Theo Mistral by Theo Randall (已搬遷) 新店位置

位於海景嘉福洲際酒店的Theo Mistral by Theo Randall ~ 主打意大利菜，網站介紹菜式全是大廚精心挑選時令食材炮製而成，提供一系列來自意大利的美酒佳釀予食客。是日小妹有幸和朋友們到訪，品嚐佢地嘅早午餐😚Brunch~~有前菜、沙律、冷盤、甜品區，自助餐形式，煙三文魚、凍蝦等新鮮，基本的應有盡有，甜品就當然一定要試意大利芝士蛋糕‘’提拉米蘇‘’，係著名嘅意大利甜點，充滿咖啡酒味，意大利芝士幼滑，口感細膩飽滿，‘’芝‘’味無窮主菜~~整體不錯，其中一款‘’CARRE DI AGNELLO‘’，羊架相當出式，選用來自澳大利亞羊肉架，烤得剛剛好，配上波爾圖酒醬，外酥內嫩，香氣撲鼻餐廳用膳環境優雅舒適，服務員親切有禮😄

香港現在的餐飲業情況並不樂觀, 甚至進入冰河時期, 而且影響的不只是廉價的, 較為高級的食肆生存也很困難, 只希望多吃平時喜歡的, 樓下的紀錄除了可以給自己緬懷一番外, 如果有心人見到, 也可以去光顧支持一下. 北上消費飲食再次成為一個潮流, 但還是覺得西餐在香港吃會正宗和開心一點, 正如這家一樣, 就是一頓熟悉而舒服的意大利餐, 雖然說是傳統的意大利菜式, 但頭盤有疏乎厘也是相當有趣, 當然是鹹食的, 已打碎的椰菜配上羊奶和牛奶芝士, 鹹香而口感比一般的順滑及實在, 作為頭盤不需要太多的空氣感, 說是疏乎厘不如說是焗芝士. 意粉想升級一點, 可以吃配上龍蝦和魚子醬的扁意粉, 配以蕃茄醬和辣椒, 鮮味和鹹味, 有恰如其份的果酸味和末段微微的辛辣, 層次豐富, 這些食材的水準在香港維持高質的信心, 也是繼續在這裏消費的理由.

⌲ 劍雨及吞拿魚他他:這道前菜與其他餐廳的菜品有所不同，味道酸酸甜甜，但並不會蓋過劍魚和吞拿魚的鮮美。這道菜作為前菜絕對具有開胃的效果，為整餐帶來了一個美好的開始⌲ 意大利瓦爾巴白松露新鮮幼麵:服務員現場為我們刨取白松露，這種特殊的香氣使人陶醉。然而，與傳統的意大利麵相比，這道菜的質感稍有不同，缺乏傳統的嚼勁al dente的口感，這可能會稍微減弱了白松露的香氣在整體口味中的融合⌲ 煎焗牛仔柳配黑喇叭菇及馬莎拉汁:相比其他部位，牛仔柳的肉味較少，但它更嫩滑，容易入口。與濃郁的黑喇叭菇搭配，這道菜味道更加豐富。再加上帶有松露香氣的薯蓉，使得這道菜成為整餐中最吸引人的亮點⌲ 自家製淡芝士蛋糕:這款甜品絕對是我最喜歡的一道。淡淡的芝士味道不會過於濃厚，即使對芝士蛋糕不感興趣的人也會愛上這款。此外，還搭配了一些鹹度較高的消化餅碎，完全不會有芝士蛋糕的濃膩感⌳⌳Overall: 𝟽/𝟷𝟶Cuisine: 𝟽 /𝟷𝟶Environment: 𝟽/𝟷𝟶Price: 𝟼.𝟻 /𝟷𝟶

芳香的白松露於每年10月至12月正值當造期！這刻去品嚐這桌上的鑽石正合時宜。想吃高質素的白松露菜式當然要去意大利餐廳！這天相約好友來到海景嘉福洲際酒店一起品嚐那份芳香滋味，甫踏進酒店已看見超有節日氣氛的聖誕樹，樹上掛滿了小廚師熊啤啤可愛到不行。我們來到主打正宗經典意大利菜的Theo Mistral開餐！這兒由英國頂級名廚Theo Randall掌舵，Theo Randall來頭不少耶他於倫敦的餐廳Theo Randall被譽為是當地最佳的意大利餐廳之一，這天終於來朝聖真的叫我期待萬分。餐廳用上陶瓷地磚而牆上則有精美的手繪陶瓷碟作裝飾，配襯實木的餐桌感覺非常溫馨自在。甫坐下服務員隨即送上麵包籃內裏有Focaccia也有Grissini，但我必須留肚嘆白松露菜式所以直接跳過去。打頭陣是SFOMATO DI FONTINA TALEGGIO E TARTUFO BIANCO焗意大利阿爾巴白松露芝士梳乎厘$588，此品用上多款芝士混合炮製而成端來時已經香氣四溢惹人垂涎。而這天的主角意大利阿爾巴白松露亦華麗上場！如鑽石般吸睛的Alba閃耀在我們眼前，每道白松露菜式也於堂前現刨5g感覺非常奢華，如

黑與白的強烈對比，帶出一期一會的獨特香氣！意大利北部的阿爾巴出產世界頂級白松露，每年10月至2月是品嚐這被譽為餐桌上的白鑽的最佳季節，在香港，也可享受得到。「Theo Mistral」是我和家人喜歡的意大利餐廳，不花巧、夠經典的味道最為稱心，而款式多多的 Antipasti 每次也叫人心動、百吃不厭。不過今次胃納要留給珍貴的阿爾巴白松露，雖捨不得你 — Antipasti，就暫且讓位一次吧！SFOMATO DI FONTINA TALEGGIO E TARTUFO BIANCO焗意大利阿爾巴白松露芝士梳乎厘 HK$588光是 Fontina 和 Taleggio 製作的芝士梳乎厘，芝香已叫人欲罷不能。當白鑽從黑手套輕輕滑下，嘴巴裡每一口梳乎厘隨即光芒四射，不管香氣、味道和質感，還享有豐郁幽雅並存之美，絕對是人生𥚃最迷人的芝士梳乎厘！TAGLIERINI ALLA PIEMONTESE 意大利阿爾巴白松露新鮮幼麵 HK$648彈牙帶麵香的新鮮手製幼麵，配上阿爾巴白松露，是簡而清的組合。想像一下由獵狗引路，發掘出寄生在橡樹、白楊、菩提根部的白松露，那種最原始、野生採摘的白鑽風味，正正就在嘴

媽咪生日🎂一班親戚book咗呢間意大利餐廳食晚飯因為人數眾多，餐廳安排咗一個小角落俾我地先講講其他食評提到嘅服務我地點完菜、傾咗一陣偈唔少人都已經飲完第一杯水但餐廳嘅侍應生好似比較忙😆冇咩侍應過嚟幫我地fill水杯直到親戚俾咗100蚊小費俾侍應之後每當飲咗半杯水就已經好快會幫我地refill換碟都換咗好幾次食物方面，大家推薦嘅餐前麵包🥖的確好好食！麵包上枱仲暖㗎！而且麵包好鬆軟好香至於其他食物羊奶芝士梳乎厘、Margherita pizza都唔錯😋甜品嘅蛋糕同tiramisu都好好食但可能餐廳係主要target兩三人嘅情調餐廳所以餐點都唔係太適合一大班人share食如果兩個人嚟撐枱腳應該會更加適合

最近食咗幾間自助餐想同大家分享下大部分嘅自助餐都有好多variety但缺點係冇着重每道菜嘅質素今次呢間Semi buffet主打意大利菜🇮🇹雖然食物選擇比較少但正正因為咁每樣食材都處理得好啲Semi buffet嘅玩法係全部嘢都可以任食但個Main course就只可以揀一樣（Starter如果揀咗湯就冇Antipasti table㗎喇～）STARTER✧ THEO'S ANTIPASTI TABLE有各種各樣嘅頭盤首先每枱都會有啲麵包、醋同olive oil🫒本豬大推芝麻條🥖脆嘅時候真係好好食好有芝麻香(*≧∀≦*)呢度ham都有唔同選擇🐖：Prosciutto、好肥嘅Lardo、Salami牛舌落咗啲好重口嘅醬本豬就唔太喜歡最鐘意嘅係拎返幾塊parma ham嚟捲melon🥓🍈仲有好多沙律菜🥗、芝士🧀、菇🍄印象最深刻嘅係Fritata蛋餅🍳索咗啲菜汁之餘食落去又係蛋嘅texture最啱用嚟呃偏食嘅寶寶kekekeMAIN COURSE✧ RISOTTO GORGONZOLA, SPECK E FUNGHI SELVATICI本豬幾鐘意佢哋呢隻Gorgonzola cheese嘅香

預訂生日午飯，周六半自助午餐，－行六人準時入座，桌與桌相距大，私密性高。餐牌中文並重，方便知道食乜。頭盆食物種類多，但補充速度是中等，不是常滿狀況。食物質素，頭盆及甜品幾好，主菜的雲吞及牛都好咸，鱸魚配蕃茄汁反而很好。餐廳服務是最低分的一環。原先以為pasta 及main 只選一項，原來是各選一，第一次叫侍應下單時，因為只選了部分，侍應顯得不耐煩，還直言「我已經講咗」，在酒店內預上此態度，實在有點意外！另外斟水要提示，碟盆堆疊不收，有如茶餐廳一樣！應該不會給下次機會了！

呢度嘅semi buffet經常幫襯因為就響舞蹈學校附近豐富嘅cold-cut salads & desserts配上質素穩定main dishrisotto pasta pizza 選擇又多不過今日通通偏鹹 失哂水準 唔好味喎👎今日特登訂位同舞蹈老師慶生一行十人 準備了小皇冠dress code叫做小小儀式感之後餐廳準備咗dessert platter我哋唱咗兩次生日歌經理就叫我哋細聲啲其實一整個午餐時段 餐廳都唔係好靜每枱都有客人大聲講大聲笑Actually we are not that noisy😤其中壽星及導師都係菲律賓人餐廳的waiter都係菲律賓人不過絕不友善 堪稱高冷一間高級嘅酒店buffet luncheon 配合咁嘅服務真係唔OK conclusion 暫時都唔會再幫襯

Theo Randall和洲際酒店集團的合作, 來到了第十八個年頭, 而他在香港的分店改名為Theo Mistral也踏入第五年. 他的意大利菜也許不是最好, 也不是最奢華, 但水準就是穩定, 份量十足, 平實地吃到高水準, 而又飽肚的傳統意大利菜式, 就是它能提供給我的. 每年總會來到這裏吃一兩次, 無論是薄餅, 意粉類, 扒類還是海鮮類, 也能留下全能的評價. 相比其在The River Cafe的手下Jamie Oliver名氣還是有差, 但默默地做好自己的生意, 也是其生存之道.頭盤點的是小牛肉片, 配以鯷魚, 酸豆, 蕃茄乾及吞拿魚醬, 肉質嫩滑, 肉香柔和, 本身有微酸及鹹鮮香, 相當開胃. 主菜是海鮮意大利飯, 飯身夠挺, 還有實而不硬的飯芯. 海鮮除了魷魚, 鱸魚和蜆肉外, 也有原條深海紅蝦, 鮮味豐富但不過膩, 蕃茄醬用上聖馬力諾蕃茄和李子蕃茄, 少少果酸再加獨有的果甜, 本身水份不多, 不會令意大利飯變得濕糊, 配搭的出色未必可以從外觀上看到, 但絕對吃得出來.Theo Mistral has been operated for 5 years and it is

ᴡɪɴᴇ ᴘᴀɪʀɪɴɢ ᴅɪɴɴᴇʀ ɪɴ ᴛʜᴇᴏ ᴍɪsᴛʀᴀʟ ʙʏ ᴛʜᴇᴏ ʀᴀɴᴅᴀʟʟ, InterContinental Hong Kong. ᴡɪɴᴇs ғʀᴏᴍ Marchesi Antinori 🥂🍷ᴀɴᴛɪɴᴏʀɪ ᴠɪʟʟᴀ ᴀɴᴛɪɴᴏʀɪ ʙɪᴀɴᴄᴏ ɪɢᴛ 2021🍽️ᴄᴀʀᴘᴀᴄᴄɪᴏ ᴅɪ ᴄᴀᴘᴇsᴀɴᴛᴇʀɪsᴏᴛᴛᴏ ᴄᴏɴ ᴀʀᴀɢᴏsᴛᴀ ᴇ ғɪᴏʀɪ ᴅɪ ᴢᴜᴄᴄᴀᴀʀʀᴏsᴛᴏ ᴅɪ ғᴀʀᴀᴏɴᴀᴍᴏᴜssᴇ ᴄᴏᴛᴛᴀ ᴀʟ ᴄɪᴏᴄᴄᴏʟᴀᴛᴏ ғᴏɴᴅᴇɴᴛᴇ

去得酒店staycation，就梗係去埋佢哋嘅餐廳食晚飯啦❤️ 晚餐位置响2/F嘅 Theo Mistral by Theo Randall，呢個package包嘅係一個三道菜嘅晚餐喺上頭盤之前就先送上熱辣辣嘅新鮮麵包同麵包條，包痴母女一見到就心心眼，阿女仲食咗3個添！上前菜喇，係煙三文魚沙律配意大利蕃茄、紅菜頭及阿瑪爾菲檸檬汁，有舖滿成隻碟嘅挪威三文魚加上意大利嘅蕃茄仔同紅菜頭三文魚份量一啲都唔少，配埋醬汁嚟食，少少酸之餘好開胃之後主菜分別有慢煮鵝肉雲吞同煎焗意大利海鱸。先講海鱸魚，先焗再煎，肉質鮮嫩，魚皮煎到金黃色，仲脆嘅添，海鮮原味出晒嚟，再配上炒菠菜，西蘭花同露筍，看似簡單，但要整到咁好味，一啲都唔易！而慢煮鵝肉雲吞，用上自家製嘅雲吞皮，餡料嘅鵝肉係比較少食得到，加上意式煙肉同巴馬芝士，味道香濃得嚟又唔好膩，而牛肝箘同羊肚菌吸收晒醬汁嘅精華，非常入味。食完主菜，仲有Haagen Dazs馬卡龍系列嘅雪糕新地，仲可以一次過試晒三隻味添！最後仲有開心果奶油卷同埋意式軟牛軋糖做warp up，又係滿足嘅一餐。

👍👍🏻👍🏼👍🏽👍🏾👍🏿👍👍🏻👍🏼👍🏽👍🏾👍🏿👍👍🏻👍🏼👍🏽👍🏾👍🏿👍👍🏻👍🏼👍🏽👍🏾👍🏿👍👍🏻👍🏼👍🏽👍🏾👍🏿好耐冇試過咁講👍👍🏻👍🏼👍🏽👍🏾👍🏿👍👍🏻👍🏼👍🏽👍🏾👍🏿👍👍🏻👍🏼👍🏽👍🏾👍🏿真係唔食會後悔終生👍👍🏻👍🏼👍🏽👍🏾👍🏿👍👍🏻👍🏼👍🏽👍🏾👍🏿👍👍🏻👍🏼👍🏽👍🏾👍🏿👍👍🏻👍🏼👍🏽👍🏾👍🏿👍👍🏻👍🏼👍🏽👍🏾👍🏿👍👍🏻👍🏼👍🏽👍🏾👍🏿👍👍🏻👍🏼👍🏽👍🏾👍🏿👍👍🏻👍🏼👍🏽👍🏾👍🏿👍👍🏻👍🏼👍🏽👍🏾👍🏿👍👍🏻👍🏼👍🏽👍🏾👍🏿👍👍🏻👍🏼👍🏽👍🏾👍🏿👍👍🏻👍🏼👍🏽👍🏾👍🏿👍👍🏻👍🏼👍🏽👍🏾👍🏿👍👍🏻👍🏼👍🏽👍🏾👍🏿呢間野本身係上年撞正呀爸生日＋母親節正日去😂所以要隆重(少少)咁賀一賀佢😎去左呢間🍗Lunch Buffet 嘅地方我只能夠用驚為天人嚟形容😲😲😲😯😦👍👍🏻👍🏼👍🏽👍🏾👍🏿👍👍🏻👍🏼👍🏽👍🏾👍🏿👍👍🏻👍🏼👍🏽👍🏾👍🏿👍👍🏻👍🏼👍🏽👍🏾👍🏿😍佢勁多勁多意大利嘅前菜同沙律，仲有好多ham and cheese圖入面只係好少部分😲佢有Lardo, 即係搵豬肥油包住火箭菜隔離嗰個係甜品，叫ricotta cheesecake中左嗰個叫普羅旺斯燉菜，which 我之前食過勁懷念右邊係大家熟

因為買了會員咭，這間餐廳來過很多次，無論是午餐或者晚餐。覺得餐廳相比以前冇咁旺，疫情的時候，或者疫情之後，都沒有見過他滿座。講返上一個月食咗一個白蘆筍北海道帶子，性價比超低， $288得兩粒帶子和兩條一半的蘆筍。雖然味道不錯，但少得有點過分。始終賣的是意大利菜，也不是法國菜吧。除開一粒帶子和一條2吋長的白蘆筍，連加一就要超過$150。擺盆和做法也就平平無奇，簡簡單單～煎的。今次吃了燴海鮮$428，和Pizza$228，這兩樣之前都吃過的，水準保持到。但也沒有什麼驚喜。以前會員卡會有飲品半價，上年續的會員卡要飲滿$1000オ可以免$500。好多時兩三個人都唔會飲到$1000的飲品，變相這個優惠是沒有用了。其實餐廳幾年都不改變餐牌，會員的優惠也不太吸引，服務也沒有溫度。很怕他越來越少人幫襯。因為同等價錢，出面有太多選擇了。始終這是我曾經很喜歡的餐廳，希望他會進步，重新吸引顧客吧。各位如果喜歡我的食評請追蹤按讚，也歡迎來看看我的IG。 支持我為大家試食更多餐廳。

之前已經到訪過，今次朋友生日想坐得舒服，可以靜靜地，食下嘢傾下偈，咁Theo就啱晒，環境清靜，食物味道及質素都幾好👍麵包軟熟，芝麻條香脆👍🥢Tuna Tartare正方形😆味道正常🥢Seafood Stew龍蝦湯香濃，海鮮入味，蝦肉結實彈牙👍🥢Sauteed Mushrooms 🥢Pizza Margherita無之前咁好食，唔夠火候🥢Tiramisu 保持水準👍