倫哥尚品火鍋私房菜 (已結業)

住係九龍東又鍾意打邊爐嘅識食朋友應該大多去過觀塘嘅倫哥打邊爐，價錢唔貴食材又新鮮高質。觀塘店搬遷後我地都去過。呢幾日天氣轉冷，我地為食四人組未放工已經不停係群組討論今晚放工去邊到開餐，老友係Openrice搵到倫哥原來係尖沙咀開左新店，地點咁方便，我地決定左之後就訂好枱，收工係K11集合一齊行過去。😆倫哥尖沙咀呢間分店係K11對面，一過馬路就到，新店裝修簡約光猛，座位都幾寬敞，雖然我地到餐廳時7點未到，不過客人都已經唔少。價牌好簡單，主要係食一位$308嘅半自助任食火鍋套餐，不過其實食過倫哥火鍋嘅都知食完雞煲、刺身、靚海鮮同牛頸脊後都應該冇咩戰鬥力剩去再點其他食物，所以我地都冇咩睇其他menu。😂除左火鍋之外，飲品都係任飲，除左普通放題提供嘅飲品外，呢度仲有自家製嘅涼茶任飲，打邊爐飲涼茶先係皇道，自家製涼茶唔大甜，清熱解膩。雞煲係任食的，店員同我地講左每2分鐘要炒一炒再調低一度火力，大概8分鍾就食得。預備雞煲時，我地邊吃餐前小吃，邊食刺身，食火鍋刺身雖然唔係重點，不過倫哥呢度嘅刺身好鮮甜，蝦又大隻彈牙，份量都唔少。食完刺身再飲埋個燉湯，雞煲已經預備好。👍雞煲炒好之後仲有牛柏葉同豬皮加入

又想食刺身又想打邊爐仲想食雞煲，可以滿足呢三個願望既我諗起倫哥，今晚就同肥仔去試下！倫哥幾多分店，卡位多，仲有房，幾有私人空間。我地叫左$308任食海鮮火鍋，有燉雞湯，有前菜。先黎刺身， 有三文魚，北寄貝、帆立貝、牡丹蝦、油甘魚， 每樣三片，都算厚切，不錯。雞煲有辣度揀，bb，小，中，大辣。雞煲滾起，每2分鐘炒一次，一共炒四次。推介雞煲，勁惹味，食到一半加入魷魚豬皮， 吸哂所有雞煲精華，真係勁惹味!!!環遊海鮮盤一份，有蜆，海蝦，龍躉片，聖子，尤魚。湯有蕃茄薯仔湯鍋，香茜皮蛋湯鍋。揀左香茜皮蛋湯主食推介手切牛，最有牛味，都好薄切。第二推介魚滑，係墨魚汁好重！仲有墨魚肉，幾新鮮。其他有海蝦,魷魚,鯇魚,蝦滑,墨魚滑,雲吞水餃,響鈴,魚皮,蔬菜,汽水、涼茶任食鮮蝦雲吞，墨魚滑，餃子等。飲野任飲，以罐裝為主，仲有五花茶，啤酒除外。仲有甜品。兩個人食到好飽,都冇再order咁制...冇限時,食一轉都夠，冇切餅費，見到好多人黎慶祝生日。

倫哥不嬲都勁多人食過話超抵食！一直好旺場一位難求，而家開多左分店終於有機會黎試！尖沙咀分店係K11附近，做完野就同拍檔o黎開餐！坐好就去攞下o野飲，除左汽水仲有自家製涼茶任飲！酒精飲品就另外收費先上客刺身，雖然係火鍋專門店但係刺身都好新鮮！而且仲塊塊都厚切！另一驚喜係有鮑魚食阿嫲雞煲，拍檔唔係好食得辣，所以點左微辣一打開煲香氣彌漫！香料好足，雖然係微辣但係都好夠麻，雞肉好嫩又入味，超級正！食完雞煲就打邊爐，選左蟹家艇鍋+鮮茄薯仔湯底。湯底D蟹都童叟無欺，十分大隻！仲有好多蟹膏！一大盤牛頸脊！另一重頭戲環游海鮮盤，有魚、蝦、蜆、象拔蚌、龍蝦！龍蝦好正！啖啖肉又鮮甜！LEE個價錢食到咁多好野，真係超值其他火鍋配料都好高水準，食到好滿足，服務又好！果然係必食火鍋店！

今日約咗男朋友放工一齊去打邊爐，聽朋友介紹有一間倫哥私房菜味道唔錯，我同我男朋友放工就去試吓啦，呢間私房菜有幾間分店，為咗方便就腳，我哋就揀咗新開張尖沙咀呢一間食晚餐！間餐廳係用套餐形式😋仲可以任飲，不過啤酒就要另外加錢👍🏻前菜：係醃製過嘅雲耳同青豆，好夠辣同好入味，青豆仲要勁爽口，我食到停唔到口刺身拼盤：估唔到呢間做得唔錯d刺身，都幾新鮮，又夠曬凍，d三文魚勁厚切，帶子都幾鮮甜鮑你上位：其實係鮑魚同冬菇，整得都幾入味，鮑魚都炆到好淋燉湯：係猴頭菇煲雞湯黎，好足料，好香，夠曬火候阿嫲雞煲：雖然兩個人，但係份量都幾多，食得出係新鮮雞黎，醬汁調味都好濃，d雞入曬味，最後仲會比埋豬皮魷魚放埋落去一齊食火鍋：我地就叫蕃茄薯仔蟹鍋，好鬼足料，蟹又夠大隻多肉，蕃茄都幾濃幾香環遊海鮮拼盤：睇幅相，淨係食呢個都抵啦，又有聖子、龍蝦、蜆、海蝦等等，海鮮都好新鮮，又夠多肉，正！牛頸脊：打邊爐就一定係食牛頸脊，肉味夠濃但唔會太肥，厚度適中，兩人份量都不少！手打兩滑：係墨魚滑同蝦滑，我想講呢個真係超好食，勁足料，墨魚同蝦都好大粒，仲好彈牙👍🏻😋仲有好多野食選擇，雲吞、水餃、丸類等等，都好好味，好有創意總括來講

天氣轉凍又係打邊爐嘅時候喇，作為大胃王一定係任食嘅火鍋最啱我，不過高質素嘅任食火鍋就唔係四圍都有。為食同事就推介左呢間俾我，即刻book枱搵朋友去試試佢。我哋八點鐘去到基本上全場滿座，好彩有book枱，即刻有位。依間火鍋店係半任食嘅形式，大部份食品係飲食，而牛頸脊、刺身、部份海鮮只係包一碟，再叫就要加錢散叫。飲品方面汽水等都係任飲，但打邊爐我自己就鍾意飲啤酒，藍妹＄30一支大嘅，價錢都算幾合理。上菜係幾細心嘅，先來個刺身拼盤，同豆角雲耳前菜，畀我地可以食住等。三文魚厚切又夠肥美，麻辣雲耳好惹味，豆角鮮甜爽脆。而且前菜份量都幾大，啱晒大胃王。打邊爐之前先食雞煲。阿嫲雞煲上枱已經聞到好香，份量應該有半隻雞以上。侍應教我地每2分鐘炒一炒，然後每次教細火一度，確保啲雞夠嫩滑。我同朋友傾計傾到不知時日過，佢哋好細心主動過嚟幫我地炒，服務都唔錯。之後仲加牛柏葉同魷魚入去炒，好香口。食完雞煲就叫咗水佬龍蝦鍋，真材實料右足半隻龍蝦，湯底鲜甜。環游海鮮盤，雖然部份海鮮好似聖子咁就唔係任食，不過海鮮都好新鮮。無與倫比牛頸脊，超級高質素，入口即溶，脂香十足，回味無窮。倫嫂手打雙滑，另一強烈推介，特別係蝦滑

早就聽聞倫哥的大名，終於有機會試試了。新店開在尖沙咀 K11 對面，地點很方便。而且無限時，可以慢慢食！刺身水準不錯，有驚喜！牡丹蝦非常碩大，充滿膠質，很有漿口感。帶子肥厚，很鮮甜。菜名很有趣的鮑魚冬菇，想不到連鮑魚都有，哈哈。店員教我們每兩分鐘攪拌一次，不過店員都有定時過來處理雞煲，結果都不用我出手。阿嫲雞煲雞肉頗嫩和入味，好食。火鍋湯底的蟹有膏，好足料。環遊海鮮盤有多款海鮮，大部分都是免費任食項目，店員說龍蝦更是最近才有的！龍蝦因為已經斬件，所以起肉沒有難度。龍蝦頗大隻，肉質爽甜！海鮮都相當新鮮，連最容易 un 的魷魚都好鮮爽。無與「倫」比牛頸脊，紋理漂亮。倫嫂手打雙滑真是非常好食！墨魚滑爽彈得很，而且有粒粒墨魚餡。炸魚皮是低鹽少油製成，感覺比較健康，口感一樣是十分香脆！食到最後的甜品燉蛋白都是不錯的，簡直是捧腹而回的一餐，哈哈。

倫哥尚品火鍋私房菜，聽過好多朋友講係正嘢。而且好難book位。既然口啤咁好。就試吓book位。真係好爆，要book到今日先有位去食。餐廳都有4~5間VIP房。不過大廳坐位比較窄。2人枱完全唔夠位放食物。因為真係實在好豊富。一坐底, 職員送上前菜2碟. 雲耳及青豆. 只係食咗少少. 因為個口實在好忙. 冇時間食. 每位$308+10%服務貴。頭盤有超級吸引嘅刺身~特大牡丹蝦/三文魚/北寄貝/大帶子/仲有一種忘記什麼名堂嘅魚。每一種都非常新鮮。尤其是特大牡丹蝦。竹絲雞蟲草花燉湯~材料充足，湯清甜花菇蠔皇鮑魚~鮑魚SIZE都OK。花菇好厚。再嚟雞煲~我地唔食得辣，所以走辣。最初都擔心雞煲唔辣係唔好食的。點知完全冇唔係。係好好味呀！有埋芫荽及洋蔥。絕配。雞肉肉嫩。職員提醒每2分鐘要攪一次，攪四次就可以食。食到近尾聲就落三寶。牛栢葉/豬皮/水魷魚。食完雞煲就換個鍋底開始打邊爐。有蟹鍋揀，唔洗加錢。但我地兩個都唔太鍾意蟹。所以加咗$30轉龍蝦鍋蕃茄底。龍蝦只有一邊。因為我地只有二人。但都好大隻。肉厚夠爽鍋底嚟到。職員自動送上牛肩脊/什錦海鮮/什丸/響鈴/脆魚皮/什菜。。。等等要特別講吓牛肩脊。牛味

成日都會聽人講倫哥倫哥，所以今次就同屋企人黎食呢間咁多人講嘅倫哥私房菜喇。一個價錢可以任食雞煲，之後再轉打邊爐，聽落好似好普通啦，不過事實係佢會不斷上菜，係唔會食得晒。一開始就會拎左個四人份嘅刺身，有三文魚、帶子、大蝦、北極貝同埋另一種魚（唔知叫咩魚）樣樣都好新鮮好鮮甜，特別係嗰一款唔知咩魚，鮮甜魚味重但唔醒，覺得超級好食。不過刺身冇得任食，開開你個胃口得你食慾大增先。之後就揀雞煲辣度,有大中小辣揀。我地一開始叫左個小辣試下先。雞煲係要每隔2分鐘搞下佢,一其搞4次8分鐘到就會食得。職員間唔中會過黎幫手搞下。一鍋4人食，其實都好大，好多肉，雞肉都算嫩滑，唔會話好多都係骨冇肉，不過個人覺得小辣味道唔多濃，比較淡味。其實食完呢個雞煲已經飽左一半，想轉打邊爐，不過因為轉左打邊爐就唔可以再叫雞煲，所以我地再叫多個中辣雞煲，叫佢唔好比咁多唔想浪費，不過到上煲時一開都係咁大煲，不過今次中辣就夠香夠濃，比小辣好食好多喇。 有每次個蟹煲都會跟一碟魷魚、豬皮、蘿蔔同埋牛柏葉，等你食到一半嘅時候加埋入去煮，呢幾種食材加埋雞汁嘅味道真係好好味。其實想番叫呢碟小食，但係唔好意思問。😅食雞煲中途佢都有再上食物，有

一早約左好友今晚食飯，佢原來BOOK 左位於尖沙咀加拿分道既倫哥私房菜~  我以為真係食私房菜, 點知原來係食雞煲、海鮮、火鍋! 一坐低, 職員先遞上調味料、爽口木耳、豆角小食，好開胃~然後就黎個刺身拼盤，有三文魚刺身、帆立貝刺身、特大蝦刺身等，仲有原隻蠔皇扣鮑魚, 真心正!!仲有碗候頭菇雞燉湯，湯非常鮮甜，而且用料充足！之後就食雞煲，雞既份量好多，食落雞肉嫩滑多汁，職員話雞肉可以任食，不過我地就唔喇, 因為打邊爐 =] 我地要左個蕃茄薯仔湯底，以下食物都可以任食，包括海蝦、魷魚、蝦滑、墨魚滑、雲吞水餃、響鈴、魚皮、蔬菜！非任食(一次性) 既有粉絲蒸蟶子、蒸蚌仔、象拔蚌BB、牛頸脊、甜品~牛頸脊脂肉質嫩滑，吃落有入口即溶既感覺！個甜品都好唔錯，蛋白燉燕窩，奶味濃郁~OVERALL 員工服務係超細心, 有禮貌! 下次一定會再黎 =]                

The weather observatory said that the weather was going to get cold so I decided to have hot pot with my friend that night. My friends talked a lot about this famous hotpot place because it is cheap and the food quality is not bad. There were not a lot of people when I went in because it was only 6:30 but once it reached 7pm, the restaurant was almost full. We sat down and went to get our drink first. Very soon, our appetizer which was the spicy chicken pot arrived. Apparently we need to stir it

朋友食過呢一間私房菜之後極力推薦，所以搵咗一晚特登book枱去食。一上到去已經聞到大大陣火鍋味。我哋揀咗個海鮮餐，咁就會有刺身加啲海鮮火鍋配料。一開始上咗個刺身先，啲刺身非常新鮮，同平時放題嗰啲冇得比，佢有三文魚，帶子，蝦。之後就有有個雞煲，我哋揀咗小辣，雞煲要等8分鐘，每2分鐘搞一搞，之後就食得。雞煲啲雞非常入味，佢嘅醬汁小辣來講唔算辣，8分鐘啱啱好，啲雞夠亂嫩，醬汁有層次。佢亦都會有一碟豬皮同魷魚俾我哋，當個雞煲可以食嘅時候就加落去，過2分鐘就夾得，又係同啲醬汁非常夾。食完雞煲之後佢就會成個鍋換，我哋就揀咗蟹鍋。火鍋配料方面有牛頸脊，仲有啲佢哋出名嘅手打丸同埋雲吞水餃，牛頸脊要再叫嘅話就要另外收錢，但係啲火鍋配料係免費嘅。牛頸脊比普通肥牛嘅脂肪分布少， 淥一淥就食得，有牛味之餘亦都唔會太肥，入到口非常香軟。叫得海鮮餐當然仲有海鮮，有脆鯇魚同埋鮑魚，聖子，蝦，樣樣都非常新鮮。值得一提嘅係佢個魚皮同響鈴，魚皮味道夠濃，就算浸左湯之後都食到佢陣味， 而響鈴就係新鮮即炸非常脆。

老公同事介紹，抱住驚喜的心情去試，點知去到單睇位位環境尚可侍應服務態度飲品齊全，啤酒要比錢，可接受人齊首先上雞煲，侍應都有講解雞煲叫我地點炒，可接受食完雞煲上燉湯及 刺身跟住上主打海鮮拼盆(聖子，鮑魚，蝦， 蜆)，菜，雜丸，水餃，雲吞，炸魚皮，嚮玲，牛頸脊。鮑魚，牛頸脊，聖子追加要錢睇起黎好正，但睇真 d, 聖子好似發育不健全，好似冇咁 d 肉，鮑魚未煮都接受，煮熟後 變左鮑魚孫，宿水一半及靭到咬吾到，雲吞水餃好大 鹼水味，食物種類非常非常小選擇，埋單每位約$350，以 E 個價錢，不用去食放提，續樣食物計，都好味過佢及平過佢。仲有，正價$308，假日加$10 一位再加一服務費，一d 都吾平，以佢果d 食物質素，昭貴，當我地喺水魚，喺太子掂可平$10蚊咁多，因冇魚生，當我地傻的嗎？講到厠所，仲搞野，男女一齊，去完出來，見到個男人喺到，你話有咩感覺不會有下次再 幫襯。

前排成日聽身邊的朋友話有足料火窩任食，勁多海鮮又有雞煲，包你食到飽，今日終於有機會黎到【倫哥火鍋私房菜】見真章！尖沙咀分店地方非常之大，座位都好多，大部分都係4人台，更有6-8人台，岩哂同大班老友或者公司同事聚餐的落腳地～一坐低已經有店員為你提供兩款前菜，分別係XO 醬四季豆同埋陳醋雲耳，兩款都係酸酸地又帶少少辣，絕對開胃！等你食欲大增，接落黎可以火力全開食多D！有大概5款的配料(青蔥、辣椒、生蒜、炸蒜、等等)俾你自由混醬～跟住無耐就上一人一隻既蒜蓉粉絲蒸象拔蚌仔，都幾夠惹味，不過蚌仔就細左少少。再上埋個刺身拼盤，跟返一人份既量同時再一人一碗老火炖湯暖暖個肚先再上雞煲。我選左Bb辣，都幾麻辣同有少許嗆，不過好味！。雞件比較小，唔會話太大件食到你好滯，汁量唔多但味濃，食完係可以refill再黎多煲架！但要注意不時攪拌下，唔係會痴底；食到咁上下再落埋豬皮、魷魚，以及牛栢葉，吸哂個汁真係好好味～終於黎到戲肉轉火窩，我選左龍蝦湯底(要另+$30架)海鮮拼盤同牛頸脊都係跟人數而安排份量，不過以女仔食量黎講，基本上都食唔哂，因為很充足！鮑魚幾彈牙又唔韌，牛肉唔鞋無雪味，薄得黎有口感！唔錯！招牌的倫