阿桂老友粉 (已結業)

今日放工冇咩做，就唸住去觀塘買餸，買餸前當然要醫肚先。途經康寧道，見到有一間譚仔，一間阿桂。由於譚仔成日都食，而阿桂就應該係新開的。而且仲係食南寧米線。當然揀阿桂試試啦！入到去都有幾枱客。坐位舒服。唔會好迫。望望餐牌，都有幾多款式。先揀自選粉麵~木耳絲，腐竹，魚皮餃。最特別係有通心米線。因為係我至愛。其他店好少有的。我揀咗中麻辣。中麻辣比其他店舖冇咁濃味(香料味道)，可能係南寧嘅特色。但辣味都好夠。魚皮餃大大粒, 的皮好煙un。腐皮又唔會煮到爛，係一片片的。(因為有d店舖係會煮到腐皮爛晒，食唔到的)。木耳絲又夠爽。我仲揀一款小食~惹味口水雞。這雞的辣味就不是太夠，好彩雞肶位置夠滑。食完辣嘢，當然要飲返杯冰凍飲品。凍檸蜜一杯。

同朋友剪完頭髮就去左附近餐廳食晚餐，由於我最鍾意食麵就去左呢間餐廳啦，加上紅色的招牌很吸引我視線，所以立刻就入左去，餐廳外表裝修簡單舒服，很整齊整潔的感覺，播放着輕鬆的音樂，很舒服，不久，店員拿着餐牌讓我們選擇，店員有禮地向我們推薦店內比較特色的食物很快我便選好了，點了一個正宗擔擔麵，可點乾撈或湯， 因口味喜歡濕濕的湯麵所以點了湯麵，本身麵底有幾種選擇，有河粉，米線，陽春麵，通心粉及蓮藕粉，當然我會選傳統上海麵，然後是招牌口水雞，既然叫'招牌',不能錯過吧！而飲品是山楂蘋果茶很快麵同飲品送到了，先説麵吧，由於太肚餓，所以急不及待便往咀裡送，我用的是上海麵，湯料包括炸醬，芝麻，蔥，榨菜，我本身喜歡花生味湯底，覺得好濃香馥郁，最後我把湯底都喝得盤底朝天，麵的質地很軟腍，吸收了湯底的精華，而肉碎份量適中，一口麵加滲入湯汁的肉碎及湯底，很美好而飲品冰凍山楂蘋果茶，這個飲品乍聽都想到是酸酸甜甜很開胃的，果然飲着感到很好入口，喝到很濃山楂味，再停留口一會兒就會嚐到淡淡的蘋果香，很好喝最後，食了店員重點推薦的口水雞，賣相很吸引，雞皮有很亮麗的光澤，以前食過其他餐廳的口水雞，最怕食到冰鮮及雪藏味，然

過去經常在這邊揾食，事過境遷已人面全非，今日舊地重遊，發現這修街上除了×心×仔外，又多了一間米線舖，價錢合理又多新口味，一於試下佢。豬骨湯炸醬桂林通心米線(小辣)這主打南寧風味，同平時食開嘅酸辣粉唔同，湯底較清，飲得出豬骨味，帶小小辣幾易入口。炸醬味濃，肥瘦豬肉比例不錯，米線彈牙有韌度，由於通心可吸入不少湯汁同食，每一啖都是滋味。正宗擔擔麵(微辣)不知道這裡辣度有多强，只叫了微辣一試。湯底極濃，超正嘅花生味，香滑味濃但不油膩，下次可要小辣一試，微辣不夠刺激呢。麵條用上淡黃色的，麥香掛湯，這一碗好正！惹味口水雞再加了一個小食，兩碗粉好像不夠肉，朋友揀了口水雞，例size也頗大碟。雞件嫩滑，皮下脂肪不多，連雞皮都可安心食 這個雞辣而不麻，好香芝麻同花生味，好正，連一粉花生都無留低全部食清。凍檸蜜同凍檸樂，跟餐送凍熱飲品，但無睇清楚原來唔包凍檸樂，但成罐可樂上都幾抵飲啦。百幾蚊食飽飽了~食滿一百蚊有月曆送，月曆坐下面仲有memo紙，幾實用喎

食慣晒譚仔、車仔麵既我，好想搵一間同佢地唔同，但又一樣地食粉麵既小鋪，有日無意間經過依區，又比我搵到一間又平又唔悶既粉麵鋪喇～5點幾入座，成間鋪都冇咩人，坐左有兩三張枱咁，環境唔算好大，但座位空間都幾闊落，不過自己一個就冇咩所謂喇xd 有飯或麵可選擇，而且菜色都幾多，唔怕會食悶，主要都較想食佢主要既麵類，而且計落都抵d ~ 乾撈炸醬桂林通花米線（走花生），去到邊我都會嗌炸醬，所以毫不猶豫就嗌左依個，好似係"通花米線"呀！我係第一次食到，佢既米線較粗身而且中間係通窿，食落容易飽肚，除左外形、口感唔同，味道同普通米線差唔多，而個炸醬做得幾出色，炸醬香濃得黎，味道咸得恰到好處，個酸菜同樣唔會過咸，所以炸醬香加上通花米線，配搭得岩岩好！鴛鴦餃子（煎），香煎既餃子，上菜果陣實在香到不得了，餃子蒜成金黃色，已經好耐冇食過煎餃子喇我～～一款係韭菜豬肉，另一款係雲耳白菜，韭菜豬肉果款，韭菜味極濃，睇落去入面全部都係韭菜，但仍食到豬肉既味道，而雲耳白菜則較清，食落去爽爽地，餃子皮個韌度亦唔錯～菜蜜，嗌左最常飲既菜蜜，甜度適中，暖暖地再食個麵，飽晒呀～～係食野期間見到一對母子同店員有講有笑，睇黎係熟客，平

又係搵食時候，我自己好少去觀塘，不過朋友去開我就順便係觀塘食埋啦，平時都鍾意試試特色鋪頭，行過見到呢間鋪頭覺得口水雞廣告牌好似好吸引，加上真係好肚餓，所以我地就入左去食！當我地入到鋪頭，侍應好快就安排好我地位置，由於我覺得試鋪頭食品最重要一定要試最有特色既食物，問完侍應之後，就叫左招牌南寧老友粉，口水雞必然要叫啦，本來我口水雞想叫大辣，但侍應指我地第一次食應該食中辣，唔夠再加辣，咁我地就點左中辣口水雞！ 見到menu 麵底有幾種選擇，所以我碗招牌南寧老友粉，就轉左蓮藕粉，因為其他餐廳都好少見有，我呢d喜 歡試新野一定就㨂呢種粉試試，等左一陣就有得食，其實過左大約五分鐘，可以睇到麵的最頂是蕃茄，肉片，生菜等，好開胃，有別濃湯或酸辣，這個湯既味道淡淡 的清清地，最岩之前食滯左既我啦，而蓮藕粉比較幼身，驟眼睇落好似薯粉，而食落口感好滑身，煙煙韌韌，而且幼身可以吸收湯汁，唔錯！ 過 左一陣就到口水雞出場，遠遠已經聞到陣陣麻辣香，份量好多，疊到好實，我忍唔住已經夾起一舊試試先，咬入去雞皮漏出金黃的雞油，而且雞肉好鮮滑，本來雞胸 位一般都比較鞋，但都一樣夠嫩，夾住雞肉加點葱

今日唔知做乜好想食米線﹑米粉之類既野(可能大肚婆就係咁XD)，行完APM就拉左老公去周圍搵野食。行過見到既都係傷XXXX既朋友，平時都有得食啦=.=行行下見到間粉紅色既舖頭，見到佢寫住「老友粉」，我個心就諗..係佢啦XD我都未食過，就啦啦聲拉我老公入去!我一打開個餐牌，就比N02吸引了，「豬骨湯脆皮肉桂林通心米線」!!!第一我唔知咩叫脆皮肉，第二我真係第一次聽通心米線，唔通係通心粉D朋友? 二話不說即刻叫!(我仲加左個餸:醬汁豚肉)套餐配埋野飲，都係$39，熱凍都係$39，我唔客氣啦，叫左個凍檸茶。一黎到即刻飲兩啖湯底先，豬骨湯底，好甜，如果佢唔話係豬骨湯底，我就以為係魚湯XD，因為個味真係好清甜，而且唔會覺得有味精。有D湯底只係用調味料加水調製，但呢個湯底味道唔會「過濃」，亦有充分既豬骨湯味。之後我一有就夾起通心米線研究下XD佢比普通米線粗身D，真係成條米線通心架!好打耳!食落同普通米線差唔多味，我覺得有D似食緊銀針粉既感覺，平時食得悶米線轉食呢個都幾特別~米線有四塊脆皮肉，望落好似燒肉，但比燒肉薄，可以容易D將肉汁鎖住。個皮好脆但唔硬又無燒焦，成塊肉肥而不腻。平時既燒肉脆皮下面都有

係觀塘行完outlet就同朋友去搵下有咩食，朋友想食米線，不過食嚟食去都是大型連鎖式既店舖就覺得有啲悶。 我地經過呢間阿桂老友粉見到有雜誌推介報導貼係門口，好似幾吸引下，所以就入左去試下。 餐廳的環境幾好，枱與枱之間有足夠的空間，沒有麗華的裝潢，但是勝在坐得舒服。我地係閒日既下午茶時間去，兩個人有張四人枱坐，最開心就係有位置比我地擺戰利品。睇睇牆上既報導，原來呢度既招牌菜是南寧老友粉，但是我覺得正宗擔擔麵是比較吸引。 原來叫粉麵套餐有飲品跟，所以我就叫左熱檸茶。熱檸茶有三片厚切檸檬，不會偷工減料，唔錯！同朋友一齊叫左個小食開心Share，聽店員既推介 我地就叫炸雞軟骨。炸雞軟骨 $25 雞軟骨是即叫即炸，所以等得比較耐。雞軟骨好新鮮，好有肉味，唔係平時放題食個種好厚粉個粉。咬落去口感卜卜脆，而且仲好Juicy。正宗擔擔麵（連飲品） $37 原來呢度既擔擔麵係有得叫辣架，無辣不歡既我就叫左中辣。一上枱聞到香味已經流晒口水，擔擔麵面上舖滿左炸醬、芝麻、蔥、花生同榨醬。炸醬混合左花生同芝麻真係好惹味，而且真係好足料，絕不兒戲！湯底是比較濃味同杰身，同正宗的擔擔麵一樣！總括

今日係觀塘返part-time, 可能聖誕節就黎，好多客，搞到3點幾先放lunch。聽朋友講，係康寧道個邊有好多野食，於是我就行去緊下有咩食。行到康寧道，就見到好多間餐廳，都係食粉面為主。行到最尾見到間桃紅色招牌既面食店叫阿桂老友粉，係食南寧特色既粉面，好似幾特別下，所以決定入去品嚐下。 店內環境品錯，座位唔會太擠迫，唔會話食野個時會撞到第二個。 打開個menu, 有好多面食選擇。由於未食過南寧老友粉，於是我就叫左個招牌南寧老友粉，睇下個招牌粉係咪真係'招牌菜'，另外我仲叫左半隻口水雞。話咁快，個招牌南寧老友粉就到喇，睇賣相就相當唔錯，好似好足料咁。由於本人唔係好食得辣，所以就叫左小辣，加上佢本身配料有酸菜，湯令到底有d酸辣,好開胃，同埋好岩我口味。 佢d河粉都唔錯，好爽滑，加埋d肉片一齊食就一流！ 呢個時候黎杯冰凍既奶茶，簡直係人生一大享受！奶茶沖得幾好，唔會話太多奶或者太重茶味。 最後黎既係口水雞，本身以為份量唔會太多，點知佢好大份，岩哂3點幾先放lunch，肚仔好空虛既我!而且佢雞肉好嫩滑，夠哂入味又唔會太辣，值得比個讚佢！總括黎講，呢間面食店真係值得推介，

今天有新發現，在觀塘有間新開了只有4個月嘅麵舖，個名叫"亞桂老友粉"，位於康寧道再上少少斜的位置，去到時都食brunch的時間，所以不太多人，鋪面很pink，座位還很寬敞舒適。我都例牌問一問服務員有咩推介，當然也是必食的招牌菜啦！首先叫了個"招牌南寧老友粉"，其實是酸菜粉，主要配料有酸菜、豆豉、蕃茄、肉片和時菜，湯底好清，雖然我覺得未至於有驚喜，但總算是一碗美味的粉！另外又叫了一個不是招牌菜，但又不遜色於招牌菜的麵，就是"擔擔麵"，超正！它主要由芝麻醬、肉碎和花生碎制成，即使要求微辣，風味依舊不減。 湯底好濃郁，D麵又夠爽，又入味，吃起來味道分明，我仲可以連湯都飲晒！要推介它......真是必食之選！後來再加了一碟我的至愛......口水雞，這個冇得揀辣度，所以一個怕辣又愛辣的我食起來都膽戰心驚，後來一啖食落去已食到麻辣，做到麻而不痹，辣而不痛，而且又好香，雖然邊吃邊流汗，但是都要讚吓佢，D雞不肥也不瘦，肉質又剛好夠嫩，集麻辣鮮香嫩爽於一身，它連配菜中的花生都好新鮮和香脆，它又比我們食清光，真抱歉了，半粒花生都不容許它留下！我們又試了他們推介自家制的山渣蘋果茶，飲到佢嘅新鮮山渣蘋果味，

是晚人在觀塘，完成手頭上的工作後, 獨個兒想找間食肆，吃些簡單的食物, 中途看到阿桂老友粉的招牌，好奇之下看看, 原來是間新開業的街坊小店, 主要提供粉麵和米線等, 而且價格非常合理，所以便決定試試。食店內地方不算太大，但也相當企理, 寬敞而舒服，店內以簡單枱椅為主。看看餐牌內各項食品, 除主打的粉麵和米線外，同時有其他的小食和飲品。飲品方面點了熱菜密, 喝起來潤喉舒服, 滋潤清甜,在天氣較涼的這天，喝這個就正好。再來的就是阿桂自由配，是豬骨雞湯底, 而粉麵、配料及辣度方面都可以自由配搭的, 在當中選了米線, 牛肉、豬肉及生菜作為配料, 還要走辣。各樣配料舖滿了一大碗,先試了湯底, 味道甜美也有香味，只是略嫌湯頭不太夠熱, 幸好米線極富嚼勁, 配料方面，牛肉是口感嫩滑而牛肉味頗濃郁，豬肉也是肉味十足, 生菜新鮮爽口, 整碗米線應可收貨。無心插柳之下發現了這間阿桂老友粉, 以觀塘區來講, 價格非常合理，米線連配料也只是索價四十蚊, 已經吃得飽飽, 加上這裡的店員態度相當友善主動, 可以一試。

秋高氣爽，最啱去郊遊。去完令人心曠神宜既佐敦谷，返到市區馬上要醫肚。落車附近就有好多野食，譚仔，傷心酸辣粉就食得多，呢間老友粉都係第一次見，所以就試下新野。小食要了一碟酸辣粉皮，但小子又怕辣，見佢個名來勢凶凶，故點了走辣。此處各樣款式都可走辣/微辣，夠曬體貼。我仲以為係會變成平平無奇既雞絲粉皮，但一咬…好彈。我絕對有理由相信佢用上等嘅靚薯粉代替我啲平平無奇嘅朋友，粉皮(笑喊)!認真一句真係好彈，唔辣仲好清，配上淡淡嘅芝麻醬，唔錯。眾所周知，担担麵乃四川/上海名菜，估唔到廣西菜都關事。本人甚好撈麵，就一戰乾撈担担麵。加左小小湯，撈勻後一食--唔知大家仲記唔記得我唔太得食辣，佢已經馬上攻佔我既喉嚨，十幾秒後我條脷已經麻麻地。我心諗，微辣都係咁，咁特辣點算!相信係愛辣之人嘅天堂。我加多啲湯，食左菜，又再奮戰過。雖然好辣，但佢個醬好香好惹味，是麻嘅香同辣嘅香。炒香左嘅花生更是吸引。最終，當然係邪不能勝正，比我切底KO。我仲叫左杯，山楂蘋果，酸甜醒胃。而且解辣好有效，必試之選。繁忙時間都未坐滿，以呢個質素同價錢，佢絕對值得講"I deserve better!"佢應該多啲宣傳，去地鐵站派派傳單優

門面所見既餐廳logo同色彩搭配有濃厚既民族氣息令我都停底睇下到底係賣咩菜式但原來賣既都係日常小品，米飯，米飯，麵食等但抱住獵奇嘗鮮既心態就入去試下到底有咩特別之處餐廳比我既感覺都好乾淨企理可以好放心咁坐落去Menu內頁介紹左老友粉既來源呢樣都應該係招牌菜，連鋪名都係以老友粉作店名不過岩岩行完街，我覺得自己需要食返兩碗飯黎補充返失去既精力所以就叫左鹵水豬肚絲飯見到碗飯既份量，唔好驚訝真係有兩碗飯咁多，十分之大方建議女仔去食，可以同佢講返少飯唔好浪費食物豬肚亦比得相當豪爽 就咁睇個份量都加哂分鹵水汁相當出色雖然是以甜味為主 但沒有搶去香料的香味花椒，八角等鹵水材料的味道很突出，比起街市單調既濃味，呢到簡直超哂班，係有層次既感覺再加左左酸辣粉皮 (走辣粉皮好煙un醬汁味道類近稀左既芝麻醬甜甜地，又幾開胃加上幼雞絲同青瓜 增添左口感，食落唔會咁單調食緊飯既時候，偷聽到格離枱同店員既對話原來呢到仲提供私房菜，可供預定行出門口就見到大大塊板寫住私房菜我就仲未有咩機會試下不過就真係覺得個簡簡單單既鹵水豬肚絲飯幾出色雖然好多餐廳都有，好味既就唔多令人有點回味

見到新野食 梗係入黎試下啦粉底$22 加餸$6 唔包飲品普通辣 唔洗加$ 酸辣/麻辣都要另加$有蓮藕粉喎 仲有陽春麵 我梗係試新野 但個胃麻麻只係叫左少辣醬汁豚肉蓮藕粉走韭菜微辣粉唔入味 唔彈牙 但好大碗 有3塊肉 似係豬手 芽菜生生地 腐皮碎碎地 太薄 亦冇味另叫咗個麻辣豬肚絲 $40幾蚊 小辣 但唔記得影相 有啲青瓜絲 水晶粉皮 芝麻 好夠辣 豬肚亦算爽口 即刻用黎夾住啲麵食 最後都食唔晒個粉 因為唔好食 唔想食了 😂😂 唔會再黎

馬鞍山店一早就已經食過，估唔到你我番工地方-觀塘都開咗間。豬肚絲有分好多口味，麻辣、口水、酸辣都有，同行人土今日想食酸嘢就叫咗呢個～，粉皮夠煙韌～有咬口～特意炒香的芝麻粒帶出咗香味，青瓜絲令豬肚絲質感非常爽彈！而且入味十足～勁足料，呢個係朋友食嘅，佢鐘意清淡啲，就揀左豬骨湯，湯底真係有大大舊豬骨響到～！聽佢講仲真係一啲味精都無～老闆注重健康喎～不過鐘意濃味既最好就同啲姐姐請要濃味啲，有啲人可能會覺得清湯淡～大大碗嘅腩肉蓮藕粉係我的最愛！點解？因為佢夠哂惹味，風味十足～岩哂重口味既各位！;P另外，仲有腐竹、酸菜、韮菜等做配菜，加埋燘至入埋腩肉同炸醫肉碎，你都咪話唔豐富!!湯底濃郁，色、香、味俱全，滿足你味呢款脆皮肉簡直又係少編最愛之一！！脆就唔洗講啦，食落一啲都唔油！肥瘦部位適宜～一口咬落去～勁脆！！肉味既餘韻係口入面久久不散.......認真好好食！