金船長餐廳 (已結業)

大角咀出哂名就係多野食，但咁多間餐廳選擇，真係花多眼亂，咁岩有位住大角咀既朋友推介我黎金船長食西餐，佢話又抵食又好味，所以就一於試下。一入到餐廳，都感覺到好有西式餐廳既氣氛，裝潢都幾浪漫，岩哂情侶過黎拍拖撐枱腳，環境都唔錯，面積一大小般，座位都係岩岩好夠大，如果四個人坐會有少少迫。Menu都提供左唔少既菜式，岩哂我地中意試好多唔同款式菜既人士，而見到餐廳有特別推介黑松露pizza, 係出名既得獎作品，當然要一試！黑松露菌醬意式馬斯卡普芝士夾心比薩黑松露pizza既全名真係好長呀，第一眼睇落去仲以為係飛碟，食落去同普通pizza唔同，口感似係鋪滿左咸香芝士既多士多d, 呢個pizza有3個食法：1. 就咁食：pizza外脆內軟，黑松露醬再加咸香芝士粉，兩者味道都好出，但又出奇地夾2. 配提子果醋：果醋可以中和芝士咸味，食落去令pizza無咁咸3. 配提子果醋同沙律菜：兩者加埋配合pizza會更清新炸香脆軟殼蟹呢個炸軟殼蟹真係一流，上菜既時候係新鮮炸好，亦唔會太多炸粉，加埋蟹籽蛋黃沙律醬，食落十分香口惹味，即使擺涼左少少都依然香脆。香煎老虎蝦配龍蝦汁意大利飯意大利飯熟既情況剛好，又唔會過硬

聽講依間餐廳有得獎黑松露Pizza, 今次特登去食下。餐牌及店員都有解説三種食法，我個人對佢自家製提子醋很有好感，甜酸味平衡了芝士及夾餅的厚重感。因為想食不同食品，所以點了6吋小餅。我同朋友分別點了豬手及羊架，另外加了份鵝肝做前菜。三安士鵝肝份量大，香濃幼滑，配合蘋果沙拉中和罪惡感。蜜糖慢煮豬手配燒汁非常軟嫰，用叉輕輕一碰就骨肉分離，汁香甜非常美味。燒8安士紐西蘭羊架羊架份量足，香燒把多餘肥油燒走但香味提升。

今日朋友帶我來到金船長餐廳晚餐🥣專誠介紹黑松露菌醬意式馬斯卡普芝士夾心比薩話係喱間舖嘅得獎作品，好心急想試，坐低便立即叫了一份先，睇下係味真係咁正？其實一入到嚟店內，已經好鍾意個環境，用了海洋佈置，有如置身於船裏面，昏暗燈光突顯浪漫嘅格調眼見顧客都是一對對嘅倩侶，慢慢地享受着晚餐。店員送上黑松露芝士夾心比薩$108，細心介绍我們怎樣食出不同味道，可原味吃，還有沙律菜和提子醋伴吃，提子醋是用新鲜提子自家製出來，三款味道配搭得很不錯，果然係攞獎作品，必試👍蟹肉素魚翅南瓜湯$42真材實料，甜而超濃味嘅南瓜蓉湯配鲜味蟹肉，素魚翅有咬口，有營又健康。鮮吞拿魚田園沙律$88加$18煙三文魚再加$30巴馬火腿，吞拿魚粉红色一小方塊，外面煎熟，裏面還是半生的，食落有清香味道，後兩者都是頭盤之選。美國西冷牛扒10安士$278加$98法國鵝肝3安士， 牛扒五成熟，腍滑有肉質，一点嚡韌感覺也沒有，真的煎出高質素。至於 鵝肝就勁喇，食完喱3安士，立即encore,明白啦haha法國鵝肝3安士蘋果沙律$138鵝肝煎得外脆內軟 ，蘋果沙律裏面有提子玉桂粉增添味道嘅層次感，如果蘋果提子份量比多少少就好啦 原味梳乎厘

到大角咀一帶吃飯，那裡東西南北美食都有，仿似另一條偏門食街。今日走遠一點，過多少少到大全街那邊。這一邊比較清靜，食肆也比較少點點。行經一間意大利菜餐廳，【金船長餐廳】突勾起一絲回憶。記得曾在哪裡聽過這間餐廳的名字？想了一會，應該係朋友仔介紹過有款「得獎黑松露Pizza」超好食，餐館正是【金船長餐廳】。今日路經此地，當然不會放過這個得獎Pizza既意大利菜餐廳啦。🔹雖然我係由旺角哪邊遊走過來，但係之後聽朋友講，港鐵奧運站B出口沿有蓋天橋行，不用十分鐘左右就找到「船長」所在地。其實邊面過都算係方便呢！🔹當晚與男朋友九點半才入座，坐低透透望望「船長」既環境，餐廳內有不少與海洋和船相關的裝飾，配襯店名！而在牆上也畫上店內重點推介的食物！都幾有心機！別看店舖小小，因為餐廳的食物原來充滿不同創意，雖然都係會有比薩、羊、牛扒、漢堡、意粉，沙律等！但為了控制品質，餐廳會盡量自行採選原材料炮製菜餚，並由廚師homemade配料，保證食品質素。我們第一個就即點其「黑松露馬卡斯芝士夾心薄餅」$108心態上不是慕名而來，但就是來了就要必點的感覺！夾心比薩 多種食法...一碟有六塊每人剛好三塊就是配上不同的食法

當日喺大角咀附近整電腦, 知道附近好多好食又平嘅餐廳, 諗住係openrice搵下有咩好食推介, 就搵到金船長餐廳.我朋友話佢有聽過呢間餐廳, 幾年前成日話幾出名, 經常話要特地去食,但係佢都冇試過, 於是我哋就借呢個機會一齊去食.餐廳裝修有啲似港式西餐廳, 係用啲膠皮枱布, 有D痴立立. 燈光暗暗, 一入門口就望住廚房, 廚房係好光猛而且廚櫃都係鐵色, 冇門冇布遮住, 感覺有啲唔夾.前菜叫咗黑松露菌及牛肝菌配野菌忌廉汁意大利雲吞, 有驚喜! 個忌廉汁幾好味, 食得出奶香, 調味好到位, 雲吞裡面有肉碎, 雲吞火侯煮得岩岩好, 夠彈牙, 加埋一齊好好味! 另外點左個店長推介黑松露馬卡斯芝士夾心薄餅, 賣相好得意, 外面少少脆裡面軟軟地, 有d似食緊釀左芝士黑松露既烘麵包咁, 食倒淡淡既芝士味, 可是黑松露味唔係幾食倒, 薄餅上面有類似麵包糠/芝士粉, 增加左成個薄餅既脆度, 呢個菜式係一個幾特別既配搭, 我覺得如果芝士同黑松露味再濃d就更好! 另外叫左炸軟殼蟹南瓜意大利飯, 意大利飯煮得幾好, 林林地又有d咬口, 係我喜歡既口感, 好有南瓜甜, 可惜鹹味唔太夠. 不知為何個軟殼蟹有d凍

第一次幫襯呢間西餐廳已經大約係十年前， 嗰陣係朋友介紹， 夜晚去到要排隊一段時間， 先有空位。十年前食過乜嘢已經唔記得， 但係呢幾排午飯時間都有幫襯佢， 對比起隔離比較新嘅星馬泰餐廳， 午飯時間去到，多數都唔使排隊已經可以入坐。今次特地為佢寫食評， 係因為真心覺得呢間餐廳啲嘢食好好食， 份量夠。 佢午市嘅餐牌日日唔同， 基本上 set lunch選擇會有沙律，冷盤類，意粉，焗飯， 豬扒同牛扒。 即使你選擇沙律， 金船長出品嘅set lunch沙律 一啲都唔馬虎, 之前有朋友食過佢嘅麻醬日式烏冬沙律, 無論味道同埋相都係五星級。午市套餐會有餐湯同嘢飲， 如果嗰日係海鮮忌廉湯， 佢嘅海鮮配料係好多， 有八爪魚粒蜆肉等等， 今次主菜叫咗炒蕃茄乾鮮菌意粉， 味道唔錯。 朋友叫咗豬扒配薯菜， 豬扒足足有兩大件。其實喺香港， 飲食競爭咁大， 能夠屹立不倒多年， 一定有佢嘅原因。 而金船長可以做到而家， 佢食物嘅質素有一定嘅水準。

夜晚十點last order，我地兩個只係早咗少少去，好彩佢都冇拒絕，十點半關門，我地全程都食得好趕，不過呢間係大角咀好岀名，所以係附近一定要試下食到一半先記得影相🤦🏻‍♀️我地叫咗個南瓜🎃軟殼蟹🦀意大利飯，同一個豬手。其實佢兩個分量都好多，細食嘅朋友可以三個人share都一定夠。豬手🐷可以揀配意粉，飯，豬手好大，肉質鮮美，岩岩好，夠淋，夠入味😇，如果可以幫我地切埋就更好啦，不過呢個都值得推介。🤩南瓜飯味道比較淡，可能本身隻南瓜🎃唔係太甜，但意大利飯口感不錯😋唔會大乾身都唔會太濕，下次有機會試下其他意大利飯🤟🏻

今日與朋友來到大角咀大全街的一間金船長餐廳， 吃一頓豐富的西餐。嚟到金船長餐廳必食之選西黑松露菌醬意式馬斯卡普芝士夾心比薩，個名好長，食物背後的故事非同小可，是攞獎作品之一， 大有名堂。比薩不是什麼意式pizza，而是三文治的酥皮夾心餅，內夾有黑松露菌醬，未食已經聞到強烈的黑松露香。食法也絕不簡單，仲有三款獨特享受此夾心比薩的食法。首先純粹感受黑松露及芝士嘅清香， 冇錯真是入口後外脆內軟嘅神奇口感。 完全吻合佢哋食餐牌上寫的食後感， 絕無誇大成份， 令人一吃難忘。跟住點上佢哋嘅自家製提子黑醋汁， 提子汁鮮超鮮甜，黑醋味不濃，加上比薩上極度夾，口感更加豐富，黑松露的香帶著黑提子的甜，香味更出。最後還有加上有機沙律及至家提子黑醋汁一起， 別有一番風味，耐人尋味。三種食法當中我比較喜歡加上有機菜夾埋比薩一齊食，因為有機菜口感清新，配上香味濃的黑松露，有一種清新中帶香濃味，層次分明，有種由底推高到頂的感覺，令味蕾更多的享受。前菜是凱撒沙律，沙律菜好新鮮，味道正常合格的。主菜方面，叫了五成熟的 美國特級肉眼扒，足12安士的，大大份又夠晒juicy 配上炸薯條，簡直冇得輸。甜品方面叫了薑汁金船長梳

黑松露菌醬意式馬斯卡普芝士夾心比薩Mascarpone 一般多數都係用於制作 Tiramisu, 可能我自己見識少，從來無見過有餐廳用於制作 Pizza, 估唔到效果出奇咁好，中間 Mascarpone 香軟，表面 Parmesan 香脆，配合黑松露、提子果醋，絕配! 得獎菜色，實至名歸。法式焗田螺香草牛油味超濃郁。邪惡! 但極好食。焗紐西蘭金獅魚柳配西西利番茄汁做法類似 Provencal, 表面香草麵包糠焗至香脆，魚肉足夠厚身，內裏保持嫩滑。金獅魚柳比起一般西餐用魚柳，如鱸魚、龍脷柳、三文魚等，成本較高，以此價錢食到機會相對較低。絕對值得一試。美國 Prime Grade 肉眼扒 (12安士)Medium 做到剛剛好。肉味充足，相對西冷牛扒比較軟諗。Gravy有誠意，沒有用過多 “麵撈”。如果用 Chargrill 代替 Panfry, 肯定更加出色。薑味梳乎厘真係好夠薑!整體非常出色。小店價錢，高級質素。

今日男朋友放假，所以好早就book咗呢間餐廳食飯，知道佢有一款Pizza係拎獎嘅，所以特登黎食下。嚟到梗係第一時間叫得獎嘅Pizza食啦，係有六吋既黑松露菌醬意式馬斯卡普芝士夾心Pizza，配埋自家製提子果醋架，一上枱就已經切好晒啦，其實個侍應行緊過嚟嘅時候我就已經聞到好重黑松露嘅味，聞到就已經流晒口水，Pizza內外都係芝士，入面就有一層就係黑松露醬，第一舊就原味食咗先，第二舊就可以夾啲菜係入面再點啲果醋嚟食，口感一啲都唔流，食到停唔到口丫~小食就叫咗香煎法國鵝肝蘋果沙律，呢個小食都有水準，鵝肝亦都好大份，配埋旁邊嘅蘋果粒一齊食，都幾有酒店級水準之後叫咗香煎老虎蝦併日式帆立貝伴龍蝦汁天使麵，老虎蝦好爽口，天使麵嘅份量亦都多食到最後當然唔少得有甜品啦，我就叫我最鍾意食嘅金船長梳乎里，其實都幾大份，我就揀咗朱古力味，兩個人食一定夠

今日去咗果欄一日遊 之後行到去奧運站 睇下有乜嘢好嘢食 見到呢間金船長餐廳 個名好有特色 入面嘅裝修都非常之有船長嘅特色 所以就入去試下啦首先就有黑松露菌醬意式馬 呢個係好似pizza咁樣 但係佢嘅餡料係包咗喺餅嘅中間 黑松露味道非常之重之後叫咗個白酒忌廉汁燴青口 白酒嘅味道非常之香 搭配重味嘅忌廉汁 同青口嘅鮮味簡直係絕配之後有一個法式焗田螺 田螺嘅味道比街市嘅螺更加香 而且質感冇咁硬 非常之好食 蟹肉素魚翅南瓜湯 蟹肉好足料 南瓜令到成個湯非常之鮮甜味美美國肉眼牛扒12安士 好足份量 牛肉味亦都好重 只係我哋要求五成熟 佢燒咗個七成熟 法國鵝肝 非常之靚 而且油脂非常之甘香 炒菠菜 加咗忌廉同牛油令到成個菜非常之軟滑 正呀燒紐西蘭羊架 羊架嘅蘇味完全出曬嚟 令到我呢個食羊獸 食到舐舐脷蜜糖慢煮烤豬手 蜜糖令到成隻豬手有多一重甜味 豬手亦都烤得好香

很開心又試了一間想試很久的餐廳！ 難得有朋友熟悉大角咀，當然叫他帶路去"食好西"! 餐廳位置不多，只有七八張枱，裏面牆壁畫有寶藏，航海圖等，佈置很符合"金船長"這個主題。一場來到，當然要試他們的得獎作品"黑松露醬芝士夾心薄餅" ($108)一份有六件，伴有自家製提子果醋。賣相不似平時的薄餅，反而像三文治，兩塊烘得香脆的麵包夾上黑松露醬和馬斯卡普芝士，未吃已經覺得很吸引！ 黑松露醬的分量頗多，芝士味道相對較弱，所以不會搶走黑松露的味道。 可以沾上果醋同吃，但我個人比較喜歡吃原來的味道。香煎法國鵝肝（3oz) 蘋果沙律 $138原來3安士是這麼大塊，簡直像是一塊牛扒！ 鵝肝煎得香脆，表面淋了少許黑醋汁以降低油膩感，更可與焦糖蘋果一同進食，所以即使吃了這麼大塊的鵝肝，也不覺得"漏"。燒紐西蘭羊架配紅酒汁 $188 羊架選擇了七成熟，肉質保持嫩滑，沒有羊羶味。配菜的薯蓉很好吃，口感粉粉的帶有芝士香，而且份量很多，不錯喔。老虎蝦龍蝦汁意大利飯 $148意大利飯不會軟腍腍，反而粒粒分明，較有口感。醬汁味道不重，帶有淡淡龍蝦的鮮味，應該沒有落很多忌廉，算是少見的清淡的意大利飯。

已經唔係第一次去金船長！因為佢地個得獎作實在太好食喇！「黑松露菌醬意式馬斯卡普芝士夾心薄餅」食過一次就愛上，其他地方真係食唔到！一份黑松露菌醬意式馬斯卡普芝士夾心薄餅有4件！上面啲粉全部都係芝士粉嚟㗎！入面就有黑松露！多士烘到脆一脆！芝士同松露味一樣咁濃！真係香而不膩！佢會配埋個葡萄醋，想濕少少可以沾啲嚟食，淨係個醋都好好味！另外叫咗兩樣主食！金船長芝士漢堡包 配 粗薯條漢堡扒都幾厚，有肉汁不過啲菜令個包底濕咗少少，相比之下，都係松露多士好好多！蜜糖慢煮烤豬手配蜜糖燒汁好大份！煮得好林去入味！啲肉一切就鬆開晒～！啲汁甜甜地好好食，同平時嘅德國豬手好唔同！因為食落唔會咁乾，好易食晒成隻好健康嘅牛油果奶昔，奶昔落足料，入口好香好滑，所以都幾飽肚！不過如果當飲品就會唔多解喝最後到甜品，叫咗金船長梳乎厘，唔洗加煉奶都已經好香甜，細細個入口鬆鬆咁，即使食飽都唔怕

來奧運找朋友,搜到這家很有名,是得獎熱店,便來一試.在menu上看到黑松露pizza是得獎的,當然要一試.還沒上桌已經聞到陣陣的黑松露香味跟一般pizza的皮不同, 剛烤好上碟,熱辣辣,是烤得非常香口鬆脆的外皮,夾著濃郁份量多的黑松露, 有3款食法可以嘗試.一是就這樣把它吃了,二是加上店家秘制的提子醬(提子醬真的是很新鮮的提子味),三是加上碟子的綠色青菜再加提子醬吃. 我是覺得哪一種吃法都好吃,也還是非常濃郁的黑松露味, 喜歡黑松露的人真的不能錯過.12安士的肉眼牛扒一眼就吸引到我們要點這個!! 我們是選了黑椒口味,上面撇了香料末和海鹽,肉質非常好切,外脆里嫩,細嚼幾下伴著牛肉香氣和鮮美肉汁便在口中慢慢融化,完全沒有筋膜之類的,是上品肉眼老虎蝦龍蝦汁意大利飯十分推介,是意大利大米,米飯煮得不乾不濕粒粒分明, 老虎蝦很新鮮爽口,還烤過的呢.龍蝦味醬汁很濃稠,大愛這個飯!!帶朋友來吃過這家,他說以後要常來,價錢也很划算

其實食靚嘅西餐唔一定要去啲貴價餐廳，今日同大家介紹呢間金船長餐廳位於大角咀經濟又實惠，食物質素仲要very good！餐廳都以航海為主題，四周嘅擺設都同航海有關，幾有特色。呢度嘅特色飲品都幾special，除咗有金船長推介嘅宇治抹茶紅豆奶昔同埋加州牛油果沙冰之外，最特別莫過於懷舊特飲黑牛同白牛，通常呢兩種飲品只係喺啲懷舊冰室先至會飲到，估唔到呢度都有得飲。黑牛其實即係朱古力雪糕溝可樂；而白牛即係雲呢拿雪糕溝雪碧，冰涼嘅雪糕與衝擊味蕾嘅汽水，mix埋一齊，味蕾相當刺激。香煎法國鵝肝 (3安士) 蘋果沙律：鵝肝金黃香脆，內裡粉紅嫩滑，入口即溶，香味慢慢滲透到口腔中，非常美味。而多士入口香脆，沒有因吸收了鵝肝嘅油份而變軟。蘋果沙律味道清新，可以中和番食完鵝肝嘅油膩感。沙律方面加$12可配埋煙鴨胸，加$18可配三文魚，加$30仲可以配埋巴馬火腿添。炸香脆軟殼蟹又香又軟軟，炸粉唔會太厚，唔會太過油膩。老闆果然無介紹錯，佢地嘅得獎作品黑松露菌醬意式馬斯卡普芝士夾心比薩真係必點菜色，好好味，有6吋或者9吋選擇，而且仲有3種唔同食法添：1. 普通就咁食，不點任何醬汁，純粹感受黑松露同埋芝士嘅香味，入口