上岸料理 (已結業)

香港有好多日本餐廳，但有質素的就唔係咁易搵到，棉登徑呢間日本料理，我已經好幾次帶唔同的朋友黎食飯，今日兩個女仔想舒舒服服傾下計，我又再之建議黎呢度淨係門面已經好有FEEL，入到去就係好家庭式料理感覺，由於有好多客人，我就唔方便影內部相啦左口魚薄切 ($270)此乃考刀工之作，每片左口魚都切得好平均，而且薄到透透地，可以包埋蘿蔔蓉同蔥花一齊食吉列南瓜薯餅 ($60)吉列最重要就係個炸皮，呢碟南瓜薯餅外層炸得十分鬆脆，即叫即炸，簡單的食物就最考功夫鹽燒牛舌 ($55)、燒日本雞腎 ($38)串燒同樣出色，牛舌厚度岩岩好，串燒係傾計必備食品海膽牛油果反卷 ($190)海膽鮮甜，加左紫蘇葉同牛油果，反卷做得夠實淨，兩個人每人食3件岩岩好鐘意食日本野的朋友，想搵個地方慢慢傾，呢度就好適合啦

尖沙咀棉登徑向來都係多各國唔同美食嘅地方，有拉麵、中菜、英式菜等等⋯而我今日食既就係就係一直都想試好耐嘅日本菜上岸料理。上岸料理門面係一個非常傳統嘅日本餐廳，裏面更加係非常有日式嘅感覺，全以木為主要裝飾元素，感覺溫暖。黎得食日本菜我哋一定要試下唔同嘅漬物。而今日我哋就試咗蒜頭漬同牛蒡，蒜頭漬鮮甜爽脆味道香濃，而牛蒡亦口感爽脆。除咗兩個漬物之外前菜我哋亦都揀咗海蜇配青瓜，全都係一些比較清淡爽口嘅飯前菜，為晚飯做好準備！食完前菜之後我哋第一味食嘅就係凡立貝tar tar冷茄子配海膽醬，茄子味道冰冷鮮甜配上海膽醬味道濃郁食法新穎。食完冷茄子之後我地就食另一道冷盤日本水八爪魚吸管，呢一道菜係我今晚嘅最愛日本水八爪魚吸管食落口爽脆彈牙，可以話係我食過最爽口嘅八爪魚🐙！食完冷盤刺身之後我哋就食咗一個吞拿魚多士同埋芝士銅鑼燒年糕，食完清淡嘅刺身同埋冷盤之後，吞拿魚多士同芝士銅鑼燒年糕完全能夠挑起味蕾的刺激！加上香脆幾既多士完全係令人覺得一塊唔夠想食多幾塊！食完兩個二盤之後我哋仲食咗左口魚、三文魚、金木鯛、吞拿魚腩和帶子等火炙壽司五點，每一年到壽司經過火場後更能帶出其鮮味和有火燒的香味！食完壽司後我哋

睇波之前緊係去棉登徑食餐好！呢一間餐廳其實想食好耐😍平時經過見到出邊係好雅致嘅日式裝修，鋪面唔大不過非常座位闊落，空間感亦好大👍🏻😎真係走高級路線🤣首先係兩個漬物＂牛蒡同蒜頭＂牛蒡平時食得多，呢度嘅牛蒡入味而且好爽口，最特別反而係蒜頭，我哋兩個食到停唔到口🤣除咗開胃之餘攞嚟送粥都一流！＂帆立貝他他冷茄子＂新鮮嘅帆立貝刺身配合香蔥同海膽醬，喜出望外嘅係茄子加上醬汁同海膽醬配合得好好，食法夠特別。重order左一個佢哋嘅時令菜式＂日本水八爪魚＂我自己平時好驚食八爪魚刺身，成日覺得咬唔開好辛苦🤣但呢一個真係必試😎👍🏻非常容易入口不特止個吸盤係勁爽口，菊花嘅花瓣令到八爪魚肉有一股青甜嘅香味，層次感十足！不過我諗最緊要係食材新鮮😆火焰壽司分別有火灸三文魚、帶子、左口魚邊、吞拿魚、金目鯛，最好食嘅係左口魚邊，經過火炙之後油份好豐富而且有濃濃香感覺入口即溶！串燒雞軟骨、銀杏、呢兩個係貪得意試吓，估唔到又好正，佐酒一流，尤其係銀杏，燒完之後銀杏唔會太苦但係有一種甘香嘅味道。整體黎講如果你鍾意食新鮮嘅日本刺身又鍾意環境優靜又靚靚哋就一定要黎試吓🤤

日本菜，一直都係我百吃不厭既一款菜式，因為對日本呢個國家既喜愛，覺得佢地D野食都特別好味，呢一日，我黎佐尖沙咀，搵佐呢間感覺很隱世既日本餐廳啦。餐廳位於棉登徑，位置夠方便。門外已可見餐廳既裝備充滿日本風，感覺高貴，有點像居酒屋的格調。餐廳位置不多，還好今日又預先訂位，聽見有幾枱客人想WALK-IN都要摸門釘。在香港吃飯，想食得好D既，必先訂位，絕對是常識。日本水八爪魚 $188食材很新鮮，食落有爽彈感，有八爪魚咀也有八爪魚片，兩種口感，同樣出色。芥末係用新鮮即磨既，所以個香辣度特別好味。吞拿魚腩多士 $55一件TOAST上放上吞拿魚腩蓉，再加上沙律醬，多士夠脆口，而吞拿魚腩既份量亦都夠哂多，極大滿足感。串燒雞軟骨 $30一串串燒係餐廳即叫即燒既，所以上枱既時候仍然香噴噴同埋夠哂熱。雞軟骨食落唔算硬，好香口，加入2-3滴檸檬汁味道更佳。燒豚肉串 $30燒豚肉串都只售$30，真係幾抵食，好多地方叫一串都基本消費$50。而佢既份量亦都無將貨就價，豚肉食落肉質都挺身，味道都幾濃，呢個時候真係想啤一啤佢襯托一下。海膽松葉蟹蒸蛋 $95見到隔鄰枱食個蒸蛋好正，自己都忍唔住order佐一個。打開碗蓋

再次黎到尖沙咀尋覓美食，當然要食一間未食過又吸引到我既餐廳啦，最後簡左就近尖東站，門外裝飾日本風味十足既上岸料理。餐廳座位唔多，店員用流利日文同日本客人交流，感受到店員專業感。🥢吞拿魚溫泉蛋沙律吞拿魚粒撒上黑椒增添鮮味，溫泉蛋滑溜，另外配有紫菜汁酸酸地好開胃。🥢左口魚薄切左口魚切得晶瑩通透、薄切如紙，食落去肉質細嫩，爽脆鮮甜。🥢日本八爪魚水魷魚汁液粘滑，風味鮮美，吸力強，口感十分有趣。🥢火炙壽司分別有紅衫魚、三文魚、竹千魚、吞拿魚、金目鯛。經過火焰嘅洗禮，魚油都佈滿係魚生表面，魚油味香濃之餘魚肉都十分滑，每咬一口，都好滿足，十分讚。🥢松葉蟹腳天婦羅蝦天婦羅就食得多，蟹腳天婦羅就真係第一次食，除左賣相吸引外，蟹腳味道鮮甜，旁邊仲有我愛吃的秋葵。🥢汁燒牛小排牛味濃郁，點沾上身旁既芥末胡椒醬，更上一層樓。🥢燒豚肉串一層瘦一層肥，豐富肉汁，非常邪惡。🥢燒油甘魚鮫呢個真係必食，唔好睇相就覺得份量小，實際上食起上黎啖啖肉，仲有要趁熱食丫。魚肉質肥美甘香，嫩滑既魚肉加上燒得甘香既魚皮同魚骨，加上帶椒鹽味、魚骨焦脆，絕對唔可以錯過。🥢冷稻庭平時好小食冷麵，因為通常食親都覺得麻麻，但今次卻令我改觀。湯汁

依間日式嘅上岸料理，門面唔太起眼，但食完先知喜出望外，連正宗日本人都嚟幫襯添。 內在環境唔算好大，裝修都係以柔和嘅木枱，木凳，木櫃配合，有著傳統日本家庭嘅風格。 第一道係前菜，青瓜配帶子裙邊。帶子裙邊醃製得好好味，青瓜新鮮爽口。 呢碟菜上枱嘅時候，我哋完全唔知道側邊有刺身。仲諗住中間點會有左口魚係入面呢?師傅刀工精湛，切到啲刺身好薄好薄。左口魚味淡，配合埋中間嘅明太子，怱，海藻一齊食，別有一番風味。 日本水八爪魚，八爪魚最好食係個吸盤，咬落去卜卜脆， 口感獨特，令人一試難忘。 吞拿魚溫泉蛋沙律，配合特製嘅黑醋。食落去酸酸may May，加埋溫泉蛋嘅蛋漿，配搭一流。當然不得不讚吞拿魚嘅新鮮度，完全冇被黑醋蓋過曬啲味。 火炙壽司五件，分別有三文魚，吞拿魚油漬，鯛魚，油甘魚等等， 每一款唔洗點豉油都夠味。每款口感，味道都不同，有些更充滿油香。 汁燒牛小排， 賣相已經非常吸引。入口味道亦非常香，而且口感軟腍，而帶一點嘅嚼勁。 旁邊既芥末醬，更能帶出牛濃郁嘅味道。 松葉蟹腳天婦羅。第一次食松葉蟹腳帶做嘅天婦羅，味道特別鮮甜，而且松葉蟹蟹味獨特而好香， 外層炸得皮薄又夠酥。 再黎一串好好味嘅燒豚肉

喺K11行完街，就見到呢一間餐廳，比佢深深吸引着磯煮鮑魚汁濃濃咁佈滿整個鮑魚肉，肉身中間香濃既鮮鮑魚味，有兩種口感池魚刺身，師傅切到好薄，點埋個柚子汁味道好夾有好幾款火炙刺身，我最鍾意就係火炙左口魚邊池魚海膽卷物，池魚既爽脆，配海膽既鮮甜每一啖都好濃既海膽味三色串燒，最欣賞就係佢既燒小牛排肉質嫩滑，好多肉汁清酒煮蜆，佢煮得好好，清酒味香蜆肉顯得更甜！松露芝士烏冬芝士汁令烏冬更加滑，又唔會太溜，松露竟然又同佢咁夾食返個雪糕甜品做結尾就完滿！

從來食日本野都係女仔嘅最愛尖沙咀行到攰地，喺棉登徑有間好似日本居酒屋嘅鋪頭忍唔住就走左入嚟睇咗陣Menu，店員介紹咗我哋食池魚刺身肉質好鮮甜，配埋個柚子汁加薑蓉及蘿蔔味道即刻提升咗好多呢個磯煮鮑魚，好有心機汁同鮑魚配合得好好內面肉質夠晒軟熟仲好香鮑魚味火炙五味經過火焰嘅洗禮魚油都佈滿係魚生上面每咬一口，都好滿足呢個池魚包住海膽海膽嘅鮮味，遠遠蓋過池魚既鮮太霸道太正啦之後叫咗幾串串燒估唔到佢個燒豬肉會有驚喜肉質鮮甜美味食返啲熱食個人都醒神啲清酒煮蜆，顯得個蜆更加鮮甜呢個燒烏冬，一啲都唔溜越食越想食最尾黎返個甜品咁就滿足晒啦

今晚去左尖沙咀食晚餐，尖沙咀餐廳一向都好吸引，平時食飯都要選擇一段時間。經過棉登徑，想起一間非常濃厚風味的日本餐廳「上岸料理」。蕃茄麻醬沙律。香甜蕃茄非常清甜新鮮，加上香濃芝麻醬，清甜中不失麻香滋味，的確是開胃前菜。左口魚海膽卷。魚生非常新鮮，入口左口魚魚味突出，由於左口魚魚味比較淡，加上香甜海膽，突出海膽鮮甜濃郁味道！鵝肝多士。多士烘脆加上厚切鵝肝，入口油香豐富又唔會太油膩，醋味香甜減低鵝肝的油花，口感更加豐富驚喜。雞肉燒得非常juicy，入口滑溜唔會乾身，外層微脆中間肉質嫩滑！

傍晚的尖沙咀, 到處都是人山人海, 車水馬龍, 但我們竟然在尖沙咀棉登徑搵到一間清幽舒適的日本料理店,座得舒服, 食物又美味, 認真唔錯!日本料理當然唔少得剌身及壽司啦, 剌身拼盤的剌身有平時少見的連子鯛, 紅衫, 金目鯛, 深海池魚, 味道清甜, 尤其是金目鯛及深海池魚, 鮮甜無比, 食完口有余甘, 非常好食! 壽司我們叫了幾款火灸壽司來食, 有三文魚, 帶子等, D壽司飯的是我喜愛的微酸的味道, 再配上經火焰燒灸過的三文魚及帶子等, 有種特別的香味但肉質依然非常嫩滑, 好味道!仲有要讚好的海膽左口魚卷, 左口魚剌身切得超薄, 幾乎透明, 然後包住海膽, 上面淋了些師傅特制的日本剌身豉油, 我們還沒開始食, 只是看著這碟嘢已經覺得非常漂亮, 吸引人的食欲, 因為從超薄的左口魚剌身看到裡面包住的一大團黃色的海膽, 一啖送入口, 左口魚剌身的爽, 海膽的鮮, 加上淡淡的豉油香, 哇! 好滿足, 成口都是海膽, 這個海膽左口魚卷有創意得來, 味道超夾超好食!除了魚生壽司, 我們還order了一些熟食, 有香煎雞扒, 酥炸雞軟骨等等, 雞扒是用來自日本本土的雞, 煎到外表焦脆, 但雞肉依然好

Omakase 嘅意義大概係師傅將當日最好嘅食材奉上給食客，不時不食，對食物有要求的朋友來說，是一個不錯的選擇，由餐廳為自己安排當晚菜式，感覺好 VIP。早前跟 vendor 晚餐，到了尖沙咀上岸料理，取其名字的意義，vendor 已經可以上岸吧。一坐低店員先奉上熱茶同埋秘製前菜，地方闊落，走和式簡約風格，感覺自在。店長熱情招待，我亦膽粗粗拜托他幫忙安排當晚食物，由廚師發板，首先安排當天最新鮮的刺身。雜錦刺身有連子鯛、金目鯛、深海池魚、赤貝刺身⋯我特別欣賞他們的日本紅衫魚，魚油豐腴，肥美嫩滑，入口油潤甘香。食材新鮮，魚生厚切亦夠做到入口即溶的口感，色澤均勻潤澤，受歡迎是有原因的。然後是麻醬豚肉沙律，豚肉肉質相當鮮嫩，麻醬味道明顯提鮮，沙律翠嫩。吞拿魚腩多士，烤得香脆的小多士上盛載了滿滿的吞拿魚腩，鮮甜的魚腩，加了些蔥花更感香口，吃得出吞拿魚腩的鮮味，味濃而不腥，肉質纖細， 幼滑如絲。清酒煮文蛤，文蛤的鮮味與清酒香味相互融合，讓友人一口接一口的吃下去。吉烈炸蠔，金黃色的外層炸得非常香脆鬆化，蠔身飽滿而肥美，入口吃到啖啖鮮味。咬開鬆脆的外層，蠔肉爆出鮮甜蠔汁，口感大爆發，滋味無窮。最後甜品

女友昨天由歐州公幹回來, 她很想吃日本菜, 我約了她晚上去尖沙咀 上岸料理 吃個日式晚餐, 替她洗塵.   餐廳在棉登徑, 門外裝飾日式風味.  很標緻.餐廳內外裝飾好配合, 都是以天然木色和綠色為主, 壽司吧內整齊有序, 師傅們在勤力地工作.  天花用了長竹架成,  富天然感更有品味 !餐桌旁擺放植枝, 和長形窗門好吻合.櫃檯上橫扁,  是  "千客萬來"  開運擺飾, 招財貓也在鎮店.餐廳座位不多, 侍應對客人服務會更週到, 廚師食物處理得會更好.侍應安排了我們座位,  店長介紹餐牌食物特式, 有壽司, 刺身, 燒物, 爐端燒, 飯/麵等等. 及今日 時令食材.我點了多樣女友喜好的食物 及 左口魚薄切. 點餐後, 侍應送來日式小食 ~~ 青瓜絲配元貝邊, 新鮮的青瓜爽甜, 配上爽滑的元貝邊, 醬汁味道帶酸甜, 令人好開胃,  燒七味魚翅 $90   ~~經灸燒過既魚翅好香口,  廚藝比一般居酒屋更有水準 , 沾了沙律醬的魚翅乾, 好美味! 帆立貝士多啤梨沙律 $118  ~~最適合女孩子的沙律, 顏色清新,  味芳香,  擺碟奇美, 好滿意, 新鮮日本直送士多啤梨果然美味, 顏色悅

今晚朋友帶我去尖沙咀棉登徑 上岸料理 吃日式晚餐,  這間日式小館, 門外設計獨特.餐廳入口, 可見到壽司吧檯, 師傅在線,  雪櫃內展示了今天日本運送的新鮮海產.   吧檯座位只設三個. 室內燈光柔和, 天然色的木餐桌,  使人感覺舒適. 座位排列, 整整齊齊. 日本小擺設有特式侍應安排好我們座位, 環境典雅憩靜,  從一扇玻璃窗外, 可看見街上景色店長便介紹今日 十款 Special,  以時令刺身為主,種類確不同,  價錢比例屬中等.  我們對這誠意推介有信心, 先點了左口魚薄切. 另餐牌有多頁, 食品種類多, 廚師推介 - 看來不錯. 有壽司, 刺身, 燒物..........等等. 點餐後, 侍應立即送來日式涼拌小食,  青瓜絲配元貝邊, 看來簡單, 但調味不錯.  新鮮的青瓜好爽甜, 元貝邊爽滑, 混入醬汁, 頂開胃 !! 接著送來是沙律頭盤:     帆立貝士多啤梨沙律 $118 沙律也由時令生果開始, 新鮮士多啤梨配帆立貝,  擺設吸引, 色彩繽紛. 新鮮士多啤梨顏色亮麗, 味帶芳香, 配合肥美嫩滑的帆立貝刺身, 有特式, 口感很有層次, 加點酸甜啫喱醋更開胃, 味感豐

有時候食想食得好啲，有質素，今晚就去了間唔錯嘅日本料理，這裡有由廚師發板嘅omakase選擇，亦有由menu 點選自己喜歡嘅食物，重有係店員推介嘅食物，今晚同喜歡食日本料理嘅朋友去，咁當然就由她發板，食次朋友版omakase，落單後店員就先送上餐前小吃，冷盤和牛舌，精緻嘅兩片，入口肉質軟熟嫩滑，冬食又真係另一風味咁今晚由朋友發板，愛吃日本料理當然先叫了個刺身，薄切左口魚，師傅手勢了得切得好薄，入口魚肉鮮甜爽口，朋友果然識食！跟住就係點了愛最愛嘅刺身，今晚推介就係呢四款新鮮嘅連子鯛，金目鯛，池魚，赤貝刺身，有比較少見嘅連子鯛，魚身顏色呈粉紅的而入口時感覺肉質比較清爽，而另一款嘅金目鯛色澤鮮紅，味道美味而著稱，金目鯛入口時感覺油脂含量適中而且肉質細膩柔嫩，正！池魚刺身嘅肉質緊實而爽口，略帶油香，味道鮮甜；師傅將赤貝用蝶切方式從中間切開展平，做成蝴蝶型的造型，賣相精緻，而入口時其肉質質感柔軟略帶甘甜，四款口味各有特色！而朋友亦點了份赤雞香味燒，燒雞嘅源產地係日本，當然感覺又真係好似唔同啲，燒得皮香肉嫩，見到薄薄嘅雞皮下有厚厚嘅雞肉，入口夠晒軟熟嫩滑！而最開心係呢個蒲燒鰻魚飯，完全係我嘅致愛，

是夜下班來此晚膳，平日晚上人少少又清靜，座位之間位置寬敞，十分舒適。前菜帶子他他伴冷茄子，茄子和帶子煎過略帶焦香，伴上濃郁海膽醬，清新又惹味。刺身拼盤十分精彩。赤貝清甜爽口，中拖羅油份足，入口即化。金目鯛和連子鯛結實鮮嫩，且表皮略灸帶點香脆。最特別是日本紅衫魚，比一般白身魚味濃，脂香豐腴，一試難忘。吉烈南瓜薯餅表面香脆不油膩，中心熱辣辣，南瓜加薯蓉饀很清甜，配合油醋沙律菜同吃減少罪疚感。燒雞軟骨和日本雞腎用料上乘，簡單以鹽燒香，特別雞腎香脆略帶嚼頭，已很出色。甜品豆腐雪糕就像日本的高質豆漿，有極濃豆香，令是夜晚膳完美作結。這裏雖然價錢略高，但食材高質，用膳環境舒適，值得一試。