博多拉麵別天神 (已結業)

繼上次食完蝦味噌拉麵後 今次要試下原味豚骨拉麵。 同樣地，今次都係揀左套餐，包一款小食，有小龍蝦沙律/餃子選擇，和朋友一人選一個，大家share來吃！ 拉麵湯底是超濃白湯，是由豚骨及水用試壓力煲長時間熬製而成，絕對不含味精或奶類製品，味道超濃郁。 餐廳上亦有調味架如蒜蓉、芝麻、辣芽菜、七味粉、拉麵汁等，亦有教授如何配搭最為美味，有需要可參考一下。 豚骨拉麵包左溏心蛋一隻，溏心蛋入口嫩滑，富豐富蛋香味，流心度極高。 麵條可選擇軟硬程度，我預先選了硬麵，方便拍照。 麵條幼細，充滿麵粉香，麵條掛湯力高，湯底味道濃厚，顏色超濃白，還有豚肉、粟米、惹花等配料，味道加倍提升。 值得一讚，小店提供冰凍的麥茶予客人，吃熱騰騰拉麵大汗淋漓的你也不用怕，喝上幾杯麥茶解渴就好了。 

之前已經食過銅鑼灣同尖沙咀店，近排知道灣仔有一間，所以今日做完facial 後，Mr.J帶咗我去食喇。別天神一向都係我同Mr.J都喜歡食嘅，特別係蝦味噌豚骨拉麵。今日蝦味噌豚骨拉麵無得賣，所以同Mr.J都叫咗別天神套餐，跟餐嘅小食分別要煎餃同小龍蝦蟹子沙律。小龍蝦蟹子沙律好好味，每啖都有小龍蝦肉，食落去好滿足。而且用紫菜包住食，味覺上好夾。煎餃一般，如果個底脆少少會更好。豚骨拉麵嘅麵底係幼身，比較爽口彈牙。叉燒比較瘦同淋，無咩特別。隻溏心蛋不錯，無過熟，仲有少少嘅蛋香𠻹。我最欣賞嘅係個湯底，有唔少嘅拉麵店為個咗豚骨湯可以呈現出奶白色嘅濃厚骨湯感覺而加奶類製品落去，而別天神唔會加依啲野落去，加上唔落味精，飲幾多都唔口渴。依度嘅湯底味道上不錯，唔多油唔太濃，飲落去唔杰身，感覺有啲似屋企煲嘅魚湯，好好飲。下次要嚟食返我最喜歡嘅蝦味噌豚骨拉麵！

前排去完日本，當然唔少得嘅梗係食拉麵囉。返到嚟香港，好想找一間日feel地道嘅日本拉麵，找到別天神。味道可自己調校，香口嘅餃子，溫泉蛋配上香濃湯嘅拉麵，點可以停得口。拉麵餐前龍蝦沙律，紫菜卜卜脆。真係好好味

響灣仔返工咁多年都無一間似樣少少嘅拉麵，依家終於遇到！呢度價錢正常，大概＄100左右。拉麵算彈牙，豬骨湯底清甜，不算油膩，叉燒肥瘦適中，但略嫌味道偏淡。半熟蛋淹得入味而且十分流心！好滑好好食！小食要咗小龍蝦沙律，伴香脆紫菜食，有少少wasabi, 幾特別！整體不俗，響灣仔食拉麵一個不錯選擇！

其實常常經過銅鑼灣的「別天神」，可是幾乎每一次都是在小巴上。「啊，上次又話想食呢間？」 所以，很多次很多次以後，我和肥膏都沒有嚐試過。但是，發現原來灣仔也開了同一家分店，而且是很靠近我們搭車的地方。喜歡吃拉麵的肥膏怎麼可能會再放過這個機會呢？當天平日的晚上，食客不是很多。而店內的位置更是不多。我想，沒有十個坐位，很日本的感覺。其實，也很香港的日式拉麵店的感覺。逼，窄，熱。幸好當天人不多，比較OK。一進內坐下，看看餐牌有甚麼。很簡單易明的餐牌，選揀不多，就兩種口味。1. 䐁骨 2. 蝦＋味噌＋䐁骨另外再有套餐，感覺不錯。而添加的配料，一點都不貴，加麵底只要HKD 10.00! 真心發出一個感嘆號。別天神套餐 HKD 105.00即是䐁骨拉麵，一上來，就看到乳白色的湯底，以為加了牛奶上去，可是店家有表示完全沒有加牛奶。如果是真的沒有加，那真的是很厲害！湯底不會太濃，剛好，不會太油，是屬於少油的湯底。喝下去，不會漿口。拉麵的麵底，個人覺得，是彈牙的，不過相比起其他家的拉麵店，這家的拉麵一般，因為感覺就像是雲吞麵的麵底。叉燒是瘦叉，但是是軟叉，不會咬不開。但是欠了香味，這個叉燒有點像媽媽煲老火

修頓旁邊的的公利執了之後，没再留意這一邊的食肆。今天剛好經過，發現了別天神。這拉麵店在銅鑼灣開幕時聲名大噪，但一直没機會去吃。不知不覺，它的分店已來到灣仔。既然如此，就試試看吧。 座位很少，只有圍著吧枱的10個位左右，與隔離位有點親密⋯⋯ 感覺像在日本車站前吃台屋的拉麵。我們一行三人，等了一陣子才有位。好吃的拉麵不用花巧，這𥚃的選擇也只有2款：豚骨湯($75)及蝦味噌豚骨湯($85)，價格中等。 豚骨湯麵 $75 - ★★★☆☆  別天神的豚骨湯以不含味精青睞，以100％豚骨加純水餚製而成。 湯底的確清甜，嚐得出無添加而輕盈的美味，但我覺得豬骨味不夠濃厚。 麵質硬適中，若可彈牙一點會更好。 叉燒 - ★★★☆☆  叉燒偏瘦，蠻有咬口。但較薄身。 半熟蛋 - ★★★☆☆ 半熟蛋還算入味，流心程度一般。整個拉麵的水準平均，但可能我較重口味吧？没有特別突出、讓人驚艷之感。而且分量比其他店少，女生也只是僅僅夠飽。值得一讚的是，師傅很照顧食客感受。吃的時候，朋友旁邊突然冷氣滴水。因為没滴中，所以她繼續食麵。師傅即刻叫停她，並主動換上一碗新麵。這種「讓食客吃到最好」的原則，值得我們敬佩。

又到午飯時間，今次又選擇拉麵來吃。店鋪小小的，座位都是圍著廚房而坐(啱曬一個人來食不怕尷尬😝)，很有日本拉麵店特色。客人坐下叫餐後要先付錢(現金)，之後就可等食嚕。食店感覺很自助，客人都可自行斟冰水，調味品都放在旁邊自行添加，紙巾倒掛上方供使用。餐牌如下，主要有兩款，只看想叫單一碗拉麵，還是套餐，當然可以另加餸和飲品。另外食店還會有推介貼出，可讓客人按需要自行添加口味呢。豚骨湯麵 ($75)湯底強調100%豚骨及純水熬製，令人期待！拉麵送到，先來一口湯，果然沒有味精感，也不會油油的，有豬骨味，但未至於濃郁，食完整碗也不會口渴。如果想湯底更濃，加上調味品區的拉麵汁的確更濃味拉麵很幼細，軟硬度適中，滲滿湯底味道，不過未算彈牙，欠缺咬口，份量只能說剛剛好。至於那兩片叉燒，不會鞋，不肥膩，不過不失。

一向都對日本拉麵情有獨鍾，今日經過灣仔區發現有間日本拉麵店，就來吃個拉麵午餐。豚骨拉麵加溏心蛋。豚骨奶白湯聲稱沒有加上任何味精，新鮮豬骨熬製的豚骨湯，入口清甜清香，非常清澈沒有過量油脂。拉麵是幼麵，掛湯力高麵質彈牙，叉燒偏瘦但不會乾身，吃出清甜的豬肉香，喜歡流心度高的溏心蛋，蛋味濃郁。

博多拉麵別天神雖然很近筆者公司，但多月來也未曾試過。午膳時間途經麵店，竟發現有兩個吉位不用輪候，當然要把握機會試試。麵店的地方很少，只有約十個座位，吧櫃餐桌呈曲尺型圍著師傅們並排而坐。 麵食的選擇十分簡單，是午更只有豚骨湯麵一款麵食。依據資料簡介，豚骨湯底以大量豚骨於壓力煲中長時間餚煮，絕無外加味精或奶製品。豚骨湯底的色澤潤白，外觀不算油膩，食感微微帶黏，味道濃得來不過火。麵條選材幼白，口感清爽實身。至於餸料，以兩片厚切叉燒及糖心蛋為主。叉燒肉香不俗，但因質感偏瘦，軟嫩度差一點點。糖心蛋則做得不錯，火喉對辦流心效果明顯。 隨拉麵可以優惠價追加一份小食。小龍蝦蟹籽沙律蝦肉帶甜，蟹籽帶爽，用上脆紫菜包裹同吃有多重食感享受。餃子基本上交到功課，餃子經煎香後餃皮仍見完整，菜肉餡料豐滿味道不錯。

今天要到灣仔覓午飯吃，行過見到新開了間別天神，是老公最喜愛的日本拉麵，難得有位就進去醫醫肚吧。 老公的至愛是蝦味噌，但可惜當日沒有。。。 小妹點了餐，餃子是小妹的喜愛日式小食之一，汁多，外皮香脆，不錯！ 小龍蝦沙津，其實近來都不太敢吃小龍蝦，奈何其味道實在太鮮甜好吃了，忍不住也點了一個。 主食，只有一個選擇，點了豬骨湯拉麵，其湯底確實是很濃很厚，不過小妹覺得有點過鹹，而叉燒則不夠嫩滑，溫泉蛋就最出色，夠流心，醬油味亦很入味。 覺得尚有改善空間，並期待吃這裡的蝦味噌。

今日係灣仔發現新開左間拉麵，佢坐位唔多，細細間，好多人等位，我們等左20分鐘先有位，今日餐牌得豚肉拉麵一款，原本想食蝦味噌湯拉麵，可惜(>﹏<) 單叫一碗$78 ；如果$108 set 跟一款小食，我們2碗都跟左個小食，一個跟餃子，一個跟龍仔蝦沙律。 沙律連6塊紫菜，我們用紫菜包沙律食，出奇地夾，我們2人感覺意猶未盡，餃子皮好薄有4隻，正常水準，2樣小食中，我會覺得龍虾仔沙律正D. 下次2人都會選沙律了，豬骨湯淺嚐味道剛好，有肉骨味但又唔會覺得好肥，枱上有辣芽菜，薑絲，蒜蓉，芝麻……等配搭，廚師係日本人，麵比較幼身而彈牙和煙韌，與芽菜木耳絲同食，感覺口感豐富，糖心蛋真的好靚，蛋黃顏色橙紅色，日本卵是也，頭頂有盒紙巾很細心，枱底亦有個小鉤可以放袋，店主橫裝有細心考慮顧客需要，而凍麥茶，麥味濃郁，原來茶壺冰在內格與麥茶分開，所以唔會溝淡，整體覺得拉麵來說，灣仔區比較少有。而且佢簡單得2款拉麵，自然質素有保証，現在天氣凍來一碗熱辣辣拉麵，真的很適合！

大雄成日都話好想試，今日終於有機會試吓，不過唔係同佢嚟😂豚骨拉麵 ($105)奶白色嘅湯底看似好膩，但其實唔算好油，反而味道清甜，可能預咗客人會加其他配料，所以本身個湯底都唔會好鹹，而且喺店入面已經貼咗大大隻字寫住不加味精，可以放心咁飲多幾啖；加咗大量生蒜、七味粉及少量拉麵汁之後，成個湯底嘅鮮味即刻大大提升，哈哈立即開動！拉麵係比較幼身有嚼勁，我要求要硬麵，但對我嚟講都係太淋了；叉燒偏瘦，所以唔會有超級嫩滑嘅口感，但好有豬肉嘅鮮味😋 加咗$10要溏心蛋，哇超滑溜，蛋黃仲要係半透明㗎，正呀！小龍蝦蟹子沙律諗住冇乜驚喜，都係沙律一個，點知咁有驚喜！配5塊新鮮到索索聲嘅紫菜，啖啖小龍蝦肉及蟹子，肉質彈牙口感清新，夾住紫菜食好好味，話咁快就食完！餃子煎得唔算好油膩，皮薄餡靚有肉汁，點少少豉油食已經好好味可惜今日無櫻花蝦拉麵... 當外面嘅拉麵一碗都已經百幾蚊嘅時候，其實呢個set又真係幾抵食

來到周末，終於可以放下沒完沒了的工作，實在令人高興。不過其實今天有兩大任務要完成，首站要先去灣仔「貝夫人普通科門診診所」替長輩取藥，而行程的另一目的，就是要去利東街為明天相約的食友選購生日禮物。回程時路經「香港遊樂場協會修頓場館」，發現旁邊有間非常迷你的拉麵店，走近門外餐牌一看，原來是以豚骨湯拉麵作主打的《博多拉麵別天神》其中一間分店。探頭內望，地方非常細小，只有十個座位，見剛巧有食客離開，兩口子可以短暫包場，一於趁快進店坐下來。拿起以小鈎掛著的餐牌細看，拉麵的口味很簡單，只得兩款，分別是豚骨湯麵 ($75) 和蝦味噌豚骨湯麵 ($85)，另外客人亦可以把湯麵轉為套餐，配餃子或小龍蝦蟹子沙律。本來打算兩款拉麵，各點一客，不過店員說有些食材尚未返貨，所以暫時只有豚骨湯麵可以提供，咁就一於點兩客別天神套餐 ($105@)，各配一款小吃試試。豚骨湯拉麵端上後，立即舀起呈奶白色的湯頭一嘗，味道唔算很濃稠，但飲落非常順喉，入口帶豚骨香，而且油份不高，絕對沒有膩口的感覺，水準的確唔錯。再挾起拉麵試試，麵條很幼細，硬度一般，麵質雖然稱不上煙韌有咬口，但索湯力竟然不弱。留意到店內的介紹，原來湯底是由

6 dumplings sell for 35hkd the Ramen sells for 75hkd and somehow the combo of Ramen and 4 dumplings sell for 105hkd, that's a rip off and they really think customers know no math.The Ramen tastes like overcooked pasta and I believe they actually use spaghetti cuz the texture just does not like Ramen. The broth, there is definitely cheese in it, they probably just add anything to make the broth thick.It is definitely not Ramen, better call it Hong Kong local style Ramen.

午飯時間，與同事在公司附近搵食，對方話今日想食麵，於是我提議食拉麵，而最後大家決定幫襯別天神。點一份豚骨拉麵套餐，豚骨湯底濃而不膩，鮮而不咸，一陣陣骨膠原味由口腔直達胃部，而麵條粗幼軟硬適中，非常索湯。流心玉子鮮甜，叉燒分量雖然不多，但味道不俗，而加入芝麻碎及蒜泥後，整個湯底濃度大大提高，但喝完後又不會覺得口渴。餃子的菜肉比較合適，食落不會覺得太膩，而分量大小亦是令人不會覺得太飽。