龍苑中菜廳

营业中

休息中

踏入秋季，意味着蟹季的到來。老公曾在上海工作多年，因緣之下跟陽澄湖蟹農相熟，價錢當然會比市價實惠，質量上亦會有保證。對蟹痴來說，大閘蟹是一期一會，但近年親友們奉行健康飲食，小倆口子吃太多也非好事。向蟹農買貨要有個定數，不如先吃蟹餐解解饞吧！聽說今年蟹貨源緊張，遲遲未見蟹宴的推廣。發現龍苑推六道菜式的大閘蟹晚餐，原價$748的套餐只需一天前預訂，便可以優惠價每位$448享用得到。生拆蟹粉小籠包不用自己動手可說是懶人的最愛，小籠包折摺均勻，細薄外皮可見盈盈湯汁，鮮肉汁加上蟹鮮是美味得很，只吃一隻實在不夠滿足。花雕蛋白蒸蝦球，明蝦浮游在蛋白上畫面賞心悅目。蝦球彈牙鮮美，花雕蛋白清香滑溜，就是蛋白太少了，起不了襯托作用。蟹黃醬吉列龍躉塊，吉列龍躉塊與蟹黄醬分上，澆上蟹黃仍保持外脆內嫩，香囗程度不讓鮮味的蟹黃醬專美。蟹肉雞茸燕窩羹加入養顏燕窩，燕窩的滑溜加上蟹肉的鮮甜，矜貴又養顏。主角是紫蘇蒸大閘蟹，每隻足五両的大閘蟹，在蟹源緊張之下算不錯了。加上是酒店餐廳出品，貨源自是有一定保障，會比任食的大閘蟹放題靠譜。吃蟹工具一應俱全，平日大大咧咧吃蟹的我這天還是斯文一點，把蟹皇、蟹肉全數挑出才慢慢享用。

踏入每年十月便是大閘蟹季的開鑼，但上年忽然爆出食品安全問題，也不知今年還可否享用陽澄湖大閘蟹；幸好仍有其它地區的出品以慰一眾蟹痴的心；如荷蘭蟹、北海道蟹、台灣蟹等。這晚便夥同友人們到位於金域假日酒店的龍苑，品嚐來自台灣的大閘蟹。店方現正推出名為「“蟹” 逅 在 龍 苑」的套餐（由十月九日起至十一月三十日推出），現只需提早一日前預訂，便可以優惠價每位$488（兩位起計），享用原價每位$748的七道菜大閘蟹宴；真是物超所值，大閘蟹粉絲不要錯過了！喜歡喝酒的只需每位另加$100元，便可任飲紅、白餐酒及十年黃酒。一隻蟹唔多夠喉？無有怕，大可繼續添食；每隻也只是$100，夠晒合理。生拆蟹粉小籠包置於小巧蒸籠上的是一隻薄皮的蟹粉小籠包，用筷子輕輕㚒起送到嘴邊；盈盈的鮮美湯汁便滑進口腔，再來便是柔嫩多汁的內涵；混和了蟹粉的鮮香，美味的開端！蟹肉雞茸燕窩羹緊接著的羹湯是個不敗的組合，蟹肉的鮮、加上雞茸的口感；配上養陰潤燥的燕窩，潤到上心！紫蘇蒸大閘蟹今年吃的第一隻大閘蟹！台灣出產，重約五両，其實重量5至6両已是最上乘的選擇。這隻蟹的蟹膏份量也真不少，呈橙黃色、軟而滑膩，每口也是甘香豐膄。品味完軟滑流心

L先生經常離港工作，一班朋友相約食飯當然不能慢，每次我選餐廳都當然有壓力，要合乎地點時間食物品質，缺一不可，工作關係，我常明白到三百蚊要找李嘉欣係無可能的道理， 因此對於找餐廳，總要煩左煩右。 十月份，在各種不同的菜式中我突然想起來，差不多是大閘蟹的季節，不如就同L先生食番場蟹宴。 不過唔知你有冇留意，今年的大閘蟹，姍姍來遲，就如我公司番工的同事一樣，當然，大閘蟹遲的質素未必不好，同事番工成日遲到就一定不好。 問下J先生，飲食之神話今年蟹仲未靚，未食得，要等一等，於是我吃天香樓的念頭又打消了。 在我知道這消息前，當我找了又找，也找不到近來有乜地方推出蟹餐的時候，竟然，原來尖沙咀的龍苑原來有得食大閘蟹。 今年流行有北海道，台灣，荷蘭的異軍繼續領軍，這裡現在選的是台灣大閘蟹，我諗真係不多人吃過，所以一定要講下。 最重要，係提早預訂一日就可以用$488的價錢吃個大閘蟹套餐，套餐有七樣野，以酒店餐廳來講，非常超值。 蟹粉最好用來做小籠包，用來歡迎人就最好，生拆蟹粉小籠包蟹粉雖然不是用崩潰的蟹粉給你震撼的感覺，反而小巧玲瓏，包入面的汁都充滿蟹香，夫復何求。 養顏的蟹肉雞茸燕窩羹，一條條的蟹肉

踏入十月，終於開始大閘蟹的第一擊，當知道尖沙咀金域假日酒店的龍苑中菜廳推出六道菜式大閘蟹優惠套餐，讓我們可以以優惠價$448品嚐原價錢$748的大閘蟹套餐，一個套餐入面包括了這些美食：生拆蟹粉小籠包、蟹肉雞茸燕窩羹、紫蘇蒸大閘蟹、花雕蛋白蒸蝦球、蟹皇醬吉列龍躉塊、香檳汁海皇蟹粉焗飯、黑糖薑茶湯丸，每位另加100元更可任飲紅、白餐酒及十年黃酒。$488這個價錢是蠻化算的說，對於喜歡大閘蟹的我們來說，當然立即預訂啦。 生拆蟹粉小籠包 小籠包當然是即蒸即食嘛，在小籠包上面加上蟹粉以後，味道更有層次也更鹹香。小籠包入面熱呼呼的湯，十分鮮甜，叫人喜歡，使我開胃，可以慢慢好好享受接下來的美食了。 蟹肉雞茸燕窩羹 打開燉盅的蓋以後，香氣撲鼻，眼見燕窩羹相當足料，每一口均是滿滿的燕窩。當然本來燕窩是清淡的食物，加入鮮甜的蟹肉跟鹹香的雞茸以後，使燕窩羹入口時的味道更為高層次，口感也更佳。 紫蘇蒸大閘蟹 即蒸的大閘蟹來自台灣，一點也沒遜於別的地方，足5両的大閘蟹讓人垂涎。拆開蟹蓋以後，大閘蟹豐腴膏黃，相當甘香，每一口的蟹膏均是相當細膩，本身食大閘蟹就是食多會怕漏的食物，可是這是今年的第一擊，真

中秋過後蟹正肥，又到各位蟹迷大開殺戒的時候～今年各位蟹迷應該也等得苦了，今天介紹一間收費合理、質素不錯的吃蟹好去處，就是尖沙咀金域假日酒店的 龍苑中菜廳，只要提早一天預訂，就可以$448/位的價惠價品嚐七道菜的大閘蟹盛宴！ 去年的毒蟹事件鬧得沸沸揚揚，但 龍苑 選用台灣來貨的大閘蟹，自然令人吃得更安心。也是由於蟹隻要新鮮空運抵港，提早預訂是絕對有必要的，否則七道菜蟹宴正價會是$748/位！ 數月前才到訪 龍苑 開心飲茶，對於典雅舒適的環境不重複介紹了，直接跳到蟹宴菜式：一來先有 生拆蟹粉小籠包 Steamed Shanghai Pork Dumplings stuffed with Hairy Crab Roe，小籠包個子比正常的大，飽滿多摺的薄皮之下，蟹粉與鮮湯肉汁互相輝映，是非常可口的頭盤！ 同上又有 蟹肉雞茸燕窩羹 Braised Bird Nest's Soup with Minced Chicken and Crab Meat，湯羹份量挺多，當中除了蟹肉及雞茸，又有不少燕窩，暖胃同時又可滋補養顏，當然要喝光！ 大閘蟹也來到了，不過剛出爐還非常之熨手，所以先吃這 花雕蛋白蒸

雖然好多人都話「秋風起、食臘味」，又或者三蛇肥，但係個人始終喜歡慢慢拆大閘蟹，再喝一口薑茶，渾身發暖的感覺真好。 早兩年的確品嚐過來自不同地方的妙品，但今年已過中秋，坊間仍未有熾熱的大閘蟹浪潮，除了內地禁止輸港外，昔日的荷蘭蟹又不成氣候。 但聰明的港商，竟然另闢蹊徑，從台灣及北海道引入大閘蟹，真是一個點子，因為香港人不怕吃貴蟹，最怕無得食。 位於金域假日酒店內的龍苑中菜廳，一向是個人心水菜館，甚至上年的個人生日飯與及老媽的壽宴，都選擇了龍苑，而今年一踏入中秋，店方已推出超值大閘蟹餐，點解？因為來貨一定貴，但餐廳無加價，對於顧客而言，即係已經減價。 今次大閘蟹套餐叫“蟹”逅在龍苑，已包括原隻清蒸大閘蟹、蟹粉小籠包 及蟹肉羹。 生拆蟹粉小籠包 輕輕一夾，包子皮毫無破損，小籠包上面放上蟹粉，略為加點蟹醋，令味道更鮮，咬開包子皮，有著陣陣蟹肉的鮮香，真的不錯。 蟹肉雞茸燕窩羹 熱辣辣，蟹肉的份量不少，加上燕窩是倍覺矜貴，又有少許雞茸，令口感更佳。 紫蘇蒸大閘蟹 大家都知道，今年內地沒有品牌大閘蟹供港，想不到龍苑竟然從台灣引進大閘蟹，成

今年我吃的第一隻大閘蟹，就在這裡。 數日前，與友人們在尖沙咀金域假日酒店品嚐的六道菜式大閘蟹餐，是該酒店最新推出的優惠套餐，客人只需在一天前預訂，便可以優惠價每位 $448（原價 $748）享用（最少兩位起）包括「生拆蟹粉小籠包」、「蟹肉雞茸燕窩羹」、「紫蘇蒸大閘蟹」、「花雕蛋白蒸蝦球」、「蟹黃醬吉列龍躉塊」、「香檳汁海皇蟹粉焗飯」和「黑糖薑茶湯丸」等菜式的大閘蟹餐。在酒店中菜廳的環境，享受酒店級的服務，品嚐美味的大閘蟹菜式，著實不錯。「生拆蟹粉小籠包」賣相對辦，味道亦對辦，一口把整個小籠包吞下，滿口都能感受到生拆蟹粉的滋味。「蟹肉雞茸燕窩羹」集蟹肉、雞茸與燕窩於一身，真材實料，滋補，也好味。「紫蘇蒸大閘蟹」的大閘蟹從台灣空運而來，肉質結實鮮甜，漏著黃油的蟹膏雖未到最澎湃的時候，已經不少。把大閘蟹從爪到鉗，從身到蓋的肉與膏盡情搜刮一空，滿足度甚高。 「花雕蛋白蒸蝦球」的兩隻玻璃大明蝦爽彈得很，滿有花雕香味，可惜蛋白過薄，我與友人都感到不夠喉和不夠暢快。 「蟹黃醬吉列龍躉塊」的龍躉魚塊肉脆而薄，澆以濃郁味美的蟹黃醬，挺匹配的。 「香檳汁海皇蟹粉焗飯」份量不多，但味道香甜的焗飯，伴以蝦

閏左月的今年大閘蟹出籠亦都比較遲！而且大家都知今年已經冇乜大閘蟹選擇，喜歡吃的我心裏已打定輸數今年冇靚蟹食㗎喇！點知個天又幾鍾意我喎俾我發現到金域假日酒店內的龍苑中菜廳推出了一個大閘蟹套餐，價錢不貴之餘還供應台灣的大閘蟹，昨晚跟一班好朋友就去試咗質素不俗絕對唔講得笑呀！ 從來都覺得龍苑門口好有氣派！極具中國色彩踏進去很有尊貴的感覺！ 這兒的*蟹*逅在龍苑套餐原價＄748/位，現只需在一天前下單預訂便可享有＄448/位的優惠價 {兩位起 }供應至30/11，另每位加＄100更可於席間任飲紅、白餐酒及十年黃酒真心抵吃又抵喝。 先上檯是生拆蟹粉小籠包、蟹肉雞茸燕窩羹及花雕蛋白蒸蝦球三款都很吸引呢！ 先品嚐生拆蟹粉小籠包外皮看上都幾透薄見得到湯汁在內醞釀著，咬下去包頂有點點過厚不過有蟹粉的補貼下感覺好多了！ 而小籠包的內餡就充滿肉汁，肉糰亦都鬆軟可口不硬實，吃下滿口芳香這質素絕對收貨有餘了！ 接下來這個花雕蛋白蒸蝦球味道跟質感同樣迷人，先有爽彈鮮甜新鮮非常的蝦球，繼而墊底的蒸蛋白嫩滑勝雪還帶點野性的酒香好誘滑！如果蛋白能再厚身些更加醉人！ 接下來這一碗蟹肉雞茸燕窩羹更是足料

因為龍苑嘅周年誌慶，所以出咗特價點心$19.8。當然二話不說就打去book位啦，呢度嘅點心以傳統作為賣點，好多而家嘅酒樓已經冇架啦！例如餣春蛋燒賣，蛋散，黃沙豬膶腸等等。諗到都已經好興奮，因為好耐冇食過呢啲咁傳統嘅點心。呢度個環境好唔錯，坐得好舒服，茶會幫你用一個火爐暖住，好體貼。每一台都會有一個餐前小食，係一啲腰果，不過要收費＄28。不過見佢今次點心咁平，所以就算啦。松露帶子餃好晶凝通透，裏面嘅鮮蝦好彈牙。餣春蛋燒賣肉質嫩滑，亦都夠大粒！黃沙豬膶腸亦都OK，腸粉皮夠薄夠滑。希望佢地盡快又再出一啲優惠點心嘅推廣啦！

尖沙咀金域假日酒店的龍苑中菜廳，為慶祝30周年，於六月至八月逢星期一至五午市推出「懷舊點心$19驚喜價」，我們幾個喜歡懷舊的老友，怎能抵擋得住如此誘惑，七月初立即致電訂位，怎知日日滿座至八月下旬，我們便訂了昨天，驚喜已近尾聲了。我們十一時多去到，已是高朋滿座，不敢怠慢，立即拿特價㸃心紙，三十五款，包括十五款蒸煮鹹點、四款煎炸鹹點 、六款腸粉及十款甜品。我們鹹鹹甜甜要了十四款，各樣味道尚可，腸粉幼滑、芋角及春卷鬆化、叉燒包鬆軟、糯米雞綿密，但全部餡料不多；蛋撻香甜，但比平時少一個，只有三個。其他較有水準的包括罕有的鵪鶉蛋燒賣、精緻的松露帶子餃、汁香有嚼頭的腐皮卷、懷舊美味的棉花雞及蒸排骨。甜品雞蛋散（脆麻花）標榜鬆化，但密密實實，未炸鬆便上碟，令人失望。龍苑是著名酒家，我也曾到此吃晚飯，環境格調高雅，菜也做得出色有口碑，貴得有道理。但若日常午市點心賣六、七十元一碟，賣相如是平凡，款式如此單調，面對油尖旺區食肆林立，後起之秀玩創意玩新頴玩精緻，比比皆是，龍苑的確無得贏。不過，若是繼續$19驚喜價，也能吸引一班如我等的懷舊捧場客的！

繼續回味過去的生日飯這天是跟認識了二十多年的好姐妹到金域假日酒店的龍苑中菜廳吃點心，有睇開我博文的朋友都應該記得早在 六月時候已到過酒店吃這個為慶祝酒店三十週年推出的{最真}懷舊點心 ，好友看完我的博文後深深記在腦裏待我生日又請我來大拆一餐！ 這天兩個女人仔就只點了數款點心但已經吃得非常滿足了！ 水滾茶靚係時候開餐喇！這兒的茶葉質素十分不錯，整場茶聚沒有添加茶葉底下到最尾仍然富有茶香，唔會像酒樓貨色變得淡而無味！ 先來香脆蝦春卷微暖的春卷吃下仍然脆口，內裏有不少爽口蝦肉而且炸得不油膩真不錯。 既然均一價錢又點可以放過我最喜歡吃的特點北菇棉花雞呢！絕對沒將價就貨的情況發生，內裏滿滿高質素的魚肚及滑雞吃得我倆甚為愜意！ 飲茶當然唔少得我必吃的豉汁鳳爪啦，這兒的醬汁剛剛好唔會太過杰身，入口亦都唔會過鹹炆得好淋滑美味喔！ 很久沒吃過懷舊鵪鶉蛋燒賣，雖然不算太愛吃但也點一籠回味吓先，燒賣肉質唔會太過結實吃下很飽足呢！ 當然要重溫這個松露帶子餃依舊外皮爽滑，而內裡的帶子餡亦豐足非常。 薑蔥牛柏葉吃落不會痴牙而且蒸得很入味，但戾略嫌油了少許！ 山竹牛肉是好姊妹的心頭愛我就不能跟她

早係6月尾係報紙見到龍苑為慶祝開業30周年而推出懷舊點心，因為只有星期一至五先有，所以專程攞咗日假陪阿爸阿媽諗住去懷舊下。是日星期五，佢11:00開始，我地11:00就到，點知點心紙上已經劃走咗砵仔雞蛋焗魚腸，咁跟本唔係限量供應，而係無得供應先啱囉侍應唔算少，不過成日都圍埋一角打牙骹，好難先叫到一個過黎收點心紙點心紙上嘅款式唔多，連蝦餃都無，除咗豬膶/鵪鶉蛋燒賣，糯米卷同蛋散之外，其他都係任何一間酒樓都叫得到嘅普通點心，一啲都唔特別糯米雞 - 咸叉燒包 - 包皮唔合格豬膶腸粉 - 最好食算係呢樣鳳爪 - 勁咸，要用水洗下先食得合桃糊 - 開粉，仲要開唔暈呢種水準嘅野食加上叫極都唔應嘅服務，雖然係4星酒店嘅中菜廳，收$19.8一碟點心還是有d貴囉

睇到Facebook一啲廣告彈出嚟，好似好吸引，所以立即去訂位，等咗個幾月，今日卒之有機會試！如果呢間係一間酒店嘅酒樓，就一D都唔合格啦，大家睇吓個茶壺嘴崩晒嘅未試過去酒店飲茶個茶杯碟污糟到咁，卒之又係要洗碗洗碟洗筷子，19蚊一位茶，真係差個美心好味小食38蚊一碟呢個陳皮牛肉，都可以炸芋角，大家都睇到油咗D，尺寸只係平常嘅一半大小潮州粉果就係呢D點心每款19.80，不過一定要訂位，如果唔係你嚟到有位，都無特價！整體來講原價又食過，特價又試過，都係二、三線酒樓質素

之前七月份見佢推出推廣，$19.8點心，覺得非常抵食。所以就打咗去book。呢度食嘅都係傳統點心比較多，例如，餣春蛋燒賣，松露帶子餃，豬潤燒賣，焗魚腸，叉燒餐包，黃沙豬膶腸等等。松露帶子餃以翡翠綠色嘅外皮包住帶子蝦膠，外形非常討好。另外蠔皇鮮竹卷非常惹味。仲有材料非常豐富。雖然我哋11點度到，但係原價＄108嘅焗魚腸已經無曬，所以試唔到，有啲失望。茶位＄19一位，另有前菜收費＄28，係一碟腰果，不過以佢點來講兩位我哋食咗八碟點心，除翻都算抵，因為都係酒店貨色。