四爺車仔麵專門店 (已結業)

一入到去就先畀佢哋 舒適嘅環境吸引住！我冇諗過食車仔麵個環境都可以咁乾淨企理又坐得咁舒服💕而且佢哋除咗車仔麵之外仲有飯同一啲燉湯系列，可以任君選擇唔好話個食物種類都真係幾多㗎💝呢個豬腩肉極力推介畀大家！入口即溶的感覺而且將醬汁都非常之惹味可口，夠曬出色呀😍而佢哋嘅燉湯亦都唔會話好咸，好足料㗎！而且一盅分兩個人夠飲有突！最緊要飲完一啲都唔會好頸渴整體嚟講價錢都唔算話好貴，呢個環境同食物嘅質素食車仔麵有多個好選擇啦💕

OT完便跟同事趕快食個quick dinner，車仔麵是不二之選！大門被開揚的環境嚇一嚇，食慣迫到冇位擺野，郁都郁唔到嘅車仔麵檔，竟然有咁闊落鋪頭同乾淨，真係難得😌😌除咗有車仔麵，仲有唔同嘅燉湯，平時好少返屋企食飯，好耐都冇飲過湯水lu🤤🤤🤤貢棗響螺燉花膠，熱辣辣嘅原盅燉湯，一打開有花膠、螺頭、雞腳藥材料煲成，真材實料😱😱😱三餸一麵，配料比一般車仔麵選擇更多，麵款亦有罕見嘅銀針粉揀！而且仲可以揀加底或少麵，對於細食嘅人真係福音，唔洗怕俾人鬧浪費食物！揀咗豬紅，牛根腩和皇帝菜配米粉🤤🤤🤤平時打邊爐好鍾意食皇帝菜，竟然可以喺車仔麵店見到有皇帝菜！值得一讚嘅係豬紅和牛筋腩都係分開上，醬料原汁原味唔怕溝淡味道！同事嘅雞翼，糖心蛋粗麵，賣相唔錯，而且用托盤上菜，唔怕lur骨唔洗lur落枱乾淨又衛生😍😍飲品都可以揀甜度和冰量，少冰少甜嘅凍檸蜜❤️😋😋😋非常鍾意四爺車仔麵！

早放工在灣仔與朋友無意中發現這店，座位舒適，店內地方寬敞，是一間豪華版的車仔麵。連落單的紙也是精心設計。有步驟，由選擇湯底、麵到餸，都寫得清清楚楚。對！連湯底都可選，朋友笑說像吃火鍋。除了麵，更驚喜的是這裡還有燉湯供應，可選單點燉湯或套餐。愛飲湯的我，點了百合螺頭燉海底椰，一大盅靚湯，真材實料，湯渣勁多，因為螺肉，味鮮，加上蜜棗和龍眼肉，很鮮甜滋潤，份量之大，我們二人每人飲了兩碗。朋友選了麻辣豬骨湯底，小辣。淨菜底，咖喱牛栢頁、韮菜豬紅和特級韓國午餐肉，午餐肉屬厚切，正！更欣賞的是這裡會把有汁的餸料放在另外的小碟上菜，很有心思。我點了牛骨湯配麻辣汁。選了三餸：炸魚皮、咖喱魷魚和麻辣豬大腸。很喜歡麻辣汁，淡淡的麻辣很好味，而米粉的份量也屬於大。總的來說，有種一分錢一分貨的感覺，車仔麵不再是揦渣麵了！

灣仔這個地方可說是很容易找到餐廳，但不算容易找到合適美食，今次香港區朋友竟然帶我遊灣仔搵食，梗係要跟隨他走走看啦！朋友帶我去灣仔莊士敦道25至33號長康大廈地下的一家近派車仔麵店叫「四爺車仔麵專門店」，招牌主打四爺秘製芫茜皮蛋湯及車仔麵大碗飯。我就來品嚐一下車仔餸及燉湯，是在車仔麵竟然有“燉湯”呀～非常滋潤補身。介紹一下車仔餸點了什麼湯底是 「四爺秘製芫茜皮蛋湯」配上通菜底， 咖哩陳皮魚蛋日本無公害糖心蛋，以及柱侯牛肚。 餸菜是分開上碟的，湯底有很重的芫茜味，我很喜歡。燉湯是「 百合螺頭燉海底椰」非常之熱，而且湯很甜，夠濃厚的海底椰味，很不錯。朋友就點了金牌麻辣湯大辣， 麻麻辣辣非常濃郁，配上油麵掛湯後很過癮。手工韮菜餃很好味， 古法鹵水豬大腸很肥美及招牌瑞士鹵豆腐很香甜，味道可算合格。飲品方面，柚子蜜及四爺鮮磨豆漿，水準也很好。

一早上網已經睇過餐牌知道價錢大約要80至$100一位我覺得如果難得有好食嘅車仔麵貴少少都無所謂所以專登收工過海嚟試一試平日放工 大約8:15先到達餐廳餐廳裝修確實唔錯 樓面乾淨企理四個步驟 揀湯、揀麵、揀餸、揀飲品但都等左差唔多20分鐘先有得食麻辣湯底（小辣）上枱嘅時候我差啲以為呢個係清湯，問過職員之後確認咗呢個真係麻辣湯但食落口好似普通味精湯咁可能職員見我咁講 另外想多一兜仔麻辣汁俾我咖喱陳皮魚蛋咖喱唔入味、魚蛋好散泰國蘆筍好多渣手工韭菜餃餃子皮好淋好淋 餡料入口嘅時候已經有少少霉 食多兩啖仲有微酸 退左咖喱牛柏葉亦都係一啲都唔入味柱候牛肚牛肚雖然好林但係唔知點解都係冇入味嘅清甜蘿蔔呢個真係好好食、清甜而且完全冇渣咖喱牛筋腩算係唔錯嘅、但冇去到「好食」嘅程度總括來講唔知係咪所有餸菜都係分開上所以大部份嘅餸菜都係凍嘅而今次可能都冇機會試到佢哋嘅招牌豬腩肉(賣哂)、瑞士汁滷水豆腐(我圈左但係冇幫我落到單)炸魚皮(小食 $22)因為餐廳照用返同普通餸菜嘅碟仔去裝住炸魚皮我初初以為係來錯咗車仔餸版本所以細碟啲(因為我見隔離枱有 所以有得比較)咁就問吓職員 我相信佢可能都唔清楚因為佢直接拎左去

灣仔新開的四爺車仔專門店每到中午都好好生意，唔少在附近返工的人光顧，在OT的晚上，同同事落黎想試下這間車仔麵好唔好食呢。入到店舖，裝修比較新式，完全唔似傳統的車仔麵檔。店舖除了有車仔麵食外，還有不同的燉湯，岩哂我地呢d要OT又冇靚湯的人士。第一set係讀歧烏冬、柱候牛筋腩、肥牛、墨魚丸（$69），而湯底就選了四爺莞茜皮蛋湯，好欣賞餐廳將濃味的柱候牛筋腩分開另上，而非放到湯裡，可以真真正正飲到皮蛋莞茜湯的味道，清甜，味道唔算好濃，亦不會覺得是味精湯，仲可以食到幾片皮蛋，飲湯飲到差唔多，就可以食柱候牛筋腩，牛筋腩口感軟熟鬆軟，用個碗裝住其實份量都幾多，以柱候方式來炆原汁原味，非常美味。而肥牛又唔覺得肥，以烏冬黎配港式車仔麵餸感覺新穎又唔會格格不入，整體唔錯。第二set係米線、咖哩牛筋腩、糖心蛋、瑞士雞翼，咖啡牛筋腩的咖哩味炆得勁入味，味道相當特出，與柱候牛筋腩各有特式，糖心蛋寫住日本無功害，蛋相信是真的來自日本，糖心程度好流心，可以食到蛋中的一點甜而多汁，味道香濃，同食拉麵的蛋味道是一樣，瑞士雞翼每隻都好大隻、多肉，瑞士汁又很入味，甜甜的。凍柚子茶、熱花旗參蜜，跟車仔麵包埋飲品，唔會太甜唔

過海番工有苦邊個知，餐餐無啖好食，Lunch跟個無料味精清湯(水)，飲到口都寡。OT完約埋個灣仔收工嘅絲打，啖下足料燉湯補補佢先。蟲草花花膠百合燉雞腳用燉盅燉嘅湯啖湯好清甜。有幾隻大雞腳，淮山，蟲草花，紅棗，花膠好大塊。我點左個豪華版三餸車仔麵。車仔麵底我揀左讚許岐烏冬，彈牙。麻辣牛肚，香麻惹味又一夠腍。柱候牛根腩好入味，不過咁岩我果碟無我fd果碟咁多牛筋，無咁入口即融，但都係夠入味的。皇牌豬腩仔真係真心正，又大件又腍滑又入味。好似東坡肉嘅味道，但大眾化價錢。個四爺豆漿都正，夠豆味。

小時候最喜歡幫襯屋邨木頭車仔賣麵，車仔麵可算係comfort food，間中尋找不同車仔麵滿回憶下當年小學年代食三餸麵作午餐麵店地方寛趟，店內裝修有特色，車仔麵店黎講有卡位幾舒服湯底幾有特色，包括芫茜皮蛋、牛骨湯、豬骨湯、撈麵配料選擇很多有四十幾款，最少order三餸，每個餸$10起，每碗麵最低消費$54 包飲品，價錢唔算特別平，不過車仔麵餸同湯底做得好好枱上有酸蘿蔔任添，十分開胃餐前小食芫茜皮蛋湯底清甜，唔覺有味精，可以連湯都清光車仔麵餸分開上，餸唔會比湯浸淡，都幾貼心最愛南乳豬手，炆得入味又夠腍之餘，入口南乳汁同花生好香，相當惹味，撈麵撈飯一流豬腩肉半寸厚，半肥瘦腩肉入口甘香，炆得入味又夠腍又有鹵水香蘿蔔炆得夠腍清甜

試完稻庭烏冬的上等車仔麵和北海道牛乳燉花膠湯伶，今次再下一城，試他的私房 Shabu Shabu。每人$350， 吃盡日美及本地的頂級牛肉🐂🐄🐃，還有🍢手打丸、花膠、🐂牛骨髓、大蝦🦐、鵝腸🦆、⋯⋯很美味，很痴缐，加上友人的靚酒🍾🍷🥃，四爺又吾收香瓶費，真的吃得很開心。平日午市太長龍，臨走前，整多盅燉湯，清下d酒氣先離開。大大大🈵️足的一天！佢仲諗緊好多新菜色，吾知下次又可以試咩好野呢？

話說今日友人放工話想食車仔麵，咁見近近地就簡咗入呢間餐廳食。一開頭我地都諗咗好耐，無論係湯底定餸都幾多選擇牛骨湯底加牛腩汁配粗面湯底意外地幾好飲，而且大大碗，分量十足清甜蘿白高質之選，外表平平無奇，一口咬下蘿白後，發現蘿白索湯多汁又清甜，而且大大件，抵食！南乳豬手 柔軟既口感，滿滿的南乳風味，好入味，而且加上我最中意既花生，好味。麻辣牛肚 個人而言頗滿意呢碟牛肚，麻得黎香，辣得黎唔會過辣，而且一碟有差唔多7至8件牛肚，分量夠多，可以同同行人分享，咁啱同行友人不喜好麻辣，唯有自私食，嘻嘻至於友人就叫咗個芫茜皮蛋湯底我偷食咗佢幾啖，個湯清得嚟皮蛋味又濃郁，兩者個對比令個湯好有層次 。佢仲點咗冬菇、招牌豬仔腩、咖哩牛筋腩，佢哋啲肉都整到好腍btw, 呢幾款都係比較重口味既餸，重味派可以點嚟試下。仲叫左個貢棗響螺燉花膠湯，最近都忙到冇時間番屋企飲湯，所以叫番個黎滋潤下～足料、清甜

外出工作至下午2時許時才去吃午飯，途經車仔麵店，同事與我也很久沒吃，工作辛勞了，吃要自在，想吃的便吃個夠。現今在市中心吃一碗多餸麵，由數拾元至百元也有，視乎好吃與經貴情度，我會buy 前者，好吃簡單加上大眾化便最好。湯底連麵或湯底淨菜 24元，可自選加入不同的醬汁 (在單上寫上分碟上，醬汁便不會加在湯底內)；最少選3款餸，價錢由8元- 15元；免費飲品或加購特飲。免費酸白蘿蔔小粒，酸甜度剛好，吃下不會 “確” 喉嚨，我們放在碟上當餸菜一起吃。金牌豬骨湯油麵 加 麻辣汁(分碟上) $24  (湯底清甜，不愛吃濃味的可選擇，自己加麻辣汁，多濃多辣自己調，加汁後湯底立刻不同了，惹味很多，吃車仔麵首選是油麵，麵質有煙韌度)柱候牛肚$15 (牛肚腍中帶咬口，柱侯醬味已滲入牛肚內，好味)招牌瑞士滷豆腐$12 (瑞士指的是甜味，用甜味汁滷出來的豆腐，同事讚不停口)清甜蘿蔔$10 (清甜沒有渣或根，不過略厭份量過少，只有兩件)金牌牛骨湯油麵 加 秘製沙嗲汁(分碟上) $24 (湯底有清甜牛味，加了沙嗲汁後變得香口)經典南乳豬手$15 (南乳汁有很香的酒味，豬手不是非常腍，但入味有咬口，外皮爽而不膩，連

近日眼見樓市有D轉勢，所以走佐去灣仔睇樓，了解一下個market。行佐5-6個單位啦，放盤的確係多佐既，但係D樓價其實都無乜點跌價，開價全部都係屋苑既破頂價，當然，無乜興趣去接火棒啦，所以就放棄，搵間餐廳食飯最實際。望到呢間車仔麵店幾四正，而且夠哂多人，咁就應該實係好啦，決定入內一試。呢間車仔麵店都幾大間，燈光柔和，感覺好整齊，好乾淨。枱面上有酸蘿蔔和辣椒醬。餐紙夠簡潦，亦都應有盡有，湯底$24，包埋一個麵，而餸料就最少要揀3個，價錢由$6 - $15不等。跟麵會有一杯熱飲送，亦都可以揀選其他既特式飲品。除佐車仔麵，同埋飯餐外，呢度亦有燉湯既選擇，$68-$128，有多款選擇，就連花膠，鮑魚都可以喺度order 得到，但值得留意既係，並唔係所有燉湯都可以order 得到既，要留意餐廳既大牌，睇下廚師預備佐邊款先可以有得 Order 。3餸車仔麵 A - $66第一碗我揀佐傳統牛骨湯 + 秘製沙爹汁 + 菠菜麵 + 皇牌豬腩仔 + 日本無公害糖心蛋 + 手工白菜餃牛骨湯比較清，飲落無味精，湯底會包佐木耳同埋椰菜，菠菜麵既麵質煮得剛剛好，食落係無菜味既，但係就夠哂口感。糖心蛋一隻開邊，好濃

今日有事做，和同事行到修頓嗰邊。做完嘢都差不多3點鐘，就在附近揾食吧。同事話好耐無食那渣麵，想食下咁話。灣仔附近其實有好多間食車仔麵的鋪頭，但都故名思義鋪頭都真係有少少那渣，而且通常都好迫，要好快食晒好快走。咁啱行過呢間四爺，原來係食車仔麵同燉湯嘅專門店，見門面光鮮，裝修又時尚新潮，最重要係啲位好闊，仲有卡位添，忙了一朝早，終於可以抖一抖。車仔麵湯底有幾款可以揀，都算幾新穎特別。同事揀咗芫茜皮蛋湯配限量的銀針粉，餸選了白菜餃、牛肚同豬腩肉，芫茜湯話說有清熱和抗氧化功效，成效就唔知啦，但湯就好清甜，無味精！銀針粉好大條又爽口，豬腩肉用咗五花腩鹵，雖然有幾層肥膏，但入口一啲都唔膩，個汁好好味！牛肚用柱侯醬炆，味香濃，牛肚用咗金錢肚，爽口唔會太腍👍我就揀咗小辣金牌麻辣湯配菠菜麵，餸選了苟菜餃、鹵大腸同牛根腩，麻辣湯辣味剛好，唔會辣到噴火，惹味的如果多少少麻就更出色，苟菜餃大大隻，餡很多；豬腸無異味，有3大舊，我諗同其他比應該有6-8舊嘅份量，非常底食；牛根腩又係出奇的多，炆得入味，牛腩好瘦但好軟熟，無痴牙！😂同事話平時少飲燉湯，見佢地係專門店，所以想試下。我地揀咗鮑魚花膠燉火曈，嚟到時真係嚇

這間四爺車仔麵之前經過見到覺得幾特別，食車仔面都有靚湯，除靚湯外，還有時令老火湯底的多款粉面，及有瑞士汁豬仔腩、麻辣牛肚、咖哩牛筋腩、清甜蘿白、南乳豬手及珍珠冬菇...等加配，除了粉面，其實還有客飯套餐。餐廳大部份是卡位，坐得寬敞舒適。蟲草花花膠百合燉雞腳$128既然是招牌燉湯，怎少得了叫個靚湯，蟲草花花膠百合燉雞腳，𥚃面材料都頗多，蟲草花、花膠、百合及雞腳都份量適中，真材實料的，令湯底很清甜。四爺既然做車仔麵出名，我們就要了車仔粉麵。湯底有四爺秘制芫茜皮蛋湯、金牌麻辣湯、金牌豬骨湯、傳統牛骨湯等。粉麵類有比較多的選擇，有幼麵、粗麵、油麵、米線、米粉、河粉、烏冬及讚岐烏冬等。要了個金牌豬骨湯米粉$24，加配黃帝菜$10，咖哩牛筋腩$15，皇牌豬腩仔$15，米粉，與比較濃厚的豬骨湯底齊食，很是清甜爽口。咖哩牛筋腩，淡淡的咖哩味，牛筋腩很腍滑。皇牌豬腩仔也是比較腍，很有肉味。腩汁湯油麵$24，加配咖哩牛柏葉$15，手工白菜餃$17，經典南乳豬手$15油面軟滑有咬口。咖哩牛柏葉，牛柏葉帶㸃咖哩味很腍滑。經典南乳豬手也是炆得很腍很入味。

車仔麵係香港特色之一，想揀咩餸就食乜嘢餸！今次去咗呢間特色車仔麵嘅餐廳試，想試下佢究竟有咩咁特別一行二人，一碗三餸車仔麵、一碗咖哩牛腩飯、一個燉湯。而我今次主要就住車仔麵同埋燉湯黎講🌻平時食嘅車仔麵只限米粉、河粉、米線等既選擇，但係餐廳提供額外例如菠菜麵、烏冬等選擇我就揀左我最鍾意嘅波菜麵，食落去其實幾好味，如果下次再揀我未必加麻辣汁，因為其實牛骨湯本身好鮮甜。簡單來講，無論係湯底定係餸，呢個車仔麵配搭多選擇多，可以根據個人嘅口味挑選，餐廳亦都會將客人選擇嘅餸菜分小碟擺放，睇落去好精緻🌻除咗車仔麵之外，其實呢度仲有幾款燉湯。本身想試吓一個類似猴頭菇嘅湯水，不過唔知係咪太受歡迎已經賣晒啦！所以我就試吓牛乳花膠湯，其實感覺上好似糖水不過飲落去佢係有牛奶嘅香味，但係唔係糖水咁甜，帶有清清地嘅感覺。