麵館皇

营业中

休息中

在銅鑼灣想簡單吃個飯，來到登龍街，日式拉麵排長龍，看見這小店，菜式與價錢麵正合口味。菜色簡單但不求其， 又沒有大集團的雷聲大雨點小。最感動是...這樣的小店，待應都好有待客次道，話說食麵中途我被「續」親，待應姐姐好細心的問我有無事，見我喝完了跟餐我豆漿，便給我一杯涼水。有時，「一杯涼水」就是如此令人感動著，小店加油，會繼續多多支持！

睇戲過後搵啲野食。行走登龍街上。得呢樹冇人排隊。毛毛雨無遮份上。即刻有位既優先考慮。一入黎藥材湯既氣味環繞。應該有啲料到。坐低發覺呢到張枱係五邊形。一面貼牆。睇黎中午食飯時間應該要一張二人枱坐四個人。打正旗號話係藥膳湯底。咁唔要有味既碼面要個水餃試一下。十分鐘左右就上枱。用上砂煲原煲上。堅係熱力四射。明明一入間鋪就好大陣藥材味。點知申個頭埋去又聞唔到有味喎。飲落好咸。有藥材味但係好淡。好似一煲水落幾両咁。同埋肯肯定有味精。未食到一半已經要紅水。水餃嗎。煮既時間控制得好。可惜啲肉餡係啲雪肉。仲係雪到得返雪味既肉。點較味都冇用啦。埋單六十幾。除左個肚入面多左啲野之外。唔知入黎為乜。。。唔通聞下個藥膳味香氛？

I always walk by this shop and notice it's always full. I wasn't really sure what they served and it  seemed spicy so I didn't try. But one evening with boyfriend, we walked by and I told him about this. He looked and said there were a lot of nonspicy items so we went inside to give it a try.麵館皇 (or it's English literal translation Man Guan Wang) is a super tiny noodle shop that serves Northern Chinese noodles such as hand pulled noodles and knife sliced noodles. They also had vegetable rice set

晚餐，想食碗麵，起銅鑼灣原來要食碗好食既麵都幾難，睇食評見幾好，黎左呢間。一位，唔使等，即入。入面好迫，起銅鑼灣鋪租貴，都無辦法。叫左碗藥膳口水雞手攪麵。啲麵好似千層粉咁黐埋一齊，完全未開，亦都唔覺得佢係現做，對麵係一種侮辱。湯無味，可能廿公升水加片當歸落去煲就叫做藥膳。見到碗麵已經有被欺騙既感覺，有好多年無寫食評，好可惜香港既食物質素同尊嚴有急劇向下既趨勢。我相信食同樣既野，大家食會好佢好多倍。既然東主可以用自已個樣同個細佬做招牌同餐牌，希望您可以做個有良心既人，保持食物質素，食物，唔單止係為左做生意，佢重係我地下一代既回憶。

短短嘅一條登龍街雲集各間有名拉麵店，假日嚟到門口都排滿人。今日嚟到唔洗等，但質素一d都唔會輸嘅上海麵店。 午市有套餐，湯麵拌麵或飯跟飲品，五十幾，銅鑼灣區嚟講價錢算係咁。一間籍籍無名嘅上海麵店係哩到生存，一定有佢嘅理由。眼見大部份顧客都叫藥膳罐湯麵，所以食佢一定無死。 藥膳罐湯麵以石鍋上，令湯麵熱度食到尾仍然保持温度。個湯好掂，有藥膳味，但唔係太濃，較易入口。飲到有杞子、雞湯味，飲完唔口渴，絕對無味精。拉麵有咬口，粗幼適中，而且幾滑，見到廚房整緊麵團，手工麵食落特别有風味！ 醉雞罐湯拉麵，醉雞好大碟，大約八件雞，$53物有所值。醉雞酒味夠，唔會過濃，俾得多汁點，雞件下有爽口青瓜。 糖醋魚罐湯拉麵，糖醋魚炸得好香口，炸粉好薄，個皮好酥脆，唔油。糖醋汁酸酸甜甜，好開胃，配埋炸魚好夾！ 配餐嘅豆漿就甜左少少。哩到絕對係銅鑼灣嘅平價開飯天堂。

一段時間沒到訪登龍街了，原來也進駐了新的食肆。趕緊辦年貨的我倆，不能悠閒地在西式餐廳用餐，也不能花時間排隊輪候日式拉麵，而「麵館王」主打手拉麵正好迎合我們的口味及趕時間的要求。午餐供應的款式，大致分中華冷麵、拉麵、麵館皇飯食、藥膳罐湯拉麵、砂鍋藥膳罐湯雲吞/水餃和酸辣湯/小雲吞六大類，當中以藥膳罐湯拉麵的選擇最多！無論夏與冬，凍檸茶是老公必選的飲品。茶味較為平乏，明白對拉麵店的要求總不能太高！愛嚐辣的我，選了藥膳罐湯拉湯下的麻辣豬肚罐湯拉麵，貪其麻辣的味道。湯拉麵用砂鍋盛載，升起的白煙猶如騰雲駕霧似的，要待白煙慢慢散去後方能拍照。一呷湯頭，熱度十足，加上淡淡的藥材味道，感覺血氣上揚，愈飲愈來勁！麵條幼身、色澤白皙，粗幼不均，呈現手拉麵的特性。麵質綿滑中帶點點筋性，不過若與粗身手拉麵相比，煙韌度則相差頗大。麻辣醬汁與豬肚沒有拌勻，感覺不夠完滿。光吃豬肚一試，味道淡然，只感豬肚的軟腍。麻辣醬汁還算不錯，香辣與層次並重，可是未能與豬肚共融，有點可惜！藥膳湯底加上高溫和麻辣汁的辣度，這鍋麻辣豬肚罐湯拉麵令我霧出汗來！老公選了牛腩罐湯拉麵，亦是藥膳罐湯拉湯的一種。可是鍋中的零零碎碎的牛腩，跟餐牌

近排在登龍街新開的一間拉麵店似乎在網上鬧得熱烘烘，我也有認真地望過一些食物，評語有好有壞，不過唔緊要啦，我會等遲啲唔使排隊先光顧，因為我好怕又肚餓又要排長龍等粒幾鐘的無助感～到了在登龍街「麵館皇」吃「上海香蔥冷麵」$42麵如其名，就只有蔥、冷麵，還有青瓜絲及芝麻醬，卻很清新，麻醬滑，沒有過稠，能帶動整體的味道，我吃時也加了少許豆辧醬，令味道更立體化。好吃啊。

最鍾意食粉麵。成日行過登龍街想試呢間都勁排隊。今日一點半先出去，一入即有位。有啲喉嚨痛，但都係叫酸辣湯刀削麵，再加雲吞水餃各2隻，加多杯豆漿。次次都中伏，嚟到勁大豌已經知道食唔哂😰刀削麵條條粗厚不一，咬落好有質感，煙韌得嚟偏實淨，而且食到我最鍾意嘅純粹麵粉味道。酸辣湯唔夠酸同辣，但送麵底都唔錯，而且好多餸料：豬皮豬肚豆腐條木耳，其實唔加嘢都夠飽。雲吞有白菜，水餃就淨肉，但唔厚皮，食落唔會好勁味精。豆漿唔太甜不錯。下次試手擀麵﹏

說起銅鑼灣的登龍街, 你會想起甚麼? 當然是一條真真正正的食街啦! 它本來只是一條寂寂無名的小街。不過近年開了好幾家拉麵店後, 似乎帶旺了這裡! 地舖各有特色, 拉麵店、大排檔、烤肉店、飯館、甜點應有盡有。而食廈除了有好多中檔食肆落戶的永光中心之外, 又建成了有好多高級餐廳選址的金朝陽中心2期。單單是這一條街, 已經可以讓人目不暇給呢。而地舖之中偏偏就有一家店, 相對地光芒暗淡。說是小店嗎, 又不是的, 它在香港也有好幾家分店; 是東西不好吃嗎, 今天吃過又覺得很不錯; 是服務不好嗎, 店內的大媽都好親和啊! 只是, 在這樣五花八門甚麼都有的一條街之中, 氣勢就先輸了。它, 就是麵館皇。光聽名字以為和灌湯餃有點甚麼關係, 原來是一點關係都沒有的。不過用這個瓦煲上拉麵, 倒也收得到先聲奪人之效。事關拉麵上枱之時, 湯還正在翻騰呢。不怎麼用深呼吸已經可以聞到湯底有不少藥材, 似乎幾補的樣子。菜單上介紹此湯底為「養陰潤肺、益胃生津」。嗯, 的確, 聞到香氣都另人垂涎, 有夠生津的(笑)。雖然湯底真的很不錯, 但牛腩就真的不太好吃了。肉質非常的硬、乾、柴, 可能是因為一點肥肉都沒有的緣故。下次

銅鑼灣登龍街愈開愈多餐廳開得喺呢條街 水準一定有番咁上下人人瘋湧去食Jamie's Italian/Labmade cafe/豚王etc之際我同企鵝大人揀咗人流相對少 無咩gimmick 無咩人推介嘅麵館皇絕對有 意-外-驚-喜!!!鍾意食辣或者刀削麵嘅朋友一定食試試!!!招牌菜: 麻醬雞絲冷麵冷麵略嫌硬身 但整體唔錯啖啖花生醬 加超多青瓜balance唔會太滯大愛罐湯刀削麵 唔講唔知 原來罐湯係藥膳飲完啖湯個胃即刻暖哂好舒服 感覺上好補雖然係藥膳 但藥材味唔強烈好易入口而且刀削麵條自家製肥嘟嘟幾煙韌同759賣嗰啲差好好好好好遠麻辣牛展 有啲啲羶不過接受到辣汁要另上 因為真係超級辣非常惹味 不過唔建議倒辣汁落湯入面破壞湯嘅原味另外再跟餐嗌咗兩個小食 - 豆腐同炸小雲吞豆腐相對嚟講好普通 反而小雲吞就唔錯 細細粒 但入面算有幾多料 抵食!! 

罐湯餃大家就吃得多，罐湯麵大家又食過未呢？話說銅鑼灣登龍街現在已經搖身一變，以前啲細鋪頭冇晒，好似變咗條食街，有新的商廈食店進駐，又有幾間知名的日本料理店，成條街人頭湧湧！早前陪朋友去睇跑車，睇完後路過見到一間鋪頭，寫住有「罐湯麵」食，究竟係乜家伙？好奇心之下就走了入去找吃。店名叫「麵館皇」，鋪頭細細，食物的選擇蠻多，主打京川滬食物，幾十蚊有交易。所謂罐湯麵可以選擇不同的餸菜，我這個牛魔王就選擇了「牛腩罐湯麵」$45，另加$3改了做刀削麵：一上桌是一大碢麵，仍是滾熱辣 (在這大熱天時其實吃得有點辛苦。。。)，湯底比我想像中淡，反而找到了龍眼淮山杞子等等的藥材在湯裏，調味可以鹹返少少。牛腩及牛筋非常大件，牛腩入味但就略瘦，刀削麵不錯，有我想像中的口感，$3抵加。成碗麵食晒，咁究竟「罐湯」在哪裏？埋單時忍唔住問阿姐，阿姐答：「罐的意思，其實是指砂鍋，因為在我們的北方話，鍋的發音就是罐...」明白了，唔該哂！

   中午途經銅鑼灣,找了好姊妹一敘剛好中午12時,便相約午飯,沒想到刀削麵會令我有意外驚喜,呵呵^^我們二人都不是飯人, 平日都少殿粉質,所以這次只點了一份口水雞刀削麵,一份沙鍋雲吞。    先講麻辣口水雞刀削麵,雞和麵是分開上的,而且份量都挺大,幸好我們只點了一份麵,麵的口感還好,味道亦與我在荃灣食的一間有名的老店相似,感覺良好吧。特別的是其湯底,是用一些中藥藥材烹調的(似是北其,黨參之類),入口便令人有種暖意,加上麵是用一個沙鍋上的,放在我面前時湯還是滾着,誠意十足 而雞算 是夠味,不過不太麻,雞件下面還有青瓜件,味道不足但誠意十足!      沙鍋雲吞一份大約十粒,每粒都比姆指大,這份量相信男士亦足夠,而雲吞是上海菜肉雲吞,皮較厚,但肉夠多,味道可以,湯底則跟刀削麵一樣,非常合我心意^^   可能女士都愛補身,結果我與朋友麵沒有吃完,但湯已沒有了,哈哈!  

今日休假日！當然訓到日上三竿！出去銅鑼灣攪啲庶務！再食個早午餐！本來想食登龍街人氣拉麵，但都幾多人排隊，見呢間刀削麵未試過！自己好喜歡食麵！不同地方麵食我都有興趣！就入去試下！因為已經過了午市高峰期，場內只有八成滿！不過地方好細，枱櫈好迫，幸好都係光猛乾淨！我一個人食都要搭枱！我想試刀削麵同雲吞，但雲吞套餐又唔包麵！我問店員想食呢兩樣，佢又無話係邊個套餐！只係講：「你呢要雙拼，再加份麵，刀削麵要加$3，不過雲吞就會變成3粒咋，咁就$51！」最後我都唔知自己食邊個套餐再雙拼轉刀削麵，因為佢又無指住個餐牌解釋！而我之後自己睇都係搵唔到！總之佢夾到我兩樣食物啦！食物都要等一陣先到！酸辣湯雲吞刀削麵！好大一碗！個酸辣湯夠熱！一湯內有木耳絲、豆腐粗條、豬皮絲！酸酸辣辣，辣度剛剛會令我流鼻水！雲吞3大粒！皮唔薄但彈牙，餡料菜多肉少，但好多肉汁！肉質唔嚡！刀削麵闊身彈牙，有粗有薄，麵上面都有刀痕，口感都好特別！份量大，最後我都食唔晒！餐飲可以選凍豆漿或熱飲！我叫的熱檸茶正常！店員服務一般，除了幫我落單嘅阿姐對餐牌夠熟之外，其他店員都要問佢！我見好多附近做嘢嘅化妝小姐都來呢度食嘢！