Explorer Fusion Restaurant (已結業)

路經石門京瑞廣場, 見OpenRice 評價不錯, 就試一試...龍蝦湯~送上時, 我們還以為是贈送的例湯, 問一下侍應, 他還說不會有整隻龍蝦俾你, 但湯裡會有龍蝦肉 (一個連加一差不到$100 既湯, 都可以有半隻龍蝦"殼"的期望吧~), 他沒錯, 湯裡有肉的,  有一丁點的, 比M記龍蝦湯還少......壽司拼盤~刺身和飯都是常溫的, 味道一般, 新鮮度成疑...Main Course 牛柳~做到要求的五成熟, 水準還可以~但配菜薯條都只有數條...燒油甘魚鰭~最好的一味菜, 熱、外皮脆、肉嫩, 不錯~總括而言, 這一中價餐並不合格, $7xx 應該可以吃到更真的龍蝦湯和更新鮮的壽司~

又黎開沙田呢邊做野，之前試過係第一城河畔個邊度食飯，今次去左石門既Explorer Fusion Restaurant 度試下啲fusion菜。餐廳裝修係走時尚風，佢有西式同日式既餐牌，但我個人比較鍾意西式，所以就叫左個意式蕃茄燴美國牛肋肉條配白飯 (HKD 88)餐湯係羅宋湯，餐飲叫左凍檸檬茶。個羅宋湯幾好味，酸辣度適中，而且都幾夠料，有薯仔同蕃茄，仲有啲香草做伴碟。至於個主食好大份，賣相又唔錯，有唔少既牛肋骨。另外仲有西蘭花同紅蘿蔔添。個牛肋骨好軟熟，啖啖肉唔韌而且味道好好。 個檸檬茶就不過不失。

最近很常過來石門吃晚餐 這裡比較少連鎖式餐廳，有不少小店進駐朋友得喜歡這家餐廳的室外座位，像最近這種天氣座左外面非常舒適 餐廳同時提供西餐跟壽司刺身，很特別 店內座位不多，環境舒適什苺沙律配藍芝士沙律用上自家沙律油，沙律菜來得新鮮酸酸甜甜很開胃，不得不說藍芝士味道十分香濃日本直道鯛魚刺身鮮度十足，肉質爽且油份不重初入口，魚肉味道較淡但愈嚼魚的鮮甜愈感明顯上級壽司盛盒有三文魚腩，三文魚，油甘魚，甘蝦，吞拿魚，三文魚籽，海膽，帆立貝海膽質感紮實，入口即溶三文魚籽鹹鮮度出色，更有淡淡清新的柚子香氣帆立貝非常厚身口感彈牙，吃得滿足榖飼牛柳牛柳顏色粉嫩，肉質鬆化不帶筋肉味濃而肉汁豐富烤薯仔很粉糯，吸收了牛柳的肉汁，份外滋味除了食材新鮮外，菜式的水準也很高呢 沙田石門安群街3號京瑞廣場第一期地下G10號舖

可能大家對沙田石門的了解不清楚，但其實如果細心找一找，仍能在當中嚐到優質食肆😂經openrice 的尋找，我們決定一嚐日式Fusion 餐廳 Explorer Fusion Restaurant 😍😍從石門站到餐廳只需要2分鐘的路程，十分方便。餐廳用半開放式的設計，有一半的座位在室內，另一半的在外面，十分西化🤣因為已接近夏天的尾聲，不少客人都坐在户外，chill翻兩杯🤣不到十分鐘，第一道菜 Explorer Platter上菜了😍有parma ham和煙三文魚配有芝士粒和沙律菜。餐廳十分體貼地附上了甜酸的沙律醋，減低芝士的肥膩感和火腿的咸度😆值得一讚的是芝士十分香濃和creamy,與parma ham十分合襯。然後凍醬油煙鴨胸上菜☺️凍煙鴨胸出其地十分鮮嫩，沒有雪藏味，醬油地鴨胸本身的蘇味帶走，十分滿意😘飲品方面，我選了熱情果梳打，十分清新宜人，不會過甜或偏淡。而男友點了咖啡😆Explorer 爆丼隨即上菜😍😍份量十分大，刺身有三文魚、呑拿魚、油甘魚、帶子、章魚、(牡丹蝦?!)全部都十分新鮮😘😘😘三文魚籽大大粒，入口即化，非常滿足☺️☺️☺️男友點的和牛漢堡也上菜了😂賣相十分精美，和牛扒也十分

睇外觀你以為係酒吧🍺？ 其實佢仲有西式x日式fusion 菜食嫁 餐廳環境好舒服 好適合朋友聚會 而家秋天仲有陣陣微風吹住🌬 坐係露天位非常之舒服☺精選自家沙律🥗有機菜x日本刺身係一個唔錯嘅選擇 沙律除左有菜之外 仲有牛油果🥑 同珍珠蕃茄🍅 而上面佈滿三文魚剌身🐟 八爪魚剌身🐙 芥末八爪魚🐙 同蟹子🦀 再加上巴馬巨芝士🧀同黑醋 原來都幾夾嫁啵 有西式風格之餘仲有日式風味 唔會話俾某一邊搶左做主角特選刺身6款(竹)🐟🦐🥢刺身分別有三文魚腩 油甘魚腩 吞拿魚腩 牡丹蝦 海膽 帶子 刺身非常之新鮮 一啲雪藏味都冇 好鮮甜 牡丹蝦好大隻 帶子好厚 好大粒 食落好有滿足感 海膽值得一讚 食完口腔keep住徘徊住海膽嘅鮮甜味😻 真係想再encore🤤慢煮美國豬肋骨配沙律薯角🐖慢煮牛扒就食得多 慢煮豬肋骨唔係間間餐廳都有會有 呢到嘅豬肋骨經歷完慢煮之後再加上醬汁烤焗 慢煮令肉汁鎖住係裏面 切開嘅時候會見到肉汁流出 好juicy 好嫩滑 必叫之選🤤👍🏻

男朋友有朋友係石門返工，話過對面幾多野食，搵朋友同時，就去其中一間醫下肚啦。呢間「Explorer Fusion Restaurant」，所謂Fusion，就係西日餐廳。😳我地難得唔太餓，叫左少少野試下，果到啲野都唔平嫁🤐—藍妹幾鐘意佢好多自選配搭，客人可以因應自己既要求去揀岩食既配料，價錢亦好清晰。—凱撒沙律配63度溫泉蛋凱撒沙律食得多，不過好少見會配溫泉蛋。😮沙律就冇乜特別，但係用溫泉蛋汁撈埋一齊食，係另一種新鮮嘗試呢。😊—特選刺身6款(竹)佢分別有吞拿魚腩、活北海道帶子、時令海膽、油金魚腩、三文魚腩同赤蝦。🐟🦐呢盤刺身可算係近來食過最好食既，全部都好新鮮。藍妹最欣賞佢既刺身唔會雪到好冰好硬，平時果啲始終會有啲雪味。😣赤蝦非常大隻，好豐富既膠質，食到漿住個口。🤤海膽味道比較重，有少少腥味，不過尚在藍妹接受範圍內。好少食吞拿魚腩既藍妹，覺得呢間既味道岩食，淡而清新。😋—慢煮挪威三文魚慢煮三文魚，最緊要唔好煮到老，呢間合格👏 能夠見到佢仲保留住魚既肉汁，唔會鞋，魚油既香味配埋醬汁，藍妹食到lam lam脷。😜值得一提係佢既薯蓉，好滑，而且好香牛油味，男朋友都大讚。💙—其實呢間野真係幾貴

同男朋友黎左沙田石門食野，就係貪呢度人流唔多，可以享受一下靜嘅環境。呢間餐廳幾特別，係日本同西餐嘅fusion bar and restaurant。雖然石門人唔多，但呢間餐廳都book爆左，同埋感覺有一部分係熟客，同侍應幾好傾。頭盤我地叫左個凱撒沙拉配63度溫泉蛋。建議一定要界開隻蛋，撈勻食，超正（我係溫泉蛋fans）。蛋汁配上酸醋同蔬菜，開胃得黎幾香。呢個fusion小食係凍醬油鴨胸，口感清新，好開胃。食完凍野想食下上熟野，所以我地叫左火炙壽司盛合，包括左三文魚、吞拿魚、帶子、海膽。侍應同我地講唔洗點任何醬汁，因為師傅已經幫我地落左海膽汁，好正。個人認為最好食係海膽！Main dish係意式燒春雞。

沙田石門一帶屬於傳統工商貿區 ，這區特點是中午有龐大的人流， 而傍晚及晚上人煙稀少。主要靠附近的屋苑如濱景花園等等 ，近年的石門邨落成以及即將的石門邨二期落成，相信人流會更加多0配合京瑞1、2期商場，店舖相繼開始營業， 社區的人流相信不下於沙田市中心。 所以很多餐廳都在此相繼落戶，要在沙田尋找美食，作為一個識飲識食的沙田人，當然要去到沙田石門 一帶出沒。☃️餐廳主打西日fusion菜式，裝修帶有酒吧風格，及帶輕微omakase的即席坐格局。🍻提供沙田區少有的飛鏢場地🥃時令新鮮刺身menu 盡現眼前🥢三文魚雜菜沙律， 三文魚用料都非常新鮮，蔬菜 refreshing。🥦🥒油甘魚 大甜蝦 兩件吞拿魚中脂， 肥美橫紋間著墨不多， 但魚肉保持鮮嫩， 較有咬口感覺， 肉味質感感覺強烈。🤩海膽新鮮程度一般，海水味不突出，但勝在夠大件。😍燒西冷牛仔扒， 點5成熟 ，望起來比較生 。但我則認為品質上乘的牛扒 ，吃五成熟已經很足夠 ，就像魚生一樣 ，很raw的感覺很有肉味。😋😋

朋友係石門收工，我地就去左石門街邊既一間Explorer Fusion Restaurant食野。呢間餐廳感應更像一間bar，入面既食物價錢合理，而且聽朋友講幾好味下。餐廳仲有其他選擇！香辣燒雞翼：雞翼肉嫩，燒得香脆可口。唔會有偏乾既感覺。煙三文魚牛油果沙律：用料好新鮮，無論係菜還是牛油果亦然。最好味係煙三文魚，有少少煙薰味，三文魚又新鮮！---香辣大蔥吞拿魚蓉卷：除了魚蓉之外，當中有些更是吞拿魚刺身，外層包住香辣的沙拉醬，味道比一般吞拿魚蓉卷更有層次感。Ecplorer壽司：吞拿魚蓉配上鮮美的帶子，食落新鮮又清甜。松葉蟹，海膽手握壽司：海膽真係大大份又新鮮，入口即溶！真係好正呀！一定要食呢度既海膽呀！---意式燒春雞伴紅酒燒汁：呢款係餐廳最新的餐單。因為我地都鐘意試新野。哈哈！燒春雞分量好足，有半隻雞。用意式烹調，感覺又幾特別。餐廳更令上燒汁，食得清淡既朋友都唔駛怕咸！👍🏻👍🏻👍🏻---我地仲叫左兩杯soda，一杯係檸檬梳打，另一杯係雜莓梳打。呢間餐廳既soda都整得好好味，薄荷葉令梳打更覺清新，而且顏色亦好靚。唔錯！無論飲品還是美食都好好味，值得回味！👍🏻👍🏻👍🏻

有個朋友轉左去石門個頭返工，平時就好懶去搵佢架啦🤣難得今日放風假就諗住去接佢收工。佢提議係附近食飯，就黎左呢間係石門站隔離商場既Explorer Fusion食野啦。佢話之前來食lunch都唔錯😋黎到門口以為係食西餐，但入到去又有刺身menu wow，攪到我有D亂😩🤷🏼‍♀️🤣果然佢係走fusion路線。有appetizer又有pasta仲亦有刺身壽司，選擇都幾多元化。另外佢都有D室外半露天既座位，都啱D鍾意呼吸既朋友🤫🤣我地今晚6點到，都有D人在外面坐happy hour。由於朋友麻麻地食生野，我地就叫左個火炙壽司🍣🍣盛合、雞翼同個和牛漢堡🍔去share。火炙壽司先上場，賣相唔錯! 有海膽、帶子、中toro、三文魚、油甘魚同吞拿魚，standard得來都幾豐富。火灸既程度剛好，面燒起左但入面個心既肉質仲好鮮味同好嫩👏🏼我食左個帶子、油甘魚同中toro，帶子好甜、而兩舊肉都好甘香😋😋朋友食另外個三款都話唔錯。唯一有少少不足係舊飯🍙有少少散，同筷子夾點完醬油就易散開。和牛漢堡🍔個份量好厚好大，除左個和牛扒之外仲有好多配菜。店員叫我地切之前用面頭個面包壓一壓隻太陽蛋🍳等D蛋汁流落個和牛扒度食

我們知道馬鐵石門站近年開了很多特色食肆，於是趁有空便到那裡逛逛有什公好吃.....這夜經過這間名叫Explorer fusion餐廳，感覺很悠閒和寫意，應該適合一大班朋友或三五知己閒聚的好地方。我們叫了三道菜—頭盤是精選自家製沙津，味道清新，不太濃味；牛油果配上新鮮的魚生，不錯！第2道菜我們叫了上級壽司盛合，餐廳用了酸薑砌了丨朵花及用了小黃菊點綴了這道菜，頗有心思。果真是每件壽司很新鮮，我尤其喜歡吃甘蝦和帶子，鮮甜之外點些芥末更惹味。最後我們叫了一碟黑松露忌廉汁意大利粉配溫泉蛋。一上菜我們就聞到一陣陣黑松露的淡淡香味，恰到好處，沒有蓋過忌廉意粉本身的味道；白汁又香又濃，配上蛋汁吃很滋味，而且非常飽肚！環境舒服配上食物更加relax自在。

在石門站C出口附近同fd交收文件，順便食埋晚飯！餐廳外牆好有歐陸風情，令人有衝動入去！呢個祝福板可以俾人留下一些腳毛𥚃面似日本的居酒屋，仲播埋音樂聽！一來我地叫左個凱薩沙拉配63度溫泉蛋，睇來佢地有將個溫泉蛋set左個度數，將個軟熟蛋搞勻，煙肉咸香加蛋cream，食落去好fresh味道岩岩好！個手握壽司有三個級别，而我地揀左中間個級別來試上級壽司組合$198好多款都係我至愛，首先食個海膽壽司，個飯握得幾好，同海膽好鮮甜，食到有少少海水味油甘魚個樣好似話我知叫我快點食左佢自選意粉，呢個主題幾好，可以任意自己配什麼食材意粉，我揀左海膽帶子磨菇菌意粉，一百蚊頭有找，個汁溝左芝士碎更加香濃!香煎三文魚配芥末子忌廉醬，個露筍好爽脆，三文魚都煎到不錯！最後叫杯飲品，今晚己好豐富

今日約左好朋友晚飯，想搵個位坐得耐啲傾下偈，於是揀左朋友之前介紹嘅呢間西日餐廳。餐廳屬於酒吧形式。可以選擇室內或室外座位。戶外環境其實都幾好如果唔係怕落雨我都會揀外面坐。餐牌都有唔少款式，日式嘅有刺身，壽司，丼等等，西式嘅有漢堡，扒同意粉之類。我地決定西日都叫啲。首先一人嚟一隻生蠔。生蠔好新鮮，濃濃嘅海水味道配合鮮甜嘅肉質，令人食完一隻想encho!之後叫左個店員介紹好多人鍾意食嘅池魚刺身。個刺身放得好靚，將條魚骨捲埋放喺側邊，仲有條有花嘅植物放左喺刺身上面。第一次食池魚，又名鰺魚，刺身入口即融，質感有啲似吞拿魚。正當我諗緊點樣唔好嘥刮埋條魚骨啲肉嚟食時，侍應埋嚟收左我條魚骨話原來廚師會幫我地炸埋佢嚟食架！之後再上枱條魚骨已經變左咁冇特別加啲咩調味，食落好鬆脆好似食炸魚皮咁，加上炸過嘅魚脂非常香口，連埋個頭都食得，出面真係未試過咁食呢。呢個池魚一味兩食，值得推介！另外叫左個凍醬油鴨胸小食。浸過醬油嘅鴨胸甜甜地，再沾芥末食，味道不錯。叫左一個主食，和牛漢堡配薯角。超大份，有沙律配菜，漢堡入面有隻太陽蛋，煙肉，芝士同牛肉。侍應教我地用上面嗰塊包壓落去隻蛋度等啲蛋黃流出嚟，先再切兩份食。切開

工作關係，果客要求係馬鐵站附近傾工作，要搵個合適環境都有d困難。又要環境好，又要食物質素好，仲要地點方便之餘仲要唔洗等。最後選擇左石門呢間Fusion菜，有西式又有日式揀，唔怕得失個客。最緊要係可以book定位！先揀食物，食飽個肚，慢慢傾工作，環境舒服，有輕柔既背景音樂，令氣氛輕鬆。餐牌選擇多，大家都對此贊口不絕。花多眼亂，最後我選擇左日式午餐—火炙四色飯。火燒三文魚好正，唔會燒得過火！魚生夠鮮味！同行人就揀左車仔麵點餐紙。係西式意粉，醬汁、配料、主菜都自由配搭。對於細食和大食既人來講最適合！一上菜，仲飄來陣陣既煤氣味（黑松露醬味）。正！整體餐廳環境好，食物質素高，價錢合理！亦會係我係沙田見客既首選地方！

今日去石門等我朋友收工，我地就諗住係附近食埋晚餐，佢就介紹左一間西日嘅fusion菜，佢話都唔錯，咁我地就去食！去到餐廳，環境似西式嘅酒吧餐廳，加上燈光同音樂，都幾有氣氛，裏面仲掛住一d日本裝飾，都幾特別，幾舒服！餐牌～～什莓沙律配哥根蘇拿藍芝士,自家沙律油～芝士味道唔錯，幾濃好香，配上自家制沙律油，好夾，沙律菜都好新鮮，最特別係有橙👍🏻我覺得好好食特選手握壽司拼盤～呢個真心正，拍得住日本！d刺身好新鮮，由其海膽同吞拿魚腩，海膽味重又濃，三文魚腩好肥美，好重鮮味，第一次係香港食壽司覺得好食，值得一試北海道鮮帶子配荷蘭大啡菇菌海膽龍蝦汁意粉～雖然佢個名好長，但係佢真係好足料，帶子鮮甜，意粉好彈牙，有口感，仲要有我最喜歡的海膽，d菇都好入味澳洲穀飼牛柳配薯蓉～牛柳口感唔錯，肉質新鮮，五成熟剛剛好，咬落口好淋食物質素同環境都唔錯，我下次都會再黎！