空海 (已結業)

從來都冇試過喺香港食蟹，以往食蟹都會幫襯日本嘅蟹道樂！去旺角食甜品嘅時候發現有間鋪頭好似蟹道樂咁，掛咗勁大隻蟹係上面，於是就再擇日去試啦叫左松葉蟹釜飯定食同空海盛豆腐好滑，配埋芝麻醬同蝦乾變得好有口感，味道豐富。麵豉湯毫不簡單，入面仲有成隻蟹鉗同勁多蟹肉，幾乎飲每一啖湯都有蟹肉食咬落煙煙韌韌，有炭燒嘅味道，配埋日式沙律醬好開胃一上枱已經有好大陣酒味😛 同埋佢好香好重牛油味，但食落又唔覺得膩和牛粒煮得啱啱好，咬落好韌，油香同肉香混合一齊好正🤤 配埋蒜片嚟食更有風味（用哂放相quota show唔哂）蟹腳刺身肉質好腍，發覺自己鍾意熟食蟹肉多啲～呢個真係不得了😍 味道適中唔會過鹹，蟹膏蟹肉多到嚇親人，食極都食唔完咁！我地用嚟撈落啲飯食，簡直係一流享受。。。海膽同帆立貝都好新鮮，食落鮮甜，忍唔住唔撈落飯就食咗🤣 啲蟹肉真係好多。。。 多到兩個女仔要嗌救命😛 蟹肉好嫩好鮮甜最後上嘅呢個是主菜，佢係一個釜飯，入面嘅餸都係蟹肉撈蟹膏，其實都好似我自己本身個食法，撈上面兩個餸嚟食，但呢個唔同之處就係成個都係熱食我自己試咗柚子雪葩，入面有幾舊柚子肉，味道清新呢到係一個同旺角完全唔一致嘅地方，入面好安靜，

今次又同閨蜜試新野！就係以蟹會主題既日本料理店 空海！大大隻蟹做招牌 好明顯就係主打蟹既料理啦！首先 呢個鋪頭真係有啲難搵到 google map大神出埋手都沒辦法順利搵到 真係遠在天邊 近在眼前店鋪位置得8個 重要既說話要講3次！一定要訂位！一定要訂位！一定要訂位！因為係食既過程中都見到唔少人想walk in ... 但已經額滿1/ 前菜胡麻醬豆腐配櫻花蝦2/前菜雞泡魚干3/蟹肉味增湯味噌湯味道雖濃 卻更能突顯蟹鉗的鮮味！4/ 松葉蟹腳刺身從蟹的顏色上便感受到佢有將新鮮！味道鮮甜 一口咬下去便是幸福的感覺！5/ 松葉蟹膏甲羅燒濃濃的蟹膏瞬間攻佔我的味蕾！同閨蜜share剛剛好 一人獨享的話太膩了！6/ 海膽 帆立貝 松葉蟹丼飯滿滿的蟹肉鋪得跟白飯一樣厚！海鮮的鮮甜下 完全不用配以任何醬汁也能吃得津津有味！海鮮新鮮呢點真係完勝！成餐都大滿足 材料新鮮 而且cp值勁高！好值得再次encore!

近日好忙，兩口子相處時間彌足珍貴；難得周末有點空閒，二人決定走到旺角的>>>空海<<<享用午膳。門口招牌位置擺放巨型蟹模型，彷彿瞬間置身日本。 餐牌放在門外，方便參考，可惜字體較小，閱讀不太容易。 甫進入，沒有任何職員招待，只是見到一張餐桌，吉位有沒有留座、該到哪兒坐、是日甚麼食材供應或缺貨……還得要走進廚房，才能請到侍應出來安排。由於整個餐廳只得一張八人檯，除非八人一同入座，否則定必要搭檯，重視私穩的話，宜三思。 據侍應表示，當日海膽已經售罄，所以我倆從餐牌中，剔除海膽類食物後，揀選心頭好。冰所選的是松葉盛(HKD298)。前菜是被日式芝麻醬浸得滿滿的豆腐，附以香脆蝦乾，有夠美味。 蟹肉味噌湯真材實料，不缺蟹肉；氣味亦令味噌湯更具特色。 清酒煮蜆份量挺多，先生比冰更喜歡煮過蜆的清酒湯底，被他一喝而盡。 火焰網燒松葉蟹鉗共有六隻，體型較小，但燒過處理，烘香的蟹肉別有一番風味。 主菜是三文魚子．松葉蟹肉．蟹羔丼飯。三文魚子和蟹羔滿滿的蓋在飯上，視覺效果非常震撼，咸香也非同凡響。一絲絲松葉蟹肉被均勻拌進飯中，確保啖啖蟹肉飯。白飯比例相對不多，

就快到紀念日，想同另一半好好慶祝一下。不過今年嘅紀念日喺平日，大家返工都忙，所以提早咗，響之前嘅週末慶祝。兩個人都鍾意食日本嘢，今次揀咗喺旺角嘅空海食晏晝飯。餐廳喺廣華街嘅地舖，最搶眼唔係舖頭名，而係招牌位置，大大隻又立體嘅蟹，第一眼以為自己已經去咗日本。門口已經擺咗餐牌，不過字體比較細，行埋啲先睇得清楚。唔單止門口餐牌嘅字比較細，連餐廳面積都係，一共只係得八個座位，建議訂位穩陣啲。餐廳提供唔同嘅套餐，亦有散叫。今日揀咗松葉蟹甲羅燒定食。前菜係豆腐，加咗芝麻醬同埋蝦乾，味道香濃，凍食豆腐又好啱呢個天氣。味噌湯加入咗蟹肉，令味增湯不再平凡，海產香味就夠吸引。輪到戲肉松葉蟹甲羅燒，係將個蟹殼伴入非常豐富嘅蟹膏，然後燒熱。熱辣辣嘅蟹膏更加甘香，伴著白飯享用，更夠滋味。由於定食套餐唔包飲品，另外叫咗一杯巨峰提子梳打，甜美享受，亦好啱而家比較熱嘅天氣享用。

從網上得知，旺角開佐一間「鬧市中的秘密花園」，由於位置夠方便，而且這類型的餐廳，香港的確比較難找到，於是便膽粗粗打電話黎留位，估唔到又比我Book到wor！餐廳位於旺角廣華街，絕對是鬧市中的鬧市，經過門口會看見一隻大大既蟹作為餐廳的標記，看見這隻蟹，你就會知道你來對地方了。說它是「鬧市中的秘密花園」，其中一間原因就係因為餐廳真係好細間，走進餐廳，會看見一張8人長枱，然後便沒有然後了.... 所以基本上無訂位既朋友都只能夠望門輕嘆，而我地今日黎到既時候都已經fully book，8個座位都座無虛席，有一d想walk in既客人都真係無得食。打開餐牌，價錢可以很平民，亦都可以食得好豪，最平既炒飯定食套餐 $118 已經有交易，而最費既料理長盛則索價 $698，當然，$698既套餐包既野真係好多，係一個8個course既套餐。最後朋友就點佐一個空氣盛，而我自己就食佐個三色丼定食。三色丼定食 $198定食配有三個course，包括前菜，蟹肉味噌湯，和三色丼飯。首先來到的是前菜和湯。前菜係櫻花蝦胡麻醬豆腐，豆腐凍凍地而且好滑，配上胡麻醬夠哂醒胃。而蟹肉味噌湯真係有成隻蟹爪一齊去煮，而且已經去殼，

今日朋友仔又帶我去食嘢，每次跟親佢去食飯，總會有好多美食，今晩佢就帶左我去旺角食日本菜。仲以為旺角冇乜高級日本料理店，但原來有間隱藏左係好多間小店之中，唔好錯過啦。松葉蟹釜飯定食$168一個定食，都有幾樣野食嫁，例如有前菜，蟹肉味噌湯，松葉蟹肉蟹膏釜飯。快速送左前菜同蟹肉味噌湯，櫻花蝦豆腐好滑，豆味又夠濃。味噌湯就唔太夠熱，所以影響左少少湯既鮮味。我咁內以黎，食過兩次 釜飯，一次好淡，一次就幾好食，今次既都好食呀。釜飯類似煲仔飯，係煲仔內煮熟，釜飯用松葉蟹肉同蟹膏調味，唔好以為只係得兩樣材料，其實已經好夠味，好鮮甜，膏味好夠濃，蟹肉又多又甜，有成三碗飯既量，但食晒完全冇問題嫁。

位於旺角的空海，是一間主打吃蟹的日本料理餐廳。是日相約好朋友去吃晩餐，慶祝一下快將轉變的新環境，作為吃貨的我們，當然要吃美食慶祝哦。空海盛$598/位空海盛包括: 前菜，松葉蟹腳刺身，蒜香一囗和牛粒或清酒煮蜆，松葉蟹膏甲羅燒，海膽帆立貝松葉蟹丼，蟹肉味噌湯，柚子雪葩或紅豆甜湯。前菜是櫻花蝦豆腐，豆腐豆味重，雪得夠凍，為夏日降溫。蟹肉味噌湯，湯頭鹹鮮，鹹味剛好，並不過火。蒜香一囗和牛粒或清酒煮蜆之間，我選擇和牛粒。和牛肉質軟身，脂肪豐富，油脂在囗中溢出，滋味無比。松葉蟹腳刺身，上菜的次序可以改變一下，最後才上刺身感覺有少少奇怪呢。蟹腳已預早拆殼，只需輕輕一咬，便能把整枝蟹肉拉出來，很方便阿。松葉蟹膏甲羅燒，快要滿溢的蟹膏，看上去極為吸引。蟹膏和蟹肉拌勻，膏味濃郁，在囗中散發濃列鮮香，蟹肉份量超多，獨吃的我，超級滿足哦。海膽帆立貝松葉蟹丼，向來不太愛吃海膽，但這種色澤鮮明，呈深橙紅的海膽，我是最能接受的。海膽有數件，海水味濃，質感滑軟，是高水準的刺身呢。帆立貝數量也不少，肉質軟腍，頗新鮮哦。松葉蟹肉則不用多說，果然是餐廳招牌，鮮甜至極，和白飯拌在一起，散發鮮香，其實我單吃松葉蟹拌飯，就已經

這間日本餐廳的位置比較難找於下雨天中尋找隱世餐廳是需要點時間這間餐廳主打的菜式是松葉蟹餐廳的環境私隱度高位置只有八個如需用餐請務必預先預約如不就需要長時間的等待了店內的餐具都很別緻都用上了蟹的圖案來做裝飾蟹肉味增湯味道適宜蟹肉鮮甜可口清酒煮蜆清酒味濃蟹肉鮮甜份量多小妹不太欣賞就給友人吃光松葉蟹腳刺身松葉蟹腳刺身味道鮮甜新鮮令人讚不絕口三色迷你刺身飯外表吸引刺身滿滿的刺身鋪滿米飯上分別是魚子 海膽和松葉蟹肉松葉蟹膏甲羅燒 滿滿的蟹膏很吸睛而且非常邪惡蟹味濃郁 豐富！這餐吃得很滿足餐廳雖小但菜式非常精彩令人耳目一新目不暇給我們吃得很滿足和愉快適合想要有私隱度高和舒適用餐的地方的朋友

約咗朋友食佢生日飯，喺佢公司附近等佢，朋友想食日本野，結果我早一個星期就book咗呢一間日本餐廳，至於點解要早一星期，係因為佢入面只有幾張枱，好搶手去到鋪頭外面，首先會俾呢隻大蟹吸引住，如果唔係有呢個蟹，基本上都幾難發現佢哋門口喺邊去到餐廳朋友就負責發板，基本上呢間鋪頭好適合鍾意食蟹嘅朋友，因為基本上每一樣食物都有蟹做配菜，例如呢個海膽蟹膏帶子飯，除咗海膽同帶子好鮮味之外，佢個蟹膏都十分之香濃，上面鋪滿密密麻麻嘅蟹肉，好鮮甜，每一啖都充滿着蟹肉，正另外再叫左個新鮮蟹棒，蟹棒算粗，而且味道非常鮮味，完全食到蟹既鮮甜味另外我哋再叫咗個三色飯share，每一碗飯雖然個份量都唔係好多，但係刺身份量就非常多，基本上碗上面都鋪滿晒魚子、海膽同埋蟹肉，性價比好高特別想讚一讚呢個係蟹肉玉子，配合埋上面嘅蟹子同埋芝士，十分惹味，記得必食整體黎講呢間餐廳雖然係旺角，但係佢嘅食物質素好高，而且價錢唔算貴，性價比好高，正

香港專門只食蟹的日本餐廳不多，旺角新開的這間餐廳就是其中一間，大大隻蟹模型掛在門上，遠遠望到都認到，拉開敞門，小小的一家餐廳裝潢很別緻，一張大枱放正中間，很有回家吃飯的感覺。餐廳提供不同的套餐，由百多元至六百元不等，點了一平一貴的試試，分別是三色丼定食($198)及空海盛 ($598)，套餐連面豉湯、前菜、甜點。套餐的面豉湯是第一個驚喜，一般的面豉湯只是海帶、豆腐、蜆。但今次是第一次食到面豉湯中有蟹肉及蟹拑。三色丼定食是三碗分別以三文魚子、松葉蟹肉、海膽的日本飯。雖然碗細細，但其實飯少料多，料多得快要滿瀉。三文魚子粒粒又大又爆汁，很有口感。海膽則呈金黃色，入口軟綿，味道甘香濃郁空海盛是餐廳的招牌定食，用料極為豐富。最特別的就是松葉蟹腳刺身，魚的刺身食得多，蟹腳刺身就真是第一次食，這跟韓式的醬油蟹又不同，因為蟹腳刺身不用點任何醬汁，就是要吃牠的原油原味，最真的那種蟹味。入口味道清甜，肉質很滑，吹彈得破的感覺。蟹膏甲羅燒則用蟹蓋盛裝著蟹膏來燒，蟹味超級極度濃郁，食完後的餘香不斷在口內徘徊，用來跟白飯一起食最正。最後可以揀紅豆糖水或柚子雪芭，雪子雪芭唔太甜，內有柚子蓉，柚子味道醒神怡人。

今晚同事請食飯，佢睇食評揀左空海，未去之前真係好期待，因見到D食評都係好評，但食完卻有D失望，未致於好好，只可說ok!入到鋪頭見到得一張長方型大枱，只可以坐8個人。今晚叫左2個定食: 空海盛$598和三色丼定食$198空海盛~前菜~樱花蝦麻醬豆腐~醬汁酸酸甜甜，加上豆腐一起吃，不錯！空海盛~蟹肉味噌湯~一般！蟹肉也見鮮甜空海盛~松葉蟹腳刺身~D肉一睇已知唔夠新鮮，入口更是失望，無蟹味，肉質亦太腍空海盛~清酒煑蜆~蜆肉好細有沙亦不新鮮，唔明點解會咁差空海盛~松葉蟹羔甲羅燒~蟹羔超多超甘甜，好好味，用來撈飯一流空海盛~海膽，帆立貝，松葉蟹丼~蟹肉好多，海膽算鮮甜，份量亦大，唯獨帆立貝沒鮮味，但連飯和蟹羔mix埋一齊食還算好味三色丼定食~分别有三文魚子飯，松葉蟹肉和海膽丼飯，三文魚子大大粒，一定腥味都無，海膽亦大大片，新鮮，蟹肉好多，mix埋一齊食好正

旺角食肆多，但係大部分都係火鍋放題，興趣不大，途經廣華街竟然見到呢間新餐廳用左一隻蟹做裝飾，這做法幾吸引視線，亦都聯想起日本既蟹道樂，鍾意試新野既我地望完餐牌覺得價錢可以就決定試下。餐廳環境真係超級細，只有一大張長枱八個位，如果無訂位可能要等位，我地去既時間尚早就唔使等，但有好大可能要同唔識既人搭枱一齊食。今次去到老闆要兼做埋廚師和侍應，認真一腳踢，所以出菜要比點耐性。空海盛 $598/位前菜係櫻花蝦芝麻醬豆腐，豆腐很滑，搭配日式芝麻醬和櫻花蝦很開胃。蟹肉味增湯雖然只是簡單的味增湯，不過每碗都放了蟹鉗和蟹肉，蟹肉鮮甜，味道可以。松葉蟹腳刺身一隻隻已去殼的松葉蟹腳鋪在冰上，蟹腳食落真的相當軟滑，不添加任何醬料，更能食到蟹的鮮甜味。清酒煮蜆蜆殼和蜆肉的數量不成比例，蜆肉的數量有點少，酒味亦不夠濃，較失望。松葉蟹膏甲羅燒即點即燒的甲羅燒，食落濃濃蟹膏味，味濃得黎很滋味，如可配上多士食加一流！海膽帆立貝松葉蟹肉丼飯同之後點既三色丼飯好相似，兩者都有松葉蟹肉和海膽；海膽用上加拿大海膽，份量多，味道還好；最鍾意就係蟹肉，蟹肉味濃，加點醬油拌飯已經好好食！三色丼定食 $198（包括前菜、蟹肉味增湯）

平日如果男人收夜而我沒約人，我多會買外賣回家或自己煮些的便算，但這天剛好到旺角拿東西，再加上因爲工作出現了非常強勁的低氣壓，便決定對自己好一點。這間空海，上次晚飯後和男人路過見到他們門口的大蟹，已經說要找天試試，現在就當我先來實地勘察一下，好吃才再帶男人過來吧。這裡的價位不算太貴，從內容看起來也頗豐富。小小的舖位只有一張桌子，能容納八位客人，我這天是早到了等餐廳晚市開門，而且剛好其他預約的時間都比較晚，才能幸運的吃到。如果不想撲空，建議先訂位。這裡的熱茶都一整壺放在桌上，方便可以自斟自飲。筷子座都是蟹的模樣，可愛又對題。選擇困難的我，這也想吃那也想吃，最後由男人遙距幫我決定，選了迷你三色丼，說一次過滿足了我喜歡吃蟹、喜歡吃海膽，又喜歡吃三文魚籽的欲望。松葉蟹羔甲羅燒 $98貪心的叫多了一個甲羅燒，整個蟹殼都填得滿滿的甲羅燒，蟹膏醬的味道不會太鹹，蟹肉蟹羔的份量也絕不欺人，真的啖啖都吃到一絲絲鮮味蟹肉，入口啖啖濃郁蟹膏味。三色丼定食 $198定食包括前菜、蟹肉味噌湯和三文魚籽、松葉蟹肉、海膽丼飯。雖有蟹鉗，但卻不是蟹湯，而是加了蟹鉗蟹肉的味噌湯，不過蟹肉份量很多，味道也頗鮮，味噌湯的味道

我非常喜歡食蟹，知道近排香港都開咗幾間高級和式蟹之料理店，食過上環一間，當然我好鍾意，但價錢真係哪唎，終於俾我旺角搵到呢間，仲以為去了北海道，門面大大隻蟹。旺角少有蟹的專門店，這裏做法似家私房菜，推門見到只有一張八人枱。晚上有八款套餐，我選了松葉蟹盛，$298。前菜一開始的前菜很豐富有四款，鱈魚乾最好食，因為幾香兼且有咬口，其次是紫番薯，真的超甜，毛豆及或豆腐正正常常，蟹肉味增湯先備用。清酒煮蜆湯幾好味道，酒已經揮發，所以唔使擔心冇酒味的。燒松葉蟹鉗見到就開心，已經起了一半殼，食得可以很方便。帶子海膽丼最鍾意食海膽，配埋帶子正到暈。

朋友啱啱係京都旅行歸來，對所見所聞所食滔滔不絕。席間更大晒食蟹嘅相片，真係勾起旅行出走嘅衝動，心諗既然抽唔到時間就不如係香港黎個味覺短途旅行，彌補一下。上網碌左碌就發現到旺角嘅空海新開左無耐，又係主打食蟹料理。既然咁就腳一於過黎擦返餐！揀完餐後好快就送上餐前伴菜－櫻花蝦麻醬豆腐／蟹麵豉湯。豆腐冰涼透心，微微嘅酸味及櫻花蝦脆香，係焱熱嘅夏天好開胃。蟹麵豉湯嘅蟹肉爽口，加上已經剝好食起上黎不用費神，而麵豉味道剛好唔會搶左蟹肉嘅鮮。之後係蟹肉玉子燒，蟹肉嘅量一啲都唔孤寒鋪到厚厚底層，就算食完玉子都仲剩好多蟹肉。一梳梳嘅爽口蟹肉配上香甜玉子，非常滋味。加上粒粒蟹子點綴，令口感提升不少。先上第一個主菜：松葉蟹丼飯加配海膽／帆立貝。蟹肉同飯嘅比例係１：１，係１：１！帆立貝厚身爽甜，而海膽同蟹膏嘅奶滑及淳香更令整碗丼飯提升上另一層次。將所有海膽／蟹膏／蟹肉充分攪拌，入口每一啖都係鮮甜甘香嘅滋味。火炙帆立貝完全表突出左自身嘅甘甜，少量嘅沙律醬令帆立貝食落更清爽。海膽墨魚刺身，因為賣晒蟹腳刺身所以轉食依個。但都有驚喜喎，墨魚好滑及煙韌，混合左打得幼滑稠身嘅海膽汁，濃香非常一啲墨魚腥味都無。配以紫菜包住黎