阿里山 (逸酒店) (已結業)

古早味蛋糕開到成行成市，咁岩經過紅磡，見到一間新開嘅古早味蛋糕店，新鮮出爐，好香，店員熱情招待，可以入去少少試食，當日有原味、芝士肉鬆、朱古力味。蛋糕好鬆彈，充滿雞蛋香，而且唔會好甜。原味感覺正宗，好似傳統嘅雞蛋糕，係懷念嘅味道啊。芝士肉鬆味比較創新，鹹鹹甜甜咁，但係會比原味更香，每一啖都會帶有芝士香氣。.朱古力味就大人小朋友都岩，本身以為有滿滿嘅朱古力會好甜好膩，但係食落甜度適中，朱古力味都唔會太甜，而且用粒粒朱古力，好有口感。等待期間，仲有柚子蜂蜜味，呢個係肥A大愛嘅味道。蛋糕有好濃郁嘅柚子味，即使用左蜂蜜都唔會太甜，奪去蛋糕味，蛋糕層仲加左柚子皮去豐富口感😋，好清新。另外仲見到師傅整緊抹茶紅荳味，不過肥A就趕唔切等佢完成。最後買左原味、朱古力同柚子味番去俾屋企人食

近排開咗好多古早味蛋糕，都試過好多間。今次就嚟試吓呢間～～古早味蛋糕，大大件厚身～有唔同口味，都算多選擇～～～～🔅原味$70 🔅芝士肉鬆 $90 🔅柚子蜂蜜 $95 🔅榴槤 $100🔅榛子、芝士、肉鬆、朱古力、芝麻、抹茶紅豆$85▶️朱古力半條朱古力味夠濃郁，蛋糕有朱古力粒，蛋糕唔會太甜。▶️原味半條蛋味好重，蛋糕幾香，質感較充實～▶️新鮮出爐，試左少少柚子蜂蜜蛋糕入邊有柚子，食落口感，清清地～～～

早前出左紅磡，經過見到呢間新開嘅古早味蛋糕店🍰🧁 阿里山 ，隔住玻璃窗見到新鮮出爐嘅蛋糕動L動L，好正呀😋🙌🏻！（我當日去係有得試食嘅，不過聽店員講如果疫情再嚴重就可能會停止試食）📍基本共有9種口味，原味$70，其他口味$85-95，有時仲會有隱藏版口味添！我叫左：📍抹茶紅豆蛋糕🍵（$85）抹茶蛋糕好濃郁抹茶香，配合紅豆好有口感👍🏻📍朱古力蛋糕🍫（$85）超級鍾意食呢款🤩😋，一入舖頭試食就愛上了！上層鋪咗好多朱古力碎粒，中間夾着好多軟心朱古力，蛋糕體都有濃郁朱古力味，整體多層次📍芝士肉鬆蛋糕🧀（$95）鹹鹹香香😋，濕潤Q彈 ，呢間不是用拉芝果啲芝士，而是用口感好實在的片裝芝士，餡料慷慨，口口肉鬆，滿滿芝士粉，滿口幸福🥰🥰！整體：蛋糕非常柔潤鬆軟😋，綿密濕潤 👍🏻，蛋味香濃😋 熱食凍食都好正😋😋👍🏻👍🏻！經過一定會再幫襯！

近年好興古早味蛋糕，今日經過紅磡一間古早味蛋糕店，停步望一望，見到有好多種味，結果要左原味同巧克力味。佢提供原味、榛子、芝士、肉鬆、巧克力、抹茶紅豆、芝麻、芝士肉鬆、日本柚子蜂蜜、榴槤(D24)，超多味，不過當然要睇返當時出爐係邊隻味啦，每次要大概70分鐘先出爐。店員好好人甘會將蛋糕切成細細件俾人試味，試真啲先買。店員話佢地用植物油黎整，比較健康。我試左原味、巧克力、日本柚子蜂蜜、芝士肉鬆、榴槤。日本柚子蜂蜜味有少少柚子既苦澀味，柚子味好出。芝士肉鬆味鹹甜鹹甜甘，好夾。榴槤夾住榴槤蓉，好正。但我都係鍾意原味，蛋糕口感鬆軟，充滿蛋香，抵讚。而巧克力味唔係死甜個種，係黑巧克力既味，比原味更濕潤，入面仲有溶溶地既巧克力，巧克力迷一定鍾意。

💛店主同店員超級好客，都會同經過嘅途人打招呼，新鮮出爐個陣時會大聲呼叫😆店員都喺後生仔多😙古早味蛋糕新鮮出爐之後，店員利用鐵尺量度蛋糕size，量度好位置後𠝹一𠝹個位，再慢慢切開，務求將一底蛋糕一開十，每件size都差唔多，可以逼爆個盒👍🏻🥛原味 $70好鬆軟嘅蛋糕！同隻叉禁一禁佢都彈返上嚟，回彈力一流😆鐘意呢隻原味嘅蛋香味道濃郁，又唔會太甜，屋企人話呢隻可以再食🤪🍫芝麻 $85面頭有芝麻粒粒同埋芝麻醬拉花，外表睇落幾靚靚😙蛋糕層裡芝麻同蛋混合得好好，芝麻味道超香濃，夠哂大件之餘幾重手，睇得出落埋料啊😝呢間店開左半個月，店主都好有heart，學習台灣製作古早味蛋糕嘅方法，喺呢個逆市之下，仍然選擇開店，聘請年輕人做店員。

今日經過紅磡又見到一間新開張既古早蛋糕店,不得不說古早蛋糕真係有種獨特既魔力令人食極都唔厭.呢間叫阿里山既古早蛋糕店個名好有詩意又令人聯才想到台灣既美.望一望大玻璃窗既白板寫上店內提供既味道,細看發現原來口味十分多,一共有10款咁多,係我見過既古早蛋糕口味最多既一間.原味古早蛋糕,食原味係必然既選擇,看似簡單但往往食原味先試得出真功夫.原味蛋糕新鮮出爐,一出爐空氣已經彌漫住陣陣蛋香既甜味.望住店內將一大底古早蛋糕切開時,古早蛋糕隨住刀淨動,已經感覺到蛋糕既質感十分軟熟輕盈,內裏蛋糕層被濃濃既蛋黃染上帶橙既黃色.眼看蛋糕氣孔顯得綿密,又厚又鬆軟.店主仲好好客請街坊試食,試完先再買.古早蛋糕入口Q彈札實,蛋糕濕潤,蛋香味極濃.就算拎到返屋企都唔會遍同變質,同新鮮出爐一樣好味.芝士肉鬆同古早味同樣富濃郁既蛋香味之外,佢既芝士味真係不容忽視！除左蛋糕餡中間有芝士外,係古早蛋糕面上再用原個巴馬臣芝士作刨絲作調味,絕對係史上最豪華版既古早蛋糕.巴馬臣芝士味道較為鹹香又濃醇,烤過既巴馬臣士芝入口後口腔仍會留住芝士既餘韻.除左巴馬臣芝士外面上仲有帶微甜既肉鬆同芝士味好match,為濃醇既芝士帶點肉香同

第一次為蛋糕寫食評...皆因今日經過紅磡，遠處已經聞到好香，原來新開咗間最近大熱嘅古早味蛋糕😋店內有得試食，當然要試下味道先，食咗一啖，超軟熟，朱古力味好香濃，店員好貼心介紹，做法同用材都優質，就連擺放蛋糕嘅紙盒印刷都選最好。每件又厚又大舊，新鮮出爐 ．大大個櫥窗睇到店員新鮮製作過程。拎到返屋企仲係暖笠笠👍🏻擺喺飯枱，成個廳都好香😍紙盒上寫住，可以放雪櫃keep三日，第二日焗返熱，一樣咁好味😋「雜錦果仁 」佈滿三種果仁，果仁新鮮脆卜卜 好有口感。咁啱遇上「日本柚子蜂蜜」蛋糕出爐...忍唔住都要試埋，一放入口已經勁香柚子味😍屋企人最愛健康無添加，食完都大讚叫我下次再買。疫症關係，無得出街食飯，當然買返屋企食最安心又放心。下次一定要再嚟試埋其他口味🤗

大熱古早味蛋糕而家開到成行成市終於都開到嚟紅磡☺️☺️呢間喺酒店樓下嘅古早味蛋糕感覺high class啲裝修都精神啲😍😍味道其實間間都大同小異主要係講求材料同埋口感呢間新店主打嘅係買材料靚同埋有獨家嘅味道日本柚子蜂蜜味蛋糕咬入去仲有粒粒嘅柚子蛋糕夠鬆軟有好濃厚嘅蜂蜜味蛋糕嘅質地唔會好鞋同多泡泡咬落去好香但係又唔會係空氣包咁樣唔似係偷工減料 真材實料架👍另外叫咗榛子果仁味成個蛋糕面都係好多nuts烤到脆卜卜 蛋糕味有啲似金沙榛子味一樣係好濃厚嘅味道蛋糕質地比較鬆軟但係又唔會好似空氣包價錢嚟講畀其他古早味蛋糕略嫌貴五蚊至十蚊但係老實講材料貴咁多 呢d 真係良心價做到出嚟嘅效果有誠意好多值得推薦😊.🎀 阿里山古早味蛋糕🎀紅磡蕪湖街83號逸酒店5A鋪

早幾日放工後，返屋企途中經過發現又有新舖開喎，望一望舖名，原來係賣依家好興嘅"古早味蛋糕". 之前我一直都好想食架啦，因為疫情關係，都唔會亂出街，盡量都留番係自己住呢區算，依家係屋企附近終於有間，諗都唔諗，尋日即刻出動去試！ 一去到就咁啱有新鮮出爐嘅"原味"古早蛋糕，即買！而呢度仲有好多其他口味，都幾吸引喎，不過第一次幫襯就一定係試原味，咁先可以試真d! 返到屋企已經急不及待試食，厚切上！蛋糕嘅蛋味濃郁，好香，蛋糕夠濕潤，唔係乾淨淨嗰種，好好味！ 盒上有寫最好一日內食完，或放雪櫃就三日內，但係咁好味，根本keep唔到咁耐囉！因為佢地每日都會整唔同味道嘅蛋糕，想知自己想食嘅味道有冇可以先打電話去問，或者上佢地嘅FB都會有資料，咁就唔使白行一趟啦~

今日去左紅磡睇完中醫，行去等車途中，在逸酒店見到哩間新開的阿里山古早味蛋糕，最近好多地方都有古早味蛋糕，真的買到成行成市，剛剛我出的一轉系原味，職員妹妹同我說，佢地都系新開張，在隔離會見到D人整阿里山古早味蛋糕，開放式咁給你看佢整的過程，佢地的阿里山古早味蛋糕特別之處，系佢地會用植物油整蛋榚，食到食得健康D，另外在其他人等阿里山古早味蛋糕期間，職員妹妹會給不同的味道的地試食，除左朱古力，原味，最特別系有柚子口味，同埋棒子口味，真的好多不同的口味，等左3個字，終於見到新鮮出來的阿里山古早味蛋糕了~~大大的一件，之後買左一件返去給我HONEY食，同埋職員妹妹都話在CWB會再開新店，一打開，真的好滿滿的蛋香，加上濕濕地，唔會太乾，另外好鬆軟口感，金黃色的阿里山古早味蛋糕，真的愈食愈想食，HONEY同我都打定包做埋明早的早餐~~

成日都見到好多煤體介紹古早味蛋糕，每次睇完就有慾望好想食，每次想食就一定要搭車出去先買到，今日終於俾我發現紅磡區終於都有賣古早味蛋糕一口氣買左2款黎試朱古力味 （$85）~似係用左60%~70%濃度既朱古力，唔會死甜~蛋糕非常鬆軟，用上大量朱古力豆舖面，蛋糕內層亦夾雜唔少，做到流心效果! 岩岩遇上出爐時間，拎上手仲係熱辣辣!芝士肉鬆味 （$90）~好多古早味蛋糕都分別有芝士味/肉鬆味，今次係【阿里山】就可以滿足貪心既我，芝士肉鬆mix埋一齊，2隻味道非常之夾，咸香味濃，值得一試再試!2隻味道，1甜1咸我都好滿意~我諗要試齊咁多隻味真係好睇緣份! 最好既口感都係即日食，萬一食唔晒，都可以冷藏3日，記住要叮飯熱食先可以重溫流心效果~

近日女皇大人愛上食台灣既古早蛋糕，呢日係紅磡完左活動之後見到有古早蛋糕新鮮出爐，當然要扮下孝順女啦啦啦啦店主超熱情，主動即切蛋糕俾我試！！個時剛出爐既係芝士肉鬆口味超香超鬆軟愛咸香味既必食期間可以清晰睇到佢地既製作過程乾淨衛生，連雞蛋都會清洗過後先打蛋用上既材料高係優質尚乘，落足本！！！店主叫我點都要留低等埋佢地既日本柚子出爐，仲講笑話唔好食唔收錢xpp等梗柚子出爐既時間，店主同我分享左唔少佢地既開店理念，年輕人真係值得支持！！朱古力比柚子先出爐，店主又係超熱情咁切左件俾我試！OMG，一試愛上之後既柚子口味又係香噴噴咁出爐朱古力口味香醇濃郁，柚子口味清新特別，仲帶有淡淡既蜂蜜香氣我完全係俾呢兩款口味征服左，下次一定要試埋其他口味先得！！！

近來古早味蛋糕大熱一直都好想試 奈何店舖嚟我屋企甚遠今日去紅磡探朋友 經過呢一度發現有新開嘅台灣古早味蛋糕 一於買啲同朋友一齊食 呢一間有好多唔同種類味道 價錢由$70至$95不等 呢一間有個好處係可以要半條 就是價錢相應的除二 所以除了芝士味叫了一條 （因為自己係個芝士狂） 其他都叫半條 （巧克力 原味和日本柚子蜂蜜 ）蛋糕賣相精美 每樣味也試了一點 原味吃得出雞蛋味道濃郁 非常鬆軟好吃巧克力內裏有流心效果 上邊鋪滿了巧克力碎 小朋友最愛吃的芝士內裏夾雜芝士層 兩邊極都灑滿了芝士碎 芝士狂一定喜歡自己最欣賞日本柚子蜂蜜 蛋糕入邊有柚子皮 吃下去甚有口感 都不會過甜 清新之選這間蛋糕質素甚高 非常適宜在下午時分吃蛋糕 喝杯茶 ～

🔖原味古早味蛋糕​💰70​新鮮出爐嘅古早味蛋糕真係無得輸😆蛋糕熱辣辣，能夠保持到濕潤而不失空氣感，而且雞蛋味都好濃郁☺️​💫推薦指數: 9/10​​🔖芝士味古早味蛋糕​💰85​除咗中間有一層芝士夾心之外，蛋糕面仲灑滿咗芝士粉🧀食落去會有淡淡嘅芝士咸香味，但同時亦都無遮蓋住蛋香味😙食得幾舊都唔洗驚會好滯😍​💫推薦指數: 8/10​-​温馨提示​👉🏼除咗原味同芝士味，仲有芝麻、榛子同好多唔同嘅口味㗎🥳特別推介柚子味，係用日本柚子整，食落去好清新🌱​👉🏼即日食唔哂記得放落雪櫃，可以放到3日㗎🤓​