Explorer Fusion Restaurant (已結業)

入到餐廳最吸引我既地方有兩樣，第一就係壽司枱，估唔到一間西餐廳會有得食壽司刺身，之後先發現原來係西日fusion餐廳。第二就係Alan Walker，見到電視播着Alan Walker嘅concert?!，亦見到職員着住Alan Walker concert T恤，我即刻振奮起來，因為我都係alan walker 粉絲！女朋友一入到黎就話好鍾意呢間餐廳，因為女朋友係哈利波特迷，而餐廳門口有霍格華茲四間學院嘅旗，另外牆上亦貼滿哈利波特既poster。首先出場嘅係西餐代表－雜苺沙律配哥跟蘇拿芝士份量非常多，就咁食哥跟蘇拿芝士味道可能比較苦，但鍾意佢個質感，夾住沙律菜同草莓藍莓一齊食苦澀味冇咁重。日本代表方面，我哋叫咗特選刺身六款，有三文魚、吞拿魚、甜蝦、帶子、海膽同油甘魚，三文魚同吞拿魚晒厚切，帶子入口充滿鮮甜，甜蝦大隻之餘亦爽口。好多人都鍾意三文魚，而忽略咗油甘魚嘅存在，但我認為油甘魚嘅美味比三文魚有過之而無不及，而餐廳嘅油甘魚，口感油滑幼細，證明餐廳所用嘅材料非常新鮮。和牛漢堡賣相非常吸引，尤其是嗰隻太陽蛋。漢堡包皮脆，充滿牛油香，漢堡包亦非常厚身，非常juicy，薯角炸得非常脆口。另

今晚去咗石門食飯喺石門站一出就左邊京瑞廣場一期右邊二期兩邊都好多嘢食邊行邊決定行到最盡轉彎有間食fusion菜望落好似bar有得坐outdoor氣氛幾好可能位置上輸蝕少少雖然好近地鐵站但好轉個彎位先見到京瑞又多街坊食店佢價錢比附近食店高少少但又唔算好近第一城所以夜晚冇咩人但佈置已經相當有聖誕氣氛聖誕唻飲嘢應該幾ok有時揀fusion菜大家會有啲猶疑因為唔知啱唔啱合味求其影兩頁menu俾大家睇先其實佢係西餐還西餐日式還日式去到呢度通常心底有個疑問通常牛腩河店得牛腩河賣就會好好食周身刀嘅餐廳通常冇張利呢個疑問喺我試第一個沙律嘅時候就打破咗首先佢真係好多唔同材料幾乎每一啖都係唔同食物有牛油果煙三文魚車厘茄同各款唔同嘅菜但係全部都好夾沙律醋好好味好開胃 同埋有少少芝士粉點綴👍🏿👍🏿👍🏿之後再嗌咗個爆丼繼續係每啖唔同魚生呢個爆丼真係誠意之作所有我鍾意嘅魚生共冶一爐而且魚生係出乎意料地高質素伴碟嘅漬物都好清甜👍🏿 薑片好清新個丼有赤身 拖羅蓉 海膽 三文魚腩 元貝等飯好似有好少嘅醋 啱啱夠啲飯粒爽口又冇乜醋味丼飯嘅魚生係多過飯😆之後要印證吓佢嘅西餐個黑松露忌廉溫泉蛋意粉松露醬好足忌廉好夠cream

朋友生日，所以揀左間近佢公司的餐廳食飯佢話呢間滿足左佢想食日本野又想食西餐的慾望，哈哈先黎沙律：煙三文魚牛油果沙律呢碟沙律調味唔錯，有柚子味，而且食三文魚嗰陣都有牛油果香味，食物味道唔會一樣還一樣， 佢係真係撈得幾夾高質沙律「松」特選刺身6款有六款刺身，其中吞拿魚、帶子同埋海膽最好食，海膽應該係加拿大海膽，原片上望落已經好吸引。帶子好大粒，幾厚身刺身黎講，呢間都幾有鮮味香辣燒雞翼呢款雞翼有一點失望，因為佢唔辣但口感幾好嘅， 唔乾身和牛漢堡配薯角呢個賣相100分完全挑起我嘅食慾！！ 個太陽蛋流最d蛋黃汁出黎，令成個漢堡包更juicy同滑。個漢堡都幾厚肉，有好多肉汁！ 有洋蔥、菜同埋蕃茄可以加入去，但因為本身個漢堡同埋個雞蛋已經好夠厚，怕食到好狼狽的話可以就分開食，呢點令我覺得餐廳幾貼心岩晒女孩子。不得不提呢碟薯角係我食過嘅薯角當中最好食嘅，真心！！佢薯角外皮炸到好脆口！我同我frd都覺得原來薯角可以咁好食（平時食親都覺得好淋）梳打飲品：日式同西式食物都做得唔錯會再來

今晚同朋友慶祝生日，揀左半酒吧形式的餐廳吃飯。場內佈置聖誕的裝飾！頭盤有雜莓沙律配哥根蘇拿芝士，自家沙律油$88沙律菜裡有橙，有士多啤梨還有藍莓，味道帶點微酸，健康又開胃，感覺好fresh.時令飛機魚$238 整條魚已經切碎了上陣，而且擺設得好靚，味道好鮮甜，因為肉質鮮美。上級壽司盛合$198 分別有三文魚腩，三文魚，油甘魚，甘蝦，吞拿魚，帶子，三文魚籽，價錢平均每件$25，略貴，三文魚腩同帶子好厚身，另外海膽一點也不水，好觧！時令海膽意式燒大蝦伴香草辣蕃茄汁意粉$155 意粉上有四隻大蝦，意粉好酸甜，味道有別於其他意粉，假設味道再濃的就好。啤酒就不叫，因為晏d送人反屋企，所以叫左鮮榨橙汁$26 和熱柚子蜜$22總結：價錢略貴！

女友今天返晏，可以兩小口子撐枱腳食個lunch,屋企附近諗唔到食乜好，所以決定搭兩個站去石門搵食，石門近半年越來越多食市，選擇困難症又發作，都係問吓起石門返工嘅朋友有乜好推介先，二口同聲話一定要試吓呢間西日餐廳～餐廳好近石門站，出閘行去都不用五分鐘，朋友推介日式丼飯，但餐廳完全酒吧西餐廳格局，但有一個壽司吧枱，心中有些疑惑，先看看餐牌，除西餐外原來真的有日式海鮮丼，原來是間西日fusion 餐廳，西餐廳，我當然要個牛扒試試啦，女友就叫左個豐盛丼。湯先到，女友的是味噌湯，湯非常濃郁.更有點點魚肉，而我的南瓜湯滿滿南瓜香，香濃綿滑，接著，女友的豐盛丼先到，不像一股餐廳的海鮮丼用碗上，而更像法式菜，擺碟非常靓，看到已經想食！而且非常豐富，數一數，足足有6-7款刺身：有三文魚、吞拿魚，油甘魚、帶子⋯⋯還有我最愛的海膽，甜蝦，女友話樣樣都非常新鮮、甜美，不可不提個丼飯底，明顯經厨師用心去調煮的赤醋飯，更特顯各款刺身的䬺味～！澳洲肉眼牛扒，一上枱已聞到陣陣牛扒香味，一刀切下去，熟度剛剛好，一啖咬下去，肉質鬆軟，滿口牛排香，肉味濃郁，明顯材料好得，牛扒還配有薯角，意粉和雜菜沙律，意粉用蒜蓉黑椒洋蔥炒

之前聽同事講沙田有間食fusion菜好正，所以今日收工約咗家姐一齊去試下，餐廳位置其實都好方便，搭馬鐵去石門站然後行十幾分鐘就到！去到門口發覺佢係一間酒吧餐廳既設計，而且設有outdoor座位，如果天氣涼，一大班可以坐係外面飲下酒吹下水確實好舒服！不過我地去到個陣outdoor已滿，所以唯有坐入面！之後我地拿拿聲叫嘢食，因為已好肚餓，首先上菜係有機番茄水牛芝士沙津，佢地既有機番茄真係好甜好多汁，再配埋自家製香草汁同水牛芝士，成個沙津食完變得更開胃之後上既主菜係是日精選刺身拼盆，所有食材都係由日本同加拿大空運到港，絕對新鮮，首先要講佢既海膽來自加拿大，成舊糯米糍咁大舊，食落鮮味十足，一點腥味都冇，加上有少少海水味，一個字”正”而佢既帶子成個金幣咁大，又大又厚，肉質鮮嫩，但最有驚喜係三文魚腩同吞拿魚腩，每一塊刺身既油脂同魚肉比例比例都剛剛好，有一種入口即溶既感覺最後我地再叫咗個意式燒春雞配紅酒燒汁，首先佢雞肉燒得剛剛好，配上佢地特製既紅酒汁同熱辣辣既脆香薯條，簡值人生一大享受！

今日特意黎到依間餐廳為友人慶祝，朋友對食物有一定既要求，所以特意挑選左依間餐廳。餐廳地方不算大，但每個座位既空間都可以既，室內也有座位，環境唔錯，適合三五知己一齊黎食飯傾計。前菜什莓沙律配哥根蘇拿芝士，自家沙律油 ($88)：單單賣相已經知道食材質素高，沙律菜唔苦，藍色一大一大塊，什莓甜中帶少少酸，連埋自家製沙律油一併放入口，多種不同味道夾埋一齊剛好平衡到各方面，好有fusion既感覺!日式菜式特選刺身6款 ($298)：包括鮮甜而份量多既海膽(二切)、個人至愛油甘魚 (二切)、新鮮吞拿魚 (二切)、十分厚切既三文魚 (二切)以及甘蝦(二切)。依6款刺身放系一大架船上，每份刺身既擺位亦有心思用黎打卡post 美食圖就至啱

今次就朋友 係佢屋企附近食dinner 難得黎mos 呢個食物沙漠 試下石門啲新餐廳 🍴見呢間都幾多人食 環境又幾chill 就試下啦叫左個雜莓藍芝士salad 個cheese 同啲沙律🥗菜好夾 仲有好特別嘅沙律油 感覺好fresh 食完食慾大開 另外叫左兩個main course 同friend share 食一個係我地都好鍾意食嘅蕃茄大蝦意粉 蕃茄汁仲有啲soicy 嘅 好足料 好飲你都有3/4隻羊架 唔會全熟 夠熱又小小紅 食落好juicy 點埋佢個汁食 好特出到羊肉味 羊架有兩大件 配埋個薯蓉 好正 另外為左興足happy friday n 一啲開心事 叫左一set 刺身食 有大甜蝦 鮮甜肉厚三文魚🍣 個大海膽杯 底下仲收藏左帆立貝❤️😋🤤油金魚 吞拿魚 全部都係我最愛 意思不到係馬鞍山有好野食之餘 仲係一間fusion菜食到好味野 唔伏環境都好好靜中帶旺 又有氣氛 店員服務好 仲有節日優惠 drink drink🍺買二送一 仲有萬聖節🎃裝飾佈置

見Openrice好多好評就同男朋友去試下Lunch time時間都ok多人 以為冇伏啦咁入咗去個貌似係老板娘就串串貢 成個茶記職員咁都算 咁我地就坐低咗嗌嘢食 我男朋友就嗌咗個魚生飯而我就嗌咗個自選意粉 揀咗青口配蘑菇汁加配咗個湯 係我鐘意粉嘅南瓜濃湯一飲完全係顛覆咗我對南瓜湯嘅認知 完全一飲就知一滴忌廉都冇落 南瓜又打唔溶 好似食緊bb啲糊仔咁 仲要一路飲一路lur番啲南瓜鬚岀黎 喂大姐 唔係南瓜加啲鹽同胡椒打埋就可以叫湯囉至於個意粉 一食真係不得了 油到不知所謂 完全食唔到仼何蘑菇味 啖啖都係油 個青口仲要凍冰冰 貌似係雪櫃拎岀黎兜兩兜就放上枱 同男朋友一致認為成餐飯最正常得個檸茶呢篇係我第一篇打嘅食評仲係負評就獻咗俾佢！點解會打係因為當晚食完後我就發燒然後瘋狂肚屙 仲入埋醫院！到今日先岀到黎！驗完大便種咗菌話係因為食咗未徹底煮熟嘅食物引致！雖然我唔肯定真係佢地！但我好肯定我成日冇食過其他生嘅食物囉呢間嘢真係貼錢俾我都唔會再黎！

前幾日係萬聖節，因為返完工都好攰，所以收咗工就約埋男朋友係新公司附近度食飯慶祝而公司對面就有間酒吧，但其實都有午餐同晚餐食既餐廳仲設有露天位置掛住d假手假腳，仲有啲公仔人頭，睇落真係有啲驚但係好配合萬聖節嘅氣氛講返d食先~煙三文魚牛油果沙律🥗三文魚份量多，沙律菜夠乾淨令我最驚喜嘅係佢加咗d三文魚子，食落口感更加豐富除咗我哋快啲個沙律之外，藍芝士嘅沙律好似都幾吸引特選6款刺身（竹）$398，有啲人可能覺得價錢好貴，但當你見到個盤刺身個陣，就會覺得物超所值因為真係好高質當中嘅赤蝦蝦頭係炸過嘅，成隻食落肚都得超肥美既三文魚腩超好味海膽同帶子都好新鮮推介慢煮西班牙黑毛豬配薯角首先賣相靚，味道好正！慢煮時間岩岩好，食落好淋，完全唔似食緊豬肉咁臨走前見到餐牌上有自選魚生丼同自選意粉，下次放lunch可以再食過今餐好滿足，雖然我地唔係食咗好多嘢，但全部都好高質，餐廳又有好嘅氣氛，係一間不錯既餐廳

今日收夜搵食入到沙田 仲要去到石門🧚‍♂️ 就係為左呢間Explorer Fushion Restaurant 因為朋友極力推薦！！🧚‍♂️ 就信下佢啦🧞‍♂️因為都夜啦 我哋就打算叫一個刺身 一個main 同啲小食share🧞‍♂️ 又可以試多幾款食物阿嘛🧚‍♂️🧚‍♂️呢款特選刺身（松）都有六款刺身 不過部位同用料就冇 （竹）咁正 但$298抵食啲🧞‍♂️ 當中帶子同三文魚夠哂鮮！🧚‍♂️ 又有魚油味！不過海膽就係香濃中有少少澀果種🧞‍♂️ 刺身每款都夠哂厚切 正！🧞‍♂️🧞‍♂️🧞‍♂️Salad識叫緊係叫house salad啦！🧚‍♂️ 有好好食既avocado🥑 仲有好多切粒既三文魚同同八爪魚🐙（勁鮮甜）魚生既份量真係好多！$80一啲都唔貴！仲有個小食- 吉烈炸生蠔配明太籽沙律醬🧛‍♂️呢個係staff介紹既 一共有四粒炸生蠔🧞‍♂️ 新鮮炸起 粉又唔會厚！仲食到入面夠哂juicy！🧞‍♂️ 雖然係炸 但生蠔唔會話有好重雪味 size都可以接受！🧞‍♂️🧞‍♂️ 明太籽沙律醬既明太籽有少少辣 但配炸生蠔就唔使驚太辣 沙律醬又balance哂🧝‍♂️Main就要慢煮澳洲羊扒 慢煮唔怕煮到老哂 肉汁又可以lock

去完日本後一直都好掛住日本菜，睇到人地推薦這間日本fusion菜一於試下！什莓沙律配哥根蘇拿芝士今日叫既前菜十分fresh, 雜莓包括士多啤梨，藍莓，大大好新鮮，配埋特製既沙律醬汁，酸酸甜甜十分開胃。反而那個哥根蘇拿芝士，第一次試中間好像有點黑黑的比較苦，我真的不太懂得欣賞。特選壽司盛盒包括有三文魚腩，油甘魚各2件，牡丹蝦，吞拿魚腩，帶子，海膽各一件。壽司真系好新鮮，職員指他們的材料都是從外國航空直運的，每天都新鮮運倒。三文魚腩，油甘魚油脂和肉比例剛剛好，牡丹蝦彈牙，帶子入口即溶。平時我好少叫海膽因為唔新鮮既會好腥，但呢個真系好新鮮有海膽獨特的香味。炸生蠔配明太子沙律醬炸生蠔外脆內軟！出面既炸粉系用木糠在外圍包住炸，炸的時間控制得剛剛好，唔會過火，所以入面既生蠔唔會過熟，有口感亦有鮮味。真系好想食多舊，不過數目太少了。明太子沙律醬咸咸甜甜，竟然同炸生蠔好夾。

以前喺石門返工，佢簡直係一個美食沙漠，宜家開多咗好多好多好多新餐廳！！！石門嘅朋友仔幸福了！！！💕今次同朋友試呢間西日Fusion餐廳，就黎Halloween，舖面裝飾得好多氣氛！餐廳有半露天座位，好Chill呀！🥂❣️<雜莓沙律配哥根蘇拿芝士>沙律份量好多😍沙律菜同雜莓配搭非常豐富，而我係一個芝士怪，d芝士好creamy好有奶香😍👏<時令飛機魚>師傅刀工唔錯，刺身夠哂新鮮，入口爽口！<蟹皇卷>呢個真係不得了，每一啖都係肥美海膽、三文魚籽、蟹膏，海膽好creamy，蟹膏甘香，好正呀！<慢煮澳洲羊扒>中意食羊的話，就要試喇！羊扒肉質嫩滑，咬落好juicy保留咗好多肉汁，亦煎得非常香口！

朋友喺石門附近返工，我又再次嚟到呢個京瑞廣場覓食，今次經過呢間地舖，見到裝修幾特別，又打正旗號西日fusion菜，幾得意咁，就入去食lunch。座位唔算多，lunch hour剛剛滿座，又唔好嘈吵，感覺舒服。揭開餐牌見到有好多食物，上至意粉沙律，下至壽司刺身樣樣有。店員介紹有自選意粉同魚生丼，自由度大，揀咩都得！我同朋友兩個人，梗係揀一西一日啦！餐湯都好有心思，西式方面有忌廉南瓜湯，煲到軟綿綿，食落幾漏下，但兩個人share岩岩好！日式則有面鼓湯，留待食到一半再飲！意粉我哋叫咗松葉蟹肉 有機蘆筍 香濃忌廉汁意大利粉加哂所有材料98元，呢個價錢食到意大利餐廳既水準， 材料豐富新鮮，落足心機，出嚟時熱辣辣，意粉唔會太稔，忌廉汁濃郁，我朋友讚不絕口！日式我地叫咗招牌菜Explorer 豐盛魚生丼亦係98元，黎到呆左，擺碟好靚，不同種類嘅魚生刺身一層疊一層，再有海膽魚子鋪喺面，隔離有菊花瓣做點綴，賞心悅目！！刺身新鮮，魚生肥美冇筋，海膽冇腥味，好超值！一餐可以食到西日上等水準菜，價錢超值，一定會再來！

石門呢度開咗好多嘢食見呢間佈置得幾有氣氛，又有darts玩就試下Menu選擇都幾多餐廳名叫fusion，有西式又有日式食物提供即係又可以食壽司又可以食下pasta啱曬唔同人口味最後拍板叫咗2日2西！先叫咗個煙三文魚牛油果沙律上面舖有魚子沙律汁用上油醋味道好夾，伴有牛油果粒，增加口感煙三文魚份量都唔少叫咗是日精選嘅刺身，𩶘魚雖已薄切上枱，但魚肉肥美，食落魚油味濃鍾意食日本嘢嘅我再叫咗火炙壽司拼盤好鍾意火炙壽司燒過魚肉後，會更肥美擺盤都有小心機，見到擺得靚靚都即刻加分魚肉上放上海膽再燒，多咗陣咸香另外叫咗慢煮美國豬肋骨上枱時比佢嘅份量嚇親搬開舊骨，下面全部都係薯角！呢個豬肋骨十分驚喜！慢煮果然令到肉質熟度啱啱好既唔會鞋口，又唔會太過軟，散收收咁肉質tender，帶點爽配上bbq醬，雖然份量對2個人黎講好多，但都忍唔住食曬！薯角新鮮炸起，外脆內軟，清曬！會為咗呢個豬肋骨再黎！下次要多d人一齊，試多幾款見佢lunch都幾吸引影埋menu比大家參考下