勝記海鮮酒家

營業中

休息中

週末小🐤胃說要去慶祝一下發年終，其實他不吃海鮮，就我吃，我本身想去布袋澳的發記，因為我覺得沒去過，他非要帶我來這家說是米芝蓮推薦，說實話讀書時候大大小小米其林我吃了很多家都不咋地，我們買的海鮮加工，味道還可以，主要是海鮮很新鮮！加工費挺高，海鮮才750，加工費900多

幾個月前, “師姐” 帶我去西貢 “勝記” 食海鮮, 超級好食, 預算冇失控, 一試難忘. “師姐” 交帶落下次可以搵 “經理” 寫菜單.🥢 等了又等, 終於有機會再訪! 今晚8人飯局, 六道海鮮, 一味小食, 菜, 炒飯, 加甜品. 用餐地方屬於餐廳一樓, 分區只有兩張枱, 座位闊落. 💰黃金脆豆腐. 外脆內軟, 持久力強, 表面落咗椒鹽, 微辣, 神級產物!🦑 椒鹽鮮鱿. 魷魚彈牙, 炸粉夠簿, 味道調校不俗.🥰 酒糟粉絲蒸元貝. 元貝啱啱好熟, 十個讚! 酒糟係米, 麥, 高粱釀酒後剩餘嘅酒渣, 略帶甜味. “酒糟版本” 比 “蒜蓉版本” 更保留到元貝嘅鮮味.🐚 金不換炒蟶子. 新鮮爽口, 一流! 今餐至愛之一.🐟 清蒸沙巴龍躉. 約三斤, 魚肉結實嫩滑, 咁大條魚, 都冇 “擦膠” 位置, 大廚實力嘅表現.🥰 椒鹽鮑魚. 椒鹽唔會搶咗鮑魚嘅鮮味, 有咬口, 又唔韌, 掂喎!🦞 芝士龍蝦煎米粉. 龍蝦肉結實彈牙, 呢款煎米粉用咗新竹米粉, 脆口. 芝士俾到米粉足夠味道. 讚!🍚 楊州炒飯. 生菜同叉燒比例啱啱好, 蝦非常新鮮, 夠鑊氣, 正!🥬 上湯浸菜心. 青綠爽甜. 最後嘅

今日去行山之前嚟咗呢間米芝蓮嘅勝記海鮮酒家食海鮮。第一個感覺就係覺得呢一間酒家好傳統，因為嗌海鮮嘅時候係要走落去自己揀嘅。今次試咗椒鹽鮑魚、炒蟶子、脆皮生炒骨同埋脆炸豆腐。個人覺得鮑魚係唔應該用黎椒鹽嘅，因為椒鹽炸左蓋過咗鮑魚嘅鮮味，可能清蒸會好味啲啦。炒蟶子就炒得好出色啊，炒得比出面嘅餐廳爽口入味，正呀！我自己都好鍾意食脆皮生炒骨，覺得佢個皮真係好脆好好味。不過同行嘅團友就覺得冇乜特別囉，我覺得係佢哋唔識野🤣🤣仲有就係脆炸豆腐啦，炸得個皮外脆內軟，個口咁真係好好味呀。又食到脆皮，又食到嫩滑嘅豆腐，正！不過佢嗰啲椒鹽就好似唔係好夠啦，因為個豆腐食落好似冇乜味咁。總括嚟講呢間餐廳係好好味嘅，不過就唔係話特別平，性價比唔算高。

叫了一個6人餐，復活節假期加假，HKD 2888，另外再加一服務費。第一樣黎既係白灼蝦，普遍都大隻，食得出唔係死蝦。配上辣椒豉油，非常不錯。呢個炸豆腐非常好食，外脆內軟，裡面非常滑。師傅話有6種調味粉，就算教識我地，都會懶得煮，所以唔怕比人抄。有紅酒榨成份，粉絲唔錯，但入面粒「帆立貝」唔掂。我地即場問係咪急凍的，佢地冇承認但都冇否認，淨係話散叫同套餐會唔同，散叫會好食d，有d失望。金不換炒蟶子，唔錯幾入味，個人都係鍾意豉椒炒多啲。芝士澳洲龍蝦配伊麵，佢地話原本係波士頓龍蝦，因為假期所以改用澳洲龍蝦，加了200幾蚊。有冇好食左我就唔識分，不過份量好大，10人食都夠分。椒鹽鮮鮑魚，五星推薦，係咁多樣最好食，得鮮嫩，唔會韌，又特別！沙巴龍躉，不過不失，平時酒家婚宴水準，冇咩特別。菜也是正常水準。炒飯，其實唔錯，不過前面已經食到好飽，所以就唔會好吸引到大家。這個價錢應該是假期西貢中最貴的，不過質素都合格，算係對得起個價錢。服務亦都不錯，叔叔很熱情。環境很大很舒適，有幾層，唔會迫。

 這裏的食物是無可挑剔的。 我們兩個大人和2兒童和餐廳的工作人員很熱心的建議我們可以添加到哪一道菜上的2人套餐（扇貝蛤蜊和竹子）以便數量將是合適的。 我們很喜歡這裏的菜單,特別是鮑魚非常美味和它棒極了的麵條到'擦乾'剩餘的醬汁鮑魚。 設置的菜單,那裏沒有單獨的烹飪是要收費的,所以我就坐在後面欣賞米其林美食。 通過西貢以外的海濱長廊和穿過馬路就是一個很不錯的改變香港的大多數遊客看。 餐廳可以通過電子郵件提前預訂的。

好掂喎!話說”諗”咗呢餐西貢海鮮一段時間. 睇完各餐廳嘅食評根本落唔到手. 飯局前一日師姐話佢幫襯開勝記. 仲可以幫我哋安排菜單. 安落晒.睇完張菜單, 真係挑戰我嘅價值觀. 之後再講...餐廳坐得舒服, 烹調技術一流. 海鮮高質. 服務周到. 價錢OK喎 (!)循例參觀下金魚缸. 扮揀下海鮮.第一味: 炸豆腐. 外脆內軟. 椒鹽味啱啱好. 必點.豉椒炒蟶子. 一流嘅豉椒味烹調. 唔會好濕或者杰撻撻. 蟶子夠大隻. 肉質超爽口.椒鹽鮑魚. 椒鹽? 果然大開眼界. 椒鹽俾到味, 但又唔會搶咗鮑魚嘅鮮味. 肉質有嚼口但唔會靭. 超讚!豉油王煎蝦. 中蝦. 都夠大隻. 佢支豉油好掂. 好香好入味. 除咗蝦殼, 蝦肉都沾到豉油味. 椒鹽瀨尿蝦. 我自己應該唔會點. 一係好貴, 一係將貨就價. 講番食物, 椒鹽夠晒味, 瀨尿蝦亦夠份量, 肉質好滑.芝士龍蝦配煎米粉. 好多餐廳都會俾芝士搶哂龍蝦味. 呢度又冇喎. 芝士汁幾簿. 啱啱好. 龍蝦夠肉. 爽口. 神級煎米粉底. 好夾芝士汁. 香脆.咕嚕肉. 出面太多餐廳做咕嚕肉都好出色. 呢味菜相比海鮮遜色. 當然都好好食.勝記至尊炒飯. 好味. 乾身

今日到咗西貢住兩晚，第一餐就食西貢最出名嘅海鮮。見到有一間叫勝記海鮮飯店，佢相比其他海鮮酒家係好偏僻，同埋見到有所為嘅米芝蓮牌，就試吓睇吓係中伏定係堅好食。食完就真係伏得好緊要，海鮮只係叫咗三樣。第一樣，花竹蝦兩隻，我地選擇咗刺身；第二樣，瀨尿蝦皇，我地選擇清蒸；最後一樣，花螺，我地選擇辣酒煮。續樣講，首先講花竹蝦刺身（6兩-$240，未計加工費）冇鮮甜味冇蝦味，清蒸瀨尿蝦皇（8兩-$200，未計加工費），上碟只係得隻碟同隻蝦，沒有其他伴碟（最衰忘記影相）。最後係辣酒煮花螺（12兩-$180，未計加工費），花螺韌辣味似街邊辣魚旦。貴得嚟好食都好，最橙就係貴得嚟唔好食，而米芝蓮嘅星，已經係2018嘅事，唔知係咪因為近幾年食物質素好差而攞唔到（我估），我覺得係咪要規管一D過氣嘅米芝蓮餐廳，唔俾佢地掛個牌出嚟呢？到最後埋單係$1518。包括刺身費$178，辣酒螺費$118，蒸瀨尿蝦費$178，海鮮$620，一支酒$58，豉油皇牛肉粉米$188，茶💰$40/2位。總結，勝記係有名冇實力嘅海鮮酒家。唔食唔會後悔，食咗先係後悔。

星期日入左西貢食海鮮，揀左呢間曾幾何時係米芝蓮嘅勝記海鮮酒家。預先訂左枱，不過walk in應該都有位。餐牌主要係多款時價海鮮，前菜小食，小菜，飯麵，甜品都有。簡單叫左個海鮮二人餐，包脆皮滑金磚，白灼海蝦，椒鹽鮮鮑魚2隻，自家製酒糟粉絲蒸帆立貝2隻，金不換炒蟶子皇2隻，芝士波士頓龍蝦1隻配伊麵，上湯浸時蔬，同自家製甜品，價錢$998另加一。脆皮滑金磚脆皮滑金磚即係炸豆腐，一客6件，另配喼汁俾你沾，下底有少少梛菜絲墊底。豆腐炸得皮脆少鹹而入面超滑，好食。白灼海蝦白灼海蝦似係有半斤，質素新鮮，有唔辣豉油同辣椒豉油俾你沾，一定要點辣椒豉油，好食好多。椒鹽鮮鮑魚2隻我第一次食椒鹽鮮鮑魚，皮脆而肉質彈牙，椒鹽味適中唔過鹹。下底墊有梛菜絲同椒粒。自家製酒糟粉絲蒸帆立貝2隻紅色醬汁就係自家製酒糟，上面灑上蔥花，味道唔錯。主角帆立貝鮮甜唔韌。金不換炒蟶子皇2隻我哋另外加左兩隻蟶子，每隻$58。蟶子皇肉質鮮甜彈牙，個金不換汁都好冶味。其他配菜有洋蔥片同燈籠椒。伴碟有少少梛菜絲同車厘茄。芝士波士頓龍蝦1隻配伊麵芝士波士頓龍蝦1隻配伊麵好大兜。龍蝦肉唔少，都係新鮮嘅。伊麵正常。芝士味好濃。上湯浸時蔬上湯浸時

兩次食勝記，都係公司晚宴，每次都叫左好多款菜色，我就介紹最鍾意既四款：椒鹽鮑魚：必食推介，椒鹽香口，鮑魚炸完都可以保持肉質彈牙，唔會老曬避風塘黃金斑馬瀨尿蝦：隻隻都超大隻，六隻排埋一齊好壯觀，避風塘就一定惹味，但仲要好邪惡咁加埋咸蛋黃炒，咬開d殼時味道更加香口，瀨尿蝦好新鮮，肉質同鮑魚一樣咁彈牙！芝士澳洲龍蝦配炸米粉：芝士汁味道調得好好，隻龍蝦好多肉，第一次食炸米粉底，米粉餅沾上芝士汁，我呢個芝士控食得好開心阿拉斯加長腳蟹配花鵰蒸蛋白：一上枱就成圍人起哄，真係好大隻，係咁打卡，蟹肉實的的，蟹腳啖啖肉，個主角其實係d花鵰蛋白，同隻蟹流出黎既蟹膏同精華完美融合，真係好香好濃蟹味好正

👨🏻‍🍳食物：今次試左勝記， 睇返其他人既食評，散叫海鮮&加工費比較貴， 所以揀咗套餐。 勝記二人餐的價錢的確比其他餐廳貴， 就等我試吓係咪正D先。個餐比較多熱氣野， 如果有多味清蒸海鮮就perfect. 貝殼類海鮮已拆殼， 一夾就食到， 好方便， 唔洗自己扯開佢。 整體份量偏少， 海鮮唔夠喉！非海鮮有蒜子瑤柱浸菜心和甜品三色糕。對比其他餐廳， 勝記優勝之處係煮法，上碟， 其他配角比其他餐廳精緻。🏙環境：坐左下面果層， 近水吧枱的室內4人枱， 環境舒適。 🤵🏻服務：服務不錯、 換碟、 上菜快、 見到你食到成手都係主動俾多幾張濕紙巾俾你。💰價錢：$450/pp (二人餐$798 +茶錢加一）

一直係西貢最好味海鮮酒家沒有沒有其中。唯一缺點係貴！！不過煮海鮮嘅價錢都清楚列明喺每一台上邊嘅Menu。亦喜歡佢哋啲夥計唔hard sell ！好多一家大細嘅熟客都成日去幫襯，豐儉由人如果叫少啲海鮮，食正常嘅小菜，價錢就唔會咁那利。香港人食西澳龍蝦平咗就梗係要食下！食呢一隻斤半， $640一斤。芝士汁煮伊麵底。佢嘅芝士係特別濃郁。加了金不換簡直提升20倍，比一般嘅豉椒炒好食好多。聖子非常爽口，洗得好乾淨一啲沙都冇。奄仔蟹當做用鹽焗，不過食到一口鹽好鬼鹹。霸王雞好食過西貢其他店起碼20倍呢餐埋單，就係硬件食過呢四味餸，冇飲酒，總共＄2500

西貢有好多海鮮酒家，尤其是近西貢碼頭海旁，有好多選擇，但我最鍾意都係海旁另一邊嘅勝記海鮮酒家。平日晚上只得幾枱客，非常冷清。套餐分別有2人、4人、6人、8 人及12 人我哋揀咗海鮮2 人餐$798，包括：-脆皮滑金磚-天婦羅炸大蝦（4隻）-椒鹽鮮鮑魚（2隻）-自家製酒糟粉絲蒸元貝（2隻）-金不換炒蟶子皇（2隻）-芝士波士頓龍蝦（開邊）配伊麵-上湯浸時蔬-自家製甜品這個套餐，已經包括了佢哋嘅必食招牌菜：椒鹽鮮鮑魚、酒糟粉絲蒸元貝、蟶子皇、龍蝦伊麵。脆皮滑金磚外皮炸到金黃色，好脆，豆腐好滑，做得非常出色👍天婦羅炸大蝦, 當然同日式天婦羅唔同，炸粉畧厚，蝦爽口。自家製酒糟粉絲蒸元貝平時食開用蒜蓉蒸，佢哋用酒糟蒸，紅色嘅外型非常吸引，酒味唔重，元貝新鮮鮮甜。金不換炒蟶子皇，蟶子皇好大隻，新鮮多肉彈牙，夠哂鑊氣，味道濃郁香口。芝士波士頓龍蝦配伊麵龍蝦肉質厚實、新鮮，份量足。上湯伊麵好多汁，越食越好味。龍蝦和伊麵都係主角。椒鹽鮮鮑魚外層炸得香脆，味道香口，肉質煙韌。上湯浸時蔬總結：近海旁的海鮮酒家，枱與枱之間相距太近，遊人又多，坐係室外，人來人往，好嘈，食得唔自在。而勝記的位置比較偏僻，遊人較少，

最推小食TOP 1 ☝🏻 $68 椒鹽豆腐▫️海傍緊係食海鮮，不過見到「椒鹽」呢兩個字都總係忍唔住要食🤤佢上菜嘅香味同金黃色嘅顏色已經知道係新鮮滾熱辣，啱啱炸好上碟🔥 最別緻係佢棒形 唔同一般嘅正方形 份量滿足感🆙一食落口外脆內軟滑，層炸皮剛剛好，椒鹽味唔會搶走豆腐嘅大豆味，完美點出豆腐嘅味道🥢加配嘅酸辣醬已經變得可有可無💦 海鮮可以保鮮套餐入面包咗鮑魚🎣扇貝🐚鮮魷🦑 炸蠔🤪蒸蝦🦐雖然有啲係用煎炸嘅方式，但係鮮味都仲喺度😊 最推係鮮魷！鮑魚用煎炸嘅方式就少食啲，都係用返陳皮蒸會更好味😋 雖然好好味，始終價錢略貴，叫多啲朋友一齊share食就perfect了😍

久違了的海鮮大餐象拔蚌刺身，肉身薄切，厚身部分厚切，膽去滾粥。象拔蚌新鮮，刀工唔錯。白灼赤米蝦，最喜歡嘅海蝦之一，細細隻但肉質超甜，點少少辣椒豉油已經超級好味清蒸皇帝蟹，上碟後會幫你開埋蟹殼，啖啖肉好滿足蒜蓉粉絲蒸聖子皇，一個穩陣冇得輸嘅菜式，聖子肥美，但係個豉油同汁好似少咗D，乾身咗少少，影響口感清蒸瓜子斑，海魚肉身特別好食，蒸嘅時間啱啱好骨肉分離，出色椒鹽瀨尿蝦，瀨尿蝦唔算肥，又未爆膏，但係個椒鹽做得都幾香口惹味，唔錯豉椒牛肉，牛肉炒得嫰滑唔會老，個獻汁做得好靚，鑊氣又夠，出色沙薑雞，雞肉算滑，配埋個沙薑汁唔錯雖然而家休漁期海鮮種類相對少，但勝記廚師烹調手法保持一貫高水準，幾樣海鮮都拿捏恰到好處，出色

We came here after hiking in Sai Kung. Our reward after a long day of exercise! 🏅Was looking forward to this seafood feast since morning! We checked out what was fresh for the night and handpicked our seafood from the big fish tanks with the waiters. Ordered various dishes to share among the 3 of us, which included Mantis Shrimp 🦐, Razor Clams, Fried Squid 🦑, Clams in black bean sauce, and Crab in steamed egg white with Huaidao wine🦀Everything was good and fresh. On par with expectations and sta