利寶閣 (已結業)

Chinese Cuisine🥢 All You Can Eat💫..✨利寶閣晚市放題 -即叫即做高級粵菜放題✨超過50多款即叫即做﹑任點任食的中菜﹐每位額外送：爆膏野生時令奄仔蟹🦀 (清蒸/雞油花雕蒸/油鹽焗)、花膠響螺雞湯🐥 及 原隻鮑魚花菇🐚 (每位1份* 小童除外)喔。另有仲有其他選料上乘菜式，包括：西班牙黑毛豬叉燒🐽、北京片皮鴨🦆、安格斯牛河🐮、花雕醉蝦🦐等﹐物有所值！仲有仲有甜品💕 多款選擇享盡鮮味`甜味呢。呢度真係環境氣氛`食物質素`服務態度 都係Ichiban❣️。..你睇下蟹膏多到呢 又黃又鮮甜💛😋🥢。真係好正架🖤 仲有仲有。。呢度環境真係一流架💫 望住維港吃頓飯 心情多麼好。。生活有時候很苦 但你會發現 其實有時候也可以很美好。✨✨🌃🏙🌌🖤..

約左屋企人飲茶，揀左大家都就腳既利寶閣，上到The one 17樓，面海的景色令人豁然開朗。餐廳做緊148蚊點點放題，另送每位客鮑魚酥同一客花膠灌湯餃，相當抵食。坐低之後冇幾耐，侍應就開始上送的花膠灌湯餃同鮑魚酥。其他的點心就比點心紙放題形式下單。有多張點心紙，選擇很豐富。我地點左前菜，酸酸辣辣的皇帝菜，黑木耳同拍黃瓜，好開胃。酥皮叉燒包新鮮熱辣，酥皮香脆，叉燒不會太肥，餡料豐盈。叉燒飯也在放題範圍內，配有大概三塊厚切叉燒，煎蛋，菜，抵食好好味，尤其系d叉燒，肉質細緻冇渣！鯪魚球炸至金黃色，外脆內軟，好有特色。蒸品夠火候，口感不錯！

男朋友超鐘意食中菜，但得2個人的話，明明想食嘅菜款有好多，但眼闊肚窄，通常都唔叫得多，叫得多又怕太貴。平時西式日式放題就食得多，但今暈利寶閣搞搞新意思，出左中式放題又真係第一次聽，見佢同平時D放題$298蚊，再加一，其實同西日放題差不見，一於去試一試，岩哂D想食西餐，但又驚爆哂Budget，但又想咩都試下嘅人。尖沙嘴嘅利寶閣位於The One嘅17樓，去食夜晚飯的話可以欣賞到港島嘅夜景，無論係環境、服務同觀景感覺都相當唔錯。夜晚嘅放題有多達55款嘅小菜可以簡，每人首先會有一Set花膠響螺雞湯、原隻飽魚花菇同時令奄仔蟹食。男朋友去親食利寶閣都一定會點嘅靚湯，呢個花膠響螺雞湯同平時一樣都咁充料同埋鮮甜。原隻飽魚花菇令我諗起平時飲宴上嘅菜，飽魚同花菇都大大隻，個醬汁剛好，食落去好有口感，放題得黎，個質素唔錯。奄仔蟹係踏入秋天前，端午節過去嘅時令海鮮，蟹膏甘香軟滑，入口柔軟蟹味夠濃，我地簡左清蒸，時令野梗係食返原汁原味野最好啦！Menu 分左煎、炆、煮、炸、炒、浸、烤、焗、甜等分類，等食家可以易D睇，易D簡野。介煎釀尖椒，魚肉夠香，青椒帶少少微辣，唔錯！飽汁鳳爪 同 雞蛋豬腳薑都唔錯，煮得夠哂

少有地找到一專做中菜任食的餐廳，利寶閣。餐廳夜景一絕，茶樓式的格局，燈光柔和食物：片皮鴨現場就有廚師在即席切片，皮脆而且肉香，青瓜，大蒽，填鴨醬齊備燒味值得推介，叉燒肥瘦適中，燒肉皮爽脆，雞肉軟嫩，非常不錯每人一份的花膠螺頭湯濃郁而且清徹，湯底有雞跟花膠，矝貴非常每人一份的鮑魚沒話說，抵吃每人一份的奄仔蟹鹽焗的最吊出蟹味，亦帶豐富蟹膏！此外值得推介的還有宮保蝦仁，欖角骨，一般酒樓的菜色都可以望著夜景，又渡過一個舒適的晚上

飲茶通常都係散嗌多，閒閒地都人均百幾蚊，今次利寶閣推出午巿點心放題，都係比平時貴少少，但就可以任叫任食，唔洗就住就住。點心放題嘅款式都非常多，食開嘅蝦餃燒賣就不在話下，廚點特點呢d平時唔係好捨得嗌嘅都可以任叫，真係好抵。惠顧午巿放題，酒樓會送你一份鮑魚酥同灌湯餃，淨係呢2樣都幾十蚊啦。鮑魚好彈牙，灌湯餃好足料。跟住就係瘋狂地叫點心，蝦餃，燒賣，芋盒，魚餅，食幾多個嗌幾多，唔洗好似平時人多時叫一籠唔夠分，叫多籠又多得滯嘅情況。酥皮叉燒包即叫即整，熱辣辣。蒸腸粉好滑，荷葉飯細細隻，好有荷香，又唔洗食咁多。百幾蚊放題可以食盡唔同款式，地方又好坐，啱晒家庭或者朋友聚會。

貪得意試下佢嘅點心放題，點知中伏，冇下次，選擇唔多，有d上菜時已經凍，差過平時就咁飲茶d點心，得d炸野叫好小小。埋單$188/位，下次都散叫好過。總之就唔會有下次。

睇住維港慢慢入夜嚟食中菜已經係好爽嘅一件事，仲要有50幾款食品俾我任點任食，真係完全無投訴了。上年大閘蟹季節都有食利寶閣大閘蟹放題，食得好開心。 今次佢地有新搞作晚市放題,原班人馬再去支持!放題埋單大約三百幾蚊1位，除了餐單果50幾款餸菜之外每位客人會包 👇1.2.3項1.花膠響螺雞湯2.時令奄仔蟹 ( 有三種食法可以揀花雕蒸,油鹽焗清蒸)時令即使時令， 咪睇兩隻蟹係咁細隻，咸香膏多，肉質厚實。3.鮑魚炆花菇，炆得好淋同夠曬入味。食材唔係頂級,但300幾蚊有片皮鴨又有紅燒乳鴿仲想點🤭認真與時並進連酸菜魚都有得點🐟奶黃西米撻必食!童年回憶集於一身蛋散同椰子雪糕 🤭🥳總結50幾樣食物一次係食唔哂㗎! 實在太飽了,唔該下次再幫襯過喇。🤣

朋友好鐘意食中菜，但中菜又通常都大大碟如果得兩個人食既話又唔可以食到好多款依個中式放題真係啱晒少人但又想食中菜既人選擇都好多樣化落完單就睇下景先每人仲會有一個花膠響螺雞湯奄仔蟹一隻，仲可以揀清蒸/花雕蒸/油鹽焗我地都揀左花雕蒸原隻鮑魚花菇胡麻醬肉鬆山水豆腐最愛既胡麻醬豆腐依到既豆腐仲有好多醬加埋肉鬆增加左個口感燒乳鴿好嫩滑朋友好鐘意個鹵水腎片炸物：沙律海鮮卷、八味茄子、芝士百花球豬腳薑同鹹菜胡椒豬肚都好正我地嗌左幾次兩樣都好入味豬腳薑既雞蛋係我既最愛兩個人嚟食每樣嗌少少，可以試到好多款，啱晒貪心既我仲有片皮鴨任食好鐘意食片皮鴨由天光食到天黑，個景都係一樣咁靚

日式放題就食得多粵菜放題黑洞都係第一次試酒樓喺The One 位置方便仲可以望到海景 晚飯時間睇到幻彩詠香江放題紙選擇吾少每位包一隻奄仔蟹 鮑魚花菇同花膠響螺雞湯黑洞我揀咗清蒸奄仔蟹 食落好鮮味仲有好多蟹膏 雞湯鮮甜得來唔太咸 加分回本之選 任食片皮鴨同乳鴿片皮鴨現場師傅即叫即 切夠晒新鮮乳鴿熱辣辣 個皮好脆口蒸點有黑洞鍾意嘅馬拉糕同奶皇包 奶皇包仲有流心 不得了另外仲食左紅油抄手同雲吞等上海美食食咗咁多肉 食番碟烚菜清下腸胃最尾飲多個蛋白杏仁茶 夠晒滋潤養顏

The One 呢間中式酒樓竟然有晚市中菜放題，真係令人意想不到！晚餐時間座無虛席，侍應都好有耐心。可惜係人手不足。望住維港景色嘆中菜，別有一番情調呢！成人$278既晚市放題食盡中式煎炸炒烤炆煮等方式既中菜，而當中最令人心心眼既當然係任點任石岐燒乳鴿喇！除了乳鴿，仲有北京片皮鴨喔！雖然級數未到片皮鴨專門店果種，但都不俗喔！皮脆肉嫩 不錯呢！除此以外，每人可享花膠響螺湯、原隻鮑魚花菇及時令奄仔蟹一份！花膠響螺湯味道鮮甜，但就無大大塊花膠。原隻鮑魚花菇好好味呢...鮑魚約有匙羹咁大，爽口鮮味，好正！花菇雖然係配角，但質素都唔差。花菇夠厚身而且有菇味！令奄仔蟹好蟹蟹膏，肉質札實，好想再encore呢！鍾意食辣嘅朋友推介食紅油抄手或水煮魚...又麻又辣，超爽！甜品方面，私心推介山西棗皇糕，夠哂補呢！入口彈牙，口感煙銀，紅棗味非常濃郁

7月23日下午二時相约好友到The one 利寶閣試試相傳好出名之點心放題、每位$148……不過加呢樣+嗰樣+茶芥……每位$187.3....要食幾多先夠？！如果好食、靚料都底……可惜！每人先奉上鮑魚一口鬆……呢樣最正……其後灌湯餃，D蝦霉的！鲍汁雞脚-正常好味嘅、燒買都OK嘅。反而蝦腸D蝦仲新鮮。要讚的係蘿蔔蘇……真係好熱、脆！全廳只有三位勤奮的服務員……所以要加水、茶也難！

收工同個朋友去左呢間食中菜，因為聽聞個view好好又可以任食，岩曬我地兩個人！平時食中菜都要成班人先可以食多幾樣野，而家又可以食勁多款野食又可以望住個維多利亞港！平日價都係$278一位，係尖沙咀又有風景睇，真係抵反！

黎食呢間真係要比200分既耐心，特別係晚餐2小時放題。無論係等落order，等上菜，等賣單定等找錢，都起碼每次要等10分鐘以上，加上坐近電梯口，跟本冇咩服務員行過，加上唔知係有意定無意見唔到客人舉手，唔知係人手太少定點，但其實個場都未full哂，真係等既時間多過食。不過服務員態度都ok既，真係要等咁啦。。到食物方面，冇咩值得影既相，因為真係唔會覺得值呢個價。佢送既蟹，湯，鮑魚都唔會令你驚訝，湯就真係味精味，蟹仲食到有啲臭。其他都好普通，不過唯一係可以食多少少款既。但係，其中有好幾樣野由第一次落單到走都未岀現過，唔知係賣哂定點，搞到都食少左幾款。好就好在呢到真係按你寫既份量比你，寫一位就比一粒，可以少食多款，都ok。呢個價都唔平，真係唔值呢個價，我2個人黎食，total 都6xx, 岀去食其他更有質素既都得，不過真係一試無妨，再試就。。不了

是日同舊同事聚舊，知道尖沙咀利寶閣有2小時任食放題，除左有55款中式食品任點任食之外，每人仲有一份爆膏野生時令奄仔蟹，原隻鮑魚花菇同花膠響螺雞湯，都只係每位$278，非常抵食，點可以唔試下呢?餐廳位於The One 17樓，裝修時尚，可以一邊欣賞維港夜景，一邊享用晚餐，簡直是雙重享受!爆膏野生時令奄仔蟹:奄仔蟹可以揀清蒸，雞油花雕蒸同埋油鹽焗。我地揀左一隻清蒸一隻油鹽焗。上菜時散發出陣陣香氣，打開蟹蓋後仲發現豐富嘅蟹膏，食落好新鮮，入口甜甜地，令人食到舐舐脷。原隻鮑魚花菇:原隻鮑魚賣相吸引，咬口彈牙，味道唔錯。花膠響螺雞湯:花膠響螺雞湯以原盅盛上，打開蓋後散出陣陣雞湯味，香氣撲鼻而來，湯料非常足，花膠都算幾大塊， 咬落去都頗有膠質， 女士恩物，滋補又養顏。 片皮鴨:廚師即場片皮鴨，片皮鴨皮脆肉嫩，厚薄適中，配上又薄又煙靭嘅餅皮，加埋青瓜條同甜醬食，感覺相當清新，亦都無油膩嘅感覺，值得一讚。鮑汁鳳爪: 鳳爪吸收晒鮑汁嘅精華味道相當香濃，非常好味，令我地叫完一份再一份。玻璃咕嚕肉:咕嚕肉外脆內軟，甜酸汁味道調較得算幾好，入口酸酸甜甜咁，幾開胃，賣相亦都色彩繽紛，非常吸引。紅油抄手:紅油辣味

粵菜放題在坊間並不多見今次這家有五十多款食物選擇先奉上花膠響螺雞湯湯頭清澈入口非常舒服再有每人一客原隻鮑魚花菇味道鮮美絕對是高質之作奄仔蟹每人一款有三種烹調方法我們選了雞油花雕蒸和清蒸用蛋白墊底奄仔蟹爆膏北京片皮鴨有配青瓜京蔥海鮮醬椒鹽脆皮雞翼熱辣辣很惹味脆皮燒腩仔豬皮燒得香脆黯然叉燒煎蛋飯是另一得意之作叉燒半肥瘦煎蛋半熟無可挑剔石岐燒乳鴿任食是回本之選香酥美味鴿肉充滿肉汁陳醋雲耳酸酸的十分開胃水煮牛肉也不過不失紅油抄手惹味如果配麵食就更好甜品點了紅棗糕香杧布甸奈何胃容量有限未能一一嘗鮮