上海婆婆336 (iSQUARE國際廣場)

營業中

休息中

一家四人都是同一天放假休息，少不得就有家庭樂，全家人都較鍾情食上海菜，今次選擇了位於尖沙咀iSQUARE國際廣場6樓的「上海婆婆336」食晚飯，晚飯過後可以到樓上戲院睇電影，節目安排真是非常豐富。我們等了一陣就好快入座，坐位與坐位之間都不會坐得太迫，環境寬敞又有沙發卡位，感覺都好舒適。裝潢帶點工業風，比較似型格西餐廳，可見有水泥牆身、鎢絲電燈膽及天花外露的鐵管作裝飾，果然是新派的一間上海菜館。安頓座位後，服務生好有效率地送上餐牌及為客人倒杯茶，先來飲杯熱辣辣的香片茶，接下來就是看餐牌，分別有冷菜、湯類、豆腐、河海鮮、豬牛、雞鴨、點心、飯麵、手造拉麵、小炒蔬菜及甜品。雪菜炒粉皮 ($65)~上桌時已經熱騰騰，粉皮炒至金黃色澤，晶瑩剔透，賣相都好吸引，加上雪菜碎一同炒過，有爽脆的口感，清淡的粉皮同時帶出雪菜本身的鹹香味道，吃起來都非常Q彈煙韌。有少少紅尖椒炒過，有少許辣香都很惹味。蘿蔔絲酥餅(3隻)~一共有3件大大件的蘿蔔絲酥餅上面沾上大埋白芝麻，入口非常香惹，一咬開酥餅已散出陣陣的白煙，即叫即做，吃起來又不會有油膩感，內饀夠濕潤有很多一絲絲白蘿蔔絲，外脆內嫩爽口，好JUICY 美味。來到

大概大半年前同啲舊同事嚟「上海婆婆336」聚舊食咗餐飯，大家都一致讚好。所以，今次同班團友聚舊，再翻兜「上海婆婆336」，除地點便利所有人之外，重點喺夠穩陣，讓大家實食得開心。不過，話時話，就喺大半年無食過上海菜，點知呢兩個月因唔同聚會，就接連食咗幾餐上海嘢。因為都嚟過幾次，都知環境格局，因為今次人多啲，成一行9人，印象上佢哋好似無乜大圓枱夠咁多人坐，故此，訂枱時都問問有無，原來佢哋嘅6人圓枱喺可以加大，咁就啱啱好啱啱晒我哋。魚籽煙燻蛋 $88冷盤嚟講，呢款煙燻蛋喺小弟推介俾朋友嘅必然之選，魚籽煙燻蛋賣$22 / 隻，次次嚟食都無失望，今次再試，亦喺保持水準。凝香嘅蛋黃入口綿綿滑滑，蛋香濃郁，又有淡淡煙燻味；加入脆卜卜嘅黑魚籽，增加層次感，更因色差嘅對比令賣相更好睇。無錫脆鱔 $102因為今次人多，就唔點拼盤，揀幾款特色冷盤俾大家試，脆鱔喺其一。咪睇佢外觀黑掹掹，又似為好似平常啲鱔肉咁軟腍腍，一咬就知幾咁脆卜卜，加上掛滿糖醋汁，酸香沉實，喺上佳嘅開胃冷菜。醉乳鴿 $102大家話醉雞食得多，醉鴿就未試過，所以，特登叫一客俾大家過吓口癮。一客嘅份量唔少，總次就夠大家都試到，入口感覺好爽，肉

3天假期最後一天也是和朋友聚餐，這幾天吃的大都是西餐，所以這晚決定吃上海菜剛好即日Book也留到桌子就決定探望上海婆婆 (笑)不過iSQUARE這家是「336」~邊的裝修很新式時尚，但擺設又會想營造出懷舊感本來想吃些涼拌小菜，但看了價錢就立即卻步了 (･A･)點小菜的話好像比較化算呢石鍋雲吞雞 ($176/例) 湯頭不會太鹹，但又不失鮮味~味道適中雞肉很滑嫩也很入味，輕輕一拆~骨就很容易分離開雲吞的餡料亦豐富 (｡￫ωฺ￩｡)紅油抄手 ($50/6隻) 出奇地完全不麻也不算辣。皮厚~肉餡也算多小籠包點了兩款，因為一籠只有4粒~但有6個人嘛 (・ω・。)麻辣小籠包 ($38/4隻) & 336上海小籠包 ($38/4隻)皮也是有點厚身，不過這樣倒是夾起來沒有那麼容易弄穿~漏了滿滿的湯汁出來呢松子黃魚 ($172) 這個是朋友說想吃的酸酸甜甜的味道在夏天吃很開胃，魚肉也很嫩口~沒有腥味 (◕ฺω◕ฺ)腿茸津白 ($72) 上湯的味道很濃郁還帶點奶油和火腿味津白吸收了湯，吃起來很惹味。但若果菜可以再稔身一點就好了耶～最後還點了一堆甜品 (・´ω'・)酒釀丸子 ($30) - 朋友說這個的酒味不重薑

大年初一，偕同家人看過賀歲片過後，順路到 iSqaure 吃晚餐。剛好上海婆婆336內有空席。蒜泥白肉，整頓晚飯最感滿意的一道菜。白肉卷著青瓜條，加上蒜味充足、酸酸的蒜泥醬汁，令人食指大動，可是蒜泥的份量可以再增加。蟹粉黃金炒飯，卻欠奉「蟹粉」味，只能吃出「黃金（蛋黃）」與「炒飯」。新年吃這個意頭不錯，味道卻非常一般。開心果露筍炒牛肉粒，開心果與露筍佔盤子的大部分實屬意料之外，意想不到的可是鬆肉粉在牛肉當中，份量多得過火，味同嚼蠟。松子黃魚，黃魚雖件頭不大，魚身炸得酥脆，汁料甜酸可口，為餐廳挽回一些分數。蟹粉小籠包雖皮薄，肉汁卻欠奉，且沒有蟹粉味。婆婆生煎包，肉餡缺乏鮮肉的香甜味，是因為新春假期沒有師傳製作新鮮食材所致嗎？下年春節，還是別懶惰，與家人回家做飯好。

睇戲前一行四人選擇咗離上海婆婆食晚餐，因為有朋友試過覺得好味所以推介。七點左右唔使等位就入得，安排咗圓枱比我哋。個環境比我感覺好舒服，餐廳嘅枱櫈，墻都係木嘅，枱同枱之間又唔會好逼，燈光暗暗地，令人心情都幾好。   一坐低就即刻點菜啦，大家都好肚餓！ 選擇好多，樣樣都好想食啊！ 小籠包  有水準，皮薄，熱辣辣好多汁！ 雞絲粉皮 食親上海菜都必點之一，好味 四小拼 有脆鱔、小排骨、四喜銬麩同鎮江肴肉四樣都好好味啊！尤其係脆鱔同肴肉，好味到停唔到口啊 乾煸四季豆又係食親上海菜都必點之一，同樣係好好味，好香，啲肉鬆送飯一流 今次係我第一次食呢道菜，酸酸甜甜好開胃。條魚炸得好香但唔會好油，魚肉好滑！ 擔擔麵都好好味，湯底好香好濃，麵好滑。至於排骨就好酥脆，而且份量唔少。不過本身個人唔太食得辣，所以呢個麵對我離講都算幾辣，不過都仍然覺得好好味。  336炒飯(唔記得影相 )有辣椒絲同蝦一齊炒嘅，食唔出用咩醬炒，不過飯炒得好乾身好香口，幾好味。我哋仲用四季豆嘅肉鬆撈飯食，好好味！最後係甜品 香蕉高力豆沙。個人有少少失望，覺得豆沙相對少咗啲，整體味道好淡。整體而言

今日又做了電燈泡～ 一家之煮跟米飯班主去睇戲，小妹又拉著他們的衫尾，跟他們一起睇戲食飯啦～ 今日就選了他倆最愛的中餐啦～ 六時許的上海婆婆人流還沒有很旺盛，不用等位也不用訂位就能輕鬆入座～先點一碟蔬菜打打底，蘆筍炒百合，蘆筍青翠新鮮，百合粉身帶爽，加點紅蘿蔔，就像是萬綠叢中一點紅，美觀又美味～一家之煮愛吃叉子，所以點了松子雞米配叉子給她～ 一客四件脆卜卜叉子，把滿滿的餡兒塞在叉子中，一口咬下，美味又滿足！突然間很想吃松子黃魚，所以又點了～ 本來很擔心會很大碟，還好也沒有很大，3-4人分食剛剛好～ 黃魚炸的外層香脆而肉質依然嫩滑，蘸點甜酸醬汁，開胃美味～ 醬汁中的菠蘿、松子也不能錯過，很美味的呀～蘿蔔絲酥餅一客三件超飽滿的！酥脆的外層沾了些芝麻，令蘿蔔絲酥餅的香氣更迷人，蘿蔔絲餡切成粗絲，口感豐富，味道清甜，不錯！平時大多會點一碟炒麵，但今日想清淡一點，所以改點雲吞湯麵～ 湯頭清清的，麵身煙韌不黏糊，雲吞一口一粒而且菜肉的比例剛好，配菜只是簡單的蛋絲、蔥花及芽菜，平淡但洽到好處～最後加點的生煎包卻令我們後悔不已... 樣子不對板，每一件都是扁扁的，底部就像油浸生煎包一樣～ 包身尚算鬆軟，

晌香港食上海菜嘅餐廳多的是，不過，如果約朋友食飯，我會偏向揀啲食過嘅，因為質素大概知喺點，穩陣啲。其實，今次舊同學嘅飯局，地點都喺大家拋啲建議出嚟，選好嗰兩三間都訂位已滿，淨番walk-in位，唔穩陣，搏唔過。突然想起尖沙咀嘅上海婆婆336，好彩仲有位，不過周六要分時段，我哋又無乜所謂嘅。都成年無嚟過，依家少咗自由行，遊客區嘅生意可能差咗，但今晚周六所見，就算唔十足，都九乘幾滿。所以，話分兩輪，由於下一輪都唔喺多人得咁緊要，都由得我哋繼續坐 。除咗小弟，原來當中都有舊同學嚟過，所以，大家都建議咗一啲心水菜式，再加啲炒飯、甜品，就已經OK。 四小拼（脆鱔、烤麩、小排骨、肴肉）$102 喺小弟山嘅心水推介嘅冷盤前菜，一來可以一次高試到多款冷盤，二來脆鱔真喺好特別。賣相樣衰嘅脆鱔入口脆卜卜，酸香開胃；小排骨如平常食到嘅糖醋骨，肉質倒算做得鬆化；烤麩軟綿而吸滿醬汁，食落煙韌咬口；肴肉晶瑩的骰，口感爽滑。 魚籽煙燻蛋 $18 / 隻 專登點嚟推介比舊同學試試，因為真喺做得有水準及心思，金黃蛋黃半凝半黏，蛋香濃郁而溏心效果突出，蛋白爽口彈彈，蛋黃濃香而略帶煙燻味，賣相吸引，食味又

大概半年前嚟過上海婆婆336食飯，由於菜式帶點新派，又做得有水準，所以，對該餐印象唔錯，記憶猶新。從雜誌知道佢哋出咗啲蟹粉菜式，就搵埋幾個朋友一齊試吓，初次邂逅佢嘅蟹粉菜式，唔知水準又如何呢？「上海婆婆336」跟「上海婆婆」有咩關係？336又點解呢？環境、菜式類別……依啲晌上次食評都介紹過，所以，都唔多費唇舌。雖然，聽講尖沙咀食肆嘅生意差咗，不過，仍有不少食店嘅生意不俗，就好似今晚所見，婆婆嘅生意認真唔錯，睇落估計都有九乘幾滿，當然都仲要睇人均消費額先準，食肆就最怕旺丁唔旺財，可是作為食客，人哋嘅生意額就難知啲喇。既然一心嚟食蟹粉菜，自不然聚焦晌個創意蟹粉系列餐牌上，由於我哋唔咩蟹粉狂熱份子，而且，有啲上次試過嘅心水冷盤又想介紹俾朋友，所以，眾多蟹粉菜中我哋只點選咗其中兩款。此外，再按大家喜好加啲富特色嘅菜式，樣樣有啲，就成為今晚聚餐嘅選擇。四小拼（脆鱔、小排骨、烤麩、肴肉）$95之前試過佢嘅脆鱔，超正，正想介紹俾朋友，朋友就心多多不如揀個四小拼，因為一次過試到多幾款冷菜。黑掹掹嘅脆鱔依然脆卜卜，沉厚酸香；小排骨喺幾款冷菜中較平實啲，肉質倒算做得鬆化；烤麩軟軟綿綿，索滿醬油；肴肉晶瑩的

朋友急call出去尖沙咀食晚飯、突然想起上海婆婆336。所以立刻打電話到訂座！餐廳裝修帶有點紐約風格元素、開放式餐廳設計及比較暗燈光、烏絲燈泡、大黑板、吧台、木地板等都包括在內！冰鎮醉黃雞，由於是冰鎮、雞肉比較爽口，入口肉質嫩滑。可惜黃酒味就有點不足！涼拌皮蛋豆腐，醬油幸好沒有太甜、豆腐切得雖然唔係太薄但也十非滑溜，皮蛋褐色而且充滿了松花紋而蛋黃中心部份是墨綠色亦是溏心蛋黃(流心)，味道有小許甘口、配合豆腐及醬油一起食用、入口味道非常特別！松子黃魚、味道酸酸甜甜，可惜魚就腥了點、顔色又橙了點，好在魚炸得剛剛好、入口時香脆可口，特別混合松子及甜酸醬一起食用時、整體味道也很協調又開胃！蟹粉豆苗，時令蔬菜、豆苗都幾幼嫩、入口有黃酒味香，蟹粉分量十足，亦帶有淡淡蟹膏香味！小籠包皮薄、豬肉餡又冇握到死實實、夠熱騰騰，用筷夾起小籠包、小籠包依然保持原狀、肉汁完全留在包內，入口時汁在口腔四濺十分好味！婆婆炒菜飯，飯炒得都幾乾身，用料豐富、有菜粒、鹽肉粒、蛋、䓤花及松子，飯炒到一粒一粒(蝦仔米)、入口沒有油膩、混入了菜及松子一起食、爽口得來又有小小嚼口感！香蕉高力豆沙，外表都幾企身，脹卜卜，唔知係唔係

適逢中秋佳節，當然要與家人外出用膳，吃一頓豐富晚飯～今年也不例外～但時間上則有點不同～某次跟同事談及到每逢節日，所有食肆都人山人海，受歡迎的食店往往要等上一小時以上。尤其是酒樓，必定會推出比平日貴的晚市套餐或暫停所有優惠。同事就告訴我，在中式節日，如：中國新年、中秋等節日就到西式餐廳;當情人節及聖誕時就相反，到中菜廳吃中餐。其實我也頗認同這個做法。但始終上了年紀的一輩，還是比較傳統，而且比較喜歡中菜，所以這年決定在中秋正日親自下廚，待假期完結後，再為他們補回一頓豐盛晚宴~由於家住葵芳，所以大多時候也會在新都會廣場隨意選一家中菜吃過晚飯便算，單是「上海婆婆」也吃過了數遍呢，開始有點厭悶，就想走出葵芳試一下其他餐廳～家中兩老一向愛吃上海菜，為了迎合他們的喜好，又能滿足我的新鮮感，最後挑選了一家早前曾被雜誌介紹過的新派懷舊菜館-「上海婆婆336」由於「上海婆婆336」只有兩間分店，分別位於尖沙咀及將軍澳，所以就選擇了一家比較近住所的尖沙咀分店，來到isquare的6樓樓層，看到一家呈環狀、設計開揚的佔地不小的餐廳，表面有著灰黑色仿鐵框的窗邊所包圍，能清楚看到店內獨特的環境，相當顯眼，即使尚未

小弟家住美孚，曾幾何時都有一間「上海婆婆」，其實質素都唔差，裝修又夠時尚，不過，最後都結咗業；亦曾經幫襯過牛頭角道淘大商場嘅「上海婆婆」，仲記得一大班人食得好滋味添。今回老友吹雞叫開飯，地點喺嚟尖沙咀國際廣場嘅「上海婆婆 336」，知道佢喺「上海婆婆」嘅副線，針對年輕朋友，當然好有興趣啦。又再次掹住食友衫尾，小弟就老實不客氣，多謝老友請客！查實都未嚟過上海婆婆336，嚟到先知咁唔同，一反傳統老派滬菜店嘅格局，若非門口有大大個招牌，否則都可能以為自己搵錯地方。餐廳嘅用餐區以環形設計，正正中間喺廚房，近門口左邊嘅卡位似足西餐廳，而近門口另一列吧位已夠晒有型，繼而再進入大廳，不規則花紋地磚搭水泥地、水泥牆身、鎢絲燈膽、木枱木椅，懷舊得嚟型格唔老套。最意外喺晌尖沙咀依啲黃金地段，枱椅排得一啲都唔密，所以，坐落輕鬆舒服。主餐牌印刷精美，分門別類有齊冷菜、湯類、豆腐、河海鮮、豬牛、雞鴨、小炒蔬菜、飯麵、手造拉麵、點心、甜品及飲品，選擇過百款，可謂一應俱全。除咗有列明一啲「本店推介」，等大家減少選擇困難，仲有一啲「辛辣」提示，而部分菜式又有圖片以供參考，確實喺依家對食肆嘅要求。雖然，上海菜嘅基本特點