遖

营业中

休息中

隱藏喺尖沙咀嘅omakase，環境寧靜，約六個座位，全部對住師傅～整體環境舒適，服務體貼👍🏻洗手間有女性用品～而食物一啲都唔hea，當季海鮮，全部都好新鮮～性價比一流▫️12貫壽司▫️$480 冇加一配菜/小食/前菜：-［自家醃製北海道苦瓜］酸酸地、微甘-［薑片］唔會好辣-［炸魔鬼魚魚翅］好香魚乾味～-［炸獅子狗片］一開始以為係蒜片，點知原來係獅子狗薄片，鹹鹹地，想買黎做零食😂-［蘆薈沙律］甜甜酸酸幾開胃-［柚子蘿蔔］啖啖柚子香，厚面皮咁叫師傅比多一份🫢壽司：-［帶子］灑上少許柚子鹽，提升帶子嘅鮮甜-［平鱸魚］搽上醬油與柚子，幾fresh-［火炙金目鯛］火炙味好香，配埋炸京蔥絲同自家魚骨熬製而成嘅醬油，不錯不錯-［火炙深海池魚］魚子醬鹹鹹地，冇搶到池魚嘅魚味～-［池魚仔］蔥蓉好細滑-［熟成鰤魚］胡椒柚子，開始濃味-［梭子魚］亦都係火炙🥰配自家梅醬，微微嘅酸鹹，自家醬都幾出色～-［中拖羅］比起拖羅，佢係半肥瘦，冇咁油膩-［海膽］重頭戲！🤩成板海膽拎出黎，即刻心心眼，每件有兩行海膽左右，滿瀉晒🥰好鮮甜，平時怕腥麻麻海膽嘅我都食到好幸福～-［甘蝦蓉+蝦膏］蝦膏唔係好濃味個種，淡淡地，同蝦蓉互相搭

Farewell同事去左尖沙咀一間OMAKASE~點了壽司十二貫，每人HK$480!!估唔到唔洗5百就食到OMAKASE~先來一個沙律，甜甜的蘆葦沙律超Fresh的~再來小食魔鬼魚魚刺，又脆又爽的~帶子壽司 - 灑上柚子鹽，檸檬汁，味道清新。平爐魚壽司 - 帶有一點柚子皮，味道甘甘的。又來小食，炸竹輪，樣了似炸蒜，味道又幾特別。金目鯛魚壽司 - 頂灑上炸京蔥，魚肉有燒過，肉厚且好香魚味。深海池魚壽司 - 配上魚子醬，味道比較清，但帶出魚香，魚油份比較高。池魚仔壽司 - 魚肉味比較濃肉比較實點，配上蔥蓉，中和濃郁魚味。熟成獅魚壽司 - 沾上柚子胡椒，甘甘咸咸的。疏子魚壽司 - 燒過的魚肉，配了自家製梅醬 ，酸酸甘甘的。又來小食~是醃製酸蘿蔔，再加上柚子皮，味道非常搭。中拖羅魚壽司 - 半肥瘦魚肉，肉質非常滑。北海道根室海膽壽司！鮮甜鮮甜鮮甜，而且非常冰凉。甘蝦壽司 - 一注蝦頭膏，再加上好香蝦味，蝦肉切到好滑。鯖魚壽司 -  醃過的鯖魚，再加上白昆布、紫蘇花、青檸汁，口感非常豐富。右口魚邊 - 配上黃蘿蔔、蔥粒，入口即蓉，整口都是魚油香。海曼壽司 - 好滑，肉質幼細。好特別的配菜，是醃製

_____好味指數：🌟🌟🌟🌟🌟抵食指數：🤑🤑🤑🤑🤑同朋友選咗間環境舒適嘅Omakase，入面裝潢風格以木系為主🪵每位客人都有獨特精美嘅筷子托，相當可愛🐈✅前菜水雲髮菜、汁煮八爪魚、海膽豆腐、梅酒釀車厘茄同銀杏單係前菜已經覺得好吸引，師傅有建議順序可以淡到濃進食，充滿層次感✅刺身🔆令和之怪物生蠔鮮甜肥美，令和之怪物亦係我喜愛嘅生蠔之一🦪🔆剝皮魚配上濃郁嘅肝汁烹調，味道相當獨特🔆九繪魚九繪魚爽彈鮮甜，配上柚子皮很清新✅小食🔆沖繩苦瓜第一次Omakase食到沖繩特產苦瓜，完全唔會有苦澀味🔆七味魚翅魚翅非常有嚼口，配七味粉更加香口🔆磯燒帶子帶子味道鮮甜，配海膽將佢本身嘅鮮甜再提升✅壽司🔆金目鯛魚肉味道淡雅香軟，薑蔥絲同金目鯛很匹配🔆深海池魚魚味較濃，肉質厚實🔆赤鯥火炙過後令魚嘅油脂感更強，口腔充滿油份🔆鰤魚味道鮮甜軟熟，配柚子胡椒更清新🔆醬油漬赤身魚味濃而肉質軟嫩，醬油漬味道濃郁🔆拖羅拖羅肥美鮮嫩，入口即溶😍🔆熊本地海膽地海膽帶有淡淡的鹹味，味道鮮甜🔆左口魚油脂甘香軟嫩，邪惡又美味✅賴尿蝦茶碗蒸茶碗蒸相當滑溜，加咗蝦湯更加鮮味✅日本蜜瓜蜜瓜香甜可口🍈有水果做甜品結尾相當滿足

今日同男朋友黎到尖沙咀嘅遖試試佢既Lunch Omakase，我地叫左壽司十二貫。話到明廚師發辦，每一日嘅壽司十二貫都會唔同，師傅會因應食材新鮮度同季節性而定。一黎到餐廳，第一個感覺係覺得佢地既裝修好有心思，門口有好日式feel既石春路，入到去餐廳係簡約淺木色系裝修，空間闊落開揚，環境舒適。《松葉蟹茶碗蒸》加入蟹汁，蒸得非常香滑《真鯛配鯛魚內臟〉〈厚切深海池魚配紫菜醬》《火灸金目鯛》《赤背配紫蘇花》《池魚仔》入口有麻油香《火灸拖羅》火灸過後充滿住濃濃拖羅油脂香，入口即溶《赤海膽》味道好鮮甜《煎白子》表面煎得香脆，入面就好creamy《九劊魚》《銀魚配白松露醬》《霖酒提子/開心果雪糕》其他食物仲有蒸煮八爪魚配柚子胡椒、鯖魚壽司、日本花菇小卷、海綿蛋等等，食物整體都非常出色。可以一邊食一邊睇住師傅點樣預備每一件壽司，感受到師傅好有心思去設計每件壽司既配搭，令我地能夠嘗試到唔同魚既鮮味，體會到師傳對食材既講究同嚴謹。

假日午餐想食餐好嘅，黎咗呢間新開嘅日本餐廳，lunch 有唔同套餐，揀咗中間價位 $450 壽司十二貫，連前菜、茶碗蒸、湯物同埋甜品問過店員介紹，呢個set嘅壽司🍣係會按當日嘅食材而定，唔係次次一樣一邊食一邊休賞師傅整嘅過程😌😌帶子配柚子盐白虾仔深海池魚紫菜醬熟成一星期鰓魚配柚子胡椒池魚仔配蔥茸北海道赤海膽火炙赤鯥魚配梅醬火炙右口魚裙邊炸紫蘇葉配海膽飯手卷吞拿魚蓉天婦羅手卷蝦湯茶碗蒸呢間小店真係好有心，不但食材用料靚，而且每一款壽司都好用心咁配自家製嘅醬汁，所以成餐都唔需要自己點醬汁wasabi

經濟數據令人憂慮，但又心思思想吃omakase ，唯有吃化算一點的午市吧。要價880一位，好，試試虛實。午市也有另外幾款壽司套餐，大約三百多四百多元也有吧。環境光猛清潔整齊，看得出，打掃和管理認真。食物，我不是專家，有點詞窮。新鮮、較罕有。印象最深刻的，是象拔蚌兩食。吃的，也是体驗。年輕師傅有三點令食客印象深刻：一，期望管理：當天客比較多，師傅比較少，師傅預先告知可能要吃兩、三小時，怕食客失時間預算。二，食物解說： 一般人不會很熟悉不同的刺身不同的魚不同的部位。師傅，像導賞員，食材特色解釋到位。三，現場表演：台上一分鐘，台下十年功。壽司握飯姿勢、火炙時間溫度掌握，技藝純熟。

今次呢餐真係有少少誤打誤撞😅話說一開始係想book尖沙咀另一間廚師發板點知唔記得咗個名，搵極都搵唔到有無意中比我search到呢一間見有食客評分都高所以就決定一試😄位置唔算難揾不過唔係大街大巷門口裝修都幾舒適，好新淨👍🏻今次我係lunch去食作為壽司控我地揀咗12貫壽司$480 set 都包晒前菜，甜品，茶碗蒸同麵豉湯相片upload唔晒不過非常欣賞佢所有食物👍🏻👍🏻有幾款味道都做得相當出色食材亦都非常新鮮最難忘真係個茶碗蒸佢用咗賴尿蝦同蝦油落去做成隻賴尿蝦仲要好多膏🥰買單加埋一千幾蚊落樓，非常滿意！

好抵食！材料新鮮！食到超飽！我哋兩個人去叫咗個lunch Omakase. 有12件壽司，茶碗蒸同甜品。因為我哋去嘅時候咁岩係食白子嘅季節。即刻問廚師有冇得食，佢就即席整咗俾我哋食！ 裝修環境舒適，服務亦都非常好。

早排同朋友去左食遖既Omakase LunchLunch set包括先付、壽司、汁物、茶碗蒸同甜品先付共有5款，都係酸酸甜甜為主，開胃醒神。日式菜唔少得既漬物～十二貫壽司有八爪魚、金目鯛、北寄貝、愛女魚、赤身、松葉蟹等等當中我最愛既係松葉蟹，鮮甜無比又飽滿😋池魚入口即化，充滿油香😋口感極佳赤身可以話係Omakase一定會有的～以醬油醃過，層次更加豐富汁物魚湯，香濃得黎完全唔腥～茶碗蒸加入左蟹汁，非常鮮甜～甜品日本桃

夏日炎炎的週末下午, 最適合吃個廚師發辦, 而且午餐比晚餐便宜, 所以今日便相約了好友在尖沙咀漆咸道南115號達成商業大廈7樓的遖來吃個午餐。餐廳光猛開揚, 裝修呈現一貫日系以木為主的特色, 全部座位也是吧枱, 可以一邊欣賞師傅的刀功一邊品嚐高質的壽司。先付左上角的是長野縣水陸蕃茄, 味道超甜﹑糖度高﹑酸味較小。中間的是香魚, 香魚的魚細刺小, 很適合酥炸, 表面香脆, 內裡香滑。水雲啫喱是用形狀像髮菜的水雲製成的啫喱, 味道酸酸甜甜, 很開胃醒神。青鯛壽司第一款壽司, 多數是味道較為清淡的白身魚, 青鯛顏色白裡透紅, 賣相吸引, 味道鮮甜清爽。八爪魚壽司八爪魚切片後可見到雪白的魚肉, 雖然味道較為清淡, 但口感卻出奇地有咬勁, 咬起來彈牙, 口感嫩中帶脆, 新鮮爽嫩, 非常有嚼勁。魷魚壽司魷魚既有鮮甜味又帶口感, 進食時無半點腥臭。真鯛壽司鯛魚肉質鮮美, 清淡優雅中帶著細膩的油脂, 肉質彈性十足。金目鯛壽司金目鯛有著出鮮紅色的魚身, 是油份飽滿的鯛魚, 吃落非常嫩滑鮮甜。右口魚壽司 右口魚肉質非常滑溜, 加上師傅放了一小件燒過的鰈魚背, 令味道層次感更豐富。深海池魚壽司日本深海池魚肉

好開心終於食到人生第一次嘅Omakase（即係廚師發辦），今日同朋友黎到係尖東嘅「遖」，初初冇特別留意寫法，以為呢間餐廳叫「適」😹真係有啲唔好意思👉🏼👈🏼呢間餐廳係樓上鋪，大廈地下已經有大大個招牌好易揾到。一出Lift 只得呢個鋪位，餐廳外面裝修得好有心思，沿住一排石春路，抬頭就見到綠油油嘅餐廳名。一坐低店員會問你飲茶定水，枱面已經準備好信封比你放口罩，好體貼，望住師傅一邊為你準備食材，一邊同朋友係呢個咁寧靜嘅環境，聽住餐廳播緊嘅純音樂，冇壓力咁傾吓偈，真係好寫意！除左環境滿分外，都要講下啲食物嘅，佢呢度有3個價錢嘅lunch menu，我地選左中間$450個個，份量對女士黎講都好足夠！首先係前菜，賣相好精緻，呢度有蒟蒻冷麵，水雲啫喱，香魚一夜干，青瓜漬，蓮藕漬。跟住就有12件壽司，聽師傅講壽司飯係加左赤醋，所以會深色啲，今日食左好多未聽過嘅品種，魚生都好新鮮，好鍾意係金目雕，同埋最後嘅吞拿角手卷，滿滿嘅吞拿魚，最正係入面係冇飯架，仲加左好香口惹味嘅蒜片，食落脆卜卜，好正！呢12件壽司包括有：帶子、愛女魚、魷魚、右口魚、八爪魚、金目雕、深海池魚、赤身醬油漬（吞拿魚）、池魚、女美目、小肌

勁耐無寫食評， 但今次真心想讚下這間日本餐廳， 食物同廚師都好用心做！ 所以想寫下食評！今日朋友帶我來食這間Omakase, 位置係尖沙咀 漆咸道南 達成商業大廈， 好近科學館， 位置好方便！朋友話尼間原來上年11月先開張！講明OMakase, 即係廚師發板！ 我哋都唔知有咩食😁， 滿滿期待！餐廳唔大， 細小但給人舒適嘅感覺! 坐得舒服 ！ 情侶來都好岩！😚😚最後選左個中等價錢的lunch set!有先付（前菜）， 壽司十二貫， 湯，茶碗蒸同甜品壬來個醒胃前菜， 師傅會成個碟的食物介紹一次。仲教你食的次序！先食右上角蒟蒻冷麵，再食水雲啫喱，香魚一夜干，青瓜漬，蓮藕漬！ 冷麵同啫喱但有酸酸甜甜同凍食 ， 岩哂炎炎夏日怕你無咩胃口！ 食完即刻有哂食慾😋😋魚干，蓮藕漬同青瓜漬都好好食！ 唔係hea 比你的前菜！女娓目- 有口感又夠鮮味池魚- 味道無深海池魚咁突出，但都夠滑同爽口，當然都鮮甜赤身醬油漬- 吞那魚的一種，入口即溶，夠嫩，深海池魚-勁滑又爽口，口感嫩滑！金目鵰魚- 燒過的金目鵰魚 入口香氣撲鼻 入口即溶 加分八爪魚 - 味道唔深 但夠彈牙 食口感仲有小肌， 右口魚， 魷魚，帶子等

見有新開嘅店就訂位試下，點知中晒伏令晒野。呢間店個位置都唔係好顯眼同方便，如果尖沙咀站行過嚟都有一段距離。叫左十二貫嘅lunch set，加一收費$495。全間店連啲茶都冇乜茶味，啲魚生一係就淡謀謀，一係就有苦澀甘嘅怪味。雖然都唔係話貴價嘅選擇，但係水準真係有待改善。師傅同服務員嘅服務都好一般，冇乜介紹啲食物，同埋啲感覺唔太正式。最出色係個魚湯都幾濃同鮮味，漬物都ok，其他野都真係麻麻地。呢舊魚係完全冇味好似食緊一pat膠咁，食到懷疑人生諗緊咬緊啲咩隻蝦完全無鮮味又係好淡

Sushi Apare 遖 以簡約木系及灰黑色裝潢為主調，曲呎型長吧枱寬闊舒適，是親民的格局, 簡直與師傅零距離接觸呢~ -午市Omakase 套餐, 十貫壽司配前菜/湯品及甜品, -先付長崎縣水果蕃茄鮮甜水雲啫喱開胃香魚 外表拌以糯米脆脆, 皮酥肉嫩-魷魚 有鮮味之餘, 口感黏稠，甜味滿滿~-鬚剃魚夏日時令的魚類, 入口柔嫩-愛侶魚坊間比較少見的款式, 夏天食味道淡淡魚類卻是很棒的感覺~-金目鯛魚肉肉質柔嫩，味道鮮美-右口魚右口魚肉質非常滑，-帶子 帶子肉厚鮮甜，食落質感爽滑，配上青檸汁酸汁令味道更加清新開胃-深海池魚好肥美，食落唔咁油膩又香口。-赤身以醬油漬 過的赤身，上面加入柚子皮，啖啖都充滿夏天嘅味道。-鯖魚油香感重的一款魚，師傅將魚界開片片, 食落魚味濃～- 拖羅魚蓉 勁肥美呀，拖羅魚蓉入面加入少少漬物，師傅再係出面鋪滿杜明冶，再用紫菜包住，外脆內入口即溶好好味呀，好想問師傳嚟多件得唔得😆-天使蝦茶碗蒸器皿美美的，茶碗蒸加入了天使蝦同蝦油, 味道濃鮮, 蛋味濃又滑溜鮮甜暖胃-蓴菜魚湯食完sushi飲碗湯暖暖胃～蓴菜口感清爽滑嫩, 配濃濃的魚湯很一流呢~-甜點選了薑味雪糕, 順