上海婆婆336 (荃新天地) (已結業)

這是我們自六月開始, 唔夠一個月時間第四次去食小籠包了, 之前巳試了鼎x豐, 金x庭, 霸王x莊, 今次來探探上海的婆婆唔夠七點來到, 不用等位可以直接入座, 開放式的細細間餐廳, 枱與枱之間都幾密, 如果諗住傾下心事就一定唔適合了. 今日點了: 不可缺小的小籠包, 四川雞絲炒年糕, 葱油餅, 生煎包, 甜酸虾球炒年糕軟熟煙靱, 辣辣地好惹味, 值得推介, 但一定要趁熱食; 虾球大大粒同埋好爽口, 配埋的酸酸甜甜醬好開胃, 一啖一隻食得好滋味; 小籠包的皮都算簿, 有肉汁, 都算唔錯; 生煎包餅底煎得唔夠脆, 一般; 最令人失望的是葱油餅, 放入口竟然成口粉, 餡又少同埋唔夠香口, 呢個係我特登點俾你食既嘛, 竟然....欲哭無淚整埋黎講, 可以一試, 但個人覺得沒有人地所講咁好味

同2個荃灣老朋友聚一聚, 試下呢間好唔好食先~~閒日晚上7:30到~~都要等左15分鐘先有位~~好爆下~~叫左:酸辣湯: 幾濃味~~正!鱔糊粗炒: 嘩! 呢個勁好食~~好有鑊氣~~加D豆瓣醬~~3條麻甩佬極速掃清! 肴肉: OK~~不過不失~~小籠包: 熱辣辣~~入面好多汁~~回鍋肉: 港式回鍋肉, 跟大陸的回鍋肉不同~~我兩種都中意, 不過都係覺得港式回鍋肉正D~~肉絲炒年糕: 呢個唔好食~~D味仲怪怪地~~埋單齊頭300, 咁啱既~~哈哈~~

和媽媽在附近買點東西後，到荃新天地解決晚餐，在商場中兜兜轉轉，最後選擇了在上海婆婆用膳在外排隊的人潮湧湧，但我和媽媽幸運地等了不一會兒便能入内待應叮囑我們一個半小時後要交枱我們２人點了　婆婆粒粒炒飯份量很大，但味道實際和糯米飯沒啥分別，有大量臘腸，而蝦卻出奇的少（和餐牌有很大出入）味道一般，幸好不算油膩　三絲湯年糕是健康的選擇，有磨菇，菜，雞肉，火腿和年糕湯底鮮甜，份量也足夠　小籠包一客４個，小巧的外表，咬下去肉汁澎湃（誇張了）值得推介!

呢間上海菜唔錯喎. 小籠包 - 皮薄湯足, 不過d餡一般, 但係都唔差. 蔥油開揚麵 - 蔥油味好香, 麵爽, yummy yummy. 醬燒茄子 - 味道唔錯. 松子雞茸叉子 - 叉子太脆, 包松子雞茸時易流, 不過好味!

又到星期日,一如以往,食指大動;甚麼減肥計劃全拋諸腦後。徽"s還嚷著要作東,我怎能不接受?來到門外,被長長的人龍嚇唬了!這開放式餐館被商場大堂圍住,人來人往的喧嘩聲,令用餐客人聊天的聲線相對提高麻辣粉皮~~薄薄的粉皮,入口爽滑辣辣地,既麻且香的非常醒胃,不失為一個好前菜婆婆粗炒~~肥膩的上海粗炒是傳統 上海菜館的代表;而婆婆炒的卻很健康,似足日式炒烏冬乾身不油膩又上色,賣相不俗,可惜帶不出鑊氣,粗麵亦未曾入味小籠包~~ 清湯加上皮薄就是小籠包的靈魂,一咬破皮, juice即湧出,推入口腔 肉餡鮮香漸漸向外蔓延,口感層次分明;美中不足是婆婆弄得未夠燙口婆婆擔擔麵~~麵條爽滑,溢滿花生碎、芝麻醬的湯底味道香濃,麵條都吃完了;禁不住偷偷地喝幾口,真想把湯喝個精光見底婆婆粒粒炒飯~~須不見料,卻不油膩,炒至乾身香口,令一粒一粒楝篤的飯地位大大提升,實打實的一碟,霎時間被三個人瓜分得沒了蹤影上海牛肉包~~絕對敗北之作!只可稱小餡包點,完全與上海牛肉包拉不上。路邊攤一大鑊底煎出來,$2元五角一件的比起還好吃得多!

近日連連下雨，沒有胃口吃大餐，也沒有心情自己煮。於是以吃飯為名，出外逛逛為實，和老公到荃新天地試試「上海婆婆」。點了5個菜，第一道上的就是婆婆粒粒炒飯。為什麼會是「單尾」先上的呢？不過我們太肚餓，吃了才算。炒飯用醬油炒，味道跟生炒糯米飯有點像，不算油膩，食得過。麻辣粉皮，夠辣。老公說不夠麻，我說他被四坡坊「晉嚼川」的老闆娘寵壞了，不能比較。四喜烤夫。我最喜歡灣仔三六九的四喜烤夫，上樓的也可以，而這個四喜烤夫一上桌，我就問：「為什麼這麼淺色？」四喜烤夫不是要用醬油浸的嗎？一吃下去，更是嚇到了，為什麼會有消毒藥水味？好難食。老公說那「消毒藥水味」是八角味，老實說我就不能接受，八角用來吊味就可以，整碟都是八角味不是太怪了嗎？干煸四季豆。上一道難吃到想吐，這道菜卻很好吃！婆婆的水準真飄忽。生煎牛肉包，跟中環小南國的牛肉包差太遠了。餡少，少得來又沒有味，沒有味得來又沒有嚼頭，我以為自己在吃超市出售的微波爐點心。以上5道菜，連加一共銀 $205。早知去吃摩斯漢堡啦 -_-

19/6/2009 (星期五)今日同同事一齊去荃新天地的上海婆婆食午飯，鋪頭係商場的地下的 Open Area，地方幾開揚，又有卡位，坐得舒適。見有午市特價小菜客飯套餐 ($38, 一個小菜加一碗湯及白飯)，我就叫咗磨菇肉碎豆腐及菜飯 (加 $3)，而同事就叫咗炸菜炒牛柳絲。酸辣湯： 料多，味道唔錯，夠辣夠惹味。磨菇肉碎豆腐： 份量頗多，味道唔錯，清清地啱晒我口味。炸菜炒牛柳絲： 炸菜切絲炒牛柳絲，小小辣夠惹味，用來餸飯最好。菜飯：一般啦。

I went to this restaurant with family including a baby at 6pm on Saturday. The restaurant was already packed and we had to wait a few tables. We got a table in about 10 minutes. However, this is obviously a busy restaurant as we were asked to finish in 90 minutes.The restaurant is reasonably spacious for hk standards and it was very fast at serving the food. The food was very tasty, possibly abit too salty and strong on favours for some people. I enjoyed the meal. The standard was very goo

日期：2009-06-09在"上海婆婆"(荃新天地分店)買了"上海小籠包"($25~4個)和"牛肉包"($20~3個)。在家把食物翻熱。1.上海小籠包---體積偏小，摺數多且外皮薄，口感柔軟。豬肉餡份量不多，肥瘦比例適中，豬肉味濃。湯汁充足，味道鮮甜，鹹味適中。吃時蘸少許鎮江醋，十分滋味!2.牛肉包---這是生煎的牛肉包。麵包外脆內鬆軟，帶少許甜味。牛肉餡較少，肉質嫩腍，醬油味濃，鹹味適中。

前陣子吃了葵芳的那一間，之後再別荃灣呢間發覺真的很多支持者我們9點3入座，還有人在排隊，10點入座的也有，隔離大家樂的員工已開始執野離開...這邊還有8成以上入座率，厲害。不過也看到個別waiter想準時走...我們有兩碟小菜還有一兩舊，他居然想直接收走，否則這間會是一定比葵芳更優勝。不過這間廚出來的食物，鑊氣真的是比葵芳勝一籌。黃金四季豆 - 兩者好夾味，食到唔夠喉黑醋排骨 - 排骨鬆軟，個汁又入味魚香茄子 - 份量多，抵食

今日約左d中學同學下午睇<<2018>>,,三點未夠鐘咪行下街,o係隔離ciywalk行下噤law..呀eric 想食大家樂,我地行去睇見冇咩位,就去左對面原來間上海婆婆都有tea..廿零蚊咪諗住試下law.不過要等位..公關妹妹主動問我地要唔要卡位 公關妹妹提我地3:45 last order.當然ok la..我地都趕去睇戲ma..haha我嗌左螺肉冷面+牛肉包+豆漿=$28eric嗌左個上海炒面都係$28落單個侍應有禮,提左我地要等10~15分鐘.噤我就叫佢快d,因為趕住睇戲...唔知係咪真係幫我做先..十分鐘黎曬喇,真係好..講返d食物先,個冷面好彈牙,麻醬岩岩好,螺肉好好食..正牛肉包一人一個唔夠飽,外面頂同低都好脆,但如果多d牛肉就更好!!炒面好好味,足料有肉有菜.比預期中好好多!!因為上次o係霸王x莊食個炒面成担油,未食都飽啦!!而家埋單$56唔駛加一,有質素既上海菜好難噤<抵>!!!!整體黎講,服務+食物=超值,,大家樂都廿蚊,又要自己攞,又要掙位,比多幾蚊舒舒服服仲好.下次一定再黎過,試多幾個下午茶餐~

28.4.09每次同阿媽經過呢度都總係好多人食+等位可惜佢成12點先開門, 朝早冇乜機會去試今晚路過又反而冇乜人等, 所以就試下!一去到只係等3張2人枱有4個學生妹一黎到冇耐就比佢地入左先...都唔知點解大約等左半個鐘左右先有位.....我地前一張係外國人....佢地就有大枱卡位坐而我地就係坐好窄既枱....不公平對待點菜個陣真係有困難, 事關張枱真係細到打開餐牌都唔夠擺我地點左婆婆粗炒, 手切牛肉飽, 干扁四季豆同埋椒鹽小黃魚侍應一早講明小黃魚係得2條, 唔係相中既3條, 我地都ok婆婆粗炒: 味道好普通, 入面好少肉絲, 得d白菜, 仲要唔多味道就咸左d, 不過可接受手切牛肉飽: 3個, size我覺得細左d, 咬落唔係幾夠熱同埋個包入面有一半係空氣....餡好少干扁四季豆: 呢個算係幾滿意, 我地都係聞到隔離枱點呢樣好香先揀四季豆算係冇乜渣, 配埋d肉碎炒好香口, 而且乾身d豆唔會林晒, 幾好味椒鹽小黃魚: 呢味好唔滿意, 首先我地已經食晒之前幾樣野都未黎跟住吹左1次先有, 可惜個樣同餐牌係完全唔同呢d都唔係小黃魚黎=__=好大條.....(個刻我都唔記得影相)上面舖左好多唔知咩

足足等了一個小時！若不是老豆話來吃，我一早已經走人。由於在輪侯時已把餐牌熟讀，一坐低便可以點菜，無謂浪費時間。落單冇幾耐，服務生便把干煸四季頭送上，速度有點不可意義，我懷疑是預早整定或是有客人剛退貨的出品。四季豆味道是夠，卻煸得不及乾身，做不到乾脆的效果，而且豆的衣還未清理乾淨，認真程度不足。一大碗上的擔擔麵，相信是學詠黎園的出品。事實上，單睇色水已大概知道擔擔麵不會太好吃了。麵底本身雖然算爽口彈牙，帶微辣，可惜麻香唔夠，換來的卻是水汪汪，很稀的感覺。韭菜窩貼，一碟有三隻。外皮是硬而不脆，韭菜雖香，但就沒有肉的鮮味，亦欠缺肉汁，很乾涸的感覺。四季豆好閃電般既速度送到，紅燒肉卻遲遲未見蹤影。要催單才知道原來是漏了單，叫四樣野都會漏單，似乎弱左些少。追了再追，紅燒肉才到。瘦肉多過肥肉很多，比例完全不對，肉質不單唔鬆化，甚至可以話係有點韌，這樣的水準，又一次令我失望。有猴頭菇墊底，但菇吸收了太多汁醬的味道，變得太漏。四款食物都並不出色，服務也未見到位，為何會有咁多人排隊等食?

粉嶺暴食後，夜晚又到荃新天地再食過，揀了近來快速擴張的上海婆婆。一如屯門店，幾張怪嬰圖仍是店內最大特色，又仿如魔咒的招來大量人龍，幸好我們醒目，六點左右去到還不用等位。　我本來就飽，同場的龍又病了，是晚4人清淡淺嚐了：　銀絲卷-等候期間，先點一客銀絲卷給龍充飢；銀絲卷沒有分明的絲形層次，口感更似饅頭，伴以香甜煉奶才勉強過關吧。雪菜炒粉皮-喜吃粉皮，雞絲+麻醬的組合又吃得太多，今次試了雪菜炒的。晶瑩剔透的粉皮夠薄也有口感，不過雪菜比例不太夠，吃得不夠滿足。上湯小籠包-重溫工整多摺的小籠包，仍是皮薄又多汁，仍然是全餐最美味及鍾愛菜式!黑醋排骨-扣除辣的煎炸的油膩的菜式後，合心水的菜式選擇不多，勉強選了這個排骨醋勁驚人，酸得過份，味道麻麻。婆婆粒粒炒飯-細妹一時興起想食飯，就點了一客招牌推介的炒飯；實物炒飯主要得臘腸，蝦仔只得三數隻，與餐單圖片相差頗大，其實應稱為豉油皇炒飯。咸肉菜飯-龍不能吃油膩熱氣的炒飯，另點了清淡的菜飯；所謂的咸肉不覺存在，吃來倒是絕對的清淡無味。上海菜肉包-慢慢食客增多了，食物要催很久，這個菜肉包也是叫埋單後才上檯；大大個又飽滿的包子，水準算不錯了，個人認為此店點心比

之前已經來過荃灣分店的上海婆婆用膳兩次了，對此餐廳的評價還不錯。今天，選擇了下午茶時段，原本抱有期望的，但結果各方面都令人失望先論味道，熊少爺點了京蔥羊肉拉麵，剛上桌已心知不妙，作為麵的靈魂，湯底竟然泛起一陣油，未食已先扣分了......更不能忍受的是京蔥都炒焦......令人失望羊肉更是少得可憐此麵唯一可取的應是麵質吧!還好，跟餐的手切牛肉飽還能保持水準，外脆內軟，牛肉汁滲到飽中，美味!值得一試!友人點的同是麵跟飽配豆漿的組合，無鍚排骨是無味排骨，菜肉飽不過普通貨色，不試也罷。至於服務，此店鋪面雖大，人手卻也充足，惜服務水準不一，我的京蔥羊肉拉麵經過了「漏單+師傅正在拉麵」後，終在落單後35分鐘送到眼前，讓人無話可說但見店員已十分賣力，且部分職員服務態度良好，才得以挽回分數要留住顧客，穩定性至為關鍵。價錢在優惠時段調低，食物水準亦跟著下降，實非明智。作為第一篇的食評，最多只能給你一個ok