上海廳 (已結業)

終於黎到我生日喇..上海菜下先..頭盤-四小併比一般多丫..肉鬆蘇-飽肚好味清炒河蝦-淡淡地幾好椰菜回鍋肉-惹味.唔食得辣真係唔好叫..黑醋菠蘿排骨-都係糖醋排骨好啲生煎牛肉包-普普通通黃金炒飯-五個人都夠食...幾好丫..價錢中等

探完住喺天水圍嘅朋友之後就喺附近周圍行搵餐廳醫肚，終於見到有間裝璜同氣氛睇落幾好嘅上海廳就心郁郁想試下。可能係行日，加上又只係7點，所以唔使點等就有位入得。一睇個餐牌，啲價錢又唔係好貴，所以就好爽快咁揀左幾樣餸。小籠包皮薄多汁 肉味幾濃 係唔錯嘅餐前小食本身對呢個黑醋排骨冇乜大期望，但食落好香黑醋味，酸度啱啱好，啖啖肉好滿足上海廳粗炒好有穫氣，食完唔會成口油，我同朋友最推介呢個！可能其他餸比較重口味，所以當食呢個蝦仁雞粒炒飯嗰陣就淡味左啲，但蝦仁係好爽同彈，都加番啲分嘅~本身最有期望係呢個高力豆沙，但可惜紅豆餡聚埋一邊唔均勻，變左一邊得冇味嘅包，有啲失望。

難得假期跟媽媽去食上海菜～所以就去了這間之前經過見到後令我印象深刻的上海廳...最令我印象最深刻的一定是這堆懷舊的佈置啦再看看餐牌，選擇的種類也真的不少！最後我們叫了一個客飯套餐-黑醋排骨份量不少，而且好入味～酸酸地好開胃，配飯食真係一流！講到上海菜一定是上海粗炒！好好味，而且不會很油～最重要是一點也不會很咸平民價錢，份量又合理～抵食!如果星期一至五的話，下午茶餐仲有豆漿添～

星期六的下午相約了媽媽同妹妹去食下午茶，她們提議到天瑞商場內的一間上海餐廳開餐這間餐廳我一直想試，今天終於有機會了.......「上海廳」餐廳裝修成舊上海般，因檯數都算幾多下，所以檯與檯之間空間感不大。原先諗住是嚟食下午茶套餐的，但原來星期六是沒有的，只有午市套餐。午市套餐時段 : 11AM - 1615PM看餐牌後，覺得價錢合理又免茶免加一我們3人共叫了一個客飯例湯套餐+上海粗炒 (散叫)1. 黑醋排骨客飯 $56例湯 ~~~ 湯料都幾足下，簡簡單單既青紅蘿白湯，媽媽飲晒黑醋排骨 ~~~ 排骨既量都不算少，醬汁煮至杰杰地，酸酸甜甜甘，送飯一流而且排骨肉質軟淋，一D唔UN。2. 上海粗炒 $68上海粗炒 (我至愛) ~~~ 可能是因為正價既關係，所以份量都大大地油份唔多，唔會食到成口油淋淋甘，食多少少都唔會覺得好有油膩感而且炒得幾乾身， 味道亦不會過咸，不錯!

天水圍的食店選擇唔多，由其是領匯旗下的食店，來來去去都係嗰幾間，加上要食上海菜，少之有少，上海廳午飯和晚飯都食過，午餐當然最抵食，有午午套餐，至於晚餐質素中規中矩，係天水圍算係幾好，因為對手唔多，唔想落元朗屯門開餐，上海廳都算係好選擇。個人幾鐘意食黃金四季豆，咸蛋黃炒得幾香，幾好食，若能炒乾身一點更吸引。小籠包和生煎包真係有D失望，小籠包夾4隻有3隻穿底，生煎包的精髓係肉汁，可惜乾到連肉汁都無，應該係個包雪藏左一段時間再攞出來煎，麻麻地。

自從天水圍T Town多了很多頗不錯的食店後, 我也多了留意這區的美食. 家住元朗雖已是美食之城, 但有時總會想試試區外的食店, 但又嫌出城太遠太費時車費也貴, 在鄰近的天水圍, 屯門區還有不少值得光顧的食店. 這次經朋友介紹, 到了天瑞商塲的上海廳一試, 由家中來先坐西鐵到天水圍站, 再轉706輕鐵直逹, 時間不過半小時左右, 離開時還可直接乘輕鐵回元朗再散步回家, 不想下廚的日子, 一家大細去吃餐晚飯實在不錯.​對於天水圍, 實在搞不清楚那兒跟那兒, 即使住在該區的朋友也說分不清楚, 但幸好輕鐵線也是點到點, 即使不知實際地理位置, 只要跟着站名下車, 總不會走錯. 第一次去天瑞, 商塲就在輕鐵站旁, 十分方便. 上海廳原來屬上海婆婆旗下, 早前在Vcity吃過上海婆婆, 質素不錯, 同一集團, 應該有信心保證. ​​雖然位處屋邨商塲, 裝潢設計也甚光鮮, 開揚而樓底高, 空間感充足.桌椅地磚擺設也充滿復古味道, 甚有心思和特色, 時尚中滲出古典中國風, 配合上海菜調子. ​​連餐紙設計都很精美和有老上海味道.​​上海菜我似乎每次也是吃那幾味, 但卻樂之不疲, 反正合口味就是了,

個人推介指數分7.5(10分為滿分) -  筆者最欣賞這家店子的主食, 特別是那個炒飯, 飯粒分明, 沾滿咸香的咸蛋黃, 炒極. 整体食物味道不會太濃, 很適合現代人健康的口味. 本月月會只有三人, 友人提議回歸簡約,就在我們居所附近選一所坐得舒服食店來吃, 決定相約在他天水圍主場, 品嘗上海菜. 店如其名, 就是說明這裡主要做上海菜的. 這裡的樓底很高, 中間有足夠的通道, 我們三位被安排坐在圓枱位, 感覺更見鬆動. 如果又要等位又要坐得迫, 其中一位友人會發脾氣. 幸好這裡也萛過關. 今晚一於慢慢談男人經. 既然是男人之夜, 我們今晚不飽無歸. 每人點了兩個菜如下. 本人負責前菜, 點了話梅花雕醉雞和雞絲拌海蜇. 醉雞中的花雕味不萛搶喉, 直接入口飲也不錯, 有些話梅中的甜味. 最重要是雞肉內完全滲透話梅和酒的味道, 不會肉還肉, 酒還酒. 還有不知是否靚仔的關係, 醉雞是雞肶來的, 肉質嫩滑. 海蜇一直也是我心頭好, 就是喜歡它爽脆的口感, 加上青瓜絲和雞肉來食, (沒太多調味和醬料), 感覺既清新又豐富. 主菜方面, 友人比較講究, (扮識食), 點了桂花蜜汁火方和麥片芥末蝦球

其實上海xx系列一直都有食開，貪佢啲野食細細份可食多幾樣，價錢又唔貴，是晚阿爸話想食酸辣湯就二話不說來了上海廳，比起在家附近的商場店價錢平多了。店有商場內，落左輕鐵行兩步就到，地店不難搵。生煎鍋貼（$35）一客有三隻的煎鍋貼，厚實的外皮包著鮮嫩的肉，咬開勁多肉汁，好燙口的，熱辣辣感覺超正，加上外皮煎得香口，咬落脆卜卜，外脆內軟認真正。黃金四季豆（$65）呢樣阿爸大愛，超香的咸蛋啊！而且下得一點都不吝嗇，每一條四季豆都比大量蛋黃包著。外層乾身，但豆依然濕潤，不會過老。酸辣湯雲吞（$52）為增加飽肚感已選了酸辣湯雲吞，一客有五粒，粒粒都係大大粒的菜肉雲吞，餡料有點鹹味，跟酸辣湯很夾。酸辣湯本身亦調味很不錯，夠酸夠辣但又不會嗆，有不少筍絲，冬菇絲，木耳絲等增加口感，好正。店內客人不少，主要都係區內客，一家大小齊齊食晚飯，不亦樂乎。

平日好鍾意食上海菜，見天水圍開左間新嘅上海野食 ，放左工就call 同樣好愛上海菜嘅friend 一齊食！每次食上海野 ，當然唔會叫漏我最鍾意食嘅花雕醉雞醉雞切得好工整，件數都唔少。雞肉好滑，不過話梅醉雞酒味比較淡，唔算突出，可能係我個人鍾意比較重酒味。不過同行不好酒嘅朋友就覺得好易入口，好好食食完冷盤，就食熱食點心啦！小籠包大大粒、而且剛出籠，所以好夠熱，連湯汁都滴曬出黎豬肉餡汁都算鮮美。另一款主菜係蔥爆羊肉，羊肉炒得好香，醬汁好惹味，連京蔥和香料很好充足。而且羊肉都唔膻，一口一啖，好好餸飯。最後上埋個砂鍋醃篤鮮，第一次試呢個湯，聽個名都唔知裏面有啲咩，原來係用鹹火腿、鮮肉、青菜同百頁結煲嘅湯，湯頭都好清幾鮮甜，亦唔會好重味精味，而且很大一鍋，可以盛到每人五六碗。最好我們兩個人食左好多野，但埋單都唔貴，性價比好高

天瑞開左上海餐廳，原來係上海婆婆旗下的，相信質素不錯，今晚終於和媽媽過來一試！晚市套餐有例湯附送，今晚係粟米青紅蘿蔔煲豬肉湯，好好飲 和好足料，粟米嘅甜味好突出，似自家老火湯的味道 ，亦係全餐最驚喜。涼伴茄子 ($43)茄子切成易入口大小, 茄子唔會太焾，軟硬適中。再蘸上黏黏嘅黑醋汁,入口時涼浸浸，好適合熱天氣之下作為開胃嘅前菜。京蔥牛肉包 ($35)牛肉包嘅兩面都煎到金黃色，煎得脆皮香口，而且外脆內軟， 唔會太油膩 。而牛肉餡都幾香，不過要小心有d燙口。生煎鍋貼($35)一隻鍋貼有半隻手掌大,鍋貼底同樣有先煎香脆，豬肉餡料頗飽滿,但個皮再薄點就更好啦！酸辣湯拉麵($50)拉麵好大份，單食呢個，唔食其他餸都飽，而且麵條嘅質感和軟硬都恰到好處。酸辣湯湯底夠辣，但我個人喜好，如果酸味再加強， 會令酸辣度更平衡。今晚食得好飽，但埋單都唔洗$200， 性價比算不錯， 閑事唔想下廚，過嚟醫肚都係一個好選擇！

黎食上海菜，去左上海廳，買完送又未夠鐘煮飯，一家人齊齊食少少野打下底，炒粉麵飯似乎太飽，食幾多點心飲下茶，嘆下冷氣先，咁鬼熱都係留係有冷氣嘅商場最正。位於商場出入口，裝修幾正，超高樓底唔會好嘈，雖然店內都係用盡最大力氣叫出黎唔傾計，中國人特性你識條鐵咩。野食幾好味㗎，叫左蒜泥白肉，牛肉包，鍋貼同酸辣湯雲吞，本來想叫多個小籠包，不過下午茶食咁多好似誇張左。蒜泥白肉-肉滑，個汁甜甜地，粉皮又係滑，整體好味。牛肉包-煎得香，包皮軟熟，牛肉餡多，再多啲京蔥更好。鍋貼-又係煎得香，皮厚，多汁。酸辣湯雲吞-有5粒大雲吞，個湯夠酸夠辣，好味。D位幾好坐，有茶飲，幾碟野都好味，算抵食啦，領展地頭喎，好貴租㗎。

天水圍終於也有上海菜了，位置對我很方便，於是便相約好友試試。餐廳選擇很多，包含湯飯麵、點心、肉等各個類別。前菜是雞絲水晶粉皮，粉皮和雞絲沾上胡麻醬，很香口很惹味，雖然粉皮不算透薄，但包裹在一起食，仍然可嘗到芝麻香和雞絲青瓜的質感砂鍋醃篤鮮是上海名菜之一，我們當然要點來試試這裡的手藝！醃篤鮮有火腿、青菜、百頁、竹荀、肉等配料，用砂鍋煮成湯，所以飲下去十分鮮甜，而且有火腿香，加上百頁質感特別，吸收湯的精華，味道很好！主菜方面，我們選擇易下飯的糖醋魚塊，魚塊略炸厚身，但咬下去都算脆口。酸甜醬汁調味很好，加上多汁的菠蘿粒，很開胃。另一款主菜是京蔥羊肉，炒得有穫氣，所有羊肉充滿京蔥的香氣，很惹味，能送上一碗白飯。而且羊肉切簿塊，所以不會「鞋」。另一碟賽螃蟹也不錯，蛋白炒得嫩滑，而且有瑤柱蘑菇等等配料，令到口感有不同層次。加上黑醋更有提升鮮味，份量也算多。我們亦點了一個青菜：火腿津白，白菜浸在上湯中，有幾片金華火腿，鮮甜味尚可，不過白菜略微焾身。銀絲卷是上海菜典型點心，我們選了較健康的蒸銀絲卷。銀絲卷以蒸籠盛上，所以可保持熱度，令銀絲卷很鬆軟，雖然𥚃面銀絲不是條條分明，但簡單配上煉奶已經很好。整體

今日特登帶家人來食飯，星期六7點幾來到無乜幾圍枱，所以即刻有位一坐低每人有杯膠杯裝嘅茶，點完菜後，第一道菜好快就上左枱，係紅油抄手，望落好似好辣，其實個醬汁係甜嘅，我個人覺得唔太够味但都可以一試好快就來左碟炒牛肉，有小小辣，牛肉得5塊左右，唔太抵食，味道偏鹹，係幾好送飯嘅菜，跟著都係好送飯嘅四季豆炒肉碎上海廳炒飯終於來了，望個樣唔算好吸引，食落飯粒都唔算好乾身，味道普通，偏鹹，可以唔試蒜泥白肉，下面嘅醬汁偏甜，白肉切得好薄，唔會難咬我個人最喜歡嘅一樣，就係上海炒年糕佢又唔會過鹹，年糕炒得岩岩好，超好食，我家人都讚不絕口最後，小籠包係我最期待嘅，第一時間就點左，賣相唔錯，但食落真係好失望，湯汁偏少，味道偏淡，整體上比較油膩，失望生煎包食落好乾，包內全部都係肉，沒有仼何蔥花，食完一個真係好滯五個人食左500幾蚊，算抵食，食物質素ok，服務一般，還須改善

今次順路入天水圍，一於試下上海菜-上海廳 1930。今晚人流不多，無需等位可直入，餐廳環境舒服，以黑色為主題，温和燈光作配襯，以竹製品裝飾巨柱，同時為特色之處。擔擔麵擔頭啖湯，重花椒八角嘅味道，之後就到花生味，微微的辣，相信少食辣既朋友都會喜歡。酸辣湯拉麵相對地較酸及足料。四小拼有水晶肴肉，江南小排骨，三喜考夫，五香燻魚，賣相吸引，但沒什麼特別。黃金四季豆雖然賣相一般，但味道比想像中好，上菜時香氣撲鼻，食落更香，鹹蛋黃與四季豆都係第一次食，好鐘意，如果一次過食3，4條會比較鹹。🤣貴花蜜汁火方重點推介，正方形薄皮，可夾著沾滿貴花蜜糖醬的金華火腿，金黃色腐皮及心形青瓜片一齊食，香而不膩，絕配。松子黃花魚一道好開胃既菜式，酸甜度適中，魚肉外脆內嫩。

當晚，住在天水圍的好姊妹帶我到天水圍食晚飯！ 對於我來說，天水圍絕對是一個陌生的地方！ 單是輕鐵站，已有起碼 10個輕鐵站是「天」字頭！足以令我頭都暈！ 由她帶路安心得多，至少我不會在天水圍迷路吧！我們兩個女生相約天水圍西鐵站 B3 出口等，然後搭輕鐵 706 搭三個站到天瑞站，落車已見到商場；然而706是循環線，可能有關方面以便乘客辨認及避免搭錯方向，往天水圍西鐵站的是輕鐵705！我回家車程只有一個西鐵站及好幾個站輕鐵站，可是等輕鐵要花上 10分鐘！上海婆婆旗下的餐廳 <上海廳> 位於領展管轄的天瑞商場，入座時只有大半食客，因此無需等位直接入座！ 簡約型格裝潢，落地玻璃，以上海草帽作裝飾！空間感尚可！配以型格吊燈，新舊共融！打開餐牌，圖文並茂，食物相片相當吸引誘人！店員們殷勤有禮，每當食完一款的食物，便隨即收碟！給人感覺夠勤快！供應：新派上海菜，另有素菜可供選擇！包括：冷盤、湯羹砂鍋、豆腐、蔬菜、海鮮、豬牛雞鴨、飯麵、手造拉麵、點心、甜品、飲品...等！以上桌次序：銀芽炒鱔糊 $92芽菜後下落鑊保持其爽嫩口感， 鱔的份量已交足貨，食落爽口帶鮮味，整體香濃惹味，卻是一點