金船長餐廳 (已結業)

今晚和朋友在大角咀吃飯，朋友給我這家餐廳，這也是我第一次在金船長餐廳用餐，坐地鐵轉線也比較麻煩，可在奧運站下車，但我選擇在太子站步行約15分鐘即到達。去前已聽聞餐廳的芝士夾心比薩很有名氣，充滿期待呢。晚上接近八點多到達，餐廳已經坐滿3/4客人，不用等便入座，餐廳面積不大，充滿90年代風格，也頗為舒適。翻開餐牌，意式料理應有盡有，例如意粉、漢堡、比薩、意大利飯、甜品等等。點菜不久，即來上得獎作品的黑松露菌醬意式馬斯卡普芝士夾心比薩(6吋)，為晚餐揭開序幕。一份比薩有三種吃法。第一種純粹感受黑松露及芝士的清香，入口後外脆內軟的新奇口感，第二種是配合自家製造提子果醋享用，第三種是加上有機沙律菜和自家提子果醋一起享用， 別有特色， 令人回味。相對有機沙律菜，個人更很喜歡只配提子果醋吃，提子果醋散發誘人果香，味道會較香甜，獨特芝士比薩味也變得更濃郁。芝士比薩感覺上不會太肥膩，吃多一口罪惡感也不多。口感也算結實，焗得香脆，內裏軟綿，小小的一件，也有飽肚的感覺呢。難怪是這間店舖的必點菜式。香煎法國鵝肝(3安士)蘋果沙律香煎法國鵝肝配上蘋果粒和提子乾，酸酸甜甜嘅醬汁中和了鵝肝嘅油膩感，簡直相輔相成。鵝

同老婆自拍拖開始久唔久都會嚟呢間金船長食嘢，見呢日工作上有需要嚟到呢頭，就約定老婆喺大角咀等我放工一齊食好嘢。黑松露菌醬意式馬斯卡普芝士夾心比薩 - 嚟到當然要食呢度嘅獲獎菜式，比薩配有自家製提子果醋同有機沙律菜，餐牌上面有列出呢三種唔同食法。每轉一種食法，都可以帶出截然不同的味道同口味，種種都各有特色，各自味美精彩，推介！👍香煎法國鵝肝蘋果沙律 - 煎香的鵝肝下面係外脆內軟嘅麵包，配上黑醋沙律及焦糖蘋果，既美味又唔油膩美國特級肉眼牛扒 - 牛味濃，要求五成熟， 廚師火喉拿捏得恰到好處，肉質鮮嫩好食法式焗紐西蘭金獅柳配西西里番茄汁 - 煎香嘅金獅柳表面香口，魚肉嫩滑唔腥有魚香味，魚塊上舖滿香脆麵包糠，口感豐富，西西里番茄汁更有提鮮嘅效果心大軟朱古力布甸 - 布甸焗得外脆內軟，入面喺流心朱古力醬，再加上幼滑冰凍嘅雪糕，啖啖滋味檸檬芝士蛋糕配生果金盤 - 芝士蛋糕同鬆脆的餅底中間夾住香滑雪糕，視覺同味覺俱佳薄荷朱古力咖啡 - 幼滑香濃嘅咖啡中略帶絲絲薄荷香味，香濃中帶點清新宇治抹茶紅豆奶昔 - 抹茶味濃，红豆蓉甜度適中，兩樣加埋一齊就更好飲食完呢餐我同老婆遲D又會再嚟幫襯

多年前還在求學時期已經到過金船長餐廳，事隔多年再來重溫一下往日的舊味道，裝潢跟往時的沒有大分別！當晚與妹妹一同前來，由於我倆的食量不算大，所以只點了數款食物先點左個蟹肉素魚翅南瓜湯好足料的啊有滿滿的蟹肉同素魚翅，帶陣陣南瓜香甜味炸香脆軟殼蟹炸粉皮略嫌厚左少少，都幾香脆！配蟹籽沙律醬幾好味黑松露菌醬意式芝士夾心比薩一場黎到點都要試下金船長既得獎作品！果然冇失望！鬆脆的panini包內層夾著份量十足且濃香的黑松露菌醬，每啖都有黑松露同芝士香，正正的燒紐西蘭羊架燒得很好，七成熟的羊架肉很嫩，羊肉羶香！伴碟的炸薯條金黃香脆焗金獅魚柳(照片不見了)😖加配忌廉菠菜嫩滑魚柳加了麵包糠去焗，帶酥脆口感，好美味啊心太軟朱古力布甸送上枱時雪糕已溶解中，心太軟也破了，賣相扣點分😢😢幸好內裡是頗濃郁的朱古力味

早前看到雜誌介紹，金船長的三味 pizza 很出色，今天剛好在附近出沒，特來一試!這個就是得獎作品，傳說中的三味 pizza；一批三食，三個不同層次的味道，各具特式。首先是原味食法，無須添加任何醬料，純享用芝士配黑松露的味道；兩者各有自家濃烈的味道，南轅北轍之餘又出奇和諧。芝士焗得香噴噴，入口即湧出強烈的黑松露味，同時嘆到兩種味，又互相不會蓋過對方。隨碟附上葡萄醬一碟，二食也！醬汁本身甜甜酸酸，入口吃到有少許葡萄肉🍇🍇。塗上醬汁的 pizza, 即時多出一道甜酸味，膩口感大減，舜間又清掉一件。別以為碟邊小草是裝飾，它是三食主角苜蓿芽，將苜蓿芽夾進 pizza 裏面，它清新的田園味道，完全蓋過芝士、松露喧鬧，味道彷似沙律🍀以的，有點意想不到。完全有驚喜的 pizza! 🍕黑松露的份量頗多，整片 pizza 都塗得滿滿，香氣撲鼻。香煎法國鵝肝（3安士）蘋果沙律 $138平日食到的鵝肝菜式，通常都是點綴式一少片，金船長這個鵝肝沙律明碼實價，明確告知有3安士鵝肝，上枱時的確大大件，貨真價實，很公道。👍👍鵝肝煎得很好，外層有香脆口感，粉亦不厚；內裏熟透之餘亦能保持軟滑，抵鑽！配上酸味蘋果醋，中和

餓了3日，著實忍不住要出去食飯。可惜飯腳病了，不欲走遠。那只好在她家附近找吃。來到了一街之隔的金船長。大角咀餐廳選擇都多，但晚市估唔到這裏座無虛席！ 餐牌選擇多，因為想食肉，所以無叫set dinner，點了青口、田螺，羊架和肉眼扒，當然少不了得獎作品黑松露pizza。飲品先來，滿滿的紅豆蓉抹茶奶昔，夠晒足料。黑松露pizza不愧為得獎作品，超級好食。三角形的一件有點似食開的飛碟。但離遠已飄著松露香。第一種食法係直接食，入口香脆，唔油膩，原汁原味，已經好好食。最鍾意第二種食法，點提子醋，食落香脆得黎帶點酸甜，好開胃！！！第三種便是點提子醋加少許沙律菜。焗田螺小小的一份，橄欖油味香濃，點麵包食，過口癮一流。忌廉青口好creamy，奶香味好重，大愛，啲汁完全令人叫碗飯黎送。 來到主菜羊架和牛扒。份量十分足。配以大大份薯蓉，好有睇頭。牛扒三成熟控制得不錯，切開仍見嫩紅。入口牛味濃，因為扒本身已經夠味，所以簡單灑上海鹽，已經足夠。羊架也點了3成熟的，肥美的3件，肉厚又嫩，入口啖啖肉。不可錯過伴碟的南瓜，因為好甜。 基本上食完個主菜，已經好飽，但一場來到，點可以唔食埋佢個梳乎厘，外加了一個竹炭蛋

我地平日晚上8點左右去到餐廳, 差不多坐無虛席, 十分旺場！如果有興趣去試一試，記得book定枱！對餐廳的得奬作品黑松露菌醬意式馬斯卡普芝士夾心比薩聞名已久, 難得有機會, 今次一定要品嚐一下!餐廳的食品選擇包羅萬有, 有扒類、意大利飯、漢堡、比薩、小食、甜品及飲品等, 總有一款岩心水!黑松露菌醬意式馬斯卡普芝士夾心比薩   $108跟一般的比薩不一樣, 外層舖滿芝士粉, 中間夾著滿滿的黑松露醬, 芝士味同黑松露味香濃, 但同時都好平衡, 唔會搶左另一方的風頭! 所以 芝士控同黑松露控都可一試! 比薩外層焗得香脆, 內裏軟綿,  非常特別的比薩, 口感豐富，好滋味!比薩有三種食法, 三種味道各有不同, 意想不到的美味! 個人喜歡加少少提子醋, 帶少許甜酸味, 更能夠提升整個比薩的味道!美國特級肉眼牛扒 (12安士)  $298  配3安士法國鵝肝 加$96 嘩! 好大塊牛扒呀! 牛扒五成熟剛剛好, 表面煎至微微焦香, 肉質保持軟腍鮮嫩, 牛肉味濃郁, 實在太美味啦!伴碟的薯蓉同樣出色, 口感非常軟綿順滑, 帶有牛油香味, 超讚!配菜還有脆薯塊及烤過的蔬菜有南瓜、翠玉瓜、茄子, 好滋味!

今天想食西餐，得知金船長餐廳的黑松露非常出名，於是慕「黑松露」而來，一試意菜。一入店，燈光偏暗，甚有氣氛，牆上裝潢甚有特色。黑松露菌醬意式馬斯卡普芝士夾心pizza 是金船長的推薦菜式，與一般pizza有別，芝味濃郁，外脆內軟。店家推薦三種食法，先試原味，感受黑松露與芝士在味蕾上的衝擊。然後第二種食法，加上自家製提子醋，酸酸甜甜，令黑松露的礦物香氣更出。再加上有機沙律菜，中和芝士的膩感，如此三食，一人吃三片亦不覺膩，別具心思呢。美國特級肉眼牛扒（12安士），配薯條、什菌汁。肉眼肉厚，三成熟，保留了肉汁肉香，加上什菌汁，令肉味更鮮。牛肉肉質紮實而不是「老韌」，薯條量不少，加上煎得微焦的翠玉瓜、茄子等，非常好的配搭。香煎原隻春雞配露絲瑪莉汁，露絲瑪莉汁應該是指迷迭香，非常適合煎春雞。春雞外皮煎得香脆，把多餘的油脂都煎走，剩下香脆的皮，肉質不會因overcooked而老韌，仍嫩滑有肉汁。炒菠菜非常清甜，不會炒得過老，莖菜多汁，有濃濃的波菜香味，中和了吃肉的膩感，而且價格很廉宜呢。餐湯方面有清雞湯和海鮮蘑菇湯，前者清麗有雞的甜味，後者濃稠，非常rich，還有菌類、八爪魚、蜆肉，非常足料。心太軟

雖然搬離大角咀已久，但依然心繫此區，始終童年時所有美好回憶都在這裡發生。以前大全街及埃華街兩條平排的街已經係此區的美食街，發展至今，此兩條街的食肆比之前開得更多更密集。金船長於此街已經經營了好一段時間，屬於老牌餐廳。對上一次來金船長相信有一兩年時間，餐廳俾我嘅感覺依舊，街坊中又帶點裝修，入面裝修很貼題，有點海盜王feel。香煎鮮吞拿魚田園沙律見餐牌有香煎鮮吞拿魚田園沙律，立即叫上。吞拿魚刺身外皮略煎，少了生食的感覺。魚肉入口像赤身，油脂較少食味清淡，比其他部位更適合配沙律。吞拿魚大小切成一口一件，件數尚算不少。黑松露菌醬意式馬斯卡普芝士夾心比薩此薄餅為獨創食品，薄薄的餅皮夾入黑松露醬，上面佈滿mascarpone芝士粉。此薄餅可淨食，點提子醋或夾入苜芽。食第一件食嘗試淨食，芝士與黑松露醬的味道非常合拍，奶香與幽香混合一起。食第二件點上提子醋，清酸的果醋能帶走飽滯感。到第三件時夾入苜芽，感覺更加清新。廚師設計此菜式時真的想像得到食每一件後的感覺變化。黑松露菌及牛肝菌雲吞配野菌忌廉汁黑松露菌與牛肝菌各具不同幽香，襯上雲吞及忌廉汁感覺不會太飽滯，入口香濃軟滑。炸軟殼蟹南瓜意大利飯南瓜意大利飯

今晚揸架車黎大角咀附近食好西，寶又想食pizza，所以黎到呢間超多好評既餐廳門口個牌有啲唔顯眼餐廳入面原來都唔太大，暗暗地都幾有情調，裝修主題都係同海洋有關。先黎個忌廉薯蓉湯，烘多士都好香口好脆，好好飲好多薯蓉係入面，口感好好呢個pizza真係抵拎獎喎！好特別第一個食法係就咁食唔加任何野，黑松露醬加mascarpone cheese好香！外層又好脆！第二個食法就係加提子醋係面，減輕左芝士既飽肚感，酸酸地幾好食！第三個食法就係將沙津菜夾係入面再淋啲提士醋，感覺更加fresh!寶最鍾意既蜜糖雞翼隻隻都好厚肉，焗得岩岩好好多汁又夠嫩滑9蚊隻都算抵啦！金獅魚柳煎得一啲都唔乾，金黃酥脆，加埋灑係面頭既脆脆麵包康配埋西西里蕃茄汁好開胃好香口感豐富呢個就相對有少少失色啦，煮到有啲un，但又有啲酒香幾特別，下次可以試下忌廉菠菜梳乎里成個蘑菇咁好得意，蛋香味濃，加埋啲砂糖竟然都唔會話太甜，又真係幾好食牛油果沙冰其實基本上係一杯奶昔，有青蘋果味，飲落又有啲似甘筍汁，幾特別，係一杯唔會覺得膩既奶昔檸檬都幾多夠足料，少甜少冰真係有做，抵讚條街有好多餐廳，所以感覺上呢間餐廳晚飯時間都唔太旺，但其實佢服務好好，野

餐廳以海洋為主題，以船同海洋生物作擺設。環境微暗，帶一點浪漫氣氛。黑松露菌醬意式馬斯卡普芝士夾心pizza得獎作品，一個pizza竟然有三種食法。第一種係清食，品嚐黑松露同芝士嘅獨特味道，外層香脆，內裏軟綿。第二種係沾上自家製提子酷，帶微酸而又帶一點甜，可以防止過油膩。第三種係再加上有機沙律菜，入口多一份爽口感。炸香脆軟殼蟹外層炸得脆卜卜，份量大，而且蟹夠軟熟，都夠入味。但炸粉如果少D會更佳。法國鵝肝伴蘋果沙律香脆面包加鵝肝就係絕配，鵝肝嘅濃郁香醇令人愛不擇手。 蘋果沙律可以略減油膩，兩者配搭甚佳。焗蜜糖雞翼雞翼好入味，蜜糖唔會太甜，而且熱辣辣。心太軟朱古力布甸流心朱古力配埋布甸都幾甜，啱哂鐘意食甜嘅朋友。加州牛油果沙冰平時餐廳比較少有牛油果沙冰，好軟滑又帶D脂香，淡淡嘅清香味，值得一試。

我同同事都係黑松露愛好者，知道金船長餐廳有個好出名既黑松露芝士pizza，仲係得獎菜式，所以專登同同事放工過黎試下。我地係閒日晚上8點去到，估唔到已經坐無虛席，絕非浪得虛名。一坐低就即叫左個Pizza先，因為佢係即叫即焗，大約15分鐘就有得食啦。另外我好欣賞餐廳餐牌勁多圖片，好吸晴，好方便。黑松露菌醬意式馬斯卡普芝士夾心比薩好香，一放低係先比芝士既香味吸引，面頭鋪滿芝士，入面勁多黑松露，外脆內軟，熱辣辣，超好食！店員仲介紹多兩種食法比我地，一種係配合佢地既自家提子果醋，另一種係再加埋個沙律菜一齊食，個人覺得點左醋係會更加好食，好清新，好開胃。白酒忌廉煮紐西蘭青口自從去旅行食過白酒忌廉青口後，就愛上左呢道菜，金船長既煮法係較為多汁，但都無令我失望，佢個白酒忌廉汁調較得非常好，好香酒味，忌廉夠滑，青口新鮮，配上法包食，完美！如果可以多幾塊法包就好了，哈哈。黑松露薯條我地兩個黑松露控，食完個Pizza都未夠喉，決定叫多個黑松露薯條，個薯條黎到，我同同事都嘩左聲，估唔到除左黑松露醬之外，佢仲放左勁多黑松露係上面，好正！薯條即叫即炸，好好食！美國特級肉眼扒好大塊牛扒，廚師對牛扒既生熟拿捏得幾好，

友人相約我到大角咀晚飯，話帶我食d 比較特別的Pizza 一坐底她就先發板叫份，黑松露菌醬意式馬斯卡普芝士夾心比薩(6吋) $108經店員講解下原來有三種食法1.原味2.夾上有機沙律菜3.自家製提子醋三種食法我都試過哂，各有不同，最緊要真係好味蜜糖焗雞翼，外面幾脆，有蜜糖味，肉𥚃雞肉嫩滑香煎泰國老虎蝦併日式帆立貝龍蝦汁天使麵 ，帶子、老虎蝦肉質數錯特濃朱古力布朗尼配車厘醬及香草雪糕 ，很香濃的朱古力味，蛋糕幾鬆軟配杯檸檬七喜 一樂也餐廳 岀名的「平民價格下的黑松露」夠貼地

兩三年前就已經有食過呢間金船長，俾我印象係好鬼多人食，記得當初打去book枱真係full哂，今日再泥食，場面依舊，全場滿坐，外面有人等位😆証明我地無泥錯，好食先多人泥😋結果無令我地失望！黑松露菌醬意式馬士卡普芝士夾心pizza超香黑松露味道，芬香撲鼻！配上芝士焗一絕餅底松脆！南瓜忌廉湯同雜菜魚清湯都好出色，一淡一濃，味道剛好，先暖胃。不錯唷法式焗田螺熱辣辣上枱，仲聽到呢吱吱聲架。蒜容味濃，配上法包。焗蜜糖雞亦自家醃製，調味剛好，焗到雞皮香脆，肉質肉嫩！美國西冷牛扒牛味濃，煎得剛好不會過老，唔un！美國豬鞍扒豬既肉汁鎖哂係入面，一切開係肉中留出肉汁，嫩滑，肥瘦分報很好。配上磨菇汁！絕配金船長梳乎厘即叫即製，係超好食，但記得要早少少落order，都要焗成20分鐘架。早落單早享受囉，我地揀左原味，脹卜卜好治癒。食落好似乎再次泥到呢間餐廳，食物質素依舊出色味美精緻！員工服務態度好好呢！等枱係值得既，期待下次再泥🤤🤤🤤🤤

大角咀呢邊真係比較少黎鍾意黑松露既女友知道呢到既黑松露pizza好出名就黎會一會佢啦==============================模仿船既裝修都幾特別今次都叫左幾多野食因為ｄ野食都真係樣樣都好吸引黑松露菌醬意式馬斯卡普芝士夾心比薩($108)首先當然二話不說叫左佢地既招牌菜先啦侍應哥哥話呢個可以有3種食法:1.就咁食2.加提子醋3.夾埋沙律同提子醋估唔到可以一味三食，而且三種食法都各有特色1既食法就最食到入面既黑松露同面頭既芝士既原汁原味，佢既黑松露份量足得黎又夠晒香，連我呢個唔太鍾意食黑松露既都瘋狂食唔停，而佢既pizza皮就同我地平時食圓碌碌既pizza有d唔同，佢係有少少脆身既2既食法就令味道又多左種層次，更重要係提子醋既提子味道真係好香好清新3既食法就口感多左種清新，又係唔同風味極力推薦！！！蟹肉素魚翅南瓜湯($42)南瓜味香濃，口感都幾幼滑但可能就係因為南瓜味太香濃令蟹肉既鮮味唔係好感覺到而且素魚翅似乎有少少畫蛇添足如冇左會更好香煎鮮吞拿魚田園沙律($88)＋煙三文魚($18)吞拿魚輕輕煎過令佢有唔同層次既口感但又保留到吞拿魚本身既鮮味而且吞拿魚用料夠靚唔會有血