四寶食堂 (將軍澳中心)

營業中

休息中

新式裝潢的冰室餐廳，用上綠色和粉紅色作主題，座位設計也比較有年輕感。餐廳使用Qr code下單點餐，除了一般茶餐廳的菜式外，還有些比較新穎的菜式和食材，感覺食物配搭很特別。當天晚上的八時仍然要排隊等候，可見餐廳人氣不錯呢～養生燉湯套餐包括每天精選養生燉湯+家常料理主食+米飯，升級優惠有前菜和飲品。♡姬松茸蟲草花燉湯 🥢必點🥢平日很少機會喝到湯水，看到有這個燉湯套餐，就點了來嚐嚐，湯料很多，有姬松蓉、蟲草花、瘦肉，感覺十分滋潤養生。♡鮑魚豆腐海鮮煲 🥢必點🥢有鮑魚、帶子、青口、魷魚，豆腐吸收了醬汁，很滋味，配飯吃不錯。升級前菜♡沖繩醬油煮牛筋是冷盤來的，感覺很特別，不像是前菜，份量很多呢～口感十分軟腍。♡拔絲山楂汁菠蘿咕嚕黑豚肉酸酸甜甜的味道，有洋蔥、青椒，旁邊有一片切成粒狀的菠蘿。看到拔絲的效果就覺得很吸引了😍略嫌外皮不夠脆口～♡福建炒飯十分豐富啊！有鮑魚、蝦、雞肉、蘑菇、翠玉瓜、蘿蔔，炒飯底有雞蛋，加上有大量醬汁，口感濕潤有層次。飲品加配點了白桃氣泡茶，白桃味不太突出，但味道都頗清新的。✖️餐廳不設加一服務費

星期六，下午六時還不到，Popcorn、Popcorn2和將軍澳中心一連三個商場內的食肆，唯獨《四寶食堂》已經出現排隊人龍，看來是附近居民用行動推薦的食肆。光顧完之後，究其原因，除了味道，還有服務！尤其是那一位穿着西裝外套、身形微胖、高度約170 cm、主要負責樓面侍應工作的大哥。由排隊開始，直到離開店舖，中間不停聽到他「唔該前唔該後」、「多謝，下次再來」、「小心啊，慢慢行」等等。有位行動不便坐輪椅的老太太，更被悉心安排入座較寬闊的位置，又深怕她不懂手機QR Code點餐，一直在幫她忙。這次晚餐點了三道菜：1️⃣拔絲山楂汁菠蘿咕嚕西班牙黑豚肉；2️⃣星加坡黑醬油胡椒粉絲大蝦煲；3️⃣晚市常餐：香煎紐西蘭西冷牛扒+嫩滑炒蛋+脆皮菠蘿油；1️⃣，食材質素真的很重要，這黑豚肉有嚼勁但不會硬，易於咀嚼。連菠蘿質素都很高，難怪沒有與咕嚕肉混在一起煮，而是連皮另上，讓食客像吃水果一樣品嚐菠蘿，味道很清甜，加上冰鎮過的冰涼口感，幾乎就成了整道菜的靈魂，不似坊間一般菠蘿咕嚕肉，菠蘿都是被遺忘的。2️⃣，侍應上菜時，已經熱氣騰騰、香氣四溢，相當濃烈的胡椒味撲進鼻腔。夾一箸放入口腔，黑醬油和胡椒的味道完美融合，使得粉絲的風味

🖤黑白配⚪️平日夜晚嚟到將軍澳中心，周圍好多好嘢食，有牛氣海底撈，但竟然見到呢間茶餐廳排長龍😯 轉左餐牌好抵食所以試試，排咗大約15分鐘入得裝修精緻，色彩仲偏向粉色，完全唔似一間茶記🤭 感覺幾舒服，冇茶記嗰種唔衛生嘅感覺是日燉湯-海底椰蟲草花雪梨煲瘦肉 單點$38/跟餐$20呢個價錢飲到燉湯真係冇得輸🤩原汁原味好清甜，keep到成餐飯都仲好熱拔絲山楂汁菠蘿咕嚕黑豚肉 $108賣相嘩咗一聲，因為冇諗過個菠蘿係好似泰式咁原條上西班牙咕嚕肉熱辣辣外脆內軟，炸皮好薄所以食落啖啖肉，份量都幾多夾起果陣條拔絲真係可以拉到好長水門雞飯 $78呢道都係餐廳推介，堪稱醬汁比雞更好吃😋 雞皮夠薄同爽，雞肉又夠嫩滑，加埋個醬汁撈飯食好好食碧綠翠玉炒班球三品燉湯套餐 $98一個價錢有主菜、燉湯同白飯，一上枱嘅時候已經聞到好有鑊氣👍如果少啲油會更健康整體覺得性價比唔錯，而且商場餐廳免加一，嘢食比起一般茶餐廳有新意😚

行完山勁肚餓，決定食個茶餐廳又飽肚又抵食，仲要係將軍澳中心商場裏面——🌟四寶食堂🌟環境乾淨又光猛，而且餐牌一目了然，仲要有套餐好抵食👍🏻我哋就揀咗$88養生燉湯套餐，仲可以+$28 升級優惠有埋前菜同飲品，食到好滿足呀🤩上菜速度仲要勁快👍🏻._.🐂｜泰式青芒果炒板腱牛肉｜🐂🐥（小食配—藥膳雞腳）呢個牛肉好入味，牛味香濃，而且肉質唔韌，惹味到可以餸飯💕小食嘅雞腳炆到勁腍身勁入味，雞腳嘅肉腍到好易同骨分開，惹味又好食🌟·🦐｜黑松露百合藕片珍珠帶子炒蝦球｜🦐🐖（小食配—川式麻辣豬肚絲）呢個黑松露味香濃，而且珍珠帶子有好多粒，蝦肉大大隻，最估唔到係連配菜嘅百合藕都一樣咁入味，好有誠意👍🏻小食嘅川式麻辣豬肚絲勁香嘅麻辣味，但又唔會好辣，食到好過癮🤩·🐙｜鮑魚豆腐海鮮煲｜🐙🐂（小食配—沖繩醬油煮牛筋）海鮮煲材料豐富，鮑魚同海鮮都好腍身，成個煲嘅材料就連豆腐都入曬味，勁啱餸飯💕小食嘅牛筋勁腍身，而且啲醬汁包裹曬全部牛筋肉，而且骨膠原滿滿，呢個真係好食到停器到口😋._.

將軍澳呢個美食沙漠入邊，有間飯堂真係唔錯，最好有燉湯飲，忙碌嘅都市人嚟講，簡直係恩物。星加坡黑醬油胡椒粉絲大🦐煲$108大大隻蝦，新鮮而且厚肉，粉絲吸取了黑醬油，入味。拔絲山楂汁菠蘿咕嚕西班牙黑豚肉$98推介，咕嚕肉上咗醬汁，依然係有脆嘅口感，而且醬汁酸甜開胃，仲可以拉到絲，菠蘿新鮮。水門雞半隻$98分量充足，雞肉嫩滑有口感，送飯一流。加$28換燉湯最欣賞係呢度嘅燉湯，清甜美味，冇落味精，用料十足，加$28就可以飲到，化算。總括而言良心飯堂，用料新鮮十足，而且味道唔錯，晚飯比午餐更加好食😋

呢一間位於將軍澳中心角落既四寶食堂，每次經過都大排長龍，心裏不禁係度諗究有冇咁好食呢。咁今日返工前就諗住試下個早餐，以為早餐時段無咁多人啦，點知8點半去到都要等大概半小時呢度係無餐牌既，用qr code落單，只有大餐牌放左係門口，大致上都係茶餐廳會有既野，沙嗲牛麵，牛扒雞扒朋友就叫左招牌餐，沙嗲牛肉麵，炒蛋，丹麥多士，多士可以加+8轉奶油脆豬，沙嗲牛肉味道濃，仲有花生碎，牛肉都有咬口，唔會話用鬆肉粉拿到好淋我就叫左雞扒餐，裏面本身就有雞扒煎蛋火腿粟米多士，加左$8轉奶油脆豬，煉奶加上脆卜卜既豬仔包好正，炒蛋炒得好嫩好滑另外仲可以加配火腿餐肉腸仔餐飲方面呢度有好特別既朱古力咖啡，就叫嚟試下啦，首先加入半杯嘅朱古力，再加上半杯嘅咖啡同奶，再加上小小嘅朱古力粉，以為一定會好奇怪，但又幾夾都唔錯幾好飲，係自己貪心咩都要加，如果唔係50到一個人已經好滿足呢度嘅店員好親切好好人好有禮貌，有好多應該食慣食熟，店員都認得佢地另外見到隔離食緊蕃茄薯仔排骨通粉，感覺係濃湯，同埋都真係有個排骨喺上面，下次可以試吓成個商場都係黑蚊蚊燈都未開嘅時候，呢個係唯一一間開咗可以食早餐嘅餐廳，難怪咁多人排隊

去開將軍澳買野，晏晝時間想正正經經食個lunch,又唔想食西式野，港式餐廳係最好既選擇，將中入面有間裝修企理，望落都坐得幾舒服既餐廳，見到未到lunch hour已經開始多人，咁多人幫襯係信心保證😂🐷喜哥蔥油豬扒太陽蛋飯 $65豬扒大塊過塊面😂而且厚身得黎肉質唔會韌，食落超常腍身又有肉味，另外吸睛既係隻太陽蛋真係煎得幾靚，蛋黃動L浪浪下🍳淨係呢款豬扒煎蛋飯都值得再黎多次😁🐥拔道腩水門雞飯 $68「拔道腩」即係泰文水門街既讀音，相比起豬扒飯就有少少比較🙈味道比較清淡，雞肉嫩滑，美中不足既係雞味唔算突出🙈不過雞飯配有秘製醬汁，微辣帶少少酸味，都幾開胃，加上有一碗冬瓜湯附上，夏天想食清淡啲都不失為好選擇🍑長野縣白桃氣泡茶 +$15氣泡茶份量夠晒大杯，跟餐加$15都算合理，如果點餐可以有少甜呢個選擇就好😂因為飲到尾就會覺得甜左少少🙈

想食四寶食堂好耐架啦，今日經過難得無乜人排隊就梗係去食啦～～唔似普通茶餐廳，佢環境好新淨，有文青feel,處處都係打卡位😍，認真花過心思裝修食既第一樣係：拔絲山渣汁菠蘿咕嚕黑豚肉啲醬汁超級黏稠做到拔絲嘅效果👍🏻黑豚肉都保持到一定程度嘅脆口！不過菠蘿就有啲酸啦。佢哋嘅燉湯都幾足料，有蔘味。另外叫左個椒鹽豆腐金磚當小食豆腐好鬆好脆，一夾就散！朋友叫左個瑞士汁炒牛河一上菜香氣四溢，好濃味，但朋友就話食得多就會偏甜。白桃氣泡茶+朱古力咖啡白桃氣泡茶：唔會過甜，反而越飲越有茶味朱古力咖啡：咖啡味濃，甜度啱啱好最後朋友真係好鍾意食麵包，明明叫左咁多都堅持叫個菠蘿油食🙈朋友好專業咁話麵包香糯，好食。😎總結：餐單食物好多選擇，每樣都好吸引，食物質素又ok, 真係可以分多幾次黎，慢慢食齊佢😏

出街食慣濃味重味精野，好掛住屋企家常菜的味道，黎呢間餐廳就啱是日我地order了:1.XO醬滑蛋炒蝦球蝦球勁大隻，仲有七八舊，滑蛋熟度剛剛好，處於半熟狀態，真材實料，加上XO醬增添惹味，好食2.拔道腩水門雞雞肉好嫩滑，有少少雞味，配上甜豉油又真係幾唔錯3.星加坡黑豉油胡椒粉絲大蝦煲熱煲上台咋咋聲，黑豉油味好重，大蝦亦有四隻，少少黑胡椒味炒蝦球跟套餐有一碗白飯之餘還有老火靚湯，另外還可以加前菜。食得出湯無味精味，淡淡地餸其他菜式一流。前菜我試了蒜泥白肉，蒜泥好香好餸飯，試得過呢間餐廳食落之後，試唔太出味精味，係好健康的住家飯，如果住喺附近我都會周不時當自家食堂😄

屋企附近開左四寶食堂有食過下午茶味道唔錯今晚試下晚市佢個養身燉湯套餐好適合我地呢啲成日外食無啖湯水飲嘅人要定時滋補下先得唔想食佢本身指定嘅小菜都可以任意小菜上加$28轉套餐咁就有湯又有飯一人晚餐就咁簡單今晚我地揀左兩款小菜轉套餐再加多個蒜蓉炒菜芯簡單家常QR code下單燉湯係五指毛桃豬𦟌湯燉湯清爽無油👍👍入口清甜真係感覺到無味精全靠湯料出味湯料入面有𦟌肉同蟲草花有野咬下🤭一人套餐拔絲山楂汁菠蘿咕嚕西班牙黑豚肉咕嚕肉新鮮熱辣個山楂汁拉絲好誇張🤭味道唔會太酸或者太甜所以食多幾件都唔太膩伴碟嘅鮮菠蘿超級好食仲凍凍地一熱一凍好鬼有contrast!低調沙嗲金菇安格斯粉絲煲用上韓式石窩代替中式砂窩所以上枱無咋咋聲是為低調但不礙保溫效果仲避免左燒乾窩底！整體味道唔會太濃醬汁亦唔會好杰好漿喉粉絲索晒味，超好送飯👍最驚喜係個蒜蓉炒菜芯好有鑊氣！菜芯新鮮香軟好好食👍👍👍

今晚在將軍澳中心吃晚餐，這家餐廳頗抵食，所以生意不錯。晚餐可以選擇三品或五品套餐，只需要$100多，價錢很優惠。⭐️今晚黎飲湯（五品）五品有每天精選養生燉湯、湖南士匪鮑、魚大腸雞煲、米飯、前菜、熱飲。前菜我選擇了川式麻辣豬肚絲。入口爽口帶點辣味。燉湯是蟲草燉肉湯，入口味道香淡，有蟲草、肉等配料，真材實料。魚大腸雞煲非常香，有湖南士匪鮑、大腸、雞肉等，入口香辣，配上白飯吃最開胃。另一個五品是士多啤梨草莓骨。有燉湯、士多啤梨草莓骨、米飯、前菜、熱飲。前菜選擇了沖繩醬油煮牛筋，牛筋煮得非常軟，份量也很足夠。士多啤梨草莓骨有排骨和士多啤梨，十分開胃，入口酸酸甜甜， 但外皮不夠脆，排骨的質量可以再提升。⭐️招牌瑞士汁炒牛河一大盤炒牛河，加上肉片和菜，牛河入口煙煙韌韌，很飽足。⭐️菠蘿油雖然菠蘿包的外表一般，但入口味道不錯，可惜牛油比較細。⭐️凍鮮檸檬茶碎冰入口冰爽。⭐️熱檸檬菜蜜加上菜蜜味道香甜。

收工去咗將軍澳搵飯食，見到一間有好多人排隊嘅茶餐廳，所以就跟風同佢哋一齊排隊一開始雖然前邊有四五個人，但係都係等咗一陣就好快入得到，安排都算快。🥰🥰而我同朋友就各自叫咗一個五品一人餐首先叫咗個鮑魚茄子火腩飯拼麻辣豬耳配湯配白飯同埋一杯飲品($136)，帆立貝綠翠瓜拼蒜泥黑毛豬，配白飯同埋一杯飲品 ($126)本身聽講佢嘅鮑魚雞煲好出名，但係係五品餸到搵唔到，所以就放棄咗，下次有機會再試😋😋而佢嘅主菜個人覺得係偏鹹嘅，但係佢碗飯好大，所以配埋嚟食都好食🤣而佢碗湯幾足料。小食方面，麻辣豬耳嘅味道調得唔錯，唔算太辣，但入味，而係蒜泥白肉就相對普通，蒜嘅感覺略嫌不足，如果更多多汁嘅話會開心啲，但都唔錯😆

今日兩個都早咗起身 決定出去拍吓拖 行下新開嘅跨灣大橋 涼風吹過真係好舒服❤️行到肚仔餓 就去咗將軍澳呢間茶餐廳食嘢！雖然係茶餐廳 但係明亮整潔 坐得舒服🙌🏻我直奔常餐 覺得常餐係每間茶記嘅精髓👻要咗秘制麻辣雞扒撈公仔麵配嫩滑炒蛋 加埋我最愛嘅奶油脆豬 大大大滿足🥳 雞扒小小辣 醃得好入味 麻香重！公仔麵煮得剛好 軟硬適中 奶油豬仲唔駛講 超正🐽男朋友要咗X0醬滑蛋蝦球飯 佢話蛋超級滑 蝦球爽口 XO醬微微辣好惹味 另外我哋比隔離枱點嘅食物吸引到 叫多咗個拔道腩水門雞飯🐥估唔到喎 呢個超有驚喜 雞肉保持到嫩滑 而且份量都多 抵食✅另外都推佢哋嘅凍香滑鴛鴦 好滑好有奶香😉 呢間唔錯 性價比高 下次會再幫襯💕

無論咩時間經過呢間茶餐廳都好多人排隊，星期五晚唔想煮飯就去咗試下。六點半嚟到大概排隊排咗十五分鐘就有位，都唔算等得耐。餐廳以卡位同梳化位為主，雖然唔太闊落但都算坐得舒服。餐牌上選擇豐富，晚市有小菜、炒粉麵，仲有每日不同嘅小菜燉湯套餐。第一次嚟食嗌咗幾款招牌菜。拔絲山楂汁菠蘿咕嚕西班牙黑豚肉，用上肉質軟腍帶彈性嘅黑豚肉，而且炸得夠脆唔會太肥膩，比一般食到嘅咕嚕肉更好味山楂汁夠杰身做到拔絲效果，食落酸酸甜甜好好味招牌瑞士汁炒牛河牛肉份量多夠足料，炒河粉條條分明上色均勻有鑊氣。紐西蘭西冷扒+嫩炒滑蛋+脆皮菠蘿油呢個組合好豐富！西冷扒煎到七成熟，肉質唔算腍但呢個價位嚟講合格有餘。滑蛋炒得夠嫩好好食菠蘿包脆身甜度適中，牛油以冰鎮上枱，而且大大塊夠晒邪惡蜜椒金薯美國牛柳粒一上枱就聞到好香黑椒味，牛柳同蕃薯佈滿蜜糖同黑椒，非常惹味送飯一流牛柳粒肉質軟腍肉味濃郁總括嚟講食物質素高，而且選擇多。環境唔錯坐得舒服，難怪經常都排長龍。下次會再幫襯食下早餐或者下午茶。

今晚收工去左將軍澳中心搵野食，見到呢間出面排哂長龍就排隊等一陣去食，大約排左十分鐘到就入得。雖然睇餐牌係食熱炒小菜，但係裝修都幾靚同光猛，環境舒服。佢地每日既套餐應該都唔同，套餐係包埋燉湯，岩哂我地呢d忙碌既城市人。淮山蟲草花排骨湯呢個係套餐既燉湯，一上碟果時夠熱辣辣，非常足料，有好多蟲草花同淮山，個湯都好清甜。碧綠翠玉瓜炒斑球+沖繩醬油煮牛筋 斑球炒得好入味，而且肉質彈牙有魚味，平時好少食到。翠玉瓜都煮得爽甜多汁，口感唔錯。牛筋煮得非常入味，唔會太甜，口感軟嫩。蠔皇花膠螺片扒溫室豆苗+蒜泥白肉黑毛豬 花膠螺片都幾多，而且煮得好入味，下面既豆苗真係密鋪哂，一個人一定好夠食。用黑毛豬既蒜泥白肉無左陣豬騷味，黑毛豬既肥瘦好平均，食落既感覺唔會好油膩。四川霸皇辣子鴛鴦雞鴛鴦雞原來係雞肉加雞軟骨，所以成碟係有好多層次既口感。而佢地都用左好多辣，雖然都有少少辣但係辣得幾過癮。