163
83
35
| 餐廳: | 多賀野 (K11 Musea) |
|---|---|
| 優惠: |
於此國泰夥伴餐廳用餐賺里 ! 國泰會員於夥伴餐廳消費可賺高達HKD4 = 2里數。受有關條款約束。 |
|
條款及細則:
|
|
|
|
影片
開飯介紹
來自東京的米芝蓮推介拉麵店，食物即叫即製，食客可以透過玻璃觀看製麵過程。拉麵煙韌，湯底味道濃郁。
繼續閱讀
營業時間
今日營業
11:30 - 22:00
星期一至日
11:30 - 22:00
*最後落單時間: 21:30
以上資料只供參考, 請與餐廳確認詳情
優惠
| 餐廳: | 多賀野 (K11 Musea) |
|---|---|
| 優惠: | 國泰會員於夥伴餐廳消費可賺高達HKD4 = 2里數。受有關條款約束。 |
|
條款及細則:
|
|
|
|
相關文章
多賀野拉麵店是來自東京的米芝蓮推介拉麵店位於K11 Musea多賀野拉麵以其獨特的醬油拉麵聞名，湯底清澈鮮甜，絲毫不油膩拉麵的製作過程非常講究，採用四種不同的日本專業麵粉，經過一夜的發酵，使得麵條煙韌有嚼勁，細嚼慢嚥後散髮出陣陣麥香首先來的是經典的多賀野醬油拉麵，湯底選用雞、豚、鰹魚等優質食材熬制而成，層次豐富，口感濃郁湯底清澈不油膩，醬油味濃郁，帶有淡淡的麥香拉麵彈牙，鋪著兩片半肥瘦的叉燒，肉質柔軟多汁，叉燒肉嫩滑多汁溏心蛋煮得恰到好處，蛋白柔嫩，蛋黃流心，讓人回味無窮除了叉燒和溏心蛋，還有紫菜、洋蔥絲等，增加了口感的層次感每一口拉麵都讓人陶醉其中，湯底的鮮甜與拉麵的勁道完美結合，讓人回味無窮再來是日式煎餃子餃子皮薄餡多，煎得恰到好處，外皮酥脆，內餡鮮美多汁，搭配特製的醬油和醋，味道更加豐富最後是辛辣沾麵沾麵的湯底濃稠鮮甜，帶有微微的辣味，非常開胃麵條硬身有彈性，能夠很好地掛住湯汁無論是食物的品質還是店內的氛圍深刻感受到了日式拉麵的魅力都是值得高度推薦的如果你也是拉麵愛好者，不妨來這裡一試
繼續閱讀
喺K11行完街見到呢間咁多人排隊就諗住試吓，點知又真係有佢排隊嘅道理喎#極上蟹皇沾麵 蟹皇沾麵真係好啱鍾意食蟹嘅朋友仔，首先成個蟹除咗蟹湯之外，仲有一隻炸軟殼蟹同埋蟹膏醬仲有蟹肉，軟殼蟹炸得好酥脆，配埋七味粉咁食就更加惹味，而啲面煮到啱啱好，質感好彈牙，將啲麵浸落蟹湯度令到每一條面都掛滿蟹湯，令成碗麵都充滿蟹香味，忍唔住飲埋啲湯#黑松露沾麵 一拎上嚟已經聞到好香嘅黑松露味，啲炸菇外層炸到金黃酥脆，內裡仲保持住鮮嫩嘅口感，咬落去嗰陣仲會發出清脆嘅聲音，令人食指大動，而啲麵都吸收咗松露醬汁，味道層次豐富，一路食一路聞住黑松露嘅獨特香氣都幾正#蟹肉薯餅 薯餅外脆內軟，搭配新鮮蟹肉，整體都幾特別，點埋醬汁去食更加提升咗整體嘅風味#富士蘋果生芝士蛋糕 富士蘋果生芝士蛋糕完美結合咗新鮮的富士蘋果和香滑的芝士，蛋糕底部唔係好爽脆嘅曲奇餅底，所以令到整體嘅感覺好一致，入口即溶#福岡縣柚子芝士蛋糕柚子芝士蛋糕底部鬆軟，搭配滑順的芝士餡，口感非常柔和。不過就略嫌呢個蛋糕甜得滯，需要飲返杯嘢解一解膩
繼續閱讀
見呢間野平時好多人排隊，今日有位就試下，我同朋友都叫左醬油拉麵，諗著應該隱陣，點知一食覺得好難食，主要係個麵難食，湯底和配料都正常，個麵難食到我打冷震。可能我唔識欣賞啦。但店員服務很好。
繼續閱讀
又係過江龍店🐉。响日本某平台嘅評分有成 3.89，分數上係絕對係亮眼。其實我之前都有食過，不過成年前，唔太有印象，而且當時未開始寫食評，粗略印象當時係覺得麻麻地，但基於集郵心態，一於去多次，試下當時未試過嘅另一款拉麵。《粟國鹽味拉麵🍜》粟國本身我未聽過，search完先知係位於沖繩嘅一個島，我諗佢係想強調鹽嘅出產地。香味 (3/5) - 鹽本身係聞唔到的，大家都知道。如果食鹽拉麵，香味方面我會重視有冇一種顯著嘅基底同軸心，咁，佢嘅底味係來自鰹魚湯，都算好聞，其次有少少芝麻嘅香味。湯 (3/5) - 未講個湯好唔好味之前，我想先講，據一本講拉麵歷史嘅書所記載，多賀野呢間店係標榜佢地係冇用味精，又稱為”無化調”味型。冇左味精嘅加持，旨味（うまみ umami），即鮮味，就要靠食材本身去呈現。咁無加味精對我來講就冇話一定係好，因為就算加，加得高明，食完身體冇唔舒服嘅話其實又有乜所謂呢。講返正題，個湯嘅味道主要係來自鰹魚湯，我食唔出雞骨或豬骨湯本身嘅鮮味，蔬菜味唔明顯，粟國鹽係咪可以單天保至尊我又認為未至於。從湯嘅色澤，味道，䶢度，同芝麻帶出來嘅風味來講，我認為都算係正常水準，唔好唔壞，但一定唔係驚艷級數。麵條 (4/5) - 麵方面係有驚喜，佢係用中細麵，有加全粒小麥粉，麵味充足，驚艷到我嘅係麵條非常的爽口，我認為非常唔錯。配料 (2.5/5) - 豬叉燒係用豬五花，腩肉來講佢算瘦。可惜肉質偏硬，冇足夠肉味，麻麻地。荀方面，算粗，口感算爽脆，荀味清甜，幾好。溏心蛋方面，我認為有入味，有蛋香，不過偏熟左少少，普通啦。蔥方面，佢係橫切，而唔係切條，唔夠有心機。另外一提，除左碗麵本身我認為麻麻地之外，有一樣野我係比較唔滿意，就係個燈光。成間店都偏暗，而所有位都冇刻意加盞燈去照明，令到影相偏暗，光用肉眼睇都覺得睇得唔夠清楚，連d麵有用全粒小麥粉我都係睇相先察覺到。單單係影相唔靚，响而家d名店 setting 來講非常蝕底，成件事變得唔 IGable.另外想講講個調味架，一般來講，好多拉麵店嘅 bar 枱位都係每張個位有一 set，而咁啱我個位係冇的，要開口問先有。而，d調味料之一，係選用左七味粉，我認為有心思嘅拉麵店應該係要用一味粉，因為七味粉除左辣味，仲有其他味道，會容易破壞個味道平衡。我正正加左七味粉之後，我就覺得味道失衡，但可能係我重手左都唔定。值得一讚係，調味架上個醬油，佢有貫徹”無化調”嘅宗旨，選用左食唔出有加味精嘅醬油，雖然個湯本身夠鹹，但我都刻意額外試左幾滴個醬油去核實呢件事，所以都值得一提。最後，我都係清晒。順帶一提，個碗嘅設計同一蘭有類似嘅點子，碗底有一句意思類近嘅句子，大概都係話：最後一滴湯令人超滿足。不過，一蘭係比到呢個感覺我，呢道就講真冇。整體 - 不推介。
繼續閱讀
今日黎左k11 既多賀野食蟹王拉麵，朋友話好重蟹味，我呢個食蟹控一定要去試試🤤呢一間鋪裝修幾靚，幾日本風，仲有一部製麵機係鋪頭，每日新鮮整麵👍👍麵到了！！ 個湯好香好濃，蟹味好足，啲麵因為係製麵機整，唔係叫貨，所以比較一般既拉麵會偏硬身少少，我自己覺得都彈牙，口感幾好👍👍仲有果份炸蟹，好大隻，炸得幾脆，唔會勁多炸漿。配埋半隻糖心蛋，我一個人係食唔哂成個麵😂 食到最後覺得有少少膩😂不過我整體覺得幾好食。
繼續閱讀