麵匠風龍

营业中

休息中

灣仔麵匠風龍每逢中午食飯時間，風龍都一定會大排長龍。 今日趁老細放假，提早偷走出嚟食風龍。中午十二點半過到嚟，啱啱好唔使排隊就可以入座。 呢度嘅拉麵選擇唔多，得三款。 我點咗個最普通嘅豚骨湯拉麵。拉麵上到嚟，望落冇乜特別， 得一片紫菜，少許蔥花同木耳絲。我用匙羹撈一撈咗個麵底，發現連糖心蛋都冇， 後尾先至知道原來單點拉麵係冇糖心蛋。拉麵採用幼麵，麵質偏軟， 食落去嗰時麵條索有湯汁，但又唔會過淋， 軟硬度啱啱好。 湯底較為清淡， 飲落唔會過鹹， 水準中上。不得不提既係佢嘅叉燒。佢呢度嘅叉燒係分碟另上，叉燒瘦肉為主，帶少許肥肉。整體煎得比較乾身。叉燒有一定厚度，咬落滲出少許油份，帶有醬油香味， 睇得出店家係叉燒上有下番一番功夫。拉麵埋單80蚊， 整體水準不俗。可惜灣仔區日式拉麵店林立， 呢個收費依個質素好容易畀同行比下去，cp值唔係咁高。

沒有得出國的日子，十分懷念家鄉，想不到在香港也吃到風味十足的日本拉麵。有選擇困難的也不用怕，全店只有兩款拉麵選擇，而且也只是湯底有點不一樣，我就點了豚骨湯拉麵，其實兩款湯膽都是一樣的，因為全店都是吧枱位，所以整個烹調過程都盡收眼底，很有在日本屋台的感覺，而且天氣炎熱，吧枱上已備有冰冷的水及茶。拉麵好像比較幼，所以每口都吸了濃濃的湯汁，必定要試試湯底，十分十分好喝，第一次香港試到這樣高質的湯底。配搭的叉燒十分香口，而且分開另上，不會被湯汁掩蓋了味道，十分推介。因店面不大，容納人數也不多，今天過了午飯時間抵達，前面只有兩組人在等，如果下次要在嚴熱天氣下在外等候，確實會再三考慮了。

約左朋友係灣仔食lunch 12:30 左右到 咁岩唔洗等就有位 餐廳比較細 叫左個豚肉拉麵餐 主菜拉面 最重要一定係湯底 略嫌個湯底太淡 整體個湯底唔油 拉麵爽口 蔥好多 木耳絲都爽口 可能湯底唔濃 反而食到蔥既香味個餐包埋一粒溏心蛋 好好味 一咬即爆 個叉燒係煎左 所以比較乾身 建議浸一浸個湯先好食 仲有得加免費芽菜 不過比較辣 唔好加太多跟餐仲有4粒餃子 皮脆多肉多汁 幾好食餐廳本身有凍水或茶提供 個餐大約$110 依家食個好味既拉麵都差不多呢個價錢 可以再黎

Lunch time 時間每次經過都見到有人排緊隊🥹今次搭正12點落去都要等差唔多20分鐘先入到去，不過nevermind，為咗尋食！今次只叫左個豚骨湯拉麵😆因為驚食唔哂，如果驚唔夠食其實都可以揀套餐， 會有一個麵加玉子再配餃子🥟或者沙律🥙豚骨湯拉麵（$75）：豚骨湯底都算幾濃😋喺香港已經係中上水準！👍🏻拉麵硬度適中，唔會覺得特別硬，岩岩好！😆😆有爽口木耳絲配搭😚叉燒片有兩片分開上，就咁食會有啲濃味，建議浸下湯先食，會更加正😎

真係食開有條路⋯⋯最近真係好鍾意食拉麵, 這間良心小店係我經常光顧係一間拉麵店, 除咗因為佢哋有良💛之外, 佢哋佢出品穩定係其中一個因素！此店選擇貴精不貴多, 只有豚骨拉麵同埋蝦味僧湯拉麵, 小弟基本上10次有8次都會點蝦味僧湯拉麵, 因為實在好野味, 蝦味濃, 食咗唔會口渴比一幻拉麵更出色👍👍叉燒被火燒過, 突顯油香👍糖心蛋雖然唔係用日本蛋但吸收左濃郁蝦湯嘅精華、生熟程度亦啱啱好👍👍小食小龍蝦蟹籽沙律亦非常清新美味, 抵我經常去幫襯😋😋

📍麵匠風龍 @ 灣仔人氣拉麵店🍜食出日本小店味道 ʕ•ᴥ•ʔღ 蝦味噌拉麵套餐 $120 (連玉子及小龍蝦沙律)ღ 豚骨湯拉麵 $80 追加半熟玉子 $10呢間都喺灣仔屹立咗好耐㗎啦～喺競爭咁激烈嘅拉麵市場內 佢絕對可以回頭食啊價錢同味道都成正比㗎 蝦味噌味較濃同香！麵質偏幼掛湯ok 半肥瘦叉燒就屬正常發揮\(//∇//)\玉子溏心程度很讚 很入味 是值得追加的🫶🏻整體唔屬於好油膩 就係好comfort嘅拉麵店😽特別提佢個小食沙律 蟹子卜卜脆好正haha回頭指數😼3.5/5（中上水準拉麵CP值高＾ω＾

呢間拉麵店喺灣仔，位置非常方便～喺正地鐵口附近，行五分鐘就到！lunch/dinner hour成日都要排隊等位，深受打工仔愛戴🫶🏻-蝦味增拉麵配小龍蝦沙律佢哋嘅湯相較冇傳統日本拉麵咁咸，我反而比較鍾意呢一款，因為唔需要擔心食完口乾要搵水飲😂唔鍾意蝦嘅人可以叫豚骨湯拉麵，上次食過都正架！套餐可以搭配餃子/芥末蝦仔沙律/小龍蝦蟹籽沙律😍我叫左小龍蝦蟹籽沙律，真係滿口小龍蝦肉，超級好味。碗麵仲有粟米，糖心蛋，叉燒等配菜。枱面放有辣芽菜，可以任加！！所有嘢都好好味，選擇多到眼花撩亂，唔知食邊樣先好，好幸福啊🥺🫶🏻

最近搵到呢間黃拉麵店下午時段冇乜人就入去試吓-餐廳入邊座位唔多 但係勝在全部都係吧枱 好友日本嘅feel👍🏻枱上面有齊各種配料 仲有冰麥茶同冰水選擇💦不過拉麵嘅款式就得兩款 另外仲有其他小食揀-🥢櫻花蝦味噌拉麵套餐今次揀咗呢個套餐包咗一份小食 我就揀咗餃子🥟等咗唔使5分鐘就到齊 非常快手！湯底非常濃郁 加埋大量嘅蔥，粟米同櫻花蝦令到成個湯底都好香😍😍麵底係幼麵 有啲似一蘭果款軟硬程度啱啱好✅另外仲有三舊叉燒分開上食落個汁甜甜地有微微炭燒味平時食拉麵最鍾意就係隻溏心蛋😗輕輕用筷子一夾就夾得開超級流心😍 不過就好似冇乜蛋味🤨🥢餃子（4隻）餃子皮唔會好厚不過剪得唔算太脆 不過都好香口呢方面就仍可改善-唔知有冇人同我一樣好鍾意食拉麵店啲辣芽菜呢間嘅芽菜真係冇得頂真心辣😂又好夾口同時好解膩😍支持支持！

以前就有聽好多人講呢間好好味，但好多人排隊終於揾到日平日的時間去，啱啱好有人食完出黎，等左吾洗5分鐘就入到。麵的款式吾多，只有豚骨湯拉麵套餐 ($105) 和蝦味噌拉麵套餐 ($115)，都可以單點。套餐除左有拉麵，半熟玉子，仲一個小食，可以揀煎餃子、芥辣蝦沙律或小龍蝦蟹籽沙律。而我又想要溏心蛋又想食餃子，係一定要揀套餐的~【蝦味噌拉麵套餐 】湯底好濃郁，有濃濃的蝦味，但又不會杰到汁咁，好好飲!湯上面有大量的蔥，櫻花蝦同粟米，粟米我食埋最後一粒。拉麵較幼身的質地，吾會好過淋，雖然唔少人比較粗身又有咬口嘅麵，但我仲意幼身又可以吸收到湯。但2舊的叉燒肉，就一般般，肉質較韌，味道吾夠。最重要當然係溏心蛋，好多拉麵店溏心蛋都做到溏心流心的效果，但有時是沒有蛋味或没有味道，但呢間係食到有用醬汁醃過的味道，蛋香中帶有淡淡甜甜的豉油香味~暇後跟餐的餃子，皮吾會太厚，煎得好脆，好正!整體覺得扺食又好食，下次會想試埋豚骨湯拉麵~不過希望有熱茶供應~

以前係灣仔返工已經成日會去呢到食午餐，好味到食完好似冇曬返工既壓力咁😂😂而家去左第二區做野，都時不時要返黎回味一下😇（5分為滿分：🌕）味道：🌕🌕🌕🌕🌗蝦味噌拉麵套餐（$115)鋪頭基本上得兩個套餐揀，另一個係豚骨湯底。個套餐其實抵食，呢個價錢已包左一隻糖心蛋同一個小食，單叫拉麵雖然平30蚊但會dry好多🧐其實我之前間唔時都有食，蝦味增就濃味啲所以今次揀左呢個set😝😝麵底係似一蘭個隻質地，幼身有咬口，糖心多有流心效果😜湯底有好濃厚既櫻花蝦味道，唔會水汪汪😎包保大家會俾佢surprise到🥰🥰叉燒係另上既，食到有明顯燒香既味道，同一般拉麵鋪係兩個唔同分味，我就鍾意呢隻多啲🤪至於小食，今次叫左餃子，味道唔錯，煎得好香口😋😋另外兩個小食分別係芥末生蝦沙律同小龍蝦沙律，之前食過都係好正架🤪另外枱面上仲再自家製辣芽菜，呢個食左好多🤪價錢：🌕🌕🌕🌗🌑價錢同一般日本拉麵都差不多，佢仲包埋半熟蛋，同埋又可以係餃子/芥末蝦沙律/小龍蝦蟹籽沙律3款小菜揀1款，男仔都一定夠飽😎😎交通：🌕🌕🌕🌖🌑係灣仔站A4出口附近，行幾分鐘就到好方便😎 但始終位於灣仔旺區，就唔建議挑戰揸車去食喇🤣🤣🤣同埋住係九龍/新界既朋

⚠️而家疫情嚴重大家要保重身體,唔出街就bookmark定遲d去,再吾係可以買外買返屋企慢慢食⚠️ 💛黃店📜”麵匠風龍 (灣仔)📍地址:灣仔軒尼詩道184號地下🤍 分店地址: 灣仔📝評價💬📢 豚骨湯拉麵套餐 $105蝦味噌拉麵套餐 $115套餐會有半熟蛋再加埋餃子或者沙律🙈💛成個餐即刻勁豐富😍😍😍餃子有四隻💛每樣都叫咗一份😛兩款湯拉麵嘅湯底都超級濃郁🤣😍絕對可以食完之後再飲番啲湯😆😆 服務超好👍🏻見到女孩子頭髮太長會提供橡筋去蹙起頭髮😉仲可以將袋同外套掛喺後面牆🥳真係有種去咗日本嘅感覺😛🏵環境指數:⭐️⭐️⭐️⭐️🏵味道指數:👅👅👅👅🏵抵食指數：💰💰💰💰🏵回購指數:❤️❤️❤️❤️歡迎餐廳合作/試食🥰 可DM聯絡📩 #美食推介 #灣仔美食 #灣仔黃店 #黃色經濟圈 #黃店推介 #黃店 #黃店系列#instafood #美食分享 #hkfood #食好西 #吃貨 #hkfoodig #懲罰黃店 #foodiehk #良心小店 #hkfoodies #Yellowfood #852food #相機食先 #香港美食指南 #拉麵 #一路食一路post #美食地圖 #foodieksk黃店 #yellow

麵匠風龍係一間位於灣仔嘅人氣拉麵店💛 而且都幾多人讚呢間拉麵，所以就算Lunchtime經常都大排長龍，我哋都去咗排隊試吓😛～ 拉麵舖入面唔大，只有10幾個bar枱位，可以近距離睇住師父煮拉麵👀 呢間拉麵店嘅拉麵款式貴精不貴多，只有豚骨湯拉麵同蝦味噌拉麵～ 可以選擇單點或者套餐，套餐就會有1碗拉麵、半熟玉子以及3選1嘅小食（餃子/芥辣蝦沙律/小龍蝦蟹籽沙律），比起單點一碗拉麵貴$30，但食拉麵一定要加半熟蛋嘅我，就加咗套餐，仲可以試埋原價每款$35嘅小食～ •🥢 豚骨湯拉麵套餐 $105豚骨湯飲落都算濃郁，但對比起蝦味噌湯就稍為淡味同埋單調～拉麵係用咗比較幼身嘅白麵，都幾吸收到湯嘅味道，但口感就比黃麵無咁彈牙～但加返啲爽口嘅黑木耳絲都幾夾～叉燒只有2片，大小同份量都偏細，但有心思嘅係啲叉燒係另上，因為每一片都喺上菜之前會加燒汁/醬油去煎香，食落口真係充滿油香嘅滿足感～ 不過我同朋友嘅兩碟都有同一個問題，就係啲叉燒嘅質素比較唔均勻🤔 因為兩片叉燒都係1片比較有油香，另1片就比較瘦，定係師父嘅刻意安排呢？🤔•🥢 蝦味噌拉麵套餐 $115蝦味噌拉麵嘅基底都係用返豚骨湯，再加上蝦油同埋蝦味噌，

這間店的拉麵真係絕頂好食！😋👍不論是小食還是拉麵本身，食完會想再ENCORE！這小店位於灣仔鬧市，對著大馬路，店鋪不大，門面及店內裝修都很有日式拉麵小店的風格。連下單也是這種風格，坐位是BAR 枱式向著煮食廚房及師傅的，客人下單可直接跟師傅講，然後就能看著師傅整。店鋪小小，但午餐時段絕對是非常多人願意排隊等的。人多時要等上起過半小時也有，所以想不等位，就最好在12點時衝去食了。入了第一轉客人後，便要排隊等候了。價錢雖然有點少貴（約一百多），但出品絕對值得付這價錢！店入面只有2款拉麵，豬骨湯底拉麵配叉燒及蝦味噌拉麵。我們都點了蝦味噌拉麵。小食有3款可選，餃子/芥辣蝦沙律/小龍蝦蟹籽沙律。我們揀了小龍蝦蟹籽沙律！只看賣相已經口水大流，小食是一道將小龍蝦沙律及蟹籽做成球，上面放了一堆櫻花蝦乾，圍邊是大塊紫菜！ 😋❤️好好食，紫菜脆口，小龍蝦爽口彈牙，一球沙律是幾樣海鮮口味混為一體，好食得難以形容！拉麵更要大讚😋🥰❤️！好大堆櫻花蝦乾，配上半熟蛋，粟米及香味葱。湯底有非常濃厚的蝦及味噌的香味。最重要是完全不覺得油膩或重味精。完全感覺到是真材實料的湯底。拉麵掛湯也很好，食拉麵時也食到湯底的鮮味！❤️整

見到個奶白色嘅湯底，一睇都覺得好飲，一問之下，原來用個高壓煲將豬骨煲到軟埋，變晒做粉末，同啲湯融為一體，所以極濃豬骨味，平時食拉麵嘅湯，濃得滯會咸，但呢間個湯，濃得嚟依然好清，好順口，唔會飲到乾渴。另外蝦味噌湯都好濃蝦味，湯上面有好多櫻花蝦，但都係建議未試過嘅朋友，試左豬骨湯底先。麵係幼麵，我本身比較喜歡粗身麵多啲，兩塊叉燒有少少燶邊，好香口，套餐跟左個小龍蝦沙律，味道唔錯，芥辣生蝦就一般，好大雪藏味。整體性格比好高，一碗拉麵75蚊，平時其他店唔過百都要90幾，強烈推薦麵匠風龍！

結論先寫在前頭，麵匠風龍係我食過香港最好味的拉麵店。和香港眾多拉麵店不同，佢無得揀麵質軟硬、湯底濃淡，主食只有豚骨湯拉麵和蝦味噌拉麵：總之我做的就是最好，唔駛你揀。這，是一種霸氣。豚骨湯拉麵：麵質湯底都無可挑剔。奇跡在於豬骨湯本應係「濃湯」，但佢居然做到「清」的效果，結果係濃得嚟又順滑，成碗完飲之後，一啲都唔涸喉。如果想要味道再濃啲？請選蝦湯麵。麵質無得揀軟硬，但我的評價就係「啱啱好」。重不得不提叉燒，日式叉燒係分碟上，而且火炙過，比起市面其他拉麵店叉燒連麵上，別有一道焦香味。如果要雞蛋挑骨，我會想要多啲湯，因為實、在、係、太、好、飲。日本生啤。所謂日本，係Asahi。本來，拉麵本身有湯，而且有水又茶是常識吧，可以唔需要啤酒。但係！我見到佢哋啤酒係用冰杯！冰杯！突然明白咩叫匠心同誠意，於是叫我一杯......滋味係，用我飯腳的講法：「平時唔飲啤酒，但嗰刻頓時明白點解野原廣志咁鍾意放工之後嚟一杯」