國金軒

營業中

休息中

是晚宴客，選了在國金軒，熟悉的地方，只是身邊的人不同了。人生就是如此。跟客戶吃晚餐，當然要有體面，這裡的貴賓房，環境很好，實在適合不過。女兒紅花雕杞子醉雞 $168：8.5分，天氣熱，開了支香檳，配上的是女兒紅花雕杞子醉雞。女兒紅加上花雕，酒味挺突出，雞肉亦很嫩滑，有水準。蜜餞伊比利亞黑豚叉燒 $288：8分，一向很喜歡國金軒的叉燒，是晚吃到的，水準稍稍不及從前，用上伊比利亞黑豚，半肥瘦的位置，但肉質不夠鬆化，偏實了點，肉味就是不錯的。北京片皮鴨 $888：8.5分，國金軒的重頭戲還是片皮鴨。這時也開了支紅酒，是差不多這餐飯的一半價錢，愛酒的，當然高興。說回片皮鴨，上檯時，還是連皮帶肉的去片，是正宗的做法。鴨皮是香脆的，鴨肉質感亦嫩滑。一食配上餅皮，加上鴨醬及青瓜，還是令人一件接一件的吃。玫瑰金腿鮑魚酥 $380：8.5分，上菜有點混亂，這時才送上玫瑰金腿鮑魚酥。鮑魚夠腍身，金腿帶點鹹香，酥皮挺酥脆。$380是轉做五粒的份量，正常就是$228一客三粒的。鳳梨咕嚕肉 $298：8.5分，要來點下酒菜，就選來鳳梨咕嚕肉。是炸得幾香脆的，甜酸度也較得幾好，是開胃的。宋嫂花膠星班羹 $228：

跟朋友慶祝生日，選了國金軒國金軒最近都很難訂位這次訂位要在2:00嚐不到任吃點心但不打緊，這裡的中菜也非常棒的👍🏻我們點了魚湯米粉、雞、點心每一樣都好好吃👍🏻

Mira staycation package，一泊二食，晚餐就揀咗係佢樓下嘅國金軒中菜廳食一個chef menu。今晚有乜食就一張menu睇得晒。菜圃 - 自家醃製，爽脆得嚟帶鹹香，作為小食不錯。溫室南瓜鮮蟹肉釀蟹蓋、蜜餞西班牙伊比利亞黑毛豬叉燒蜜餞西班牙伊比利亞黑毛豬叉燒 - 先講叉燒，係幾好食蜜餞味少重，黑毛豬嫩滑得嚟又有咬口，但唔夠肥。溫室南瓜鮮蟹肉釀蟹蓋 - 生拆蟹肉，蟹肉一梳梳，啖啖肉食落好爽南瓜的清甜與蟹肉的鮮甜兩者配合平衡得好好，好食。花菇燉菜膽燉湯 - 湯底好清，但味濃，花菇太細無菇香，菜膽去除所有葉，淨得最甜的芯位，但花菇唔靚，酒店中菜廳嚟講唔合格。黑松露小尖椒野菌琵琶蝦 - 夠鑊氣，炒得夠乾身，先講口感有三種，野菌的Q彈，琵琶蝦的爽彈及尖椒脆口，口感豐富；黑松露而沒有遮蓋身材本身食味，配合快炒得宜，好吃。紅酒燒汁慢煮野鴨胸 - 鴨胸肉慢煮好淋滑，但皮脂太油及靭，完全咬不開皮脂部分， 鴨胸已經好油再加上紅酒燒汁油膩感倍增，不好吃。桃園素冬林 - 食完一個異常油膩嘅鴨胸，就上一個全素清新嘅素菜，食味平淡，但食得出材食係靚貨。香芋臘腸蘭香絲苗 - 炒得乾身，飯粒與臘腸分

✨金箔筍尖蝦餃蝦餃好大隻 皮薄 蝦爽彈鮮甜✨黑松露野菌餃皮薄 濃濃黑松露味 野菌清香✨黃金紫薯流沙包賣相紫色好靚紫薯味唔出 同普通包冇乜分別內餡 有流沙但偏稠身 所以流心效果唔算太好✨原隻鮑魚雞粒酥鮑魚有鮮味 內餡略鹹酥夠鬆化 但冇乜牛油香 比較普通✨雪山菠蘿叉燒包雪山皮焗得夠酥脆 包夠鬆軟叉燒夠多 鹹甜適中✨法國鵝肝荔芋角外層 蜂巢炸皮 好薄好鬆化內層 芋蓉好綿 濃濃芋頭味 鵝肝雖然細細粒 但充滿油脂香整體唔錯✨白胡椒豬肚雲吞白胡椒味濃 微微辣豬肚腍 雲吞正常✨北京片皮鴨 (二食)片皮鴨 配薄餅 (一食)片皮鴨份量足 有兩碟唔同片法皮脆 有少少油脂 甘香肉嫩有肉汁薄餅皮 厚薄適中夠軟熟 有蒸爐暖住 食到最後都唔會凍同變乾生菜包鴨崧 (二食)炒鴨崧 乾身 味道偏濃味生菜 新鮮爽脆有剪裁過 大小適中方便食用✨焗燕窩蛋撻燕窩足料 蛋味唔算濃酥皮撻底 鬆脆 層次唔明顯 欠牛油香✨香檳啫喱芒果布甸配椰汁柚子西米露上層 椰汁柚子西米露 好香椰汁味 柚子唔酸 西米略少中層 芒果布甸 夠香滑底層 香檳啫喱 酒味幾出 口感唔會太實簡單講一次過滿足晒三個願望但我自己覺得如果次序掉轉可能會好d因為而家次序

疫情緩和，但仍插翼難飛，唯有在本地大大力消費，愈高級既餐廳食肆，人客愈多，有些訂位已訂到明年。美麗華國金軒無咁誇張，不過絕對唔係弱，週中來到也是座無虛席。多得朋友安排，預先寫好菜單，可以餸來張口，吃到宏師傅既得意之作，岩晒懶到出汁既筆者。頭盤係黃椒醬涼拌北寄貝。個人對北寄貝本來無乜好感，總覺是像吃橡皮膠。國金軒的出品當然不一樣，爽脆而不韌，伴上醒胃的黃椒醬，很清新。在炎炎夏日以清爽的冷盤作開端，實屬合宜的安排。總廚很細心，連湯品亦是讓人能打開胃口的松葉蟹酸辣羹。有別於平時嚐到的酸辣湯，這是辣勁很溫和，我甚至覺得是完全不辣的。反而滲出咸咸甜甜的味道。不過，都是開胃既。佐料切得幼細，松葉松份量倒是不少，挺有趣。接著的星斑米湯浸蟹粉龍蝦球，龍蝦鮮甜爽彈，蟹粉夠多又香口，最令人滿足。是夜吃的魚，係馬友，配以金腿及酒糟去蒸。師傅將馬友肚開，起雙飛，魚尾豎起，賣相幾有氣勢。火侯控制查實不容置疑，魚肉嫩滑，最重要是溫度充足，蠻不錯的。夾上少許酒糟，與及金腿一同放入口，咸香又有層次。這條魚，很讚！蔬菜是必然之項目，但總不會只來個炒菜咁平凡，位上的脆米濃湯元貝皇泡莧菜，是朋友的安排。湯頭清甜濃郁不在話下

閨密飯聚 揀國金軒係因為Mira Plus主餐牌有75折環境整潔優雅，但是晚溫度偏高…食到滴汗XO醬鹹香辣度適中，係三款中最好上枱微暖、乾身、鱔肉脆口、冇泥腥味可惜鱔皮嗰邊烤過龍…有啲硬身炸漿包住蝦球，口感爽口彈牙，可惜冇乜鮮味欖菜、辣椒香氣四溢，絲毫沒有油膩感，送飯一流需要預訂菜式第一時間食雞髀🍗 雞肉鮮嫩微甜，油脂又少，充滿醬油香金銀蛋、蝦乾、莧菜普通貨色，但吸盡濃厚湯頭後，就變得好match可惜莧菜overcooked叉燒偏乾硬 麵條腍啤啤鬆軟、微甜、熱辣辣係目前為止食過最出色嘅上枱杏香撲鼻、濃稠微甜兼熱辣辣芝麻湯圓～芝香軟糯芒果、金柚、西米…好足料酸酸甜甜透心涼喱度係米芝蓮推介🤔 可能是夜order嘅都唔係國金軒嘅撚手菜式但收費合理，做到value for money適合gathering下次再嚟會揀飲茶食點心…expect有不一樣嘅體驗卡拉不專業foodreview

已有一段時間沒到國金軒吃宏師傅的正菜，適逢好友放假那便一於吃場久違了的三人飯聚吧！打頭陣的有這個黃椒醬涼拌北寄貝，肥美肉口的新鮮北寄貝口感鮮爽撩人，伴以微辣帶甜的惹味黃椒醬很吸引，墊底的粉皮索盡了醬汁味道令整道菜式更臻完美。緊接着侍應為我們送上這個松葉蟹酸辣羹，酸辣羹呷下酸中透辣、辣中透鹹、鹹中透香、香中透鮮，加上梳梳松葉蟹肉喝得我非常滿足！第三道菜星斑米湯浸蟹粉龍蝦球賣相已經夠吸引，那海量甘香蟹粉緊緊擁抱著鮮爽的龍蝦球，浸淫於活像蒸蛋白的鮮味米湯當中，最妙極的是配了香脆的油條令整道菜式多了一份層次口感更加迷人。眼闊肚窄的我將整道龍蝦菜式吃光光後其實已經半飽了！但此刻上來的竟是原條金腿酒糟蒸馬友，就算有多滿足也要撐下去最多走的時候行多點路吧！馬友魚被酒糟和雲腿覆蓋著來蒸熟，吃來夾著甜美和鹹香及油脂的豐腴口感，得出我十分喜歡的味道確是迷人。吃過香濃菜式過後以這一客脆米濃湯元貝皇泡莧菜來間間場！乳白色香甜濃湯浸泡抱著嫩口的莧菜，內裏還有鮮甜軟綿的大元貝，宏師傅更巧妙地加入了脆米令蔬菜也能吃得更有口感，這一著完全能滿足了我貪心的味蕾。我曾經說過宏師傅有一個外太空的腦袋，皆因他的創作確實每每教

今日三位金蘭閨密食飯，找來了高雅舒適有氣派粵菜「國金軒」。🥢前菜煙燻素鵝 $138腐皮充滿著煙燻木味，包著芹菜、甘筍清甜爽口。🥢國金一品炸子雞工序繁複的一道粵菜炸子雞，先要上色風乾再淋滾油重複至金黃色，食落先有皮脆肉嫩多汁效果，啖啖都充滿香濃雞肉味，吸引我每次來都必食。😍😋🥢金沙鮮蝦球 $188咸蛋黃密封整隻蝦球香氣十足，外層咸脆起沙內層爽口彈牙，妙不可言一啖一口過足癮。😋🥢蝦乾炒芥蘭蝦乾加了點咸魚炒芥蘭，十分惹味可以形容咸香有序，芥蘭爽嫩蝦乾大隻，一點都不油膩。👍🥢甜品雙拼完美一定要用在這裡，紅棗糕香滑清甜陣陣棗香，蛋白杏仁茶我最愛杏仁香氣陣陣撲鼻，足料杏汁飲啖啖都覺得滋潤。🤤🧐下次叫多個朋友先，四人可以試呢個餐。

近日加了 The mira plus 會員 雖然會籍 不菲 但有禮券回饋 而且旗下 食肆 商店都有折扣 非常化算🥢🥢這天 到了尖沙咀 美麗華酒店商場 國金軒 已預早2星期訂座 吃午市 點心放題 合共25款 咸甜美點 糖水等…… 任點任食 🫖🫖唯獨 是日例湯 每人只限一碗 無得添飲 當然超美味 足料老火 沒有加味精 🥣🥣而每款點心 外表雖然一般 但製作用料新鮮 師傅工夫了得 調味到家 蒸煮時間恰當 可說是 高品質 精緻 每款都很好吃 沒有甚麼缺失 👍👍員工服務態度 超好 細心 不斷來回 關顧客人 食物如何 茶夠熱嘛 要加水嗎 非常暖心 🥰🥰每張枱之間 距離寬闊 我們2人 亦不設搭枱 外面三十幾度 餐廳依然 坐得舒適 🥢🥢雖然折扣後 每人平均 400元 但以點心質量 服務態度 環境舒適 絕對值得 貴是有道理的 🤵‍♂️🤵‍♀️

同同事喺附近工作完畢～誤打誤撞試左呢間中餐廳時間好趕，店員應該就嚟落場但都好禮貌招呼我哋！叫咗午市套餐，$438/1位 加一服務費每樣食物份量都比較細，但味道不錯～唔會好重口味同好多味精！聽講國金軒嘅蜜汁叉燒好好食，試完覺得有啲普通反而春卷同鮮蝦餃比較出色！鮮蝦餃上面仲舖咗金箔！好高級～果然係米芝蓮點心！呢個套餐仲有甜品但因為趕時間，所以無食到～可惜！裝修好有氣派，環境都坐得好舒服店員服務亦無可挑剔～

🧡國金燒味一品薈萃 （💰 368) 8.3/10之前黎只係試過淨食叉燒🤔今次依個拼盤再有多兩款嘢食燒腩仔同海蜇👉🏻想當年我哋一家都好鍾意食x心皇宮嘅燒腩仔但依到燒腩仔略勝一籌😌外皮脆卜卜 肥瘦比例適中 有炭火燒烤味🥰🥰👉🏻依家嘅叉燒買咁貴嘅原因係🧐用西班牙黑毛豬小知識💁🏻‍♀️伊比利亞黑毛豬係食足6個月橡果 橡果含豐富嘅油分同蛋白質 所以黑毛豬肉質不但肥美 肉味亦更濃郁只可以話食物質量對得起依個價錢👉🏻 海蜇較粗身 彈牙 味道無特別🧡荔芋香酥鴨 （💰 298) 8.5/10傳統粵菜 工序繁複 好考功夫所以唔係好多餐廳有依款菜式🤔原本食第一啖覺得普普通通但一分開外皮 同鴨食 就好有驚喜💓外皮超酥脆 芋香味重鴨肉唔膩 肉質好嫩🧡松露南瓜蟹肉蛋白絲苖炒飯 （💰 298) 8.8/10好重松露香味 南瓜粒好甜 蟹肉甘香飯質軟濕 唔油如果有多啲鑊氣 會更加好味😳🧡砂鍋砵酒生蠔（💰 428) 7.5/10生蠔肉厚又大 一共有6隻蠔邊煎到好乾身 肚身好creamy但價錢略貴 🧡豆腐花（💰 98) 5/10唔算濃豆香 唔算滑

放假同咗屋企人去國金軒食飯係美麗華入面不過都幾難搵個入口 🥧玫瑰金腿鮑魚酥 $228/3件黎到係暖笠笠 放入口溫度岩岩好細細舊 相當精緻好岩一啖放落口鮑魚煮得好入味同好淋好香玫瑰味好清新🌹酥皮就算放左一陣先食都仲暖笠笠好鬆軟好好食 🦞三蔥干邑煮龍蝦 $248/位每位有一隻小蝦鉗 同半隻小龍蝦個汁好好味 好香龍蝦肉身好爽 不過得細細件兩啖就食晒 好唔夠喉◝(•̀ㅂ•́) 🥘棗皇雙冬火腩星斑球煲 $568 一上枱過咗幾分鐘已經撈嚟食但已經痴咗底Σ(-᷅_-᷄๑)一撈啲魚肉就整散晒 搞到扣咗分魚肉份量係多同脆口 仲有菇 荀同好大粒紅棗做配菜口感幾豐富！ 🥘古法三弄澳洲和牛面脥 $388 整得好淋～肉味好香濃 好好食(๑˃̵ᴗ˂̵) 🥘松露南瓜蟹肉蛋白絲苗 $268成個飯比較淡啲 無乜味就係一個清清地嘅蛋白炒飯咁好普通！🧁國金三式美點 $98聽人講呢度嘅燕窩蛋撻好好食但又想食棗皇糕所以叫咗呢個三式美點一次過滿足晒我嘅願望燕窩蛋撻暖暖地首先超多燕窩 一咬就漏晒出嚟好鬆軟！棗皇糕超濃紅棗味咬落去煙煙韌韌！楊枝甘露就比較酸 味道正正常常無乜特別！整體都唔錯 同埋啲待應好好會成日主動幫手加水(*´∇｀*)屋企人

家人生日，要找中菜餐廳吃飯。剛好朋友是會員可以幫我們訂檯。當日才決定想買蛋糕上去，所以打電話問問有沒有切餅費。原來在酒店餅房Coco買蛋糕上去就不會另外收費。而且匯豐恆生白金卡還有85折。👏🏼👏🏼👏🏼太好啦！之前在網上研究過有什麼必吃，原來是片皮鴨和叉燒。但我太遲發現，已經預訂不到鴨（要48小時前訂），唯有下次再試。一來就吃叉燒，實在不得了！好好食！這個真是黯然銷魂飯裡面的叉燒！我們個個都讚不絕口👍🏻👍🏻👍🏻不過我發現伊比利亞豬是煮什麼都好食。肥瘦剛剛好。然後就上桂花一品燒雞。這個也是不得了，炸子雞的脆皮，配桂花醬，非常適合。下次必點！因為怕半隻雞不夠吃所以叫另一種半隻雞。這個就真的是炸子雞，但反而這個皮不是很脆，有種燒鴨的感覺，另外配檸檬醬，又有種西檸雞的食法，也是很特別的一道雞。然後很久沒有吃咕嚕肉，所以試一下這裡的會不會有驚喜。我會說比平時吃的更好吃，不會太酸，沒有骨，皮不會包很厚才吃到肉。非常足料。菜方面選了金銀蛋泡鮮蔬。其實這道菜毫無懸念也會是莧菜。但這個不是死鹹，吃完還有一種餘香在口中。但就是想不起來是什麼🤔但是是好吃的。松露南瓜炒飯正常，很有鑊氣的一個炒飯👍🏻其實後來我們

星期五晚，心血來潮，就突然預約國金軒，中菜聚餐，一家人夜晚去食餐飯於是就即日打電話去訂枱，好彩臨時都有位第一次去到國金軒，因為疫情關係，座位都好闊落，我哋四個人坐一張大枱，點左幾個小菜，每碟小菜份量都唔太大，最後重點左幾件甜品叫咗叉燒，燒雞，窩飯，浸時蔬甜品有燕窩蛋撻，紅棗糕，蛋白杏仁茶，楊枝甘露甜品份量可以一人一份，味道都唔錯呢度環境都幾舒服，服務都OK食飯期間發現幾乎滿座總括嚟講呢餐飯都唔錯。

每次到【國金軒】都令我食得超級的滿足，本來諗住食有齊京式片皮鴨、澳洲龍蝦及沙巴龍躉的「海陸二重奏」套餐，但見到主廚鄧浩宏師傅在場，就即時轉駄，講明必食片皮鴨外，其他就由他發辦，故此由頭盤至甜品，款款超好味，大家都食到捧住個肚，最後返到屋企要飲杯鳳梨酵素來幫助消化，但都覺得好值得。「片皮鴨兩食」皮脆肉嫩的鴨皮，夾埋自家製甜薑絲及其他新鮮配料，本來諗住食兩件，最後忍唔住食足4件。「冶味醬鴨肉鍋巴筒」兩食一般是生菜包住鴨鬆，但鄧師傅用窩巴卷成如甜筒般，成為將鴨鬆填滿筒內，好創新，脆卜卜好惹味，只能用超好味來形容；每道菜同樣高質，每一口都是滋味的享受。「糟椒鴛鴦雞」用了竹絲雞、三黃雞及米糟，以65度的水溫慢煮三小時，令雞肉軟嫰還滲出陣陣的酒香；面頭的啫喱晶瑩通透，細問之下，原來是女兒紅花雕加入花膠與雞湯做成啫喱，甜甜的很好吃。「十五年陳皮椰子花膠雛鴿湯」我的至愛登場了，這道雛鴿湯，未入口已聞到陣陣椰子香，還有大大件的花膠，好滋補呀，真好好飲呀!「瑤池妃玉」用了蒸蘭王雞蛋，取其蛋味香濃，面層放上經過油泡的薄切南非八至十頭鮑魚，最後再淋上了龍蝦油，鮮味十足，還有那鹹香的法國魚子醬，立即升級好矜貴呀