好靚都係百幾蚊既價錢,絕對吸引小食就叫左甲羅燒配芝士餅乾同埋螢光魷魚甲羅燒好食，味道鮮甜，濃濃既蟹膏味配搭芝士餅餅，好食過日本某遊客區食過既一間甲羅燒而螢光魷魚就不值一題,需且覺得唔太抵$4x 一份得四小隻, 味道係新鮮但係去日式超市自己買一份食仲多仲抵食, 又唔需要咩加工既呢度只係下面搵啲青瓜墊底擺盤靚左總括,呢個晚餐食得非常開心,好有驚喜, 食物質素好,環境又靚,寧靜同舒服。係可以比人坐低慢慢享受食物