Alchemy ORIGIN

营业中

休息中

Alchemy ORIGIN - 再訪的咖啡廳今日再訪一間位於鰂魚涌嘅咖啡廳，係近期最愛嘅一間cafe，樓底高，燈光夠，配合埋非洲紅土色既夯土牆設計特色，非常特別。青醬烤雞蕃茄芝士意大利三文治 $73加配沙律 $22非常嫩滑嘅雞胸加上惹味青醬、蕃茄同芝士，再用類似飛碟嘅口感比較脆身、硬硬地嘅麵包夾著；另外再加配咗清新開胃嘅檸檬酸醋沙律。 煙鴨胸菠菜扁意粉 $103啖啖肉嘅煙鴨胸加上菠菜，仲有口感厚實掛醬既扁意粉。自家製藍莓核桃蛋糕 $33牛油味香濃，軟綿綿嘅藍莓核桃蛋糕朱古力咖啡 $40咖啡味香濃又唔會比朱古力嘅甜味蓋掉嘅朱古力咖啡。

每次跟住哩個朋友食飯，一定會飲到好咖啡 🥰同埋佢會搵定好食嘅餐廳，我只係需要留肚跟住佢就可以🫢之前曾經問過佢太古區有咩好咖啡推介，當時已經推薦哩間餐廳俾我。今日佢就帶埋我一齊黎哩度食晏。餐廳係太古坊入面，如果有去過太古坊嘅朋友都知道，太古坊有好多座，而且唔係用數字排，所以花咗少少時間搵哩間餐廳。遠遠已經聞到咖啡香，因為係星期日嘅關係，餐廳人流唔多，而且我哋到達嘅時候都只係11點左右，未到真係lunch hour。餐廳樓底高，木色做主題，令人感覺放鬆，加上人流唔多，可以安靜咁嘆一杯靚咖啡。Tiger Prawn Spaghetti in Spicy Tomato Sauce ($121)蕃茄汁帶微辣，蝦肉質彈牙，成個意粉都好入味。醬汁夠杰身，所以好掛汁。Pesto Chicken with Tomato and Mozzarella Cheese Panini ($73)唔想食太heavy，揀咗一份意大利包。雞肉好嫩，配埋微暖半溶嘅芝士，好滿足。Cappuccino ($41)Latte ($38)兩杯咖啡都係揀咗Alchemy Blend，係偏向nutty嘅咖啡豆。杯碟係有質感嘅Lo

本人不是第一次光顧這間餐廳，開頭俾人的感覺是服務態度不差所以我家小朋友和環境舒適。所以我家小朋友都喜歡去呢間餐廳用膳，今日，小朋友今日要求要去呢間餐廳用膳，於是我們一行三人（我，小朋友+工人姐姐）去呢間餐廳用午餐，今日去呢間餐廳食午餐，給我不愉快和一套戲的經歷，推翻晒之前對呢間餐廳的好感！首先我哋一行三人坐低，用手機點了兩個餐，食到尾聲的時候，職員走來同我哋講，要計人頭，小朋友也需要嗌一份嘢食，之前光顧呢間餐廳嘅時候，完全冇人同我哋講過有呢一個制度，我同職員講，小朋友要嗌一個餐，唔係一個問題，但係應該在我們點餐的時候同我哋講，而唔係都食完之後先至再同我哋講，跟住職員話你可以外賣打包！！！ 今時今日咁嘅社會仲有啲咁嘅服務態度！後來嚟咗一個極不有善趕客嘅嘅領導層，佢嘅說話同態度非常差，俾個印象係不歡迎小朋友光顧！！

Was visiting too early before their opening last time, finally managed to try it this weekend. Restaurant was bright and cozy. Modern orange and gold furniture with a high ceiling giving a spacious feeling. Making orders via QR code was convenient with their menu served aside to read the food description. You could tell their selling point was their variety of coffee instead of their cafe food. We ordered their lemon juice marinated chicken with bacon and mozzarella cheese panini and mixed mushr

第一次來Alchemy ORIGIN 下午茶！這裡環境超級舒適! 有著硬件甲級高廈樓底高的優勢, ，加上interior 主軸特意以非洲「夯土(Rammed Earth) 」的層層泥石牆營造棕紅色的大漠空間,一整個感覺都很寬敞。-新地方新Menu，有飽肚的Burger 或Pasta, 也有健怡輕食的選擇如沙律及墨西哥卷，味道不錯，伴咖啡或茶對身體不會太重負擔。-十分推薦炸魚卷配希臘乳酪醬-炸魚柳外脆內嫰，伴以輕輕烤熱的外皮及爽脆的 火箭菜，口感、味道豐富之餘也香口。-烤雞菠蘿漢堡配乳酪醬及焗薯想飽一點不要錯過烤雞菠蘿漢堡，超高的一份，烤雞香口惹味，肉質也不算柴，伴烤熱過的包身及新鮮蕃茄，超好吃的。--檸檬汁烤雞煙肉意大利三文治想吃芝士的可以order 烤雞煙肉意大利三文治，芝士半溶可以拉絲，伴烤雞煙肉帶點點咸很不錯吃啊～添加的沙律菜也很鮮綠爽脆。-最後別忘了開啟甜品胃，十分推薦生酮宇治抹茶忌廉卷抹茶忌廉綿密細緻'蛋糕體抹茶味道適中，不會太苦， 是個不會選錯的甜點選擇呢～-Alchemy ORIGINShop A, G/F, Two Taikoo Place, 979 King's Ro

1️⃣煙鴨胸菠菜意粉意粉份量多, 菠菜都多,煮得好淋.但煙鴨胸就較小,同埋切到好細粒.味道ok💰HKD$1032️⃣檸檬汁烤雞煙肉三文治食落就冇咩檸檬汁味, 烤雞煙肉好多,加左胡椒. 塞滿三文治,個包脆脆地💰HKD$73環境好大,裝修靚,星期六夜晚黎都冇咩人,岩哂影相,享受寧靜.

最近經常去太古坊，感覺多咗好多食肆，選擇多，自自然放工後就來搵食。今晚嚟到呢間Cafe，環境不錯，高高嘅樓底，優雅嘅裝潢，唔錯。烤雞菠蘿漢堡配檸檬醋醬及焗薯烤雞好大件啊！雞肉軟腍多汁，配以菠蘿，蕃茄和生菜，減少膩感，正！焗薯薯香滿溢。自家製咖啡胡桃蛋糕焗熱咗嘅蛋糕好似即焗口感，不會冷冰冰的感覺。胡桃果仁非常多，有嚼口。微微咖啡香，格外醒神。Iced cappuccino 天氣還是悶熱，冰凍嘅泡沫咖啡最啱飲。

Espresso Alchemy終於回歸太古坊啦~~新店「Alchemy ORIGIN」係佢既第五分店,比較特別既係除左一系列精品咖啡同手沖咖啡,仲多左東南亞Fusion菜及生酮甜品!!係太古坊返工既我又多左一個飯堂了~~Alchemy ORIGIN今次開係新入伙既太古坊二座地下,地舖又大又舒服, 紅磚色做主調,加入不少綠植襯托, 走沙漠風格,跟咖啡又出奇地夾!欣賞完裝潢就看看食品吧~掃code點餐, 不用等太久就上菜速度快, 食品也是熱呼呼的~Shop Exclusive: Expresso Tonic平時常飲flat white, americano 見到呢間有多款店舖限定,當然要試下啦!Expresso Tonic氣泡綿密 又帶有咖啡香感覺相當清爽好岩炎熱天氣時飲!脆炸魚堡配自家製蛋黃醬令人驚訝的超大份量炸魚脆卜卜又啖啖肉配合蛋黃醬、多款沙律菜、厚切蕃茄...... so yummy!大推!!!厚切意大利煙肉卡邦尼意粉醬汁濃厚, 意粉比平時既粗身D, 軟硬適中整體味道好好~~自家製咖啡胡桃蛋糕係用自家coffee blend來製作, 好有Alchemy味道!!得閒落黎嘆杯咖啡真心

很久沒來太古坊、翻新後空間感大了更時尚、亦引入了不少新餐廳。Espesso Alchemy 棕紅色裝潢好吸睛、流線型圓筒䄂心牆設計感十足、很有質感。平日下午人流比較少、寧靜舒適。夏天喝杯蜜糖青檸梳打感覺特別清爽宇治抹茶鮮奶 — 本身不太嗜甜、反而帶著少許抺茶苦澀味更適合我。Alchemy Origin All day breakfast 賣相吸引而且配搭新穎、有炒蛋、煙肉、德國腸、薯角、牛角包、牛油果百吉包等。牛角包好香牛油味又鬆脆、Guacamole 百吉包好好味、最特別仲有哈密瓜、好解膩的感覺。生酮宇治抺茶忌廉卷抺茶味超香濃、忌廉入口香滑、蛋糕軟熟不太甜適合我、份量頗大可以兩個人share剛剛好！環境闊落舒適、下次經過一定會再來光顧哦～

近年太古坊商廈逐一翻身重建，早前封了已久的通道重開，通往的新廈，入伙商戶全是銀行或投資銀行，地下開了一家新咖啡店，形象配合客羣，相當型格，其實是從返舊地的老街坊，因為 Espresso Alchemy 本來就是發跡於此區，別於其他 Espresso Alchemy  店， 此店名為 Alchemy Origin，概念是強調尋根，因為咖啡優劣來源在於其豆！ 全店以棕紅色的主調，別樹一格，我覺得寬敞舒適、令人感覺優閒最重要！以 QR code 點菜，項目選擇比想像中多，因為是 early dinner，我們吃意粉，若然早上來，burger 及 三文治應該都唔錯。 同伴的 Single Origin Blew，只售$30，他說性價比高，酸度與果實之味平衡，香氣足。 我的熱朱古力 milk chocolate $38 非常可口，甜度適中。 Tiger Prawn Spaghetti in Spicy Tomato Sauce $121 Spinach Fettuccine with Duck Breast $103兩款意粉非常美味，醬汁豐富滋味，意麵柔韌有力、掛汁強。 虎蝦有3只，肉彈香甜

今日想食好啲，見到開咗新嘅cafe即刻試吓因為我哋同行人數都比較多，所以等位都等咗一段時間，等咗差唔多30分鐘就可以入坐啦其中一樣我好鍾意嘅嘢就係佢有lunch set, 附近嘅一啲Cafe平時價錢都比較貴但依家好好,每個Set會免費包一杯咖啡我就試咗煙三文魚Toast, 分量出奇地好大份,一個女仔完全食唔晒, 我都淨係食到一半然後打包另一半返屋企, 如果大家喺附近返工都可以嚟試吓幾啱幾句女仔喺度傾偈食飯呀

今日約咗人喺鰂魚涌交收，咁橫掂都過開嚟呢邊，就喺附近食埋晚餐先返屋企。喺天橋上面見到呢間餐廳裝修好似幾靚，咁就試吓佢啦。入到去環境真係好靚。比到人relax嘅感覺。位同位之間唔會太過密。餐廳入邊有幾棵琴葉榕，為餐廳增添生氣。鮮奶巧克力：拉花好靚，朱古力味濃郁。烤雞菠蘿漢堡配乳酪醬及焗薯：烤雞充滿香草味，有肉汁。大大嚿菠蘿，可以中和返烤雞嘅肥膩感。雜菌黑松露醬芝士意大利三文治，加配沙律：咬第一啖三文治已經有拉絲！黑松露醬一啲都唔吝嗇. 沙律菜新鮮爽口。自家製咖啡胡桃蛋糕：估唔到佢有焗返熱個蛋糕先拎出嚟俾客人。胡桃有好多粒。蛋糕滲出淡淡嘅咖啡香味。備注：qr code落單時, 佢有寫明如果有叫嘢食，限時係90分鐘。而如果淨係飲嘢，限時係60分鐘。大家要注意返。

喺太古坊返工既朋友 有新𝙘𝙖𝙛𝙚可以試啦 裝修以粉紅色為主 空間都比較闊落 完全可以約同事或者客人黎個𝙘𝙝𝙞𝙡𝙡 𝙘𝙤𝙛𝙛𝙚𝙚 𝙙𝙖𝙩𝙚♡︎✍︎︎ 𝑺𝒆𝒕 𝑳𝒖𝒏𝒄𝒉ꕀ 𝙋𝙚𝙨𝙩𝙤 𝙈𝙖𝙧𝙞𝙣𝙖𝙩𝙚𝙙 𝘾𝙝𝙞𝙘𝙠𝙚𝙣 𝘽𝙧𝙚𝙖𝙨𝙩 𝙬𝙞𝙩𝙝 𝙎𝙖𝙡𝙖𝙙 𝙖𝙣𝙙 𝙃𝙤𝙢𝙚𝙢𝙖𝙙𝙚 𝙇𝙚𝙢𝙤𝙣 𝙑𝙞𝙣𝙖𝙞𝙜𝙧𝙚𝙩𝙩𝙚 𝘿𝙧𝙚𝙨𝙨𝙞𝙣𝙜 + 𝗜𝗰𝗲𝗱 𝗟𝗮𝘁𝘁𝗲 $𝟭𝟭𝟭平時都覺得雞胸肉好鞋 但係呢個真係勁滑 勁鮮甜又多汁 如果真係做開gym嘅朋友想lunch time食聽係會強烈推介✌︎︎ꕀ 𝘾𝙖𝙧𝙗𝙤𝙣𝙖𝙧𝙖 𝙎𝙥𝙖𝙜𝙝𝙚𝙩𝙩𝙞 𝙬𝙞𝙩𝙝 𝙋𝙖𝙣𝙘𝙚𝙩𝙩𝙖 𝘼𝙛𝙛𝙪𝙢𝙞𝙘𝙖𝙩𝙖 𝘽𝙖𝙘𝙤𝙣 + 𝗜𝗰𝗲𝗱 𝗟𝗮𝘁𝘁𝗲 $𝟭𝟭𝟴有少少失望既𝙘𝙖𝙧𝙗𝙤𝙣𝙖𝙧𝙖 不過𝙗𝙖𝙘𝙤𝙣係好好食主要係自己鍾意比較𝙘𝙧𝙚𝙖𝙢𝙮既意粉 覺得佢個醬有少少失望唔夠𝙘𝙧𝙚𝙖𝙢𝙮 有啲水汪汪 但係𝙗𝙖𝙘𝙤𝙣係厚切唔係好薄嗰款 所以都加返少少分 ✔︎⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯𓍯 ꜰᴏᴏᴅ 𝟳/𝟭𝟬𓍯 ᴄᴘ ᴠᴀʟᴜᴇ 𝟳/𝟭𝟬𓍯 ʀᴇᴠɪꜱɪᴛ 𝙈𝘼𝙔𝘽𝙀⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯

太古返工嘅朋友有福啦，呢間開咗唔係好耐嘅Cafe Alchemy origin，除咗提供唔同口味嘅咖啡，佢哋嘅其他餐飲、小食、主食同蛋糕都好有質素🫶🏻今日我同朋友約埋喺鰂魚涌，就嚟呢間咖啡店試吓，估唔到佢哋嘅餐牌仲有生酮飲食嘅甜品，而食物嘅設計都非常多元化，過嚟傾偈食個下午茶都很不錯，份量都算幾大份🥰菠菜煙肉蛋餅配沙律外面焗到微微焦香，切開是豐富的菠菜煙肉製成的蛋餅，蔬菜味極豐富濃郁，喜歡吃蛋餅的朋友千萬不能錯過，調味帶了一些輕微黑椒味，配合火箭菜、生菜與蕃茄等的沙律組合，整到菜式輕盈而實在。生酮意式芝士卷因為本身係生酮飲食嘅愛好者，第一啖食落去已經食到甜菊糖嘅味道，可以將蛋糕本身製成極低碳水化合物，使用健康嘅代糖，令生活飲食零負擔，對腸胃都會更加好，而且食落口感柔軟香甜，配個香滑意式芝士同咖啡味都好重🫶🏻烤雞菠蘿漢堡配檸檬醋醬及焗薯帶點點微微香辣嘅醬汁，烤雞非常大塊，質地柔軟細膩，而且重非常入味，配合菠蘿同檸檬醋醬，成份餐點開胃又飽肚。本期精選單品咖啡富豐富果香味的單品咖啡，尾段帶出一點點的酸及果仁的香味，大杯的份量的確很足夠，配合甜點讓人感到很舒適的用餐體驗。

鰂魚涌開咗新商廈 - two taikoo place成個building 得一間餐廳就係呢間cafe 🤪成個裝修用了非洲標誌性建築法「夯土(Rammed Earth) 」的層層泥石牆，營造棕紅色的大漠空間食物以東南亞fusion菜為主，仲有生酮甜品今次我同朋友們晚上黎到，發現晚上人流比較少，只有兩三枱客人 (下午由於附近太多辦公室人士，所以非常爆滿）今次就試咗：烤雞菠蘿漢堡配檸檬醋醬及焗薯 - 菠蘿多汁唔會煮到乾咗烤雞既雞肉好滑初初以為焗薯係指焗薯蓉，原來係會好似薯條咁呈現 😆雜菌黑松露醬芝士意大利三文治 -juicy 得黎好香，黑松露又唔會搶咗雜菌嘅味道青醬忌廉雞肉長通粉 -青醬同忌廉好balance雞肉都係好鬼滑，滑到會懷疑到底係咪真係雞肉黎 🤣🤣🤣竹炭黑芝麻生酮蛋糕卷 -好多cream，唔鍾意食甘多cream 既朋友可能會唔鍾意但勝在無糖，無麵粉，糖尿病人都可以食用 👍🏻總括黎講，係呢一區唔貴，仲性價比好高！絕對會再幫襯！