Explorer Fusion Restaurant (已結業)

今日，又是我吃喝玩樂的好日子。愛上沙田，沿馬鐵線邊玩邊吃。沙田石門，一個新開發的地方，人來人往，熱鬧非常。步出車站，行不到三分鐘，看見這一間外表似在外國的餐廳，有戶外用餐的地方，亦有播著流行曲的室內，暗暗的燈光，格外有情調。我和友人分別點了一個澳洲穀飼牛肉眼扒和一份 著名的 Explorer 豐盛魚生丼。聽著音樂，美食很快就送到眼前。先來一個麵豉湯和南瓜湯。跟著一陣肉香味就隨風而上。眼前這件肉眼扒，有成2cm 厚，5成熟，肉質嫰滑，肉汁在口中爆滿，入口容易咀嚼。伴碟的有意粉，沙律菜，炸薯條，外型賣相有心思，真是能引起人的食慾。另一碟魚生丼，味道相對較清新。最特別的是那粉紅色的沙糖，配合魚生，白飯和甜豉油，嘩，那種感覺簡直前所未有，好好食，沙糖和白飯一粒粒在口中廻旋，感覺好微妙。魚生丼中的魚生新鮮不在話下，最驚喜的居然還有海膽，味道鮮甜，可見食店用料新鮮，毫不馬虎取巧。我更發現，店鋪是用日本的白米，真材實料，正。原來，這裏在晚上是一間酒吧，將來擇晚到此處再享受喇!

由馬鞍山線的石門站出發，步行約一分鐘就會見到一間酒吧，名字叫Explorer。感覺好Relaxing，就決定同友人入去飲返兩杯。店內播放著強勁的DJ Mix，有飛標機，有啤酒機...仲有壽司吧？！What？！原來係西日Fusion餐廳，真係估佢唔到！睇咗陣餐牌，食物非常之吸引，決定轉章，喺度食埋晚飯。煙三文魚牛油果沙律 $78油醋汁嘅沙律除咗有牛油果同埋煙三文魚之外，仲加入咗頗多嘅三文魚籽！帶來了澎湃的口感和濃郁的咸鮮味。天然鯛魚薄切 $128擺盤非常用心而且漂亮！刺身排列得像蓮花一樣。無論點特制酸汁，或者豉油wasabi，一樣咁好味，新鮮就係皇道！Explorer爆丼 $238賣相相當精美，份量同用料都好誇張！二百頭就食到爆丼，真係唔講得笑！呢碗嘢出面賣起碼要四舊水...巨型牡丹蝦、三文魚腩、同埋拖羅都係超級肥美！海膽新鮮，味道濃郁；帶子鮮甜；油甘魚同八爪魚都一樣咁正。仲有大量嘅三文魚籽同埋拖羅蓉，mix埋壽司飯一齊食，真係正到難以形容。另附一些櫻花色的飯素，為飯增添一點點的甜味，感覺也很特別。慢煮澳洲羊扒配時令蔬菜 $210羊架厚切啖啖肉，配油醋汁的沙律和薯角，連燒汁、芥末和薄荷醬

有咩野可以令枯燥既星期一變得美好?小妹決定同朋友食返餐好!因為朋友想找個地方又可以食野又可以飲酒傾下計, 於是就揀左呢間Explorer Fusion Restaurant係石門站附近好方便餐廳原來係酒吧, 聽店員講夜晚10:00後會變成酒吧店鋪座位唔算好多, 但餐廳外面都可以坐店內有個好日式既壽司吧酒吧當然唔少得有酒仲有飛標 , 不過係10:00後先開放 到叫野食, 因為小妹聽到隔離枱叫店員推介下有咩好食店員都好有耐性咁講解於是小妹就決定叫店員推介什莓沙律配藍芝士($88): 什莓係士多啤梨, 好甜, 一D都唔酸 , 佢既沙律汁係自制既, 好好味 最後藍芝士既味可能未必每個人都岩, 如果食唔慣可以不選擇藍芝士凍醬油鴨胸($68): 店員話呢個要配洋蔥同旁邊既醬一齊食, 鴨胸肪肥美, 不油膩, 送啤酒一流 香草燒雞翼6pcs($78): 熱騰騰既雞翼, 幾入味, 又係送酒既prefect match 特選剌身6款(竹)($398): 店員推介小妹食刺身, 最初我都有D猶疑, 畢竟呢間都唔係正宗日式餐廳, 但食左之後, 真係好驚喜因為佢既刺身好新鮮!!!  三文魚腩(係厚切, 好肥美),

餐廳環境不錯，像酒吧一樣，其實坐在裹面空間比想像中小。我是小康之家並不打算去甚麼大餐廳，但似乎這餐廳有點自以爲是大餐廳的傲氣。一坐下來侍應哥哥就笑笑臉推薦$688的剌身。實在太貴所以沒有答應，而然後侍應哥哥態度就開始不耐煩。叫了一客慢煮和牛$188，一客三文魚扒$138，一杯紅酒$68。食物味道不錯，份量不多不會飽。最後侍應說不夠一千元不簽卡，但我看到Openrice其他食評說一家四口食了$1200侍應也是不肯簽的。其實食物可以接受，但是侍應對客人叫菜價錢的要求太高了。似乎這間fusion餐廳喜歡客人多點刺身，因爲好賺一點。如果想吃西餐不要幫襯! 侍應會黑你面唔幫你簽卡！(我和友人吃了$430) 位於石門的偽高檔fusion 餐廳其實只想做日本刺身生意！又貴又會被人嫌你幫襯得唔夠多。

Explorer Fusion Restaurant 是間獨具形格的西日Fusion餐廳, 令我深感興趣, 而喜歡試新餐廳的我, 為了滿足一下好奇心, 也立即抽空來看看。飲品方面, 點了一杯鮮榨橙汁, 酸酸地也夠冰涼, 感覺唔錯。再來個壽司拼盤, 放在一個長型的木板上，很精美的賣相, 材料看起來也很對辦，內容有三文魚腩、吞拿魚、金目鯛、甘蝦、火灸黑松露鵝肝; 飯糰握得緊緻卻不至於太實，刺身的新鮮程度也是滿意, 當中較欣賞吞拿魚和金目鯛有濃郁的魚鮮味; 甘蝦本身幾大隻, 鮮甜味道十足; 火灸黑松露鵝肝創新之餘, 味道不錯而討好的。主菜選了明太子蟹肉忌廉汁闊條麵, 麵淥得恰到好處而咬勁十足, 而且富有蛋香, 配上忌廉汁更加滋味, 蟹肉鮮味好吃, 吃完後真的滿足。

日本洋食我倒食得多，但西餐酒吧再加日式壽司我第一次見，果然是Fusion。這兒的裝潢和燈光是酒吧的格調，不過我和朋友今次純粹是踏完單車後想食餐好點的晚餐，並沒有點酒。前菜我們叫了雜莓沙律配芝士($88)。草莓和藍莓都罕有的甜。芝士的味道濃，配上沙律就能好好地調和。凍醬油鴨胸($68)。一如侍應所說，把鴨胸捲上洋蔥，再點上芥末，鴨胸肉的味果然能好好地發揮出來。而且還可以點一些醬油和白蘿蔔泥，令肉味更清晰。日式的壽司盛合($298)的擺盤超美。魚和蝦都甜美，朋友喜歡到連蝦頭的肉都啜了😂。西餐的谷飼牛柳($220) 食得出牛柳肉質高級，少筋之餘容易入口。薯蓉落了很牛油所以很好食，唯一不足的地方是我覺得薯仔可以再磨碎一點。總括來說，這裡無論西和日菜的味道都做得okay。可能我們做完運動食，又沒飲酒，所以食完後都未算太飽。不過來這兒主要是為了格調和談話的舒服氣氛，這裡都挺適合的。

作為一個沙田友，發掘沙田區的美食彷彿是我的使命，今晚就來了石門站找美食。這家餐廳同時提供西餐和壽司刺身，在沙田區較為罕見。餐廳提供戶外座位，外面是露天廣場，環境舒適。餐廳有提供酒精飲品，又有飛標機供耍樂，跟朋友來把酒談心消遣非常不錯。起初對這裡的刺身沒有特別期待，因為畢竟不是一家純粹的日式食肆。抱著好奇姑且一試的心態點了刺身，刺身竟然出乎意料的鮮味，甚至可跟高檔日本料理餐廳的匹敵。特選刺身6款 (竹）刺身拼盤包括吞拿魚腩、油甘魚、北海道帶子、海膽、三文魚子和赤蝦。先讚的是賣相，拼盤非常精緻，超高水準。單看刺身的色澤就知道是新鮮貨，全部六款刺身都是我最喜愛的款式。帶子大大隻超厚身，非常鮮甜。海膽味道鮮甜，食完大叫encore。赤蝦眼仔脹卜卜，肉質鮮味至極。其他刺身味道同樣新鮮，非常鮮味。雜莓沙律配哥根蘇拿藍芝士雜莓非常新鮮，酸甜味道非常開胃。除了雜莓外，沙律中亦加入了鮮橙。藍芝士配雜果和沙律菜，顯得更易入口。而且，酸甜的沙律醋汁跟藍芝士味道相當夾，整體印象不錯。忌廉蘑菇湯湯品中有粒粒幼細蘑菇，很有口感。蘑菇味很香，加上少少黑椒襯托，味感提昇。慢煮西班牙黑毛豬黑毛豬扒非常厚切，但完全沒有乾

今日係石門收工，見到個酒吧餐廳咁靚，忍唔住沖入去試下。好靚又好時尚既氣氛。成個環境好適合同朋友黎品賞美食同飲下酒。叫左個龍蝦湯暖一暖肚。龍蝦味超濃，好鍾意湯既鮮味。鮮甜得黎唔會太鹹，味道拿捏啱啱好。食到粒粒龍蝦肉係入邊，口感彈牙，成個湯既口感都好豐富。呢個龍蝦湯係飲過最有龍蝦味既湯。之後叫左個凍醬油鴨胸。冰鎮既鴨胸好靚。見到鴨胸中間啱啱熟，所以口感滑又多水份。鴨胸浸係醬油，吸左醬油味道，好甜好好味。個特製既醬油有陣酒香味，但味道唔會好濃，食完個味道同口感都覺得好過癮。加埋側邊既芥辣又有另一陣味道。醬油同鴨胸真係夾得超好。仲要凍食，令鴨胸更彈牙爽口！食埋佢個招牌explorer爆丼。好靚既擺設。用左高質蝦，同平時食既刺身蝦唔同，呢個大隻好多，斑蚊好靚。蝦好鮮甜，口感更加厚同彈牙。海膽又新鮮，無出水跡象。一啖食落口真係好幸福。吞拿魚又夠肥，其他刺身全部厚切同新鮮，好捨得俾料。呢啲丼最重要係要用靚既珍珠米，有珍珠米既丼係特別唔同啲。真係好食。成個口感就係鮮味不斷爆曬出黎。好高質既爆丼！！！

如果你以為食fusion菜只會兩頭唔到岸質素唔會好得去邊既話我可以話比你聽你完全錯！！！只要你試過呢間你就唔會咁講位於沙田石門京瑞廣場既Explorer Fusion Restaurant交通都幾方便搭馬鐵去到石門站A或者C出口一出就係但要留意既係餐廳既入口唔係商場入面==============================選擇都幾多有日式有西式每樣都好吸引價錢都唔係特別貴牆上仲有精選餐牌其中刺身仲要都係非急凍處理咁由日本直送咁正？當然要一試啦雜莓沙律配哥根蘇拿芝士+自家沙律油($88)自家沙律油真係好香雜莓包括有藍莓同士多啤莉，兩樣同埋Ｄ橙都好新鮮好甜，而且唔會酸沙律菜都好新鮮，咬落去好爽身好有口感但係哥根蘇拿芝士係藍芝士黎味道比較濃，如果食唔慣濃味芝士既朋友可能要留意下手釣鰺(池魚)($238)極力推薦！！！！！淨係個擺盤已經令人食指大動啦原條既池魚睇下去得幾靚刺身每一啖都食到好香既魚鮮味當中仲有少少好吸引人唔會令人討厭既魚血味每一啖都齒頰留香，鮮味係口腔到停留到好耐唔係我誇張佢既鮮味甚至係我食完佢十幾分鐘之後仲仍然停留係到真係不得了上級壽司盛合（三文魚腩、三文魚、油甘魚、甘蝦

好中意依 d fusion 餐廳有日本 o野食又有西餐一次滿足兩個要求 o甘 精選自家沙律充滿魚生有三文魚, 三文魚子同兩種八爪魚沙律唔止得沙律菜, 仲有依家好 hit ge 牛油果呢超級豐富 ar店員介紹 ge 幾款刺身~大中 toro 加赤身, 食勻哂呑拿魚各部位 赤蝦大大隻好彈牙, 連蝦頭都炸得香脆食埋!火炙過 ge 大 toro 油香爆滿!燒完之後味道更加濃郁呢 冇筋 ge 中 toro 好軟滑~跟住 main dishes 就轉 o左 channel, haha慢煮澳洲羊扒控制得好好羊扒唔騷, 仲好幼嫩, 超好味 黑松露忌廉汁意大利粉好 al dente個汁好 creamy, 黑松露味突出加埋個溫泉蛋真係無得彈 ar

石門係沙田新開既大型商場，就係正馬鐵站旁，非常方便。我知道個度開左好多食肆，所以特登同男友去睇下有咩好東西吃俾我發現左呢間好特別既餐廳明明係西餐廳既環境，但入面有有個日本壽司既counter原來係日西餐都有得食既，咁特別都有既煙三文魚牛油果🥑沙律牛油果不嬲都喻為生果界既三文魚，兩者溝埋一齊都真係分唔出加埋黑醋同三文魚子，提升鮮味，仲特別開胃飛機魚飛機魚，即係時令，當做既魚。今日呢款係𩶘魚，師傳特登做薄切，塊塊都透光就知師傅刀功幾好配埋特別調製既酸汁，鮮味非常特選壽司🍣盛合我只能講，鮮！係香港好少食到咁高質既壽司，我真心覺得好似飛左去日本咁。而且手握壽司大小適中，唔會一夾就散，真係超高質！慢煮西班牙黑毛豬舊舊都係少粉紅色，剛剛好。咬落多汁唔講仲超嫩！而且淡淡既香料味，係我食過既慢煮黑毛豬黎講，絕對可以排TOP 3內！餐廳環境舒適，店員服務很好，食完壽司仲會幫你換碟食熟食。而且我覺得價錢非常合理，因為所有野都係我期望以上。而且餐廳仲有啤酒，其實同三五知己收工都可以黎小酌一杯，放鬆一下

唔係响石門返工，正常真係好少會特登過嚟食飯，但因為有咗呢間餐廳後，我一個月都會起碼過嚟一次，因為喺沙田區想搵一間見得人嘅日本嘢，呢一間係一個好嘅選擇。另外佢嘅意粉同扒都唔錯，今次唔記得影相，有機會下次補返。之前嚟仲有生蠔，但今晚冇，問老細仲會唔會返貨，佢話要睇吓來貨新唔新鮮。聽講兩位老細都係酒店出身，食物都係跟酒店一齊攞貨，有保證！餐牌見到午餐價錢性價比幾高，我未試過，如果喺附近返工，建議大家可以試吓。

慶祝紀念日，不過已經懶去人多擠迫的地方，所以主力尋找屋企附近的小店。石門越開越多食肆，而且比較少連鎖式餐廳，偶爾我們也會去嘗試不同的食肆；這次選擇的這間西日fusion餐廳在openrice都有不少好評，而且也有happy hour，所以即使是平日人流也不錯。最近看到很多報道說牛油果很健康，所以立刻點了個牛油果煙三文魚沙律。我們都對三文魚的評價很高，吃得出很新鮮，和雜菜牛油果很配。醬汁調校得很好，不會太酸，而且加了三文魚子把整個沙律的味道增添層次。聽老闆推介，雖然有點貴，仍點了當造的北海道秋刀魚刺身。首先上碟的造型已經大加分，擺碟像兩朵花似的。以為秋刀魚通常都是吃燒的，第一次吃刺身，原來八至十月是他當做的季節，很老土的說很有魚香味！而且非常肥美，入口軟綿，令我大開眼界。另外還有個特配醬汁，怕腥的人點這個會蓋過那個味道。在日式部分，還點了一份火焰壽司拼盤。依照日本正宗做法，在壽司𥚃已加了醬油和少許wasabi，非常夠味。有吞拿魚魚腩、三文魚腩、帶子等等；除了用上親鮮肥美的部份，還加了一點海膽，在口感和味道上到加了點綴，非常特別！主菜點了個慢煮西班牙黑毛豬扒，也是他們推介的。一向怕豬扒韌的

石門鄰近第一城，坐馬鐵到石門也很方便。京瑞廣場的周圍食店林立，其中一家的外表看起來像酒吧，於是我便選了西日fusion的Explorer Fusion Restaurant。餐廳內的裝修也很有情調，一旁更有日本菜常見的壽司吧枱，另一旁則是西餐的裝潢。餐牌內概有刺生和創作壽司，又有意粉和牛排，選擇也十分多。除了餐牌外，店員更會推介一下當日精選，讓食客能吃到想吃的美食。首先，我們點了一客煙三文魚牛油果沙律，沙律除了煙三文魚外，更有牛油果和魚籽。魚籽味道濃郁，配上清新的沙律菜，令人食指大動。此外，我們更點了凍醬油鴨胸和香辣燒雞翼作為小食。凍醬油鴨胸味道一流，鴨胸伴洋蔥和芥辣醬後，入口除了感受到鴨胸的肉香外，洋蔥和芥辣更為你的味蕾帶來了一點小刺激。至於香辣燒雞翼則燒得十分嫩滑，微微的辣味更令雞翼變得十分惹味可口。刺生方面我們吃了赤貝、牡丹蝦、八爪魚和日本活帶子。赤貝的肉質十分爽口肥美，口感爽脆之如，更帶有豐富的鮮甜味。牡丹蝦也十分一流，蝦肉甜美，蝦身肉質也很豐厚，吃下時更帶有甘香味道。而活帶子更是珍寶級，肉身肥美，吃下時更鮮甜美比。此外，更點了一客火炙黑松露鵝肝壽司，鵝肝燒得剛剛好，帶有鵝油的

位於石門站旁京瑞廣場一期地下的 Explorer Fusion Restaurant ，是一間主打西菜日菜的餐廳，夜晚結合成一間酒吧。Fusion 的主要意思是融合， 不管是東方、西方，取其之長補其之短。餐廳menu主要分為兩類，西菜部分有common扒類及意粉漢堡包等。日本菜部分有刺身壽司等等。另一種是西日fusion菜式，例如黑松露海膽醬忌廉汁意粉，黑松露海膽帶子壽司。此類配搭較新穎，但不乏捧場客，要遇到好食兼性價比高，可考慮到石門一闖🏙️。沙田區少有設有户外餐座的酒吧，方便一眾吸煙人士😎。精選自家沙律，有有機菜，特選魚生，牛油果，珍珠番茄，巴馬臣芝士， 配上店內自家製醬汁。（採用高級balsamic vinegar，酸度適中，甜度高🍽️）特選刺身六款（竹）$388，三文魚腩、油甘魚腩、吞拿魚腩、牡丹蝦、活帶子、加拿大海膽。 質素頗佳，性價比較高， 在尖沙咀、中環等地方可能要動軌六百元以上💰💰。中拖羅（吞拿魚腩），油脂位分佈平均，入口軟綿，但友人覺得油脂甘香未夠突出。慢煮澳洲羊扒，羊扒沒有騷味🐑，但中間的嫩粉紅位置稍為不足，不過使用慢煮烹調方法勝在肉質能保持軟腍，咬落香脆可口，十分不錯