金記冰室 (形薈)

营业中

休息中

每日朝早都要匆匆忙忙湊妹妹返學校！但每次經過筲箕灣形薈金記冰室，都係咁多人排隊食野！今日放假，湊完妹妹返學之後，途經金記冰室，竟然無人排隊，心思思想試吓，反正都未食早餐，一於試吓😆😆我早餐都鐘意食米粉，就叫個沙嗲牛肉米粉😋😋😋一般早餐大約$36，加凍飲$3手機落單有得揀個麵淋d,爽d ...又可以揀早餐包埋既蛋，係咩蛋？（太陽蛋，煎蛋，炒蛋）米粉好滑身，幼細...應該係台灣竹米粉！沙嗲牛肉，味道夠濃，大大舊😋😋成個早餐都好滿意，員工服務態度良好👍🏻👍🏻

近日好似好多地方都見到呢間冰室，屋企附近都開咗，今晚嘅晚餐就係喺呢度食，發現都唔錯，而且選擇好多👍🏻二人套餐$148包括：霸王雞、XO醬蝦球炒西蘭花🥦、兩個湯、兩個飲品。霸王雞嘅配料好多，蔥好惹味，XO醬炒嘅西蘭花同蝦球都好夜魅，總括就係呢個二人套餐好抵食。我加錢叫咗一杯蛋白杏仁茶，正！叫左沙嗲牛肉軍艦做第二天午餐，我最欣賞係佢加上左新鮮嘅菠蘿，令成個包好味咗好多。由於四個人，仲叫多咗一碟海南雞飯，除了飯有些硬以外，各樣都好味，勝在好划算，下次再嚟食晚餐。

朋友约我在筲箕湾晚餐，发现开了金记冰室，好光明又够大，便入去坐下。我朋友喜欢食鱼，他点了套餐E，煎封黄花鱼，有汤，有钣，仲有杯饮品，他叫了冻柠茶。我食了些黄花鱼，黄花鱼外皮香脆，带着白滑的肉，香口得来又有口感，点些豉油，我不太食鱼的都觉得不错。他说，餐汤好多料，好有甜味。而我就叫了凉瓜牛肉。它好惹味。我喜欢牛肉汁包着凉瓜，减了凉瓜的苦味但同时有肉味。我亦吃到微微的辣在凉瓜和牛肉中，越食越好食。我不太饿所以另外叫牛肉米粉和一杯茶走。茶走不错，茶味浓又甜度刚好。

金記都好多分店，筲箕灣這間開了不久，環境闊落，又乾淨，就黎試試。睇下有咩食先無骨海南雞 加菜心(+$16)中湯夠份量，雞超滑又無骨又夠新鮮，油飯就有好香雞油味。鐵板香煎雞扒拼吉列魚柳雞扒同魚柳都滑溜，黑椒汁淋落去，香味四溢，色香味俱全。白汁粟米焗海鮮意粉魷魚，魚塊，蝦都好鮮味，白汁夠濃夠棉密。鮮茄焗豬扒飯大大片蕃茄在上，茄汁，芝士味濃，豬扒鬆軟有肉汁味，不會乾巴巴的。蛋白杏仁茶大大片蛋白，有層次, 不會太甜，唔錯。

筲箕灣開了金記冰室，都未光顧過，今晚就去開飯啦！店舖都幾光猛，座位總算闊落。餐牌菜式中西融合，但最吸引我的目光就是封面的鐵板餐。先有羅宋湯，湯底味道濃郁，有少少辣。店員遞上鐵板，我打開紙巾，店員倒燒汁在鐵板上，一陣吱吱渣渣聲音響起......<鐵板蘋果沙丹豬扒>蘋果片有肉桂香味，爽甜；沙丹豬扒外層煎香過，肉厚嫩滑多汁，最後再吃波浪紋薯條，即刻想起童年時鋸扒的情景，回憶返哂黎。<鐵板美式雜扒>這份肉望號的雜扒最啱食肉獸的老公，豬扒和牛扒都係薄切，配合蒜蓉汁，食完豬扒、牛扒、雞扒，再吃煙肉和腸仔，就係大滿足。食鐵板點少得懷舊黑牛呀？可樂夠氣再加朱古力雪糕。剩食肉冇食菜好有罪惡感，即刻叫款晚市套餐。<香芹雲耳炒藕片配白飯>蓮藕爽脆，香芹味濃，雲耳入味，白飯唔會爛。

金記冰室最近喺筲箕灣開咗全新分店佔地面積都大 座位空間十足菜單上面全部都係特色嘅粵菜同埋港式小食當中仲有令人懷念童年嘅鐵板餐絕對值得一一品嚐茄子煲相信係好多香港人嘅喜好熱辣辣返滾住嘅時候香氣撲鼻茄子煮得非常腍 而且仲好入味口水雞例牌非常大份麻辣香味十足 雞肉好鮮嫩味道豐富送飯一流雜扒餐包括咗豬扒雞扒牛扒同埋腸仔煙肉食材多不勝數 真係超級抵食而且質素亦都非常高配菜可以揀薯菜飯或者意粉添另外仲有 羅宋湯酸酸甜甜好開胃

經過形薈幾次，睇住金記由佢圍板到開業。聽講金記係筲箕灣老字號茶記，當然好想一試喇！今日終於去食返個早餐，的確係有啲特別選擇，如豬潤公仔麵(雖然我唔食)。最後叫咗個早餐: 招牌鮮牛公仔麵，餐包太陽蛋，茶走(每次試茶記必叫茶走😌)招牌鮮牛公仔麵: 原來係薑蔥鮮牛，正！牛肉真係滑同好味👍🏻👍🏻👍🏻餐包: 鬆軟👍🏻茶走: 茶底個人覺得唔夠香濃整體質量ok，雖不大驚喜，或許一直期望過高，但可以一試的。

見金記新開，而且有好多人排隊，諗住去試吓啦！入到去啲位有啲細，不過感覺都算乾淨，但係台面上都有啲污跡。金記係用手機自己落單，而入邊嘅食物可以自己customise，例如阿華田都可以揀甜度，多奶少奶等等。我哋一人嗌左一個常餐，嚟到嘅時候覺得個份量都幾細下，尤其是個沙嗲牛肉米粉個碗真係超級細，而個奶油豬都係細，比平時出面嘅要細得多，仲要冇加奶油添。講真個味道真係意外地難食！！連普通茶記都好食過佢！我哋百思不得其解點解咁多人排隊。。。個沙嗲牛肉米粉啲牛肉係超級唔新鮮，仲要有啲奇怪味，真係我食過最難食嘅沙爹牛麵 。。而佢所謂可以自己customize啲嘢食都係流嘅，譬如我杯阿華田揀咗多奶多粉，但成杯野都淡茂茂，真係唔好飲😓😓我同朋友食完之後都異口同聲話唔會再幫襯，我哋真係唔明金記點解咁多人排隊。。。

冰室都去得多而筲箕灣都比較多地方食野，去開筲箕灣附近有個新商場叫形薈商場，地方大大既金記冰室去食下野。舖面大大落地玻璃，入面仲坐得舒服。門外店員會招呼安排入座，我呢個時間入去食下午茶仲可以點埋午餐本來是點豬潤公仔麵，好可惜店舖沒有返貨，就轉點了沙嗲牛肉米粉餐 HK$50個常餐米粉份量真係比較少唔太夠食，沙嗲牛肉唔太夠濃味只是普普通通XO 醬海鮮炒烏冬 HK$56鳥冬都幾夠鑊氣一條條都好分明質，XO醬味道都唔辣，佢既配料海鮮份量好足夠真係好多海鮮呀西炒飯 $48飲品半價呢個係下午茶份量，但都幾多架有蝦、膠仔、粟米、青豆、真係好醒胃整體食落口感濕潤好味呀芝士鮮茄炸雞脾意粉鐘意食香雞脾意粉呢個就岩晒，炸雞脾係最面層炸得夠香食落個皮好脆夠惹味而且入面雞脾似夠嫩滑鮮茄意粉都夠入面，意粉彈牙爽口唔會淋下午茶~~雞翼沙律 HK$38佢炸雞翼金黃色而且又香脆，入口令人回味無窮雞翼一來大眾化，二來食下午茶都係必食之選。整體餐廳地點位置都唔錯夠方便，冰室裡都夠大衛生程度還都算可以，職員服務都細心做野快態度好，少部分既午餐既份量真係比較少。金記冰室 Kam Kee Cafe   筲箕灣道393號形薈地下G-

金記冰室是香港的老品牌，幾年前經過轉型後，而家成為一個集團連鎖經營，新店在筲箕灣開業不久，今日約咗朋友食晏。餐廳裝修光猛樓底高，又有大玻璃，感覺開陽舒服。朋友說經常都點唔到豬膶通粉，咁剛剛問侍應還有最後一份，便立即落Order。另外聽說佢呢度嘅海南雞飯都唔錯。咁我亦都點咗一份。豬潤通粉我哋改成米粉，感覺上襯一點，侍應彈性處理唔錯，而呢個餐仲包括豬仔包，炒滑蛋同凍飲，都算非常飽肚同抵食。豬潤米上枱時仲熱辣辣，而且薑絲下得足夠，豬潤又有用酒醃過，整體上都唔錯，湯都飲咗大半碗，而滑蛋豬仔包就茶餐廳水準，合格👍我點的海南雞飯是去骨版本，連雞中翼都去埋骨，夠細心，有甜豉油薑油點雞，仲有例湯加杯凍飲都係$68，相當抵食。雞肉十分之嫩滑，連雞胸都唔乾，但主角反而係碗油飯，充滿南疆香茅的香味，唔使幾啖就食哂。而例湯都非常足料，這個套餐抵食，值得推介😋

筲箕灣電車路旁，增加不少餐廳，其中一間系金記冰室。午餐同友人去幫襯，門口大排長隆。雖然無派飛，大家秩序排隊。因為新開店鋪，好多人幫襯以及門店裝潢都新淨。傳統餐牌，以及現在普及方便客人落單的手機app程式餐牌。用支付寶或者微信就可以掃描落單，簡單方便快捷。而且可以選擇，少油，少鹽，少冰等口味要求。如果遇到無法使用手機點單，亦都可以傳統落單。發覺新大陸之金牌炒河+口水雞。四川重慶口水雞（例牌）川菜在港式餐廳流行，主要系小菜或者例牌前菜。見到隔離台小菜一碟，我地都蠢蠢欲動。茶餐的金牌幹炒牛河。可以選擇少油，炒得好快。而且廚房的確落少油，河粉整體而且幹身。因此我地嘗試將口水雞淋落炒河，味道又夠搭。野飲方面有特飲。因為想試一試菠蘿冰，可惜雪糕無左白色，原因系太多人叫白雪公主。因此，我呢杯雪山菠蘿冰，變左朱古力雪山菠蘿冰。菠蘿冰菠蘿新鮮，非罐頭。特飲算新穎。隨餐的羅宋湯。一個似碗似杯噶容器裝住，的確陪襯佢地員工的。傳統風味，新派演繹。

筲箕灣啱啱開咗間新茶餐廳叫金記，見佢新店有新裝修，仲好多人排隊添。今個禮拜六就去試試，試吓佢哋嘅常餐，沙嗲牛公仔麵跟奶茶，品質唔錯仲有豬仔包加煎蛋，茶餐廳來講水準唔錯，食物都新鮮製作，熱辣辣！今日食咗佢哋嘅乾炒牛河，有鑊氣夠味道，又唔會太油，最鍾意佢其他配菜洋蔥都炒得好香口。之後叫咗鮮茄濃汁焗豬扒飯，豬扒非常厚身有肉味夠軟身，又唔會一口化學味道，而且嗰汁唔係普通蕃茄汁，食得出係用足蕃茄蔬菜熬出嚟，濃汁内仲少少西芹及其他蔬菜，上枱熱辣辣，味道非常好。最後叫咗甜品金粒西多士，上枱熱辣辣配上煉奶仲有一個雪糕，切成细細粒多士，更有蛋香又酥脆邊。之後仲叫了杯雪糕紅豆冰，紅豆沙有粒狀及紅豆蓉，所以口感非常好，加埋雪糕又香又滑，最緊要唔會太甜。埋單都係$230，呢個價錢茶餐廳來講真係好抵食，食得好飽值。侍應服務非常之到位，非常有交帶，另外單點飲品的時候會幫你變成套餐，夠細心，幫你慳唔少錢。

港式茶餐廳係香港主流飲食文化，而且梗有一間係你左右，要飲要食，非常方便。但方便歸方便，好多茶餐廳食物和服務水準都唔夠穩定，有時真係食到一肚氣。講食物和服務水準夠穩陣，就非金記冰室莫屬。小弟係金記常客，總是喜歡佢食物和服務水準夠穩定，而且食物款式選擇多，價錢又經濟實惠。唔知係咪好多香港人都有同感，見佢開完一間又一間，最近更開到筲箕灣形薈新商場，當然要先食為快！其實金記冰室前身為筲箕灣大排檔，今次真係強勢回歸。正是新冰室，新商場，新裝修，樓底又高，加埋單邊一排大玻璃門窗，環境開揚，坐得舒適。金記食物款式選擇很豐富，晚飯時間，就簡單叫了個2人自選小菜餐，加個金磚風沙豆腐和甜品金粒西多配雪糕。2人自選小菜餐可選2個小菜，選了霸王雞(例牌)和欖菜肉崧四季豆，另送老火湯、白飯和飲品。是日老火湯是南瓜雪耳木瓜豬骨湯，湯底清甜又滋潤，火候足，喝了一碗，意猶未盡。霸王雞(例牌)份量唔錯，雞件肉厚，雞肉嫩滑，配上香蔥醬油，都幾滋味。欖菜肉崧四季豆，四季豆色澤翠綠，配上鮮紅辣椒絲、肉崧、欖菜，賣相不錯。四季豆炒得乾身香口，鑊氣十足，加上惹味的肉崧和咸香欖菜，用嚟撈飯，最適合不過。金磚風沙炸豆腐就出奇的好，豆

筲箕灣金記的前世今生，以往的金記比較簡單，今天的金記比較複雜，選擇多的是。中式餐湯是青紅蘿蔔湯，沒有太多味精的感覺，少少咸多多健康的感覺。西式餐湯是羅宋湯，味道較為濃烈，辣辣的我比較喜歡。椒鹽豬扒，分量多，每一塊做到味道足夠，不太鹹，還有一點點辣來調味，最重要是不太油膩，入口沒有滿口肥油感覺。清炒菜心苗，菜心苗比較甜美，炒得沒有太多油，我就是喜歡少油少鹽的做法。海南雞套餐，雞肉嫩滑可口，雞飯是油飯令人一啖一啖停不了。鐵板美式什扒，這是一個超值之選，上枱時鐵板熱辣辣，當蒜蓉汁淋在鐵板上發出時時聲，使人興奮，食物有腸仔、煙肉、雞扒、牛扒、豬扒，分量之巨大，CP值之高，而且質素不錯，大家不能錯過。熱檸檬茶，沒有苦澀味，茶味香濃。熱咖啡，咖啡香味撲鼻，奶香滿口。味道: 值得一試環境: 舒適衛生: 整潔服務: 尚可價錢: 超值

員工服務很不錯，食物質數也不錯，但對雞蛋敏感或者當天不想食蛋的話，不能更改或轉換其他食物，只能不要雞蛋，沒有其他選擇，因為沒有一個早餐是沒有蛋的。包裝也不太環保，叫兩份早餐，煎旦兩個盒，麵兩個盒，三份一碗湯另上兩個盒，餐包兩個袋，可能這是疫症下普遍茶餐廳對待環保的態度吧，還好在向員工解釋之後他們都願意盡量減少外賣盒子，否則下次我就不會幫襯了