Promenade 西餐廳

营业中

休息中

以前經常來吃自助餐，一個月最少來 3 次，不過最近因遇意外需要戒口，大約 4 個月沒去。是日訂了位，交通不繁忙，早到了。入座後，先到熱醺區取食物，結果令我瞠目結舌。已經是第一輪的時間取食物，好像是牛尾，裡面的紅蘿蔔是凍的、炸蝦球是早早炸定的，放到涼了。我還嘗試了即煎牛扒、煎鵝肝，甚麼來的，牛扒煎到過了時間，很韌，寧願是以前的燒牛肉，最少不會浪費食材；煎鵝肝，根本是炸鵝肝，用叉輕壓，馬上流出大量油，吃一口，滿嘴都是油，一點鵝肝味都沒有。處處都要排隊，現在廚師跟本不夠，廚師無心機煮菜，對比以前，天與地，連大快活的水平也沒有。在後段時間，刺生區沒人排隊了，取了帶子、油甘魚和象拔蚌刺生，帶子正常有鮮味，油甘魚刺生，在解凍時出錯，油甘魚肉質霉了，象拔蚌刺生肉質如象皮糖，既不爽脆，亦無鮮味。懷念以前的燒牛肉、燉湯。以四星餐廳來說，以前值 85 分，現在只值 30 分，比旺角一些不入流的餐廳的自助餐，還不如。廚師 hea 做，浪費食材，人手不足，所有即場煮食、需要即場處理的位，例如生蠔、煮麵、刺生和煎牛扒位，都要排長龍，取凍海鮮和取燉燕窩，都要排隊，令到狹窄的通道塞滿人。以前都是要排隊，但處理的速度

Promenade 的 Buffet一向受歡迎，就算市道有幾差，對餐廳食物質素，卻是絲毫無損，而且佔盡地利，旁邊是演唱會聖殿，客人大可吃過滿足，先去欣賞演唱會，所以每晚都是座無虛席，連遠離食物區的門口位都是客人，看來真是名不虛傳。生蠔餐廳每晚提供兩款生蠔，今晚都不例外，分別是蠔味較濃，而肉質爽口的法國Argent與及近年成了自助餐寵兒的美國Pacific Oyster。刺身刺身是少見的精彩，種類既多，質素又好。帶子肥大肉厚、赤貝爽口彈牙、劍魚腩柔韌可口、海老鮮甜味美、象拔蚌原條即切，都是吃得出的新鮮，加上三文魚、希靈魚及玉子，切了一碟四人份，結果都給消滅了。海鮮 波士頓龍蝦 是必然回本位，龍蝦質素好，refill亦快，仲可以食多幾隻。麵包蟹超多膏，真係好邪惡。長腳蟹爪比一般Buffet見既大隻及粗壯，肉質甜美，必食位之一。另外，有翡翠螺、藍貝同凍蝦，如果仲食得落既可以試下。粥檔是晚好多野推介，粥檔係其中之一，除了粥底係廣東開花粥，軟綿綿的相當對辦，配料更不得了，有燕窩、蟹黃、瑤柱、蟹肉、龍脷柳、皮蛋及瘦肉，今次貪心一點，除了皮蛋及瘦肉，一股腦兒都取了，結果，配料比粥底還要多

等左兩個星期 終於都黎喇一行6人加1B我地太耐無見當中5個係榴蓮愛好者 所以先簡啲間 tea buffet 食完又可以行一行 揸車去仲有free parking 3小時5點半食 嘩 已經好多人排隊 準時入去先食熱野 因為真係有留肚去 所以都食到多野既炸物平 不過好食啦沙拉 不同種類 要食多啲菜菜既即叫即煮面當然仲有魚生果啲飲品有橙汁 咖啡 茶榴蓮有榴蓮汁 蛋糕 布丁 梳乎厘雪糕 又多種類 有雪條 哈根大師同場有兩位朋友生日 特別order 細蛋糕仔要加$44滿足哂 好耐無食過咁多野時間仲早 可以行下街添

今日8月24日，約左朋友食lunch buffet, 我揀咗呢間西餐廳，我之前都未食過，但聽聞口碑幾好， 所以想嚟試下。呢度lunch buffet係由十二點食到兩點半, 我十一點十就喺門口攞枱,然後等入場,啲服務心服務都好好,態度都唔錯。 黎到第一件事梗係影返啲美食相先啦，為大家介紹一下,呢度都有好多種類唔同美食，真係好多選擇。有多款點心，粉麵飯，有生滾粥，有湯粉麵，亦都有日式的， 有豬腳薑 有多款飲品咖啡檸檬茶等，冷盤有魚生，有生蠔，有長腳蟹，有青口，有蝦， 熱葷都有叉燒，燒肉，有兩款pizza，有燒豬骨，有咖哩羊肉， 燒雞，咖哩角，薯餅，蔬菜...等等。有中湯，有西湯:洋蔥湯 ,粟米雪耳羹, 甜品都有楊枝甘露,豆腐花, 仲有榴槤蛋糕 ,亦都有其他多款甜品蛋糕, 有多款生果,亦有朱古力噴泉,仲有pancake waffles, 總之好多美食。我食咗兩個半鐘 飽到頂點，仲要好多嘢都冇試到, 已埋單$410一位（某信用卡有85折後），真係好值食， 真心算係唔錯 但甜品就麻麻地， 我推介就係長腳蟹，豬腳薑，生滾粥， 燒肉，炸雲吞， 其他都是一般還可以， 生蠔我冇試過，不過好多人排隊去拎，

自問去過唔少地方食自助餐，論食物選擇豐富，必要數到紅磡都會海逸的Promenade，即使不是冠軍，至少也在三甲之列。建議，來之前三天不吃東西，以保留食力，哈哈！誠然，筆者以往較少光顧，皆因呢度長期高朋滿座，一位難求。        Well，都係講番嘢食，太多選擇，應該從邊度講起？不如先睇凍海鮮，開邊波士頓龍蝦隻隻多羔，蟹腳是粗身多肉的好東西，仲有坊間不多見的麵包蟹，翡翠螺、凍蝦、青口等基本嘢，肯肯定有供應。兩款產地的即開生蠔，分別係美國和法國。每樣拿一打回來，五條友分甘同味，我好耐無試過咁搏命了。刺身既水準，絕對優質，尤以鮮甜的帶子，最吸引我。今期主題係西班牙風情，所以風乾火腿的款式寧舍多，仲有西班牙凍腸、八爪魚配新薯，以及重口味的蒜味蝦仁配多士，懶理之後「呵氣如蘭」。熱葷方面，亦有一系列的西班牙美食。最經典的當然是西班牙海鮮燴飯，顏色鮮艷，海鮮多元化，還混入雞肉及西班牙腊腸。西班牙雞肉田螺燴飯亦美味，不讓海鮮飯專美。另外，我素來喜歡的烤乳豬做得脆卜卜、Tortilla是傳統的味道，還有重點推介的砵酒蜜糖燴豬面頰，嫩腍入味。西班牙主題特色美食外，即煎澳洲M5和牛肉眼也是食肉獸的必然

西班牙從來是車媽媽愛吃之菜，不過去西班牙餐廳食選擇又唔太多，所以一知道都會海逸酒店的Promenade正推出西班牙風情自助晚餐，雙生兒姊妹花相約我同來大嘆熱情如火的一夜我當然即刻應允。 西班牙風情自助晚餐收費星期一至四成人＄618/位、小童＄388/位、星期五至日成人＄658/位、小童＄418/位，在酒店eShop預訂可享高達75折優惠喔！又或者跟我一樣是8月壽星也可以自助餐派對形式來慶祝生辰，6 位成人或以上惠顧自助晚餐即可享高達75 折優惠，並可無限添飲指定餐酒、啤酒、汽水及冰凍橙汁，酒店更會送上1磅芒果拿破崙生日蛋糕乙個 (價值＄280)優惠按此！ 從來喜歡餐廳有落地玻璃，室外是綠意盎然的户外酒吧加上醉人景緻很是迷人。 好了回來自助餐先看看甜品區！依舊有超多款Häagen-Dazs的雪糕和雪糕批，當中不乏夏季的新口味呢 而另我必要來吃的便是榴槤甜品，這個唯妙唯肖的榴槤其實是斑蘭榴槤蛋糕來的，有真榴槤肉在內呢！ 另外還有滑溜美味的榴槤天使蛋糕、榴槤脆酥、斑蘭榴槤班戟，也是榴槤迷必吃項目啊~ 接著有酒店名物芒果拿破崙、白酒啫喱、70%朱古力松露蛋糕、迷你甘娜蕾、紫薯朱古

在紅磡工作，基本上好多野食。不過最接近工作地點的自助餐反而無食過，就係呢間都會海逸酒店。PROMENADE西餐廳出名就係人得知，但對我來說反而聽過多次未食過晚餐，吃過午餐自助餐都幾滿意，成日同同事講要食但係都無食到，終於今晚吃到。原來這裡做緊個西班牙之夜，立刻令我好懷念之前在西班牙吃過的美食。最深刻的是這個西班牙海鮮燴飯，風味以為已經夠出色，點知有個西班牙雞肉田螺燴飯仲特別，係西班牙都無見過。 另外，又有其他如紅酒燴牛尾、西班牙馬鈴薯奄列、西班牙玉桂蜜糖多士等等，都幾多好味又有特色嘅菜式。仲有個西班牙脆皮豬，又係不可錯過。不過呢個主題不是重點，重點反而係係其他西班牙以外菜式。好多冰鎮海鮮，當中最好嘅係冰鎮龍蝦同麵包蟹，又有青口，蝦和蟹腳， 不多款式但係令人滿意的質素。最開心係有即開生蠔，兩種來自不同地方的新蠔，有的都是鮮味。另外芝士款式好多，仲有其他凍肉沙律等等。不可以錯過還有熱葷菜，最吸引係個蟹皇粥，有石班有燕窩有蟹肉，食足兩碗。仲有燒味同好多類似宴會嘅菜式，當中我喜歡的有炸花枝球，其他如龍蝦拑，鐵板薄燒金蒜香葱和牛卷等好合心意。另外即煎肉眼，一樣好得。魚生刺身好多種，最喜歡嘅係帶子

夏日炎炎, 一到呢d季節就會聯想到榴槤tea buffet, 所以一個月前就上網search睇下去邊間食, 都有幾間做緊榴槤主題㗎, 但就決定食都會海逸如果係都會海逸酒店官網買早鳥優惠, 可以享有20%折扣, 折後都係$277一個人 我地下午3點20分去到, 係大堂拎飛排隊, 3點25分就入去了, 所有枱都滿晒, 空無一席第一時間當然食冷盤, 冷盤有蝦同青口🍤, 然後就有沙律吧🥙日式食物🥗有刺身有壽司🍣有天婦羅, 有冷麵行入去有粥麵🍜, 又有點心區有pizza🍕Burger🍔有墨西哥卷🌯有細蟹蓋等等最後當然係瘋狂食甜品榴槤甜品有：即叫即做嘅pancake, pancake餡可選擇榴槤蓉或者其他生果, 而pancake皮可以選擇原味或朱古力味, 我當然揀咗榴槤蓉原味pancake, 啖啖榴槤肉🤤正!仲有榴槤流心撻, 榴槤Pizza, 斑蘭榴槤流心布甸, 榴槤木糠蛋糕, 榴槤忌廉蛋糕, 榴槤脆批全程飲咗3杯榴槤奶昔, 超好飲, 榴槤肉溝奶🤤🤤必飲除咗榴槤甜品外仲有栗子撻必定要食每次buffet最後嘅環節就係食雪糕, 有4款雪條同4款雪糕, 全部都係haagen dazs😍真係飽到行唔郁

好喜歡西餐廳的西班牙風情自助晚餐, 有齊我喜歡的美食, 而buffet line超長, 幾乎每款都想吃的我, 最後也真的吃到棒著大肚子走.  貼題美食滋味, 甜品亦是焦點, 款式也滿有誠意. 西班牙燒乳豬皮脆肉嫩, 肉汁滿滿, 特別挑了幾件近肩位的, 超好吃! 西班牙燒排骨燒得十分香味, 肉質不乾, 切來吃不覺費力. 必不可缺的, 定必是西班牙海鮮燴飯, 飯粒吸盡海鮮精華, 飯粒亦飽滿; 另外有酥炸墨魚鬚及八爪魚配紅新薯, 感到西班牙的熱情嗎? 另一款很吸引我的是醬烤黑豚腩肉, 一點也不肥膩, 烤得均勻香口. 這區美食確是數之不盡….紅酒燴牛尾、芝麻烤雞全翼、烤鴨胸釀提子牛仔餡料、香脆薄餅 走過少少, 就有澳洲M5和牛肉眼. 西班牙凍湯, 少少辣, 幾過癮; 蒜香蝦仁配多士也不妨吃吃啊~ 香煎鴨肝配葡萄香醋沒筋, 口感不錯啊~ 特別喜歡配香醋, 減油膩.冰鎮海鮮最搶手! 龍蝦是有膏的, 肉不韌、蟹腳鮮甜, 另外亦有小龍蝦、熟蝦及螺等等. 刺身有生蝦, 實在太愛吃了, 又有厚肉帶子, 希靈魚及其他魚類刺身也夠多夠鮮. 即開生蠔則每人每次取兩隻, 法國及美國蠔各一款, 不能選

之前也試過在這間酒店食下午茶自助餐，覺得很多食物選擇，而且知道八月份是有榴槤製品食物當然要一試啦！如果透過酒店官方網站俾了$300訂就可以全單八折都好抵呀！下午茶自助餐時間就由3:30-5:30pm 兩小時任食，飲料就普通的橙汁、茶、咖啡，食物有刺身、壽司、熱食、冷盤！尤其雪糕非常棒因為係haagen dazs 雪糕杯、雪條勁正👍🏻👍🏻

再次放棄治療，自從上月去過Promenade西餐廳食榴槤下午茶自助餐後已經失控，這晚再來放縱一下，面對著西班牙風情自助晚餐，長達70米的自助餐桌擺滿超過150款美食，超強超豐富美食，非常滿足。西班牙菜色彩豔麗，賣相精緻，頭盤有西班牙凍湯(不太辣)、鮮蕃咖醬配脆多士、咸牛肉、低溫烤美國牛肩胛、意大利熟火雞胸肉，另有蒜味蝦仁配多士，微辣脆口，口感豐富惹味。 意大利巴馬臣芝士、風乾火腿、新鮮沙律菜及配料。即開美國蠔法國蠔，質素高，新甜美味，半打不在話下。豐富冰鎮海鮮非常搶手，獨愛爽口彈牙的冰鎮熟龍蝦及肉嫩juicy的蟹腳。即製脆香天婦羅、壽司、多款時令刺身選擇，象拔蚌、希靈魚、帆立貝、八爪魚、三文魚、油金魚、泰式生蝦等等。 必吃西班牙燒乳豬，皮脆肉嫩，肉香四溢，想吃的話，就要盯著這方向，因為好快被搶光。熱盤當然不少得西班牙海鮮燴飯，以新鮮蕃茄榨成的蕃茄汁，加上青口、大蝦、辣肉腸等配料，鮮甜惹味，若飯粒乾身一點更美味。反而，我較喜歡西班牙雞肉田螺燴飯呢！ 另一著名西班牙主菜砵酒蜜糖燴豬面頰亦是重點推介之一，滲透香料味的嫩滑豬面頰，入口即化。 其他主題熱盤有羊奶芝士雜菜(羊奶芝士好濃郁)、八爪魚

都會海逸呢間 Promenade 嘅 lunch buffet 其真食左N次，因為價錢唔貴，同埋食物質素又鬼咁好，所以每次家聚必係3甲之選，今次卜位果時，侍應仲教我係網上落訂有75折扣添😝頭輪唔洗講一定係食沙律🥗，沙律配搭多，沙律菜又新鮮，最鍾意係加埋細細粒嘅黎撈埋凱薩沙律醬就冇得頂👍🏻第二輪食生蠔、魚生同長腳蟹，美國生蠔今次唔算大隻同，亦無漲卜卜，冇creamy 感覺🙄，但係蠔味好出。魚生今次冇左舌拿魚就有點失色，今次點左生文魚同虎蝦刺身，生文魚油花好多，好鮮味。長腳蟹唔會太大海水味，唔太咸，易入口。西班牙火腿，屋企人攞左較深色嘅，佢地話咸到死，所以我就攞較淺色嘅，都係偏咸，夾埋哈蜜瓜食岩岩好。黎到食甜品時間，呢度最出名嘅芒果拿破崙千其唔好錯過，餅底鬆脆，芒果清甜👍🏻仲有榴連撻同榴連批，榴連批上邊pet 榴連又多又香，榴連控一定食到拍爛手掌。最後緊係死追雪糕食啦，全部都係Haagen Dazs 唔好以為任食就比d旱貨，呢度有最新柚子味同奇異果🥝味，雪糕批亦有4款味道😋以75折左後$290有找黎講，食倒咁多野，超值，相信暑假完結前必會再黎😝

今日嚟到紅磡都會海逸食lunch buffet，雖然係平日，但都滿場。-一嚟就食下啲凍海鮮先，長腳蟹非常大隻，蟹肉飽滿，唔會話有死鹹嘅味道，而且供應源源不絕。日本刺身，望落就唔係話好新鮮，所以淨係試咗八爪魚同埋比目魚，八爪魚十分韌，比目魚還可以。美國即開生蠔，算肥美鮮甜。另外呢度都有其他熟食，試咗佢呢個燒牛扒，但係有好大條筋，而且條邊燒到好硬身，完全食唔落口。甜品種類唔算多，但呢個芒果拿破崙就係呢度嘅招牌，而且亦都可以保持到一貫嘅水準，都算好味。梳乎厘就一直用個光波爐keep warm，食落唔覺有咩咁特別。不過呢度好就好在有Häagen-Dazs嘅雪糕食，不過味道選擇唔算多得幾款。總括來講，呢間buffet嘅食物種類唔算太多，亦都冇乜特別驚喜同埋特色，但係而家定位落訂好似有七五折，唔使$300食一餐lunch buffet，以呢個質素來講，我覺得都還可以嘅。