Chalet (已結業)

呢間係一間完美平衡到美食味道，環境，價錢同服務嘅餐廳，門外睇落似酒吧帶啲歐美風味，入到去個感覺真係好似入咗酒莊咁，成個裝修令人好舒服，坐低後揀咗一個set再配其他。首先上嘅係羽衣甘藍沙律呢款沙律除咗羽衣甘藍，同埋炸淮山同紅石榴，最最最驚嘆係呢款沙律嗰汁，係生果味嘅香，酸，甜，好開胃而且同羽衣甘藍好夾，將平時蔬菜帶少少嘅草味都完全蓋過鮮海膽櫻花蝦慕絲一聽呢個名都好新奇吓，食第一啖真係食神上身囉，海膽鮮甜，用條脷係口腔輕推真係海膽香直衝上鼻，再食一啖慕絲，鮮甜繼續延繼之餘，多咗少少咸香味，呢個真係讚另一樣好想讚嘅係佢地上菜次序係好少地方可以安排得咁好，先上咗兩個開胃唔重味嘅菜，接住先上龍蝦湯同洋蔥湯，呢兩款真係可以一下次突擊味蕾，所以要排係第三同第四洋蔥湯可能你會認為係簡單菜，但其實單一種材料要整得好味，過程其實唔容易，要令洋蔥焦化形成化學作用，完全釋放甜味同香味，無咗辣味同苦味，呢一碗係120%做到跟住再講講個龍蝦湯，入口口感細滑味道濃厚，龍蝦嗰種甘香味好夠，仲有唔少龍蝦肉食原來打打吓已經450字，因為呢餐真係感受到好用心好細緻嘅美味主菜係西冷牛扒，熟度係5成，做得啱啱好，牛扒兩面輕烤鎖

28號係男朋友生日簡左好耐先簡到呢間餐廳睇中嘅除左係佢嘅環境好有外國feel之外係佢送嘅生日甜品有畫碟服務雖然一定要以現金付款但都覺得物有所值最最最重要嘅係呢間餐廳唔似其他咁一黎督爆個驚喜反而我自己仲差啲督爆左啲食物質素極高唯一美中不足嘅係個rib 我覺得仲有小小雪藏味同埋跟湯嘅麵包有少少麥糠味但整體好好食

呢一間鋪頭叫做chalet，法文嘅意思係小屋咁解，所以呢一度都裝修好有心思，好似一間屋仔咁，用咗唔少木頭做裝飾，仲有磚牆，令我感覺到真係好似睇人地法國嗰啲渡假小屋咁。我哋叫左個set dinner 加多一個餐湯，香辣牛肉他他同帝王蟹餅配蛋黃芥末醬。我哋落咗order之後好快就送上餐湯同埋麵包，呢度嘅餐湯係洋蔥湯，而麵包就係大廚今日親手整嘅hand made麵包。食落去個皮夠脆，入邊又唔好太硬。個香辣牛肉他他，肉質夠晒嫩滑，上面仲要加咗啲蛋汁，令到啲肉可以更加黏，連埋一齊食增加濕潤嘅感覺，面頭仲要配左一塊脆蝦片，口感十足。至於主菜就係半熟鴨胸配提魚。我最鍾意佢個胸唔會太生，又唔會太熟，放入口感好好。條魚亦都煎得好香，魚皮煎到脆脆地啱啱好，條魚又唔會腥。至於個甜品，就係日式玉子卷同法式焦糖燉蛋嘅混合體，甜甜地，好香嘅焦糖味好特別啊。

臨近聖誕，但又因為懶所以一直無訂位，最後由男朋友係廿三號晚book左 Chalet 呢間餐廳。Book位既時候要俾HKD500 訂金，變相買定就要離手，無得再揀。睇menu係正常西餐set，無驚又無喜。餐茶：萬年不變既檸水+檸茶。最近限制緊男朋友嘅糖粉攝入，落單嘅時候同waiter講凍檸茶少甜，但佢就話呢到啲糖漿係俾客人自己落最後一直想飲甜野既男朋友竟然主動話：「算啦，飲無糖都得。」餐廳同男朋友都十分抵讚.APPETIZER原隻海膽慕絲配和風醬油泡沫賣相精緻，海膽新鮮，底層mousse香滑而實淨，唔會有甜膩既問題。不過面層泡沫就似係裝飾用多，入口化為空氣，口感上同mousse過份矛盾。香煎鵝肝配糖漬蘋果煎鵝肝嘅火候岩岩好，做到外面焦脆，內裡軟滑既效果。一刀切落去會見到鵝肝油一湧而出，單食嘅話口感同味蕾都十分享受；鵝肝下嚥之後，嘴入面剩低既油份雖然令人厭膩，但食一啖溏漬蘋果，又可以好好咁化解呢個問題。又或者將鵝肝、蘋果，連埋隔離mousse醬一齊入口，亦係唔錯嘅選擇。.SOUP法式龍蝦湯龍蝦味夠出！就算岩岩食完鵝肝，啲龍蝦味都毫不遜色，湯身濃稠而滑，配埋面頭絲絲龍蝦肉，令人頗為回味。法式

這次朋友帶我來到這間位於荃灣8咪半附近的一間餐廳，這間餐廳有兩層，一入去好有置身外國小木屋的感覺，跟出面環境完全不同，亦因為是12月的關係，門口位置佈置了一棵很美的聖誕樹，而且餐廳燈光柔和，十分有感覺。晚上餐廳有提供Set dinner也有散叫的，我們點了一份set，另外也單點了飯和甜品。set dinner-餐湯，這晚的餐湯是雜菜湯，味道夠酸，而且都幾多蔬菜，還附有一塊小多士所以點湯食。set dinner-頭盤，有兩款頭盤可以揀，我們揀選了半熟吞拿魚拌三文魚子，吞拿魚有稍稍煎過，外表是有煙燻感覺的吞拿魚味道，而中間位置是刺身吞拿魚，食落有香濃的吞拿魚味!美國頂級西冷牛扒12安士，牛扒我們點了5成熟，餐廳都能夠做到5成熟的效果。外層煎得有點炭燒的味道，肉質鬆軟，牛肉味濃，再配上燒汁令鮮味更突出。拌碟還有車厘茄、豆和蒜，感覺沒有那麼多罪惡感!set dinner-甜品，甜品牛奶奶凍，有莓醬作點綴，酸酸甜甜幾特別!黑松露薄片意大利飯配美國大啡菇牛肝菌泡沫，這款意大利飯在餐牌已講明是相機食先，飯的頂部有牛肝菌泡沫和幾片黑松露片，泡沫帶有牛肝菌的味道，很特別!而泡沫下是大啡菇，很鮮甜多汁。意

感恩社會情況緩和時，想起很久沒有相約好友相聚，揀選朋友工作附近的西餐廳。當進入餐廳令人有置身外國小區的舒適及寧靜。我們點了一個Set Dinner 另加羽衣甘藍沙律、野菌磨菇湯、燒原隻波士頓龍蝦配開心果香茅茄蓉意粉。食物的質素及份量絕不欺場。羽衣甘藍沙律沙律用咗柚子汁減低羽衣甘藍既苦澀，加上將羽衣甘藍用油炒，令口感不會太硬。炸鮮淮山不單沒有油膩感，再配上神石磂有清新的感覺。藜麥亦豐富整體口感。野菌磨菇湯及南瓜湯兩個湯煮得幼滑，若然前者配有野菌粒更能豐富口感。半熟吞拿魚伴三文魚子吞拿魚煎封了四邊，但肉質保持鮮嫩，與三文魚子同吃咸香味俱全。燒原隻波士頓龍蝦配開心果茄蓉意粉雖然用茄蓉煮意粉，但汁不會酸再配上開心果粒令其有淡淡的果仁味道。意粉的軟硬度亦控制得十分好，縱然已上桌約10 分鐘，意粉亦不會淋。反而龍蝦煮得硬了一點，若可以控制時間好一點會更好。美式燒烤醬豬肋骨配薯條、火箭菜沙律豬肋骨十分厚肉，肉質仍然保持適中，上火箭菜沙律同吃可以減低食肉後膩的感覺。朱古力心太軟配雲尼拿雪糕 、奶凍心太軟甜度適中，沒有其他餐廳過甜，但若朱古力味可以濃一點更好。是日甜品奶凍十分滑，亦是不太甜。餐廳沒有無提

今日同朋友去荃灣揀咗間好有氣氛好有格調嘅西餐廳Chalet。樓底好高裝修好靚木屋feel有雪山山區餐廳嘅感覺。好多人都嚟食晚餐， 晚餐有好多選擇有牛扒啦燒春雞啦魚啦意粉呀 我哋叫咗個牛扒牛扒都有20安士好大塊好厚切，肉汁鮮嫩好好味，牛扒高質素收貨。另外叫咗一個豬肋骨分量足夠，醬汁同豬肋骨燒得剛剛好，夠惹味。睇得出呢間餐廳嘅心是另外cocktail特色飲品係個杯好特別好靚嘅杯，出面應該無，杯身好厚所以熱情果冰好好飲，因為杯身設計唔易溶冰，保持原來味道不被沖淡。如果上嚟慶祝生日嘅朋友都可以試下呢一間餐廳我見隔離枱客都有一個心太軟蛋糕甜品可以有寫字紀念。

夜晚行完荃灣宜家傢私就近搵左間喺中染大廈對面嘅西餐吧食飯餐廳裝潢基調選用大量木材配合主題而且座位寬敞環境舒適悠閒時令生蠔西班牙珍珠蠔蠔肉白嫩飽滿質感柔滑清脆同時略帶海水清洌配搭紅酒醋或者雞尾酒醬整體內斂清爽是日餐湯甘荀薑忌廉湯質感濃滑稠厚配搭麵包香脆鬆軟而且甘荀香甜配搭薑末微辛驅寒暖胃適合最近秋涼天氣半熟吞拿魚伴三文魚子半熟吞拿魚肉粉嫩柔軟配搭三文魚子鹹鮮濃香黑松露片意大利飯配美國大啡菇牛肝菌泡沫鮮黑松露刨製薄片菌香相較黑松露醬輕柔細緻；美國大啡菇肉肥厚鮮嫩同時牛肝菌泡沫質感輕盈配搭意大利飯軟糯煙韌層次豐富美式燒烤醬豬肋骨配薯條·火箭菜沙律豬肋骨肉容易分離而且肉質緊緻細嫩配搭經典美式燒烤醬微甜惹味美國頂級牛胸腹肉·牛骨髓牛胸腹肉肉質軟嫩柔韌而且肉鮮濃重同時油脂豐腴甘香；牛骨髓質感油潤軟爛配搭焦糖薄脆口感衝突但唔違和芝士薯條粗切薯條金黃通透配搭芝士濃醬半溶邪惡是日甜品意式奶凍質感綿滑柔軟配搭紅桑莓醬平衡奶油膩感P.S. 餐廳冇自來水提供需要額外點付

朋友大力推薦的餐廳，當然要一試😛.荃灣地鐵站走過去雖要10分鐘，不過環境較為舒服闊落，服務員態度甚佳🥰會提醒我們不要叫太多菜，否則吃不完🙇🏻‍♀️姐妹👭出行，happy hour當然要飲杯relax一下啦🍸我叫了杯Ice Laventer Tea ($88)，非常清香，酒味不濃～友人叫Gin & Pear ($88)接骨木花味超濃，我不太好😛黑松露薄片意大利飯配牛油大啡菇牛肝菌泡沫($248)的泡沫甜甜的，黑松露超香🥰意大利飯煮得剛好帶咬勁👍🏻超creamy有飽腹感🤰🏻美國頂級牛胸腹肉、牛骨髓($348)賣相精緻🌺🌸🌼，侍應耐心介紹牛骨髓面上燒有焦糖，咸咸甜甜，中和油香，襯熱吃甚佳，也較少見🙇🏻‍♀️牛胸腹肉五成熟煮得剛紅，很嫩口帶肉汁😋牛味濃🐂很不錯👍🏻配菜叫了芝士薯條🍟($38)和蒜蓉bb菠菜🥬($38)，前者香口，後者清爽，份量較少，中規中矩🙇🏻‍♀️最後當然要叫個甜品🍮，蘋果金寶配雲呢拿雪糕($68)竟然用煙熏，上枱有驚喜😍入口鬆化有層次😋不過煙味太強，反而試不出金寶原味🤭和友人渡過好時光👍🏻☺️服務甚佳，氣氛又好😍雖價錢不算便宜，但值得一試😋

呢日同朋友去咗呢間位於荃灣嘅西餐廳食飯。呢間餐廳環境氣氛好有情調，仲設有bar 枱，可以俾客人小酌一杯。我同朋友order 咗兩個主菜、一個小食同一個甜品。法式麵包蟹黃意大利飯呢個意大利飯整得好creamy，飯粒軟硬適中，好有海鮮味，配料方面有大蝦同蟹箝，大蝦爽口彈牙，蟹箝肉質結實鮮甜。燒羊架鍾意食羊嘅朋友一定會鍾意，因為夠曬羶味，而且脂肪分布平均，咬落啖啖油香。配菜有番薯、紫薯、紅蘿蔔等，外面烤到焦香，散發天然甜味。芝士薯條薯條上面鋪咗好多芝士，好香好惹味，但感覺又唔會太膩，用黎餸啤酒一流！心太軟朱古力味超香濃，裡面夠曬流心，味道唔會太甜，真心唔錯呀！同朋友響呢度食飯、慶祝生日、飲杯嘢傾下計確實唔錯～

a good place for celebrating TGIF! this restaurant is located in remote location of tsuen wan. however it does worth a visit! it gave me a really chill vibe by the moment I walked in. we were led by a very police waitress. we had an order of french edible crab risotto as recommended by most of the openrice users, grilled australian lamb rack as main, french fries with cheese as side dish, and chocolate molden cake with vanilla ice cream as dessert. food came pretty slow but i can assure you that

與男朋友一家食生日飯， 今次試下chalet. 因為星期一至四晚上唔限時, 相約朋友聚會， 都係一個不錯的選擇。 我地叫左4個set dinner. 及一份羊架。 兩個 Appetiser 其實都唔錯。半熟吞拿魚配三文魚子及海膽櫻花蝦慕絲😋。但後者要另加$58， 雖然要加錢， 但值得一試。Soup of the day - pumpkin soup . 尼個就無特別驚喜。Main course 😀推介： 法式半熟鴨胸配鯷魚不論鬆軟度， 甜度， 溫度都配合到。仲事我地邊傾邊食， 都唔會變得好硬。一般般， 亦可以試👌🏻👌🏻1. 豬肋骨配著條： 豬肋骨有少少overcook , 😆硬左少少。2. 12安士西冷： 我叫medium rare ， 都出到。 但係好似出唔到牛肉既鮮味， 唔知係唔係雪得太耐尼～3. 羊架： 相對煎得唔夠香Dessert😘Sweet of the day 係奶凍。 如果有機會， 一定要試。 因為男朋友生日， 打電話book 位時， 話會送有一份甜品， 仲會有公仔畫，但需要比現金先可以有一份免費甜品送。😃

呢排因為做嘢所以成日去荃灣, 無意中發現呢間餐廳! 地點有點隱秘, 唔近地鐵站, 喺8咪半對面 (即係 IKEA, 未到愉景新城) Fusion 菜為主! 餐廳環境格局似蘇豪區酒吧, 又有點小木屋 feel, 整體感覺好舒服!Well …一人一份 set dinner 再 share, 乜都有唔駛煩! 餐湯: 雜菜湯配自家製麵包 ~ 湯唔酸而味道清新, 麵包鬆軟微溫! 頭盤: 半熟吞拿魚伴三文魚子 ~ 熟吞拿魚口感有點似肉, 中間粉嫩口感細滑, 配上少少咸味三文魚子…..如果再多啲三文魚子就好喇! 主菜: 法式半熟鴨胸配鯷魚, 牛油焗薯, 車厘子 & 菠蘿汁 ~ 呢個堅好味! 外皮煎得香脆, 半熟鴨胸完全無羶味, 肉質口感嫩滑, 濃濃鴨香味, 滿滿肉汁! 我鍾意菠蘿醬汁多啲, 酸酸甜甜, 中和油膩! 主菜: 美國頂級西冷牛扒 12安士 ~ 原來都幾大份…煎得好香, 脆邊! 油脂肉香滿滿, 入口爆肉汁, 不過7成熟左少少, 5成好啲! 是日甜品: 奶凍, 好幼滑, 不過我本人唔喜愛 mousse…. 註: 好少西餐配菜好食 (即係墊底嗰啲呢…) 個豆角軟硬度剛剛好! 特別欣賞個焗蒜頭,

是日餐湯粟米忌廉濃湯，口感順滑粟米味道清甜，而餐包好鬆軟香脆，單食食得出好重牛油香，沾埋湯更一流。前菜半熟吞拿魚配三文魚籽，略煎過既吞拿魚，魚肉質地依然幼嫩，加埋三文魚籽既鮮味一齊食份外鹹香。另加HK$58可以升級簡另一款前菜鮮海膽櫻花蝦慕斯。 主菜我地叫左美式燒烤醬豬肋骨配薯條火箭菜沙律豬肋骨並排係到，濃郁既燒烤醬佈滿每一條，見到都覺得好吸引，非常易切，可以輕易咁用刀切開成條，配上帶點苦澀既火箭菜，夾搭黎食都幾岩味。 法式半熟鴨胸配鯷魚 半熟鴨胸都幾大件，口感軟滑，煎起黎都keep到肉質夠嫩，有鹹香味。甜品係麵包布丁，質感好豐滿，味道較為淡有淡淡布甸味，蛋味唔太濃都唔會太甜，賣相唔錯面層仲加上朱古力醬同糖霜，好飽呎又豐富既一餐，同朋友約黎食飯一流。

時間未到，人已到，因為原本計劃行程去唔到，本來以為過唔到嚟，仲通知店家如需提早關門通知便可，見一直無回覆，叫人都到咗，就試吓，好在附近環境尚算正常，好多人真係行街，總算放心。約咗晚市開門時間，為免企門口所以行到夠晒鐘先到，已有一枱入座，被安排到角落落地玻璃位，外面聲音入哂嚟，背景音樂又大，不太舒適。坐低職員放低餐牌，轉頭就回來落單，因為餐牌從未改過，一早睇定可以即時落到，兩份Set Dinner。是日餐湯，洋蔥湯及包，一上湯已見大量洋蔥，但飲落係牛骨粉定濃縮牛骨湯膽？同越式湯底味道一樣，係無油面，洋蔥有少炒過，見到少許燶位，但明顯連金黃都未到，更唔好話最佳甜度，之後蒸煮加入，湯入唔到味，變咗食煮洋蔥。餐包扁平，法包脆皮，內質筋性，微暖，口感唔錯，但湯太差，做唔到提升。頭盤，半熟吞拿魚伴三文魚子，半熟吞拿魚有用煙燻處理，望落中間雖然紅，但咬落質感已改變，少帶韌性，微微煙燻味帶有鹹香，味道剛好，三文魚子帶有鹹鯹，配上淡味芥末醬，去除到鯹味。主菜之一美國頂級西冷牛扒12安士，叫了七成熟，感覺似八成，但厚身牛扒不易處理，火候很平均，切開有少少血水，之後是深色的肉汁 ，質感軟熟，容易切，入口牛味