倫哥尚品火鍋私房菜 (已結業)

在香港已開了七間分店的倫哥私房菜，一直以為私房菜只是吃小菜，原來是任食海鮮火鍋唷！我和寶寶早已訂位星期晚來吃，週未收費是 $318/位。餐牌裡全部食物也是包括在套餐裡，太豐富了！汽水和自家製涼茶是任飲的。連涼茶也是自製，怎能不試呢？我最喜歡它味道微甜，而且温度還是暖的，像剛剛煲起一樣。首先來點爽口和木耳和豆角小食，味道小辣很香胃，但我倆也不敢吃太多以象減低戰鬥力，這條食路還很慢長呢～雖然是任食火鍋，但也包括刺身拼盤。魚生厚身鮮甜，絕對高質。然後店員送上候頭菇雞燉湯，湯底鮮甜無味精，除了候頭茹還有雞骨和雞件，非常足料。每人也有件青口～因寶寶不吃辣，所以我們點了無辣雞煲。原來連吃雞煲也有指示，共煮八分鐘。每隔兩分鐘要攪拌和較小一度火。每當我們想打開蓋子攪拌時，細心的店員就會走過來幫忙，服務很好呀！依二人來説，雞的份量真的很多。雞肉嫩滑多汁，惹味醬汁令雞更入味。雞肉可以免費任食，但我們也不敢添加了，因為我們要準備吃火鍋了～我們點了不需另加錢的鮮茄蟹鍋做湯底，有整隻蟹斬件在裡唷。蟹肉很鮮甜，我們也吃得津津有味。除了鮮茄外還有粟米和薯仔做配料。環遊海鮮盤揾相太吸引了，海鮮清洗得乾淨而且鮮味十足，

最近天氣開始轉涼，大胃王朋友係咁叫打邊爐。佢又大食又唔明白任食打邊爐未必好食，所以今次搵咗一間私房菜半任食打邊爐去試下。一定要讚賞下啲服務態度，唔好以為打邊爐唔需要服務員。佢哋每一個服務員都好細心，由煮雞煲至打火鍋都會細心講解，點樣處理 ; 而且要加錢嘅食物都會講清楚。講到食物， 先嚟 一盅廚師靚湯，茶樹菇排骨雞腳湯不油膩，香味十足味道濃郁。再來一個雞煲 : 惹味雞煲味道冇得頂，越食越滋味。最緊要仲有得玩，喺你面前新鮮炒熟，冇花冇假。兩分鐘炒一炒，四次就食得。鍾意嘅自己炒，忘記咗服務員會過嚟幫你，放心。跟住就打邊爐連蟹煲都唔使加錢，不過我哋揀咗加30蚊有龍蝦食。先呢一個海鮮拼盤，又有鮑魚、又有聖子皇、龍躉、脆肉鯇、花甲… 款式多到都唔識。最重要啲食材夠新鮮。再嚟一份新鮮牛脊肉片，顏色鮮豔，雪花均勻，最緊要啲肉質夠曬嫩滑。而且蝦膠同墨魚膠都好彈牙，當然還有炸魚皮、響鈴、手工水餃雲吞、芝心牛丸 … 好多款式。仲要唔會漏單，還會問我哋夠唔夠食，需唔需要追加食物， 真係好細心。食物新鮮，服務一流，今個冬天要嚟多幾次。

千万不要去尖沙咀倫哥！個個都話好咪試下啦⋯點知⋯雞煲味道可以，但刺身和海鮮麻麻地服務笑騎騎⋯係好勤力叫單⋯但我地只加了兩次單，一共只加了三份。落三份漏一份，落極單都漏單或者唔上⋯等左半個鐘追左三次才有碟魚片⋯再等半個鐘左五次才有甜品，到最尾一個侍應才話蒸緊，但凍冰冰，漏單就認啦，講咩大話再追半個鐘埋單⋯埋單都耐！仲要收現金⋯一家人開開心心食飯，食到一肚气😡😡😡切勿貼錢買難受！！！！！千万不要去這餐廳，又唔係平連埋單都要等

每個月公司爆數，公司都會請我們去大吃一餐，今次選了倫哥私房菜，終於可以試一試了，因為每一次都是去吃打邊爐的。消費滿＄3500就可以包房，我們要求的菜單是每人＄400 ,我們總共13個人，但由於房間沒有得選擇，我們就坐得比較擠迫。菜單上原本是有鹽焗雞的，但當晚服務生才通知說廚師說鹽焗雞弄得不好，所以轉為雞煲，當時我們已吃了一半，所以也說沒有所謂了。黑虎掌螺頭燉翅湯，燉得不錯，足料味濃金蒜粉絲蒸聖子，聖子新鮮菠蘿咕嚕肉，用上新鮮菠蘿，醬汁酸甜適中，咕嚕肉亦炸得香脆適宜安格斯牛送飯，上枱時，我們都聞到牛肉味很騷，但當食落口時，並沒有騷味，而且味道不錯上湯波士頓龍蝦烏冬底,在外吃龍蝦,大多數是伊面底的,但這次用了烏冬底,覺得不太夾,另外獻汁亦做得偏鹹,把龍蝦的味道亦蓋過了總括來說，我覺得在他們店打邊爐，比吃私房菜好

係open rice 呢度睇左好耐呢間倫哥！終於約到朋友仔一齊去食！點知打電話去訂枱，個小姐話得翻尖沙咀店有位訂完枱後發現呢間既食評。。有點兒😂😂😂搞到我比朋友炸型！去到個場，第一下感覺，吾算太大，好熱鬧，傳聞中冇既冷氣都有😂😂😂小插曲：我地14個人，佢比左廳既圓枱我地，我地見有房，於是問下個女職員可吾可以轉房，點知，佢話可以，不過吾建議我地轉😑😐佢話房最多坐12個到☹☹果然加埋肥仔真係迫到傻，最後乖乖地坐翻廳，值得一讚係個女職員願意比我地試，等我班豬友死心😂😂 禮貌亦好好入正題：坐下後，個女職員就問我地雞煲要咩辣，我地有2個雞煲，我地選擇左一個Bb同一個中辣，等等下雞煲，個女職員放底左個刺身盤，扣鮑魚，蒸象拔蚌bb，好正😍😍😍到雞煲黎，仲正😄😄😄😄雞肉吾會hi拾拾，最重要係，多肉😍😍😍refill 左2轉，真係超正！跟住轉左打邊爐，個女職員又黎，佢叫我地試下龍蝦鍋（要加幾十蚊），我朋友心心眼加左，我地仲諗住龍蝦可能係得半隻，點知黎到又係一隻完整😋😋個衰野開心到傻左😂打邊爐料都好多，遺憾係牛肉無得添😢個人最推介：芝士牛丸，潮州魚蛋（因為我不太食海鮮，所以吾會太推介到海鮮）最後個個抱住個

坐位好差：已經早兩星期WhatsApp 去book 位，點知坐正係門口位置，個位好熱...  啲人係後樓梯食煙，堆門入黎嗰下，好熱同好嗅，職員已經安排多個扇吹住 但係都好焗。食物方面： 先上前菜， 再上雞煲 ，食完雞煲可以再加！之後再上蟹煲，確認人數之後會上刺身拼盤，熟食，打邊爐食材；海鮮拼盤，牛肉，墨魚滑，餃子等..由於食材生熟一次過上菜 坐位安排亦好差，呢間我同朋友一行七個人都唔會一次過食得哂所有食材.... 人來人往... 仲要你 入口位置， 所以食材一次太早黎到最後都變得好唔新鮮飲品款式有汽水同埋支裝水 韓國汽水 啤酒另計 選擇都多

由於食過元朗分店覺得環境食物唔錯所以今次想同家人試下尖咀的分店，我地一行十人去到，見到放題既格局，檯同檯之間好迫，同埋個環境超嘈，其實有少少想走，但一時好離轉場去第二個地方，所以都照食啦。等左好一陣先有人比野食，先上鮑魚都ok，之後等十分鐘左右有蒸貝類既野都ok,之後再等等等一陣先上雞煲，工作人員有教我地要點煮來食但都燶曬又要整過一煲，元朗個間係有專人跟進幫你煮好，工作人員服務態度好但人手好似唔夠搵個人拎個豉油都叫左好幾次先比到我地，再等等等終於打邊爐，個海鮮拼盆既貝類超多沙搞到成個火鍋都係沙又要換煲等等等，牛肉我地十個人先得個一碟，要加就比錢，問佢又無其他平價牛提供就無既，碟牛個樣都ok但食唔到牛味，之後再上打邊爐既野，有d款唔岩食，想食有咩款簡佢地話係得呢d想食可同佢講再拎，但無餐紙寫有咩打邊爐配料成晚我同家人都係等等等唔係好知食左咩野，真係比元朗個間差極多，仲有就係冷氣唔夠開埋好多架風扇都無用，希望呢間可以好好改善，類似形式既雞煲唔只得佢一間選擇。

無食過一間食物，環境水準勁差的店！ 一身難忘！ 同行七人，長台更系分兩個煲，竟然只俾一只蟹其中一窩湯底，甘焗住另個清水加完莤加皮蛋！ 海鮮差到無得頂，唔新鮮不得止，仲要平價款色，牛無牛味，雞勁辣都只有勁咸味無雞味，最普通的餃子，魚蛋咸到無朋友，除左個刺生和炸魚皮系可入到口，還有罐裝飲品ok 外，仲有職員好好態度，無其他嘢可取！ 收人350，俾150文水準食物，是否合理，大家自己行量，無冷氣焗到云，終於要走入厠所冷氣黎涼先頂到，最慘系男女共厠！

之前已經聽人講倫哥好唔錯 尖沙咀呢間即刻貴價一點都照去今晚我地一行十人 消費左三千幾蚊 但食既野除左刺身同鮑魚叫做比較靚同貴價d 其都十分之差！冷氣唔夠焗死人都算 人手又唔夠 想要個豉油都叫左四五轉先有人幫到你 佢既牛仲要只係黎一轉 之黎既要比錢 what?真係未食過任食邊爐無得加牛 最多咪之後加既牛無咁貴平d既牛 但佢無無得加...咁都算 又要無紙比人劃野食 根本就唔知加野食可以加乜野 佢第一次黎既都係d丸 水餃 個海鮮盤既蜆全部都係沙搞到成個邊爐湯都係沙 之後加乜落去都痴左沙 好差勁 完全唔知佢可以加乜野 想叫人黎又無人招呼 三千幾蚊洗乜食d咁既丸 公仔麵呀？無可能有下次囉！

呢半年剩係黎倫哥打邊爐都打左三次😂，見上次抽獎抽到500蚊coupon, 今次試下私房菜先。私房菜最少要6位起，最低消費每人$350, 其實菜單主要係客人自訂既，不過有限buget 唔知寫乜好，於是就叫倫哥寫左個每位$350蚊既菜單比我。呢個價未計加一，汽水唔包😭本身仲怕個餐食唔飽，點知飽到上心口！！等緊果陣有二碟小食，同埋送左碟炸魚皮。估唔到魚皮就咁食，食到個原味真係好薄同鬆化，同埋做到低鹽少油。先黎個湯，雪蓮紅棗螺頭燉雞。個湯超清甜啊！！仲勁足料，無味精, 飲完都飽飽地，入邊點少得螺肉，仲有雞腳，豬肉，雞肉😍原盅溫度好滾燙要小心蒜蓉開邊龍蝦，每人半邊。估唔到幾大隻仲連埋個鉗，幾好肉，肉質鮮甜彈牙，個底超級多粉絲😆梗係驚我地唔飽。不過可惜係個蒜蓉味唔多出，唔知係咪現成蒜泥黎，無蒜香味。最好食，一定係薑蔥桶蠔煲。蠔勁大隻，脹卜卜，兩邊煎香過，真係好鮮味多汁，連d 蔥都超正！清蒸龍躉，啖啖肉，好食過平時打邊爐果d, 個底有雲耳撈下汁都唔錯上湯浸菜苗，呢個個菜比較硬，唔多係菜苗，但味道ok,又有蕃茄，又有菇招牌雞煲點少得，今次個size 勁大， 所以煮左成十分鐘。依舊好食啊，最後打包左半煲

倫哥的私房菜一直想試，上次因為朋友臨時改地點，錯過了。這次老公到來指明想食雞煲，當然要好好安排。倫哥採取電話預約訂座，早一星期預定，原本想去元朗分店但已滿座，只好轉到尖沙咀新分店。前菜一：有涼伴木耳及豆角，微辣挺惹味前菜二：刺身拼盤 有帶子，三文魚，甜蝦同鱲魚，新鮮好味前菜三：罐頭鮑仔，一般前菜四：粉絲清蒸象拔蚌仔，象拔蚌仔無沙新鮮，清蒸火喉適中唔怕韌主菜：倫哥雞煲，要配合三次焗煮開蓋炒，約10分鐘先食得。雞肉嫩滑入味，香辣口味麻辣唔重，味精唔算多吃完都唔會係咁飲水，惹味好吃食到咁上下，可放入後加配料魷魚及牛栢葉，以吸收雞煲汁後食，但味道一般因爲時間唔夠，其實入唔到味食完雞煲就轉火鍋，湯底選擇有艇家蟹鍋/波士頓龍蝦鍋（每鍋需另加$30）/鮮茄薯仔湯/芫茜皮蛋湯雞煲味濃，所以我們點選清淡的鮮茄薯仔湯底火鍋料有：海鮮盤（象拔蚌仔、海蝦、龍躉片、脆鯇魚、魷魚、刀貝、鑽石蜆）牛頸脊 五花豬肉 ，點滾都唔怕韌同鞋口1.倫嫂打雙滑- 蝦滑彈牙，墨魚滑嫩滑鮮味2.阿媽雲吞水餃 - 一般3.低鹽少油響鈴及魚皮- 鮮炸出品，香脆可口唔油膩4.田園有機蔬菜 -一般5. 魚蛋 魚丸- 一般6. 甜品 - 燕

同朋友行完尖沙咀睇吓有乜地方食飯吹水，見到尖沙咀新開左間倫哥，好耐冇食一於上去回味吓先佢哋話呢間俾其他貴$30,每位$308,都係任飲任食，啤酒另外收費，蟶子、黄金蚌、象拔蚌BB和牛頸脊免費一轉，其後想再食就要收費，前菜兩碟，無限添加，送酒正！首先上左個刺身拼盤，睇樣好新鮮好大件有北寄貝、章红、三文魚、帶子和牡丹蝦，樣樣都好鮮甜，尤其是隻蝦啖啖肉，美味無比西蘭花鮑魚，西蘭花就比較瘦削，但都算爽口，鮑魚就可以一口食哂，食落幾軟滑粉絲蒸象拔蚌仔，粉絲吸收左蒜蓉和海鮮既鮮甜味，象拔蚌口感彈牙爽口鮮甜係時候食雞煲，今次選左微辣，都唔算太辣，真係比bb辣再辣少少而且有指示教你點煮雞煲，就算唔識都不停有待應服待你幫你煮，食完又可以再免費添加，另外食完雞煲可以加牛栢葉、魷魚落去煮，索左汁勁好味到打邊爐加左$30選左龍蝦湯底，隻龍蝦幾大隻，好鮮甜，爽口彈牙啖啖肉每兩人免費一碟牛肩脊，如要添加$30碟，牛好嫩滑，好濃牛味海鮮拼盤一碟，有蝦、花甲、象拔蚌、鱔片、龍躉、蟹柳、蟶子、脆肉鲩、蚌，樣樣都好新鮮，而且咬落唔梅又冇沙墨魚膠和蝦膠好彈牙足料唔係溝粉其他丸類和餃子，味道都好好唔太味精，需然餃子送來時既賣

$308@1無限時前菜係木耳同豆;刺身拼盤擺得好靚，影相效果好正，都有大概六種刺身;人頭量既鮑魚，鮑魚夠曬淋同入味;雞煲嗌左少辣，但唔覺辣，建議可以比平時嗌多一個辣度;艇家蟹鍋，湯頭好鮮甜;環有海鮮盤有成大概七種，仲可以追加添;其實仲有好多都講唔曬，統一黎講啲野都好新鮮，全部都好正。不過並唔係所有野食都可以追加，牛同部份海鮮另外追加要加錢，不過對我而言都夠喇。最欣賞佢一點係無限時，平時啲任食最多比你兩個鐘，搞到大家一坐低就要不停食，但今次無限時就可以慢慢吹水慢慢食，正👍

朋友介紹呢間雞煲同海鮮打邊爐好正，約咗幾次終於成行。一開始都覺得d服務幾好，雞煲係好味既。直到開始轉打邊爐，等咗接近45分鐘，盆海鮮上咗枱三十分鐘，催咗三四個人，先得到一名先生告知即刻入廚房跟返兩個湯底。而我地響房最入面既關係，另一枱近門口的客人有一部疑似坐立式既風機吹住，但我地就焗咗將近兩三小時。向職員詢問冷氣可否較凍d，得到既答案係「冷氣壞壞地，忍下啦，你地呢間房到同時開咗4個明火(包括隔離近門口的客人），係咁架啦，我入廚房搬個負0度既雪櫃俾你都一樣啦！」好有態度既答法。響桑拿房焗到冇辦法再食，海鮮拼盆只係食咗3分1都冇，我地相繼出去大廳涼冷氣，朋友發現外面的爐全是電磁爐。而我地那間房加埋兩檯有十七八，卻有4⃣️個明火加一部壞冷氣同一部吹住門口位置的坐立式，而入面位置的十人只靠一部家庭式的風扇維持生命。最後大概係我地企咗響大廳觀望太耐，終於有疑似職員話安排出面既枱俾我地，那時將近10時，大家只有5成飽，兜海鮮既冰一早已經融咗，而我地已經全冇興致要食落去。到請餐廳埋單時，終於有一位唔好意思先生出咗黎，對我地既處境講咗超過10句唔好意思，並表示如一早知道情況會即時解決。原來你的同事並不代表

聽朋友介紹西環、元朗分店都好正，見尖沙咀開左，仲要貴價d,一於試下。由於新開，電壓唔夠，坐房有電磁爐係度，但就要係上面用gas爐，仲要開2張大枱，開頭都仲ok,後來四個gas爐同開，真係又焗又熱，同大廳差好多度温差，有bbq 既感覺。呢方面真係接受唔到。雞煲本身OK，其實幾好食，刺身都唔錯，食完之後想打邊爐就出事了，等左成個鐘都冇湯鍋，但係火喎配料就上曬，d海鮮擺到出晒水。不停叫夥計跟進都冇幫助，人只有不斷乾蒸，好似做桑拿。配料只有不斷出水，之前果d幾好味都冇用。一定要改善上菜時間。最後熱到完全食唔到，未食曬要走人，服務又唔好，只叫我地等。開頭又唔肯調我哋出大廳，買單先來叫我地出去坐，真係好失望。加上啲嘢又唔係特別新鮮，但價錢又貴左（$350一位），同其他分店差好遠，唔怪得有人懷疑呢間係咪叫倫哥。大家自行判斷。以上不是想抺黑，是真實食後感。希望會刊登及認真改善。