四爺車仔麵專門店 (已結業)

响金鐘做完嘢行返落灣仔，越來越大雨，條街濕漉漉幾討厭，搵個地方食午餐，順便避避雨，見到有間車仔麵店，都好丫。店內裝潢乾淨企理，幾舒服喎。車仔麵店都有醃蘿蔔原來呢間係新派車仔麵店，可以揀自己喜好嘅湯底，有幾種湯底俾客人揀。而麵底都有好多得揀：幼麵、粗麵、油麵、銀針粉...不能盡錄近期有啲熱氣，所以揀咗秘製芫茜皮蛋湯。食麵之前飲啖湯底，喔...真材實料喎唔係就咁執料落碗個種，有滾煮過，皮蛋嘅香，同埋芫茜嘅鮮，已經融入湯內，值得一讚蘿蔔果然名不虛傳，清甜無渣水份充足韮菜亦都唔老無渣夠香，生熟程度剛好由於滷水豬大腸已經賣光，就試吓麻辣豬大腸，好彩分開上，對個人嚟講太辣喇，口感非常腍，個人比較喜歡保留少少咬口的。雖然揀咗少麵，依然好大碗....麵條熟度剛好，唔腍唔硬啱晒我，麵同湯底都好夾啊。見麵店居然有燉湯，對好耐無湯飲嘅人嚟講係福音。坐咗成個鐘都仲係落緊雨，不如飲埋個湯先走。燉湯款式有十來款，款款都吸引，都想飲，最終揀咗牛乳燉花膠，貪佢有養顏美肌功效，近來皮膚乾乾哋最啱。呢個湯即叫即燉，要等約20分鐘，其他燉湯係預製嘅。由於係即叫即燉嘅關係，啲紅棗依然有皺紋，未出味，如果想啲奶有紅棗味，就要自

係門口比佢個招牌燉湯吸引左入去 最貴都係$149 有湯有麵有菜 就咁睇係覺得幾抵。我叫左個響螺花膠湯 + 豬手幼麵 + 菜心當個湯一黎到 就發現個湯係冇花膠 同有一粒手指甲咁大粒既響螺當我丫姐反映既時候 佢就好唔願意咁幫我換之後就有兩舊花膠同兩粒響螺 都接受既 呢個價錢係咁上下 但個湯係唔濃 似煲多過燉 好失望而豬手麵同菜 不過不失環境方面 我係坐係二樓 因為lunch ge關係 都係偏嘈 同埋都好難叫到丫姐落單如果為左飲燉湯而去就唔建議了。性價比較低

車仔麵百食不厭，因為近年香港的車仔麵花款層出不窮，今晚就試這間近排幾多人post 的車仔麵店。店舖裝修簡約舒服，位與位之間不會太迫。請你除了車仔麵之外，還主打燉湯，點了一個鮑魚雞腳燉火曈，鮑魚雞腳都很足料，湯頭就金華火腿味較重。最重要的主角來了，我叫的是菠菜麵配皮蛋芫荽湯底，湯底超清甜飲落唔似有味精的！而且餸是分開上的，很喜歡這個設計，因為有些配料如果不分開上會變淋。瑞士滷豆腐頗入味最好味的是牛肚，有咬口但不硬，炆得好香之後他點的是油麵配豬骨湯（他說吃車仔麵是一定要油麵才是正宗車仔麵）。南乳豬手是爽口的那一種，豬大腸做得很入味，反而令我有點驚喜的是白菜豬肉餃想不到車仔麵店入面的餃子又做得相當不錯。

今日一人午餐，便去了座落莊士敦道的四爺車仔麵專門店。我點了午市套餐，套餐包括一碟油菜、蘿白、白飯及湯。湯種類繁多，最後我選百合螺頭燉海底椰。百合螺頭燉海底椰，材料足好鮮甜。價格比較貴。

我相信好多人都同我一樣有時會鍾意食下公仔麵，不過又唔想返屋企自己整，出街食冇咪地方，就算有，都只係街邊檔或者細細間嘅鋪頭，近排我發覺有間做車仔麵的新店，填補到我呢個需要，我覺得呢個模式有得做。食街邊車仔麵有時為了快，縱使配餸分開煮－格仔爐，但點了之後全部放在麵上，食之時混在一起並不是味道，四爺以小碟分開上，而且調味唔錯，方才可以真正享受一麵好麵。芫茜皮蛋湯底做得幾好，幾清。祕製撈麵沙爹汁唔夠，不過把小碟的咖哩魚蛋汁或麻辣牛肚汁加落去就剛好。瑞士雞翼味道唔錯，夠濃帶點甜。日本糖心蛋非常好，香滑。王牌豬腩仔都好，好夠味但今天就係肥咗啲。後話，後來來過多次，中午得份非常多人要排隊，下午時間過了人潮比較好。

肥仔禮拜六經過灣仔 見到呢一間四爺車仔麵平日好多人排隊今日見冇咩人入去試下 肥雞今次嗌咗豬紅韭菜秘製滷大腸同埋咖哩魷魚呢個三餸米粉配埋秘製腩汁同埋咖哩汁 好返佢啲腩汁同埋咖哩汁撈埋個湯底好正個豬骨湯底又好用 呢間朋友嗌咗個撈麵畀製腩肉糖心蛋同埋厚切午餐肉 佢個秘製腩肉 超厚的脂肪入口即溶唔餐就正常啦佢問佢啲燉湯都好出名今次嗌咗個北海道牛乳花膠燉紅棗牛奶味好出 一睇就知飲得出係用咗北海道3.6牛乳 花膠落了都好重有啲花膠溶咗嗰啲牛奶到飲落去好將女仔嚟講飲得好養顏

重量級車仔麵@灣仔呢間車仔麵有好多款餸揀，勁多都好吸引！兩個人嚟食揀咗個六個餸 share，全部都好食 👍🏻我哋先飲咗燉湯，鮑魚花膠燉火瞳好足料，除咗鮑魚花膠仲有雞腳，每人都飲到兩碗。怕辣又唔想太辣就揀咗小辣嘅麻辣湯底，幼麵份量幾多。每個餸都分開上，啲汁唔會撈埋哂，好企理同方便 share～瑞士雞翼好大隻，兩隻都脹卜卜，瑞士汁甜甜地好味 😝南乳豬手都有，好厲害！豬手好香南乳味，煮得好入味。格離嗰碟係古法滷水豬大腸，都係 $15。傳統牛骨湯底朋友話唔錯，佢揀讚岐烏冬都唔使加錢。麻辣牛肚好食到爆，麻麻辣辣唔係一味得個辣字，而且牛肚都幾掛汁，好惹味！皇牌豬腩仔半肥瘦，香口但唔肥膩。柱候牛筋腩醬汁香濃，炆得非常好食 😋飲品跟餐加 $8。自家嘅醃蘿蔔都好食～

自問對車仔麵都好講究 平時都會專登搵車仔麵黎食 閒閒地五六十蚊都捨得食 依間係灣仔車仔面鋪門面好乾淨好企理 專食車仔麵 收費都唔平 依日鐘於同個同事趁lunch黎食我自己就叫左個豬骨湯底油麵 揀左魷魚雞翼同埋豬手 平心而論 個湯唔算太特別 但個雞翼同豬手就好出色！ 尤其係個南乳豬手 好入味 勁想encore 我同事就叫左皮蛋湯底 我試左幾啖 好飲過豬骨好多 佢就叫左牛筋腩手打白菜餃同埋金錢肚 佢依三個送我都有偷食 好好味 白菜餃幾清淡但又多菜 好夾 牛筋腩好肥美！ 叫左個鮑魚湯share 都ok 不過少貴

小妹系灣仔反工，平時lunch都係集成中心個邊今日同事話想行遠點食，行下行下就到莊士敦道見到間 外觀好似茶餐廳嘅餐廳，吸引入去原來入面係食車仔麵架， 餐廳係行高檔路線，環境乾淨，而且主打老火湯，感覺幾特別講下個環境先餐廳座位寛，唔會有迫既感覺，梳化座軟硬適中，我同同事嗌左一人一個車仔麵，三個餸Share 一個湯，落單就係攞一張 紙，上面圈低你想要嘅 野同事嗌左 ： 牛骨湯， 王牌豬腩仔， 手工白菜餃 麻辣牛肚， 齋啡， 菠菜麵 牛骨湯：味道比較清淡，應該冇乜味精，飲落唔油膩。豬腩仔：軟腍又入味，大大件厚切，食落滿足感手工白菜餃： 餃子係自家製，餃子皮比較厚，白菜份量足，新鮮麻辣牛肚：香料味略嫌比較重，鐘意重口味嘅朋友應該ok菠菜麵：煮得岩岩好，唔會太腍，有咬口， 冇鹼水味。我 ： 芫茜皮蛋湯， 豬大腸， 韭菜豬紅， 清甜蘿蔔， 凍檸茶， 讚岐烏冬芫茜皮蛋湯：啖啖芫茜獨有香味，唔油唔鹹，幾有火喉， 有兩片皮蛋，比較甜， 呢個應該係佢哋獨家嘅老火靚湯，可以就咁飲都得清甜蘿蔔： 果然冇改錯名，真係好鮮甜又冇渣韭菜豬紅：大大粒， 鹵水味鹵得好入味豬大腸：

芫茜皮蛋湯米線- 唔係好濃芫茜味， 好過食其他湯豬腩肉- 似住家製嘅，唔係好重味豬大腸- 幾好食，冇臭味鹵水豆腐- 一般正常水準南乳豬手- 都入味， 豬手唔會過淋， 剛剛好紅腸- 一般來貨紫菜- 冇沙清湯油麵- 車仔麵必選牛筋腩- 入味老火燉湯- 好大盎，幾抵飲牛乳花膠- 料夠但牛乳唔夠，溝得太多水，嘥咗酸蘿蔔- 估唔到會有得食，醒醒胃

今日到灣仔囍貼街附近買年貨，正值食飯時間，四圍都是人，所有食店都大排長龍，為了可以舒舒服服地吃個午餐，我決定兩點半後才吃午餐，在莊士敦道近金鐘方向見到有間四爺車仔麵，主打自家老火湯向車仔麵，就決定入去試試。我想這間車仔麵開業不久，所有裝修、餐具都很新，店內環境相當寬敞，有別於一般車仔麵店的格局，店員招呼我坐梳化位，之後就在點餐紙圈上需要的麵、餸菜、湯底等...我點了四爺秘制莞茜皮蛋湯、幼麵、南乳豬手、招牌瑞士鹵豆腐、韮菜餃、韮菜、凍豆漿。車仔麵與老火湯混合一起的湯麵，我真的第一次食，效果出奇地好味，首先湯底夠火候，沒有味精，幼麵煮的時間剛剛好，不會太硬太淋，豬手夠淋，豆腐入味，韮菜餃吃完一預時口內還留著韮菜味道，豆漿可選小甜、走甜，非常細心。總評：這是一間有用心製作的車仔麵專門店，餐具都印上自己Logo，底讚👍🏽

今天有幸可以一嘗這間位於金鐘與灣仔交界的車仔麵店。我們十二點半才到達，裡面已坐滿人，心感不妙。幸好樓上還有半層。餸菜的選擇甚多， 蔬菜的選擇也有很多種，適合吃素的人。 因為太興奮的關係，忘了為菜單拍照!!!我點了牛骨湯底拼麻辣豬大腸、咖哩豬皮和木耳絲。友人點了牛骨湯底拼南乳豬手、瑞士冬菇和白蘿蔔 。餸菜是分開上的， 不會弄到清甜的湯底變得混濁。幸好我點了「少麵」，因每道餸的份量都不少。 豬皮吃落很爽，不像有些店舖煲到很「淋」那種。我最喜歡的是麻辣豬大腸! 豬大腸不肥，感覺乾淨。 最驚喜是那個麻辣汁 - 小辣但很麻 - 我非常喜歡! 我用了麻辣汁撈了木耳絲一起吃。友人說她的南乳豬手也很好吃。 她說那數塊大嚿蘿蔔也很入味。最後我們還喝了兩客燉湯。一個是黨參，另一個是無花果。燉湯($62?)火候很夠，也很清甜。我想下次我可能會只喝燉湯，補一補 😋

今日同朋友去左灣仔食飯，特登去食四爺車仔麵。 朋友介紹依間車仔麵充滿特色，我就去試下啦。我地一人一碗，賣相好特登架。車仔麵和餸分開上枱，可以品嚐車仔麵和湯底味道啦。我叫左招牌麻辣湯、烏冬、瑞士雞翼、古法豬大腸、山根、熱好立克。朋友叫左莞茜皮蛋湯、烏冬、南乳豬手、魚腐、魚蛋、熱檸茶。湯底超正啊，麻辣湯濃郁麻香重，唔會咸，愈食愈滋味。烏冬掛湯力高，豬大腸肥美無腥味，雞翼濃汁香口，朋友大讚。南乳豬手膠質感重，魚腐吸哂湯汁！朋友的莞茜皮蛋湯好清香，食哂都完全唔飽濟啊。下次可以再食多次。

好耐冇食車仔麵了， 心血來潮突然好想食， 今日嚟咗位於灣仔嘅四爺車仔麵食tea。車仔麵檔格局與茶餐廳相若， 光猛整潔。餐牌只得一張兩頁紙， 麵食、配菜及湯底揀選清清楚楚， 連價錢都寫得清清楚楚， 按自己喜愛圈自己揀選食物即可。Lunch都未食， 有點肚餓 ，tick 吓tick 吓。。。。。哈哈粗麵配牛肉骨湯底 $24其他配料大部份十零元, 我加了; 咖哩牛腩 咖哩魷魚 麻辣大腸 咖哩陳皮魚蛋 魚腐木耳絲溏心蛋檸樂溏心蛋 ~  雞蛋以醬油浸過，蛋黄好嫩滑。粗麵配牛骨湯底 ~ 牛骨湯底湯頭較清淡， 不油膩 ，有少許牛肉香味，喝擺不口渴, 魚腐滑口有魚鮮。咖哩牛腩 ~ 雖則加配只需$15， 份量卻不少， 牛腩以瘦肉偏多， 幸好不鞋口， 炆得入味， 味道也不錯， 若然改半肥腩會更好食。咖哩魷魚 ~ 爽口惹味麻辣大腸 ~ 夠麻、夠辣、夠肥美、夠過癮， 必食之選!咖哩陳皮魚蛋 ~ 這個魚蛋較失色， 陳皮好香, 但魚蛋欠缺魚味， 較硬實。食完車仔麵食兩匙四爺送的酸酸甜甜醃蘿蔔清清喉嚨才閃人，滿足!

灣仔福臨門附近呢間車仔麵行高檔路線， 環境舒適乾淨。今次試咗芫茜湯底， 呢個湯底應該冇乜落味精同鹽， 個人覺得唔夠味， 如果喜歡清淡的朋友應該會啱。 餸方面 蘿蔔同腩肉豬手都幾好食， 蘿蔔清甜 新鮮， 腩肉大大嚿好入味， 肥瘦適中， 豬手好林好入味。 總括成碗麵係清淡 食完都唔會頸渴。