Three Dice Kitchen (已結業)

今日放lunch去左希雲街食cafe,但個餐飽所以我地好想去食甜品，去左禮頓道呢間買水信玄餅～（有得外賣又幾好噃～）有三隻味揀，我地各點左原味&玫瑰草莓味～--》原味即係（黑糖+黃豆粉 $35）--》玫瑰草莓+桑子（Raspberry) $35師傅會喺你面前製作，仲好好客tim~有問必答～好靚好晶瑩剔透既ball ball 口感似蒟蒻，好似女人甘由水造 XD 所以好低脂架ja! 完全唔會有邪惡感～一個加左「黑糖漿汁+黃豆粉」：黑糖唔會太甜，好過用糖漿，而黃豆粉就好香口～另一個加左「玫瑰草莓漿汁+桑子」：呢個會比黑糖嗰款甜，但桑子乾帶酸我鍾意，而玫瑰草莓漿汁唔係jam甘杰，所以甜度唔會高。一酸一甜配上無味但QQ既水信玄餅就岩晒～師傅話佢地都有set menu,會「即場表演」分子料理，好吸引甘，有機會要試試。企喺度食野感覺真係瘦d,哈哈～～好多新野～好有報！

近年流行吃甜品，不論中式，韓式或日式甜品，年青人都趨之若鶩，所以甜品店不論遠近，總有一間係左近，所以甜品店要突圍而出，真的要多花心思在甜品的款式上。銅鑼灣禮頓道I36號近聖保祿醫院就有一間開業近一年的外賣式甜品店叫Three Dice Kitchen,小小的甜品店，衹此企位和外賣。位於銅鑼灣這個飲食競爭激烈的地區，間間甜品店都要各出奇謀，突圍而出。Three Dice Kitchen這方面絕對稱得上是創意無限，首創的水信玄餅，有三種不同味道的選擇，玫瑰草莓，朱古力和黑糖。水信玄餅外表似水晶球，味道似透明蒟蒻，本來三種味道想一次試吃，但時近黄昏，薄荷味道的水信玄餅已sold out , 於是選了玫瑰草莓和朱古力各一款。水信玄餅就好像水晶球般放於一小玻璃碟上，週邊配上粉紅色的草莓汁和紅桑子乾，一甜一酸刺激味蕾口感不錯。黑糖配上朱古力醬，兩者都是甜，但甜度適中，不愛酸味的朋友可試這款。不管味道如何，都令我回憶起童年時最愛吃的啫喱呢。今日才知原來這裡不止甜吃！

哥日去閧銅鑼灣做野, 經過見到有水信玄餅食, 本身之前睇過介紹一直都好想食, 加想做左成日野有D 餓, 咁就買左一個一邊行一邊食我揀左 黃豆粉 + 黑糖漿, 食入口其實有D 似食無味既啫喱, 同小小似大菜糕, 加上黑糖黃豆粉, 食落去幾有風味, 味道吾會太甜, 值得一試

之前睇過電視介紹呢種日本甜品'水信玄餅"~ , 一直想試好耐 今日經過銅鑼灣, 終於有機會試下~我揀左原味 即係黃豆粉配黑糖糖漿~因為趕時間, 所以我揀左外賣番公司先食~有點後悔呢>< 因為當我番到公司...D黃豆粉同黑糖糖漿比我撞到混合左~原本好靚好似水晶球咁架...比我破壞晒重要未影低相...嗚..下次都係揀堂食!講番個味道,  口感就好似蒟蒻咁~ 本身其實無咩味的~就係靠係黃豆粉配黑糖糖漿混合~凍凍地..甜甜地~  沖埋杯熱茶就更佳~ 另外還有兩款其他口味, 有機會都想試埋~

如果唔講，你估到係咩??水信玄餅，本身好想去食個晚餐可惜要訂位，黎到點可以空手而回，最終點左個水信玄餅HKD35用黃豆粉及黑糖弄成單看賣相夠精盈剔透，味道亦好清，記得曾經食過別家的，味道過甜，口感過腍但這處的完全不同，口感軟滑但又唔會腍，吃完口感完全不膩反而再想來一個加上黃豆粉及黑糖完全超夾！我應該多影幾張相，後悔^_^另外有個小插曲，當日好開心，可惜吃唔到晚餐，店員送我一個龍蝦慕絲試試幾好味，未吃前以為是甜品，被騙了，味道微鹹富龍蝦味，底層有少許椰菜花，不錯！

近年有種新興的料理叫分子料理，一聽個名就知係所費不菲，是有錢人的玩意啦～但最近係銅鑼灣發現左間平民收費的分子料理，分子雪糕就食過，分子料理真係試都未試過，於是就拉埋男朋友一齊去試下啦！它位於銅鑼灣禮頓道，近聖保祿學校附近～地鋪店面不大，而且入面係沒有座位，沒錯，我們全程都是立食的～事前也已有心理準備，幸好當日行程都唔算多，企住食都唔係問題～而這裡只接受預約訂座，因為廚師要預先準備食材，不過Walk In是不接受的，Walkin的只可買到櫥窗外的飲品及甜品！Book左位之後，店員都叮囑我地唔好遲到，所以我地都預早到達！這就是我們今日的Menu！店內就只有這一個吧枱，而這裡每日也只接受6位客人的Booking～枱面上擺放了我們的餐具，這餐具都幾特別，有個夾要黎做咩呢，一陣自有分翹～星空特飲（HK$25）這杯其實是檸檬雪碧，有好美的紫色，攪拌後就會變成偏紅的紫，顏色好美，但味道就是普通的雪碧加檸檬！哈密瓜分子晶球配西班牙黑毛豬火腿這盆橙黃色的就是廚師預先以哈密瓜打成蓉，之後以晶球化作用將它弄成一個個像蛋黃狀的的形態～成形之後再配以西班牙黑毛豬火腿，黑毛豬火腿的味道比較濃及重味，配合清新的哈蜜

朋友話佢好想試分子料理，就拉埋我一齊去食，因為佢聽聞呢度食分子料理夠經濟。頭盤黎呢隻匙，上面有粒橙色波，初頭估唔到係乜，後尾見到橙色波下面有塊火腿，我就知係乜啦。橙色波係哈蜜瓜黎，下面係西班牙風乾火腿，仲係黑毛豬添。食落橙波夠水份之餘又夠滑，塊火腿就無乜脂肪，仲好有豬既鮮味，咁做法係增加左口感。另一味係呢杯啡色飲品，仲以為係咖啡之時，就聞到一陣濃烈龍蝦味，原來呢一杯係龍蝦mousse, 口感好獨特，好似食緊泡泡咁樣但堅係龍蝦味，而配埋上面條蔥再加埋魚子醬，真係從未試過咁豪華既mousse.最後就有呢盅野，廚師將一陣煙噴入去之後，叫我地等幾分鐘先打開，一打開原來係一舊三文魚黎，係煙薰三文魚呀。配料用上香草同洋蔥，仲有olive oil，三文魚外圍較熟，裡邊就較生，食完一舊好想再食第二舊呀。三舊水唔使食到分子料理，係一次幾特別既體驗。

位於銅鑼灣的Three dice kitchen ,是一間分子料理餐廳。愿本想來試試晩餐，不過今晩有急事，還是外賣甜品試一下。水晶球$35最原始的水信玄餠口味是黃豆粉和黑糖。水信玄餠一整球，大大一個，配料各放二邊。服務員哥哥說，轉了分子成份，和之前的不同。水信玄餠有點過硬，較我之前吃的不同，較喱啫更為硬身。水晶球原本無味，因此要點上配料一同進食。

其實我應該是從未到過分子料理店，然而今次分子美食的處理能保留食物原有的新鮮之外，還能在做的過程中加入表演的元素，真的令我嘆為觀止! "哈密瓜分子晶球配西班牙黑毛豬火腿"在甜甜的哈密瓜晶球配上鹹鹹的黑毛豬火腿，無論在口感上還是味道上簡直都是完美的配搭。吃完後我還想再嘗嘗那黑毛豬火腿，我覺得這實在太好吃了。 "櫻花蝦肉鬆配日式高湯"這一個因為用了可食用的袋裝上，令到蝦的鮮味和肉鬆的鹹味慢慢滲出，再喝上一口味道淡淡的日式高湯，感覺一流。因兩種是分開品嚐，所以不會令到味道混在一起而嘗不到食物的確實味道。 "柚子醋粉末配針魚刺身"我覺得這料理非常吸引的，由液態的柚子醋變成固態粉末形態，仍不失醋味，配上非常新鮮的針魚，一起吃就可以充分地從冰凍中嘗出了魚的鮮味! "龍蝦慕斯配魚子醬、椰菜花"把龍蝦湯變成慕絲形態吃下，在嘴裡感覺就是在喝一碗新鮮濃郁的的龍蝦忌廉湯，新奇又有趣。 水信玄餅這是玫瑰果園味，配上紅桑子粒和草莓醬，作為表演的收尾簡直一流。星空特飲因加了檸檬由藍變紫，真的挺像星空的感覺，挺特別的，又好喝，的確不錯。 Three Dice Kitchen 地址 銅鑼灣禮頓道136號希雲閣地下2

分子料理, 相信只會出現在高級餐廳.我這種平民實在付不起幾千元以上的價錢去吃.但調轉是幾百元的分子料理又是另一個講法. 低價高質的分子料理餐廳終於出現!位於銅鑼灣的Three Dice Kitchen就是朋友圈最近比較hit的推介餐廳.  不要以為餐廳細細沒有人識, 到我們book位時可真難book呀.跟朋友約好準時7點到餐廳, 也不敢遲到.連用餐的餐具也很Lab feel.廚師會按時烹調食物, 而且是同時段的食物一次過做.所以廚師基本上是不會等你.如果遲大到或過了食物的可進食時間, 未必會補回你錯過的食物,到時就只能慨嘆自己遲到囉.我跟朋友各點了一杯飲品Rose Soda(左) $25 / Blue butterfly coconut(右) $252杯飲品味道都是偏淡, 只是顏色比較好看,沒有太大驚喜.哈密瓜分子晶球配西班牙黑毛豬廚房將預備了的哈密瓜蓉用分子技術做成蛋黃般的形狀,驟眼看真的會傻傻分不到跟蛋黃的真假.只要咬破外層, 哈密瓜蓉就會一傾而出,所以必須一口吃下. 再配上西班牙黑毛豬火腿的鹹香, 感覺清新.再來是日式高湯, 使用上看似跟化學室用的器皿去煮,好有科學感.高湯主要用

分子料理對於我來說是一種新奇的食物，外觀精緻吸引，所以今次我就來到這間專門作分子料理表演的地方。在這份餐單中的第一道菜就是"哈密瓜分子晶球配西班牙黑毛豬火腿"這個哈密瓜的處理方法非常特別，甜甜的哈蜜瓜晶球配上黑毛豬的鹹味，感覺就像融合兩個不同世界的食物，非常有趣且好吃。第二道菜就是"櫻花蝦肉鬆配日式高湯"，這個料理最讓我驚喜的是這個用"塑料袋"裝著的櫻花蝦乾和豬肉鬆竟然整個都可以吃，十分有趣，這是我挺喜歡的地方。第三道菜是"柚子醋粉末配針魚刺身"，這道料理的賣相是極其吸引的，一看到就讓人胃口大開，針魚的鮮配上柚子醋淡淡的味道，感覺又是一種驚奇。第四道出場的菜是"龍蝦慕斯配魚子醬、椰菜花"，龍蝦忌廉湯變成慕斯的情況，加上慕斯面的魚子醬和底下的椰菜花，感覺又是絕配。感覺上在香港可以吃到專門弄分子料理的地方不同，把分子料理當作表演來說，的確令我嘆為觀止。所以這裡不僅好吃，而且還是個蠻好看的地方。

分子料理一直想試 個日睇到膠台的飲食節目 介紹銅鑼灣新開的平民分子料理 唔洗$300就有得試六道菜 咪心郁郁叫家姐陪我去囉。訂位既時候 千叮萬囑我們唔好遲到 原來因為分子料理有點材料要預先準備 又唔存放得太內。去到已經有另外三個女仔到左。大約食左一個鐘 主廚Kenneth很用心講解每道菜係點做 用咩化學原理 不過我確實係入唔到腦 因為我由細到大和化學都做唔到朋友 所以我只管食 同埋對於一點視覺效果 表現好新奇 希望主廚唔會覺得我唔尊重佢啦😂😂1st~ 哈蜜瓜分子晶球配西班牙黑毛豬首先就將哈蜜瓜果蓉吱入鈣水（後尾我們試下鈣水係咩味道 原來苦苦咸咸 好難飲）等一陣～就會變成好像蛋黃形狀的晶球 再配上純種橡果45個月黑毛豬 。哈蜜瓜球有點蜜糖味 黑毛豬甘香 油份充足。2nd~ 櫻花蝦肉鬆雲吞配日式高湯我好鐘意飲咖啡 見佢攞個虹吸壺出來 以為有咖啡飲。原來唔係 係用呢個方法 黎係日式高湯～木魚 昆布 大地魚粉 蝦籽。熱湯清清地 幾甜 有點似食雲吞麵的湯底 （家姐笑話比佢昨日燉左幾個鐘既湯仲甜 笑死。）以為分子料理都有雲吞食咁正 原來係櫻花蝦配肉鬆 用個膠袋裝住 我開頭有點猶豫 食膠袋 好怪。鼓

上次經過VIA TOKYO，留意到這間主打『分子料理』的小店。起初以為分子料理定必價錢昂貴，卻出乎我意料之外，價錢頗為相宜。原來是因為食客們都要立食，而6－7PM這個時段價錢更會較正價時段優惠，$170（無加一服務費）便可一試分子料理了。趁著星期四DAYOFF，便相約同樣為食的妹妹去試。6PM，人數不多呢，連我和妹妹合共只有4人。小店空間較狹窄，只能容納十餘人猶如一個小小實驗室。連餐具都玩味十足。老師簡單自我介紹後，『化學堂』正式開始。晶球化作用: 哈密瓜分子晶球配西班牙黑毛豬火腿廚師先準備一碗水，原來這水另有乾坤，加入了鈣，所以廚師輕輕舀起一羹哈蜜瓜醬放進 鈣水內就能進行晶球化作用Spherification。成品圓圓的，橙色深到像一隻咸蛋黃，但薄膜下包住的卻是卻是不折不扣的哈蜜瓜味，有趣極了，Iberican Ham 和蜜瓜一向絕配，和哈蜜瓜味的『蛋黃』同吃，玩味十足。食用膠袋: 櫻花蝦肉鬆雲吞配日式高湯日式高湯用上蒸餾的方法，材料有昆布、大地魚、海帶等，並加上蝦子調味。接着廚師派發一人一隻『雲吞』，外型就像是一包調味粉，起初以為要撕開倒進湯內，原來那透明膠袋是用薯粉整，所以是可食

餐廳喺聖保祿學校隔離，銅鑼灣地鐵站f出口一出，穿過渣甸街同敬誠街對面就係，識行嘅都唔使五分鐘。餐廳裏面有少少實驗室嘅感覺，企低咗冇幾耐之後廚師就會介紹自己同埋身邊嗰位靚女助手，之後佢喺每做一道分子料理之前都會介紹，究竟呢一道分子料理係用咩化學作用整成既，而廚師本身亦都係化學科畢業，能夠寓興趣於事業，真係有意思嘞。哈密瓜分子晶球配西班牙黑毛豬火腿，碗哈密瓜蓉落咗某一隻穩定劑之後再放喺中間嗰份有鈣嘅水入面就會形成晶球，再用匙羹輕輕不起，放喺一塊45個月嘅parma ham上面，廚師話食嘅時候要一啖啪落口，45個月嘅parma ham 唔使講都知無敵啦，加埋呢個咁特別嘅分子哈蜜瓜，真係好玩得嚟又好食啊。櫻花蝦肉鬆雲吞配日式高湯，個日式高湯係用虹吸咖啡嘅方法煮成既，材料有昆布，大地魚同埋蝦子，味道有少少似雲吞麵嗰個湯底。個櫻花蝦肉鬆雲吞勁搞笑，雲吞皮係透明嘅，廚師叫我哋一啖啪落口，雲吞皮入口即溶，跟手就滲出櫻花蝦同肉鬆嘅香味，同個高湯好襯。柚子醋粉末配櫻桃蘿蔔三文魚籽針魚刺身，呢度菜賣上好精美，啱哂我呢啲貪靚嘅妹豬，呢道菜嘅形成係首先倒啲液態氮落個碗度，跟住就倒啲柚子醋落去，當柚子醋遇到極低溫

在幾年之前已經聽說過分子料理，但一直感覺奇怪，試想，一樣咸的東西以甜品的造型出現，例如黑毛豬雪糕，會否感到奇怪? 對於我說，會。也是因為這種偏見，所以一直都沒有試過吃分子料理。最近的機會，也是在盛夏的炎熱中看到這家份子料理店有賣甜品，所以深深地被吸引才破了戒。這個甜品就是" 水信玄餅'。還記得最一開始得知水信玄餅竟是在facebook 的某個美媒介紹上看到，還說是" 這個夏天最酷的甜品"，當時看到其圓潤外表和剔透內質，簡直流哂口水，但因為懶，一直都冇得試。沒想到第一次食卻不是吃傳統的黑糖漿和熟黃豆粉，而是分子料理過的水信玄餅，加黃金朱古力醬，和薄荷魚子醬口味。食分子料理，相信有一半的感官刺激不是落在舌頭上，而是眼睛上，就是以眼去觀看廚師怎樣把熟悉的食材搓圓弄扁，變成我們完全未想過的形態，這也是食分子料理的重要樂趣之一。這次看著廚師以獨特的"廚具" 把薄荷液注成魚子形狀，再墜落入水，凝固成一顆顆青碧宛然的"魚子"，那種宛若創世的奇妙感難以形容。另外一半就是混入金箔的朱古力醬，權當是加視覺效果，而加上置中的圓潤飽滿，像一顆大水珠的水信玄子，的確漂亮極了。先一下切開水珠，其軟滑水嫩，幾乎沒有