Blue Brick Bistro (已結業)

瘋狂食日本蛋卷@Blue Brick Bistro灣仔皇后大道東200號利東街地下G35號舖日本甜品一向以美味賣相精緻見稱，在日本當地一件蛋卷，平均也要3,400yen一件. 女生去旅行會亡命買，更會亡命食。多款口味蛋卷任食之心氣店 在傳媒介紹後，$288的放題訂位也要等上2，3個星期了。口味有大人氣抹茶，奶茶味，芒果，原味及蛋卷外還有數款，焦糖燉蛋，朱古力蛋糕，芝士蛋糕，鮮果奶凍。蛋卷好鬆軟，cream打得好滑溜，芒果有大塊果肉，抹茶不用多說喜歡那餘香。朱古力蛋糕濃郁又濕潤，奶茶是cream中混了香味，厚味就嚐出有蛋香，是從小吃慣的味道。除了蛋卷仲有鹹輕食，如芝士parma ham,雞翼，炸雞粒，薯餅，魚柳等。炸雞粒鹹香惹味，雞翼亦都係一吃就可以食幾隻。芝士本身我勁愛，雞翼同炸魚，補鈣對骨牙齒都健康，連parma ham同紅酒就是品味人生。花茶好喝又夠elegant.環境好有情調另一賣點是紅白酒，啤酒和無酒後飲品任飲。雖然主角是日本蛋卷，但如果可以多加幾款鹹食如三文治及多些沙律種類好了，因女生食完甜品炸物feel guilty. 甜品真係無得彈!!!!

今日放工之後同朋友去游水，游左6個圈都未meet到我地8個圈的target 已經喘曬氣，手軟腳:攰無曬氣力之條，仲好肚餓！ 所以拿拿林換好衫後去補充一下，經過利東街見Blue Brick Bistro做緊🍴All you can eat 甜之盛宴放題（$288/位）😍😍😍，包括了小食、甜點和飲品三大類都任點任吃任飲。 雖然款式種類選擇不算太多，但貴精不貴多，勝在每款都做得非常出色，值得一讚！ 小食🍴 🧀🍞芝士及風乾火腿拼盤 🐟脆炸忌廉芝士魚柳 🍗香烤忌廉芝士蘑菇雞翼 🍠脆炸紫心薯餅 🐥炸雞味雞粒 🍓🍉🍍鮮果盤個人最喜歡脆炸忌廉芝士魚柳，吃上來味道不像魚柳，但像魷魚條，爽口彈牙之餘，還緩緩流出芝心，非常邪惡！ 香烤忌廉芝士蘑菇雞翼也是我很喜歡的，雞翼內釀入芝士蘑菇，雞肉嫩滑，非常特別！ 炸辣味雞粒 雞粒帶點辣味，香脆可口，一口一粒，佐酒一流！ 店內的蛋糕卷是日本南青山本店 No. 1 人氣首選，入口蛋香味濃，軟熟可口，還有多款口味選擇呢！ 🍮🍫甜點🍓🍰 🍰南青山蛋糕

一直很愛吃yoku moku的餅乾去親日本必買但係一直冇留意原來位於囍帖街的BlueBrickBistro 是under yoku moku偶然看到 即興試食 餐廳是位於一樓 上左一層發現風景好怡人望出囍帖街 感覺像置身外地一樣 很舒適 完全忘記稍後仲要番工呢！ -波菜配日式芝麻醬+餐湯-是日餐湯是南瓜湯 不過不失 加埋脆脆面包粒比較好味波菜加芝麻醬好味 可以黎多碟嗎？！哈哈 -主菜：虎蝦及本姑配香蔥意大利飯-呢款要加$20 味道不錯 可惜蝦太細粒 量也是比較少反而見到隔離台叫蒜汁意粉仲大碟 所以下次想試意粉 送上每一餅一塊 好吃 -甜品：南山蛋糕卷奶茶味-除左原味之外 其他款都要加$10蛋糕本身茶味不出 cream先有濃濃的茶味下次或許選原味好了

曾幾何時Blue Brick Bristo係要早三至四星期訂檯食個lunch , 個熱潮至少last 足大半。當時水準好ok ge, 今日行過，心思思想食，一問竟然有walk-in, 點知就中伏。Walk in 得户外位坐，雖然熱，不過冇陽光直射就算。點左個香煎比目魚同清酒煮蜆欖油意粉，一等，就等左廿分鐘。睇得出佢樓面完全唔夠，忙到踢腳，個前菜就一早上左，冇咩特別，唔算好食。盼星星盼月亮，主菜上場，一望，份量好少，比以前更少。我抱住可能好好食既心態去吃，比目魚係煎得ok ge, 皮脆肉都嫩，係太多水唔太夠味。不過作為主菜就一定唔值200蚊套餐應有既水平，無論量同質。個意粉就真係算數，蜆肉少、意粉乾又冇味，真係兩啖已經想放低。唯一冇變既係個南青山忌廉蛋卷，始終如一，好食既，尤其個cream 。個蛋卷單點都成70 80, 個套餐有一半吸引力係黎自佢。咁都唔提等多廿分鐘先有餐飲甜品上，又多十分鐘先埋到單。唉，失望，真係差左好多。

星期五午餐要食好啲，黎左灣仔呢間餐廳食set lunch呢度價錢中等，環境唔錯，坐得舒服又唔會太嘈。服務亦幾好。聲稱4個course但其實湯同頭盤一齊上，而且係好細份。波菜配芝麻醬正常不過不失，我食過太多更好食的。湯係紫薯湯，有啲奇怪，似南瓜湯但輕微紫薯味，唔係太夠味，配埋啲麵包糠食會好啲。主菜揀左意大利飯，啲飯好硬，一啲都唔軟棉，個汁亦唔太夠味可以濃啲，蝦好少菇都係普通，整體好一般。甜品係蛋卷，叫左一個原味一個抺茶味。原味係雲呢拿，普通蛋糕一個，略嫌甜左啲。抺茶蛋卷反而有驚喜，好濃抺茶味，一食就滿口抺茶的香味，啲cream都一樣，唔錯。講真，$148有前菜、主菜同甜品仲包野飲其實幾抵食，普普通通一個set lunch不過不失，一分錢一分貨，咁的價錢呢個質素都算不俗。想搵個好的環境同友人舒舒服服食餐飯，又唔想太貴，呢度會係唔錯的選擇。

中午只提供set lunch. 所謂走中檔路線，連麵包也没有。menu selection, 只有牛和魚。而每道菜也是紫薯。湯是cream of 紫薯連主菜也是紫薯。廚房好似只有紫薯。分量也超小，减肥者啱!我以後也下會再來!

大伙晚餐，選擇了這間"黃金"地段法國菜，但相當失望，每位收$400，但又有比較多額外點菜附加費，令人覺得複雜。先食麵包，非常咸，另加飲品係益力多punch, 味道ok但收$78+1就算係細杯，三文魚沙律味道比較好但都偏咸，湯非常普通，主菜豬鞍份量足但十分粗糙，配芝士醬汁令到成份主菜變膩，連惜食既我都食唔晒，甜品方面，得一款唔駛加錢，其他要加十蚊，但唔知佢地冇講定我聽唔清楚，不值加，因為食完發覺質素一般。環境亦不算舒適，算座得偏密集，總括而言，付出此價位去堅尼地城、大坑甚至銅鑼灣都有更好選擇，不值再去

呢日午餐同一班同事一早book好黎呢到嘆一嘆之前都食過，高質素既西餐廳。是日set lunch。(呢個set lunch會成日轉，所以一定唔會食到悶，好體貼)先上前菜同湯沙律正常新鮮、南瓜湯好濃南瓜味好開胃用黎點麵包一流，唯一略遜係麵包淋左唔夠脆我叫左煎法國野春雞ｰ有沙律菜同成日薯仔做伴菜，主菜用雞脾黎煎，煎到好香好野味，平時我唔食雞皮但佢煎到塊皮都好脆又唔燶，我都真係忍唔住食左到甜品時間ｰ原本我想叫綠茶卷蛋但佢話只有原味，呢個卷蛋真係無得彈，好濃蛋味，啲cream又香又滑，黎呢到既別一目的就係佢呢個卷蛋，佢平時仲有綠茶同奶茶味揀，我試過晒覺得奶茶最好，唔會太濃好清新最後一杯咖啡同曲奇收尾，佢個曲奇又係好好食呢餐咁就嘆左一個鐘差差電，非常滿意，下午先有精神搏殺。同埋加影同事既主菜魚柳ｰ我試左少少啲肉好滑，塊皮煎到少少脆

很久沒有走過來囍帖街，嘩！真是煥然一新，不單變成一條充滿歐陸風情的街道，更有不少知名品牌進駐，友人安排飯局的「Blue Brick Bistro」就是其中一家，據說是日本甜品名店「Yoku Moku」在海外首間法日西餐廳，無不叫人期待。蝦蟹一向是做海鮮菜式的常客，「鮮濃忌廉日本蟹膏汁扒大蝦意大利扁麵」（$228）正正將兩者作菜，利用松葉蟹膏及忌廉所組合而成的醬汁，香而不膩，令煙韌的扁麵添上一層鹹香味，這已經很好吃；再配搭上爽彈的扒燒大蝦，用料之精使人心服。再來一碟也是使用精選的日本食材：馬糞海膽、本菇及舞茸菇，「海膽意大利燴飯配日本舞茸菇」（$188）的精彩之處是很咬口的意大利燴飯，添加了海膽，提升了一個層次，煮得汁底濕潤，很好吃。不過，略嫌本菇及舞茸菇的角色變得太閒角，未有突出到其味道。「烤熊本豬鞍．抹茶豆腐汁野菜沙律」（$238）是以來自熊本的質優豬鞍入饌，豬鞍煎得恰到好處，外層肉軟，既富肉汁，又有油香，口感還有些微爽口感，好有趣；伴菜的抹茶豆腐汁野菜沙律及烤薯也做得很有心思，整體而言，是一道極富水準的菜式。既然是甜品名店，其人氣名物「南青山蛋糕卷」（$58）是不容錯過的，除原味，

每次經過利東街，都會俾呢間藍磚餐廳嘅裝橫吸引，感覺好靚，好有情調。下星期生日嘅我，就特登揀黎呢到男朋友黎預祝，係社交網站得知佢地做緊送海鮮籃嘅推廣，嘩，真係開心到爆，啱哂我呢個海鮮怪，哈哈。海鮮藍有我最鐘意食嘅貝殼類同龍蝦，食落都唔錯，海螺幾爽有螺味，龍蝦亦啖啖肉，好正，蟹腳無食到，對蟹敏感，留返俾男友食，男友話蟹腳肉都夠粗身，都食到啲海水味，唯一要彈就係上菜時間，食埋個海鮮籃，等左勁耐先上其他嘢，但又唔見佢好旺場噃。

父親節父親話想食西餐，幾個星期前行過呢一度見到間餐廳好似好吸引，好啦便俾個機會去試吓啦。因為有老人家嘅關係我哋有後門搭𨋢上去。上到去大約7:15已經全場爆滿。好彩一早訂咗位。父親節今日有優惠，order兩個＄398餐就可以得到一個海鮮拼盤。聽落好似好優惠咁樣所以我哋一台七個人叫咗四個＄398餐。因為海鮮拼盤呢四個字好吸引對佢期望好大。但係嚟到有啲失望。但係冇辦法啦送架嘛啲蟹腳完全冇味，問佢有冇醬汁點佢又話冇。龍蝦有小小鮮味，其他mussel, 螺及蝦都唔太新鮮。但係都係一句啦送架嘛冇辦法啦，不過其實佢唔送仲好囉！搞到印象差咗之前睇過呢一間鋪嘅食評導都知上菜會好慢架啦。但係真係估唔到慢到咁樣。食完海鮮拼盤之後，足足等左成個鐘，先至有沙律食。因為今次我哋嗰台有細路仔同埋老人家，我哋足足吹左佢四次，但係都冇人理。見到嗰啲員工行嚟行去，淨係識成日幫我地換碟。經理又唔過嚟解釋，搞到我老公有啲燥底，仲話想食完個沙律就走雖然等左好耐，但係沙律味道都尚算好味，雞肝多士味道都唔錯，雞肝味香濃，入口好滑。食完沙律之後唔知點解個湯唔見咗，有兩位直接上咗主菜。慢煮牛肉味道唔錯，牛肉味十足。食得出係用優質嘅食材

利東街自從翻新後便多了很多中高檔食店，雖然銅像加大紅燈籠很有廣州步行街的感覺，晚上還算是頗有氣氛～這次小儀看見此家來自日本的西餐廳有推出團購的晚市套餐，便與家人一起前來品嚐～晚市套餐團購價$300:包括餐湯丶頭盤丶主菜丶甜品及餐飲～餐廳座位不多，但從2樓露台可看到大大的紅燈籠掛在旁，氣氛十分不錯，讓人對此餐更有期待～十分奇怪的餐包：2/10單從相片也看到皺皺的，感覺是用微波爐叮熱，令麵包變得乾硬⋯完全是令人O嘴的開始自選頭盤-巴馬火腿配哈蜜瓜：8.5/10幸好這一道賣相精緻，巴馬火腿鹹香有致，質素也算高，才挽回不少分數！自選頭盤-焗海鮮多士： 6.5/10相比起巴馬火腿便比較失色，焗海鮮多士沒太特別的味道，感覺比較乾身。雜菌松露忌廉湯：6.5/10賣相不俗，口感也啖啖菇碎，可惜菌香不足，不過不失。自選主菜-安格斯牛扒： 7.5/10比較好的一道，生熟度滿意，也有肉味～自選飯/意粉-慢煮雞胸肉意大利飯：8/10比預計好吃，雞肉嫩滑，意大利飯有番茄香，口感亦適中，只是賣相不太美觀～自選飯/意粉-櫻花蝦蟹肉忌廉意大利粉6.5/10沒什麼味道，一般的煙肉忌廉意粉也會比它香濃好吃～自選主菜-紅酒

由於團購關係，encore Blue Brick Bistro 。安排了梳化位，剛好對著喜帖街的燈籠。同之前一樣，麵包先上。深色這片麵包很un, 好像是用微波爐翻熱的，反而另一款圓圓的麵包就很鬆軟，可惜忘記了影相。如果附上的牛油比較軟身就好了。接著是頭盤：西班牙火腿配蜜瓜、海鮮多士。兩款都對辦，只是沙律菜沒有醬汁，所以另外要了油醋。磨菇湯不錯，但如果同麵包一齊上就好了。主菜分別是櫻花蝦蟹肉意粉及鯛魚。意粉夠 Al dente , 味道鮮美。鯛魚沒有什麼味道。和蜜桃醬汁及枝豆蓉不夾，有點失色。甜品是南青山卷，有奶茶同綠茶味選擇，可惜沒有我喜愛的原味。二人都選了奶茶味，忌廉果然沒有原味的香滑鬆軟，不過比起坊間的仍是勝一籌。以團購優惠去 fine dinning, 如果有新菜單仍可一試

朋友生日，佢又喺灣仔返工，諗住喜帖街浪漫啲，同佢食餐生日飯先來個餐包，大個到不得了，好似係麵包舖買嗰啲size咁大，麵包好香好軟熟跟餐個沙律都算細份三文魚唔算太新鮮沙律菜普普通通鵝肝醬多士，多士好脆鵝肝醬好香紫番薯湯，都ok ,不算太濃呢碟意粉係我食過最細碟嘅意粉，得四至五啖，同埋唔似意粉，質地同味道感覺上似食緊茶餐廳星洲炒米意大利飯.,跟餐仲要加錢,味道都OK,但係都係份量極少,大概得4-5匙羹每枱送每人送一件跟餐有一件卷蛋，香滑美味 ，平時單件買都要＄40呢間都唔係唔好味，不過呢個價錢呢個份量係極之唔抵

我哋一班朋友去慶祝生日，七點鐘去到成10點半先食完。中間又有好多miss 咗嘅單。我哋叫咗個set Menu四道菜，有埋甜品。基本上每道菜要等成個鐘，個湯成8點先上.. 無論你同個waiter 講幾多次都好，每一道菜都要一個鐘頭後先到。食物味道就可以。每個人都成＄500，但係服務呢就值＄50，絕對有待改善。有排都唔會再去返呢間餐廳。