胡爐 (已結業)

慶祝同事過試用期，知道佢係打邊爐狂熱粉，今次我就揀左位於尖沙咀H8既「胡爐」，之前同朋友食過既「胡爐」係高質單點火鍋，見到佢依家轉左做半放題模式，岩哂我既吃貨同事！🍲一坐低，服務員叫我地揀左湯底先，佢總共有六款湯底選擇，有雞煲，麻辣，人蔘…由於我同同事都成口飛滋，所以揀左冇咁刺激性既「黑白胡椒卜卜蜆煲」，胡椒味道適中，唔會搶左卜卜蜆既鮮甜，佢上面仲放左好多莞茜，一向唔好茜既我竟然接受到，仲覺得幾好味。丫，唔記得講，等緊個湯底時，每個客人都送一份鮑魚花膠冬菇，炆得好淋好入味呀。之後佢會上一份首輪海鮮拼盤、肉類拼盤同手工餃丸拼盤。🦐海鮮拼盤 - 超級吸晴，每人一隻鮑魚、帶子、蝦同貴妃蚌，海鮮唔係cheap野好新鮮，而且令到個湯底更鮮甜。🐷🐃肉類拼盤 - 胡爐肉類拼盤有三款肉，分別係牛舌，肥牛同豬肉，睇相都見到，肉好靚，肥瘦適中，而且牛舌薄得黎有口感，好香牛味，有驚喜。🥟🧆手工餃同丸拼盤 - 其實平時打邊爐我係唔吼餃同丸既，但今次想特別講下，個黑松露丸好香又有口感，蝦丸超彈牙，同埋個泰王雲吞勁特別，酸酸甜甜辣辣咁。兩條友開turbo食哂佢首輪拼盤後就開始叫放題美食，真係唔好以為放題就係che

出完IG story 之後反應好熱烈，二百幾蚊就食到高質半自助放題__________________________🔹半放題火鍋 $238 (星期一至四，日，19:30前離座)🔹任飲飲品 $38.半自助火鍋120分鐘，原本已經包左個煲底，我就揀左麻辣雞煲，仲有得揀要卜卜蜆煲，藥膳煲，酸菜鴨煲，牛腩煲或者人參雞煲.雞煲上枱時已經差唔多熟，唔會要你煮，dum你波鐘，麻辣醬夠晒味濃又夠多用黎炒雞食，雞都幾嫩，又唔算多骨位.一個餐仲會有一round 四款既時令海鮮🦞拼盤(我個日係鮮蝦，扇貝，大粒蜆同鮑魚)，胡爐拼盤(澳洲和牛，牛舌心同黑毛豚肉片)，手工丸餃拼盤(黑松露墨丸，手打蝦丸，爆芝牛丸，泰皇鮮蝦雲吞，xo醬帶子餃，同魚皮餃).仲仲仲會送一人一碗日本鮑魚花膠鴨掌，其實食完呢堆野已經飽左7成，雖然係跟餐，不過質素一啲都唔媽虎，尤其是啲手打丸，粒粒食得出手打彈牙，食材新鮮鮮味，最中意粒蝦丸，有好多蝦籽，食既時候卜卜聲係口內爆破，好有口感.任食既部分都係肥牛無限encore , 連廣島蠔都可以任食，正！推薦食佢既炸魚皮，真係炸得好脆。.任食係qr code 自助落單，完全無漏單情況，而且上菜速

完成渣打馬拉松的晚上，又來了尖沙咀厚福街吃火鍋。分別的是跑道上滿腔熱血的跑手不見了，換成車水馬龍的街道、熙來攘往的人群。H8 全座都是大部分都是食肆，等電梯也要些時間。來到16/F，第一感覺是招待位置比較窄。本來胡爐是走高級火鍋路線，現在轉做半放題後質素不變仍然高質，沒有因為放題而將貨就價。最優惠的是星期日和星期一至四價錢相同，這點很讚！店內的裝潢古色古香，播放優美的古典音樂。醬油配料選擇不多，有比較基本辣椒、炸蒜、蔥花及蒜蓉。半放題就是有些食物不設追加，部份配料任點。非放題的項目：1. 湯底5款湯底有雞、鴨、牛、蜆，有辣有不辣，應該總有一款合心意。我們就選了比較少吃到的黑白胡椒卜卜蜆鍋，蜆的份量也不少，味道也很鮮。胡椒湯飲下去順滑不嗆喉。2. 每位一份日本鮑魚花膠鵝掌調味和火喉做得不錯也很入味時令海鮮拼盤、胡爐拼盤及手工丸餃拼盤為2人份量3. 時令海鮮拼盤店員介紹先吃海鮮，有鮑魚、帆立貝等。在電磁爐上不用等很久就可以吃了，當中鮮味也不錯。4. 胡爐拼盤（澳洲和牛、牛舌蕊、黑毛豚豬肉）和牛油脂分布平均，牛味道不錯黑毛豬較少在火鍋吃到，放題中更見罕見，味道和質感也不錯5. 手工丸餃拼盤（

邊爐怪早兩晚見6點咁早，有胃口食好多，係 openrice 揾食竟然見到胡爐有半放題😮(平時都算高價位的邊爐呀) 見到只係$238❗ (晚上7點半前離座) 即刻撲過去😂.餐廳為中國風古色古香，餐具器皿及間隔屏風都充滿中國特色.首先黎個花菇鴨掌炆鮑魚~每樣都炆得入味，特別鮑魚夠哂稔，冇牙人士表示滿足😍.🟥黑白胡椒卜卜蜆鍋 🟧卜卜蜆食得多，但胡椒湯底要濃就少有，呢個有齊黑加白胡椒，夠濃夠香，煲到尾就算淥其他野依然好濃胡椒味。而卜卜蜆份量都好多，起碼30隻。.✨✨ ！！必食推介！！✨✨ 🟨胡爐牛拼盤🐮🟩澳洲和牛，牛舌芯，黑毛豬豚肉⏩牛肉雪花均勻超濃味，牛舌芯夠軟嫩唔鞋口(有驚喜)😎.🟦時令海鮮拼盤🟪鮑魚海蝦大蜆扇貝⏩每樣都大大件，超級新鮮鮮甜，鮑魚海蝦都好爽口.🟫手工丸餃拼盤🥟🟫泰皇鮮蝦雲吞⏩超級大粒蝦爽口好食XO醬帶子餃⏩好有新鮮感！好惹味！黑松露墨魚丸⏩加上黑松露提昇鹹鮮味手打蝦丸⏩配上蟹籽卜卜聲，雙重口感又彈牙芝心丸及魚皮餃都不錯.⬜其他配料⬛必叫廣島蠔，大粒飽滿又甜❗其他我哋都叫咗豬皮/柏葉/蟹柳等。最欣賞佢每樣配料按人頭分，每次唔會太多食唔哂，唔洗做大徙鬼😎.

平日臨時想去打邊邊又見到有麵包蟹食😳就直接打左去舖留位點知原來用openrice訂位先有得送麵包蟹食😖😖結果無得食如果大家想食麵包蟹記住要係openrice訂位🥲🥲 （可能會變入到舖頭 面積唔大😚但座位都好坐闊落既2個鐘半放題打邊爐 $298 + $38 任飲 一個人有部分既食材要另外再加錢食～首先 套餐包括-海鮮拼盤 4款 （每款一隻）-肉拼盤 3款 （大概一人2塊）-手工丸 6款 （每人各1）其他就係任食既半自助 同散叫去相先!!當日海鮮拼盤有飽魚 貝類 同蝦海鮮質素好高 同好新鮮😚係好食既肉類拼盤 有牛舌 和牛 同豬肉片我個人就比較鐘意食和牛片 同埋豬肉片😳油香好好食手工丸😳反而手工丸有驚喜每一粒手工丸都有特別既味道 平時出面一定食唔到口感又彈牙 落足料😍好食配料方面 鯇魚片 （額外加$68）鯇魚片方面係脆鯇魚😳超鐘意食魚既我好建議鐘意食魚既人必叫因為套餐入面完全無包魚😖所以唯有額外叫魚好新鮮😚😚好食配料方面反面無咩特別 好普通雖然有蠔任叫 但蠔無海水味 無咩蠔味🙈同埋芝士腸 魚皮ed 配料好普通而蟹柳ed反而幾好食😋不錯牛都幾好食 唔係好肥既😚但overall普通 無咩驚喜餐廳

終於都試到胡爐嘅半放題火鍋🤤 胡爐嘅火鍋一向高質，食材高級質素保證😍有半放題真係滿足到我嘅慾望🤩 半放題嘅食材一樣咁讚👍·訂位奉送嘅🦀澳洲麵包蟹相當吸睛，大大隻好有驚喜🤩蟹膏鮮甜微微起沙，蟹肉結實飽滿，估唔到奉送嘅都咁高質👍·🥘煲底有3款選擇，除雞煲、鴨煲外，仲有較少見嘅卜卜蜆煲🤩即時點咗佢🐚黑白胡椒卜卜蜆煲🤤 好香濃嘅胡椒味，個人十分喜歡😋每一粒蜆肉都充斥住黑白胡椒香味同滋味，推薦大家order哩款👍·食完蜆煲就到主角火鍋出場😍三款高質配料拼盤一一奉上🤩 每款只可以食一round，都足以令人再三回味😋·🔸️海鮮拼盤包括 🐚鮮鮑魚、大蜆、🦐海蝦、帆立貝，鮮鮑魚勁爽口，帆立貝肥厚鮮嫩，正呀！·🔹️胡爐牛拼盤包括 🐂澳洲和牛、👅牛舌心、🐖黑毛豬豚肉，紋理好靚😍和牛輕輕一涮就食得，好嫩滑嘅口感🤩 薄薄一片都好滿足~·🔸️手工魚餃拼盤包括 黑松露墨魚丸、手打蝦丸、芝心丸、泰皇鮮蝦雲吞、XO醬帶子餃、魚皮餃。每款都係小小一粒，一口搞掂🤤 芝心丸一咬口爆芝🧀 芝士湧出好好味😋 鮮蝦雲吞小小一粒都包裹住飽滿蝦肉，真材實料👍·任食配料有成三十幾款咁多，絕不遜色。居然有廣島蠔任食🤩另外仲推薦八爪魚鬚都係必點🐙

🥘香港地要搵到性價比高嘅邊爐好似愈嚟愈難，逐碟叫嘅火鍋好似閒閒地都要食幾百蚊咁；而任食嘅火鍋又好似好易中伏咁😭今次推介一間半放題邊爐應該可以滿足到大家☺️個玩法好簡單，佢有一堆貴價靚嘢係預設比你，然後你再可以任食其他餸同配料😋非繁忙時間每位只需$238起，呢個價堅吸引🙊🍲煲底：先揀一個煲先，有雞有鴨有牛腩，我就揀咗胡椒卜卜蜆👍🏻一嚟講鍾意食蜆，二嚟覺得一開頭唔好食咁飽，之後先試到多啲嘢😆蜆大約30隻都十分新鮮，配胡椒調味好開胃😋🦀送麵包蟹：呢期係蟹嘅季節，佢每枱都會送麵包🦀🦀又多膏又多肉，配小小醋真係極為鮮甜（唔知送到幾時，訂座前可以問下）🛥時令海鮮拼盤：每枱都每有四份時令海鮮😚我今次食到嘅係鮑魚，海蝦，大蜆同扇貝～全部質素都好好無得彈，尤其鍾意個鮑魚，又甜又彈牙！總括而言係一個好新鮮嘅海鮮拼盤，好滿意❤️🍗肉拼盤：有得揀全牛，或者全豬，而我當然係豬牛都要🙊本人高度評價佢個黑毛豬肉，算係我打邊爐食過最好食嘅豬肉片之一，仲要夠大塊～另外有一份係和牛嚟，但一啲都唔吝嗇，比得好大塊，同豬肉份量一樣！最後係牛舌芯，質素都唔錯🤓🥟手工丸餃拼盤：呢個十個讚👍🏻👍🏻👍🏻全部都款式特別又好食，食得出店家嘅

之前食仲係單點火鍋，價錢比較貴，而家轉咗做半放題估唔到食物質素都仲咁高質，最平$238就埋到單，任點火鍋料都有超過30款，包括美國肥牛同廣島蠔😍麵包蟹呢個係餐廳送嘅，但係都唔馬虎，基本上係幫你拆好晒咁濟，簡單拆殼已經可以食到啖啖肉同蟹膏，點醋食一流🤤黑白胡椒卜卜蜆鍋新鮮嘅蜆本身已經夠晒鮮味，上枱前再灑啲葱同芫荽，成個卜卜蜆鍋香到不得了 食晒之後就加湯打邊爐，胡椒湯飲完都唔會口乾😋時令海鮮拼盤有帶子、鮑魚同鮮蝦等，每樣都夠晒新鮮，而且大大隻🤩胡爐牛拼盤澳洲和牛同牛舌蕊嘅牛味都好重，而且食落都唔會韌，而黑毛豬豚肉都好爽口😆手工丸餃拼盤 手工丸有黑松露墨魚丸、鮮蝦丸同芝心牛丸，每樣都食得出係手打先有嘅彈牙口感👍🏻手工餃就有泰皇鮮蝦雲吞、XO醬帶子餃同魚皮餃，手工餃包得好靚，就算滾耐左都唔怕隻餃會散哂，味道都唔錯☺️

慶祝朋友生日，去了尖沙咀厚福街8號H8-16樓胡爐(港式火鍋海鮮)吃晚膳。室內裝飾古式古鄉，非常幽雅，充滿中國風格，座位寬敞舒適。餐廳本身是高級單點火鍋，現在雖然做半放題，但食物質素不改，依然很高質，且店員禮貌招待，令客人很稱心。黑白胡椒卜卜蜆鍋(送麵包蟹，每人半隻)$238先來麵包蟹，蟹膏非常多，蟹肉肥美頂殼，又爽又鮮甜，肉質夠彈牙，配上陳醋，更提升蟹肉鮮味。好正胡椒蜆鍋，味道一流，蜆肉很新鮮，非常嫩滑又多汁，鍋內配菜有豆芽、唐芹、芫茜爆香又惹味，好食。時令海鮮拼盤拼盤內有海蝦、鮑魚、扇貝、大蜆，所有海鮮都很有質素，非常新鮮又鮮甜，足夠二人份量，好食。手工丸餃拼盤手工丸餃全是自家製作，有黑松露墨魚丸、手打蝦丸、芝心丸、泰皇鮮蝦雲吞、X醬帶子餃、魚皮餃，總括所有各有各特色，各有各好食，丸餃都是饀多皮薄，覺得非常滋味。胡爐牛拼盤有澳洲和牛、牛舌芯、黑毛豬豚肉，全是厚切又大塊，肉質嫩滑多汁，肉味很濃，足夠滿滿的口感。美國肥牛都是厚切又大塊，肉質很有牛肉味，快速灼浸，非常可口。金菇鮮嫩爽口，吸入鍋中蜆湯，更覺美味。廣島蠔新鮮甜嫩，肉質彈牙。炸魚皮和紅薯粉吸入蜆湯，好味非常，魚皮脆口，薯粉嫩滑

好耐以前有食過依間餐廳嘅單點火鍋，嘢食超級高質，今次於是過嚟試吓尖沙咀分店嘅依間胡爐餐廳🍴一於睇吓食物質素可唔可以維持到啦！未到一如既往地人氣好高，已經有好多人排緊隊食，所以都係果句，想食嘅朋友記住早啲book位，咁就可以即刻有得食啦😆呢度嘅職員服務態度好好，而且座位好闊落，食得安心又放心💕今次我哋試咗半放題形式，雖然係半放題形式，但係嘢食質素一如既往地咁好，簡單來講嘢食一樣咁好味，但係價錢平咗好多，jeng!湯底方面我哋揀咗滋補人蔘雞鍋，材料真係超級豐富，勁足料！直接湯底都可以飲埋佢，裏面有大大隻嘅雞，而且超香人參味，淨係湯底已經好揼本😆另外海鮮拼盤嘅質素都好高，海鮮超級豐富，而且超級鮮甜，最後推介必食依度嘅牛肉，肉質鮮嫩，超香牛味！

咩 「胡爐」 賣咩藥？舊年談美帶過我去食～嗰陣仲係散嗌，係好好食，但係有啲就住就住見佢哋而家出咗半放題，Sunday 5:30-7:30 呢輪都只係$238真係非常抵～一嚟就每人半隻麵包蟹非常多膏～蟹肉亦都鮮甜，配埋個陳醋，的確唔錯！可以揀一款煲底～今次揀咗黑白胡椒卜卜蜆～超多蜆，而且胡椒味相當夠👍🏻蜆肉冇沙，亦好新鮮指定菜式仲有海鮮拼盤：鮑魚、貴妃蚌、扇貝同埋海蝦各兩隻廚房貼心地幫我哋起咗肉，唔需要連殼煮～四樣海鮮都好新鮮👍🏻鮮甜好味肉類拼盤有三款：澳洲和牛、牛舌心、黑毛豬豚肉和牛當然最正～好重牛味油脂分布都好平均👍🏻好嫩口牛舌同黑毛豬都唔錯呢度嘅手工丸 同餃都好味同有特色😋個人最鍾意黑松露墨魚丸同埋芝心牛丸👍🏻泰皇鮮蝦雲吞好濃蝦味👍🏻同平時食嘅好唔同，XO醬帶子餃都正其餘蔬菜類、美國肥牛、牛柏葉、響鈴炸魚皮等等嘅配料都係任點任食～特別要提係可以任食肥美廣島蠔（圖十）幾高質每位加$38可以任飲汽水、涼茶、啤酒，散嗌都要$18一支整體來講，都幾高質，以呢個價錢都算好抵食👍🏻

前兩日同朋友都好想打邊爐，想食高質啲嘅食材，但又唔想食單點食到太貴。於是我地上網search完一輪，就去左呢間本身係高級單點火鍋但依家有半放題嘅火鍋店，貪佢啲食物質素高又抵食，每人$238加一就可以食到。首先送上麵包蟹，每人有半隻，好大隻，入面嘅蟹膏都好多，蟹肉都幾鮮甜，正。湯底我地就揀左雞煲，因為咁樣就可以又食到雞煲又打到邊爐。雞煲我地要左少辣，都幾夠麻辣香。雞肉份量都唔少，幾抵食。食完雞煲就可以加湯打邊爐啦，因為半放題，所以就首先會有限量嘅時令海鮮拼盤、手工丸餃拼盤同埋胡爐牛拼盤。時令海鮮拼盤啲海鮮食落都幾新鮮，連大大隻嘅鮑魚都有，帆立貝亦都大大隻。胡爐牛拼盤有澳洲和牛、牛舌蕊同埋黑毛豬豚肉。澳洲和牛嘅牛味十足，食落唔韌。牛舌蕊爽口，黑毛豬豚肉嘅豬肉味好香，好食。手工丸餃拼盤包括黑松露墨魚丸、手打蝦丸、芝心丸、泰皇鮮蝦雲吞、XO醬帶子餃同埋魚皮餃。丸類當中我覺得最正就係手打蝦丸，食落爽口彈牙。呢到嘅芝心丸都好有特色，望落成粒牛丸咁，幾特別。餃類當中我就最鍾意XO醬帶子餃，好香XO醬味，同埋餃子餡料有帶子都比較少見，皮薄餡靚。任食嘅食材同一般打邊爐差唔多，但最驚喜嘅係估唔到任食嘅牛肉

今日個朋友飛機我，我好憎佢，嬲嬲地自己泥食依間半放題，為至於厚福街旺區容易到達，個裝修都幾骨子，你睇吓啲燈幾有feel，啲枱燈都幾有秦國風情，你睇吓佢啲醬料做得幾足，有埋蟹醋添👍🏻一開波成個麵包蟹拎過嚟咪話唔震撼，好彩我今日個朋友放我飛機所以我可以獨食，大家睇吓隻蟹有板有眼，有膏有肉，啲膏都出奇地香，而啲肉再沾啲蟹醋感覺亦都相當鮮甜。大家睇吓佢個半放題幾多嘢食，有時令海鮮拼盤（5款），手工肉丸拼盤（黑松露墨魚丸、手打 蝦丸、芝心丸,、泰皇鮮蝦雲吞、xO醬帶子餃2粒、魚皮餃）啲肉丸口味獨具創新，手打亦都名副其實非常彈牙👍🏻之後仲有一碟肉肉拼盤（澳洲和牛，牛舌蕊，黑毛豬），口感爽口，肉味濃郁，一睇就知道係靚肉肉👍🏻再加埋個雞煲其實都8/9成飽，不過辣辣地都幾正，再加埋啲花椒八角成個未到唔係得辣咁簡單。其實所謂半放題我最後都係叫咗個娃娃菜，不過成個感覺都爽，超級滿足，再加埋$38任飲，簡直完美。

今次真係不得不打篇文同大家介紹吓依間高質抵食半放題邊爐!! 我敢講, $238可以有依個質素嘅食材嘅火鍋店係香港應該係絕無僅有! 今日剛好早收工, 見到胡爐有早鳥優惠(原價$298), 噤就嚟試吓, 估唔到有意外驚喜! 鍋未嚟到, 先來個凍蟹做頭盤, 誠意十足. 再嚟過人蔘雞湯鍋, 係其他店散叫依個鍋起碼二百蚊以上. 個湯好香濃人蔘味, 我們二話不說, 先飲兩碗湯再開始打邊爐. 牛舌薄切, 口感一流. 和牛食得出係澳洲, 肉味濃厚. 海鮮類睇相就知道有幾吸引, 大大隻鮑魚, 桂花蚌, 帶子. 本人亦非常喜歡佢哋嘅餃類, 尤其係XO帶子餃和泰皇雲吞, 唔同一般菜肉餃噤, 已經有醬料係入面, 唔點豉油都好有味! 任食嘅食材仲多達三十款, 連昂貴食材廣島蠔都有得任食, 可想而知此店真係性價比一流, 所以極力推薦大家試吓！

好耐之前食過胡爐，覺得佢係一間食材高質嘅火鍋店。喺大趨勢之下原來而家都稍為改變左模式，做一個半放題嘅火鍋，包括定量提供既海鮮拼盤及肉類拼盤等，講真其實放題都食唔到好多嘢，我比較重質不重量，所以半放題認識比較適合我！我哋今日比較早到， 7:30前離座有優惠價$238 ，都幾抵！任點火鍋料嘅選擇都唔少，如果想再特別啲仲可以加錢叫單點火鍋料～坐低之後揀咗湯底，店員就先送來一隻大大隻嘅麵包蟹，蟹蓋入面超級多膏，鍾意食蟹膏嘅人岩晒，真係有驚喜！我哋揀咗出邊比較少見嘅卜卜蜆鍋，湯底入面加入左大量嘅黑白胡椒，非常濃郁，蜆肉亦都新鮮，我哋食晒所有蜆之後就可以加湯打邊爐。時令海鮮拼盤，睇得出選材優質，唔係任叫嘅質素果然係高啲！肉類拼盤包括有澳洲和牛、牛舌芯片及黑毛豬豚肉，鍾意食牛舌嘅我就最愛牛舌心，因為係成條牛舌入面最嫩滑嘅部份！其餘嘅和牛及黑豚肉片都好有肉香味。套餐提供嘅仲有手工丸餃拼盤，全部都係餐廳自家製作，食材用料嘅質素及製作都顯出餐廳有用心做好食物！食到嚟呢度其實我哋都已經有七至八成飽，其餘嘅任點火鍋我哋只係略為叫咗啲豆腐及蔬菜類就已經好飽啦