翠林辣蟹舫

建議親朋戚友👨‍👩‍👦‍👦一齊去食，每款菜式真係睇得又食得，質素絕對對得起價錢😤 每月亦更新優惠菜式，8折為返抵食好多呢家7月訂座同時order 招牌炒蟹，更送每人一個黃金流沙蝦球，啲優惠🈹加加埋埋真係吸引🦀鎮店招牌蟹包括: 避風塘炒蟹、黄金流沙蟹、黑白胡椒蟹、椒麻香辣蟹、香辣蟹醬炒蟹*黄金流沙蝦球🍤 $48/隻極力推介之一，用新鮮越南虎蝦，將表面沾滿鹹蛋黃脆沙包，食落結實彈牙，口感一流😍🤤*黃金豆腐 $68 每粒金黃色脹卜卜，炸漿好薄，外脆內軟，豆腐好滑，豆味濃到好似食緊豆腐花🤤*冰鎮拔絲咕嚕肉 $148皮薄鬆脆，個汁調得岩岩好，酸甜度好平衡👍🏾 旁邊仲有好多紅椒，青椒，蜜桃伴碟*避風塘炒蟹🦀 $688/隻原隻越南肉蟹，走油連蒜蓉沙一齊炒，好香口酥脆😆蟹殼都好軟身好易敲，肉質紮實爽口，辣度適中，完全無蓋過陣海水味，每啖食到蟹既鮮甜😍 蟹蓋仲有啲膏

之前嚟過呢度食晚飯，發覺呢度除咗食蟹勁正之外，小菜都係好有驚喜同水準。今日同媽媽專誠嚟呢度食蟹以外嘅選擇。呢度好旺場，我哋冇訂位，好彩有位唔駛等。黃金豆腐好有水準的一個小食，媽媽讚不絕口。每粒豆腐都炸得好靚，金黃色，而且完全冇油。豆腐外脆內嫩滑，脆漿好薄有少少椒鹽味，好惹味，再沾上少少泰式酸辣醬食，真係食唔停口。蜂蜜燒汁牛仔粒賣相擺盤一流，炒得好有鑊氣，薯仔粒外層少少脆，入邊粉嫩，牛仔粒啖啖肉，不會嚡，每粒薯仔及牛肉都均勻佈滿了調味剛好嘅黑椒蜜糖汁，冇得輸。黃金鱔球賣相一流，好邪惡嘅一個菜式。鹹蛋黃脆脆香氣撲鼻，好甘香。鱔球大大塊，炸得非常酥脆，炸粉一點也不會厚，鱔肉不會腥，鱔皮囗感Q彈。椒麻酸菜魚呢個酸菜魚好有驚喜，一大盤，估唔到嘅係魚肉係用上了貴價龍躉塊。龍躉大大件，份量好多，而且好新鮮。肉質紮實不會嚡。魚皮夠晒厚，骨膠原豐富，口感Q彈，就像是吃緊花膠。湯底的麻辣味和酸味，好平衡，而且龍躉的精華都響晒湯裏面，好鮮甜。配菜有雲耳，蓮藕片，芹菜，酸菜等等，吸入湯汁非常好吃。總括而言，這家的小菜一點也不會比他們的招牌蟹失色，全部都有水準。而家餐廳搞緊推廣，凡在七月訂座，消費招牌辣蟹就每人

好好味黑白胡椒蟹😍今次終於約朋友食中菜，因為近排見ig有人食大大隻蟹好吸引，我哋都忍唔住去試吓，叫咗幾樣嘢都好味😋黑白胡椒蟹佢啲蟹有分普通蟹同勁大隻嘅菲律賓蟹，我哋兩個人叫咗普通蟹已經好夠食。佢有好多唔同嘅做法，其實款款都想試，最後揀咗黑椒。佢用好好味嘅洋蔥煮嘅黑椒汁，隻蟹切開幾舊，所以好入味，隻蟹勁肥滿，啖啖肉，好好味呀☺️下次一定會再去試其他口味。食神炒飯一定要食呢個炒飯，真係好好味，除咗大量蝦粒、蟹子，仲有類似豆角嘅嘢，炒到夠乾身夠入味😋一個人食兩碗飯都唔過分。沙薑鹽水鵝鵝雖然好肥，但佢嘅味道整得好好，沙薑嘅香味減少鵝嘅so味，怕肥嘅我都忍唔住食咗幾舊。蕃薯苗平時自己點炒都唔好食，佢用豬油渣炒，雖然油咗啲，但真係炒得好好味。見隔離人多點咗三隻唔同口味嘅蟹，正呀，人多就可以食多幾個餸，下次帶埋屋企人去食先。

今日同朋友🧑‍🤝‍🧑去尖沙咀搵食，佢帶咗我去一間係尖沙咀都開咗幾耐下嘅餐廳，叫做（翠林辣蟹舫）呢間辣蟹舫唔難搵，係尖沙咀a1出口行三分鐘就到。朋友之前嚟過食過幾個招牌菜都讚好，所以今次照板煮碗叫番一模一樣嘅菜。朋友仲話呢間係網紅店呢，每月都會推出一啲特色小菜。上菜前侍應畀咗一碟餐前小食（椒鹽花生🥜），可以慢慢食住等。話咁快啲菜已經上枱。話梅涼瓜：出面冇食過呢款配搭嘅菜式，佢哋用話梅檸檬去浸涼瓜，估唔到個味道咁突出，而且咁夾，酸酸甜甜好開胃。黃金流心蝦球🦐：店員話係佢哋嘅得獎菜式，個蝦球好大隻，而且炸得好香脆，食得出好新鮮，就連去用嚟墊底嘅炸米都食得。椒麻酸菜魚🐟：一上枱已經聞到好香椒麻香味，店員仲話佢哋嘅魚唔係普通街邊餐廳嘅貨色，係用深海大龍躉🐟切片做，佢話睇個皮有幾厚就知條魚有幾大條，真係食落去啖啖骨膠原，而且一啲都唔鞋，仲好滑，而且個湯底一啲都唔咸，仲好有鮮味。花膠炒甜豆：一個天一個地嘅材料，既然可以咁樣配搭，花膠好大塊又軟又滑而且好夠火候💥，配埋荷蘭豆一軟一脆，十分之夾。原來食蟹🦀仲有特別優惠：‼️7月只要訂座在餐廳消費招牌炒蟹就可以免費每人一個黃金流沙蝦球‼️

心血來潮想食炒蟹😝😝咁同行朋友就話去呢間網紅蟹店晚餐啦！佢哋每個月仲會有新嘅優惠菜式！去到仲見到7月份訂座喺餐廳消費招牌炒蟹！就可以每人一個金流沙蝦球(今次咁即興冇訂定位先添😂大家去食記得訂位喇). ✨ 避風塘炒蟹 $688 (八折)氣勢滿分‼️成隻蟹好有份量又啖啖肉！加埋以炸蒜香葱辣椒等嘅避風塘式炒法無敵惹味呀😍😍果然係招牌炒蟹！. ✨ 黃金豆腐 $68 (八折) Be大愛呢款餐前小食😋極脆外皮炸粉完全唔會厚！內裏嘅嫩滑豆腐係入口即化嘅境界 ！食得出係考功架之菜式！！. ✨ 黃金鱔球 $128 (八折) 香口嘅黄金菜式係食小菜經常點燈嘅款式！改以鱔嚟製作又幾有新鮮感！以海量鹹蛋黃脆脆包裹住🤩🤩內裡嘅鱔肉唔腥又軟嫩！. ✨ 蜂蜜燒汁牛仔粒 $128 (八折) 即係平時食嘅薯仔牛仔粒啦❤️牛肉醃得夠腍又入味！Be個人覺得沾滿咗蜜汁嘅薯仔更係成道菜靈魂所在！

呢間專食蟹嘅中菜海鮮餐廳開業咗好多年，好多明星都捧過場！我記得幾年前嚟呢到食呢度嘅避風塘炒蟹套餐，到宜家都仲歷歷在目😌 事隔咁耐返嚟再食，分享比大家😋✦ 鎮店招牌蟹 - 避風塘炒蟹｜$𝟔𝟖𝟖/隻 (𝟖折: $𝟓𝟓𝟎.𝟒)除咗避風塘炒蟹，仲冇黄金流沙蟹、黑白胡椒蟹、椒麻香辣蟹、香辣蟹醬炒蟹選擇👍🏻 全部都係用上韓國蒜頭炒，完全冇混入麵包糠，勁香口惹味🥰 蟹肉啖啖肉😋 ✦ 翠林椒麻酸菜魚｜$𝟐𝟖𝟖嚟呢度真係未食過酸菜魚，好有驚喜！首先賣相好靚好大盤，然後係用上龍躉魚肉😍 啲皮勁滑勁厚好多骨膠原啊🤪 呢個價錢食到咁靚嘅魚，而唔係其他地方咁用上鱸魚，非常值得一讚👍🏻 份量都算多，而且麻辣酸味味恰到好處，可以飲啖湯☺️ 唔算好辣啱晒大眾口味～✦ 食神炒飯｜$𝟏𝟖𝟖又係賣相一流，成條錦鯉形狀😯 仲有蟹籽鋪喺面做埋裝飾，呢碟炒飯真係勁好食！飯粒炒到粒粒分明超彈牙，加埋蟹籽口感更爽脆，配埋蛋香，味道唔會太濃！勺完再勺嚟食，必點 👍🏻✦ 山楂汁虎蝦球｜$𝟒𝟖/隻好大隻虎蝦係入面夠晒彈牙，炸粉好脆又唔會油膩，加埋酸酸甜甜嘅山楂汁好開胃😉💬 𝐎𝐯𝐞𝐫𝐚𝐥𝐥：餐廳環境比之前更舒服闊落，而且食物種類好多，用嘅食

尖沙咀呢間網紅蟹店好受歡迎平日晚上餐館座無虛席 好熱鬧我哋兩個人叫左三款食物🔸山楂汁鱔球醬汁酸酸甜甜 食落好似咕嚕肉汁咁白鱔去咗骨 大啖食都唔怕 外面有一層薄薄嘅炸粉 入口酥脆做到外脆內軟 口感一流🔸避風塘炒蟹🦀🦀🦀主角出場!!! 炒蟹呈金黃色 賣相非常吸引 面頭鋪滿海量炸蒜 帶點辣味 好邪惡隻蟹真係好大隻 份量十足蟹鉗啖啖肉 肉質鮮甜嫩滑 超正 餐廳好貼心地提供埋手套 剝殼都唔會整污糟隻手👍🏻🔸食神炒飯擺碟好有心思 係鯉魚造型味道都好惹味 米飯炒到粒粒分明配料有蝦仁 蛋 同豆角有蟹籽 食落更有口感

今晚有新菜牌先食為快😋過兩日正式推出謝謝寶林姐及英哥安排! 朋友食到個個讚不絕口😋以下是一些推介，大家可以試下！避風塘炒蟹 (鎮店必食)話梅涼瓜 (酸甜開胃)黃金流沙蝦球 (熱辣辣啖啖肉)黃金豆腐 (脆口軟滑)冰鎮拔絲咕嚕肉 (推介之選)山渣汁鱔球 (做法特別)蟹醬餐肉炒米粉 (惹味多餡)蔥油脆魚片 (底下還有金菇)古早味紅糖糕 (入口軟滑)海苔脆脆酥 (懷舊回味)過兩日又有朋友生日，又訂了枱，今次有間私人房，夠晒私隱呀！

收到喜訊，於是先生話今晚食好啲，帶我去尖沙咀的網紅蟹店。餐廳光猛闊落，有卡位和大圓枱，人多或人少都坐得舒服。食物方便有海鮮和各式小菜，還有燉湯、濃湯花膠等。鎮店招牌蟹和小菜都有八折呢。避風塘炒蟹（$688八折）超級大隻越南蟹，鋪滿厚厚的炸蒜，放在紅色牌坊之下，非常有氣勢，難怪稱為鎮店招牌！味道少辣惹味，蟹肉結實鮮甜。店員準備了夾子給我們夾開蟹鉗，另外有主動換了幾次骨碟，服務很好。山渣汁鱔球（$148八折）炸漿脆薄，鱔肉大片啖啖肉。甜酸的醬汁掛面又不會浸腍脆皮，不錯。食神炒飯（$188）錦鯉造型很搶眼，飯粒乾身有鑊氣，而且加了少許煙韌的意大利長野米，健康又有口感。每啖飯都有餸：蟹籽、蝦仁、青豆、嫩蛋，真是食神級數。

近排發現尖沙咀呢間食辣蟹既餐廳做緊八折優惠，急不及待就約朋友去食，餐廳門口貼滿老闆娘同明星合照，水準一定有保證，餐廳座位闊落，窗邊卡位可以望到街景特別舒適，店員服務好細心周到，食物注重擺盤，別具心思。避風塘炒辣蟹 
先將越南大肉蟹油炸至半熟，再混入已油爆既自家製秘製香料及香蒜，再落鑊再炒至全熟，蟹肉肉質結實，真係啖啖肉。椒麻酸菜魚 
魚片用上二十幾斤重既龍躉起肉，魚肉嫩滑軟綿，油脂豐富，魚肉吸引曬麻辣鮮香，十分惹味，配料有萵筍、蓮藕、酸菜、雲耳等。山楂汁脆蝦球將新鮮大蝦去殼，原隻油炸至香酥，皮衣薄脆，蝦肉鮮味彈牙，配山楂汁酸酸甜甜好開胃。食神炒飯炒飯砌成一條魚狀，造型可愛，炒飯炒得好乾身，口感煙靭，配料有蝦仁、豆角同蛋絲，魚身撒上日式蟹子，豐富口感增次。

今晚晚餐去咗呢間網紅蟹店食佢哋主打嘅蟹🦀，佢哋每個月仲會更新唔同嘅優惠菜式！🦀避風塘炒蟹 叫咗微辣，呢個招牌菜真係無得輸，賣相靚之餘仲好好味！蟹大大隻，啖啖肉，炸蒜嘅香味浸透晒成隻蟹肉，味道濃郁又惹味！🎏食神炒飯炒飯整成一條鯉魚造型，好吸睛🤩份量都幾多，面頭有啲飛魚籽，飯入面仲有勁多配料，口感非常豐富😋🌱豬油渣番薯苗番薯苗炒得夠晒獲氣，味道超香，估唔到咁好食，好快就清晒🦐黃金流沙蝦球大大隻蝦球，新鮮彈牙，仲要勁多咸蛋黃，咸香味十足！

同朋友喺尖沙咀睇完Top Gun🤗記得之前嚟過食佢嘅避風塘炒蟹都唔錯😁所以今次就介紹埋朋友嚟食飯🙌呢度餸菜及炒蟹款式選擇都幾多😌今晚就點左好耐無食既星洲黑白胡椒味炒法😁黑白胡椒炒蟹🦀隻蟹大約一斤重😊上枱而聞到陣陣胡椒香🥰楊蔥完全吸哂黑白胡椒汁🌶辣辣地好惹味😋蟹鉗好大隻啖啖肉😍蟹蓋由我一人獨享😜真係食得好滋味🤣鹽水鴨🐧鹽水鴨肥瘦適中食落先感受到鴨腿肉完全吸收了湯頭的精華😍令肉質食起來更嫩滑帶香🥳加埋面頭薑蔥粒送飯一流‼️豬油渣炒番薯苗🥬朋友第一次食豬油渣一次愛上😂番薯苗炒到軟嫩滑口🥰豬油雖然較肥但炒出黎既菜好香🤪唔錯❤️

係尖沙咀即興想食蟹🦀記得朋友推介呢間「 翠林辣蟹舫」，無book枱就walk-in去食，好彩等左唔係好耐就有位。餐廳門口就見到貼左好多明星相🤩果然係名人飯堂，水準一定有保證。餐廳裝潢高雅，坐係窗邊卡位特別舒適。另外值得一讚係店員服務好細心週到💯💕兩個人叫左一個小食，三個餸都飽到不得了😚🐓泡椒鳳爪 $58叫左一個餐前小食，鳳爪隻隻都大大隻又多肉，酸酸辣辣食完好開胃。🦀避風塘炒蟹 $688 (宜家仲有8折優惠)賣相好靚，紅色大盤配搭擺好pose嘅巨蟹同埋大量炸蒜，擺盤好igable📸避風塘炒蟹係呢間店嘅招牌菜😍仲有其他做法可以揀，我揀左避風塘做法貪佢夠超級無敵香口🤤用上原隻越南肉蟹🦀特別多肉，蟹鉗成隻匙羹咁大隻，蒜蓉沙炸得好香，好夠火喉，炒得特別酥脆。餐廳已經預先敲碎左個蟹殼，所以食起嚟好方便。蟹鉗非常多肉，而且鮮甜多汁，蟹蓋亦都好多香甜蟹膏。店員仲好細心比左蟹鋏同手套比我地用。🐷冰鎮拔絲咕嚕肉 $148又係賣相好靚的菜式，上菜時已經比佢嚇親，好大堆冰，周圍有彩色繽紛的紅椒，青椒，蜜桃伴碟。因為有冰鎮的關係，咕嚕肉個皮好酥脆，個脆皮仲要好薄，完全係外脆內軟的雙重口感。咕嚕肉充滿肉汁，個汁酸

🤍翠林辣蟹舫🖤尖沙咀亞士厘道24-38號天星大廈1樓A號舖🥢呢間蟹店網上人氣高企，招牌蟹又做緊八折優惠，今日收工就特登去尖沙咀試吓，見到佢而家個menu同網上嗰啲唔同，入去問咗職員，原來每月都會轉下款，保持新鮮感🦀黑白胡椒蟹 $688造形非常有氣勢🔥打卡啱晒！炒過胡椒醬非常惹味，但又唔會掩蓋到蟹肉嘅鮮味，重點要講嘅蟹肉真係非常彈牙鮮甜，又非常大隻！店員好貼心，會係我哋食食吓嘅時候，幫手換碗碟同埋俾多幾張濕紙巾🧻🍤黄金流沙蝦球 $48炸好嘅黃金蝦加埋鹹蛋黃碎碎食，勁邪惡，蝦肉好大隻，我哋不停點埋啲鹹蛋碎食，旁邊仲有一碗水果沙律，食落清新啲冇咁膩，見到枱枱都嗌😋🍚🎏食神炒飯 $188肚餓既我哋叫咗個招牌炒飯，超級靚係一條鯉魚形狀，面頭上仲會有飛魚籽，令到口感更加爽口鮮甜，炒飯用意大利米，食落煙煙靭靭，入邊大量蝦仁同蛋

尖沙嘴亞士厘道街尾見到門口打正旗號大大隻蟹啲食評大部份都係讚多蟹迷如我又點會唔試Open rice 訂坐寫咗想坐卡位可能出邊爆曬 比咗間房俾我哋坐 今次房間冇特別話要最低消費呢間房可以坐到四個人多口問句有冇10人房 佢話有 最低消費 $4000另外自備紅酒 免開瓶 見佢有個二人餐好抵食 $710 已包括二人+1服務費 同埋茶錢包一隻避風塘炒蟹 （亦可選黑白胡椒蟹）兩隻黃金蝦 （好巨型）跟送兜沙律 小椒炒雞肉 （好油下）古早味紅糖糕 （甜美剛好不會太甜）如果想食多啲其他嘢建議四人的話其實可以兩個人share食一隻蝦不過影相打卡就一人一隻過癮啲嘅今晚我哋三個人 決定叫個二人餐另外再散叫兩款海鮮本身想叫多啲但係食咗隻蝦實在太飽 有個肥佬叔叔都幾搞笑佢拎啲蝦入嚟我哋睩大對眼話：嘩～咁大隻嘅！佢話咁出去換返啲細隻俾我哋喎另外有個叫雪姐招呼我哋叫咩食好佢拎咗兩隻唔同size嘅蟹俾我哋睇佢話如果二人餐就會比隻細啲嘅（都合理）散叫嘅話收費$1000 一隻 （大蟹無折）但係真係超級無敵勁大隻下次多人啲我會試吓大蟹🦀️今次散嗌咗脆米煮鮑魚 呢個有驚喜 叫咗兩隻鮑魚大大隻 仲有啲瓜同埋木耳連埋個紗煲一齊上最