上岸料理 (已結業)

大年初十，食左成個新年都係中菜悶悶地，上Openrice睇下有乜推介先！一向八婆仔嘅我，竟然發現到有間餐廳叫「上岸」，甘好意頭，仲要零負評，我點可以吾黎試！原來開左幾年我都吾知，一於指教下先！前菜，我已經覺得吾錯食日本嘢，我一定會飲返少少🍶生蠔...肥美、好味👍🏻👍🏻安康魚肝，我好鐘意🐽針🐟刺身👍🏻👍🏻👍🏻個壽司拼盤唯一最差係個拖籮，吾夠鮮同肥美lee個黑松露烏冬係全晚最精彩👏🏻👏🏻👏🏻串燒又係好味流心芝士年糕👍🏻銀雪魚，不過不失整體黎講係好味嘅，不愧為零負評👍🏻不過選擇比較少，份量少、價錢偏貴兩個人要二千幾蚊！

早2日行經K11買野，見到一間好有日本風味嘅日式料理店，老公二話不說就直接入去試下。內裏雖然裝修簡單，但全木風格令人感到好舒服。由於當晚時間比較早，所以唔太多人，之後到7:30pm 左右就差不多全full了。士多啤梨帆立貝沙律好特別嘅fusion 菜 ， 士多啤梨加上帆立貝，食落好清新仲好鮮甜，配上清酒味嘅啫喱一起吃好特別又開胃。刺身拼盤刺身就自己揀款再配搭成拼盤，出面好少有日本紅衫魚刺身，肉質鮮美仲好新鮮, 而深海池魚, 味道甜美，比較有咬囗。 赤貝，非常之爽口，仲帶點鮮甜。金目調，大廚將魚皮輕輕的燒過, 所以有微微焦香味，魚肉有彈性。左口魚，鮮味濃，配上辣蘿白蓉蔥等再配埋醬汁更能帶出鮮味。赤貝鬚加上青瓜絲做成卷物，入口爽脆清新。清酒煮蜆蜆肉肉質鮮嫩飽滿又無沙，鮮味十足，味道甜美，令人忍不住吃不停口，連湯汁都飲清。燒雞翼雞翼燒得金黃香脆，內裏雞肉嫩滑多汁。燒牛小排牛小排牛味香濃撲鼻。入口牛肉鮮味和油香流入口腔內，好好食喔！海膽牛油果卷海膽用上馬糞海膽，加上三文魚子，入口即溶而且仲好鮮甜，是我倆的最愛。最後有紫薯雪糕做總結，紫薯甜味又濃郁，而且不太甜，我好喜歡喔！

前排老婆同朋友去左旅行，得返我一個人自己食，佢終於返來喇，佢為左我返來第二晚就同我去食好野。老婆選擇左棉登徑食日本野，但原來棉登徑真係有卧虎藏龍之地，就係D間 {上岸料理} 日本野，我們去到餐廳坐位不算多，有優雅感覺。之後坐底點了幾款菜式。【士多啤梨帆立貝沙律】一見到好特別，有士多啤梨同帆立貝，食落有清新清甜既感覺，配上好以啫喱壯的酸汁一起吃有醒胃效果。【自選刺身】深海池魚、日本紅衫魚、赤貝、金目調、左口魚有D刺身真係好特別，平時出面好少有日本紅衫魚刺身，而且仲好新鮮TIM, 又有呢款深海池魚, 食到近魚皮部位, 口感會較為爽口。赤貝，非常之爽口，仲帶點鮮甜。金目調，大廚將魚皮輕輕的燒過, 所以味道會較香。左口魚，薄切而鮮味濃，配上辣蘿白蓉蔥等再配埋醬汁更能帶出鮮味。【海膽牛油果卷】出奇地算大件，海膽仲用上馬糞海膽，加上魚子，食出鮮味，是我們的摯愛，海膽入口幼滑味又重。【燒雞翼】上、【燒牛小排】下雞翼燒得好香口，燒到外表是漂亮的金黃色。牛燒得好香，陣陣牛味湧進鼻。咬了一口，滿口牛肉鮮味和油香流出在口腔內。【清酒煮蜆】值得推介!!!份量十足，一份裡面有很多隻，肉質鮮嫩

雖然我唔食生野, 但我又好鍾意食日本野喎, haha….. 今日黎到呢間日本料理食出鮮味來. 首先叫左個豚肉野菜沙律, 豚肉鮮甜爽口, 沙律菜也很新鮮, 如果想清清地就就咁食, 因為已經加了醋, 好開胃, 如果想味道再豐富d可以點呢個日式麻醬.跟住叫左呢個松葉蟹腳天婦羅, 嘩…..呢個堅鮮, 超正, 首先天婦羅漿一d都唔厚, 啖啖肉, 超鮮, 超方便, 不需要自己整開d殼就食得, 而且蟹味十足, yummy yummy!!跟住再叫個清酒煮蜆, 粒粒肉都好飽滿, 份量一d都唔少, 又無沙, 味道鮮甜再帶點清香既清酒味 & 大蔥既香味.呢個係軟殼蟹牛油菓卷, 都係我飛佛黎架, 外軟內脆, 再加上牛油菓既清香 & 口感也豐富起黎.哈哈…仲有呢叫個燒飯團, 表面煎得香脆, 好有飯蕉既香味, 外脆內軟, 而且裹面還加上了紫菜, 令味道無咁掛.最後再燒返串豚肉串先, 因為我覺得呢都d豚肉唔錯, 呢個堅正, 肥瘦適中, 唔會只食到肥膏, 但又夠哂淋身, 外面又燒得香脆, 讚!!最後仲有呢個抺茶/柚子雪糕食tim ar....yummy yummy^^

今日同個日本客食飯, 帶佢去食好野先, 呢間料理門面已好有日式FEEL, 我個客話好有歸屬感, 哈哈…..我點左幾款野食, 食完我個客都讚不絕口.首先叫左個鵝肝多士$170, 口感完全係入口即溶, 而且仲好厚身TIM, 配埋個脆脆多士簡直係絕配, 再加埋少少既黑醋令味道提升了.豚肉野菜沙律$80, 沙律菜新鮮, 豚肉夠哂薄身, 油脂分佈得均勻, 口感爽口, 還可以點日式麻醬TIM.跟住叫左D好特別既刺身, 而且仲好新鮮TIM, 有呢款深海池魚, 食到近魚皮部位, 口感會較為爽口.金目調大廚將魚皮輕輕的燒過, 所以味道會較香, 口感都係帶爽口.仲有呢款係日本紅衫魚, 面頭有D辣辣的類似羅白容, 可以包住一齊食, 味道較為突出, 而口感比較滑身.仲有呢款赤鯥都好少有, 味道較鮮, 大廚也有將魚皮輕輕的燒過, 口感還入口即溶. 赤貝更是爽口鮮甜, 真係要新鮮既食材才可食出鮮味.跟住叫左呢個軟殼蟹牛油菓卷$110, 軟殼蟹炸得香脆, 牛油菓更有一種好清香既味道, 加埋一齊食口感味道更豐富.最後叫左個燒芝士年糕$40, 剛剛燒起熱辣辣, 芝士味濃郁, 還有外脆內軟既感覺, 咁就劃上左完美的句號啦

今日去咗尖沙咀行街，又到咗夜晚要搵好野食的晚飯時間，見到K11隔離的棉登徑有幾間望落都好高級的日本餐廳，被呢間門口裝修好別緻的上岸料理吸引咗，木趟門，就入黎試下。餐廳位置唔算太多，但好寛落，環境清靜悠雅。磯煮鮑魚，色澤鮮艷，賣相吸引，大大隻鮑魚，醬汁煮得好入味，咬落肉質好結實，好重鮑魚味吞拿魚腩多士，吞拿魚的肉整得好似蓉，入口即溶，仲凍凍地，十分鮮甜，加上香脆的多士，味道好夾主角的雜錦刺身，有成8款刺身，三文魚淋身，帶子新鮮清甜，仲有紅衫魚，竹簽魚等，肉質爽口，拖羅好有驚喜，入口即充滿魚香味，鮮嫩，仲有兩隻大蝦，彈牙新鮮海膽松葉蟹蒸蛋，海膽份量多，新鮮清甜，蒸蛋十分嫩滑，水潤，火候時間掌握得剛剛好，加上蟹腳的清甜，一定要試下燒青椒仔，燒冬菇同燒粟米，青椒仔唔會好辣，帶點清甜味，加上木魚吊下味，冬菇厚身，燒得唔乾身，仲多汁，粟米重牛油味，燒得好香口關東煮，有魚腐，腐皮，魔芋，雞蛋等，剛煮好熱辣辣拎上檯，湯汁十分清甜，忍唔住飲咗好多啖，魚腐同腐皮煮咗好耐，好淋身，吸收晒湯汁既味道，食完好飽最後仲叫咗個豆腐杏仁奶凍，好重杏仁味同奶味，好滑身，底仲有少少豆腐，兩隻味道都有。除咗食物一流，一定要

店舖門面簡潔而高雅，以木石為主配上日系風格，有股山水相連之感。餐牌大方得體，適合與工作伙伴或伴侶吃飯，大氣而毫不失禮。入座已呈上熱茶及消毒毛巾，服務體貼入微，上菜時間上更能特別深感體會，時間掌握得剛剛好。前菜: 日式裙邊配青瓜裙邊肉質彈牙，青瓜青甜爽脆磯煮鮑魚 hkd188鮑魚色澤鮮豔，肉質柔嫩細緻卻不失咬勁，鮑魚味濃郁，鮮甜多汁。呑拿魚腩多士 2件 hkd100呑拿魚色澤粉紅鮮嫩，肉質細緻綿密幼滑，魚香味滲透入下層香脆多士。雜錦刺身 hkd700三文魚： 魚肉彈牙肥美，口感豐富。拖羅：魚肉細緻綿密，入口即融，滿滿油香化在口中不散。帶子: 帶子肉質彈牙軟熟，鮮甜飽滿。牡丹蝦: 表相晶瑩剔透，肉質結實鮮甜。日本紅衫魚(糸撚鯛) : 肉質彈牙結實、口感清澈鮮甜。竹籤魚: 竹筴魚的脂肪豐富、彈牙鮮美。比目魚: 外觀晶瑩剔透、肉質細嫩爽口、味道鮮美而肥腴。燒青椒仔 hkd38青椒仔鮮甜微辣，充滿水份，木魚碎灑滿椒面做為佐料，增加口感。燒冬菇 hkd28冬菇質感軟熟，能鎖住水分，入口清甜多汁，濃厚菇味。燒粟米 hkd48以濃香牛油燒至金黃外表，粟米粒外脆內嫩，香甜惹味。海膽松葉蟹蒸蛋 2份 hk

今晚約左個老友食飯，咁之前大家都講好食日本菜啦！今次佢就話叫我搵下食邊間啦，又係時候問下openrice啦，見到係棉登徑e間野竟然有零個伏，開業咁多年竟然有零個嬲嬲真係一件好難嘅事黎呀！咁就一於去e間，新年就當然要上一上岸啦！好，咁去到棉登徑啦，e間上岸都唔係好難搵到，因為門面裝修日本感覺都非常鮮明，另外門口有個簡單餐牌啦！入到去之後，望落去就唔係好多張枱，但係都滿左客人，心唸上岸果個應該係佢個老闆wor!好啦！好好彩就剛剛有張枱，一坐低見到隔離成枱都係野食，咁我狀態即刻由肚餓變做好肚餓啦！望完個餐牌同聽完店員推介之後，我地兩個人就點左以下菜式啦！一套精美餐具。咁一坐低果陣店員就會放低個前菜，前菜係帶子裙邊加青瓜，帶子裙邊非常鮮味，再加上醋，非常開胃。好!開飯啦！首先黎嘅係針魚刺身，針魚可是日本料理店最佳的生魚片食材之一，尤其在夏天盛產季節，舉凡針刺身、鹽燒針魚、針魚天婦羅都是常見菜色。但對我來說是非常新奇新鮮，咁店員就介紹話將刺身點左日本芥辣後，再點少少姜蓉會更加鮮味，咁我就試下啦，首先入口感覺就非常鮮味，而口感就食落去較為實在，較為煙韌，唔會話入口即溶，非常特別，佢唔會話好濃味，但

尖沙咀棉登徑一帶都有幾間日本料理，今次見到呢間唔太多人， 望落企企理理，再帶點日本風呢！星期日午餐時間竟然唔使等位， 就試試吧！午餐Menu前菜 沙律， 沙律菜新鮮兩個人點了兩個set.呢個係滑蛋豬扒井滑蛋既熟透程度是我至愛的， 炸左既豬扒不太油， 炸粉也不厚。另外，也點了一個四色井。海膽很有鮮味， 但不相信這樣的價錢可提供到北海道海膽 . 於是問了侍應 北海道來自何方？侍應耐心解答是來自韓國的，一來機程較短，可以最新鮮的品質來到食店， 性價比較高最後，甜品可以選蕃薯味雪糕或者布丁。兩者都好好味。充滿日本風味的一餐呢！

對於香港人精神來說，人人都想"搵夠上岸"，何謂"足夠"，則人人有不同的價值觀。但對於一隻出海捕魚的漁船，才剛"上岸"的一刻，就是意味著"最鮮"的第一個接觸點。對於棉登徑本身，早在香港紫醉金迷的年代就懷著很濃的日本味道，著名的 Omakase, 日式燒肉, 拉麵, 以至居酒屋，都一一可以在棉登徑找到，隨著香港的經濟結構轉型，棉登徑仍保留著這一份情懷，有時候在尖沙咀想找家合心水的日本料理，雙腿都會引領自然走到這條小街，多年，習慣了。今日叫左：針魚刺身 曾經嚐過一次針魚他他壽司，當時印象亦深。今次首嚐針魚腩位做刺身，新鮮清甜，肉質爽而彈牙。燒七味魚翅醋味北海道生蠔四面環海的北海道，最令人懷念的海產必是毛蟹和蠔，最掛念莫過於札幌那家出名的任食鮮蠔了！想不到在香港也能夠嚐回當日鮮味，加入輕醋將蠔的鮮味發揮得最好，肥美肉厚很感動啊！白身魚雲月卷白身魚的特點是，魚肉雪白清新、鮮甜而幼嫩，而且肉質帶清爽、油脂不太豐厚包裹著海膽來一起吃，來個味覺的衝擊。火炙壽司(吞拿魚/紅衫魚/金目鯛/三文魚/帶子)紅衫魚(其中一款火炙壽司)關東煮燒牛舌 / 牛小排 / 豚肉 / 手羽豚角煮炆出真功夫，外皮位香潤不肥膩

刺身拼盆～～赤鯥魚，金目鯛，竹簽魚，紅衫魚，帶子，廚師把魚皮少少燒一下，令魚香味更加特出，而令一個特色就是把刺身砌成精美的圖形，有得食又有得觀賞。在面上加了幾粒精瑩通透魚子，點綴一下，食時味道又有所不同。

炎炎夏日最愛吃日本菜，經朋友推介，周日來到這家小店吃午餐。 店子面積不大，只能容納十多人，裝潢簡約舒服。 研究餐單時，店員端上清香的綠茶，並沒有催促我們點菜，整頓午餐給予我們寧靜感覺。  午市定食選擇不少，價格十分親民，介乎$88至$168。 前菜方面，沙律菜很新鮮，小蕃茄非常甜！蒸蛋材料豐富，絕不欺場！主菜選了四式丼($138)和雜錦壽司定食($150)，魚生基本上新鮮，蔥吞拿魚腩夠肥美，油香滲入白飯，令人胃口大開，惟海膽未算鮮甜。 套餐配有甜品或飲品，我選了熱咖啡，店員未遞上咖啡已聞到濃濃香味，味道不酸，合格。 以百多元的價錢而言，這頓午餐可說是物超所值 後記：當天下雨，進到店內時我將雨傘放在遮架，離開時店員拿著我的傘提醒我帶走，實在太貼心了！其實我完全忘了要取傘) 

呢日又同朋友食lunch，想就返佢唔曬去尖東咁遠，決定就黎呢度，貪佢近地鐵。Book咗枱，1點鐘。都坐滿曬。先睇下個lunch menu。價錢尚算ok，唔貴！今次又係，同朋友點既一樣，一人一份四式丼（海膽、三文魚籽、蔥吞拿魚腩、蟹肉）$138首先黎啲前菜。有沙律，海蜇青瓜。沙律配酸汁，好fresh好開胃！好味！主菜。同埋有燉蛋，味噌湯。個四式丼，雖然唔係好大碗，但裝滿晒成個碗, 好吸引！海膽鮮甜，一啲都唔腥。三文魚籽，一咬即破，又脆又鮮甜。蔥吞拿魚腩，切得碎，夠蓉，入口即溶，撈飯一流。蟹肉，有清甜的蟹味，唔錯！其實佢個飯份量唔算大。我自己就好夠，但朋友（男）話加埋啲前菜沙律甜品先夠飽！Anyways，仲有飯後甜品。可以揀野飲，或甜品。嗰日有杏仁豆腐或紫薯雪糕。我哋都揀咗杏仁豆腐！杏仁豆腐好滑。有杏仁味。算係呢餐一個好好既ending！咁既價錢，一啲都唔貴。而且坐的舒服。服務態度又超好。I like！

Was looking for a sushi/sashimi place in TST and accidentally ended up here.Very nice surprise, the shop is quite small but the ingredients are fresh.We ordered 2 oysters from the recommendation board (78$ each) - they were fat and freshThen onto 2 liver toasts (58$ each if i recall correctly) - rather small portion and the glazing on top was too much and took out the pan fried liver flavour outWe didn't know what to order next so just went with the sashimi platter and the sushi platter (somethi

之前偶然入去食左個鰻魚飯午餐定食好好味所以今日又再幫襯午餐定食包前菜, 沙律, 茶碗蒸, 主菜: 鰻魚飯+ 烏冬, 仲有飯後甜品個鰻魚飯超推介, 鰻魚黎到仲熱而且燒得有點微濃, 好香, 唔會好似外面食成舊淋身尋日甜品係綠茶雪糕都幾香以哩個價錢係我暫時食到最鍾意嘅鰻魚飯