Mata Japanese Cuisine

营业中

休息中

好耐冇去長沙灣搵食，原來而家長沙灣廣場 3樓啲食肆裝修到好靚！見到呢間居酒居環境唔錯，出面果邊勁似小清風嘅cafe，而餐廳另一邊就比較燈光昏暗，充滿日式居酒屋嘅氣氛，仲有得飲埋特調Cocktail，就決心要同朋友食下呢間居酒屋啦～前菜有好心思，有食落去好清爽嘅柚子蘿蔔同埋走咗辣味嘅麻辣枝豆，味道好味得來又夠哂獨特～三文魚腩串(一串)💰HK$38三文魚腩燒到外層好香脆，呢到仲好窩心，特登配搭咗柚子醋比客人點 ，大大減低三文魚腩嘅油膩感～雞胸軟骨串(兩串)💰HK$48呢個雞軟骨係選用咗雞胸附近嘅軟骨，所以燒完出來會更香脆，一咬落去真係啖啖都sha sha聲，而且仲連住少少雞胸肉，成個口感更豐富～燒年糕(一串)💰HK$28用咗自家制嘅醬油來調味嘅燒年糕，醬油味道唔會偏甜，年糕口感軟糯，好味～醬油漬糖心蛋鴨湯拉麵💰HK$88鴨胸肉質軟腍，拉麵麵質彈牙！超中意呢個好清甜嘅醬油湯底，但又帶有陣陣鴨香味，真係令人忍唔住想飲哂成碗湯～古法制南蠻雞💰HK$128原本以為南蠻雞係炸嘅，但係原來古法製作嘅南蠻雞係香煎嘅，店員話呢道菜係呢到No.1嘅招牌菜！佢地特意選用雞上髀肉，用薑汁去醃再拎去香煎！鮮嫩多汁

好黎之前食過一次午餐，印象都幾好。今日跟同事在Monday blue想食點精緻，所以黎幫襯。午市沒有套餐，單點有拉麵、意粉同一個素食選擇。另可加$12有飲品（汽水，同美式咖啡）。點左個鴨胸拉麵，上碟好靚仔，有漬物，前菜，同埋甜品，成件事精緻左。鴨胸：夠味又淋身，吾太肥膩醬油流心蛋超開心，原隻蛋用筷子插穿蛋黃就見到蛋黃慢慢流出來，食落去好有蛋香。湯底夠味但又吾會好多油麵質就熟幼身既拉麵🍜可回頭既一間小店。

今次我地去左一間好有heart嘅食店，當中有好多用心製作嘅特色飲品同食物。點咗一杯yellow cocktail, 裡面有rum酒、青檸、菠蘿汁同蛋混合嘅飲品。呢杯飲品飲落去好特別，唔同味道交織一齊，有調酒嘅香醇同青檸嘅清新，加埋菠蘿汁嘅甜味同蛋嘅滑順，好有層次感。Fuji mountain：係classic cocktails加埋荔枝味。呢杯飲品好味！佢哋獨特嘅classic cocktails混合埋荔枝嘅香甜，味道鮮美又清新。飲落去令人心情愉快。小食方面，柚子吉烈大蝦脆口多汁，加埋柚子嘅酸爽，味道鮮美。大蔥雞肉串烤得香嫩多汁，大蔥嘅香氣更增添了風味。脆炸番薯條外脆內軟，食落去香甜可口，非常美味。日式炒麵炒得香氣四溢，麵條彈牙有嚼勁，味道出色，唔會有日式炒麵個種過甜感覺，份量亦好滿足二人！最後，腐乳松阪豬豚串烤得香嫩多汁，加埋腐乳嘅特殊風味，真係好開胃，松阪豬肉汁大爆發，超出我認知嘅豬肉口感！而中式花生酥係老闆娘自製，絕無添加，堅持人手用心做，味道濃郁，花生香味十足。花生酥更受歡迎到製成禮盒呢！好精美呀☺️呢間食店嘅飲品同小食真係獨特又美味，味道豐富多樣，老闆亦好好傾好有心做，下次再黎

荔枝角站出口嘅長沙灣廣場入面，有如此高質嘅日式料理，真係值得大家去品嘗食物及酒。青=青蘋果+菠蘿+Wasabi+Vodka. 呢杯真係令我大開眼界，估唔到意外地好夾，好好飲，飲落味道偏甜，菠蘿嘅甜味最為突出，加上wasabi嘅味道，撞出嚟非常夾，蓋過咗vodka隻嗆味，真係要飲過才知特別嘅味道，飲飲下就飲咗成樽，朋友都不知不覺間上腦. 哈哈！紫=利賓納+可爾必思+蘋果+紅莓+shochu.Shochu係燒酎，日本嘅蒸餾酒。配上其他味道，撞出嚟味道較甜，比起wasabi vodka仲要再甜啲，非常之易入口右口魚丼右口魚係比較深海嘅魚同埋稀有，右口魚本身魚油都較多，師傅再用火槍燒，逼咗油份出嚟，成碗都好香火炙同魚油味，再配上自己調製嘅汁，勁滿足。腐乳松板豬肉串燒師傅選取咗豬嘅面豬登肉，食落口感好爽口好彈牙，燒出嚟仲鎖到肉汁，而且師傅用腐乳醃製，但又唔會搶走豬本身嘅味道。燒出嚟有啲焦香味之餘，仲有豬少少嘅臊味，唔洗點任何嘢都好香。明太子翠玉瓜串燒翠玉瓜本身冇乜味，師傅巧秒地配上咗明太子，令到翠玉瓜吸收咗明太子嘅味道，加上燒到好淋，好香，每啖都食到明太子味。炸池魚BB池魚仔細細條，炸出嚟冇大嗰

今日同朋友去了長沙灣看電影, 看完了後, 朋友說想吃日本菜.  走著走著, 剛巧看到這間餐廳, 很像很吸引, 便決定進去吃午餐.餐廳有提供開胃前菜, 都幾好食.芝士甲羅燒蟹肉意粉 $168:  芝士非常香口, 然後甲羅燒蟹肉真係好正, 好多蟹膏, 真係超正! 蟹膏, 蟹肉份量都好多, 好豐富, 好鮮味, 幾好食.吉烈豚肉小町米飯 ($98) :  吉烈豚肉炸得好好食, 好香口. 係真係好香脆, 好好味, 豚肉個口感又好她, 不錯.另外小町米飯的日本米真的是很香, 個質感好好, 食到米飯果種香.我真的很喜歡日本菜, 是喜歡那種對細節的用心, 那種精細, 連細節也不會忽略, 絕不馬虎.在這餐廳裡我也是吃得出這種感覺, 即使是米飯也是很講究, 用優質的日本米.Apple Mojito ($48) :Apple, mint, lemom, soda好好飲, 甜度適中, 不會太甜, 個味好清新, 幾好飲.甜品 : 花生酥 :非常好吃!!!好軟熟, 非常香的花生味, 又不會太甜, 好好食, 有特色.洋甘菊茶: 用這種精緻的日式茶壺去沖茶, 特別有風味, 洋甘菊都好香, 不錯.

大讚佢嘅特色創意cocktail 青 係menu 見到有Wasabi🤣😂以為睇錯 再上網睇一睇啲相，係真係落Wasabi。 後來問老細先知道，原來Wasabi同菠蘿同青蘋果係好夾，所以佢哋試嚟整Cocktail。 飲落去非常清新， 一開頭完全飲唔到Wasabi嘅味道。後來個底越嚟越重wasabi 味，少少辛辣帶d 果香嘅酸甜味加小小酒精，好多層次！醬油漬糖心蛋鴨湯拉麵 推介拉麵麵質軟硬適中，湯底清清地嘅醬油味再加啲鴨味，上面仲加咗啲日本蔥抹。 小小嘅辛口，同佢嘅湯底非常配合。 三文甸腩 推介上菜熱辣辣，咬落去油香必曬岀來。再加佢自家秘製醬汁少少酸酸鹹鹹，有啲似日式鰹魚汁嘅味道，中和左三文魚嘅油膩。 牛蒡山 特色前菜佢味道有啲似沙翁，本身牛蒡個底有啲鹹鹹哋，上面有啲砂糖。 份量非常多，送酒唔錯。茄子大阪燒平時食大阪燒成日都食唔晒覺得好膩，第一次食茄子大阪燒。 佢嘅粉漿係用咗茄子代替，味道同平時大阪燒一樣。 因為用咗茄子所以更有口感，同埋唔膩。 味道食落好清新。蕃薯 🍠Cream brûlée 有新意一甜品，兩口感！ 佢個底喺日本番薯，上邊係cream brûlée 。估唔到個味道好夾日本

今日同個仔同事喺公司OT，咁陰工要OT，所以就決定食好D嘢，揀咗間Mata Japanese Cuisine日本料理!位於荔枝角長沙灣廣場3樓嘅Mata，真係唔錯啊！先講前菜，有我最愛嘅枝豆同酸蘿蔔。啲枝豆新鮮爽口，佢加佐麻子去整麻辣味好新鮮，酸蘿蔔都refresh好開胃。我哋仲試咗佢地自家嘅西柚Cocktail，酸甜好好味，飲飲醉佐都唔知咩事！然後，我哋又叫咗燒鱈魚片嚟食。烤得恰到好處，外脆內嫩，好好味。真係啱哂我嘅胃口，令我好開心！我哋都點咗個素関東煮嚟試下。佢係用各種新鮮蔬菜同豆腐煮嘅，湯底醬汁鮮美，超開胃。啲蔬菜甜甜地同豆腐嘅滑嫩口感好夾，好多元化嘅味道。然後，主菜嘅炸魷魚炒麵上枱喇。炸魷魚外脆內嫩，配埋彈牙嘅炒麵，真係好正呀！啲魷魚嘅鮮味同麵嘅彈性，絕對係絕配！最後，我地嚟咗個甜品，佢地自家製嘅花生酥。呢個甜點真係好特別，中式做法加上日本食材，酥脆嘅花生味道好香濃，真係好開胃，完美嘅結束！食飽之後，我叫咗杯冰美式咖啡，而我個同事就試佢哋自家釀嘅啤酒。我個咖啡香氣濃郁，味道濃厚又平衡。佢個啤酒就有啲口感豐富同風味獨特，真係令人心情舒暢。總括黎講，Mata Japanese Cu

餐廳位於長沙灣廣場，好耐冇嚟過3樓，竟然重新裝修咗有幾間餐廳進駐，呢間餐廳裝修環境都幾靚，亦都適合朋友聚會傾偈。炸獅子狗片炸獅子狗片可以一路食少少一路送酒，冇諗過獅子狗都可以成為一種送酒既小食，幾特別。叉燒和牛兩串牛肉質地軟腍，同埋夠厚身，所以啖啖肉，同埋啲牛肉醃得好入味，個人食落有少少沙嗲醬嘅味道。柚子吉列大蝦呢個餸係我個人最鍾意嘅，因為佢酸酸甜甜咁，配上炸蝦好好食。同埋佢有啲沙律醬椰菜，當餐前小食真係唔錯。嫩雞煨日式拉麵拉麵份量都幾大，上面仲有滿滿嘅菜，而拉麵嘅質地夠彈牙唔會overcook。赤 （一盒） 呢個cocktail 好特別， 係用sake , rum 加上 passion fruit 既味道，佢用sake 杯上枱，同朋友碰下杯真係別有一番風味。花生酥佢竟然花生酥又幾出色喎，酥脆可口，另外仲可以有禮盒賣。

通常在京川滬菜式出現的嫩雞煨麵，未知日式的又是怎樣的呢？午餐的嫩雞煨麵套餐，除了煨麵之外，有一小碟枝豆、漬蘿蔔、以及一小塊曲奇餅。嫩雞煨麵乍看就是一碗慣常見到的一樣，正正常常的。然而一呷雞湯，就發覺雞味甚淡，不夠鮮甜，調味亦不足。雖然有不少雞絲和切碎的菜，惟幫助不了多少。拉麵算是不錯，順滑有嚼勁。反為小點枝豆因為有山椒的香氣，較為突出。小人追加了兩隻雞皮餃子略為一試。這道邪惡小食超級窄小，食味是有雞皮脂香的，可惜肉餡較實，欠缺肉汁，兼且同樣是調味不足的。僅僅過得去。

真．高質日式Fusion居酒屋長沙灣廣場三樓而家開咗好多新餐廳俾呢間日式居酒屋門面吸引咗就入嚟試試👀👅原來係今年2023年1月先開店入面有bar枱 店外都有用餐範圍比較岩一大班人傾計 坐得闊落啲🗣️🗣️睇睇Menu大多係燒物/串燒🍢🔥主食就有拉麵/丼/意粉🍱🍝🍜酒水方面超特別🍶🥃🍸🍻🍷Cocktails 分咗有九種色都係酒配唔同果汁嘅配搭好岩女仔飲同打卡🤭免費的前菜香辣枝豆🫛係自家醃製，好惹味無諗過四川麻辣同枝豆可以咁夾柚子蘿蔔🥕又一個自家醃製品柚子汁嘅清新配蘿蔔嘅爽口好Fresh 好開胃我點咗【青】🍶$98vodka 🥃、Wasabi、菠蘿🍍、青蘋果🍏完全無諗過嘅配搭！出面都無見過好新穎有趣，酒味唔重、易入口果汁微甜、吞完個芥辣味先出、會有餘韻十分有驚喜，就算唔好酒嘅人士我覺得都完全會岩飲，大推🌟🌟雞皮薯片$68大塊、好脆、有厚度唔似出面唔啲薄到紙 食風一樣😶表層灑咗七味粉，好香口🤤三文魚腩 $38好嫩，入口鬆化表面燒得剛好焦香配埋醋汁 解膩😌腐乳豬豚兩串 $88係用松板豬嘅面珠墩！好Q彈，勁有咬口得嚟 又不會韌腐乳味唔會太搶，只係淡淡然食落似蜜糖叉燒🤣明太子意粉$78份量感人，超多明太

同家母出街食飯😆帶佢去食啲特別嘢✨✨呢間餐廳特別在有一啲唔同顏色嘅Cocktail，家母鍾意飲酒～就帶咗佢嚟試～Signature cocktail 🍸青💚一直以來都未試過飲酒會加Wasabi🤓以為有Wasabi杯酒就會好辣，但係佢冇乜刺鼻同辣嘅感覺，飲落幾得意😆😆藍💙呢隻少女顏色嘅cocktail相信所有女孩子都會好鍾意😍！飲落甜甜的，容易入口💙💙腐乳豬豚串串燒即叫即整❤️‍🔥熱辣辣咁食好正！豬肉爽口彈牙，仲用咗腐乳醬調味👍👍咸香味道令豬肉味道層次提升！✨✨✨燒明太子翠肉瓜翠玉瓜新鮮冇苦澀味🤓第一次食翠玉瓜串燒，瓜入面係仲有汁(⁎⁍̴̛ᴗ⁍̴̛⁎)關東煮關東煮超足料，有蘿蔔、蒟蒻、魚蛋、獅子狗(^з^)-☆仲要熱辣辣！關東煮個湯會好鹹，一邊食一邊飲，差唔多都飲晒成碗湯😆白子白子美新鮮，入口即溶❤️❤️❤️❤️花生酥差唔多食完之後，店員同我講話真正嘅主角依家先嚟😂我心諗呢兩塊餅點解做到主角😹😹食完先知原來好鬆化，家母食完一塊就買一盒送俾啲friend😂😂😂

位於長沙灣廣場3樓，係荔枝角站A出口上層商場，交通非常方便，雲雲中有一間餐廳非常特別，門口有一塊布簾，餐廳名字叫 mata japanese cuisine，印用一個清酒的瓶子圖案，日式居酒屋裝修，有omakase 的服務態度，會詳細解釋每道菜式，欣賞👍👍鱈魚片微微燒過，溫度微暖，作為開胃小食唔錯大蔥雞肉兩串上桌是兩串烤京蔥雞肉串，京蔥是取中段的，雞肉也很不錯的。 雞肉既不乾也滑，入口綿軟有嚼勁，搭配的醮醬酸酸甜甜的甚是美味。吉列池魚扒配脆炸甜番薯條這款魚肉質更細膩些 番薯條胖胖的 也是我喜歡的類型鯛魚丼二食配白鯛魚湯呢度嘅魚生丼最特別係可以一丼二食！不過，一開始係先食刺身嘅。師傅會準備左魚生片，一碟有六片，會建議大家先食一半，留返一半之後食，飯也落了很多配料。食完魚生就到鯝魚高湯味道濃郁鮮甜，同海鮮丼飯都幾夾。飲品叫了含酒精的啡，以Expresso做底味加上奶，再配上 Vodka, Baileys同埋Kalhua三種酒調配而成，飲落酒味唔重，有啲似Latte，好滑好易入口。甜品有二款口味的蕨餅和花生酥不得不提花生酥，果然是全店的重頭戲，亦是隱藏餐單！這塊非常出色，滿滿花生味，口感相當

Mata Japanese Cuisine.黃食剩指數:0/100呢個cocktail幾得意用左rum、菠蘿汁、advocaat蛋酒味道酸酸甜甜有啲似益力多酒感比較輕.生蠔令和之怪物食剩指數:0/100手掌般大的蠔肉質非常肥美好鮮甜唔腥.刺身沙律食剩指數:0/100沙律有油甘魚、無花果、沙律菜、椰菜絲油甘魚有先調味加上無花果好香甜整體食落幾開胃.大吟醲煮蜆食剩指數:0/100比起平時一般清酒煮蜆湯聞落酒香更突出飲落又好鮮甜蜆都有幾多隻又大隻.銀鱈魚食剩指數:0/100銀鱈魚用麵鼓處理左48小時入味得嚟又唔會過鹹由於佢地既魚係自己買返嚟再切再處理食落肉質更滑更香配飯食都唔錯.花生酥食剩指數:0/100呢個係佢地招牌每枱都係叫呢個甜品花生酥好鬆化配埋佢嘅咖啡調酒真係幾有特色

長沙灣廣場算係一個老式商場，呢排開發左3樓，有好多價錢偏貴嘅餐廳。因為要傾野，覺得呢到比較靜，唔想去附近工廠大廈d餐廳，而且近港鐵站，所以約左朋友黎呢邊試下D新餐廳。見呢間日本餐廳價錢相對合理，無隔離2間西式餐廳開價咁高，就坐低試下佢嘅拉麵。前菜係少少蘿蔔加枝豆，份量較少，不過免費的所以無所謂啦。跟住叫左個叉燒拉麵，果幾片叉燒其實就麻麻地啦，同一般日式餐廳唔同，做法好似比較港式。食完都夠飽嘅，仲有塊杏仁餅送。另外同朋友傾野傾左好多個鐘，店員無嫌我地兩個人只叫一個餐，幾個鐘仲幫我哋不停添水添茶，服務態度仲好好，值得一提呢到嘅野飲單點確係好抵。

3個女人一個堆，掛住講掛住食， 冇影相嘅概念。叫左南蠻雞 (未食過呢種整法可以係咁juicy!）慢煮牛舌 （ 老闆話慢煮三個鐘，的確係好淋滑，好入味)炸牛榜片 ~好脆好食吞拿魚蓉丼~ 口感特別， 好食甜品係送的花生so，必食。整體黎講好食，質素高，價錢抵，香港難求。。完。