胡爐 (已結業)

打邊爐係我屋企最鍾意嘅食物之一，朋友介紹咗尖沙咀厚福街嘅胡爐，就約埋屋企人一齊去食。間鋪都易搵嘅喺厚福街行到最入嗰棟大廈就係啦。坐低睇咗張餐牌就覺得朋友冇介紹錯，單單係湯底已經有十幾隻，有海鮮有羊，有豬手，有鴨，當然仲有雞，鍾意食乜都有齊晒，仲好足料架喎，我地有小朋友，就叫左手打牛丸同手打墨魚丸，爽口彈牙又juicy。仲叫左手工魚皮餃同埋手工雲吞，大大隻啖啖肉。菜就叫左雜菌拼盤，大大隻雞髀菇，吸晒湯汁好好味。最後加埋稻庭烏冬同埋竹蔗水就飽晒喇。大人就食好野，肉都瞓咗好多款，好彩佢哋有拼盤叫今次就叫咗個胡爐牛拼盤入面五個不同牛部位嘅肉喺度，牛舌心就夠曬軟淋，手切肥牛同埋極上手切牛頸脊兩款都好好味，肥牛脂肪比例比較多，牛頸脊就偏向肉質比較嫩滑，牛胸爽就如同其名好爽口，最後說霜降牛肉粒牛肉味就最重最有口感喇。以前佢地set計，原來已經轉左散叫喇，下次打邊爐多個2地方選擇喇。

呢排凍冰冰梗係同屋企人打邊爐最開心，約喺中間位尖沙咀就最方便。知道尖沙咀厚福街有間叫做胡爐嘅邊爐好出名就同屋企人一齊去食。一出𨋢裝修好似睇電視劇入面佈置嘅場景咁好中國feel，同佢哋個名一樣有啲老北京嘅感覺。連裝湯底個煲都係用青銅煲唔係出麵茶樓嘅不銹鋼煲，夠曬特別。今次叫咗個川味酸菜鴨湯底，食物就叫左手打墨魚丸，手打牛丸，手工雲吞，手工魚皮餃，雜菌拼盤，最後仲叫咗盤胡爐牛拼盤，入面有牛舌心,安格斯手切肥牛,極上手切牛頸脊,牛胸爽,霜降牛粒。我哋就最鍾意食安格斯手切肥牛，牛胸爽就比較多油脂，鍾意食肥嘅牛胸爽就啱曬。臨走前發現原來以前係要套餐咁叫，但係而家已經就可以散叫，咁就方便曬鍾意食唔同種類嘢食嘅客人，下次去尖沙咀打邊爐自定啦。

呢間位於厚福街嘅【胡爐】之前係做半放題火鍋... 朋友幫襯過... 話質素已經好唔錯... e+轉咗做單點火鍋... 應該仲正!😬 所以趁今日凍凍地... 就一於由朋友帶路一齊去【胡爐】食返個暖笠笠嘅火鍋先!♨️地點算唔錯....搭MTR出站後行一陣就到! 店內環境幾有懷舊傳統中國風... 座位都幾舒服!呢度d湯底選擇唔少... 而且幾特別... 唔係普通款式! 我地order咗青麻辣豬手湯底... 聽講集合咗多種香料例如桂皮、花椒、八角... 加埋青麻椒、野生椒、青燈籠椒等將豬手炆至軟身... 非常惹味㗎!😋 呢個湯底辣度適中... 唔算好辣... 豬手好腍好入味!👍🏻火鍋料方面都好新鮮... 💢桂花蚌👉新鮮爽口又唔腥💢黑毛豬豚肉👉優質有肉味💢黃金墨魚丸👉好彈牙... 內裏包住咸蛋黃... 幾得意! 💢XO鮑魚蝦餃王👉口感層次好豐富!💢本地鵝腸👉非常爽脆💢廣島蠔👉漲卜卜... 好肥美!整體上... 食物幾高質素... 店員有禮貌又勤快... 值得一讚👍🏻

天氣凍，就梗係要打邊爐啦，今日係厚福街見到胡爐呢個餐廳名，就撩起左我地要打邊爐呢個念頭。呢間係單點火鍋店，質素就一定係好過任飲任食個D啦，所以係值得來試試的。入到去，D裝潢擺設好有感覺，令你可以專注食野，令到你覺得係一種享受。我地叫左個川味酸菜鴨湯鍋，係好食的，特別是鴨肉，夠哂入味，酸菜又同一般米線個D又係唔一樣，味蕾大開。跟住個返個醬料，打邊爐，幾時都要睇個醬料，呢度有勁多款比你揀，感覺同去海底X一樣，都係賓至如歸比你任揀。我地叫左花雕醉滑牛、手打牛丸、蔬菜拼盤同紫菜炸響鈴。先講花雕醉滑牛，落一落，淥一淥，食一食，牛味酒味出哂來，正。至於個手打牛丸，食落同一般任食既牛丸無得比。牛味好重蔬菜拼盤呢，有唔同既菜，叫左半份姐，都算大份。吸埋個有料湯汁，一流。最後食埋個紫菜炸響鈴，淥佢三秒的黃金定律，入口既脆且軟的感覺，岩岩好，正。

天氣咁凍最啱就打邊爐，今次約咗咗朋友嚟到尖沙咀胡爐打邊爐川味酸菜鴨湯鍋酸菜夠酸夠爽夠入味，鴨肉肉味豐厚，有鴨香，肥瘦均勻， 同酸菜味道好夾，飲完個湯個身暖哂黑松露墨魚丸墨魚丸入口富有彈性，口感爽脆，黑松露同墨魚味道濃郁，但唔會互相蓋過彼此嘅味道，協調得啱啱好。蟹籽蝦丸蝦丸彈牙有韌性，蝦肉新鮮，蟹籽份量都幾多，口感清脆，鮮味，能夠提升整粒蝦丸的層次感。黑松露蟹肉餃餃子皮夠薄，餡料飽滿，放咗唔少蟹肉，蟹肉鮮味，加埋黑松露做點綴，味道更香。手工雲吞同乒乓球大小差唔多，以大隻蝦為餡，加上半肥瘦豬肉，咬一口，蝦肉滿滿的爽彈質感填滿嘴巴，口感鮮味充實。頂級香菇貢丸貢丸口感爽彈，加入香菇味道更香，肉味鹹香，而且新鮮。自家製炸響鈴響鈴新鮮熱辣，浸湯幾秒，就有外軟內脆嘅口感，加上響鈴卷索滿濃郁湯汁，配上本身嘅豆油香，超好味。日本出前一丁麵條色澤金黃，口感煙韌彈牙，散發甘甜麥香，索哂湯底濃郁精華。

餐廳裝修係傳統豪華中國風 有不少精緻既胡爐擺設 而且座位都有一定既私隱度 一群朋友係打邊爐暢談暢飲好啱👍🏻羊腩煲湯底超過癮 羊肉燜至淋身 而蘿蔔塊同腐竹都好入味 湯汁超濃身 冬天食暖暖身一流🤭手切頂級安格斯肥牛 $298每片肥牛都油脂分布分明 口感鬆軟 做到入口即溶既效果😍游水海蝦 $98一份有6隻大大隻帶少許膏既鮮活蝦 蝦肉鮮甜🤤手工魚皮餃 $48/半份用上新鮮食材製成 啲感彈牙💯自家製炸響鈴 $68餐廳新鮮即炸 食落唔太油膩而且非常酥脆！

尖沙咀厚福街 H8 出名🤤多嘢食，天氣凍🥶想打邊爐🔥嘅話呢間高質火鍋🍲店「胡爐」都係一個唔錯嘅😉選擇，佢哋之前有做半放題，而家轉返做高質單點火鍋🍲，質素更上一層樓。中式🏮裝修周圍都🧧紅噹噹，未食已經成身暖晒🥰。枱夠大👍，叫多幾樣火鍋料都放得落👍。醬料🌶款式唔算太多，但係都👌足夠嘅。呢幾日天氣凍，食🐑羊腩煲🍲就啱晒啦！佢哋啲羊腩🤤肥美肉嫩，入口😋鬆化，十分高質👍。食完啲羊腩就可以加湯🍲打邊爐啦！佢哋嘅老友鬼鬼係已經🔥炸好嘅，可以點醬就咁食，入口油炸鬼香脆🦑墨魚滑鮮味🥰，如果浸一浸湯食就可以吸埋啲🍲火鍋湯底另有一番風味🤤。冰豆腐吸晒啲羊腩煲🍲火鍋湯底，好滋味😋。🐂牛骨髓又腍又滑又有🤤牛味，一向都係我😍心水火鍋料之一！🧀芝心🦑墨魚丸入邊有🤤流心芝士，🦑墨魚味香濃，十分高質👍。牛骨🐂牛汁丸果然啖啖都有牛汁，🐂牛味濃又爽口，正呀！手工乾貝帶子餃🥟好有驚喜🤩，入口鮮味十足，真係食過返尋味😋！胡爐🐂牛拼盆有：牛舌芯、安格斯手切肥牛、極上手切牛頸脊、牛胸爽、霜降牛粒，十分之豐富！其中我最😍鍾意嘅係🐂牛胸爽，因為佢🐮牛味十分之濃郁，入口有🤏少少爽口鮮甜🤤，之後又腍又滑，真係好好味😋！其他🐂牛都十分之肥美

屋企人很喜歡吃火鍋，早兩個月曾經在胡爐吃過他們任食火鍋套餐，覺得抵食及食物質素很好，所以一直念念不忘，今個星期找機會年尾當獎勵大家，一起來吃火鍋。一如既往職員服務很好，另外位置舒適，枱與枱之間不會太逼夾，整晚的體驗相當的不錯 。之前嘗試他們的麻辣湯底以及金玉滿堂，材料竹枝魚味道也非常不錯，今次試試新口味，特意選了平時比較少吃的，川味酸菜鴨湯鍋，鍋底裏邊也有大概半隻鴨，肉質挺嫩，不會感到老和硬，確實是不錯。游水海蝦 $98海蝦相當之新鮮，是即叫即在水池撈的，上枱時還會郁，肉質彈牙，雖然$98大概六至七隻，不過非常之新鮮值得一試，配在鴨湯，鮮味十足。香荽涼拌魷魚頭 $68 家人很喜歡吃芫荽，所以特意選了這一個前菜，魷魚頭很爽口，另外醬汁非常之開胃。新鮮脆鯇腩 $148 本身打算叫白鱔，不過職員說今天的脆鯇腩很新鮮，一於試試，果然是爽脆的，比起平時街市買的質素好很多。XO鮑魚蝦餃王 $58蝦餃王裏面配了XO醬及鮑魚，感覺餡料誠意十足，味道也相當不錯，一咬落口XO醬在口中蔓延，另外鮑魚令到蝦餃王口感豐富多層次。

原來胡爐已經無做放題啦，聽職員講係中期亦試過做半放題式，不過現在又無做喇，改為單點。故此，我對食物既質素同要求都高咗好多。先講一講餐廳既裝修，偏向中式格調。點菜前，職員會先提醒客人要戴上口罩自行配醬油，完成後職員會收起。溫馨提示：醬料要每位收$28 ，茶芥$8 ，還要另收加一服務費。羊腩煲 $388冬天梗係要食返羊腩煲暖下肚，羊腩炆得很淋，肉質嫩滑，內有枝竹、馬蹄、蘿蔔和冬菇。手切頂級安格斯肥牛$298肥牛油脂分布均好，厚薄適中，口感鬆軟。伊比利亞黑毛豬豚肉 $208店員很有心機，把豬豚肉捲成一朵花。豬豚肉豬瘦比例均勻。黑松露蟹肉餃 半份4粒$68 +  手工乾貝帶子餃 半份4粒$52黑松露蟹肉餃，皮薄，而且黑松露味好濃，內有蟹肉令餃子有咬口感。職員提醒只需要滾約1分30秒就可以食，因為餡已熟，只需要滾熟外皮和整熱內餡。

最近真係凍左好多 終於似啲冬天既感覺🥶 咁凍既天氣第一時間你會最想食啲咩？🐑 羊腩煲港式枝竹蘿蔔羊腩煲好適合呢種天氣食 因為羊肉可以滋補身體同禦寒暖身 羊腩非常嫩滑 跟配腐乳醬簡直一流食完個煲可以加湯做火鍋底 羊腩既味道唔會鬚做湯底又好香😊 之後就可以單點你想食既食材仲有好多火鍋醬油配料比你選擇🐮 胡爐牛拼盤有齊牛舌芯、安格斯手切肥牛、 極上手切牛頸脊、牛胸爽、霜降牛粒 感覺非常齊全有哂牛既唔同部位 牛味濃口感都好嫩 尤其牛舌芯特別有口感🥰🐮 牛骨髓打邊爐我都鐘意叫牛骨髓 白皙外表有豐富蛋白質和鈣質 而且鍾意佢既口感 街邊又好似好少可以買到 所以通常火鍋店必叫🥖 老友鬼鬼特別推介油炸鬼再加啲魚滑 脆口得黎浸湯淥一淥口感都好正仲嗌左其他手打丸都好正 牛骨牛汁丸、芝心墨魚丸都好香濃好爽口 仲有款 手工乾貝帶子餃 包係餃子入面既帶子好鮮味 冰豆腐吸濕食湯底一流 食材整體質素都非常之高 評價非常高👍

天氣轉凍最岩就打邊爐，呢間胡爐之前幫襯過，好足料同抵食，所以冬天再去尖沙咀分店打邊爐。湯底：川味酸菜鴨湯鍋$288入面都幾多料 有芫茜,蒿苣, 枝竹,豆卜,鴨肉，但味就偏淡，係香港人都接受到既味道，可以就咁試試佢個湯，如果重口味者 可以自己加d 蒜,辣椒,豉油去添味。胡爐牛拼盤$388牛胸爽好出色，有陣陣牛香味，而且有咬口，油脂同肉比例適中。牛粒都幾好食，唔會有筋啖啖肉咁，牛肉鮮味都重，一啖一粒剛剛好。黑松露墨魚丸 （半份）$52好香既黑松露味，手工打係唔同d，充滿住墨魚肉，好有口感，市面上較少見，而且加埋湯汁，增加風味。牛骨牛汁丸（半份）$48比普通牛丸更彈牙，更有肉汁，而且有少少牛骨增加口感。環境方面，裝修古典中國風，仲有獨立房 可以book，有特色。樓面加安排入座既員工好快手 有空盤就即收走，會時不時主動問要唔要加湯，都幾好禮貌。

雖然這個冬天不太冷，但仍無損火鍋控打邊爐嘅決心，朋疫仔帶我嚟試咗位置尖沙咀H8 嘅胡爐，原來銅鑼灣都有分店😆，住港島嘅朋友仔有口福啦胡爐裝潢帶強烈嘅中國風，木製嘅屏風同餐具都係偏向中國宮廷感，另外想有私人空間嘅話仲可以先預訂房間，記得要早啲預訂，週末晚市全場爆滿。友人之所以帶推呢間火鍋店嘅其中一個原因就係為咗個足料嘅湯底，有數十款湯底可供選擇，友人提議試試新意思，叫咗個「川味酸菜鴨湯鍋」，酸菜魚再食得多，酸菜鴨就第一次，但竟然完全冇違和感，酸菜好開胃，而且鴨肉嘅份量唔少👍🏻火鍋配料選擇多，基本款海鮮、肉類、丸餃等都有齊，特別嘅係呢度大部份嘅遠慮同埋考慮都係新鮮自家製，我哋梗係唔執輸各叫咗一款試下，手工干貝帶子餃同蟹籽蝦丸，前者粒粒飽滿，隻隻大粒，內餡干貝帶子夠嘆料同好新鮮👍🏻蟹籽蝦丸就相對細粒咗少少，但食得出係手打蝦丸，粒粒彈牙😆另外要讚嘅係呢度嘅份量可以揀一份或者半份，好似我哋兩個人可以叫半份菜，咁就可以試多幾款啦由於有人唔食牛肉嘅關係，我哋今日就叫咗伊比利亞黑毛豬豚肉，首先擺盤已經好吸引，每片豬肉油花分布平均，就算淥耐咗都唔會過韌👍🏻

聽日就聖誕特登早一日出嚟同屋企人慶祝，凍冰冰最簡單就係去烚吓烚吓，去咗尖沙咀胡爐，由於遲book位7:30果場已經full晒我哋就食5:30，不過唔緊要早啲食早啲消化，湯底嘅話我哋就揀咗川味酸菜鴨湯鍋，其實佢仲有好多款湯底揀不過呢個比較特別同埋出邊冇試過，所以今次試吓，真係非常之唔錯喎！本身都驚鴨湯好蘇，但係又唔會湯底酸酸地好開胃，湯底入邊仲有好多鴨肉，份量好多，食咗啲鴨肉都成4成飽。配料我哋就特登揀咗啲特別啲嘅，牛骨髓之前未食過 ，超得意喎食落去，軟林林有啲似啫喱咁樣，牛骨髓本身味道就冇乜味，不過呢點左啲醬汁就好正，同埋口感真係好得意。另外叫咗牛胸花，手切牛胸爽👍😋好多人見到都誤以為白色一片片嘅牛胸爽係牛嘅脂肪，其實佢係牛胸前肋骨中間的軟骨部位，食落十分爽口、牛味豐富！ 想再加強口感就可以用一片牛胸爽夾著一片牛肉滾，一齊食口感層次都加倍提升。呢個都係比較少食，原來係牛肉上面嗰層油？食落去油香好重，同埋口感爽爽地好得意，食牛肉食到悶可以試吓呢一款，都算幾有驚喜喎另外我哋仲叫咗手工干貝帶子餃，好香乾瑤柱味同埋係餐廳自己包㗎，入邊仲有帶子材料好豐富。總括嚟講食物質素真係唔錯，雖然價錢唔係

天氣一轉涼就會想打邊爐，之前聽朋友介紹過胡爐，一路都好想試。終於有時間可以去試。我和朋友想早D食所以就book咗5:30pm，呢個時間段相對冇甘多人，我地一去到就安排到檯俾我地。餐廳用中式設計，雖然地方唔算好大，但好亁淨整齊。呢到半放題形式轉左做單點。我和朋友都比較中意食辣，我地就選擇了清香青麻辣豬手鍋。職員好快就送咗湯底過黎，湯底散發著陣陣麻香味。清香青麻辣豬手鍋配有芫茜，如果唔中意食芫茜既朋友，可以選擇其他湯底。餐廳都有唔同湯底可以選擇。除咗湯底餐牌上食物種類都好多，我地就簡咗新鮮黑牛柏葉、手打蝦滑、招牌炸魚皮、唐生菜、珊瑚蚌同埋打邊爐一定唔少得既牛。牛我地簡咗手切安格斯肥牛。食材好新鮮，珊瑚蚌好爽口，而且份量亦都多。魚皮好脆，我建議想食淋D可以涮耐少少。手切安格斯牛真係一流，食落去鬆軟，而且入口即溶，份量足夠2-3人食，非常推介大家叫呢款牛。之於飲品方面，我地叫咗椰青水，都有成壺俾我地，而且甜度岩岩好，岩晒我地唔中意太甜既飲品。中可以幫手消下濟繼續食。成餐飯都好滿足，食材新鮮，服務又好。正！

臨近聖誕節，而且天氣轉涼，想和朋友食個暖笠笠既火鍋。呢間已經食過一次半放題，而家轉左單點，都想再試，就知道佢有幾值得推介我地二人選擇左清香麻辣豬手鍋，好想讚下個湯底，不但味道好夠，夠香夠麻而且材料仲好足，內有豬手、豬紅、豬皮同支竹。豬手夠淋，而豬皮同支竹吸收左湯底既精華，好入味，好快比我地ko左係配料選擇方面，我地叫左頂級手切安格斯肥牛（$298），對於二人來講，性價比高。因為份量很多，而肉質好嫩，肥瘦均匀，一入口高充滿牛味珊瑚蚌（$138）從色澤黎睇，就知道好新鮮，將佢淥大約40秒，就已經可以食。哇！好爽口，而且湯底都蓋過唔到佢既鮮味👍🏿👍🏿💜好好好值得encore手打墨魚滑（$98）唔好睇少佢好似只有一個拳頭咁大，食落好多。墨魚滑彈牙，而且係真材實料，食到墨魚味招牌炸魚皮（$68）好大片，同平時外面食既好唔同，真係食到真魚片，而且好夠脆飲品方面我地就叫左新鮮椰青水一扎（$78）好清甜，而且仲有淡淡椰香味總括黎講，食物質素高，絕對值得encore