上岸料理 (已結業)

是日首次帶友人來用膳，環境日式簡約舒適，雖然不大但氣氛良好，完全沒有一般餐廳的吵鬧聲，好適合靜靜談心。店內播住舒服日文歌，感覺舒適。士多啤梨帶子沙律108創新，加了特製的啫喱，帶少少酸，伴碟的新律菜亦脆口新鮮，酸酸地甚開胃，但帶子加士多啤梨組合某人感到不配合。燒七味魚翅90較少見，熱辣烘起，再沾一下沙律醬，脆卜卜，正呀！好好下酒吧，可惜是夜無要清酒啦。刺身共506火炙的金目枘青魚竹簽特別，有燒的芬芳同魚香。再者，左口赤貝刺身好幾款都是是時令新鮮空運的食材，每口都吃得岀魚香，顏色具光澤就更是加分。不得不提師父落了心機的陳設，食指大動。清酒煮蜆75肉質飽滿，湯頭重海鮮味道。看上去普通，但鮮味十足。食後感：好喜歡往上岸吃飯，呢區食價節節上升，直逼港島，但就一分錢一分貨，除了食物很不錯外，服務亦蠻好，會想再來喔！P.S.尖沙咀c1口最近餐廳，開飯網的資料不正確。

尖沙咀有很多出色的日本料理，今晚跟女友倆到棉登徑的上岸料理晚餐。餐廳的位置在小街中間，店舖室內環境寬敞裝修簡約，感覺優閒舒服私隱度高，適合三五知己食飯吹水。餐牌上的食物種類繁多琳瑯滿目，相當吸引。先點小食七味魚翅，味道特別不是很多餐廳可以食到。接著是今晚的主角出場，餐廳刺身款式多元化，店員介紹幾款是日推介，都是一些稀有特別的品種，有白蝦、眼仁奈、石垣貝、紅衫魚及金目鯛，全部都十分新鮮，顏色肉質靚加上味道肥美，令人食慾大開！還有海膽牛油果卷，對於我這個海膽愛好者，實在是愛不釋手！熟食方面我們點了幾款，先有清酒煮蜆，味道新鮮十分抵食而且甘甜醒胃。然後是燒粟米，味道調較得不錯，不像坊間的串燒一樣鹹。再來一客燒銀鱈魚，肉味濃郁入口即溶！還有我最愛的吉列炸蠔，蠔炸了之後仍然鮮甜，果然沒有令人失望。最後是中華冷麵，食完後份量就剛剛足夠了。整體來說，餐廳食物質素令人滿意，價錢合理，店員態度友善，服務周到殷勤，有機會定會再來！

海外的朋友到香港來，原本今晚的節目是先和他到尖東happy Hour, 然後八點鐘看海港的燈光𣾀演和吃飯。原本已想好的節目，卻被地鐵站走出來的一場雨打消。見雨勢有越來越大的傾向，我們最後還是取消看燈光𣾀演。下雨天要到處走動非常不方便。最後，我們決定選擇一間可以舒舒服服地享用晚餐的餐廳。商量過後，我們選擇了上岸料理。上岸料理是我去過尖沙咀區，環境、服務、食物質素都滿意的好地方，相信外國的朋友也會喜歡。六時多到達上岸有點兒早，所以我們是第一台客人。簡約的裝飾設計，舒舒服服。前菜先來沙律吧。由於今晚有男士在場，所以沙律方面，我選擇了豚肉野菜沙律 HK 80。香口的豚肉，配上香濃芝麻沙律醬。芝麻沙律醬是隨着客人的口味自己添加， 非常人性化。來到日本料理，品嚐他們的當日新鮮刺身，是測試餐廳美味程度的指標之一。詢問了店員當天新鮮的刺身list 後，我選擇了以下五款刺身，作為今晚的頭盤。刺身的選擇帶子 HK 90鮮甜無比的帶子，令人印象深刻。口感佳、新鮮而且價錢合理。海膽 HK 200海膽是今晚上岸的推介。色澤金黃的海膽，看出新鮮程度爆燈。入口即化為甘甜的甘露，慢慢嚥下，回味無窮。夾著青瓜絲一起吃，

我哋嘅一周年紀念，佢一早答應同我去食日本野慶祝，估唔到佢揀咗我最鍾意嘅餐廳之一: 上岸料理！雖然驚喜欠奉，但係佢知道我每次食完上岸都對佢念念不忘，所以直接將驚喜化成實際喜悅，我當然照單全收，興致勃勃！上岸既刺身係我Favour，新鮮、精緻、魚種特別係我對佢既評價。今天我選擇左以下心水刺身。海膽 HK 200鮮橙色海膽係顏色上睇已經見到新鮮既滋味。入口即溶，甘甜無比，好正！帶子 HK 90 紫菜包住帶子，兩種味平衡共存又唔會互相搶到對方即特色。呢個帶子非常鮮甜，有驚喜！食一個真係唔夠喉。深海池魚 HK 120/2件彈牙、厚切，魚味鮮，果然係深海池魚嘅魅力！螢光魷魚(熟) HK 78螢光魷魚一般都係醬汁調左味，大廚特登將魷魚煮熟，再加上啫喱醋，熟左既螢光魷魚鮮味依然突出，冇咗醬油，反而仲能夠食到 魷魚本身嘅鮮味同特性。推薦！吉列炸蠔 HK 85 / 4 隻呢個吉列蠔外皮爽脆，一啲都唔油，食落卜卜聲，好正！推薦大家點呢個吉列汁，絶配！呢隻蠔炸完已經收乾晒水，蠔味並唔係太強烈。燒銀雪魚 HK 150塗左調味再燒既銀鱈魚，外表皮脆、內裏肉嫩，雪白嘅銀雪魚係人人都會鍾意嘅口味。壽司揀咗海膽牛油果卷

這天因為為了公司餐廳4月21日的私人聚餐活動，下午要試穿和服，所以特地相約妹妹來了這裡吃午餐。一天前預訂了下午1時，2人的桌子，說是可以HOLD 10分鐘怎料我們到達時只是下午1時07分，座位都已經被坐滿了。。。最後等左差不多20分鐘先坐低。。。真係有D不滿由於等著的時候已經看過了MENU，所以坐下來便ORDER了各人一個四式丼（包括海膽，吞拿魚蓉，蟹肉，三文魚籽）＊我最愛就是三文魚籽呢職員落單後不久便送來了熱茶接著就逐一把沙律，茶碗蒸，小鉢，味噌湯送到基本上，這一刻我只是在想，為何沒有把抹手巾遞上呢？結果要係我要求下才有抹手巾用前菜等，味道正常，不用提及不過，可能我要求較高，傳統的綠茶絕對不應該是黃色的。。。應該是沒有更換新的茶葉呢。。。失望幸好，四式丼的魚生總算新鮮，海膽並沒有我最討厭的腥臭，補回一點分數。餐後附送飲品／甜品, 當時我無咩想飲咖啡的感覺，結果選了紫芋雪糕，而妹妹就選了杏仁豆腐兩款甜品各有特色，而且在其他餐廳比較少機會吃得到。總括而言，未算一間非常出色的日本料理店不過不失吧！

閒日中午時段來店訂咗檯所以不用等位lunch set有很多款式有壽司定食、燒鯖魚定食、炸豬扒定食、魚生丼等等大部份都是$90至＄180左右，另收加一魚生丼有好幾款供選擇個人非常鍾意吃蔥吞拿魚和海膽所以今次叫咗厘一款，蟹肉亦非常鮮甜配茶碗蒸、前菜、 味增湯及甜品（可選雪糕或咖啡）只需＄138 (另收加一）非常抵食另外，日本家庭式做法的炸豬扒定食也值得一試雖然豬扒唔係好厚身，但都係真材實料炸粉不會太厚吃落鬆脆約＄100左右

食物種類多！ 個薯仔明太子沙律最好食！個sweet corn 好甜但係超失望lor! 原來係蒸左先燒🙄So sad! I would rather eat those outside!其他菜式如牛小排同牛舌都好好食！我鍾意個吞拿魚腩多士！

很喜歡棉登徑，曾經在不少小店留下腳毛。今次情人選了這間小店 - 上岸。爬文後很有期待，尤其想試刺身。試後有一點失望，比較同街另一間，上岸性價比較低。以呢個價錢，客人期望更多驚喜。食物新鮮，服務很好！

一直都想試下呢間，咁啱去開尖沙咀行街，又見唔洗等位，唔試唔得啦！午餐都有好多選擇，有熱食定食或壽司定食。我揀左刺身丼。定食有沙律、前菜、蒸蛋和甜品，唔怕唔夠飽。沙律- 沙律菜好新鮮，配埋啲醋食好開胃。前菜- 煮熟左嘅帶子，冇咩味同有啲靭。日本蒸蛋- 剛剛蒸起，熱辣辣又足料。個蛋蒸得好滑，味道都好味。主菜- 北海丼- 好足料啊！甘蝦算大隻，好爽口彈牙。三文魚切得夠大舊，又夠肥，食落有魚香味。帶子都好新鮮爽口。唯一美中不足係海膽唔夠新鮮，變左一pat pat。佢仲有三文魚籽，小魚乾同蛋塊，配飯一流。最後食埋紫薯雪糕甜品，劃上完美的句點。整體而言，我會返黎再食。食品質素都算好，座位就唔係好多，可能旺時間要排隊。

很久沒有來過棉登徑了, 這裡的食肆亦換了不同的新面孔, 今晚就來到這間高格調日本餐廳試試。 前菜，帶子邊青瓜，清新開胃。 博多冬菇＋毛茄，裡面釀了蝦膠，再輕炸，有天扶羅的香脆口感，亦不會太熱氣，不用點旁邊的鹽也很夠味，小妹還是第一次於日式餐廳品嚐這道菜式，概念有點像我們的煎釀三寶。 黑松露烏冬，簡簡單單，已經很好吃，芝士＋黑松露，兩種重口味的食物，用來煮意粉一流，師傅還以火灸令面頭有烤過效果，美味！ 雪糕, 我的至愛, 這款豆腐雪糕，極香豆腐味！有點像吃荳漿的感覺。

我相信每個女生的願望，也離不開上岸。今天是老友b的生日，由細到大她的生日願望也是要上岸，今年生日便決定與她上一次岸"上岸"其實是一家日本餐廳的名字，餐廳坐落於棉登徑。門口是簡約和式裝潢，在棉登徑裡頭非常eye catching坐下不久，店員先送上頭盆，今天是三文魚頭肉，酸酸地啖啖肉，作開胃前菜也不錯吃日本菜不可或缺的剌身拼盆，賣相一流，當然相機先吃📸📸📸拼盆有白蝦、沙追魚、中呑拿魚腩、油甘魚、日本水八瓜魚。 白蝦有點像迷你版甜蝦，肉質爽口鮮甜。沙追魚與薑蓉一起吃，感覺清新特別。油甘魚魚肉肥美，油份超重，回味無窮日本水八瓜魚，外間較少有類別，咬下口感爽彈無比，帶少許海水咸味。重頭戲：中呑拿魚魚腩呷入口有肉質肥美，肥瘦均勻，正到痺明太子薯蓉沙律 $70據聞是這裡的必食菜式之一。加入了沙律醬的薯蓉，再配上明太子，兩者在味蕾中交融有意想不到的驚喜，叫人食唔停口明太子雞翼 $38外層燒得香脆，咸咸的佐酒一流燒茄子 $65沒有沾上醬油的茄子，淋淋地感覺清新，加上木魚碎確實另有一番風味吉列南瓜餅 $50炸得金黃鬆脆，南瓜十分清甜，沾上沙律醬一起吃完全不膩清酒煮蜆 $75蜆肉新鮮肥美，蜆湯帶有少許清酒

Coming with hubby to celebrate our anniversary and see this well structure Japanese style restaurant in a corner in TST. The good thing is the area is not busy and it gives you a kind of leisure. When we go into the restaurant, the waitress introduced us what is fresh and recommendation where we feel welcomes. First, they served cucumber and jelly fish. I love appetizer that is sour and stimulate your stomach for the main dish. The jelly fish and cucumber mixed with vinegar and chili. Each is gi

喜歡日本料理既我..經常都會四處找尋找好食既日本料理之前係棉登徑食飯時..已經留意到上岸料理但未有時間黎試Hahaaa...到左今日..終於安排到由於明知自己一定會OT.. 所以我Book左晚上9點鐘去到都需要等一等先有得入座..一入到餐廳裡, 裝備及擺設令我覺得有家既感覺..點好菜好, 不久就上前菜三文魚先炸過, 之後再用檸檬等材料醃製再冷凍入口酸酸甜甜.. 係一個好開胃既前菜對我黎講我自己好喜歡呢個小食 明太子薯仔沙律第一次試呢款沙律薯仔打成蓉, 內裡有微微既沙律醬再配上明太子及蔥花 放在紫菜上口感豐富..係一個好特別既前菜 刺身拼盤呢個拼盤係是日廚師推介入面有白蝦, 沙追魚, 油甘魚, 中吞拿魚腩, 日本八爪魚除左油甘魚, 中吞拿魚腩, 日本八爪魚其他二款其實我都好似係第一次咁叫油甘魚油份唔夠... 差DD..就會更鮮味白蝦刺身係小型蝦, 口感綿密滑溜及帶點甘甜沙追魚肉質滑溜, 魚味較重 我第一次食...一食愛上左...有驚喜 日本八爪魚味道比較為清淡中吞拿魚腩呢個中TORO雖然未去到入口即溶既地步但亦非常新鮮, 吞拿魚味濃郁 汁燒牛小排牛小排配上秘製汁以燒既方法處理味

平時成日都會去尖沙咀食飯，但係尖東既話就唔太熟悉，所以今次熟悉尖東既朋友就帶左我黎到上岸料理食晚飯。朋友曾經係上岸料理食過lunch，當時已經對上岸既質素贊不絕口，所以更加令我對今餐非常期待。一入到店鋪，發覺入面已經坐滿好多臺，生意幾好。而我地坐既位置就係對住師傅整壽司。我地首先點左個番茄沙律（$70），作爲一餐既開始實在非常合適，新鮮番茄切成一片片再淋上日式芝麻醬對我黎講呢個組合雖然再普通不過，但我就係好中意食。又香口又開胃，食完之後胃口已經全開。跟住我地亦點左石垣貝刺身（$70）入口爽脆彈牙，而且好新鮮好鮮甜。即使唔沾豉油，都已經充分嘗到其鮮美。接下來就係重頭戲- 雜錦壽司（$600)雜錦壽司一共有6款不同既壽司，擺放得齊齊整整首先當然我最愛既一款就係拖羅壽司，拖羅果然入口即融，魚油味回甘。另外左口魚壽司都係我最愛，特別喜歡左口魚上既肝醬，更加增添左鮮味同豐富左味道三文魚親子卷都好令人滿足，尤其上面配上左三文魚子，鮮甜無比。其他壽司全部都係非常新鮮，呢一個雜錦壽司絕對係上乘之作。炸吉列蠔（$85）另一個高質素既炸物之選！炸得非常香脆，而且勝在炸粉完全唔厚入面既蠔新鮮之餘亦十分jui

食得是福，這句話說得非常對，因為如果健康不佳或者心情不好，就是美食在前亦難以下嚥，因此，能夠開懷地吃，確是福氣！相反地，現代人並不擔心吃不下，只怕吃得太豐富，因有三高之危，這樣的福氣，亦不能無限接受；想到自己近兩年來外吃真的不少，亦是時候減少一些次數，改選較為健康的菜魚類食品，而且必有特色才值得去吃。說到至愛的魚生壽司，完全符合少油不高溫烹調的健康原則，但縱然是極品吞拿魚腩、海膽及牡丹蝦等，想起又再重複，有時候亦會欠了一分勁，例不如聽從天使的勸告留在家嚐便飯。但今晚魔鬼再勝一場，因為找到這家上岸料理，遇到未嚐過的刺身魚種及創意料理，不往此行！位於棉登徑的上岸，門面及室內裝潢皆不花巧，大門緊閉是傳統高檔日本料理的做法。門外的特別推介，果然有些新意，眼仁奈是甚麼魚呢？沙𩺬魚刺身亦比較少見。拉開趟門，簡樸柔和的風格，牆壁上並無任裝飾品，近門大牆上開了兩個長型大窗，各放上枝竹盆栽，就成為唯一的點綴。近門的另一方有廚師在忙，原以為是壽司吧，卻是開放式廚房而已，桌台上並無展示刺身魚肉。來此為吃，馬上看看是日新鮮貨，皆寫在店內的黑板上。當然亦有餐牌，刺身壽司應有盡有，而廚師推介的一頁盡述創意新款。前