老鍋台式火鍋 (已結業)

感謝友人 Lady Kar Kar 宴請筆者吃生日火鍋 ~地點就在 銅鑼灣 - 京都廣場 的 老鍋台式火鍋 ; 一出升降機門 , 就知道這間火鍋店原來很有名氣的 , 牆上貼滿很多城中名人來支持的照片 ~還有一特別之處 , 就是在餐廳入口處可以放電子天燈 , 有得吃、有得玩、有得許願 , 真神奇刺激 ~ 筆者都有放電子天燈 , 願望就是身體健康 ~Menu & 點單紙 ~這店用的鍋很有古風 , 勁有風味 ~養生鍋 : 因為友人怕辣 , 所以便點了這個用上了人參、多種藥材、老雞、猪肉淆成的湯底 , 湯底的味道很濃郁 , 真材實料 ~食物方面 , 我們點了 鮮炸響鈴、手切牛肩肉、皇室魚肚、鵝肝墨魚丸、黑松露蝦丸、冰菜、寬粉條、烏梅汁 ~鮮炸響鈴 : 新鮮炸起的奇脆無比 , 口感和味道都不錯 , 放湯久了也不會過腍 , 很有水準 ~手切牛肩肉 : 牛肩肉切得厚薄適中 , 放湯稍為灼一灼便可以入口吃 , 肉質軟綿 , 牛肉味濃郁 ~皇室魚肚 : 魚肚大大件 , 可以用魚肚扒來形容 , 吸入養生湯底之後的魚肚味道極佳 , yummy ~鵝肝墨魚丸 & 黑松露蝦丸 : 一吃便知道是手打貨 , 鵝肝墨

養顏美人鍋@老鍋台式火鍋 早排和老公慶祝生日，朋友介紹下去了老鍋食火鍋，真係好食到一個點最重要係價錢一點也不貴! 食火鍋食材最重要，這裡生料款式超多，肉類有安格斯牛，黑毛豬，嘉美農場雞肉，黑草羊，海鮮類有大蝦，帶子、鮑魚、 花膠、鯇魚，海鮮拼盤。。。手打丸，餃類還有蔬菜類價錢都是幾十蚊起標， 而且不時有多款優惠，呢個白色情人節SET認真抵食!透過一些APP去訂桌更可以全單打折優惠，大家不妨留意 坐得舒服招呼也是無得彈 基本上稍為望一眼店員，就馬上有人為你服務， 混醬區~ 調味料不萛多款式，但其實食火鍋，最重要是食出原味，調味料真是不需要的東西 店員推介下點了美人鍋$228，一上桌就聞到陣陣中藥的香氣，不用說都知好滋補啦，用一只舊式的銅鍋盛住， 入面包括了一整只烏雞，淮山、 龍眼肉， 南棗，紅棗，金華火腿、桃膠和粟米，再加上上面的紅卜卜的幾顆杞子，既養生也令整體更加點美感 一滾就香氣撲鼻，一下子就飲了幾碗真材實料的湯，味道也很濃郁 其他食材幾分鐘內一一送上，非常快手 一品花雕雞件，非常推介 用上了嘉美農場雞肉，雞肉是偏廋的，但又絕不鞋

人到中年，進補是不可缺少的，但外出晚膳大部份都是無益的食物，好彩香港最近流行台式養生鍋，打邊爐之餘又可進補，今晚就決定去試試今次來到銅鑼灣京都廣場老鍋，位置相當方便，港鐵站落車行兩分鐘就到一入餐廳已聞到濃濃藥材湯底味，急不及待點選食物了，很快我們落單的養生鍋已送上，火鍋設計是台式樣子，中間有一個通風口看一看餐牌介紹，養生鍋材料為人參，名貴藥材再配上火腿，老雞，豬肉淆製而成，湯底相當濃郁，入邊果然有兩條很大的鮮人參，難怪參味這麼濃郁精選手切牛肩肉牛肩肉肥瘦適中 ，牛味極之濃，而且肉質鮮嫰帶少量油花，配埋人參湯底味，味道超級好鵝肝墨魚丸手打墨魚膠超彈牙，入邊釀左一小粒鵝肝，那份味道令人超級驚喜黑松露蝦丸真係彈牙到不得了，手打功力超級強，加上淡淡黑松露味滲透出來，味道極之豐富咸旦炸魚皮魚皮薄身超脆口，每片均沾上大量咸旦黃，惹味到不得了皇室魚肚有別於坊間中式魚肚，除了形狀方方正正之外，亦少了一陣油炸味，口感較為清爽，而且吸湯力極強，一小片就吸收了大量養生湯底，入口即時溢出，口惑一流冰菜甚少有機會食這款菜蔬，入口爽脆，真的是火鍋佳選烏龍麵質地似烏冬麵，但更加爽滑，麵質有咬口杭菊露吃罷整餐美味火鍋

凍冰冰既天氣最好就是吃！而中最正莫過於是台式了！今日探店既目標是呢間台式店！一入門口已經有一個天燈打咭位，好讓台粉懷緬一下置身於臺灣既感覺！美人鍋       HK$228美人鍋用料十足！有原隻烏雞，還有含豐富膠原蛋白既桃膠，仲有杞子，南棗及金華火腿等老火肴制而成既湯底！感覺好養顏呀！配料方面我地叫左牛切牛肩肉，皇室魚肚，冰菜，鹹蛋黃炸魚皮，鵝肝墨魚丸拼黑松露蝦丸及寛粉條！我個人幾喜歡鹹蛋黃炸魚皮，雖然非常邪惡，但的確非常香脆及惹味！丸類亦非常彈牙！另外魚肚吸盡湯底精華，而且唔係度度都有得食，絕對係必點既選擇！配埋杯杞子杭菊露，感覺份外清新！正呀！

已經唔特別，其實去依家老鍋火鍋已經食咗好多次，好似兩個月內去咗五次，頭嗰三次點慨嘢食都系差唔多，安格斯牛啦，黑松露龍蝦丸，台灣A菜，台灣腸，雲吞，水餃，魚腐，如果以台式火鍋嚟講，真心覺得味道唔錯，食咗頭4次之後，每次平均$ 350至$ 400一個人，其實以火鍋來講都有啲貴，$ 400可以去食海鮮，所以喺手機app見到有7折就馬上再預定位啦......去到個肥仔侍應態度真係好差，可能已經認得我係上次想用coupon個客喺門口等左10分鐘，得我兩個人喺度等，完全冇理我地，到有另外兩個女人出電梯，個肥仔就馬上問果兩個女人幾多位，即刻就帶咗佢哋兩個入卡位坐，之後個肥仔出返黎問我有無頂位，我比手機app預訂號佢睇，佢又黑面...算啦，其實老闆請到依D員工真係行運！

台式火鍋連鎖店老鍋最近係銅鑼灣開左旗艦店，呢間台式火鍋主打唔同既養生湯底， 今日終於同朋友試下喇。一坐底有幾款湯底好吸引，例如美人鍋，養生鍋，酸菜白肉鍋，款款睇落都好吸引，都唔燥熱，幾經辛苦終於揀左美人鍋。美人鍋湯甜料足，有桃膠、杞子、原隻烏雞，未落野食已經飲左三碗湯。 一行兩人例牌叫左牛肉、鮮炸響鈴、凍豆腐和等等既火鍋配料，值得一提既係所有配料都好新鮮，認真製作，例如響鈴即叫即炸，上到枱仲係熱辣辣，牛肉好新鮮，配合埋個湯底，齒頰留香。另外仲叫咗杞子杭菊露、黑糖烏梅汁。杭菊露帶點龍眼既香甜，以菊花既清香作點綴，感覺真係很清新呢。值得一題，豉油真係好好食，聽店員講係每日新鮮調製。而鍾意台灣既朋友，可以喺餐廳入面影天燈，大家快啲去試下啦！

因為真係好鍾意打邊爐，連情人節都要跟男友打邊爐！男友話不如試下打台式火鍋，未試過一定要試下！湯底就揀了「美人鍋」同「麻辣鍋」；「麻辣鍋」 配以多種香料及藥材，加入鴨血及凍豆腐, 口味道地而不膩 ，而「美人鍋」係女仕養顏至寶 ，因為有桃膠 (含豐富膠原蛋白)，原隻烏雞(滋陰、補虛勞)， 配以杞子、南棗及金華火腿，老火肴制湯底！兩個湯底都好欣賞，因為「麻辣鍋」好嘅香且辣，又唔會有一層油！「美人鍋」好鮮，重烏雞味，所有嘅精華都去哂個湯底到，打邊爐好正！配菜叫了很多，但以下係特別推介！打邊爐一定要食牛，點了這款「美國特級牛肋肉」，其實份量都幾多，重牛味，脂肪同肉的比例岩岩好，唔會好似肥牛咁肥！「西班牙黑毛豬梅肉」，切得不太薄，食落有口感，有脂肪又不太漏，而且因為有小小脂肪，食落唔會好韌，正！餃類都幾出色，叫了魚皮餃、雲吞！魚皮餃唔會好似出面個啲食落食口油咁！雲吞好新鮮，因為會見到佢個皮唔係雪凍黏住個啲！同埋最欣賞叫寬粉麵，佢會俾個大笊篱，就咁卡住係鍋邊，好貼心，因為寬粉好滑好難裝起！加上今日係情人節，餐廳特別送了白酒和捲成花形嘅牛肉，好窩心～

明明book左枱，入坐時有其他中間位置成2、3張枱吉晒冇人坐，侍應堅持要我地坐旁邊卡位，話有人book左。我話我地都係book枱，點解唔坐得，侍應堅持當聽唔到一味話有人book左唔調得 (其實我想走，只係友人想試 )，侍應完全解釋唔到!地方、餐具有漬，坐位污糟又窄坐得唔舒適(本人瘦底)，調味料如醬油、蔥等見底都冇人refill，更放喺淺窄入口兩旁，其中一邊係廚房出入口。畢畢下野有員工喺廚房出出入入又驚撞到要避開，勁麻煩。冇服務，味道比一般台式火煱如養心殿、劉一手差，但價錢更貴。冇再幫襯嘅理由。

平時食川式火鍋就多，其實冇乜喺香港食過台式火鍋，月初同另一半試過一間，味道唔錯，引起我地想試多幾間比較下嘅好奇心。用手機程式預先訂位，呢間分店早場時間有半價優惠，即刻訂枱。準時到達，店員好快安排好座位，我諗座位安排就係按照折扣而定，聽到有其他客想坐窗邊，店員話係電話訂座先有，我諗係正價啦，哈哈。餐廳位置唔算多，唔會密麻，二人枱夠闊落，坐得舒適，枱邊亦有布藍，可以放置個人物品。裝潢方面走中國風，木色枱櫈，以格子木門分隔，我諗相對其他分店，呢間比較細(?)，環境過得去。由於唔算空曠，店員之間嘅對話聽得清晰，我諗呢個就係港式火鍋同喺台灣打邊爐嘅最大分別，服務還得多上心。全晚只有一位男店員比較殷勤，不時加湯、收拾碗碟。坐低第一步，店員就先解釋清楚折扣優惠條款，茶芥、海鮮、飲品冇折，加一按原價收費。餐牌選擇頗多，湯底有麻辣鍋、酸菜白肉鍋、美人鍋、養生鍋，定價$158/228，可以雙拼。配料方面有海鮮、肉類、小食、丸類、餃類、蔬菜、麵食等，價格稍高，今次半價後人均消費約$230，可以接受，但如果正價，我自己就要考慮喇。(以下價格為正價)茶芥、醬油 $20/位麻辣鍋拼酸茶白肉鍋 $158餐牌標示，湯

提早慶祝聖誕節，一行四人去左打邊爐。一開始安排一張4人枱比我地，不過只可以開一邊爐（左手邊仲要靠窗，如圖），另一邊爐壞咗。侍人係唔多情願下幫我地調轉果爐，因為四個人根本迫唔到係一張2人枱食～不過總算幫我地換啦～美人鍋+麻辣鍋（鴛鴦鍋價錢已貴者為準）美人鍋果湯好好味，好清甜（有竹絲雞半隻、栗米、藥材）麻辣鍋（中辣）～朋友食得辣話好正 （有鴨血）食物方面係幾新鮮～牛肉$388 (好味～肥瘦適中有牛味）桶蠔$128/4隻 (黎到竟然有4隻，每隻都好肥美）蝦丸$48/4粒 (好彈牙）鵝肝墨魚丸$5x/4粒 (蝦丸好味d,唔駛專登叫有鵝肝）嚮鈴 (有8條，脆卜卜～正）我地仲叫左冰菜、自家餃、鴨血...食物方面係好唔錯，食材新鮮 🤤🤤只係侍應服務麻麻，有待改善🧐

第一次食，對環境，食物充滿期待！上到去試食物都好食！不過環境及用餐舒適度唔太好！一行5個人，預約前已經被告知會有少少逼，所以都有所預計！但實際上係勁逼！食得勁狼狽！上餐速度係幾快，但全部食物一次過上曬，張枱完全冇位擺！平時食其他台式火鍋都會有個架放，但我嗰張枱冇！而且有漏單嘅情況，咁啱亦聽到隔離枱都一樣有漏單！而個鍋就好細又淺，落好少嘢已經滿，食得好狼狽！個爐受熱不均勻，鴛鴦鍋成日一邊勁滾，一邊等勁耐，成日要轉個鍋！如果為好食可以試，但要舒適就下不為例！

台式火鍋除了麻辣外，也流行了養生鍋，如台灣的無老鍋火鍋店。此店也有「麻辣」加「養生」，不过這次拼了酸菜白肉。酸菜白肉雖然不及一般酸菜魚火鍋濃郁，但作為鍋底已足夠入味。嗜辣朋友不会對「大辣」失望。梅菜豬肉丸柔合甚佳。比起美國安格斯雪花肥牛，還是手切本地肥牛新鮮有味。秋葵和山藥必是麻辣鍋的素食搭配，最好加上萵筍。二人光顧，點餐如下：茶芥 x2麻辣鍋（每鍋）（大辣）（拼酸菜白肉鍋）特級美國安格斯雪花肥牛牛骨髓加拿大桂花蚌新鮮脆鯇片梅菜豬肉丸（半份）有機秋葵厚切日本山藥沖繩黑糖烏梅汁（杯）朝日啤酒椰青水（罐）加一後，合共HK$1,131。

好少寫食評但今次真係有感而發，好耐無去幾乎每個職員都無禮貌既餐廳。首先，今次係因為有折扣先試呢間原本系我心目中overpriced 既餐廳，去到原來海鮮類無折扣（通常淨係飲品甜品無）唔緊要，但落單時staff完全無mention，海鮮類又係連埋其他食物系同一頁餐牌度，去到埋單先知無折真係覺得唔係好專業，有種俾人「陰」既感覺。跟住食到咁上下發現有兩碟食物漏單，提完職員再等一輪先送食物黎，啲食物黎到無耐，就有職員話差唔多夠鐘叫我地埋單先，埋完之後，啲職員係咁行來行去望我地，甚至企係我地隔離定睛望，感覺真係好唔舒服，過多幾分鐘職員直頭行過黎話夠鐘，叫我地走，我望住果兩碟之前漏左單啱啱送上黎無耐既生肉，再望下個職員，我真係呆左。如果間餐廳已經坐滿好忙我都比較可以理解，但當時入座率極低，基本上放眼望去除左我地係得1/2枱，咁既情況下，我真係覺得職員態度好差。老實講，無論係價錢、環境、食物質素、員工態度，同類型既養心殿都優勝好多，想食台式火鍋又俾得起呢個價錢真係無必要黎呢間餐廳受氣。

天氣開始漸漸轉涼，又係食火鍋最適合的時間了，剛剛從台灣回來，十分掛念台式火鍋的味道，所以立刻相約好友，去試一試「老鍋台式火鍋」。一睇menu ，見到火鍋特色湯底有4款，分別係有美人鍋，酸菜白肉，麻辣和養生鍋！而我地今次選擇雙拼湯底，麻辣+美人鍋！而漡底仲有好惹味既蜂巢豆腐同鴨血！湯料十足！特級美國安格斯雪花肥牛色澤均衡，油脂分佈平均，雪花很美，而且呈鮮紅色，十分新鮮的肥牛，每一片厚薄適中，落湯底後一浸，立即變色，而肉味十分濃，肉質鮮嫩，入口即溶。味道一流！餃類拼盆有蔬菜餃 及鮮蝦餃兩款 粒粒餡料十足，十分豐富，手工製作，做到皮薄餡靚的效果！老鍋鮮魚腐又一好味之作老鍋鮮魚腐，魚腐彈牙，做到差不多一口一粒，鮮味不錯！雜錦蔬菜盤來自台灣既蔬菜新鮮清甜，有最愛的粟米和冬菇，食完肉再食蔬菜，可以消濟一下！新竹米將一條條米粉，放入麻辣湯底，新竹米吸入麻辣味，惹味十足！最後再試埋一杯沖繩黑糖烏梅汁及杞子杭菊露，日日新鮮製作，生津解渴，清新香甜，健康之選！

餐廳🍴環境裝修得古色古香 甚有中式味道與老鍋台式風格配合 餐廳特意安排卡位讓客人有獨立既打邊爐空間 可以邊打邊爐邊講下野有小小既空間又唔會太嘈😚👍🏻 對於湯底我地都心大心細 最後簡左麻辣拼美人鴛鴦鍋 麻辣鍋我地就簡左小辣 因為怕太辣會易喉嚨痛😟 小辣既麻辣鍋都唔惹小亦唔會話好單調 麻中帶辣 湯底中既桂圓肉 鴨血都充分吸收到湯既麻辣味 放得越耐越入味😗 而美人鍋係我最想食既湯底 因為入面除咗有半隻鳥雞 仲有不少藥材 有人參 紅棗 仲有近期大熱而且據稱滋陰養顏既桃膠🤩 湯頭幾甜 甜中帶點藥材所混合既甘味 會不自覺地飲多幾碗🤭食材未上枱既時候 當然出去「混醬」一下 有別於一般火鍋店的醬料 多了香醋跟蒜泥汁 再加上我唔少得既香蔥 令個豉油生色不少 多了一份台式感覺🇹🇼特級美國安格斯雪花肥牛雪花肥牛色澤鮮紅 油花平均油脂分布明顯 薄薄一卷牛肉放入湯底好快熟 肉質鮮嫩 肉味濃郁餃類拼盆有蔬菜餃 鮮蝦木耳餃兩款 每粒餡料都好豐滿 超足料 而且係手工包製既關係 做到皮薄餡多 雜錦蔬菜盤多款蔬菜齊集組成雜錦蔬菜盤 包括咗常見既金菇 娃娃菜 油麥菜 唐生菜 小蕃茄 南瓜🎃片 粟米同冬菇 消除打邊爐既油膩感