倫哥尚品火鍋私房菜 (已結業)

昨晚相約幾位朋友一起吃晚飯，早前朋友提議到一間口碑不錯的-倫哥尚品火鍋私房菜-所以我哋已經一早預訂定位，原來佢有多間分店，我哋去咗坐落尖沙咀加拿芬道 國際商業銀行大廈五樓嗰一間。入座後店員細心地介紹套餐食物，內容包括些什麼，那些需要特別加配的，或添加一些價錢，都非常清晰地告訴我們，讓客人自己選擇，原本佢個任食海鮮火鍋，食材質同素價錢都巳經幾實惠。刺身拼盤 厚切嘅三文魚，柔光閃令令，因係厚切嘅關係，咬感 零舍軟綿綿，肉質非常鮮甜 。大大隻嘅帶子，鮮甜多汁，絕無欺場king size嘅赤蝦，肉質爽甜，汁液豐盛，優質嘅帆立貝，同樣咁鮮甜可口 ，整個刺身拼盤全是優質的食材。燉雞湯 原盅老火燉雞湯，當你打開 蓋後，已經聞到濃濃雞湯嘅香味，撲向你的鼻蕾，大家都急不及待地，把它送進肚裏。鮑你上位 原隻鮑魚，用上等嘅花菇炆煮，大廚把鮑魚炆煮得火路非常到位，鮑魚夠淋甜，香氣逼人，配合花菇嘅清香，簡直絕配。阿嫲雞煲 一整個惹味嘅雞煲，當雞煲 沸騰起來的時候，一打開蓋 已經聞到爆香嘅味道，大家都流曬口水大廚嘅手藝真係冇得彈，每一件雞肉都非常入味，自家製嘅醬汁，獨特嘅配方，非常香濃，香濃得嚟又不失雞肉嘅嫩滑，

對不少港人而言，一年四季都是打邊爐的季節。倫哥的「阿嫲雞煲」經他研製及改良多年，選用十多款自家製秘方配料製成，承傳了嫲嫲的味道。香辣程度有4級，由BB辣到大辣，隨食客的口味而定，香噴噴的雞煲惹味非常！除了雞煲，還有多款豐富的美食。首先會奉上刺身拼盤，包括新鮮三文魚、北寄貝、帶子、特大刺身蝦等，鮮甜味美！享用完後，店員隨即就會送上另一個花蟹煲。時令海鮮每日可能有所不同，包括龍躉魚片、大蝦、鮮魷等，另外無限供應手打丸、水餃、雲吞、響鈴等！

久仰倫哥大名只是無緣不曾拜會今天就和朋友來見識見識套餐食物種類豐富先送上一盤刺身魚生再送來燉湯一壺湯頭呈金黃色味道甘醇期間限定每位敬送大閘蟹一隻大閘蟹超多膏味道甘香每日有更有一客冬菇燘鮑魚小辣雞煲緊接送上侍者幫忙攪拌四次才可食用雞肉嫩滑汁料惹味再加入魷魚牛栢葉盡吸精華火鍋湯底選擇了皮蛋芫茜湯牛頸脊肉味超濃輕涮十秒就可以食用海鮮拼盤大堆頭蟶子生蠔沙白蜆仔脆鯇龍躉龍躉肉質嫩滑有魚油香更可以免費無限添加韮菜餃水餃有驚喜炸響鈴低油低鹽更健康蔬菜更是有機兩小時的狂歡肚皮滿滿最後更敬送燕窩燉牛乳倫哥果然聞名不如見面火鍋名單又再加多一間了

倫哥聽就聽得多，今日第一次去食，真係幾抵食，座無虛席。大閘蟹一人一隻，仲有專業用具。蟹都好多羔。厚身冬菇和鮑魚都幾好味。雞湯很滋補。豆角都幾辣。刺身拼盤有三文魚、帆立貝、特大蝦、北寄貝，刺身都幾新鮮。原來食雞煲很有學問和技巧，先食雞煲，等2mins攪一攪 x 4次，每次減一度熱，共8mins。雞肉配上惹味的醬汁很入味。食到差唔多就加牛柏葉、魷魚、豬皮，呢個step幾有特色，估唔到個雞煲同呢幾種食物又幾夾喎，吸收晒D雞汁，好惹味。海鮮拼盤有螃蟹、蟶子、海蝦、鯇魚、蜆、mussels、魷魚，魷魚彈牙、海蝦鮮甜。艇家蟹鍋湯底已有粟米、蕃茄、蘿蔔、冬菇。蟹很新鮮又多羔。牛頸脊肉質超級嫩滑。蝦滑好正，見到大大舊蝦肉係入面，墨魚滑都有粒粒墨魚，真係唔係浪得虛名。其他配料還有蝦丸、年糕丸、韮菜餃、雲吞、水餃。有機菜籃有油麥菜、白菜、皇帝菜、娃娃菜，掛上湯汁，清甜美味，蘿蔔入晒味。甜品燕窩燉蛋白，質地好滑，唔會太甜。

成日做野做到餓到癲就會好想食個放題慰藉下自己既受傷心靈，今次我地決定食尖沙咀依間倫哥！形式係無限時放題，但有某啲海鮮同item就無得encore既！首先一坐底就已經有啲冷盤涼拌小食甘，可以食住等雞煲，有木耳同青豆。之後就有個燉湯，本身我好喜歡飲湯既所以覺得特別窩心！入面仲有啲湯料添！跟住店員仲送上刺身拼盤，都幾多款刺身！之後就開始滾個雞煲啦，要定時甘去攪拌佢架，但店員都好好人會幫我地整，因為攪既過程都會彈油架，所以真係好貼心！好香既雞煲，我地嗌左中辣，好惹味但吾算好辣啊！雞肉有啲係幾滑的！食食下雞煲就送上左青口，即食都得架，幾鮮味既！食完雞煲其實仲可以再加雞的，但我地就想開始打邊爐了！叫左個蕃茄薯仔蟹湯，都幾鮮甜既湯頭！之後就陸續有啲海鮮牛肉同菜之類既配料送上。牛肉既份量都夠兩人食有多啊，因為仲有好多食物種類，牛頸脊來的所以肉質會來得結實！涮得剛好再食肉質就會嫩啲啦～海鮮款式都多啊，我最愛就係龍躉啦，好滑啊！韮菜餃都好足料！最後仲送上燉奶，面頭仲有少少燕窩，好嫩滑所以都秒清啊我地！

同舊同事聚舊,大家都系尖沙咀放工,一於就附近食啦,2個男人,當然系打邊爐,吹下水啦!去咗加拿芬道ge"倫哥尚品火鍋私房菜"!出咗呢個火鍋]有刺身拼盤,雞煲,之後就選湯底打邊爐,仲有海鮮拼盤之外仲有d火鍋配料.先$308大元,抵食到無野講啦~首先個刺身拼盤,有三文魚,北極貝,帶子,仲有大蝦等,份量夠,款式都多,而且食落都幾新鮮.之後就到雞煲,雞煲好香,味道濃烈,店員好貼心咁教我地點樣睇住個火候,有時客人可能唔記得開蓋攪下d雞ge時候,距地都會好樂意咁幫客人整埋,話咁快就有得食呢個熱辣辣,香噴噴ge雞煲,好正,味道有農家菜ge feel,雞件嫩滑多汁,啖啖肉,唔會比曬d多骨ge或者頸呢d部位比客人.食埋個雞煲之後就可以選湯底打邊爐啦,我地就叫咗個艇家蟹鍋,湯底都幾清香同鮮甜,之後d火鍋配料就陸續上黎啦,有個牛頸脊,好滑,牛味濃,系咁易系個湯底度刷2下就食得,好唔錯,仲有個大大個ge海鮮拼盤,入面有黃金蚌,象拔蚌,海蝦,白鱔,刀貝,魷魚等等,都好新鮮同豐富.之後仲有d蝦滑,墨魚丸滑,水餃等等,配料都好豐富,夠曬飽!最後仲有個甜品,系燉奶,友人對呢個燉奶讚不絕口,話好好味,好想食多個,我個人都

平時食火鍋，習慣要睇菜單，但呢度好唔同，你唔使睇菜單，一坐低就有源源不絕的食物送上！涼菜有四季豆同雲耳～ 少少酸辣，爽脆開胃～ 雞煲未到，周圍望望，有汽水啤酒任飲熱飲機混醬先有魚生刺身食～ 新鮮燉湯！ 有螺頭、雞、金華火腿，夠老火雞煲到咗，要等幾分鐘等o既期間又有海鮮食～ 食得啦～ 惹味雞煲～～自家製涼茶，唔太甜，ok海鮮拼盤， 有鮑魚、聖子、蝦等等～ 墨魚滑同蝦滑，食到粒粒墨魚同蝦，彈牙～牛肉雪花幾靚魚皮脆，無油益味丸類同餃類菜乾淨，新鮮食完雞煲可以轉其他煲，要咗海鮮煲～食完飽飽仲有燕窩燉蛋白！ 呢餐夠晒豐盛!

久聞倫哥大名好耐，原來不經不覺間已經港九新界都有好多分店，就響我最想出沒嘅尖沙咀亦都開咗一間，地點位置超方便，就響K11對面。一坐低，職員已經介紹話所有餸菜和依次序送上，佢哋會問雞煲要幾辣，大概10分鐘雞煲就會來到。期間職員每5分鐘就來幫忙煮熟雞煲，每次開蓋都傳出陣陣香味！煮熟之後不負眾望，雞好惹味，雖然唔太嫩滑，但雞味不錯！醬汁微辣好刺激！煮雞煲嘅期間其他小菜亦都陸續送上，首先嚟咗一份鮑魚大菇，味道可以。花菇味道不錯。另外紅棗杞子雞湯不太油膩，藥材味中大一點鮮甜味。飲完成個人好暖身。刺身拼盤亦都十分豐富！有三文魚、章紅魚筆、北寄貝、帶子同埋牡丹蝦。刺身尚算新鮮，帶子好甜，三文魚不算太肥美但可以接受，牡丹蝦好大隻，好甜好彈牙！個人應為牡丹蝦最好！食完雞煲之後可以開始火鍋，我哋依家＄30叫咗龍蝦海鮮鍋，原來入邊會有一隻完整龍蝦！湯底頗甜。肥牛數量限定，但牛味濃郁，有趙口，脂肪分布均勻，不錯。海鮮拼盤亦都超級豐富，又有一隻大龍蝦，蟶子，文烚蜆，白蜆，花甲蜆，魚片，青口等！整體都好鮮甜又新鮮！個人最喜歡文烚蜆同埋聖子，超甜！另外估唔到咁出色嘅有呢一份黑白墨魚滑！超級彈牙！入邊仲會食到粒粒墨魚

環境嘈雜，地方迫窄，袋也冇位放，地點根本不在加拿芬道，而是在河內道，服務員態度惡劣，人手又不足，等好耐都冇人收碟，食物品質一般，牛肉完全不新鲜，叫換竟然同我講睇吓仲有冇，菜洗得不乾淨，竟然還有發泡膠粒，只是晚上九時已叫乜冇乜，都唔知真定假？涼茶完全冇味，淡如水，甜品要等10至15分鐘，來到竟然D蛋鞋鞋地，冇甜味，仲之-句就係不值得再去，厠所男女可共用又不衛生，第一次寫食評的我竟然要寫劣評，不明為何會有這麼多人寫到咁好，實在不想再有人被騙。

天氣漸漸轉涼最岩約埋朋友打邊爐。哩間火鍋私房茶朋友食過好食而介紹我既，中意試新野既我梗係要黎食番餐！上到黎店員安排我地入房坐👍🏻 坐低見到牆上既poster 就影低俾大家參考下！哩度既特色係上黎唔指打邊爐咁簡單，仲有雞煲、刺身、燉湯、鮑魚食，認真豐富！等左10分鐘到就上左鮑魚喇，都幾大隻嫁，興奮！下面既花菇好爽口，好正。接住就上左燉湯，原盅燉飲到冇味精，又足料，啖湯好清甜。轉眼間店員又上左個刺身冰盆，除左手不停影相外，個口都不停食😆 5款刺身都幾新鮮，甜蝦同三文魚係最愛！同時間又上左個雞煲，揀左小辣。煮左7-8分鐘左右就食得，一打開香氣噴鼻，食到隻雞幾滑，醬汁味道好出，超正！枱面上有漫畫指引食客點煮個雞煲，簡單易明又有趣！任飲自家製五花茶同汽水，覺得有涼茶好貼心，岩晒降火。食完雞煲就轉打邊爐，揀左個龍蝦鍋，需加$30。打邊爐既材料係超豐富，用蝦、魚、貝類、丸類、蝦滑、蔬菜等等，哩個價錢真心抵！特登要影大特寫隻龍蝦呀，用上半隻龍蝦既火鍋湯底金黃色，好鮮甜，用料非常足！食完咁多野都仲未完嫁！店員話仲有甜品，咁食甜品又有第二個胃既😂甜品係燕窩燉蛋白，超好味呀！今晚哩餐真心大滿足，食到勁飽咁番

見天氣涼涼地，就約埋幾個朋友打邊爐，朋友介紹倫哥私房菜，話呢間打邊爐又平又好食,無限時任飲任食海鮮火鍋只係$308一位，食物仲要超豐富。首先會提供一盤刺身同埋每人一隻鮑魚，再黎就係雞煲，之後就上海鮮拼盤，有成8款海鮮，（海鮮有龍蝦、花蝦、花甲、脆肉鯇、蟶子、象拔蚌、 蜆同魷魚），牛頸脊，任食海鮮配料，最後仲有埋甜品食，最重要汽水自家製涼茶茶無限量供應。真係超值呀！刺身拼盤多款刺身厚切，三文魚肥美，甜蝦大大隻，夠哂鮮彈。帶子鮮甜大粒。鮑魚鮑魚炆得好'林', 算係大粒😝啖啖肉。Bb辣雞煲，小辣辣度岩岩好，味道吾會好咸，雞肉肉質好滑彈牙，少辣少麻，令雞肉好惹味 。湯底方面擇左個水佬龍蝦湯底（加$30），材料非常豐富，湯本身味道比軟清淡，帶點鮮味，龍蟹好新鮮大大隻，龍蝦無欺場。海鮮拼盤龍蝦應該有全隻，好多肉，肉質爽彈鮮甜。花甲、蜆既沙吐得乾淨。蟶子鮮甜嫩滑，象拔蚌爽口彈牙。魚肉嫩軟滑，而且味道鮮甜。海蝦鮮甜彈牙，連蝦頭都好好食。牛頸脊色澤好靚好鮮紅,入口嫩滑牛味香濃。其他火鍋配料任食都非常出色，推介千島醬丸，年糕丸同芝士牛丸😍而打邊爐最後要食響鈴同炸魚皮，吸收哂咁多美食既精華，鮮味十足。最後仲

今日和同事上TRAINING，放學後大家難得有空可以聚一聚就揀尖沙咀食飯，地點比較方便，同事提議去倫哥尚品打邊爐，話好抵食之餘岩晒我地幾位有選擇困難既人，我地當然讚成啦! 倫哥尚品位於K-11對面好就腳，門口大大個招牌，內裡裝修雅致明亮，坐得好舒服。半任食邊爐每位$308，同事話食完倫哥安排既食物唔夠先再係MENU加其他。牆上貼左張海報寫住生日送金牌，8位以上就有，真係好正~又食又拎!飲品係雪櫃任拎~如果要飲酒就要加錢，識飲當然係飲倫哥自家涼茶啦，好好飲而且係暖架!職員效率好高，我地四人坐低無耐已經上滿一枱食物，而呢D食物係由餐廳安排，我地只負責食就得。阿嫲雞煲我地揀左少辣，職員會每兩分鐘幫你炒一炒D雞，炒4次就食得。雞煲味度剛好，唔會太咸或太麻，而且雞肉嫩滑配埋惹味醬汁真係食唔停口。雞煲係任食，如果你食夠想打邊爐只要同職員講佢地就會幫你轉煲打邊爐。鮑你上位人頭每位一份鮑魚冬菇，冬菇同鮑魚都炆得好淋好入味，好食。燉湯一打開蓋就聞到好香，燉湯好足料飲完暖笠笠!剌身拼盤有赤蝦~帶子~北寄貝等...份量不少而且蝦好鮮甜又大隻~食完雞煲~鮑魚~刺身再飲埋個燉湯已經飽飽地....同事話而家先入正

見天氣開始涼涼地，最好可以邊爐或者雞煲，甘岩見倫哥尚品火鍋私房菜可以滿足兩個願望。一入座，有涼拌前菜同三色刺身，分別係帆立貝，三文魚同大蝦，大蝦成隻碟甘大又爽甜。之後即刻送上雞湯，好足料，有成三買塊雞肉，另附上雞腳一隻，所以好入味好甜，又多骨膠原。另外每人一隻即蒸象拔蚌BB。成程個口冇停過，雞煲已上台煲緊，成個範圍都聞到好濃好香好嗆既雞味同麻辣味。職員好盡責不時幫人客炒雞煲，雞肉嫩滑又香辣，伴隨芫茜同洋蔥再加上牛柏葉、豬皮、魷魚吸收埋啲辣汁同雞既精華，已經半飽。戲肉係龍蝦鍋邊爐，鮑魚都算大粒，而且洗得好乾淨，另外大量貝類幾乎任點任食，令到個湯底更加鮮甜。牛頸脊油脂分佈好平均，牛味濃，正到不得。海蝦，魷魚，龍躉，鯇魚全部好新鮮，重點又係任食，出面舖頭好難做到甘高質。手打蝦滑，墨魚滑都好彈牙，仲有包心丸，有機菜，多不勝數，全部非酒精野飲又係全飲，只怕你冇肚食同飲。最後仲有燕窩燉牛奶，好滑好富貴。

My families and I went to a Chinese restaurant called " Lun Gor Private Club " (倫哥尚品火鍋私房菜) located in 5/F, BCC Building, 25-31 Carnarvon Road, Tsim Sha Tsui尖沙咀加拿分道25-31號國際商業銀行大廈5樓.There is a modern chandelier composes by a group of circular pendant lights.We have to wait around 15 mins as the restaurant is full house on that night...The hotpot buffet costs HKD$318 / adult which allows you eat what you can of many seafood and other common hotpot ingredients...The waitress immediately served us t