Amitie Kitchen (已搬遷) 新店位置

同男朋友係尖沙咀諗坐係亞士厘道呢條食街搵野食，咁岩見到有呢間樓上西餐就去試試估唔到真係好驚喜！環境好舒服，D位唔會獨逼，坐得好舒服😌首先係餐包，都幾多款，每款仲有兩舊！D包真係好鬆軟，好好味加埋藍莓醬真係好夾！忍唔住食哂！小食叫左個黑松露薯條，佢係D薯條上面有黑松露粉，好味好脆！仲要分量好多HAHA個餐湯應該係南瓜湯，好CREAMY！MAIN就叫左西冷牛扒7成熟，完全冇OVERCOOK，岩岩好！D肉好嫰滑好入味，配菜都好味！另一個MAIN係慢煮法國雞胸伴日式咖哩馬鈴薯丸🥔，可能慢煮既關係，相對其他DISHES等耐少少～但完全好值得！因為D雞胸肉勁滑，1D都唔乾身，好夠味勁滑同嫰馬鈴薯丸我係第一次食，好特別，好有咬口！OVERALL 呢間CP值好高，價錢唔貴，仲要分量好多，唔驚唔飽HAHA！

As we heard a lot of positive review of this western restaurant in tst - especially a lot of good comment about their delicious bread, we finally came here and gave it a try! they have their specialty written on the wall. the bread 🍞 first arrived in hot condition, cannot wait to dig in it and give it a try...as predicted, it didn’t disappoint us at all, each piece was so yummy and with the butter and jam, it added an extra touch! salad included in the dinner set and the portion was bigger than

以前有時會去亞士厘道啲餐廳食飯, 之後有一段時間離開咗香港，都好耐冇經過了。今天又重回舊地，見到樓下有依間Amitie Kitchen的招牌，便去試吓。位於8樓，只有一部電梯，唔係見到樓下有招牌都估唔到有嘢食。坐下，看看menu, 本來想飲杯酒，但一陣重要開工，算了。餐牌上有晚巿套餐，對我這種不用腦的人說倒是一種好處。點了北海道帶子蘑菇意大利飯伴黑松露, 香大老虎蝦伴"Paper Thin"雜菜沙律. 跟餐沙律，嘢飲同埋湯.先上場的是面包, 有3款, 全部熱辣辣, 好好味. 包鬆軟, 面脆, 證明餐廳有一定要求.之後上沙律，有兩款，紅菜頭沙律同埋西班牙墨魚仔伴辣肉腸。我食墨魚仔，好鮮味同惹味，大家可以試吓。之後上湯, 是甘荀薑汁湯, 同枱喜薑, 讚不絶口. 我不喜薑, 但我覺得都係好飲. 傳統西湯做法, 打爛甘荀, 杰身.主菜上場, 先黎意大利飯, 黑松露味很出, 帶子煎得很好, 裡面7成熟, 軟身, 夠大粒, 好食. 飯的芝士和cream溶合得好, 好creamy.虎蝦上場, 有少少估唔到咁大隻, 兩隻開邊有少少震撼, 有圖有真相. 自己慢慢睇. 蝦煎得香口, 厚肉, 好食. 沙律醬

Amitie Kitchen放咗工喺尖沙咀覓食， 嚟到呢間喺樓上嘅店舖環境優美，係一個唔錯嘅聚腳點，而且店入面仲有兩間獨立房，可以約埋一大班朋友開party精選晚市套餐有五款， 價格有200至400蚊不等頭盤嚟喇 餐包有兩種， 圓形嗰款比較軟， 而長條嗰款呢就比較硬， 於是我就用咗比較硬嗰一款餐包嚟到點餐湯食， 而是日餐湯係薑汁甘薯忌廉湯， 個餐湯比較濃同傑， 味道唔錯， 感覺有少少似食緊蕃薯糖水， 而餐包下面係灑滿芝士粉嘅脆餅條，食落口香味十足，點餐湯一齊食都好好味香煎西班牙墨魚仔配辣肉腸(左)醬汁食得出有好強烈嘅柚子味， 估唔到有同沙律菜辣肉腸咁夾喎燒紅菜頭、菲達芝士合桃沙律伴黑醋汁(右)紅菜頭味道濃烈，粒粒合桃令到沙律更有口感， 而菲達芝士中和黑醋嘅酸味令到成個感覺唔會太膩芝士bbq醬燒美國豬仔骨(3支骨)豬仔骨上面有大塊芝士呀 而且擺盤亦都好靚， 當然就梗係相機食先啦， 然後再到我慢慢享用， 豬仔骨兩邊煎到有少少脆口， 加上酸酸甜甜嘅bbq醬味道突出， 食落口唔覺油膩，芝士成為咗呢度煮菜嘅點綴 原先以為得三支骨會好少， 點知嚟到都有成塊扒咁大， 薯條炸到金香脆口， 加上炸過嘅香

朋友生日飯，由於佢比較想食steak，於是就上openrice睇下有咩好推介，抱住一試的心態上到呢間樓上扒房。我地嗌左個set dinner前菜是法式焗田螺，螺肉好大，好有咬口之後食左個意大利甜醋燴牛面肉配意麵，可能唔岩我地口味，味道比較酸主食美國西冷牛排🥩肉質夠厚，唔會好鞋最後食左個香蕉巧克力pancake 朋友表示都好滿意😋

今日出咗尖沙咀行街，行完街想搵一間食得舒服嘅西餐廳，即刻上網搵，結果比我搵到一間有驚喜嘅西餐廳Amitie Kitchen。我哋兩個人叫咗一個餐一個小食同埋一份扒份量都好足。我哋叫咗一個餐但佢都照比兩份餐包我地本身以為啲餐包會好硬但係一拎上手已經發現又熱又鬆軟好surprise。黑松露炸薯條，一放落枱已聞到好香，我哋食完主菜先食薯條，但係放左四個字都冇林，如果係粗薯條應該會更加好。之後黎左南瓜湯，啖啖南瓜蓉，唔會好稀。套餐有兩個前菜選擇，我地揀左西班牙墨魚仔辣肉腸，因為我好怕食唔新鮮既沙律菜，所以見到佢啲伴菜好新鮮既時候，已經加分。之後主菜黎啦，帶子蘑菇意大利飯伴黑松露，呢間餐廳既材料真係好足，幾粒大大粒嘅帶子鋪喺飯面，唔會話得少少敷衍人。另外叫咗個五成熟西冷扒，煮到岩岩好，好易切開，最加分既位黎啦，伴碟既薯蓉會咬到薯仔粒，有配料，雖然伴碟用，但有用心製作。最後我哋叫咗杯餐飲，熱情果芒果橙紅茶，都幾香。總括而言，服務員態度好好，環境唔錯，食物分量材料好足。

我地叫左2人Set dinner，前菜選了焗法式田螺、餐湯各一款、黑松露芝士煙肉菠菜馬鈴薯丸、烤燒美國牛腹膜、仲有香蕉朱古力班戟。牛角包外脆內軟，牛油味夠香濃，唔錯😋是日餐湯-南瓜湯忌廉同南瓜味道都好出，入口都幾滑。西洋湯菜凍湯個菜味好清新，凍凍的入口感覺幾特別。田螺熱辣辣，香噴噴，將個殼內的汁倒入薯蓉再加埋田螺肉一齊食真係好正。馬鈴薯波第一次食，一開始感覺是怪怪的，但之後再撈埋d汁同配料食都ok😉牛腹膜都係第一次食，牛味唔會太濃，亦都唔會油份高而有油膩感覺。甜品都整得幾花巧~

一個人在尖沙咀吃晚飯，最後揀左嚟間樓上餐廳Amitie Kitchen。這幢大廈很不起眼，找了一下才找到，電梯大堂也是比較狹小的。意想不到餐廳的環境還是很舒適的。看看餐牌選擇也很多精選嘅二人套餐，a la carte pasta，pisotto, main course & burger。最後點左佢地嘅精選晚市套餐，裏面有沙律湯主菜咖啡茶。我點了芝士BBQ醬燒美國豬仔骨。餐湯和沙律都很有水準，特別係沙律，沙律汁同沙律菜配搭得天衣無縫。感覺清新。豬仔骨的份量也不會很小。另外肉好多肉汁，一點都不乾身，配BBQ醬，是很好的配搭。大約$200左右的價錢，已經可以享受一個酒店水凖的晚餐，真是超值。

今日b先生帶左我黎食呢間尖沙咀樓上小店食西餐好近地鐵站 平時都唔覺呢間環境好溫馨 唔知點解有仲家ge感覺餐廳有十幾個座位 另外再加兩間獨立包廂 私隱度增加唔少野食選擇十分多 有唔同套餐 仲有唔少靚酒俾大家揀最後我地㨂左一個set dinner 北海道帶子意大利飯伴黑松露散叫大啡菇芝士牛肉漢堡伴薯條（雙份）餐前包熱辣辣好好食 勁欣賞個墨汁餅乾 好有墨汁味好特別Set dinner 餐湯好creamy 好rich 料好多 味道適中Set dinner 沙律伴上黑醋好fresh 感覺個人健康左北海道帶子意大利飯伴黑松露帶子好大粒 煎到半生熟 仲係好鮮嫩 意大利飯煮到岩岩好 仲好有口感 黑松露味道剛剛好啡菇芝士牛肉漢堡（雙份）冇諗過咁大份 2塊牛肉漢堡 煙肉 大啡菇 好juicy 好正 但太大份啦 食唔晒 最後要take away 提提大家 其實單份都好夠食跟餐加$15要左玫瑰花茶解膩岩岩好

附近買完波鞋, 今晚自己一個人想靜靜地食個飯, 其實呢條街真係有好多選擇, 就係停車場隔離見成幢都係食肆, 上網search到呢間Amitie Kitchen原來係前酒店廚師主理就直去八樓食下....比左個角落位置我自己靜靜坐都幾好, 地方好cosy, 餐牌同board都有好多a la cart選擇, 自己一個唔睇咁多就直點個晚餐包appetizer (salad), chef's daily soup, main courses唔同價, 我今晚選了北海道帶子蘑菇意大利飯伴黑松露$228!餐包3款, 不過食食下先記得影, 仲有牛油同jam, 細心我安排~今日呢個應該係蕃茄薯仔湯, 溶入了蕃茄的薯蓉令個湯更有口感, 湯更濃更香香煎西班牙墨魚仔伴辣肉腸沙律都好大份~ 個酸酸甜甜的dressing令人開胃起來, 沙津菜都新鮮~北海道帶子蘑菇意大利飯伴黑松露, 3大隻帶子, 帶子煎得外香內軟, 自己在家煎帶子唔易整得剛好, 帶子都甜, 食材好才有此效果~ 意大利飯正宗硬硬地口感足, 其實我真係好like黑松露加蘑菇同白汁的配搭, 咁大碟我竟然清晒~飽晒就叫個black coffee作結, 濃的

一家3口為食🐽又出動，今次過左尖沙咀搵食，等大帝放學就搭巴士去尖咀再經隧道過去。餐廳就係捷利商業大廈8樓，我地都好肚餓叫左幾多野食。餐包有幾款都烘熱左，麵包鬆軟，牛角包幾香牛油味。6道風味餐有1杯紅酒，幾香醇亦易入口。迷你海鮮盤有青口，蜆，蝦，螺每款1件，每樣都好鮮甜又嫩好味。香煎法國鴨肝煎得剛剛好唔會老，外脆內嫩滑亦無腥羶味檸檬青檸雪葩酸酸甜甜凍冰冰好醒胃亦好清新。莧菜芝士意大利雲吞配黑松露忌廉汁，好香濃松露味配埋芝士雲吞幾好味。主菜揀左美國羊T骨肉質幾嫩唔會乾柴，有少少羊羶幾好食。另外叫左個set dinner要左大蝦甜橙茴香沙律，汁甜甜酸酸，沙律菜新鮮，橙好甜加埋茴香是日餐湯係蘑菇湯好香菌味，味道亦好。炸蠔2重奏意大利麵炸蠔外脆內嫩又多汁，意粉有彈性個汁有鮮味，唔知係咪用蠔汁去煮?仲叫左個阿根廷紅蝦配柚子醬油，紅蝦新鮮有甜味但個汁唔似柚子醬油反而似蒜味醬油。最後個6道風味有梳乎厘但當日無所以可以轉其他蛋糕，我揀左特濃朱古力蛋糕，好濃厚朱古力味亦好香滑，好正。餐廳裝修簡潔，侍應姐姐們都幾nice, 會同大帝傾下計。幾多情侶同三五知己黎食。

同事牛一，收得早就即興去附近食個西餐同佢慶祝吓。應該因為係平日同時間尚早嘅關係，等一陣就有位。壽星仔揀咗食BBQ豬仔骨同西式雲呑落完單，侍應即刻送上三款暖暖哋嘅麵包，自己覺得最好食係牛角包，唔會好油膩。BBQ豬仔骨一大份成份上，要自己分，一人有三條骨。平時啲豬仔骨會燒到好乾，靠面嗰汁等你平衡返，易啲入口。但今次嘅豬仔骨，切開係有肉汁嘅。再加埋肉面嗰汁，酸酸辣辣，非常惹味。跟豬仔骨嘅唔係普通嘅薯條，係炸蕃薯條，甜甜哋，比起薯條冇咁易飽，同個豬仔骨都幾夾。雲呑啲皮唔會太厚，嗰忌廉汁味道啱啱好，唔會好濃好鹹，所以會食到雲呑入面啲莧菜餡嘅味道。食物份量都多，所以兩個人食啱啱好。環境都幾舒服，同壽星仔食完仲可以傾吓計。下次一大班人嚟，可以試多幾款嘢食！

有時唔係同另一半，同朋友都會去下啲私房菜西餐廳，食得舒服啲，可以同朋友暢所欲言，今次黎到呢間「Amitie Kitchen」係由前五星酒店廚師主理，質素有保證。環境位於亞士厘道中一座叫「捷利商業大廈」，標準商廈中既西餐廳，位於8樓，設計好溫馨既感覺，座位唔算多，但閒日亦座無虛席，生意十分好。餐牌有Dinner Set，之前上網睇過佢既餐牌，但原來又轉左，本身想食既菜式只可單點，所以今日都係單點，冇食到Set。餐包牛角包、法式麵包、脆餅，唔怪得之前上網睇過有關食評都話餐包好正，兩個人都比3款唔同餐包，呢點真係好值得讚！而且全部烘熱哂先上枱，麵包熱食真係比凍食差好多，烘至外層脆卜卜，麵包又夠鬆軟，脆餅應該係用黑椒製成，食落仲辣辣地好特別，除左牛油，仲配上澳洲果醬，由一盤餐前餐包已看出係一間絕對不敷衍食材不敷衍客人既用心餐廳。法式油封鴨脾煎蛋漢堡拼薯條 $188鴨脾係西餐中都算係常見菜式，但通常都係就咁做一碟主菜，配落漢堡包就係好少見，可以話係比較特別既配搭。麵包十分大，比手掌更大，用上芝麻麵包，同樣烘至脆身，內面塗上牛油，好香口！鴨脾都幾大隻，連皮煎香，咸香味夠但又唔會太咸，另外，相信因為

今天是元宵佳節，友人話要帶我食好D，黎到呢間位尖沙咀的樓上西餐廳。聽友人說這間餐廳是由前五星級酒店大廚主理的，所以就帶我黎試試。但係因為友人今晚唔係放早，所以我們成9點先黎到餐廳。由於太夜黎到的關係，想食的田螺同青口都賣完了，所以就點了其他食物。點了食物後會先上麵包，麵包都很鬆軟，牛角酥唔會太油!芝士莧菜雲吞伴香草忌廉汁($78)，這款是寫左推介食物的黑板上的，我見我很久沒有吃過意大利雲吞，所以便試試。雲吞內是莧菜，所以唔會話太漏，香草忌廉汁的味道剛剛好，唔會太咸或者太淡。整體這個前菜都不會太漏!原隻龍蝦尾海鮮墨魚汁意大利飯($268)，這個飯的份量比想像中的多，而且上菜時非常香，完全刺激了食慾。龍蝦尾肉質都幾爽口，不過淡左少少。海鮮還有魷魚、蝦、帶子粒及蜆，蝦已剝殼，而且有煎過，所以好香口，帶子粒連埋墨魚飯一齊食幾有咬口。墨魚汁意大利飯不算好creamy，所以唔會太漏，整體味道都不錯!總括黎講，餐廳燈光柔和，很適合情侶來食飯傾談，而且侍應服務都不錯，會主動加水。食物質素都可以，值回這個價錢，有機會要再試試其他食物!

Amitie Kitchen位於舊商廈中, 大廈的電梯門總要開關多次才能啟動上落, 內心有點不安。餐廳內部乾淨企理, 彌補內心的不安。午市套餐有6款選擇, 價格尚算合理。精選午市套餐 $98 + 10% (14:30前結賬可免加一)1) 希臘沙律伴菲達芝士汁2) 香煎老虎蝦伴香草汁意大利飯3) 熱情果芒果橙紅茶 (熱)4) 是日甜品: 咖啡蛋糕希臘沙律份量不少, 配菲達芝士汁, 清爽可口。香煎老虎蝦伴香草汁意大利飯有嚼勁, 伴有少量洋蔥、磨菇和巴馬芝士, 有少少拉絲效果, 亦增添滋味。老虎蝦去殼煎香, 味道不錯。熱情果芒果橙紅茶採用Twinings茶包, 略有誠意, 果香撲鼻, 但呷了一口, 味道甚淡。咖啡蛋糕味濃軟滑, 小小一口, 未能滿足另一個胃。