香宮

营业中

休息中

米之蓮 1 星 ～ 香格里拉～ 香宮 ～黃金炸釀鮮蟹蓋 ： 外脆內軟 😍拆開哂d 蟹肉， 超正蟹肉冬茸羹 ： 鮮味十足極品蜜汁叉燒皇 ： 有咬口， 香甜酥炸田雞髀 ：金香 脆口😍一定要試酒釀南非鮑魚 ： 非常爽口清蒸老鼠班 ： 肉質岩岩好， 嫩滑冬菇羊腩煲 ： 羊肉香味， 不得了香宮甜品樹 ： 白糖糕 ，杏仁餅 very good 😌 楊枝甘露 ： 香甜芒果味， My Favorite 🤣場地豪華水晶大燈， 中國文化濃厚， 服務員態度親切有禮👍🏻我認為， 親朋好友聚會值得推薦嘅地方！Happy night

疫情期間第一次到香宮用膳，試咗招牌炸子雞、叉燒和一些點心，覺得餐廳整體上做得非常好，難怪當時就算有疫情都座無虛席 過了一年多，終於有機會再來這裏用膳，這次叫的是中午廚師套餐，試吓其他招牌菜式侍應首先為我們奉上餐前茶和酒店自家製醬料 第一道餸是乳豬燒味拼盤，老實說當中最高質的是叉燒，剛好半肥瘦，肉質好腍好入味，燒烤火候剛好控制到表面有少許焦香 乳豬非常香脆，海蜇頭都好爽口，不過唔算好特別蟹肉粟米羹：非常足料，啖啖都有蟹肉，另外都有香濃的粟米味，食完非常滿足豉汁蒸大連鮮鮑魚：欣賞廚師的刀工，切咗花紋嘅鮑魚蒸完好似綻放的菊花，火候都控制得幾好，肉質彈牙鮮甜又唔會韌，雖然鮑魚唔係好大隻，但我都滿意收貨牛骨清湯崩沙腩：等咗好耐終於出場嘅菜式，老實說湯底的確好清，食唔到好多牛味的層次，不過崩沙腩係炆得好好，肉質好腍，但唔會散，都夠入味 蝦頭油海鮮炒飯：外表唔算好特別，但我覺得好好食，可能因為係用蝦油去炒，味道好香，另外炒飯裏的海鮮粒份量好多，好想再食多碗秋冬時節，食蛋白杏仁茶這個甜品非常合適，杏仁茶是生磨的，所以好香好滑，加埋蛋白又係煮得啱啱好，食完齒頰留香除了食物質素保持高水準，香宮的裝潢風格非

幾個月前食過一次覺得好好食一直念念不忘佢既龍蝦泡飯早幾日朋友生日想食中菜，我就提議再去食印象中叉燒係好好食，但今次食覺得好淡味朋友最鍾意係醉鮑魚咕嚕肉炸得好脆好好食和牛鵝肝炒飯，好有驚喜不過我最鍾意既都係龍蝦泡飯，必試！栗蓉焗西米都係好好食，不過無影相酥炸牛腩口感好食，不過完全無乜牛肉味第一次食既時候真係覺得係驚艷，好好食但第二次就覺得食物水準無之前咁好食不過整體都ok，食下生日飯服務超好，有個員工係咁幫我地影相，仲話要影到靚為止，哈哈

同朋友慶祝食生日飯，提前一星期打電話去香港。必需要預留蟹蓋、西米焗布甸、超靚叉燒。好彩有留到個炸蟹蓋，朋友見到都開心。成個蟹蓋全部滿晒蟹肉，最少要用三至四隻蟹拆肉，先至填得滿，實在係大滿足。另一個必食推介，就係靚叉燒。味道啱啱好，絕對唔鞋，肥瘦交錯，恰到好處，唔食就走寶。好可惜今次叫咗一個豬腩肉，肥到漏油，食咗一件，俾佢D豬油打沉左，冇晒戰鬥力，即時收皮。叫咗個菠菜，冇乜特別，以後可以唔叫。另外仲有個炸子雞半隻，要三百幾蚊，雖然好食，但分量太細。好彩埋尾，可以食到奪命西米焗布甸，真係值回票價。

I recently had the pleasure of trying mooncakes from Shang Palace at the Shangri-La Hotel, and I must say, they were a delightful treat. I purchased two flavors: the mini hojicha mooncake with red bean, yuzu paste with mochi, and the mini matcha mooncake with red bean, yuzu paste with mochi.The mooncakes had a unique twist with four layers of flavors. The outer layer had a subtle tea flavor, followed by a layer of rich red bean, a chewy and satisfying mochi layer, and finally a burst of tangy yu

八月份又到「香港餐廳周」喇🍽️ 我地特別鍾意book中菜，兩個人一齊食就岩岩好，份量唔會太多，仲可以用超抵既價錢摘星添🤭 今次就試左位於九龍香格里拉既「香宮」，連續多年獲得米芝蓮一星或二星，絕對係高級粵菜既天花板！雖然餐廳周既晚市套餐只有6道菜，但係附有開胃茶﹑餐前小食(腰果)﹑中式petit four😋 不過餐廳周既menu就無乜招牌菜式可以試，如果可以加錢升級黃金炸釀鮮蟹蓋﹑迷你佛跳牆等名物就更正喇🥹 餐廳服務周到，不時主動添水﹑換碟。值得一讚既係如果客人對某類食物敏感，如海鮮﹑牛肉，餐廳可以特別安排，貼心服務令人滿意🫶🏻晚餐Elite Signature $718/位♢ 💫極品蜜汁叉燒皇﹑花雕醉鴨舌﹑八味脆豆腐前菜都有擺盤，賣相精緻🤍 先由冷盤食起，鴨舌用花雕浸過好入味，而且起好骨，爽脆可口。叉燒皇係香宮招牌菜💫 入口軟腍，帶有微微焦香，果然名不虛傳！八味脆豆腐亦有驚喜，外脆內軟，十分滑溜，亦帶有香濃豆香，成個前菜都非常出色！♢ 🐓姬松茸海螺燉竹絲雞燉湯一大壺超足料！湯頭入口甘甜香醇，亦唔會有雞油，飲哂已經有少少飽肚😂♢ 🦐X.O.醬蘆筍炒蝦球鮮蝦好大隻，新鮮彈牙，以X.O.醬炒帶

叉燒又瘦又亁，勉強靠過汁吊返先，比起天龍軒D叉燒根本冇得俾。好似食汁咁。炸牛腩又係差，食落去有啲靭，牛頭角某一間茶餐廳仲好食。花膠Mo炆海參，條花膠有一種怪味。龍蝦湯喊到一個點。啲油炸鬼又硬。楊枝甘露又酸。最後連啲甜品一啲味都冇，得個擺盤靚，可能知道自己啲嘢唔夠好，等客人最咪可以打卡，幫佢挽回少少分數。不過都有樣嘢好嘅，個羹係有少少特別。要另外加錢嘅嘅鱔好食啲啲。咁嘅價錢我去食另外一間米芝蓮好過。多謝

今日系米芝蓮系列-到了在九龍香格里拉既香宮, 開業已逾三十五年,  餐廳樓底高, 裝潢華麗古雅加埋水晶吊燈, 非常有韻味可能當日星期五晚比較多客人, 要自己找店員叫茶及拎菜牌, 這裡真的有點扣分點了蜜汁叉燒，叉燒肥瘦適中, 唔肥唔瘦好鬆化, 加埋少少焦香, 仲配有蜜餞豆第二味點了兩款不同蟹蓋, 有問過店員兩個蟹蓋的分別,  或許我理解能力麻麻, 也聽不出有什麼分別, 就乾脆點晒兩款蟹蓋, 同朋友一款分一半, 見到隔離枱情況相似. 黃金炸釀鮮蟹蓋: 蟹蓋面炸到脆卜卜，入面蟹肉加洋蔥, 雙色芝士焗釀蟹蓋: 外面滿滿芝士焗得好香，入面都係滿滿嘅蟹肉 兩款蟹蓋分別最大是有芝士及沒有芝士 🧀韭黃瑤柱鴨絲羹: 啖啖鴨絲仲有瑤柱, 味道豐富好味🪿杏仁茶: 味道可以濃一點餐廳有附送甜品樹, 有多個款式像合桃酥, 椰汁大菜糕, 綠茶曲奇等...以做型及種類勝出. 當日用指定信用卡有九折優惠, 感覺優惠一點

第一次來香宮，6點才開門，早到，幸好，旁邊有梳化可坐。一開門，侍應領到最裡面的一桌，雖然有屏風，還能看到廚房大門不停開關。未人齊，先上盬焗腰果和茶。侍應細心遞小椅子放手袋，介紹餐牌等。人齊才上Welcome Tea. 點了蟹蓋，注意不是芝士焗那款，啖啖一梳梳蟹肉，又有奉上醋，我覺得比朗廷酒店的好吃。其實，一個人吃一個已經夠飽。也點了出名的叉燒，肉質嫩但較甜；香宮炒飯乾身，一碟能分四碗上；上湯海味雜菜煲，味鮮有蟹肉，菜有苟杞葉、小棠菜、菜心、竹苼、菇，海味有蝦乾等；最後有甜品樹，除了紅豆糕偏甜，其他桂花糕、綠茶餅、合桃酥也正常，最驚喜是白糖糕，軟糯冇酸味。最後，非常飽，雖然酥炸牛腩售罄，吃不到，反而是好事，三人吃了以上的東西，已捧腹而走。

「香宮」係九龍香格里拉酒店既中菜廳，有著米芝蓮一星既殊榮，由黃偉文師傅擔任行政總廚，以上乘既廣東菜遠近馳名，朋友生日想食中菜，一於試下先黑椒腰果腰果上面黑色一點點個d係黑椒，香脆既腰果加上微微既辣，係一個配搭唔錯既前菜蔥頭海螺片紅海蜇頭螺片同海蜇頭都好爽口，成碟仲落左好多生洋蔥同生蔥作調味，我個人就不太喜歡八味脆豆腐炸豆腐細細粒好的骰，漿粉唔太厚，豆腐好嫩滑，但最敗北係d調味粉落得過多了，好好好咸，蘸埋喼汁食都覺得仲好咸極品蜜汁叉燒皇叉燒肥瘦適中，肉質好腍，外邊燒至燶燶地更加香脆，配以少少蠔油豆作伴碟，味道上我覺得都係偏咸左少少，好彩有蜜汁蓋過，食落味道還好胡椒蝦球粉絲煲蝦大大隻的，爽口彈牙，數量都唔少，粉絲索晒胡椒同蝦既精華，好惹味上湯海味雜菜煲用上海味熬製既上湯，有粉絲、瑤柱、竹笙等等既材料，雜菜亦都新鮮爽甜，整個鍋好清又夠味龍蝦湯脆米海鮮泡飯龍蝦湯味道濃郁但唔會過咸，入面仲有彈牙既龍蝦肉，脆米 & 油炸鬼索晒d龍蝦湯後又脆又好食，但都係食到唐芹既味道😵‍💫香宮甜品樹一件件既甜品放左係樹上面，有桂花糕、白糖糕、合桃酥、抹茶曲奇，可以品嘗到傳統中式糕點同西式甜點，惠顧晚市就免費送的，

適逢好朋友生日，又見到openrice較早前有個二人套餐優惠，大約兩個人一千零蚊左右就試試佢。傍晚六點來唔多人，成間餐廳好中國風，金壁輝煌好有氣派，每份小菜呈上來無論擺盤味道份量都剛剛好。最後嗌埋個鎮店之寶，甜品樹。超級吸睛，有唔同種類既小茶點，食埋呢個飽到加零一。友人超級滿意既一餐飯，幸好有優惠，如果太貴都未必負擔得起。本身個餐都有除埋糖水，係芒果椰汁燕窩西米露，超好食吖，我地兩個捧住個肚走。😆

經過2年來的寒窗苦讀，👩🏼‍🎓終於畢業了🎓說到如何慶祝，一定不可以馬虎🤔經過反覆思量之後，大家一致同意選擇到九龍香格里拉酒店住一晚🏨同時到酒店的餐廳，品嘗這裡有名的中菜🥘🍲環境🌴貴為傳統的中菜餐廳，這裏周圍採用櫻桃紅色的木雕，樓底很高；天花板上掛上水晶吊燈💡餐廳的門口佇立了一座金色的雕像，盡顯餐廳的豪華氣派⚱️食物🥩甫坐下來，餐廳先奉上紅棗茶及核桃作welcome drink 和前菜。客人可以慢慢選擇心水菜式：素菜、燒味、家禽、海鮮等應有盡有😍🥹☺️1. 蘋果木煙燻素鵝🌯（$88）🔸外表像平常上酒家吃的腐皮卷；卷內釀入蘿蔔絲和冬菇絲，煙燻味香濃🥹2. 叉燒拼燒腩仔 🥩🐷（$348）🔸上菜時已嗅到濃烈的煙燻香味：叉燒蜜汁多，且分佈平均，味道很甜😋叉燒的肥瘦適中，不過部份位置有燶邊🙈🔸燒腩仔外皮爽脆，肉質有層次，有咬口🤤3. 鎮江醋香黑豚腩🍖（$288）🔸豚腩切至細件，豚腩上面曬上炸蒜茸脆脆，口感更煙韌；加上鎮江汁，使豚腩肉酸酸甜甜，開胃非常😝4. 手吊淋油脆皮雞（半隻） 🍗（$338）🔸雞肉香而嫩滑，外皮香脆，顏色有光澤😚5. 金衣南乳上素 🫔🥗（$228）🔸上菜時，外皮用腐皮包裹，感覺很巨

今晚試咗香宮嘅香港餐廳周晚市套餐，食物好一般，鮑魚切咗陣都切唔到，最後我成隻塞落口。個湯雖然香，但偏鹹，其實冇邊一道菜吸引到我，今晚嘅餐單如下：1. 花鵰醉鴨舌、黃金皮蛋伴酸薑、蘋果木煙燻法國鱔2. 姬松茸海螺燉豬腱3. 豉汁蒸南非鮑魚4. 碧綠天白菇燜鵝掌5. 龍蝦🦞湯海鮮脆米泡飯6. 楊枝甘露如果真係要揀，我覺得花鵰醉鴨舌最好味，夠淋，起曬骨，食時好方便，有淡淡花鵰味。最後餐廳附上中式糕點，雖然打卡唔錯，但唔見得好出色，每位要$718，呢個價位其實可以有更好選擇。不過環境同服務唔錯，想靜靜地傾計係唔錯嘅！

因為有親友員工優惠，约到香宮飯聚。 一行連小朋友8個人， 叫咗一些網友推介嘅小菜/名字聽起特別嘅小菜/甜品試試。 食咗兩個鐘頭30分鐘， 食咗咁耐唔係因為叫咗好多菜，係因為香宮上菜實在太慢，雖然有啲菜係我們後加嘅，但後加嘅菜等咗超過30分鐘。到底我們吃了甚麼？請睇相。唯我講吓有咩好食， 吐糟一下有咩唔好食：1. 蘋果木煙燻鰻魚- 食唔到蘋果木煙燻味，肉有啲腥但肉質尚算ok。2. 菠蘿咕嚕肉- 咕嚕肉嘅脆粉多過，係肉絲， 味道不是很酸不是很甜， 整碟菜很失敗， 雖然係用新鮮菠蘿，但不是很甜。3. 榆耳豆腐釀茄瓜-即係炸豆腐釀茄瓜，我第一次食，但吃起來味道一般。4. 叉燒皇- 係半肥瘦叉燒，味道ok但很貴。5. 片皮鴨兩食- 即場將鴨片皮，皮多過肉， 好彩鴨嘅皮下脂肪不是很多， 第二食揀咗酥炸鴨件，不知為什麼吃起來有點像kfc嘅炸 漿。6. 酥炸牛腩- 牛腩尚且保持濕潤，只係套了一層炸漿。7. 龍蝦湯海鮮泡飯- 龍蝦湯味道濃， 撈埋脆米和油炸鬼好吃，如其他食評所推介，值得一試，湯有點fusion感覺。8.香宮炒飯- 如其他食評所推介，真的很好吃，值得一試。米飯粒粒分明，配料夠多。9.兩麵黄

農曆新年同朋友飲茶，有賀年點心menu，「筍尖鮮蝦餃」($108)皮薄不厚摺口靚，蝦肉Q彈爽口😋；「雪山焗叉燒餐包」(98)外皮皮薄酥脆，包底脆口，叉燒餡醬汁調味得宜，非常高質，食完再追加一碟😋；「橫財就手」($98)豬手一般，再炆耐啲會入味啲；「蟹籽燒賣」($108)同「鮑汁鮮竹卷」($98)味道OK，論精緻度可以更好；「XO醬炒蘿蔔糕」煎得靚，又香又脆；「招財進寶」($88)即係奶皇黃金酥，酥餅鬆化，奶皇餡香甜，好食😋；「堆金積玉」($118)即係春風得意腸，蝦膠新鮮彈牙；「碧綠帶子腸粉」($118)，帶子鮮甜用料上乘，腸粉出品火候拿捏好😇餐前小食由過往嘅琥珀合桃變咗鹽焗腰果，吸引力瞬間跌watt，失望，呢樣扣分🥺員工招呼態度非常之好，整體質素中上，高質嘅酒店中菜廳👍🏻.