四季文昌 (已結業)

夏天開住冷氣打邊爐係常識吧~ 係奶奶公司附近新開呢間食店,以文昌雞同埋椰青水打邊爐做招牌,今晚就一於試下佢先~枱面已經準備好醬料,有沙薑,桔仔同豉油,店員話溝埋一齊點雞食就最岩,我地叫咗一隻文昌雞,日本直送蔬菜籃,台灣鮮腐竹.雞先送到,店員先幫忙將雞放落已經滾起既椰青水度,然後表示當漏斗漏完雞就可以食,真係好心急吖!粗略估計大概8-10分鐘左右就ok,先試一淡湯,果然係清甜既椰青水味道,雞件非常之滑以及有雞味,連雞胸都非常滑,強烈推薦! 點加咗桔仔汁同沙薑既豉油,又有另一番風味! 台灣腐竹,忘記映相,但係必食之選！因為係超級滑,超級滑,超級滑,因為太重要,所以要講3次!真係未食過咁滑既腐竹,但要留意火候,整太耐會溶晒!呢度用料不惜工本,蔬菜籃全部都係日本蔬菜,蕃薯薄切好味道! 個人認為椰青水同雞肉應該係最夾,所以無點其他肉類~

有朋友告訴我椰子雞鍋在中國已非常流行, 香港追隨潮流特別快, 我們今晚去了旺角的 四季文昌火鍋店, 主打清香的椰子雞鍋.  旺角地區交通方便, 餐廳很近地鐵站.這間四季文昌裝修極具書卷氣, 入門已見圖書擺設.配合年青人的喜好, 很特別, 有英式感覺, 環境格調都是極新創意. 天花燈飾別緻, 屋柱用木雕上椰子雞、海南、雞尾酒、煲仔飯、健康飲食字樣, 裝修以木製為主. 牆上有掛畫, 及点綴的古老电話, 真奇趣.再用飾物架擺放了小盆栽、書籍、懷舊小擺設等.....把枱分格開, 空間更多.  分成散座, 卡座及貴賓房區.佈置舒適.  座位多.也設有大型水吧, 魚缸內, 海鮮品種不少.我們被安排座位後, 侍應送上餐牌及 飲品牌, 我点了特色雞尾酒 Rainbow, 好一杯彩虹設計飲品, 賣相七彩繽紛, 夠吸引. 入口清涼, 帶有果汁味道而酒精成份低, 不錯!  朋友最愛啤酒, 酒味並不濃烈, 透心涼.侍應給我們詳盡餐牌, 很快部份食物送上枱, 我們可以開始晚餐...海南東風螺, 含鹵水味道, 螺肉爽口彈牙, 非常好味.桌面上有三小碟調味料（辣椒,  海南橘子, 沙姜 ), 侍應提提可以混合醬油

餐廳取其名為“四季文昌” 即一年四季都適合可享用海南文昌雞之意。最初被餐廳內装潢誤導了、以為放滿書有書卷味扮文青就係“文昌” 了。天氣炎熱、飲番個椰青解渴、即刻醒神。經店員推介了二款小吃、蜜汁糖蓮藕和泡椒白玉菇。蓮藕清甜爽脆有嚼口。雖然我不喜歡食辣、但泡製過的白玉菇有香辣味道又不太過、非常開胃。這裡的文昌雞選用了五個半月至半年的雞、難怪沒太多脂肪、肉質還好滑溜。雞肉放入椰青水煮滾、案照漏斗時間的指示、清甜可口的雞湯就可品嚐。雞肉随了淨食、可醮醬料的豉油、紅椒粒、沙薑和金桔、聽講是海南文昌雞的食法。隨了雞之外、另要了二款牛肉、食火鍋真係無牛不歡。安格斯肥牛肉質不錯、軟熟可口。佐賀Ａ５牛肉眼入口即溶、脂香四溢。另一籃日本度地直送野菜、有蕃薯片、蕃茄、生菜、菇菌之類、非常新鮮。味道真的不錯、相信會成為潮流熱點了。

作為偽文青嘅小妹 當然要一嘗最近大家討論嘅<四季文昌>啦今晚又約左姐妹一齊食好野轉角嘅裝修完全令我大愛 好書卷味每枱都已經準備好海南三寶餐廳主打海南最出名嘅椰子同雞 沒有不點的理由吧！原隻椰子雞鍋$238因為太香同太餓嘅關係 唔記得影相😭湯底用上100%椰青水 入口超級清甜雞肉放入鍋後用漏斗計時7分鐘食得入口非常嫩滑 而且配上椰汁湯 無得輸單單一隻雞又點可以滿足我地呢再叫左餐廳另一出名嘅黑松露龍蝦飯即叫即煲大約要等30分鐘 一打開蓋香味四溢 原隻龍蝦加黑松露鋪飯面 功香黑松露味飯粒煲得粒粒分明👍🏼食完雞 就叫店員幫我地上清湯打邊爐叫左A5佐賀和牛同安格斯肥牛佐賀和牛 入口即溶牛味香濃 完全唔覺膩😋安格斯立即作出對比 雖然都有牛味但相對亦比較有咬口 但依然勁好食我地叫左兩款飲品 四季魔法梳打 吸睛度200% 店員加入一些液體 立即變色由藍變紫 好靚😍姐妹走平實路線 食返超清甜嘅椰皇總結一下 前所未有試過咁清甜嘅火鍋湯底加上靚靚裝修 絕對值得再幫襯👍🏼

椰子雞鍋好足料！平時打邊爐好怕熱氣，用左椰子，湯底清甜又感覺健康清熱啲☺️文昌雞件切得唔會太大舊，職員會比個漏斗你，當漏汁漏完就食得🙂肉質夠嫩，加上職員推薦嘅醬料食(將沙薑，辣椒仔同青檸混合落豉油)，更能夠帶雞嘅鮮甜味👍黑松露龍蝦煲仔飯好巨型🤔三至四個朋友仔都夠😋一打開就聞到好香嘅松露味，而且龍蝦都好大隻🦀餐廳細心咁預先拆開左龍蝦，食嘅時候就方便啲啦🤗飯比較有咬口，而龍蝦肉焗得都吾會熟過頭😊但略嫌煲仔飯嘅味道淡左啲🙈重口味症發作！牛眼肉價錢雖然有返咁上下🤔但質素真系好好😍有四大塊！牛肉嘅紋理清晰，脂肪同肉嘅部份都好均勻☺️切得夠簿，浸落水度好快就熟！入口好香牛味，而且肉質好腍😋真係冇呃你架入口即溶就係咁嘅感覺😌最後又系甜品時間，熔岩南瓜嘅南瓜係熱嘅！中間仲有層紫薯～果然捉緊香港人鍾意食紫薯嘅口味😎混合雲呢拿雪糕食，有種冰火交融嘅感覺～不過南瓜有點硬身，要用啲力去匹😊呢杯咁靚嘅彩虹飲品吸晴度極高！成份有伏特加，紅石榴糖水，橙汁，菠蘿汁同藍橙皮酒😊成杯嘢飲好有層次🙂味道比較甜，所以好易入口☺️酒味唔算好重，反而果味就比較香！酒嘅濃度吾算高，咁就吾怕飲醉失儀態啦~女士們應該會中意😌

香港人一年四季都喜歡打邊爐、傅统式、放題式、蒸氣式。。。各式各樣。今天友人介紹了一間新店、位於太子。經過長長樓梯己感覺到書卷味濃、佳因装潢有點似去了圖書館、而接待位擺放了一些仿古擺設、如電話亭、舊式梳化等。內裡空間感濶、再加上精緻的佈局、末食己贏了個陣。打邊爐容易上火、先來個椰青解火、清甜可口又醒胃。各人放工時間不一、最好來點小吃邊談邊食邊等啦。泡椒白玉菇看似平平無奇的白玉菇、除了菇香還帶有微微的香辣。其實靈魂所在於調味的子天椒、那種清淡的辣不太嗆、越食越想食。蜜汁糖蓮藕爽口的蓮藕、一片接一片、停不了口。既然主打椰子雞、就來一客原味椰子雞鍋。先將椰青水煮滾放入雞件、枱上有一個漏斗、當漏斗內的沙流向另一面後、就可享用第一輪清甜的椰子雞湯了。建議盡快吃雞件、因怕煮得過老影響口感。果然雞件相當嫩滑、醮少許自家調味的豉油、柑桔、沙薑茸和辣椒粒、提升了肉質的鮮美、更能感受到海南文昌雞的食法。頂呱呱！要了一客佐賀Ａ５牛肉眼、肉質較腍略帶脂肪、入口即溶、完全被溶化了。可惜份量太少、價錢又進取了一點。第二輪的湯底多了點肉的鮮味、效果不錯。日本產地直送野菜籃、非常新鮮多汁。但係又是份量太少了。吃過火鍋、

朋友年度聚會，嘆火鍋可以說一個不二之選。一班受友聚首一堂感受熱鬧氣氛，在「烚下烚下」的情況之下談笑風生，一樂也。可惜近來天氣炎熱，33度高温打消了吃圍爐這個想法。悉逢搞手找到了一間適合夏天吃火鍋的好地方，於是一眾好友就在旺角四季文昌見面。提起吃火鍋，就不期然想那些又迫又熱又噪的火鍋店，剛到了這間四季文昌火鍋，感覺全不一樣，店舖以西式設計為主，配合「文昌」( 那也是海南的地名及食用雞的品種)，以圖書館為主題，沿樓梯向上一直走，牆身以木雕上刻字，配合充滿情調倫敦電話亭，甫一進去，感到與別不同，像是到了一間西餐廳又或是去了clubbing ，感覺不錯。場內地方闊落，坐位舒適，而且相隔一段距離，方便食客聊天，不會太噪。朋友說這裡出名的是原味椰子雞鍋 ($238)，這個鍋的特色是用上了海南入口的椰子水作湯底，既滋潤又清熱，不愠燥，可解暑解燥之餘，又可補益脾胃。最適合夏天食用。雞鍋採用都是新鮮文昌雞，配合鮮甜厚肉的椰子進鍋，肉質鮮美富彈性，口感嫩滑。侍應示意我們用沙漏作好計時，確保雞肉烹調時間( 約7分鐘)，七分鐘就可以吃，保持雞肉的鮮味。看著計時沙漏的沙在流逝之際，椰子雞鍋的清香味撲鼻而來，不期

同朋友講話去打邊爐，個個都話吓咁熱點打呀？又唔係坐喺街邊打，咁點解夏天唔可以打邊爐呢？趁呢度新開，快快趣走去試先。一入到餐廳，裝修非常有特色，成間圖書館咁嘅，有個倫敦電話亭，啱晒真偽文青喎！「四季文昌」，個名咁得意嘅？「四季」代表一年四季都適合食滋潤養生嘅椰子雞鍋，同我信念喎；「文昌」就係大名鼎鼎嘅海南文昌雞，等我仲以為成間餐廳充滿書卷味，所以叫「文昌」添！泡椒白玉菇($38)爽脆可口嘅白玉菇，上面有一條海南黃辣椒，唔小心咬咗佢一啖之後，個嘴足足辣咗15分鐘！原來佢比指天椒更辣㗎！天啊....原味椰子雞鍋（＄238）當然要叫個招牌湯底啦。湯底係椰子水、椰子肉及文昌雞，感覺清新健康；來自海南嘅椰子比普通椰子更厚肉及清甜；文昌雞飼養期大概由5個月至半年不等，肉質會較其他雞鮮嫩，雞味亦會特別濃郁；湯滾起後，將成隻雞雞倒入鍋，再掉轉漏斗等等就食得㗎喇；啱啱滾起嘅靚湯當然要試試，清甜到不得了，天然嘅椰子香甜味令我以為係落咗糖落咗椰子精！加上文昌雞嘅脂肪唔算多，所以煲出嚟嘅湯唔算油膩，但雞味甚濃，忍唔住會想當水咁不停飲；雞肉看似好鞋，但其實肉質新鮮鮮嫩，每口都有淡淡嘅椰子香，食到冇停口自家製混醬打

日前與家人經過這間四季文昌，原以為是韓食店，但細看之下發現原來是中式雞煲，而門外更貼上新店試業字眼，一向支持小店的我們決定試試。餐廳位於1樓，沒有電梯，對於經常感到膝蓋痛的爸媽來說，確實是有點吃力，不過，這裏的裝修非常有特色，沿樓梯向上一直走，牆身雕上椰子雞及健康飲食等字眼，牆的另一邊就是大大個的圖書櫃，還有一個個吊倒的小燈泡，充滿情調。而店內入口位置放了大大張沙發，讓客人坐下，舒適的等候入座。而店舖的中央位置設有大型的水吧，客人就可以一邊吃飯，一邊細看調酒師調配飲品。 坐好後，待應便前來介紹店內的皇牌椰子雞鍋給我，而雞煲的湯底是用上椰子水、椰子肉及具有海南特色的文昌雞作主要材料，整個配搭既健康又養生。　 而店內的文昌雞飼養期達約5個月至半年，所以肉質份外鮮嫩，雞味亦較為濃郁。當椰子水滾後，將雞件全都倒進窩內，再把枱上的漏斗倒轉，約7分鐘時間，椰子雞就可以享用。說實，我對雞煲一直有點抗拒，因為容易上火，吃後總難免出現喉嚨痛，不過，用椰子水做湯底，既可以消暑，同時生津止渴，不怕熱氣。 而吃雞時可以加點店內獨製的調味如沙薑、 辣椒及海南野生青金桔，令雞味更突出。 吃雞件前先呷一口椰子雞湯，

個人麻麻地雞煲或海南雞飯,不過母親大人開聲叫到話想食,只有乖乖遵命。四季文昌係一間新開主題餐廳,主打椰子雞鍋,另設有酒吧有調酒師調制特色雞尾酒,裝修亦較其他雞鍋店新派,不失為吃雞鍋的好選擇。四季文昌佔地2樓全層,裝潢有點像文青咖啡店,頗為寬敞寫意。我去果天剛剛撞正有個到世界各地比賽叫Vincent的調酒師駐場，即刻推介我叫左杯特色雞尾酒Coco on Fire!!由coffee liquor,white sambuca 同coconut powder調制,個人覺得像flaming sambuca 變調版。火焰燃起,灑上椰子粉火花風揚,極具視覺效果。將一個杯子倒過來壓在一張紙上，通過一根吸管吸嗅杯中殘餘的酒精蒸汽。CocktailCoco on Fire(HKD$88)(coffee liquor,white Sambuca,coconut powder)"(甘露咖啡酒丶白姍布卡丶椰子粉)Flaming Sambuca with a twist一場來到,更係要叫隻招牌椰子雞食下啦。此餐廳的雞係來自海南的文昌雞,一吃果然名不虛傳,雞味濃郁鮮甜同一般餐廳用冰鮮急凍食落無味粗嚡簡直無得比。文昌

火鍋，一向都是香港人一年四季的摰愛之一。小妹，卻敬而遠之 - 怕上火也!是夜，在友人的圖片引誘下，小妹破例地，在炎夏裏，應邀出席「四季文昌 Co Co Kitchen」的「熱辣辣火鍋之夜」。究竟，四季文昌有何萬誘引力呢?原來，新餐廳把健康又養生的椰子雞鍋和海南菜，率先引入香港。餐廳取名「四季文昌」，「四季」是代表滋潤鮮甜養生的椰子雞鍋適合四季食用；「文昌」即是餐廳選用遠近馳名的海南文昌雞炮製雞鍋。甫踏入餐廳，你會誤以為自己去了圖書館。何解呢?因為，店主在裝潢設計佈局上，採用了文藝兼Loft工業風格清新型格路線，明顯主攻年青人市場。去一趟「四季文昌」，不單吃一頓非一般的火鍋，享受一趟舌尖上的美妙旅程，更可讓眼睛去旅行！拾級而上，乃餐廳接待區域，佈置繞富特色，空間感極強。「四季文昌」所採用的椰子是從海南入口，比一般椰子更厚肉和清甜。 走過一條長長的走廊，左手邊是開放式水吧，右手邊設有枱凳。入座時，時間尚早，窗外的樹景，映入室內，一室的綠意盎然。近窗口位置，早被人預定了，只能被安排坐在後一條巷的座位。枱上，除了一張點菜紙外，還重點放有兩張介紹主打健康養生椰子雞煲和富海南特色的油粘米煲仔飯，不