鯛魚湯專門店 (已結業)

第一次黎呢間位於灣仔銅鑼灣交界既鯛魚湯專門店食湯飯，有驚喜！我由細到大都對魚同埋海鮮情有獨鍾，尤愛飲魚湯，就算係三文魚頭湯，都好好小機會會覺得魚湯腥。平時食魚湯米線多，今次試下呢度既湯飯，有幾個選擇，最後揀左呢間店名都有既鯛魚魚湯湯飯！心諗叫得呢個名，一定係皇牌？！ 果然無失望，仲喜出望外添！首先，湯飯上台時，已經幾impressed，係用鐵鍋上，下面仲有個火一路暖住一陣先自動熄。好貼心，咁樣湯唔會因為凍而變腥！先飲一啖奶白色既湯，有魚既鮮味，芝麻油香味，木耳、豆腐泡和芝麻粒增加口感！確是非常不錯！主角鯛魚魚肉非常有質感，一定會再黎，下次會試下鮑魚花膠！

同事介紹灣仔呢間湯飯好食，呢晚放工去咗試～既然佢限量兼特價，咁就要呢個皇帝蟹腳海膽鯛魚湯飯 $168好香～以迷你火鍋形式上，熱辣辣上面有好多海膽，蟹腳都唔少飲一啖湯，好鮮甜～ 我平時好怕魚湯有腥味，但呢個鯛魚湯一d都唔腥，好甜～將d 海膽整碎，撈埋d飯同湯，好好好好好鮮甜～～～ 無得輸～ 必食！！！ 食清光！鮑魚花膠魚肚魚湯湯飯 $138花膠同魚肚鋪滿面，份量十足。有兩隻鮑魚，size 都唔細湯底都係鯛魚湯，雖然無海膽咁鮮甜，但有花膠就即刻濃郁d～ 有中式佛跳牆feel~蒜片牛粒 $78有驚喜～ 好有牛味～份量都算多！ 口感剛剛好，唔會太硬，juicy，抵食！名太子沙律 $45明太子都唔少，不過記得一定要連埋d菜食，如果就咁食d明太子會好鹹。

星期六去咗灣仔摩利臣山泳池游水，之後行咗去天樂里度搵嘢食，想起當年細細個嘅時候嗰度有一間Neway，又再懷念一下。 經過見到鯛魚湯專門店，之前都有聽朋友講過，佢地既湯飯係好好味。所以就入咗去品嚐一下。 店內湯飯種類好多，因為第一次黎，當然揀啲特別嘅嘢，選左限定版嘅皇帝蟹腳湯烏冬，買蟹腳海膽湯飯。正呀😍😍😍蟹腳湯烏冬，湯底好有魚湯味道，都唔會好肥膩，蟹腳嘅鮮甜原味，絕佳嘅配搭。蟹腳海膽湯飯，一板海膽，加上蟹腳嘅鮮甜，一啖飲落去嘅湯飯。 足以可以令食慾大增。😍😍除咗主要湯飯之外，竟然好似打邊爐咁，可以加唔同嘅配料鮑魚，花膠，生蠔樣樣有齊。。

上網搵到哩間新店食海膽既湯飯! 非常吸引! 即刻要黎試一試黎到即刻有位喇!! 哩度地方都算大! 坐位寬敞! 睇餐牌哩度住打鯛魚湯, 有飯, 烏冬或者定食!  我急不及待就點左2個主食, 2個小食!主菜叫左原板時令海胆湯飯、皇帝蟹湯烏冬小食有雞塊唐揚同埋鱈魚魚腐! 原板時令海胆湯飯、皇帝蟹湯烏冬係每日限量發售架! 售完即止! 原板時令海胆湯飯$138一上枱我已經心心眼左! 海膽食得多...海膽湯飯真係第一次食！食落超級有驚喜！用鯛魚湯做湯底，配上日本珍珠米！再加上足料海膽！真係冇得頂！上枱時以熱鍋一路煮熱一路食...避免左魚湯凍左會有腥味！鯛魚湯非常濃郁！清甜到不得了呀！而海膽勁鮮味！份量又多店員介紹將湯淋上海膽上會令成個湯飯更加香！真係好好味呀！皇帝蟹湯烏冬$138同樣睇到白色既魚湯! 一睇就知係好濃! 飲落鮮甜! 配烏冬一口落去係好好味既一件事!講反佢既主角皇帝蟹...份量好多...啖啖肉而且勁爽口!  同朋友SHARE一齊食2個主菜勁滿足! 小食方面雞塊唐揚同埋鱈魚魚腐!雞塊唐揚配以沙律醬! 非常好味呀! 炸得好鬆脆而且入面肉質嫩滑! 而鱈魚魚腐超級爽口彈牙! 2道小食都配沙律為配

落雨轉涼令人忽然好想飲湯暖下胃，想起了之前在鰂魚涌食過的鯛魚魚湯。跟魚米那些連鎖但不知魚湯虛實的店不一樣，這裡的不是雜魚湯、不是表面上看來奶白但沒魚味的貨色，真的愛魚之人必來一試。想不到這灣仔店頗受歡迎的，平日六時多坐至七時，店已經坐滿了一半。今次決定吃得豪一點，況且知道湯底是我喜歡的鮮甜調。因為配料較矜貴，付的當然比較多，但絕對是物超所值，特別推薦大大件而厚實的花膠。先來個白酒蕃茄作沙律醒胃。以麻醬沙律墊底，微冷的蕃茄輕帶酒香，味道清新。鮑魚花膠魚肚烏冬 $138 + 鯛魚4片 $18無論是什麼既定的配料，妙在可以像車仔麵般自由加料。即是不加料，鋪滿碗的已經夠陣容強大了。鮑魚不是亮點，因為花膠和魚肚是驚喜所在。花膠有兩件超大超厚的，吃起來較香，而另外兩件較薄的，則多軟滑。魚肚鬆化吸湯，好比豆腐卜，但相對鮮味和健康得多了。烏冬一如以往的香糯帶嚼勁，和湯一起送進口，暖意盈盈。額外加的鯛魚片很厚肉，啖啖肉正好合不喜歡吃魚吐骨的懶人如我。這裡的魚湯鮮味沒味精，喝完整晚都沒口乾，不愧為我一吃再吃的魚湯麵店。

曾經在大角咀附近工作過一段時間，當時初接觸湯飯就是"漁民樂"，因為與余民樂同音而令我記憶猶新。可惜離開大角咀多年，沒有機會再吃湯飯。這麼遠，那麼近，原來湯飯就在"附近"。一次巧合路經銅鑼灣而發現餐廳。店內未算好大，但見到每枱都是一碢碢的。餐牌內選擇多，鯛魚湯飯，湯烏冬，日式料理等，內容豐富。皇帝蟹腳海膽湯飯 $168湯飯到枱上時，還會配上火爐一個，能夠保住湯飯的溫度，十分細心。皇帝蟹腳海膽這個配搭絕不新奇，但在湯飯中出現就從未見過。初初也擔心海膽轉眼就消失於熱湯中，但一路吃也沒有發生。湯飯與海膽不會互相排斥，湯飯的鮮甜與海膽的鮮味配合得唔錯，加上皇帝蟹腳，湯飯也"升呢"。吉列豬扒魚湯烏冬 $85吉列豬扒令人喜出望外，由餐廳的名字大約可以估到魚湯的出色，但想不到豬扒同樣有驚喜，外脆內腍的吉列豬扒是水準之上。至於湯烏冬十分滑，配菜:有黃菜絲、木耳絲、京蔥、油揚絲、海草，再配上鮮甜的魚湯，加吃一口吉列豬扒，吸引程度絕不比其他皇帝蟹腳海膽湯飯遜色。星海之戀 $16夢幻紫色十分吸引，中間有好多柚子肉好有咬口。飲品酸酸甜甜，諗住特飲只是"出色"，但出嚟既味道好好。過往也有吃過湯飯，不外乎是配上丸，

鯛魚食得多，平時魚湯米線亦有食過，但鯛魚魚湯泡飯我都係第一次食！今日由灣仔行去銅鑼灣既時候發現呢間新開既鯛魚專門店，題材創作，價錢雖稱不上大眾化但仍合理，所以當然要試試！《海膽泡飯》睇見餐牌特別推介海膽泡飯，又可以自己選擇想要既配料，於是我另外揀左鮑魚+花膠+鯛魚！係咪好矜貴！呢碗野既組合真係好創新，不得不讚泡飯加海膽雖然突兀但當將海膽混合魚湯一齊食又幾甜美！花膠比相像中大件，並唔係平時打邊爐哥隻扁平既薄花膠，而係長筒形，口感軟綿。鯛魚價錢好親民，唔鞋唔腥。《炸蠔》比好多日本料理餐廳做得好，炸粉唔會厚，蠔又有鮮味而炸得恰到好處，即叫即炸！

大家有煮開野食既都知煮烏冬最最最重要既除左烏冬質素之外, 就係個湯底同D料, 要有靚材料D烏冬先至會入味同好味今次我就嗌左皇帝蟹棒烏冬, 再追加蟹棒. 碗烏冬一黎到就即刻令我哇左一聲, 因為個份量勁大份, 先飲一啖湯底, 係好飲到好新鮮既魚湯味, 正到幾乎可以當佢係湯咁飲見到上面鋪滿哂食材, 最正係見到一條條肥美既蟹腳申哂出黎, 因為經過廚師既處理, 係已經開左一半口, 只要輕輕將筷子塞入去就成條走哂出黎(心心眼)最正係原來追加既蟹棒係都係原條既蟹棒而唔係蟹柳(有一刻擔心過係追加左蟹棒). 而且烏冬份量夠大而且材料夠多, 一個男人食都會覺得飽肚J

上次經過鰂魚涌店，看見門外連日本人也會等位，於是也留下印像。知道灣仔也開了分店，位置較鰂魚涌店就腳便來試一試。之前看過食評（鰂魚涌店）有人說魚湯不夠熱，但這裏好歹賣點是魚湯，說怎的都要點一碗試試。我點了象拔貝魚湯烏冬，友人點了吉列豬扒定食。這頭下「柯打」，那頭烏冬便送到，我心想「這麼快？」來的時候，看見烏冬有點冒煙，還以為很燙，但喝一口魚湯，極其量只可以說是微熱，味道微腥，口感舔口，的確是骨膠原豐富。烏冬是一餅沉底，用筷子搞一搞還黏實的，吃一口，口感「淋淋」的。至於，象拔貝也是微熱，味道鮮甜，軟硬適中。由於送來時只是微熱，不難想像不消一會連微熱也便涼了，放涼了的魚湯什麼味，你可想而知，不評論。吃到一半，友人的定食到了，豬扒相當大塊，賣相相當吸引。忍不住和友人交換吃，他吃烏冬，我吃他的定食。豬扒很厚身，但炸得熟透而且還有肉汁擠出來，可配燒汁或蛋黃醬同吃，兩個醬也配，個人認為燒汁較好，可用來送飯一塊吃，味道相當不俗。定食的味噌湯非常熱，燙口的，較魚湯美味多了，味噌湯可以是燙口的，為什麼魚湯只是微熱呢？

放工放到太夜，結果今晚連朋友嘅飯局都去唔到，結果一個人係灣仔搵嘢食，記得午飯時間有一間湯飯好想食，但好多時都排隊排得太勁，今晚既然做嘢已經做得咁辛苦，決定一個人都食好啲慰勞一下自己一個人總係特別容易搵位，結果我叫咗一個特價嘅海膽湯飯同一杯特飲-熱帶日出個海膽湯飯嘅海膽份量比我想像中多，而且我冇選擇將佢撈埋湯飯一齊食，而係一行一行咁食晒啲海膽先再品嚐佢個湯飯，海膽質感唔算太淋身，算幾新鮮，不過反而我覺得碗飯最好味嘅係個湯，其實魚湯飯好多出邊好多唔同嘅選擇都做得幾好，不過呢個湯比出邊嘅特別杰身同埋濃郁，令到你每一啖飯都比好濃嘅湯包圍住，非常鮮味，而且最值得一讚嘅係食完呢一餐湯飯之後我冇口乾嘅感覺，正

前排睇大台嘅飲食節目推介鯛魚湯專門店，作為魚湯愛好者，當然要去試下啦。今日叫咗:皇帝蟹腳海膽湯飯 (加象拔貝)皇帝蟹腳湯烏冬(加鮑魚、鯛魚同八爪魚)冰滴奶茶等咗一陣，Mr.J嘅皇帝蟹腳湯烏冬先送上。配料嘅會用另一隻碗仔裝起，唔洗起茫茫大碗搵返出嚟。鮑魚仔好厚身，魚湯滲入鮑魚，更加鮮甜美味。烏冬煮得啱啱好，唔會太淋，而且每條烏冬都沾上蟹腳味嘅魚湯，好味。我嘅皇帝蟹腳海膽湯飯係鍋飯上，一路食一路加熱住（唔洗擔心個火，到差唔多時候會熄）。海膽嘅份量唔少，淋一兩匙熱湯上海膽再放入口，加上有少量飯素喺海膽底，鮮味十足無腥味。皇帝蟹腳並唔係普通一般假蟹柳，而係足足有6條連殻嘅蟹腳，每條至少有一隻手指咁粗，仲要去咗少少殻方便食客拆出嚟食，蟹肉配魚湯好新鮮。飯因為有鯛魚湯、海膽同皇帝蟹腳嘅鮮味，變得更加鮮香撲鼻。(因為太好味，我最後一滴魚湯都無淨)魚湯象拔貝好爽口又鮮甜。冰滴奶茶都唔錯。

響某飲食雜誌度見到個廣告好吸引，咁岩又係講緊我最鍾意食嘅海膽同埋蟹腳， 甘啱係我返工附近都有一間，我梗係第一時間約埋朋友嚟食吓啦！門口好易認，個招牌係電視嚟嘅，隨時都播緊招牌動畫。內在環境都算闊落。而家新開張仲好似有優惠特價。除咗鯛魚湯飯之外仲有好多其他小食。我哋叫咗一個海膽鯛魚湯飯，湯飯上枱嘅時候仲有火熱住，以免魚湯便腥，好細心！海膽份量都唔少而且好鮮！鯛魚湯底好香又甜，一d都唔油！仲有粟米，黑木耳等伴菜！飯係用上日本米來淆，充滿魚湯嘅鮮味！好好味！之前完全無試過！另外叫咗個皇帝蟹腳鯛魚湯烏冬，魚湯湯底嘅味道無飯咁濃，相對較淡味，烏冬用日本烏冬，無平時果d咁淋，有咬口。蟹腳多肉有鮮甜！我哋做額外加左配料要鮑魚，鮑魚完全吸收左魚湯嘅鮮味！好淋！帆立貝肉厚又甜！大大隻！總括來講，如果鍾意食濃味一啲嘅會建議叫飯會較好！味道會較突出而且鮮味！

早前在Facebook看到介紹海膽鯛魚湯飯的短片剎是吸引，自己亦喜歡喝魚湯，這晚放學後又跟男友一起吃晚飯。海膽湯飯是每天限量發售，為免錯過，我們六時多便來到。我急不及待點了皇帝蟹腳海膽鯛魚湯飯 (原價$208，初嚐價$168) ，男友則點了鯛魚片魚湯烏冬($72) 加鮑魚一隻($28)。另外有很多追加配料供選擇，例如花膠、魚肚、帶子等，跟餐配特飲更是半價。海膽湯飯以熱鍋盛載可以保溫，以免魚湯變腥。先呷一口湯，湯頭呈奶白色，入口非常鮮甜，而且毫不油膩，果然有驚喜鯛魚含有豐富骨膠原，有滋潤養顏之效。鯛魚濃湯需要經過焗、炒、慢火熬煮才能製成，完全不是坊間那些味精湯可比擬。主角海膽也沒有令人失望，份量不少，質感軟滑可口，鮮甜不腥，跟湯飯意想不到地配！皇帝蟹腳則有點被比下去，蟹肉偏淡，嚐不出預期的鮮味。湯飯配以油揚絲、木耳絲、黃菜絲、京蔥、海草，還加入飯素更添香氣~湯飯用上山形縣的珍珠米，口感特別有韌勁，盡吸鯛魚湯底的鮮甜。鯛魚片魚湯烏冬賣相較為平實，我好奇想試試羽衣烏冬所以捨棄了稻庭烏冬 額外加的鮑魚煮得軟腍但不夠入味，可能點其他配料會較出色。羽衣烏冬原來是闊河粉的模樣，但很快便軟掉了，以致影

Me and my friend finished work and saw this newly open restaurant so we went to eat in there. Since we didn't eat lunch yet, we were very hungry. Boiled king crab sea urchin rice in soup:We ordered their famous rice in soup to try out. It smell so good when it arrived. It was presented in a pot with candle underneath it to keep it nice and warm. We waited until it bubbles up and started to eat. The sea urchin was fresh and smooth. I ate with the snapper soup. The snapper soup was delicious! It w

門口有個大大個電視瘋狂播緊某KOL嘅介紹，講到d湯係自己用幾多幾多鯛魚新鮮煲嘅，我平時都好鐘意飲魚湯，又鐘意食湯飯，所以一見到，好快就俾佢吸引咗去皇帝蟹腳海膽湯飯兩樣主菜都係我fav，蟹腳有3,4塊，打開都係鮮甜既蟹肉，而精華亦都落咗個湯到，湯更加清甜，至於海膽，真係要大讚，好新鮮!! 至於湯飯，唔似平時自己嘅湯撈飯，啲飯吸曬魚湯嘅精華，食落就更入味，更鮮甜，正啊!吉列豬扒平時唔太鐘意食吉列豬扒，因為好多都係好厚炸粉，而豬肉又薄又鞋。不過我好欣賞呢到嘅豬扒，炸粉好薄，豬肉又厚又有肉味，相當好食，同朋友share完唔夠，又叫多碟。