四季文昌 (已結業)

我們一行四人終於等到放lunch時間了，梗係要搵一間舒適又好食嘅地方，坐低嘆個Lunch。朋友一直都好想食呢一間喺尖沙咀都有分店嘅四季文昌，聽說晚市嘅火鍋特別出色，不過忍唔住先試下Lunch。一邊進入餐廳，入邊欣賞別緻嘅裝修擺設，最後穿過水吧直入四人梳化位置。店員服務態度殷勤親切，隨即俾咗幾杯水同埋俾咗幾份餐牌我哋睇。我哋每人order左一個午市套餐，還可以加配小吃和特色飲品，價錢只係介乎$40至$70左右，都幾抵食。餐前小食嘅滑豆腐加芝麻醬汁好開胃，而且豆腐好滑溜。我哋分別叫了濃厚咖喱牛筋腩飯、兩份四季文昌海南雞飯加肉骨茶配油飯，在加配鮮蝦腸粉同埋花雕醉雞翼，大家一齊share食。當中嘅濃厚咖喱牛筋腩飯咖喱味都唔算太辣，反而辣度剛剛好，而且牛筋腩半肥瘦，肉質比較林，好易咬口，咖喱汁送白飯真係一流之選。我就加$6轉飲凍椰子菠蘿特飲，飲一啖落去味道好Fresh ，菠蘿肉食落去多汁，好好飲。其他食物同樣非常滋味。最後埋單$350，每人平均消費$90有找，就可以食到咁豐富、又好食嘅午市套餐，真係物超所值！必定會再encore！

係公司附近都有唔少餐廳，每一日食lunch都差不多食匀哂所有餐廳了，見到比較遠少少，有一間位置空間比較大的四季文昌火鍋專門店，原來Lunch都有午市套餐，就特意去試一試。餐廳位於大馬路旁邊，門口好大隻招牌，原來餐廳位於閣樓，一邊行樓梯，原來旁邊有好多特色嘅擺設，裝修好有格調。一路行入去原來仲有位置的，可見餐廳環境空間非常寬闊，仲有落地玻璃可以望到出面街景，非常寫意。午市套餐有多款，並附設圖片參考，非常吸引！我就點了四季文昌海南雞餐，仲可以加錢加配不同嘅小食，小食我就揀選左加$32，追加花雕醉雞翼。海南雞套餐賣相好吸引，而且雞肉食落去肉質滑嫩，仲可以配以三種不同嘅醬汁點綴，食得辣嘅我更加鍾意中間嘅醬，非常滋味。飲品我就點算了熱柚子茶，是最適合滋補養顏嘅我同埋秋冬天氣，飲落肚非常暖笠笠。

平時經過四季文昌已經心郁郁想入去食個飯，今次約好神秘的天使同我深入探討一下「四季文昌」有咩好食。餐廳裝修似cafe，但裡面是主打食雞同火鍋，仲有埋酒店多款cocktail 任你點。中午都有火鍋套餐，會唔會過份咗少少。我同天使今次嚟食雞，佢食海南雞飯而我就食瑞士汁大雞脾煎蛋飯。嗱嗱嗱，我不是愛雞人士，天使才是愛吃雞的女人。首先海南雞份量十份驚人，油雞飯都差不多2碗飯嘅份量，海南雞夠滑有雞味，價錢仲親民，加埋畀椰汁菠蘿冰，食完晚飯都可以唔駛食。而我就被隻大雞脾吸引，味道尚算可以，份量十足，$48真係抵過某大快餐店，我加埋杯薄荷青檸梳打，仲要大大杯，真係好平、靚、正。

四季文昌喺太子一開店食到而家，最密試過一個月食四次，但仲會否回頭？不了椰子雞鍋除了標榜用椰子餵雞外，煲嘅水仲係椰子水頭一年去食係用椰子水，煲出來非常好飲之後開始「不穩定」，一時係椰子水，一時變咗普通清水/溝水溝到無晒味嘅椰子水最慘係好多次都係放咗隻雞落去煲完先知，學子華話齋，「晒咗隻雞」呀！！每次發現唔係椰子水，一同侍應講，佢就換過d 湯再倒返d熟咗嘅雞落去Sorry 呀，已經熟晒，再煲又唔好食，唯有照食，但就覺得被騙以上情況重覆咗三四次，去到後期直情每次都係清水，今次再食，連d 雞嘅質素都差埋由熟客變成無回頭，就係咁鍊成

約9個月前去過，因太耐無去，而且當初食感覺非常良好，可能那時比較冷。今天看見有點冷清，不過食肆林立，要保持質素，真的很難。今天朋友生日，早就訂枱。來到看見有生日優惠，這樣更加高興啦。本來我留意到某咭有些優惠套餐，可能陰差陽錯，不知是人為還是什麼了，落單落左沒有信用卡優惠的，咁食左先發現，咁就算啦，唔食都食左，對嗎🤣🤣🤣生日有杯飲品，一份小食，我們點了咸蛋炸魚皮，這個正爆😍😍😍又或者我fd老人痴呆叫錯😜😜😜，椰子雞質素沒有變，雞是仍然好味，嫩滑，湯底又有充足椰子鮮甜，所以值得一提👍👍👍手打拼盤，鳳爪，豬手，安格斯牛小排，海鮮拼盤，文昌鴛鴦屏盤都唔錯，不是超突出，但都ok啦。我們除了點選了5至6人套餐，還加點了響令，雞子，竹苼，菜。再後來中段還加了 玫瑰黑團小腩片和 豬肩肉薄切😜😜😜 玫瑰黑團小腩片造型好靚，薄切同腩片😢😢😢，真的好麻麻最失敗，刺身拼盤， 竟然沒有 wasabi供給，唉🤔🤔🤔，正常配備上的，真失敗😱😱😱食到最後還以為還有個煲仔飯，因之前問過服務員，他說煲仔飯比較耐，要45分鐘，但有點不像樣再問另一個服務員，他就再查單，才發現完來佢落左另一款5至6人套餐，那無所謂啦，無奶油再

平時經常路過，以為呢度淨係係火鍋食，點知原來有lunch set, 見價錢合理，咁就入去試下啦～一入門口上樓梯，裝潢好靚，好似去左文青cafe咁餐廳裝潢好靚又好細致，一排落地玻璃窗口位，成間餐廳氣氛濃厚，好舒適，都幾適合三五好友約埋食下嘢！中午原來唔止set lunch, 重可以打邊爐，但我同友人覺得有d heavy，所以選擇左兩個set開心share。午餐前菜係豆腐，好滑而且十分清香，上面嘅胡麻醬帶出左豆腐香之餘，又有清新感覺。重頭戲上枱，文昌雞，以海南雞的做法，配上油飯，油飯唔會太油，較硬適中，十分香口。雞主要用左胸嘅部分，唔會好肥，加上海南雞的做做法，清爽無骨而具啖啖用，但就稍嫌唔夠滑。文昌雞配上三種醬料，醬油膏有少少甜香，中間的有少少泰式風味，酸甜感覺更引起食慾。最後係傳統蔥醬油，好適合餸飯食。第二個餐係喇沙海鮮烏冬，裡面有蝦，魚腐，青口，蟹枊等，材料豐富。喇沙的湯係啱啱蓋過左d材料，味道濃郁但一d都唔辣，只有香茅香同椰香味，感覺比較似撈鳥冬。但都幾適合一啲好似我咁唔多好辣嘅人食用。另外，我地重叫左兩杯特飲，分別係熱情荔枝梳打同菠蘿椰子特飲。荔枝梳打不算太甜，未飲就有一陣陣荔枝

麻辣雞煲食得多，但有湯嘅椰子雞煲我目前只喜愛一間，就係四季文昌!!!四季文昌間唔中都有唔同類型嘅優惠，我之前去食嘅時候就做緊$10生蠔優惠，我地一拆就拆左1打四季文昌有幾樣係我必食的，菜籃，芋頭，午餐肉，仲有臘味煲仔飯呀餐廳貼心的安排左一個小漏斗嚟提示文昌雞只須大概10分鐘水煲滾就食得四季文門的柑桔，配埋沙薑令到文昌雞的味道更鮮味！ 餐廳亦提供椰子水湯底，咁樣湯底就可以keep住椰子的鮮甜，就算食多左都唔會覺得太熱氣哦!推介

今日午餐去左食文昌雞，好耐之前已經去過一次食晚市，不過已經唔記得左個味道喇。今次中午見佢唔洗排隊就即刻去左食。一上到去見到成個場可能只係座左一半人到，不過都唔緊要，只緊要係佢唔洗排隊。今次我叫左一個海南雞飯，同埋青檸特飲，但係兩樣野都令我幾失望，海南雞飯D雞好老，又唔夠味，油飯只係屬於一般，$68黎講真係算貴，加上青檸特飲完全冇味道，好似飲緊D有色素嘅原味梳打水。我下一次一定唔會再叫呢兩樣野。反而我朋友叫嘅蛋包飯賣相唔錯，食落都幾好味，份量都算充足。另外喇沙個湯底太咸，不過可以接受嘅，D配料都足夠，唔會太多而面但唔夠餸食。整體黎講我係唔滿意呢一餐飯嘅質素，短期內都唔會再去食，就算再去都唔會食海南雞飯，同飲青檸特飲。

今日經開太子，突然想起上排食過的”海南文昌”，今日就帶同事去食個Lunch比佢見識一下。來到餐廳，同事都冇諗過餐廳佔地咁大，是二樓全層，而且裝潢更是不惜工本，給食客好多影相位，光進來的樓梯書架已經夠曬特色。今天座在排落地玻璃的卡位，寬闊舒適。當然介紹朋友食招牌海南雞，而我就揀另一款試試。前菜 胡麻醬豆腐四季文昌海南雞飯 $68 指定雞腿 +$8朋友識食加+$8轉雞腿，食落肉嫩滑雞味香濃，說我冇介紹錯，油飯同樣做得出色正宗，油香味濃又夠熱，口感一流。重點還有三款秘製醬汁：海南酸汁、爆酸蔥油和海南豉油。三款醬料各有特色，共通點都不會搶走雞味，非常好。薄荷青檸梳打 +$6黑松露雞絲蔥油飯 $52 + 瑞士汁雞脾 +$18而我就比較大食，另外再叫多個瑞士汁雞脾，雞脾都幾大隻，味道屬正常水平。今次試了這款黑松露雞絲蔥油飯，黑松露香氣撲鼻，雞絲略帶點韌，配上油飯不錯，飯夠鬆軟。椰子菠蘿特飲 +$6

今日經開太子，突然想起上排食過的”海南文昌”，今日就帶同事去食個Lunch比佢見識一下。來到餐廳，同事都冇諗過餐廳佔地咁大，是二樓全層，而且裝潢更是不惜工本，給食客好多影相位，光進來的樓梯書架已經夠曬特色。今天座在排落地玻璃的卡位，寬闊舒適。當然介紹朋友食招牌海南雞，而我就揀另一款試試。前菜 胡麻醬豆腐四季文昌海南雞飯 $68 指定雞腿 +$8朋友識食加+$8轉雞腿，食落肉嫩滑雞味香濃，說我冇介紹錯，油飯同樣做得出色正宗，油香味濃又夠熱，口感一流。重點還有三款秘製醬汁：海南酸汁、爆酸蔥油和海南豉油。三款醬料各有特色，共通點都不會搶走雞味，非常好。薄荷青檸梳打 +$6黑松露雞絲蔥油飯 $52 + 瑞士汁雞脾 +$18而我就比較大食，另外再叫多個瑞士汁雞脾，雞脾都幾大隻，味道屬正常水平。今次試了這款黑松露雞絲蔥油飯，黑松露香氣撲鼻，雞絲略帶點韌，配上油飯不錯，飯夠鬆軟。熱情荔枝梳打 +$6

朋友生日，選了四季文昌去試下，平時搭巴士的時候經過這一間店，己經很想試，外表裝修好靚。入到的時候，感覺這間舖頭非常靚，氣派十分不錯，好優雅好有書卷味，看得出是有主題的火鍋店，而且樓底非常高，枱與枱之間很闊，說話的時候大家都唔會聽到對方說什麼，很全舒服。以為價錢好貴，萬沒想到剛巧有優惠，是匯豐卡的特價5至6人套餐(星期六、日是沒有的), 只是係七百幾,我們一班朋友便叫你這個套餐，其實佢當中有好多出色的菜式，但是因為這個價錢太吸引了，一于叫了這個餐。本身對優惠套餐價錢及質素不是十分太期望，但真的要一讚，這個套餐整體真的十分不錯，而且很抵食。首先，來了2個小食野生泡椒鳳爪及海南沙薑脆豬手味，鳳爪就辣了少少，豬手味道都可以，沙薑反味而不太明顯。再來這個手打墨魚滑，真的是真材實料，而且非常之彈口，而且還有一粒粒墨魚肉增加口感然後是自家手打丸併盤，他們不是一般貨色，就好似豬肉丸為例，用梅菜豬肉來做的，非常之好味。火鍋少不了餃子，有鮮蝦水餃併韮菜餃，材料份量不少，質素新鮮，口感豐富，尤其韭菜餃，非常出色，餡料亦都好飽滿，我們所以後來特別叫一客淨韮菜餃吃。雖然是文昌雞套餐，但都有牛肉，文昌雞質地非常嫩

平時行開太子旺角，其實都唔係好覺有呢間四季文昌既存在，今日行黎呢邊邐住搵巴士先看到知佢除左有得打邊爐，同出名食文昌雞，真係唔知佢仲有咩食，但見佢有做午餐有飯，一於試下!餐廳係一樓，行到上黎，覺得好似西餐廳! 完全唔似火鍋店/中菜館入黎再望出去，好多氣球，睇黎餐廳都好花心思去做裝修設計尤其呢個bar台，你話唔係西餐廳黎真係無人信只能話佢係中西合璧吧~格調唔太重要，總之就係靚! 而且呢個分店非常大，應該佔一樓全層，都好幾千呎!lunch幾種類都算多，但黎得一定要試佢既文昌雞，朋友點左肉骨茶原來午市都有火鍋套餐架!!但今日比較趕時間，唔可以慢慢食，如果唔係都會試下火鍋，旁邊個個烚下烚下，都真係流哂口水餐具簡簡單單，最吸引係張餐紙，印刷精美，有介紹文昌雞既食法!等飯到既同時，原來每人有一份小食，十分驚喜!jelly狀~入邊應該係牛筋呀!!彈口又有咬口，麻麻辣辣，非常香口惹味!朋友既肉骨茶先到，唔洗加錢都有油飯，超正!肉骨茶好大碗，都有三舊大骨排係入邊，聞落陣陣藥材味，但飲落唔算好濃，味道適中骨排煮得夠腍夠入味，肉味夠香，真係啖啖肉!同其他餐廳唔同，佢既油物都放哂入湯浸到入哂味，唔洗自己再慢慢文

港鐵錯漏百出，市民怨聲載道，唯一補償係，在剛過去的周末，“皇恩浩蕩”地推出半價優惠。作為小市民，只能慨嘆一聲 “好過無”。就係咁，同媽子玩咗一天港鐵遊，行程包括搭咗程車去旺角入貨買金魚。之後，行咗去四季文昌食lunch。呢度唔係我話要去架，而係媽子帶路，佢話去開買魚，總會來呢度歇腳。上到來，呢度好大好靚，真有別有洞天之感。單係等候區都有兩個，佈置得美侖美奐。媽子揀咗坐窗口位，夠光猛，景觀開揚。我望上上面，見啲吊燈的燈罩係用雀籠做，幾有特色。午市特選有好幾款選擇，最平48蚊有交易，最貴嘅海南雞飯都只係68蚊，仲唔收加一，抵食啦!媽子當然要食海南雞飯，而我就鍾情於肉骨茶。既然配白飯或油飯都是同價，咁，當然要食油飯啦。媽子的專業分析: 喺屋企干時食白飯仲食唔夠咩，嚟到呢度緊係要食油飯啦。【肉骨茶配油飯】用個砵仔上，上到來依聞到肉骨茶湯的香味。油飯金黃色，好養眼，食落香口，但唔覺肥膩。大大件的排骨，好腍滑，輕輕一咬，啲肉就化開，連啲軟骨都可以食埋。隻冬菇超厚肉，好好食。肉骨茶唔肥膩，仲好清，味道唔錯，係沒有藥材味嗰款肉骨茶。至正係，仲有油炸鬼和豆卜，嗦埋啲肉骨茶來食，真係無法抗拒。【四季文昌海

午餐食呢間，位於旺角與太子之間的四季文昌。個名聽過好多次，主打火鍋的，但總係冇機會去試一試。今天路過，見到原來有午市套餐，一於去探吓路。午市套餐多選擇，當中不少都係海南特色菜，四十幾五十蚊有交易，快餐店的價錢，完全不給人考慮的餘地⋯⋯沿樓梯直上，有一排排的書架裝飾，沿途無論吊燈或裝修亦處處盡顯心思，好有文青 feel , 一時之間以為自己去左台式咖啡店。無諗過原來旺角都有呢D好地方。入到場，原來識貨之人亦不少，好多靚位亦已坐滿。響樓下一眼已經睇定之心水套餐，無需再考慮便可點菜。小食係跟餐的，芝麻醬冷豆腐，夠味又滑漏 👍。西冷牛扒蛋包飯 $52熱情荔枝梳打 +$6我點的套餐，用熱辣辣的鑄鐵鍋，盛載的西冷牛扒蛋包飯。西冷牛扒好淋，有少少黑椒，辣辣地又有牛味，好好食。有三大片唔算厚但絕對不算少。上層是蛋，食得出是靚蛋，好香濃的蛋味。下層除左飯，仲有好多蔬菜同紅蘿蔔，配上燒汁，好入味，好健康。飲品熱情荔枝梳打，味道討好，酸酸甜甜仲有真正荔枝肉。份量仲要超大杯，比正常餐廳的凍飲多30-50%，好難飲得曬。海南同鄉名物大蝦海南粉 $48柚子蜜 +$3朋友叫的，大蝦海南粉。好大碗，好足料，除左蝦，仲

出太子同個客開完會，同個同事打算食完午餐再返公司。行過呢間樓上餐廳，見裝修幾骨子，所以上去試試。由店名可知道是食文昌雞的餐廳，因為文昌星又名讀書星， 店主很有心思，在樓梯上裝不少書本跟書架作修飾。坐下來，跟同事點了兩個午餐，肉骨茶配油飯及黑松露雞絲蔥油飯。加荔枝梳打及菠蘿梳打。有日式麻醬豆腐前菜，味道都唔錯。肉骨茶好得意，我覺得似韓式牛肋骨多啲。因為無好濃嘅藥材味，由於有紅蘿蔔，湯都算鮮甜。兩條骨好夠份量，好冧好入味。仲有幾件油炸鬼同豆卜。飯反而有點太油，椰油味太濃。同事果個黑松露雞絲，他覺得蔥油味不夠，可以再濃啲，但他覺得如果飯夠熱會更好。兩杯梳打算夠氣，唔太甜。簡簡單單的一餐，我覺得價錢算合理。